APPROBATION

substantif féminin

[T-L : aprobacion ; GD : aprobation ; GDC : aprobacion ; FEW (XXV, 53a) : approbatio ; TLF (III, 330a) : approbation]

A. -Fait d'approuver.

1.Approbation (de qqc.). Fait d'approuver (qqc.), approbation.

Donques l'aprobacion commune et manifeste faite publiquement en fourme de jugement est a preferer devant l'aprobacion particuliere privee et oculte. (Oresme, E.A.C., c.1370, 316)

Si estoit grant approbacion du fait du dit pape Climent, consideré la grant clergie et souffisance du dit cardinal. (Chron. Jean II Ch. V, D., t.2, c.1378, 348)

...le reproche du mal et l'aprobacion du bien (Gers., Traité R. Rose H., 1402, 74)

Comment oncques femme ne succeda ou royaulme d'Engleterre, et approbation de ce par Anglois. (Juv. Urs., T. crest., c.1446, 60)

[À propos de Dieu] Consentement. (antonyme reprobation)

Item en tant qu'elle [la sapience de Dieu] congnoist les choses bien faites et les bien fais, elle est appellee appreuvement ou approbation. Item en tant qu'elle congnoist les choses advenir, elle est apellee provision. (Somme abr., c.1477-1481, 165)

En particulier. Accord, autorisation donnés par les jurés de mettre en vente une marchandise (lorsqu'elle satisfait aux critères de qualité).

...que aucun drap ne feust en ladicte ville, ne delivré à la partie à qui il appartendroit, jusques à ce que après icelle visitacion et approbacion, ledit marc et saing de plom publique, y eust esté imprimé et attachié par la maniere que dit est (Ordonn. rois Fr. V.B., t.11, 1419, 12)

2.DROIT

a)Acte par lequel une autorité donne son assentiment ; ratification (de qqc.).

...ordonnons que d'ores en avant nul ne soit receu comme advocat en aucunes de noz cours de la chancelerie de noz bailliages, de noz auditoires et de nostre parlement ou d'autres noz commis, s'ilz ne sont esleuz ou esprouvéz comme souffisans et expers advocas par noz diz chancelier et bailliz, et l'election ou aprobacion du chancelier souffira en l'une de ces cours pour toutes les autres (Cout. bourg. glosé P.M., c.1380-1400, 71)

...certaines lettres patentes royaulx faisans mencion de l'aprobacion et confirmacion de toutes les choses qui, de par la royne et mondit seigneur, ont esté faites et conduites ou nom du roy nostre sire depuis que icellui seigneur se mit sus en armes (Comptes Etat bourg. M.F., t.2, 1418, 161)

...lesquelles en tesmoing de ce nous avons seellées de nostre propre seel et a greigneur aprobacion et congnoissance y a esté mis le grant seel aux causes dudit bailliage. (Rouen temps Jeanne d'Arc L., 1427, 116)

b)Fait pour un justiciable de reconnaître ce qui lui est reproché.

Veues lesquelles confessions faites par ycellui Guillaume de Bruc, les rattifficacions, approbacions et perseveracions par lui faites en la presence des dessus diz conseillers (Reg. crim. Chât., I, 1389-1392, 25)

B. -Preuve ; confirmation ; garantie.

1.Preuve.

LE MARCHANT. Ung signet d'or je luy donné, Et pour vraye approbatïon, Seigneurs, vella l'imprecïon. Par ce point sçaurez la verité. (Myst. jeune fille L., c.1413-1445 [c.1530], 61)

...ladite Jehanne la Pucelle fist faire ung cry, que nul homme de sa compaignie ne tensist aucune fame diffamée ou cuquebine. Néantmoins elle trouva aucuns trespassans son commandement, parquoy elle les frappa tellement d'icelle espée, qu'elle fut rompue. Et tantost ce venu à la congnoessance du roy, fut baillée à ouvrier pour la resoulder, ce que ilz ne peurent faire, ne la peurent rassembler oncques, qui est grant aprobacion qu'elle estoit venue divinement. (Chart. J., Chron. Ch. VII, V., t.1, c.1437-1464, 123)

Freres, a vous viens de rechef Pour faire l'approbacion De ma ressuscitacion Pour oster la fragilité Hors de vostre incredulité, Et que plus ne vous y bouttez Ne jamais de moy n'en doubtez. (Myst. Pass. Troyes B., a.1482, 1001)

...on peut veoir plus à plain, en recourant ès dits chappitres, par lesquelles choses il [Salomon] aprenne assez et grandement la science de astrologie, par especial la partie judicative, qui est souffisant approbacion, actendu que c'est pur texte de la Bible sacrée. (Simon De Phares, Astrol., c.1494-1498, f° 34 r°)

Toutes ces choses ainsi determinees Et toutes chieres de hait examinees Aussi (...) De leurs certaines ymaginacions Touchant le fait des simulacions ; Dont tost aprés les approbacions Furent congneues (La Vigne, V.N., p.1495, 163)

Recherche de preuve.

Car il vault mieulx premièrement démonstrer les vices et après appeller le duc de Bourgongne criminel, que faire ainsi qu'il fist, c'estassavoir, premièrement appeller criminel, sans aucune approbacion ou vérificacion. (Doc. 1408. In : MONSTRELET, Chron. D.-A., t.1, c.1425-1440, 273)

2.Confirmation (de qqc.).

Et qui plus est, pour approbacion de nostre foy, Platon le philosophe en son livre de Phedron, tout fust-il paien et long temps avant l'establissement de la loy crestienne, preuve par raison et moustre comment l'ame raisonnable par bien faire doit apres ceste vie avoir Paradis. (Chr. Piz., P.V.H., 1416-1418, 42)

Car entre les grans paours et incertainetés est l'approbacion de bonne esperance plus reluisant et plus loysible. (Chart., L. Esp., c.1429-1430, 91)

O mon tres doulx maistre Jhesu Que j'ayme de parfaicte amour, Quand verray je l'eure et le jour Que j'aray approbacion De sa grant resurreccion Que tant a vëoir je desire ? (Gréban, Pass. J., c.1450, 395)

Cecy n'est que approbacion De vostre vision premiére (Myst. Viel test. R., t.3, c.1450, 99)

Mais il n'eut guieres cheminé quant, en soy arrestant sus une montaigne, il regarda derriere lui et vey la cité de Parthemie qui tantost fu avironnee et plaine des gens d'armes du roy Saturne, qui lui donnerent une grande approbacion de l'advertissement de sa mere. (LEFÈVRE (R.), Hist. Troyes A., c.1464, 178)

Et pour ce que en tout tesmoingnage de verité, il convient trois femmes pour deux hommes, pour faire et acomplir doncques le nombre desdiz quatre euvangelistes, il a convenu que six femmes aient esté empeschies de faire cestui euvre pour plus grande approbation de verité, desqueles les noms s'ensuivent. (Ev. Quen. I, c.1466-1474, 78)

3.Gage, garantie.

...en approbacion de ce, je vous donne ceste verge, qui est d'or esmaillée de larmes noires. [Contrainte de se séparer de l'homme qu'elle aime, une jeune fille lui fait serment de n'épouser jamais un autre homme que lui] (C.n.n., c.1456-1467, 167)

...en memoire et approbacion de la verité de cest enseignement, j'ay la fait mectre ce pain bis. (C.n.n., c.1456-1467, 335)

Remarque : Dans les deux cas (ce sont les seules occurrences dans le texte), la notion sur laquelle porte l'approbacion est symbolisée par un objet (une verge, un pain).