OSTER

verbe

[T-L : oster2 ; GDC : oster ; DECT : oster2 ; FEW (VII, 287b) : obstare ; TLF (XII, 687b) : ôter]

I. -Emploi transitif.

A. -Oster qqc.

1.Oster qqc. (de qqc. ou de qq. part)

a)Enlever, retirer qqc..

Et si me prist par la main destre De la sienne, blanche et polie, Pour mieus savoir ma maladie ; Si senti mon pous et ma veinne Qui estoit foible, mate et veinne. Mais sa main n'ostoit a nul fuer De la veinne qui vient dou cuer, Car bien savoit, la bonne et sage, Que dou cuer me venoit la rage Qui si griefment me demenoit, Et que d'ailleurs ne me venoit. (Mach., R. Fort., c.1341, 57)

Une dame sans villenie D'un chevalier estoit amie, Si li donna un anelet Trop gent (ne fu villein ne let), Par si qu'adès le porteroit Et que jamais ne l'osteroit De son doy, s'elle ne l'ostoit. Et li chevaliers, qui estoit Tous siens, bonnement li promist, Et la dame en son doy le mist. (Mach., J. R. Nav., 1349, 235)

Et li rois, a chiere piteuse, Li dist : 'Daniel, biaus amis, En lac des lions sera mis. Sergens de Dieu, pren bon espoir En ton dieu, car par li j'espoir Que chascuns clerement verra Qu'a joie te delivrera.' Adont fu une pierre ostee Qui moult estoit pesant et lee, Si le mirent sans demourer, Pour li mangier et devourer, Comme l'aignel entre les leus, Avec les lions familleus. (Mach., C. ami, 1357, 40)

Toutes vulneres qui sont prolongees jusques a un an ou plus, il est neccessité d'oster l'oz de la plaie, et que les cicatrices concavees demeurent. (Saint-gille, A.Y., 1362-1365, 94)

Mon tresdoulz cuer, je vous envoie ce que vous m'avés mandé, et vos paternostres ; et vous promet loyalment que je les ai portees, tout en l'estat que je les vous envoie, .II. nuis et .III. jours, sans oster d'entour moi ; et, depuis que li fremaillés fu fais, ai je tous jours porté les paternostres en ycelle maniere que je les vous envoie ; si vous pri que vous le[s] veuilliés porter. (Mach., Voir, 1364, 458)

Si ne vaus depuis aourer Sa belle ymage, ainçois l'ostai De mon chevés et la boutai Et mis en un petit coffret (Mach., Voir, 1364, 666)

...et que quant elle vouloit baisier, acoler ou soy esbatre, par aucune avanture, avec sondit ami, elle li ostoit ledit oreillier de dessoubz la teste, et le boutoit arriere (Reg. crim. Chât., I, 1389-1392, 338)

...lequel Montagu estoit si elevé que quasi nulles fois, lui venant à la Court de Parlement, n'ostast son chaperon de sa teste (Baye, I, 1400-1410, 292)

Ce jour, ont esté ostées les chaennes atachées es rues de Paris, de par le Roy à foison de gens d'armes (Baye, II, 1411-1417, 251)

DEUS. (...) Or voulons nous que ceste coste Que de son costé dextre oste Soit en femme esdiffiee (Pass. Semur D.M., c.1420 [1488], 13)

Or sus ; toute la companie Se mecte pour la pierre ouster. Sus, seigneurs, venés tous ayder ! (Pass. Auv., 1477, 261)

...et puis ne scet aprés qu'il devint [son cheval] car on luy oustout [oste tout ?], comme il dit. (Lettres rémission René II P.D.H., 1492, 237)

Tu nourritz ire (...), Et ouste du monde la vie (Rivière, Nef folz D., 1497, 210)

Oster qqc. du coeur de qqn / de son propre coeur

De mon vrai cuer jamais ne partira L'impression de vo douce figure ; Quar vostre ymage emprainte si l'i ha, Qu'il n'est cysel ne liqueur ne rasture, N'au monde n'a si subtil creature Qui l'en peüst effacier në oster, Ne qu'on porroit tarir la haute mer. (Mach., Voir, 1364, 192)

Quant il oy ceste parole, Qui fu clere, sans parabole, Quatre fois ou V. repetée, Dedens son cuer fu si fermée, Et par tel guise le nota, Qu'onques puis il ne l'en osta. (Mach., P. Alex., p.1369, 10)

