AFFECTION

substantif féminin

[T-L : afectïon ; GDC : affection ; AND : affection ; FEW (XXIV, 247a) : affectio ; TLF (I, 845a) : affection]

A. -Siège des émotions, des sentiments (p. oppos. à l'intellect, à l'entendement) ; affectivité.

A fin qu'en leur affeccïon Soit miex causee en vraie amour Raison de servir nuit et jour Vous et moy, sire. (Mir. enf. ress., 1353, 7)

Science appartient principalment a l'entendement et sapience a l'affection ; et emporte selon son nom sapience autant comme savoureuse science ; et ceste saveur regarde l'affection, le desir, l'apetit et la volenté de la personne (Gers., Montagne contempl. G., 1400, 19)

Car puis que la saincte Ame, qui va a Dieu, aura mis ung de ses piez, le pié de l'entendement, en la voye de Dieu en creant qu'il est comme raison enluminée de vraye foy crestienne lui a tesmoingnié, tout bon et tout amoureux et tout desirable (...), lors elle avance l'autre pié de affection par devocion amoureuse, et passe tout (...) car amour ne doubte riens, jusques a tant que elle [se] joingne a Dieu... (Gers., Trin., 1402, 171)

Quant l'ame devoste se sera excercitee a mediter les creatures et choses divines, elle en ara ycy double fruict. Lentendement sera illumine par congnoissance et l'affection sera enflambee de amour et de leesse espirituelle. (Cib., p.1451, 180)

Ma propre affection. Ma propre volonté.

[La marquise] Car quant premierement entray Ou palais, ou tant d'onnour ay, Mes povres robes desvesti Et des tiennes me revesti, Et aussi je me desnüay De ma voulenté et laissay Du tout ma propre affeccïon, Aians certaine entencïon De ta voulenté prendre et faire. (Gris., 1395, 64)

B. -Disposition de l'âme, émotion, sentiment.

1.Émotion , passion.

Musique les affeccions Meut, et sens et entencions Provoque en diverses manieres. (Chr. Piz., M.F., II, 1400-1403, 117)

Se tu es franc en ton cueur de toute affection desordonnee, riens ne te peult empescher de bien faire (Etat perfection, c.1400-1500, fº 199 vº)

Nous congnoissons ces passions, mouvemens, ou affections, es petis enffans, voire es bestes mues par voix ou sons que ilz monstrent par dehors (Gers., Canticordum G., c.1425-1430, 115)

En seurplus je me tairay de present donner la nature et declaracion de ces affections qui se nomment par les philosophes passions (Gers., Canticordum G., c.1425-1430, 116)

...les cinq principales affections : doleur, paour, pitie, espoir et joye, doivent tenir le moyen par mesure vertueuse. (Gers., Canticordum G., c.1425-1430, 119)

Laissez aigreur et faiz contencïeux, Orgueil, fierté, vouloir ambicïeux, Affettïons, appetit vicïeux (Chart., L. Paix, a.1426, 420)

Et puis a la fois pour toy humilier tu descendras a congnoistre ton inclinacion a pechie, comme tes meurs, tes affections, tes cogitacions et tes operacions sont vicieuses, et penseras, par diligentement mediter sur ton estat, sur tes condicions, sur ta maniere de viure et a quoy tu es enclin soit a vice soit a vertu (Cib., p.1451, 187)

...ung conseillier doit gouverner et maistrier les affections adressier ce qui est affaire, corriger les excés, concepvoir les meurs (Juv. Urs., Verba, 1452, 314)

Ce t'est neccessaire (...) que tu congnoissez toy mesmez en tez mouvemens, en tez passions, affections et operations (Cib., Ame raisonnable, c.1452-1458, fº 240 vº)

De ces appetis concupiscible et irascible procedent et naissent quatre affections, c'est a dire actions ou passions, desirs ou manieres de voulentés, c'est à sçavoir joye, espoir, doleur et cremeur (Somme abr., c.1477-1481, fº 70 vº)

Émoi.

... [Pierre] entra en la chambre du [sic] Maguelonne en grant affection du cueur. (Belle Maguel. C., 1453, 17)

Sentiment, humeur.

