CONCORDANCE

substantif féminin

[T-L : concordance ; GD : concordance ; GDC : concordance ; AND : concordance ; DECT : concordance ; FEW (II-2, 1012b) : concordare ; TLF (V, 1255b) : concordance]

A. -Entente, concorde, accord entre des personnes, des opinions.

Saint archange, qui mis la concordance En paradis et dampnas les mauvais... (Prières saints R., t.2, 1400-1500, 540)

Liquel cardinal trettoient et parlementoient entre ces parties paix ou concordance se il peuissent (Froiss., Chron. D., p.1400, 591)

DIEU LE PERE. Dame Sapïence, or nous dictes Quel concordance y voulez mectre, Et elles vous vouldront promectre D'en faire tout par vostre dit. (Gréban, Pass. J., c.1450, 454)

M'amye, Dieu vous doint telle paix et concordance avec vostre mary que puissez faire euvre dont les sains cieulx soient rempliz. (C.n.n., c.1456-1467, 497)

Concordance de...et de

Ces aliances et concordances de Jaquemon d'Artevelle et de ceuls de Gaind plaisirent grandement bien a ces signeurs d'Engleterre qui la avoient esté envoiiet ; et prisent de toutes ces convenances lettres seelees dou seel a causes de la ville de Gant. (Froiss., Chron. D., p.1400, 262)

Bonne/vraie concordance. Bonne entente.

Toute clarté, toute sustance Et toute bonne concordance, Toute paix, toute humilité, Toute foy, toute charité, Toute doulceur et trestout bien Viennent d'elle [la Vierge] , je le sçay bien. (Renart contref. R.L., t.2, 1328-1342, 16)

...quant il fu finés Cieus papes Alixsandres, l'autres fu esléus Par vraie concordance de tous ces clers letrés (Geste ducs Bourg. K., c.1410-1419, 361)

Donques je prans congié de vous, Mes bons loyaulx seigneurs de France, Que Dieu vous doint paix et repoux Ensemble et bonne concordance. (Myst. siège Orléans H., c.1480-1500, 505)

Remettre qqn en sa concordance. Se réconcilier avec qqn.

[DIEU :] Paix l'a remis [l'homme] en nostre concordance Par Verité, qui faict ceste accordance En cognoissant le vouloir de son cueur (Myst. Pass. Troyes B., a.1482, 146)

Se trouver en concordance. Être d'accord.

Vostre procés tres bien se porte, Qui vous trouvez a concordance. (Gréban, Pass. J., c.1450, 44)

B. -[Entre des choses]

1.ASTR. Accord.

...et ne sevent pas ce qui est necessaire a le scienche, le nature des planettes, les concordances et lor diversités... (Compil. sc. étoiles C., a.1324, 89)

2.MUSIQUE Accord, harmonie.

Jubal trouva l'art de musique (...) au son des martiaus Fist tons et sons, et chans nouviaus Et notés, et les ordenances De musique et les concordances (Mach., Voir, 1364, 498)

Les autres weulent (...) fourmer notez par musique, Par voix clere et melodieuse, Ou par autre noise joieuse ; Leurs concordances font souvent, Par bouches, par cordes ou vent. (Le Fèvre, Respit Mort H., 1376-1380, 90)

...rondeaulx, balades ouyr, traiter et dire, Joye, plaisir, chansons et raisonnance, Nobles cymbales, vocalle concordance Orgues et harpes, chantz d'oisillons ouyr, Tout n'est que vent, cella n'est que meschance Envers amours, qui bien en scet jouÿr. (Au grey d'amours F.-H., c.1400-1500, 288)

Angelz, pour conclurre le fait, Mectez vous en belle ordonnance, Chantez par doulce concordance (Gréban, Pass. J., c.1450, 455)

Anges, pour conclurre le fait, Mectez vous en bonne ordonnance, Chantez par doulce concordance, Et menez joye parfaicte et plaine Tant que la region haultaine, En l'ermonie de voz sons, Raisonne par doulces chansons. (Myst. Pass. Troyes B., a.1482, 1085)

Petiz enfans, par concordance juste Disoyent tous a haulte voix : 'Noé' (La Vigne, V.N., p.1495, 198)

3.Concordance de. Conformité à, rapport à.