...et pour ce vous prioit que, se aucune indignacion aviez conceue contre lui, qu'il la vous pleust ester [l. oster] de vostre cuer. (Doc. 1411. In : MONSTRELET, Chron. D.-A., t.2, c.1425-1440, 134)

Je vous requier et prie, ostez de vostre cueur tout courroux que avez vers moy conceu (C.n.n., c.1456-1467, 29)

...le roy Jhesus de ma bouche Ne de mon cueur tu n'ousteras (Oudin, St Genis M.S., c.1490, 91)

Oster qqc. (hors) de la main de qqn. Retirer qqc. de la mainmise de qqn.

Item, que l'on bailloit au maire comme a Guillaume Bourgeoise la melaidere de Dijon pour estre maistres et governerres d'icele, qui dehuement la pourray hoster de la main a celui qui la governe (Echevin. Dijon L., 1342, 12)

Et pour ce li rois Phelippes avoit celle devotion de convertir ces armes et esbatemens a aler sus les Incredules et conquerre la sainte chité de Jherusalem et le roiaulme de Surie, et tant faire par poissance que de oster hors des mains dou soudan et des Incredules. (Froiss., Chron. D., p.1400, 240)

[De la mort]

Bien est verifié en luy que amour est forte comme la mort car amour separe l'ame du monde comme la mort oste l'ame du corps. (Gers., P. Paul, a.1394, 511)

b)Oster qqc. (de concr. ou d'abstr.) hors (de). Enlever, sortir, évacuer qqc. (de).

...Comment on les poeut [des poissons] de gellee Et hors de galentine hoster (Dit prunier B., c.1330-1350, 60)

Oste les [ces escharboucles] hors de ma chappelle. (Mir. pape, 1346, 393)

Or use dont de ta science Et met en pais ta conscience, S'en oste hors erreurs et doubtes, Et saches une fois pour toutes, Se tu aucune chose pers, Soiez avisiez et apers Que tu puisses par bien ouvrer A point ta perte recouvrer Ou chose qui ta perte vaille. (Mach., D. Aler., a.1349, 342)

Merlus doit estre despecié par morceaulx quarrez comme eschiquier, puis tremper une nuyt seulement ; puis les oster hors de l'eaue, et apres mectez seicher sur une touaille. (Ménagier Paris B.F., c.1392-1394, 239)

...par tort des faulx Rommains Fut ostée hors de leurs mains L'election [les Romains, par leur tort, perdirent le droit d'élire le pape] (Bouvet, Appar. Meun A., 1398, 46)

Par quoy, se aucune chose y avoit qui peut ou deust estre ou feust a vostre desplaisance, je vous supplie tres humblement que le veulliez tenir pour non dit ou escript, ou oster hors de vostre memoire (Juv. Urs., Verba, 1452, 187)

...[ils] vindrent au monastere ; et osterent hors le Corpus Domini, et aucuns aultres reliquaires (C.n.n., c.1456-1467, 225)

Oster qqc. dehors soi. Proférer qqc. (de difficile à dire).

Si la cause de l'indignation y est et que vous la sentez, ostez-la dehors de vous (Chastell., Chron. K., t.5, c.1456-1471, 190)

c)Emploi absolu.

La chose est si fresche et si nouvellement advenue dont je veil fournir ma nouvelle, que je n'y puis ne tailler, ne roigner, ne mettre, ne oster. (C.n.n., c.1456-1467, 159)

Veez cy le corps de celuy qui est tout vostre : taillez, roignez, prenez, ostez, faictes tout ce qu'il vous plaist. (C.n.n., c.1456-1467, 167)

2.En particulier.

a)Retrancher qqc. (d'un ensemble, d'une valeur numérique...).

