CONTRADICTION

substantif féminin

[T-L : contredicïon ; GDC : contrediction ; AND : contradiction ; FEW (II-2, 1118b) : contradicere ; TLF (VI, 62b) : contradiction]

A. -Opposition, incompatibilité (entre différentes propositions).

Et donc par ces instances et par semblables appert clerement que dire que une chose puisse avoir commencement et durer sanz fin n'est pas impossible simplement et qui contiengne ou implique contradiction. (Oresme, C.M., c.1377, 242)

Et ce ne enclot aucune contradicion, et donques par semblable il ne s'ensuit pas contradiction se l'en dit que une chose puet touzjours estre et puet non estre aucune foys. (Oresme, C.M., c.1377, 246)

...et pour ce que Dido vint en Cartage, sembleroit contradicion, mais il s'entend donner nouvelle ordre en la cité en aucuns batissemens, comme a esté fait à Romme puis nostre temps et autre part (Simon De Phares, Astrol., c.1494-1498, f° 33 v°)

Différence, opposition entre plusieurs choses.

Et deveis savoir que tuit ly hoirs marles deskendus des hoirs do jadit monssaingnor Libier Crepon crient Domartien, non-obstant la contradiction de leurs blazons. (Hemricourt, Miroir Hesb. B.B., 1353-1398, 426)

B. -Contestation, opposition.

...contrestant la contradicion que i fist Appius Claudius... (Bers., I, 9, c.1354-1359, 42.2, 78)

...grant contradiction Estoit de moi faite souvent (Guill. Digull., Pèler. J.-C. S., 1358, 325)

Car celuy avoit apaisié les siecles en sa nativité qui estoit venu pour deffacer l'empire du dyable, de mort et de contradiction. (Foul., Policrat. B., VIII, 1372, 96)

N'as tu pas leu que le peuple d'Israël fut par .XL. ans errant par les desers pour leurs contraditions et murmures, dont ilz enaigrirent sur eulx l'indignation de Dieu. (Chart., L. Esp., c.1429-1430, 76)

Et par ton [de la France] empeschement et contradicion ledit roy y mourut (Juv. Urs., Aud. celi, 1435, 152)

Et là eult grosse contradicion pour porter ledit corps jucques à l'église ['débat, querelle pour savoir qui porterait...'] (Chart. J., Chron. Ch. VII, V., t.3, c.1437-1464, 116)

Et tu peulx veoir maintenant que de luy et de Regnier nous aurons vengance des contradictions qu'ilz nous ont faittes et des aultres leurs subgetz semblablement (Bagnyon, Hist. Charlem. K., c.1465-1470, 147)

Touteffois, au moyen de quelzques reffuz ou contradictions qui y ont esté faictes, il n'a encores esté mis en sadicte possession, dont nous donnons merveilles. (Lettres Ch. VIII, P., t.3, 1492, 250)

Alphorabius, excellant philosophe et astrologien, fut en ce temps, lequel predist l'occision faicte en Angleterre et les contradictions des princes de Almaigne et l'appariction d'une commecte, qui fut en son temps. (Simon De Phares, Astrol., c.1494-1498, f° 108 r°)

Sentiments contraires, débat (intérieur), hésitation.

La balade en sa main tenoit Sans quelque contradiction Celle qui bel se maintenoit (Taillev., Songe thois. D., 1431, 68)

Si avoit en son cuer tant grande contradiccion et si divers regretz qu'il ne savoit qu'il devoit faire. (Chastel. Vergier S., c.1450-1480, 94)

Sans (aucune/nulle) contradiction. Sans qu'il y ait de contestation.

...elle veult et adcorde que doresenavant les diz achatteurs puissent gaigier (en et sur tous les diz heritages et trois muiz et demy de blef de rente) par les quatre termes en l'an a Paris acoustumés, sans contradicion ou enpeschement quelconques (Chartes Abb. St-Magl. T.F., t.3, 1350, 169)

...aprés les quiex decés, les diz religieus ou leurs successeurs pourront de leur plain droit et auttorité entrer ou dit jardin, baillié conme dit est, et ronpre et entrer de fait en la dite cloison et jardin, et iceulx appliquier a eulx et a leur eglise avecques les ediffices et appentiz, se faiz y sont, senz contradicion aucune que l'an leur y peust ne soit tenus de mettre (Chartes Abb. St-Magl. T.F., t.3, 1368, 367)

...et s'aucun des freres de ladicte priouré ou autre quelconque personne y estoit mis pour garder ledit moullin, il lui appartendra mort bois sans livrée pour chauffer, et herbages à ses bestes en ladicte forest allantes et venantes par ladicte haie d'Ambenay, sans contradiction (Hector De Chartres, Cout. R., 1398-1408, 283)

Car non obstant toutes les tirannises dessusdictes (...) nous demourons en ton obeissance et te servons (...) et obbeissons a tes officiers, sans aucune contradiccion. (Juv. Urs., Loquar, 1440, 312)

Et le XV^e jour de juillet enssievant, a tout son excercité de gens, vint et entra dedens la cité de Napples sans nulle contradiccion, et par l'espasse d'un an il eust les chasteaux, neuf et de l'Uef, que madicte dame la royne Jehanne tenoit. (La Sale, Salade, c.1442-1444, 188)

Je te vueil aprendre la parfaicte abnegacion de toy mesmes. Sieu moy, et ma volenté sans contradicion ne querelle. (Internele consol. P., 1447, 248)

Se tous tes dieux (...) Et le monde estoint ensemble Et jhesu crist tout seulemant Vouloit a ung seul movemant Sans nulle contradicïon Tout mettroit a confusïon (Oudin, St Genis M.S., c.1490, 92)

Sans contestation possible, assurément.

Et que pis est, les troys vieilles horribles du consistoire d'Avignon et la vieille Supersticieuse en la nef francoise sans contredicion feront leurs hours tumber. (Mézières, Songe vieil pèl. C., t.2, c.1386-1389, 489)

Helas ! au fort, en ton humanité Voulciz souffrir sans contradiccion Sy doloreuse et griefve passion (Myst. st Adr. P., c.1450-1485, 89)

Remarque : Jourd. Blaye alex. M., a.1455, gloss.