DIFFERENCE

substantif féminin

[T-L : diference ; GD : difference ; GDC : difference ; AND : difference ; FEW (III, 73b) : differentia ; TLF (VII, 189b) : différence]

I. -[Sur different]

A. -Ensemble de caractères qui distinguent une chose d'une autre, ce qui diffère, divergence, distinction, différence.

Car il a plus grant difference Dou temps que je vi en m'enfance A cestui qui trop est divers, Qu'il n'ait des estez aus yvers. (Mach., J. R. Nav., 1349, 140)

La premiere estoit Congnoissance Qui li moustroit la difference D'entre les vertus et les vices Et des biens fais aus malefices, Par Avis qui la conduisoit... (Mach., J. R. Nav., 1349, 176)

Et est telle la diferance de ces quatre que... (Mir. st Panth., 1364, 308)

Et quant a ce, il n'y a force de la difference de fins qui est devant dite, comme les unes fins sont operacions et les autres sont choses faites, si comme il appert as doctrines devant dictes. (Oresme, E.A., c.1370, 104)

Aprés Aristote monstre une difference entre le fort et le paoureus ou couart (Oresme, E.A.C., c.1370, 209)

Mais n'i ha point de difference, Car cil .IIJ. [le Père, le Fils et le Saint-Esprit] font toute une essance, Une vertus, une substance, Un pooir, une sapience : Ci ha trop mervilleus mistere. (Mach., Les lays, 1377, 407)

Et dire que aucune chose est infinie et meismement en quantité, cest dit a vertu de principe, et donques n'est ce pas chose merveilleuse ne desraysonnable se grant differance vient de ce que l'en met aucun corps a estre infini. (Oresme, C.M., c.1377, 98)

Item, se les differences des elemens ne sont infinies, les elemens ne sont pas infiniz. (Oresme, C.M., c.1377, 622)

...trestuit pareil Ne sont de beauté, n'appareil, Ains y a moult grant differance En beauté et en apparence (Chr. Piz., M.F., I, 1400-1403, 108)

Parler d'amant, par Jesus Crist, C'est la copie sans escript De ce qui est ou cuer descript Par passïon, Dont a grant visitacïon Verité fait collacïon Et la bouche relacïon En la presence De celle qui a pouoir en ce ; Si ne doit avoir difference De ce qu'il dit a ce qu'il pense. (Chart., L. Dames, 1416, 278)

...et leur semble que il ne devroit avoir difference ne separacion entre lesdiz monnoiers, qui sont tous residens et demourans en ce royaume (Fauq., II, 1421-1430, 340)

Moult a grant difference, ou doit avoir, en conseil et en oeuvre entre le prince eureux de prosperité, qui veult icelle garder et defendre, et cellui qui de perverse fortune se veult ressourdre et oster la victoire de la main du vainqueur. (Chart., Q. inv., 1422, 35)

Les maistres mectent difference entre cogitacion, meditacion et contemplacion. Ilz ont conuenience ensemble pour ce quelles sont toutes trois en lentendement et en toutes trois quelque regart dentendement, mais il y a difference iacoit ce quelles soient aucunes fois dune matiere. (Cib., p.1451, 181)

...il doit avoir grant difference entre ung qui vient au royaume par succession et ung tirant qui vient conquester ung royaume (Juv. Urs., Verba, 1452, 275)

Il y a difference entre ceulz qui sont impuissans par frigidité et les maleficiéz, car le froit ne puet congnoistre femme, ne aussi a mouvement en femme, ne voulenté de habiter, mais le maleficié puet aultre femme congnoistre que celle avec qui il est. (Sacr. mar., c.1477-1481, 78)

Et combien que ces trois choses sont en Dieu selon la verité de la chose, toutevoies selon la difference de la chose, c'est a dire selon la signification d'une chascune quantité en soy consideree, pas ne sont en Dieu (Somme abr., c.1477-1481, 128)

Mais jamais je n'ay congneu prince qui ait sceu congnoistre la difference entre les hommes, jusques à ce qu'il se soit trouvé en necessité et en affaire (Comm., I, 1489-1491, 78)

...elucider et esclarsir la diferance de la vraye science de astrologie et des ars supersticieux et divinatoires (Simon De Phares, Astrol., c.1494-1498, f° 1 v°)

À la difference de qqc.