N'encor pas nommer ne te vueil Ne moy aussi, jusq'a mon vueil, Car je vueil mettre nos deus nons Si proprement que feme n'homs N'i porra riens oster ne mettre Qu'une sillabe et une lettre ; Mais on n'i puet riens adjouster, Et pour ce les couvient oster. Si osteras premierement Une sillabe entierement Au commencier dou ver onsieme Et une lettre dou disieme Pres de la fin ; la les saras, Quant un petit y museras. (Mach., C. ami, 1357, 2)

...Jusqu'a quarante compteras Ces vers ci, et quarante et un, Si qu'après vin et a geün Nos noms entiers y trouveras, Mais trois lettres en osteras Droit en la fin dou ver quarante. (Mach., F. am., c.1361, 145)

Pierre, roy de Iherusalem Et de Chypre, li nomma l'en Et moy, Guillaume de Machaut, Qui ne puis trop froit ne trop chaut, Si que nos deux noms trouverez, Se diligemment les querez En ces IJ. vers de grosse lettre. Mar. oster et h. y faut mettre ; Si les trouverez proprement, Or les querez diligemment. Et vez ci des vers la maniere : Adieu, ma vraie dame chiere, Pour le milleur temps garde chier Vostre honneur que j'aim sans trichier. (Mach., P. Alex., p.1369, 275)

[Le mois de mars] Des autres mois soit desjoins et ostés Et de Nature oubliés et hays, Et Avril soit exauciés, honnourés, Li biaus, li dous, li courtois, li jolis, Qui florist de toutes pars Les prez, les bois et les champs et les pars, Et me garist maugré Mars et sa route, Quant il m'a fait avoir en piet la goute. (Mach., L. dames, 1377, 222)

Dame, qui vuet vostre droit nom savoir Voie ce dit qui en chantant l'enseingne. Ja .V. de uis faut oster et mouvoir, Dame, qui vuet vostre droit nom savoir. Or le vueilliez en bon gré recevoir, Car je l'ai fait pour vous à telle enseingne. Dame, qui vuet vostre droit nom savoir Voie ce dit qui en chantant l'enseingne. (Mach., Rond., 1377, 575)

Ostez hardiement ceste clause, Elle ne sert pas a propos. (Sots Magn., a.1488, 204)

Sans mettre ne oster. Sans rien ajouter ni retrancher.

...si vous suppli que vous le daigniés [un chant] oÿr et savoir la chose ainsi comme elle est faite, sans mettre ne oster, et se vuelt dire de bien longue mesure (Mach., Voir, 1364, 188)

Ne... oster ne mettre

...li vaillans homs qui fist faire L'ordenance de ce repaire Et de l'iaue qui va entour L'ordena sans mur et sans tour. (...) je n'i vueil mettre n'oster En l'ordenance, n'ajouster Riens, ne ja ne la defferay, N'autre closture n'i feray. (Mach., D. Lyon, 1342, 231)

Et aussi la juste balance Li demoustroit signefiance Qu'elle devoit en tous cas vivre Aussi justement com la livre Ou on ne puet, par nulle voie, Mettre n'oster, qu'on ne le voie. (Mach., J. R. Nav., 1349, 177)

'Pharés' te moustrë a la lettre, - Car je n'i vueil oster ne mettre - Une chose qui est moult dure Et qui te sera moult obscure, Moult anuieuse et moult diverse (Mach., C. ami, 1357, 33)

...Tantost fist une lettre escrire. Moult bien la seela et ploia, Et au gentil roy l'envoia. Vesci la teneur de la lettre, Car je n'i vueil oster ne mettre. (Mach., P. Alex., p.1369, 228)

MATHÉMATIQUES Soustraire.

Soustraire est lever ou oster ung nombre mineur d'ung aultre majeur pour savoir de combien le mineur est surmonté du maieur (Nic. Chuquet, Triparty M., 1484, I, 595)

...cest que l'on doit oster de lune des parties et mettre en lautre (Nic. Chuquet, Triparty M., 1484, I, 652)

Oster un nombre

Et doncques je ostay le nombre premier combien de fois qui estoit 3 du secont combien de qui estoit 4, et il m'en demoura 1, et pour ce l'espace entre mes 2 stacions estoit equale a la hautesse (Pèler. Prusse, Astrolabe L.F., 1362, 60)

b)Excepter qqc. (de qqc.).