Car il ne reçoit ou accepte les paroles des autres et on ne le contredit pas par amisté ne par inimisté ne par affeccion d'amour ou de haine (Oresme, E.A., c.1370, 264)

Maiz ceste supplication, Sourdant de bonne affection Très singulièrement s'adresce à Messeigneurs, de grant prouesce, Maistrisez sans difficulté En la très noble Faculté De doctrine médicinale (La Haye, P. peste, 1426, 166)

Ilz ont joyeuse affection Et toute lÿesse florie. (Myst. Pass. Troyes B., a.1482, 267)

... [les détracteurs de l'astrologie] à faulte de sçavoir la differance des bons ars et des mauvais et sçavoir aussi separer le vray du faulx, le blanc du noir et le pur de l'impur, mais jugeans de ce à travers, comme aveugles font de couleurs, suivans seullement leur affection desordonnée (...) ont pretendu et se sont efforciez icelle tant excellante et utille science et la principale et doyenne des sept ars liberaulx, astrologie, villipender, abollir et destruire (Simon De Phares, Astrol., c.1494-1498, f° 2 r°)

Au pluriel.

...Dieu seulement scet lez choses avenir et cognoit lez volantés dez gens ; car lez choses avenir ne lez condictions ou lez affections dez gens ne sont point causees des estellez ne dez corps celestes. (Songe verg. S., t.1, 1378, 377)

...il est bien voir ce que le proverbe dit, que aux oeuvres, non mie aux parolles, se demonstrent les affections du vaillant preux (Bouciquaut L., 1406-1409, 66)

...que le seint espirit descendist entre vous pour enluminer vos cuers, affeccions et pensés (Rouen temps Jeanne d'Arc L., 1436, 315)

...car [le roi de France] craignoit fort que les affections des Parisiens ne tournassent de legier envers les Bourguignons (Chastell., Chron. IV, D., c.1461-1472, 241)

Penchant, tendance, inclination.

Au nom de Nostre Seigneur, amen. Sachent tuit present et a venir que l'an de Nostre Seigneur mil CCC.XXXIIII. (...) furent presens et assemblez pour ce personelment ou chastel de Bourbon (...) lequel monsieur le duc en monstrant la grant affeccion de bonne et vraie amour qu'il avoit envers lesdiz chevaliers pour contemplacion de leurs personnes et de leurdit seurnom de Bourbon qu'il portoient, de sa pure et franche liberalité anobli lesdiz chevaliers (Titres Bourbon H.-B., t.1, 1334, 354)

Amour vient de charnel affection (Mach., J. R. Beh., c.1340, 121)

...tu la [Marie] trouveras de merveilleuse fecondité pour quatre condicions d'affeccion amoureuse qu'elle met (Mir. st Panth., 1364, 309)

Aucuns (...) ont plus voulu ensuir leur affection et propre sens ou voulenté que le jugement de raison (Etat perfection, c.1400-1500, fº 176 vº)

Il voult trop mieulx ne soy pas tant haster d'acomplir son desir pour saouler l'affection de ses vains appetis (RENÉ D'ANJOU, Mortif. Vaine Plais. L., 1455, 36)

Sentiment, intuition que l'on a des choses.

Vo glorieuse assumption [de la Vierge] Et vostre coronation Dont j'espoir ma redemption Monstrent en ma conclusion Qu'estes, par droite affection, De Dieu le pere eslite. (Mach., Lays, 1377, 401)

...noz sens sont trop foibles, noz ans trop cours et noz affections trop fraelles à les comprendre [les jugements de Dieu] (Chart., Q. inv., 1422, 4)

Avoir affection que. Avoir le sentiment que.

...et plus sera deliee de engin et de science naturelle, et plus tost y aura affection que ce soit chose faisable, combien que les choses secretes de Dieu ne puet nulz savoir au cler. (Arras, c.1392-1393, 311)

Par affection

Par appréciation affective, plus ou moins irrationnelle.

...par exemple d'aultrui fault souldre la question qui te tient aux liens de erreur par affection. (Chart., L. Esp., c.1429-1430, 39)

...voz conseilz sont sans liberté et sans ordre, vos oppinions par affection, voz conclusions sans arrest (Chart., L. Esp., c.1429-1430, 81)

Vous avés tort, Et parlés par affection De vouloir par infection Tous humains destruire et deffaire. (Cene dieux, c.1492, 113)

[P. oppos. à par effet] Par des dispositions intérieures, affectivement.

