HAINE

substantif féminin

[T-L : häine ; GDC : haine ; DEAF, H 57) : haïne ; AND : haine ; DECT : häine ; FEW (XVI, 178b) : *hatjan ; TLF (IX, 647a) : haine]

A. -Sentiment que l'on éprouve pour celui que l'on hait, sentiment de profonde hostilité, conduisant à vouloir du mal à qqn.

Si que la merencolioie Tous seuls en ma chambre et pensoie Comment par conseil de taverne Li mondes par tout se gouverne ; Comment justice et verité Sont mortes par l'iniquité D'avarice qui en maint regne Com dame souvereinne regne, Com maistresse, comme royne, - Qu'avarice engendre haïne, Et largesse donne et rent gloire, Vraiement, c'est parole voire, Qu'on le scet et voit clerement Par vray et juste experiment (Mach., J. R. Nav., 1349, 139)

Saint Prist, sire, je vous diray : Haainne ne peut en nous estre Puis qu'en gloire sommes celestre (Mir. prev., 1352, 253)

Sire prestre, que me fera Vostre haine, je vous en pri ? (Mir. parr., 1356, 5)

Garde seur tout ta loiauté ; Ne soit laidure ne biauté, Amour, ne faveur, ne haïne, Ne chose eu monde qui t'encline A faire riens de desloial, Car trop messiet a cuer roial. (Mach., C. ami, 1357, 109)

Il aime Dieu, et sainte eglise Honneure, crient et sert et prise ; Justice en la balance poise, à cui qu'il plaise ne qui poise, N'i regarde amour ne haïne, Frere, fil, voisin ne voisine, Grant ne petit ; car egalment La fait à tous et loyaument ; Si que pour ce en pais se repose, Que nuls contre li ne s'oppose. (Mach., P. Alex., p.1369, 31)

Si que, fieux, je vous vueil reprendre Et, en vous reprenant, aprendre Que c'est si mauvaise racine De vivre en pechié de haÿne, Que bien jamais ne fructifie ; Et pour c'est fols cils qui s'i fie, Ne homs ne porroit son Creatour, Qui de tout le monde est actour, Bien amer, ne bien honnourer, Qui en ce point vuet demourer. (Mach., P. Alex., p.1369, 237)

Li roys oy bien le saint pere, Qui haïne moult vitupere, Si que très bien considera Comment il li respondera. (Mach., P. Alex., p.1369, 238)

Encore y a un autre point Que je ne vous celeray point, Car ci doy dire verité, Qu'amour, haine n'amité Ne me puissent ad ce mouvoir, Que mensonge face dou voir. (Mach., P. Alex., p.1369, 259)

Sa fausse jangle estre ne doit creüe, Pour ce qu'en li de verité n'a point, Car de haïne et d'envie est venue, Par traïson qui tout ce li enjoint. Mais ne m'en chaut, se Dieus joie me doint, Car se je sui humble et de bon affaire, Je la feray morir de dueil ou taire. (Mach., L. dames, 1377, 172)

Car tout homme qui ad ce pense, Il ne riote ne ne tense N'il ne porroit penser a chose Ou villenie fust enclose, Haïne, baras ou mesdis. (Mach., Prol., c.1377, 7)

Las ! Mon amy, or sont noz amours tournees en hayne, noz doulceurs en durté, noz soulaz et noz joyes en larmes et en plours, nostre bon eur en tres dure et infortuneuse pestillence. (Arras, c.1392-1393, 256)

Et quant le conte de Vandosme le scot, si cuida qu'ilz venissent pour lui exillier, et que OEudes, leur frere, se feust complaint a eulx. Il doubta tant Gieffroy qu'il s'en vint a Bonneval rendre en la mercy du conte OEudes. Et il lui pardonna le meffait, et lui fist hommage de la terre de quoy la haine estoit meue. (Arras, c.1392-1393, 280)

...Mais, juxes adont, s'estoiient passeis d'entreir en chis werres gran nombre de chevaliers et d'escuwirs, par tant qu'elle estoit de sy morteile haymmes (Hemricourt, Guerres Awans B., c.1398, 8)

Je vueil monstrer qu'il avoit tort et que nulle hayne n'est plus en mon cuer. (La Sale, Salade, c.1442-1444, 42)

...vella qui mon envie, Ma grant fureur et ma haynne assouvye Mect a neant, pourquoy d'amour ravie Treves sur ce de bon cueur leur concede. (La Vigne, S.M., 1496, 252)

Au pluriel.