Et donques se de la vie de Dieu nous oston ouvrer selon vertus morales et faire selon les artz, il ne demeure operacion qui li puisse estre actribuee fors speculacion. (Oresme, E.A., c.1370, 527)

...quar [le chien] c'est la plus noble beste et plus raisonnable et plus cognoissant que Diex fist onques, et si n'en oste ['je n'en excepte'] en moult de cas ne homme ne nulle autre chose, quar nous trouvons es anciennes ystoires tant de noblesces de chienz et veons touz jours en eulz, qui bien le veult cognoistre, que nul, comme j'ay dit, ne le pourroit croire ne panser (Gast. Phébus, Livre chasse T., 1387-1389, 106)

...et yceulx [larcins] avoir congneu par devant ledit maistre Henry, et encores congnoissoit estre vrais, en diminuant et ostant d'icelle confession l'article qui fait mencion que, en revenant du voyage de Flandres, il deust prendre et embler un mantel à homme et une coste à femme (Reg. crim. Chât., I, 1389-1392, 22)

Osté + subst. Excepté, en faisant exception de, en dehors de.

...il est preudhomme et miedre de pere et de mere que vous ne soiéz, ostee la coronne. (JEAN D'OUTREM., Myr. histors G., a.1400, 182)

...et que, se a ce faire [par escript laissier aucune science de l'art de cuysinerie] seulement la main de ma volenté je vouloye mectre (...) et que (...) pour mon pouvoir je vouloye exequir et faire, ostee toute achoyson et occasion ['en dehors de toute circonstance fortuite, en ne tenant pas compte des circonstances (qui pourraient contrarier le projet)'] , me cherroit et seroit en grant merite, loenge et honneur. (Chiquart, Cuis. S., 1420, 131)

3.Oster qqc. (à qqn)

a)Enlever, retirer qqc. (de concr. ou d'abstr.) (à qqn).

...ilec morir la feismes [la fille] Et lez un buisson l'enfoismes. Mais avant le cuer lui ostasmes Du ventre et si l'en apportasmes (Mir. Berthe, c.1373, 186)

...après ce que un sien arbalestre qu'il avoit ot esté cassée d'un cop de lance, il de fait print de l'un de ses compaignons un arbalestre sanz son sceu ou congié, et laquele depuis ce par les maistres d'ostel dudit mons. de Bourbon lui fu ostée et rendue à cellui à qui elle estoit. (Reg. crim. Chât., II, 1389-1392, 454)

...et que se ce n'estoit pour l'amour de Clermonde sa femme, ilz lui ostroient le chastel et l'occiroyent. (Percef. IV, R., c.1450 [c.1340], 134)

Si m'en yray chieux ces richars Et les feray chiches et eschars, Plains d'usure et de revenaige [l. renovaige] , Et si leur hosteray coraige De faire aumosne et aultre bien, Se ce n'est a chat ou a chien, Ou a quelque grosse lodiere Ou ilz iront faire grant chiere, Souventesfois, secretement. (Myst. st Adr. P., c.1450-1485, 8)

LE QUART MARTIR. Aussi tost q'une pierre dure Ou une enclume a marischaul Deviendroyent mol comme laceaul, Que l'en me puet du cueur hoster La foy ou me suy arester, C'est de Jhesucrist la creance Et sa loy, ou j'ay ma fiance. (Myst. st Adr. P., c.1450-1485, 95)

...lequel roy Richard, de huit hommes, ses agresseurs il en tua quatre d'une hache qu'il osta à l'un d'eulx. (Simon De Phares, Astrol., c.1494-1498, f° 150 v°)

Oster qqc. hors des mains de qqn / hors de la domination de qqn

Oste li le cierge par force Hors de ses mains. (Mir. femme, 1368, 228)

...et vous requiert que vous vueilliez venir aidier a concquerre son royaume que ung fort lygnaige du paÿs ont osté hors de sa domination (Percef. IV, R., c.1450 [c.1340], 178)

Oster de qqn. Réduire la part de qqn.

Et pour ce, le juge tempte a faire equalité en ostant de la partie ou est le gaaing, et metant vers la partie ou est le damage. (Oresme, E.A., c.1370, 289)

Oster le chemin à la bête traquée. Arrêter la bête dans sa fuite.

...au lievre le chemin osterent. (La Buigne, Rom. deduis B., 1359-1377, 407)

b)Oster à qqn qqc. qu'il a sur lui, un vêtement, un bijou.... Enlever.