...ceulx qu'il [Dieu] ayme par affeccion et par effait, c'est a dire par bonne congnoissance de affeccion et operacion (Crap., Cur Deus, De arrha B.H., c.1450-1460, 271)

Le filz pourroit estre si bon qu'il seroit preferé au pere par effect et par affeccion (Lettre dir. spirit., c.1450-1500, fº 232 r°)

Nous sommes tenuz de amer par affeccion toutes gens, mais nous pouons suspendre l'effect a temps (Lettre dir. spirit., c.1450-1500, fº 232 vº)

Nous devons plus prier Dieu par affeccion que par voix (Montfiquet, Oraison dominicale, a.1485, fº b 3)

2.Désir, désir de qqc., intérêt pour qqc..

Et plus son cuer tourne et varie Hors des affeccions du monde (Mir. ev. N.D., c.1348, 62)

En vain me sont venu preschier Certes, car mon affeccion N'est point ne mon entencion D'avoir ja femme. (Mir. chan., c.1361, 145)

Avoir son cuer fichié en Dieu et n'avoir point d'autre affection terrienne est ce qui appartient a la personne esperituelle (Etat perfection, c.1400-1500, fº 202)

Lequel [un conseiller] leur dist que Platon disoit quod unaqueque res publica non bene geritur nisi quis proprios affectus dimictat, et qu'il sembloit que leurs affeccions n'estoit a ung chascun que a leur bien particulier, qui estoit chose a reprouver (Juv. Urs., Loquar, 1440, 342)

Ceulz qui ont ja les vices, les passions et les affeccions mondaines mortifies et laissees (Vie contempl., c.1450-1500, fº 2 vº)

Laquelle, voyant la singuliere affection et desir du dit Thomas, luy dit... (C.n.n., c.1456-1467, 388)

Avoir affection à / en qqc.

...vous vous cesserez De moy parler que prengne femme (...) Car (...) Je n'y ay point d'afeccion (Mir. chan., c.1361, 151)

...li princes (...) grant affection avoit en ce voiage (Froiss., Chron. L., VI, c.1375-1400, 210)

Après quoy il luy auroit peu dire et remonstrer l'affection qu'il avoit audit véage (Chart. J., Chron. Ch. VII, V., t.3, c.1437-1464, 63)

[Le chancelier de France aux ambassadeurs du duc de Bourgogne :] Et quand il [le daulphin] eust eu desir de faire ledit voyage [de Turquie] , il deust prealablement avoir prins peine de soy reduire au roy et luy obeÿr (...) ; et aprés luy eust peu dire et remonstrer l'affection qu'il avoit oudit voyage, pour savoir sor ce le bon plaisir du roy (Chastell., Chron. IV, D., c.1461-1472, 66)

Avoir affection que. Désirer que.

...li rois de France (...) avoit intension tres grande et affection que il les combateroit (Froiss., Chron. D., p.1400, 323)

Après qu'il eut cogneu les vertuz et doulces condicions d'elle, il eut (...) affection et desir qu'elle fust dame de ses biens par juste mariage (C.n.n., c.1456-1467, 557)

...ensamble la grant affection et desir que [des nobles du Daulphiné] avoient que leur seigneur fut reconsilié et en bonne amour avec son pere (Chastell., Chron. IV, D., c.1461-1472, 86)

Avoir affection à / de / pour + inf.

Lequel monsieur le duc [Louis, duc de Bourbonnais] devantdit considérant et veant la bonne affeccion que lesdiz chevaliers [Jean et Guy de Bourbon] avoient à faire avec li et en sa compaignie ledit saint véage, le reçust pour aler oudit saint véage à leurs despens en sa compaignie (Titres Bourbon H.-B., t.1, 1334, 355)

...noble homme monsieur Bremon, seigneur du chastel de la Voute, chevalier, aianz grant affection d'aler ou saint voiage d'oultremer, en la compaignie de très-haut et excellent prince monseigneur Loys duc de Bourbonnois, (...) chamberier de France promist, acorda, et enconvenança audit monsieur le duc present a aler oudit saint voiage et estre a ses propres couz et despens (Titres Bourbon H.-B., t.1, 1335, 361)

