CONCORDE

substantif féminin

[T-L : concorde ; GD : concorde ; GDC : concorde ; AND : concorde ; FEW (II-2, 1012b) : concordare ; TLF (V, 1257b) : concorde]

A. -Accord entre les personnes, union, alliance, bonne entente.

Ainsi fumes nous racordé, Com je vous ay ci recordé Par tresamiable concorde. (Mach., Voir, 1364, 784)

Et apres ce, par amour ou par concorde, ceste masse fu desmelee et formee et ordenee, et ainsi fu fait ce monde. (Oresme, C.M., c.1377, 166)

Pour ces jours, toute paix, toute amour et toute concorde estoient en Engleterre, et gouvrenoient le roiaulme, li contes de Qent et messires Rogiers de Mortemer. Et tout se passoit par ces deus, liquel avoient esté si bien d'acort ensamble tousjours que nul different on n'i avoit point veu. (Froiss., Chron. D., p.1400, 182)

...qu'ilz [les sujets du roi] feussent ensemble en bonne amour, union et concorde, et que en ce ilz perseverassent (Juv. Urs., Loquar, 1440, 408)

[En couple avec paix]

En senat de Satrique avoit lors deux parties : l'une estoit de ceulz qui avoient esté aucteur de la deffaillance aus Samnites et l'autre estoit de loiaux citoiens ; mes touteffois l'une partie et l'autre fu d'accort que l'en meist painne et diligence de faire pais et concorde aveuques le consul. (Bers., I, 9, c.1354-1359, 16.6, 28)

Dame par qui paiz et concorde Fu entre Dieu et homme faite... (Mir. ev. arced., c.1341, 110)

Ce jour, la Court a advisé de rescripre lettres closes exhortatives afin de paix et concorde entre les ducs de Bourgongne et de Glocestre. (Fauq., II, 1421-1430, 242)

Gens bon eureux porra on nommer Lesquelz ça jus vorront amer Paix et concorde et union, Car telz gens seront par raison Dit filz de Dieu et bien amez [Passage des Béatitudes, cf. Matth. 5, 9] . (Marcadé, Myst. Pass. Arras R., a.1440, 88)

...je bailleray le roy de France pour exemple estant dedans Paris, les princes et seigneurs qui estoient devant, en grant discord desordonné par yceulx. Touteffoys, graces à Dieu ! paix et bonne concorde se y trouva. (Bueil, II, 1461-1466, 234)

Personne qui a les cheveux noirs, bon visaige et bonne couleur segnefie droicte amour de justice. Les fors cheveux segnefient que la personne ayme paix et concorde (Comp. kal. bergiers, 1493. In : Chrestom. R., 265)

Par concorde. Par amitié.

LE SECOND CLERC. Gardons bien que nul ne discorde Et au surplus ne donnez rien ; Tirons hardyment ! MARELLIER. Par concorde, Aÿde moy. PREMIER CLERC. Je le veulx bien, Pour appeller les gens de bien Et que le bas peuple s'assemble. (La Vigne, S.M., 1496, 544)

Avoir concorde

Mais ce n'est pas possible que les mauvais aient concorde se ce n'est en peu de choses et peu souvent en la maniere que ilz ne peuent estre amis fors un peu. (Oresme, E.A., c.1370, 472)

Estre d'une concorde. Être en bonne intelligence.

Et, adonques, les bestes firent paix avecques les oyseaulx et furent d'une concorde. (Macho, Esope R., c.1480, 115)

Estre en concorde

Mais l'en dit que les citéz sont en concorde quant il ont un consentement des choses qui leur sont conferentes et proffitables. (Oresme, E.A., c.1370, 471)

Mettre en concorde (des pays)

Dieu, par sa misericorde, Les princes corde et loie en bons accords, Et met Espaine et Austrice en concorde (Molinet, Faictz Dictz D., 1467-1506, 340)

Ramener qqn à concorde. Se réconcilier quelqu'un.

Mais après dieu par sa pitié Nous remena tous [les hommes] a concorde (Oudin, St Genis M.S., c.1490, 64)

[Dans un cont. métaph.]

Hé ! fonteinne de concorde, La duis de misericorde, Ruissiau qui leve et racorde Mains pecheurs, fluns de douçour, Oy ma clamour... (Mach., Les lays, 1377, 412)

Par personnification.

Pais sui qui volentiers feroie Adès bien, et si defferoie Le mal ; aussi feroit Concorde ; Car quanque je vueil, elle acorde, Toutes heures, et soir et main. (Mach., J. R. Nav., 1349, 212)

O pitié, o misericorde, O doulx Jhesus par qui s'accorde Tout pecheur a remission, Doulce fontaine de concorde, Quant de tes haulx fais me recorde, On te fait grant extorcion. (Gréban, Pass. J., c.1450, 332)

Proverbe. Concorde donne victoire et discorde donne la mort

Concorde donne victoire et discorde donne la mort. (JEAN D'OUTREM., Myr. histors B.B., t.1, a.1400, 182)

B. -Union spirituelle.

Je te pry, par vraye concorde, Pour ma personne desolée, Si que par ta misericorde Elle puist estre consolée (Prisonn. desconf. C., c.1488-1489, 61)

C. -Accord, harmonie entre les choses.

Le doulx organ, qui tout accorde, C'est de bouche et de cuer concorde (Chr. Piz., M.F., II, 1400-1403, 110)

THÉOLOGIE

Ceste chose Saint Augustin declaire par aultre maniere de parler ainsi : 'Ou Pere est unité, ou Filz est equalité ou pareilleté, ou Saint Esperit est concorde de unité et de equalité.' (Somme abr., c.1477-1481, 160)