Or tost, ostez li ses bons draps Et celle croce et celle mittre ; Puis le menez en ce chapitre Ou de verges sera batuz. (Mir. st J. Cris., c.1344, 297)

...[il] prend sa robe et la luy osta, et en cotte simple la mect. (C.n.n., c.1456-1467, 89)

Sus, Romain, veulhe le vestir De ses robes doulcement. Mes ouste luy premierement Celle poulple qu'on luy balhé. (Pass. Auv., 1477, 175)

SAINCT MARTIN. Sa, Francequin, vous m'osterez Ma robe et aussi mon pourpoinct ; Et puis, vous me deschaulcerez, Car je suis en ung mauvaix poinct. (La Vigne, S.M., 1496, 207)

Oster jus

Cest abit cy est mal ouvert (...) ...oste luy jus ['enlève le lui'] (Gréban, Pass. J., c.1450, 330)

c)Enlever qqc. à qqn, l'en priver.

Fols est qui a tels dons s'arrange, Ne tent sa main. Car par tel change elle [Fortune] se vange De ceaus qu'elle flate et losange, Et leur oste honneur et loange D'ui a demain. (Mach., R. Fort., c.1341, 39)

...et vous rendray Voz joyaux qu'a tort vous ostay (Mir. st J. Cris., c.1344, 303)

Et posé que infortunes li venissent, si ne pourroit il [tout homme bon et sage] pas de legier estre mué ou osté de sa felicité, se il ne par estoient tresgrans et pluseurs, et se par ce il perdoit sa felicité, il ne reseroit pas beneuré en petit temps (Oresme, E.A., c.1370, 136)

Mais li mesdisans tout à fait Sans desmerite ne forsfait Sont aus fins amans trop grevable Et font tant par leur controuver Desloyaument Qu'à maint en font tristre, dolant Ses jours finer Et ce qu'il ne puent donner Ostent souvent. (Mach., App., 1377, 650)

Il me sembloit que Orgueil dist en [s]e vantent : 'Je suys celuy par lequel ma maistresse, Male Voulenté, osta la belle paix de paradis au bel ange Lucifer...' (Gers., Noël, p.1404, 303)

...à occasion de l'office de senechal de Belcaire que l'en lui avoit osté soubz umbre que l'en disoit qu'il seroit general (Baye, II, 1411-1417, 243)

Je porte ma science que larrons ne me sauroient oster. (Simon De Phares, Astrol., c.1494-1498, f° 62 r°)

Aucuns dient qu'il fut filz de celui homme, à qui par accident la main senestre fut ostée et ung an après lui fut restituée et, pour enseigne de ce miracle, ou lieu de la conjunction demoura une cycatrice en semblance d'une ligne de sang. (Simon De Phares, Astrol., c.1494-1498, f° 109 v°)

Oster la vie à qqn. Le faire mourir.

Mais fortune procura Tant qu'el lui osta la vie. (Chr. Piz., Chem. estude P., 1402-1403, 5)

Jamés ne me fera envye Car je ly osteray la vie (Pass. Semur D.M., c.1420 [1488], 23)

...si je l'y puis rencontrer je luy osteray la vie du corps (C.n.n., c.1456-1467, 234)

[D'une chose]

Mais il samble que nature ait ainsi fait a encient et ainsi comme de bonne science en leur ostant ou non-donnant toutes choses par quoy elles peussent soy mouvoir et proceder par soy, car, quant a leur figure, elles sont moult loing des corps qui ont instrumens habiles a tel mouvement. (Oresme, C.M., c.1377, 452)

...plaisir mondain la mort donne et oste consolacion bonne. (Gers., Déf., 1400, 241)

Encores n'est pas(t) chascune humaine creature disposee souffisamment pour veoir icy Dieu en telle maniere : les aucuns pour l'empeschement du corps qui oste l'usaige de raison, soit a cause de aage comme es enfans, soit a cause de maladie comme es demoniaques et hors du sens, et soit par mauvaise complexion comme es folz de nature (Gers., Trin., 1402, 153)

Le très faulx mal d'épidémie, Qui à cent mile oste leur vie (La Haye, P. peste, 1426, 18)

d)Enlever, dérober, voler, ravir qqc. (à qqn).