E ! Mere Dieu, bien doy avoir De vous servir affeccïon (Mir. enf. ress., 1353, 8)

Se vostre dame au maintieng coi A de vous vir affection, Onques ne fu s'intention Que vous vous mettés en peris Ou pluiseurs ont esté peris (Mach., Voir, 1364, 6594)

Une est en pensee, volenté, desir et affeccion de ouvrer selon tele vertu quant il convendroit. (Oresme, E.A.C., c.1370, 360)

J'ay desir et affeccion De faire ent satisfacion Et penitence qui le vaille. (Mir. Rob. Dyable, c.1375, 36)

...par grant affection et deliberation de corage que vous avés à garder l'onneur et le pourfit de la bonne ville de Gaind (Froiss., Chron. R., X, c.1375-1400, 84)

...ceulx qui affection avoient de retourner en leurs pays. (Froiss., Chron. M., XIV, c.1375-1400, 117)

Je n'euz oncques intention N'affection En ma vie d'autrement faire (Régn., F.A., 1432-c.1465, 197)

Et nous, remirans en nostre pensée les doulces amistiés et confédéracions qui de grand ancienneté ont esté continuées entre noz progéniteurs (...) au reboutement de toutes divisions, haynes, débas et envies, qui sont tous jours occasion de perturber et pervertir toute bonne pollicite et sceurté humaine (...), avons prins juste occasion de vous escripre présentement l'affection que nous avons d'entretenir et continuer lesdictes confédérations et amistiés (Doc. 1435. In : MONSTRELET, Chron. D.-A., t.5, c.1444-1453, 206-207)

Je pense qu'assez tost venra, J'ay desir et affection De le veoir, lors doublera Ma grande jubilation, Car c'est la consolation De tout le peuple d'Israel, Venu pour la redemption D'humaine procreation (Marcadé, Myst. Pass. Arras R., a.1440, 51)

Le samedy soir environ six heures, aprés le salue de Nostre Dame et que j'eus prise assez legiere refection, tant pour l'onneur du jour comme pour l'affection que j'avoie pour veoir et oyr a quel fin prenderoient noz dames conclusion de leur euvangiles, je, aprés que j'eus prises mes agoubilles, papier, plume et enchre, me transportay ou lieu ou le soir precedent avions assemblé. (Ev. Quen. I, c.1466-1474, 111)

J'ay si tresgrant affection De laisser la mondanyté (La Vigne, S.M., 1496, 261)

Avoir en affection que. Tenir à ce que, attacher de l'importance à ce que.

Certes j'ay en affeccion Que jamais pour gaain ne pour perte De ceste abbaie ne parte, Puis que ma compaigne y est morte (Mir. Theod., 1357, 128)

Affection de qqc. Désir de qqc..

...pour le temps que la personne devra dormir ou lit de contemplation venra une affection noyseuse de bonne pratique ou action qui la venra sans necessité lors esveiller (Gers., Dial. spirit. G., c.1407, 183)

...parquoy cely qui vaincoit et emportoit sa querelle donnoit occasion d'envie a l'aultre et affection de revenge. (Chastell., Chron. IV, D., c.1461-1472, 105)

Affection de vérité

Et pour animer, exciter et esmouvoir les cuers des jeunes honmes qui ont subtilz et nobles engins et desir de science, afin que il estudient a dire encontre et a moy reprendre pour amour et affection de verité, je ose dire et me faiz fort que il n'est honme mortel qui onques veist plus bel ne meilleur livre de philosophie naturele que est cestui (Oresme, C.M., c.1377, 730)

Affection de + inf. Désir, besoin de + inf..

Voir est qu'il ne demoura pas Que de dormir l'affeccïon Me vint par la subgeccïon De l'ennemi. (Mir. enf. ress., 1353, 37)

3.Sympathie pour qqn, attachement à qqn ; amour.