Il dit ceci a la difference de la felicité de Dieu et des intelligences, laquelle est simplement immuable et non variable, et d'autre nature que la felicité humaine de cest monde, laquelle n'est pas immuable de neccessité. (Oresme, E.A.C., c.1370, 136)

...on met nouvel ancens ou thuribulier non benoit a la difference de celui qui est a Dieu offert. (Jean Golein, Rational B.D., c.1370-1372, 315)

...comme sont les choses qui s'engendrent et corrompent et sont de leur nature generables et corruptibles. Et a la difference d'icelles il est mis en ladicte diffinition 'interminable', sans terme, c'est a scavoir sans commencement et sans fin (Somme abr., c.1477-1481, 140)

Pour difference de qqn. Pour se distinguer de qqn.

Et, au regard dudit Sallezart, pour difference de ses gens, il estoit monté dessus ung beau coursier à une moult belle housseure toute couverte de trenchouers d'argent, dessur chacun desquelz y avoit une grosse campane d'argent dorée. (Roye, Chron. scand., I, 1460-1483, 127)

Sans (nulle) difference. Sans distinction.

...lesquelx [des hommes d'armes] (...) prenoient hommes et fames et petiz enffans, sans difference de aage ou de sexe (Juv. Urs., T. rever., 1433, 57)

Car quoy ! qui vous aroit crachié Tous deux encontre la paroy D'une maniere et d'ung arroy, Si seriez vous sans difference. (Path. D., c.1456-1469, 62)

Toutes troys sont semblables sans devis Et d'ung pouoir sans nulle difference. (Saint-gelais, Séj. honn. D., c.1490-1495, 37)

Avoir difference. Être différent.

Tuit cil de l'ost Girart senz nulle cognoissance Furent armé a cru pour avoir difference Entr'aux et les François quant seront tuit en torbe (Gir. Ross. H., c.1334, 254-255)

...a fin que le prelat ait difference des autres prestres communs (Jean Golein, Rational B.D., c.1370-1372, 324)

Donner difference entre. Faire une distinction entre.

Et se doit cest examen mielx faire en loenge que en blasme. Et yci donnent les docteurs difference entre le bon angle et le bon message, et le mauvais (Gers., Annonc., a.1400, 235)

Estre sans difference. Ne pas faire de différence.

Beaux amys, ceste mutation n'est pas en luy, elle est en toy, qui reçois pugnitions ou graces differentement de celuy qui est sans difference, ainsi que le soleil qui luist sur les bons et sur lez mauvaiz : celui qui euvre sa fenestre a de la lumiere, celuy qui la ferme contre le soleil demeure en tenebres. (Chart., L. Esp., c.1429-1430, 158)

Faire difference. Changer d'attitude suivant la personne concernée.

Apprès [le comte Roger] ama justice et les bons et faisoit moult difference des bons aux malvais. (La Sale, Salade, c.1442-1444, 167)

[D'une chose] Constituer une différence.

Et ainsi le tremblement de la veue fait sambler que l'estoille soit meue, car se la chose que l'en voit est meue ou se le voiement est meu, ce ne fait difference. (Oresme, C.M., c.1377, 450)

Faire difference quant à qqc.

...adonques pousé que ce ne face difference quant au parler (Oresme, C.M., c.1377, 186)

Ne faire difference à qqc. Ne rien changer à qqc..

Mais ce que telz diroient ne fait difference a la rayson ou conclusion que nous avons mise (Oresme, C.M., c.1377, 194)

Faire difference d'une chose à une autre. Distinguer une chose d'une autre.

Et se il est aucun auquel nulle viande n'est delitable et qui ne fait difference de l'une a l'autre, tele personne seroit bien loing de la commune nature et de l'estre des hommes. (Oresme, E.A., c.1370, 225)

Mettre (une) difference entre (plusieurs pers. ou choses). Faire une distinction entre.