... [ils] alerent au port au fain en Greve, sur la riviere, ouquel lieu il trouverent un homme qui dormoit, et à icellui osterent et prindrent VIIJ s. qui estoient en sa bourse (Reg. crim. Chât., I, 1389-1392, 367)

... [ils] alerent audit port au fain, auquel lieu ilz desroberent un homme, li osterent sa robe, sa sainture et son chaperon. (Reg. crim. Chât., I, 1389-1392, 368)

... [il] avoit prins iceulx [draps] en une sienne chambre estant en la rue des Escus vers la porte Saint-Honoré au devant de l'ostel maistre Guillaume de Neufville comme sa chose à lui appartenant et pour doubte et paour qu'il avoit que l'en ne lui otast de ladite chambre (Reg. crim. Chât., II, 1389-1392, 413)

...et laquelle somme l'en disoit que ledit Morelet avoit ottée par force à cellui qui l'apportoit à Paris (Baye, I, 1400-1410, 165)

...ilz alerent a Delphos ou temple Apollo, et osterrent grant tresor (La Sale, Sale D., 1451, 235)

..il fut jadiz ung huas si ravissant et si larron qu'il.par tout prenoit ce qu'il pouoit oster et ravir (Colart Mans., Dial. créat. R., 1482, 130)

e)Libérer qqn de qqc. d'indésirable, qui gêne.

Car ce ['si'] pour mes membres copper Vous pooie vo mal hoster, Trestous copper les me lairoye (Renart contref. R.L., t.1, 1328-1342, 17)

Après mengier, les prist par le giron Li gentils rois, Et si leur dist : 'Vous n'en irez des mois, Car je vous vueil oster a ceste fois Les pensées qui vous font moult d'anois.' Le chevalier Moult humblement l'en prist a mercier, Et aussi fist la dame qui targier Ne pooit plus, ce dist, de repairier. (Mach., J. R. Beh., c.1340, 133)

La doucement me conforta ; La me gari ; la m'aporta Pais, joie, honneur, santé, richesse, Et m'osta doleur et tristesse. (Mach., R. Fort., c.1341, 134)

Et s'il m'oste le mal qui tant me nuit Qu'i m'eüst ja, s'il ne fussent, destruit, Onques amans n'ot tel honneur, ce cuit, En mer n'en terre. (Mach., F. am., c.1361, 176)

Apres il [Democritus] oste une doubte, quar il semble par ce que il a dit que tout mouvement soit entre termes opposites et contraires (Oresme, C.M., c.1377, 142)

...celluy qui les a ostez du servage ou ilz estoient. (Chev. papegau H., c.1400-1500, 12)

Item por rancle ['apostème, bouton...'] ochier [l. osteir] , R. ['Recipe'] del mie de pain de frument avuec glaire d'uef et avuec eawe trilees ensemble, et meteis sus. (Méd. nam. H., c.1400-1500, 197)

Oster qqc. de qqn

Biauté, douceur et maniere jolie Tristece osté ont de moy liement. Mener me faut vie joieuse et lie. Biauté, douceur et maniere jolie. (Mach., L. dames, 1377, 213)

Oster qqc. de soi. Se libérer de qqc..

...dont il a receu tant de deshonneur qu'a peines le pourra il mais oster de soy (Chev. papegau H., c.1400-1500, 34)

Oster ses mains (de qqn). Ne pas faire de mal (à qqn).

Pour Dieu, seigneurs, ostez vos mains ! On ne doit pas mal pour mal rendre (Mart. st Pierre st Paul R., c.1430-1440, 129)

4.Oster qqc.

a)Enlever qqc..

Oster la / les table(s). Défaire, desservir la table.

Et, quant eurent les mains lavees Et les tables furent ostees... (La Buigne, Rom. deduis B., 1359-1377, 511)

Puys furent osteez les tablez. (JEAN D'OUTREM., Myr. histors G., a.1400, 212)

Les tables furent ostées, et chacun s'en alla (C.n.n., c.1456-1467, 138)

Le disner se passa, et fut la table ostée (C.n.n., c.1456-1467, 322)

Enlever qqc. (un vêtement, un bijou...) qu'on a sur soi.