...la personne ouquel elle mettroit et afficheroit son affeccion (Reg. crim. Chât., II, 1389-1392, 323)

[Un ami] ne considere pas tant le don de son ami comme l'amour et l'affection. Il regarde plus l'affection que la grandeur du don (Etat perfection, c.1400-1500, fº 207 vº)

Il [JC] sentoit bien parfondement et par affection et compassion les maux qui estoient a venir sus ceste cité (Gers., Rameaux G., c.1404, 651)

...pour le mouvement et le pétition De la noble royne (...) Furent trestous d'acort (...) C'au bon duc de Bourgongne ert leur afection (Geste ducs Bourg. K., c.1410-1419, 448)

...dudit traictié, faisant mencion que desormais auroit entre les deux peuples paix, union, transquillité, concorde et affeccion mutuelle et amictiés fermes et estables (Juv. Urs., Aud. celi, 1435, 194)

...il [le duc de Bourgogne] savoit bien que elles [des Parisiennes] estoient de ceur et d'affection a ly et enclinees envers sa maison (Chastell., Chron. IV, D., c.1461-1472, 240)

Ire peut estre une remission ou refroidement de charité et de affection envers sa proxme (Somme abr., c.1477-1481, fº 114 vº)

Mais de plus grant affection sont a amer les enfans que les parens (Somme abr., c.1477-1481, fº 167 vº)

De grande affection / de toute notre affection

Car se il est bon roy, il a la cure de euls et met grant diligence a ce que euls facent bien et que ilz soient bons et les aime de grant affeccion aussi comme le pasteur a la cure de ses oailles et les aimme. (Oresme, E.A., c.1370, 438)

Craindre la [Griseldis] voulons, et amer De toute nostre affeccïon. (Gris., 1395, 18)

...monsr Charles de France et monsr de Charroloys estoit à une fenestre et parloient eulx deux de très grand affection. (Comm., I, 1489-1491, 41)

Avoir affection à / en / envers qqn

Car ce qu'il font il font pour voir (...) par tresgrant affeccion Qu'il ont a la vierge Marie. (Mir. ev. N.D., c.1348, 57)

Prendés de vostre gent de boine opinion Où vous ayés amour et vraie affection (God. Bouillon R., t.2, c.1356, 179)

...attendu aussi (...) le serement aussi par lui fait ausdiz duc de Lenclastre et conte d'Ermignac, l'affection singuliere qu'il avoit à yceulx contre le roy de France nostre sire, qui est droiturier seigneur et naturel, et dequel terre et royaume il est nez et subget (Reg. crim. Chât., II, 1389-1392, 207)

Sire, la grant affectïon Et l'amour grant qu'a vous avons, Qui vous et les vostres amons (Gris., 1395, 11)

...en remerciant la Court de la bonne affection et diligence qu'elle a eu et a adès à ladicte Université (Baye, I, 1400-1410, 109)

...qui de Dieu le plus hault honneur tient Par seigneurie ou dominacïon, Plus est tenu et plus lui appartient D'avoir en lui entiere affectïon (Chart., B. Nobles, c.1424, 396)

...les juges (...) gloseront les loys ou ordonnances (...) pour parvenir ou faire ung plaisir desraisonnable a ceulx ausquelx ilz auront affection sans avoir regard au bien de la chose publique (Juv. Urs., Verba, 1452, 288)

Et me pardonnerés, se tant j'ay parlé ; car la bonne amour et affection que j'ay à vous, me constrainct de vous amonnester à bien faire. (Bueil, I, 1461-1466, 129)

[Le roi de France aux ambassadeurs du duc de Bourgogne :] Si est vray que j'ay oÿ ce que m'avez dit (...) touchant le bon voloir et affection que beau frere de Bourgoingne a envers moy, meismement pour appaiser ceste matere (Chastell., Chron. IV, D., c.1461-1472, 70)

Or estoit ceste dame droit cy portingaloise dame qui (...) ne querroit que sorte en Paris d'un costé et d'aultre pour passer temps et deviser, et par especial de celles que pensoit avoir affection a la maison de Bourgoingne (Chastell., Chron. IV, D., c.1461-1472, 237)

SAINCT MARTIN. J'ay si tresgrant affection En mon Dieu que, pour abreger, Quant je pence a sa passion, Boire je ne puis ne menger. (La Vigne, S.M., 1496, 205)

Avoir son affection à qqn

... [La reine de Hongrie, qui souhaite marier sa fille à un prince français] avoit grandement son affection et plaissance à Loïs de France, conte de Valois (Froiss., Chron. R., XI, c.1375-1400, 248)

Mettre son affection en qqn

Jhesus, Jhesus, filz de Marie En qui j'ay mis m'afeccion, Mon desir, ma dileccion... (Mir. Pierre Changeur, c.1378, 276)

4.RELIGION Mouvement, élan spirituel.