...vostre paix et vostre joie est la moie, ne je ne més nulle difference entre vous et moi que le bien de l'un ne soit le bien de l'autre. (Mach., Voir, 1364, 448)

Et, se vous ne mettés difference entre les biens de vous et de moi, que le bien de l'un ne soit le bien de l'autre, par ma foi, vous avés droit, car aussi n'i en més je point, que je tien certainement que tout le bien de vous est le mien, et le mien si est le vostre, ne je ne porroie estre mieulz a mon gré. (Mach., Voir, 1364, 458)

De samblant estes si pareulx Que n'y scé difference mettre. (Mir. Amis, c.1365, 64)

Apres il [Aristote] met une difference entre les gens de Grece. Et les gens de Grece ont ceste meisme difference entre eulz ; car les uns ont nature aussi comme a .I. oeil, ce est a dire que il ne ont que une des choses dessus dictes ; ce est assavoir ou bon engin ou grant courage et hardiesce ; et les autres sunt bien mellés a une puissance et a l'autre. (Oresme, Pol. Arist. M., c.1372-1374, 299)

Les maistres mectent difference entre cogitacion, meditacion et contemplacion. (Cib., p.1451, 181)

Et encores pour mettre difference entre prince et tirant dit Policraticon (Juv. Urs., Verba, 1452, 299)

Mettre difference en qqc. Distinguer qqc..

Et donques aussi comme les martelleurs ou bateurs de arain et de cuivre ne mettent en ce difference ou ne apparçoivent le son que il font pour l'acoustumance, telement est il a touz honmes ou resgart du son du ciel. (Oresme, C.M., c.1377, 470)

B. -En particulier.

1.Caractère particulier de qqc..

Et se ma dame, que Dieus gart, Deingne descendre son regart Seur moy, a moitié ou a quart, Je vous pri qu'aie scens ou art Pour congnoistre de son espart La difference, S'il vient d'amours ou d'autre part Car se son dous oueil me repart Par amours de l'amoureus dart, De riens n'arai jamais regart. (Mach., R. Fort., c.1341, 122)

2.HÉRALDIQUE Modification sur un écu afin de le singulariser par rapport à ceux de personnes apparentées.

Engreslee endentee dansoyé componnee bordee lambiaux sont differences en l'armoirie en quoy ils sont auec leur couleur. Et les couleurs sur quoy ilz sont en emportent la senefiance auec l'armoirie (Best. hérald. H.E., c.1435-1450, 512)

...disant ledit roy Lancelot que ce royaume lui appartenoit et qu'il estoit de la droitte esterpe du roy monseigneur saint Loys. Et pour ce ne vault oncques porter les troiz lambeaux en ses fleurs de liz pour difference de la couronne, comme ses predecesseurs faisoient (La Sale, Salade, c.1442-1444, 191)

Remarque : Jourd. Blaye alex. M., a.1455, gloss. ; LA SALE, Anc. tournois L., 1459, gloss.

Porter (les armes) à difference. Porter la brisure (de bâtardise par rapport aux armes paternelles').

Mez l'en pourret dire que la ditte coustume ne seroit mie raysonnable en un hostel royal, conme est l'ostel de France, car nul bastart ne deveret porter lez armes de France, ne a differance, ne aultrement (Songe verg. S., t.1, 1378, 293)

3.ARITHMÉTIQUE Puissance.

Les differances des nombres semblables tant en plus et en moins que aussi en denominacion se pevent adiouster ainsi comme lon a acoustumé les nombres ou les racines de nombre (Nic. Chuquet, Triparty M., 1484, II, 738)

C. -Par extension. Diversité, variété.

Là peuissiés veoir maint penon ventelant, Banières desploïes, et maint lupart rampant, Et autres différenses i ot (Geste ducs Bourg. K., c.1410-1419, 519)

II. -[Sur differend]

A. -Différend, contredit, difficulté, problème.

Et se aucun disoit que la pensanteur du petit corps fini ne mesure pas celle du grant corps fini, ce ne fait difference ne force, quar l'en puet tant de foys rapliquer la petite que, se elle ne vient en egalité aveques la grande, toutevoies, elle la passe. (Oresme, C.M., c.1377, 108)

Or appert clerement par cest exemple que quant a ceci ne a force ne quelcunque difference se cest honme commence maintenant estre ainsi meu ou se il commença passé a mil ans. (Oresme, C.M., c.1377, 322)

Opinions discordantes.