Car Envie si n'est pas seule, Eins vomist souvent par sa gueule Contrueves, baras, jengleries, Meffais, traïsons, tricheries, Murtres, detractions, haïnes, Ou tant a de maises racines Qu'onques nul n'en dit bon exemple, N'en siecle n'a ordre ne temple Ne seculer qu'elle ne triche. (Mach., D. Lyon, 1342, 224)

Dieu m'a le veoir tout osté Par mon penser plain de haynes. (Mir. st Guill., c.1347, 41)

...car il s'ensuiroit trop de plaiz et de haines et d'autres difficultéz et inconveniens plus grans. (Oresme, E.A.C., c.1370, 315)

Les rummeurs des dieux et les haines Vers les creatures humaines, Procedant des faultes villaines Par eulx faictes et parpetrees... (Cene dieux, c.1492, 133)

Haine capitale. Hostilité foncière.

...deux personnes ydoines et convenables, lesquelx feront serment de ce fere bien et loyaument, et après ledit serment creuz des rappors qu'ilz feront au receveur de Paris ou au procureur du Roy en Chastellet contre les mesprennans oudit mestier, senz ce que pleintes se puist fere contre les rappors, se n'estoit que l'on voulsist contre eulx proposer hayne cappital, faulseté ou corrupcion desordenée. (Mét. corp. Paris L., t.1, 1397, 373)

Haine couverte. Haine cachée, dissimulée.

Ainsi se demenerent pluseurs années ces choses, et y sy nourrissoient haynnes couvertes et estoient nourries de longtemps (Froiss., Chron. M., XIV, c.1375-1400, 175)

Pour ce temps, avoit li contes de Hainnau une haine couverte moult grande deviers son serourge, le roi Phelippe de France (Froiss., Chron. D., p.1400, 255)

...par une très grande hayne couverte, laquelle il avoit longuement gardée en son cuer (Doc. 1411. In : MONSTRELET, Chron. D.-A., t.2, c.1425-1440, 125)

...car ce sont toutes enviés, qui engendrent haynes couvertes (Juv. Urs., Verba, 1452, 280)

...et de ce se conspira et engendra une très grande haine couverte à l'encontre du duc (La Marche, Mém., II, c.1470, 137)

C'est a dire que, se on parle en conseil de chose qui touche a celluy contre lequel on a ceste hayne couverte, celluy qui le aura en son ceur ne le sçara telement mucher que on ne perçoive bien en sa deliberation de quel courage il parlera. (Fillastre, Traité Conseil H., c.1472-1473, 247)

Haine mortelle

...l'amour d'entre eulx deux a ceste occasion en fut redoublée, qui entre aucuns mal conseillez eust engendré discord et mortelle hayne. (C.n.n., c.1456-1467, 214)

...le povre peuple de Normendie, qui soubz leur tirannie languit, les het de haine mortelle (Droiz Cour. Fr. H., 1460, 468)

Par haine

Se vous monstreray par escript Ce qu'il m'en a dit et escript. Mais à tous pri qu'il ne desplaise à nelui ; car, par saint Nicaise, Je ne le di pas par envie, Par haÿne, ne par lignie, Car pas ne sui de son linage ; Ne ne le di pour avantage, Pour promesse, ne pour avoir Que je n'autres en doie avoir ; Einsois le di pour verité (Mach., P. Alex., p.1369, 247)

Car ceuls a qui l'en contrairie cuident souvent que l'en le face par haine ou par envie. (Oresme, E.A.C., c.1370, 534)

Donques, s'il n'y a autre cause que aucuns ait sur nous adevinee par envie ou par haine, je dy que par droit vous ne nous devez vouloir nul mal, nous qui sommes hommes et vrais subgiez et obeissans de nostre droit seigneur naturel Remond de Lusegnen, car, se aucun nous vouloit molester ou injurier, si nous devriez vous garantir. (Arras, c.1392-1393, 211)

Sans haine

Adonc saisy l'enffant qu'elle ama sans haïne (Tristan Nant. S., c.1350, 150)

...et nommerés à vostre loyal povoir, sans faveur desordonnée et sans hayne, bonne personne, ydoinne et convenable pour exercer l'office de Chancellier. (Baye, II, 1411-1417, 130)

Avoir qqn en haine. Haïr qqn.

Item, communelment les gens ont en haine ceulz qui contraingnent a leur mouvement et a leurs volentés. (Oresme, E.A., c.1370, 534)

Saint pére, de moy vous souffrez A present, par vostre benigne Grace, sanz m'avoir en haine, Ny en desdaing (Mir. st Lor., 1380, 130)

Sachiez que, non contretant que Remond eust esperance de la ravoir, si avoit il telle douleur au cuer que nulz ne le vous sauroit dire. Et ne fu puis homs qui le veist rire ne mener joye. Et forment avoit en hayne Gieffroy au grant dent. Et sachiez que, s'il l'eust tenu en son yre, il le eust fait destruire. (Arras, c.1392-1393, 262)

...il scavoit bien que le roy l'avoit en hayne du temps qu'il estoit daulphin, jaçoit ce que il l'eust bien et loyaument servi (Le Clerc, Interp. Roye, c.1502, 148)