Or est a reciter la .vj.e maladie qui est appellee frenesie pour concordance du pechié de gloutonnie, qui est une vile passion de grant abomination. (Mézières, Vertu sacr. mar. W., c.1384-1389, 284)

C. -[Entre des faits, leur interprétation, entre ceux qui les interprètent]

1.Accord, non contradiction.

...fist ung livre par lequel il concorda theologie et astrologie, et premier fist son traictié, qu'il intitulla Vigintiloquium de concordia astronomie veritatis cum theologia, puis fist ung autre traictié De la concordance de toutes les histoires, depuis Adam jusque ad ce temps (...). Fist aussi ung autre traictié de la concordance et discordance de plusieurs astrologiens et non de astrologie et les divisa en deux parties ou en trois. (Simon De Phares, Astrol., c.1494-1498, f° 152 r°)

Faire concordance entre

...se doit [on] pener de faire concordance entre les diz des acteurs ; car ilz furent si bons et si sages que, onques ilz peussent, ilz ne dirent que verité (Saint-gille, Comment. A.Y. L., 1362-1365, 363)

2.Accord, conformité entre les choses, les faits, leur interprétation, les opinions....

Or avons donques comment la verité de la sainte Escripture est declaree et tesmoingnie en ceste partie par la fable des poëtes paiens, et telles confirmacions ou concordances loe et approuve saint Jerome en une epistre 'ad magnum oratorem urbis Romme.' (Oresme, C.M., c.1377, 376)

3.Table, index permettant des rapprochements textuels.

Cy finist la Nef des folz du monde.Premierement composee en aleman par Maistre Sebastian Brant, docteur es droiz.. Consecutivement d'aleman en latin redigee par maistre Jacques Locher. Reveue et ornee de plusieurs belles concordances et addicions par ledit Brant. Et de nouvel translatee de latin en francoys et imprimee pour Maistre Jehan Philippes Mansteuer et Geoffroy de Marnef, libraires de Paris. L'an de grace MCCCCXCII. (Rivière, Nef folz D., 1497, 829)

D. -[Domaine religieux et biblique]

1.[À propos de Notre-Dame comparée à une nef] Accord.

Cors ot de paiz, cordail de concordance (Mir. Barl. Josaph., c.1363, 300)

2.Traduction biblique.

Après en vos livres trovon : Faciamus hominem ad ymaginem et similitudinem nostram, C'est a dire en la concordance : Faisons homme a nostre semblance (Mir. st Sev., 1362, 227)

3.Autorité scripturaire ou autre qui appuie la véracité de l'idée.

...il [le prescheur] a sçeu bien mettre Ses principes par ordenance Et puis finer par concordance De l'escripture ! (Mir. mère pape, c.1355, 353)

Et point ne me vueil chargier de allegances ou concordances, combien que en matiere quelconque plus grant habondance avoir je ne pourroye, car a gens qui point n'entendent latin peu sont plaisans, proffitables ou edifians (Gers., Concept., 1401, 390)

Remarque : Cf. GERSON, éd. Mourin, p. 379.

4.Ouvrage destiné à montrer que des passages de textes sacrés distincts peuvent être interprétés de la même façon.

Le mercredi, XVIJe jour dudit moys de may, après disner, maistres Michel de Ryeu et Denys Courtiller, libraires jurez en l'Université de Paris, commencerent à priser les livres dudit deffunct [Nicolas de Baye], comme ci après ensuit : Livres. Premierement, un livre intitulé Compendium theologie, composé par saint Thomas d'Aquin (...) à IJ fermans et dix cloux d'argent dorez, ouvrez à fueillages (...) Item, une Bible, couverte de cuir blanc (...) Item, unes Concordances sur la Bible (Invent. N. Baye T., 1419, LXXVII-LXXVIII)