CONFIRMATION

substantif féminin

[T-L : confirmacïon ; GDC : confirmation ; AND : confirmacion ; FEW (II-2, 1035b) : confirmare ; TLF (V, 1303b) : confirmation]

A. -Action de rendre plus ferme, plus solide.

[Une chose concr.]

Considere aussi quil y a innumerables choses dedens le corps qui sont a la confirmacion et nourrissement du corps (Cib., p.1451, 186)

[Une chose plus abstr.]

'Très redoubtez et noble sire, il vous souffisse ce que vostre cousin de Jullers dist et presente.' - 'Nous le voulons', dist l'empereur. Adont le prist-il par la main, et me fut dit que, par confirmacion d'amour, il baisa le duc de Jullers, quant il fut levez, en la bouche (Froiss., Chron. M., XIV, c.1375-1400, 170)

...et luy dismes plusieurs raisons pour le faire venir et que cela seroit la vraye confirmation de la paix. (Comm., III, 1495-1498, 245)

[À propos d'un traité, d'un acte juridique...] Approbation définitive, ratification.

Et oultre je dy et vueil encoires, sus le fourme et setille des confirmacions, que se ma fille a hoir ou hoirs de honnouré prince le conte Regnault de Guerles, et ma fille voist à trespassement, que pour quelconque mariage que le conte Regnault face secondement, on ne puist tollir, eslongier, oster ne desheriter l'oir ou les hoirs qui de ma fille seront yssus (Froiss., Chron. M., XIV, c.1375-1400, 150)

...et que les ordinaires ausquelz la confirmation d'icelles elections appartendroit procederoient à la confirmation ou cassation d'icelles (Baye, II, 1411-1417, 156)

...recita en oultre le contenu des lettres et ordonnances faictes sur la confirmacion de la paix (Fauq., I, 1417-1420, 197)

Mais neantmoins le bon et vaillant prince, regardant au seigneur duquel le Pappe estoit vicaire, nonobstant les aultres confirmacions pappalles, humblement et a tresgrans obeïssances mist mediateurs de l'accord du Pappe et de luy. (La Sale, Salade, c.1442-1444, 169)

...par le dit traictié de Bretigny et la confirmation faicte a Calaix ces choses peuent plus a plain apparoir. (Juv. Urs., T. crest., c.1446, 122)

Symon de Quingy avoit commission de luy, et à la requeste du roy, d'aller en Bretaigne, après qu'il auroit veü jurer la paix et receü les lettres de confirmation de ce que les embassadeurs du roy avoient fait et signifier au duc de Bretaigne le contenu de ladicte paix (Comm., I, 1489-1491, 232)

Par métonymie. Document qui confirme un acte.

Si n'eust esté les lettres que m'avez escriptes, je leur eusse envoyé leurditte confirmation, car je cuidoye que feussiez encore en Gascongne et que leur eussiez envoyé vostre povoir pour Rouergue. Donné à Amboise, le IIIe jour de janvier [1470]. Signé : 'Loys,' et au dessoubz. 'J. Le Clerc.' (Le Clerc, Interp. Roye, c.1502, 247)

En particulier. Authentification.

Son saiel y posa pour confirmation (Geste ducs Bourg. K., c.1410-1419, 402)

Maintien, renouvellement de qqn dans une fonction.

Et lors [les cardinaux] eslurent cellui archevesque de Bar, auquel firent jurer et promettre que, touteffoiz et quantes fois que le college des cardinaux ou la plus grant partie le requerroient, ou ['où'] qu'ilz fussent, il y vendroit et feroit a l'ordonnance dudit college de sa confirmacion ou renonciacion. (La Sale, Salade, c.1442-1444, 103)

[dans une qualité]

La duree de celle plaie fut longue ainsi que de l'aige d'ung homme de .LXX. ans, affin que lez mauvaiz cependant mourissent en chetifvoison, et que Dieu restaurast sa terre de peuple tout nouvel examiné par adversité. Icelle mesmez persecution effaça les iniques, et fist l'espreuve et la confirmation dez bons. (Chart., L. Esp., c.1429-1430, 77)

B. -[À propos d'une conviction que l'on a déjà] Nouvelle donnée (argument, preuve, dire d'un auteur...) apportée à l'appui de qqc..

Ce est un motif ou confirmacion par l'auctorité des anciens. (Oresme, C.M., c.1377, 274)

Par ceste disgression, despendant de la demande dessus dicte, peulz tu sçavoir que oraison et sacrifice prouffitent a conserver et restablir les choses priveez et publiques. Sur tous prens pour confirmation Valere, qui te dit par arrest que les seigneuriez anciennes furent tousjours estables, tant comme ilz servirent et sacrifierent deuement la divinité. (Chart., L. Esp., c.1429-1430, 179)

...affin que par la congnoissance telle quelle que tu as de toy tu puisses monter a la congnoissance de Dieu, et pour confirmacion de la foy que tu as des personnes diuines tu puisses aucunement congnoistre lesdictes personnes par leur ymage et semblance qui est en toy. (Cib., p.1451, 201)

...combien que toute science operative recoyve sa confirmation par usaige (Prevost, Cir. Guill. Salicet, 1492, pref.)

C. -Action de raffermir (dans la foi).

En l'honneur du roy souverain Confirmation de ma main Vous donneray avecques tonsure, Car ma pensee est toute seure Que vous serez vray champion A la loy. (Myst. st Laur. S.W., 1499, 175)

Sacrement de l'Église destiné à compléter la grâce conférée par le baptême.

...baptesme et confirmacion (Pèler. vie hum. S., App., p.1331, 427)

Encor veul et vous commande que fermement vous creez les VIJ sacremens de l'Eglise ; c'est assavoir : au saint baptisme, en la sainte confirmacion, en la vraie penitence, au tres saint sacrement de l'autel, aux saintes ordres, au saint ordre de mariaige, et en la saincte unction. (La Sale, J.S., 1456, 40)

Item se l'enfant de ta femme qu'elle a engendré d'aultre espeux, aucune femme a levé de fons ou aura tenu au sacrement de confirmation devant l'evesque, celle femme est la commere de ta femme et non la tienne. (Sacr. mar., c.1477-1481, 58)

En signe de ces trois donnemens du Saint Esperit nous sommes enoingz trois fois, c'est a scavoir au baptesme, par la confirmation et a la mort par la derreniere unction ou enoingnement. (Somme abr., c.1477-1481, 120)

Remarque : Myst. st Clément Metz D., p.1439, v.752.

Prendre confirmation. Recevoir le sacrement de confirmation.

Vous leur ferez oster haubert et haubregon, (...) Jusques a tant qu'il aront pris confirmacion Du baptesme de Dieu (Renaut Mont. B.N. V., c.1350-1400, 669)