Avoir haine à / avec /vers qqn

...environ deux ans a, un nommé Thiebaut qui ouvroit avecques eulx esdiz aigoux, fu par ycellui Perrin, qui lors avoit hayne audit Thibaut, fait cheoir en yceulx aigoux, esquelx il ala de vie à trespassement (Reg. crim. Chât., I, 1389-1392, 13)

Hayne vers nulluy tu n'aras, Mais cascon ameras loialment. (Stavelot, Chron. B., a.1447, 384)

...quelz Soulays avoient haine avec ledit Pierre Bellon pour ce qu'il avoit fiancé une soeur à eux, avec laquelle il s'estoit tenu par long temps, et en avoit eu un enfant et ne la vouloit espouzer (Cartul. Laval B., t.3, 1483, 305)

Et incontinent que Jean Bellon les vist, vint au-devant d'eux de peur qu'ilz outrageassent ledit Pierre Bellon, pour la hayne que avoient à luy pour les causes dessusdictes (Cartul. Laval B., t.3, 1483, 305)

Choir en haine. En arriver à se haïr.

Advint que Loys Rambaut et Lymosin, qui estoient compaignons d'armes ensamble, cheirent en hayne. (Froiss., Chron. M., XII, c.1375-1400, 110)

Espris de haine sur qqn. Plein de haine pour lui.

Lors fait Gieffroy monter ses X. chevaliers, et s'arma, et monta, et party de Mont Jouet, espris de grant courroux et de grant hayne sur l'abbé et les moines de Mailleres. (Arras, c.1392-1393, 250)

Cueillir / accueillir qqn en haine. Se prendre à haïr qqn.

...son mari, qui en trop grande haine l'avoit aquelliet par l'enort et consel de un chevalier d'Engleterre (Froiss., Chron. D., p.1400, 60)

Chil archier de Lincole, et moult d'aultres conmuns, pour l'amour d'euls, vous ont quelliet en grant haine (Froiss., Chron. D., p.1400, 121)

La garnison de Bouchain coeully en haynne les compaignons de Walers (Molinet, Chron. D.J., t.1, 1474-1506, 240)

Concevoir / emprendre (une) haine contre / envers qqn. Se prendre à haïr qqn.

...il fist tant devers messire Regnault d' Esconnevort que cilz emprist une petite haynne devers ledit chevalier à petite occoison (Froiss., Chron. M., XIV, c.1375-1400, 175)

...il qui parle (...) sceut et vit que le dessus nommé Jehan Malherbe, son serourge, qui semblablement demouroit en icelle ville de Ligierville, menoit très-mauvaise vie à sa femme, suer de lui qui parle, et qu'il la batoit moult durement et souvent, pour ce que sondit serourge souspeçonnoit sadite femme que elle ne se feist harigoter à aucuns compaignons demourans en icelle ville ; conceut en lui hayne contre sondit serourge, et ot entencion et voulenté de le batre pour la cause dessus dite (Reg. crim. Chât., II, 1389-1392, 17)

...qui avoit conceu hayne mortelle contre ledit Petit Jehan, pour raison de ce que ledit Petit Jehan avoit frapé ou batu longtemps par avant ledit du Bust, pour noise qu'ilz eurent ensemble (Roye, Chron. scand., II, 1460-1483, 58)

Porter haine à qqn

Achillés, qui moult grant hayne Porte a Hector (Chr. Piz., M.F., III, 1400-1403, 83)

Prendre qqn en haine. Se mettre à haïr qqn.

Cestui predist au roy qu'il seroit prins en hayne de ses vassaulx en celui an (Simon De Phares, Astrol., c.1494-1498, f° 143 r°)

Proverbe. Vieille haine toujours apporte nouvelle mort

A ceste heure fut averié [l. averie] la parole que on souloit dire, que tousjours vieille haynne apporte nouvelle mort (Wauquelin, Gir. Ross. M., 1447, 316)

Il n'est si mauvaise haine couverte ni si mauvaise guerre que de voisins

Ms on dit communement une parolle asses veritable : il nest [l. n'est] ni [l. si] mauvesse haynne couverte ne si mauvesse gerre que de voisins ensanble leun [l. l'eun] a lautre [l. l'autre] (Jean De Haynin, Mém. B., t.1, 1466-1477, 109)

B. -Aversion pour qqc..

Avoir qqc. en haine

Mais j'ay leurs raysons recitees loyalment et declairé evidenment qu'elles ne sont pas bonnes et que aucunes de elles sont purement sophistiques, quar combien que Aristote fust excellent philosophe, nientmoins selonc ce que puet apparoir par ce que dit Eustrace sus le premier d'Ethiques, Aristote reprovoit aucune foys Plato trop indeuement et avoit ses oppinions en hayne oultre rayson. (Oresme, C.M., c.1377, 260)