Ores, envyron le temps dudit trespas du roy, estoient Florentins en grant differance en la cité. Les ungs attendoient encores la venue du roy et la desiroient (Comm., III, 1495-1498, 309)

Sans difference. Sans restriction.

Elle est belle, sans differance, Saige, et de tresnoble lignie ; En elle est m'amour ja fichie, Et vouldroye bien que ce fut fait. (Myst. st Adr. P., c.1450-1485, 170)

Puis qu'il vous a pleu vous requerre, Monseigneur, nous vous promectons Que nous ne vouldrons riens conquerre En voz pays et regions ; Mais ainçois garder les volons Sans y commectre violence Et toutes voz possessions Seront gardees sans differance. (Myst. siège Orléans H., c.1480-1500, 104)

B. -Différend, démêlé, contestation.

En ce mesme an mil quatre cens quarante sept, après ce que grans divisions et différences oulrent esté entre le pappe Eugène d'une part, le concile de Basle d'autre part (Chart. J., Chron. Ch. VII, V., t.2, c.1437-1464, 48-49)

Cy commencent les differences et cismes de l'esglise, en l'an de Nostre Seigneur mil CCCIIII^xx et ung ; c'est assavoir de pappe Urbain VI^me, creé a Romme par crainte du peuple esmeu, que a fureur vouldrent avoir pappe rommain ou au moins ytalien. (La Sale, Salade, c.1442-1444, 187)

Et se on voloit dire qu'il y eust aulcune difference entre eulx a cause de la ducié de Lucembourg, le roy ne tenoit pas que pourtant ledit roy de Hongrie et de Behaigne feust ennemi de mondit seigneur de Bourgoingne, attendu que, le roy estant a Lion, ledit roy de Behaigne, pour appaisier ladicte difference, envoia devers ledit roy, offrant soy submettre a lui et tenir son ordonance pourveu que mondit seigneur de Bourgoingne le feist pareillement (Chastell., Chron. IV, D., c.1461-1472, 203)

...et ne scevent [les sujets du roi] que dire ou faire, veue la difference ou discencion apparente de entre le roy et aucuns seigneurs (Juv. Urs., D. Tours, 1468, 440)

Et si a tousjours des differences entre le roy et monsr. Charles son frere, qui demande, conme l'an dit, la duché de Normandie pour son appannage, qui ne seroit pas chose a conseillier au roy (Juv. Urs., D. Tours, 1468, 439)

...ledit suppliant a esté contrainct, comme plusieurs autres du païs, durans les differences qui ont esté entre nous et le duc de Bretaigne, de mettre sus et defendre le païs en nostre querelle (Doc. Poitou G., t.11, 1474, 444)

...durant le temps des divisions et differences, qui ont esté entre nous et notre dit feu frere et cousin de Bourgogne, ilz ont tenu party à nous contraire, et ainssi que si promptement comme faire devoient, ilz ne nous ont fait la dicte ouverture et obeissance (Hist. dr. munic. E., t.1, 1477, 437)

Cestui prenostica les inhumanités faictes en Sicille, où les tirans tuoient les enfans ou ventre des meres, predist aussi les differances et parcialités, qui furent lors à Romme entre les Ursins et Hanibaldos (Simon De Phares, Astrol., c.1494-1498, f° 130 v°)

III. -[Sur differer 'remettre à plus tard'] Retard.

Remarque : Guill. Orange T.H.G., p.1450, gloss.

Sans (nulle) difference. Sans retard.

Je juge par raison commune Qu'a lui seul doit on reverance [à Dieu] Et service sanz differance. (Le Fèvre, Vieille, trad. De vetula H., a.1376, 351)

Or allez tost, sans difference, Luy declarer presentement. (Myst. Pass. Troyes B., a.1482, 79)

Or me respons sans nulle difference (La Vigne, S.M., 1496, 334)