Ce n'est pas chose perdue ou mesapartenant parler a simples gens de la vie contemplative pour les introduire a amer Dieu et l'assavourer ou gouster par saintes et doulces affections comme par esperance, par bonne paour, par ardant desir, par avoir desplaisance et tristece se on l'a courroucé par pechié (Gers., Montagne contempl. G., 1400, 20)

On ne puet mie escripre les affections ne les engendrer par lettres ou par parolles (Gers., Montagne contempl. G., 1400, 50)

Tous jours en oroison n'a mie la personne une meisme affeccion ou desir, mais se change en moult de manieres, qui toutes sont bonnes et valent comme oroison ; car, a bien parler l'oroison, oroison n'est fors humble et devote affeccion ramenee finablement a Dieu (Gers., Mendicité G., 1400-1401, 238)

Que entens tu par grace ? - Je entens inspiration divine et devote affection du cueur (Traité S. Sacr. B., c.1450-1500, 152)

Nous devons amer Dieu de toute affeccion et planiere de nostre cuer (Vie contempl., c.1450-1500, fº 30 vº)

Et par la grandeur de ioye en quoy elle est elle est transportee en une affection supermondaine et aussi comme sus humaine nature, et est rauie en une grant participacion de felicite et vouldroit tousiours demeurer la. (Cib., p.1451, 191)

Ouye ceste nouvelle, l'ame sent en soy une amour ardant, fervent et eslevant, qui l'eslieve de sa propre et tendre affection en la vraye, ardant et [fervent] amour de son amy (Disc. amour divine, 1470, 68)

Que l'ame devote soit d'amour vivifiee, il appert par ses affections et notions (Disc. amour divine, 1470, 174)

Homme plain d'umble affection, De grant sanctifficacion, Bien doibs louer vostre bonté (La Vigne, S.M., 1496, 392)

5.RHÉTORIQUE Forme rhétorique traduisant les dispositions de l'âme.

La .XII^e. couleur [de sentence] c'est affection, la quelle apprent a exprimer l'affection que tu as a aucune ame (...). Et a proprement parler ceste couleur cy se fonde en beneiçon et maleiçon, mais il y a difference en tant que beneiçon et maleiçon parlent determineement (...) ; mais affection parle par maniere de condicion sans riens determiner et sans riens nommer expressement, car elle procede par maniere de desir. (Legrand, Archil. Sophie B., c.1400, 121)

C. -Ardeur.

D'autre partie, l'estude de tous livres engenre et embat, ou acroist es cuers de ceuls qui y entendent, affeccion et amour au bien publique (Oresme, E.A., c.1370, 99)

...ceulx qui enquierent avec toy par charité et affeccion studieuse et religieuse (Crap., Cur Deus, De arrha B.H., c.1450-1460, 167)

Dont, par glorieuse affection, il acombla de loenge aux dieux l'oeuvre et la destruction de tirannie. (La Sale, Sale D., 1451, 101)

De / par grant affection. Avec ardeur.

[Le seigneur de Beaujeu, blessé à mort exprime à son frère ses dernières volontés] Messires Guiçars (...) li acorda tout de grant affection (Froiss., Chron. L., IV, c.1375-1400, 120)

... [la comtesse de Montfort] lor pria de bon coeur et par grande affection que tout vosissent entendre au bien combatre (Froiss., Chron. D., p.1400, 776)

La medecine est penitence ; La diete est attrempance, Jeüne et affliccion Empris par grant affeccion. (Chr. Piz., M.F., II, 1400-1403, 112)

Avoir grande affection à qqc. Y mettre beaucoup d'ardeur.

... [Edouard III préparant sa guerre contre la France, le duc de Brabant lui indique un moyen de connaître ses véritables alliés] ceuls qui ont la plus grande affection à la besongne (Froiss., Chron. D., p.1400, 288)

Mettre son affection à + inf. S'attacher à + inf..

Or mettez vostre affeccion, Sire, a humer ceste escuelle De coulis (Mir. Pierre Changeur, c.1378, 252)