Tous tes vestemens osteras (Renart contref. R.L., t.1, 1328-1342, 75)

Et puis j'ostai mon chaperon Et devant lui m'agenouillay (Mach., Voir, 1364, 52)

Quant li dessus dit messagier Furent entreaus, sans atargier, Leur firent oster leurs solers ; Et s'estoit li temps nés et clers ; Et vesci la raison pourquoy, Autre cause n'i say ne voy. On avoit par grant signourie Paré de tapis de Turquie Le palais si très richement Qu'on ne pooit mieux nullement. Si ne voloient qu'afolez Fust des Crestiens ou defoulez ; Et pour ytant les deschaussoient. (Mach., P. Alex., p.1369, 196)

Sus, oster vueil ce garnement : Alez me querre (...) Un garnement (...) Que pour ce voyage ay fait faire (Mir. ste Bauth., c.1376, 112)

...et sailhit jus, sy estat [pour ostat] ses esperons et vint a Basin (JEAN D'OUTREM., Myr. histors G., a.1400, 182)

Alors messire Anguerrant le bracelet osta, et osté qu'il fut tout ce jour par un tresbel cordon d'or et de soye a son col le porta, et puis le matin lui rendit. (La Sale, J.S., 1456, 109)

O palharde cher venimeuse, Vous advés trop eu voz aneaulx ! Laisés vous atours et aneaulx, Chaines, camailz, bagues(,) tourés, Veloux et soyes osterés, Pour faire de vous pechés deul. (Pass. Auv., 1477, 149)

Quitter, se défaire de qqc..

Forme de deable osteray Et un jouvensel sambleray ; Tant feray par dons, par parole, Que je la trairay a m'escole, Pas ne la laisseray pucelle. (Jour Jug. R., c.1380-1400, 219)

[D'un oiseau qui mue]

Et par celle sueur il oste ses plumes. Et aprez qu'il les a recouvrees, il va et quiert une roche de pierres, et tappe et fiert son bec a la plus aspre et dure pierre de la roche, tant qu'il oste son becq et lui en revient ung nouvel (Somme abr., c.1477-1481, 179)

b)Supprimer, faire disparaître qqc..

...elle [une mauvaise complexion] ne peut estre ostee ne deracinee (Saint-gille, Comment. A.Y. L., 1362-1365, 314)

Si me vueil de li [Amour] loer taire, Quar ce n'est pas si fort a faire D'oster le tour dou firmament Com de li loer proprement (Mach., Voir, 1364, 42)

Mais rendre les causes comme tele passion de yvresce ou de dormir est faite ou ostee, ce n'est pas propre ne appartenant a ceste science, mais convient teles choses oïr des philosophes naturelz. (Oresme, E.A., c.1370, 375)

...il anathematiza tous ceulx qui presumeroient oster ou diminuer aucuns d'iceulx livres (Simon De Phares, Astrol., c.1494-1498, f° 3 r°)

[D'une chose]

Par la seconde maniere sont congneutes les privations, les choses qui rien sont de leur proprieté si non par relation aux choses qui sont, ausquelles ostent et separent ou soustraient aucune qualité ou proprieté (Somme abr., c.1477-1481, 165)

En particulier. [Qqc. d'indésirable, qui gêne]

Si que, pour la chose abregier Et pour oster le prolongier, Par quoy trop lons n'en fust li comptes, Je dis qu'il n'est rois, duz ne contes A qui li lieus ne fust plaisans Et pour esbatre souffissans, Gens, gais, jolis, faitis et cointes. (Mach., D. Aler., a.1349, 255)

...pour oster toute matiere de division et dissention entre lesdictes Universités et nourrir amour entre elles (Baye, II, 1411-1417, 188)

...la Court a deliberé et conclud que (...) la Court osteroit l'empeschement et les defenses faictes à l'evesque de Paris par l'appoinctement fait cy dessus (Fauq., II, 1421-1430, 239)

[D'une chose]

[Es] douleurs ou tumeurs des jointures sans ce que il y ait ulceracion, podagre et spasme, sont refroidez, attenuez, (et oste la douleur) par effusion de moult d'eaue froide ; c'est que moienne stupeur oste et admenuise la douleur. (Saint-gille, A.Y., 1362-1365, 83)

c)Par extension. Faire cesser qqc..

Dy moy hardiement et oste ces larmes. T'a il rien fait ? (C.n.n., c.1456-1467, 133)

Ostez ce procés, dit monseigneur, et soyez seure que vous ne m'eschaperez (C.n.n., c.1456-1467, 156)

Oster la main. Faire cesser une mainmise.

...lez officiaux et leurs ministres admonestent en escript lez officiers du Roy, et sur poyne de excomuniement et de aucune sonme d'argent, que ilz ostent la main, et se ilz ne le font ilz lez excomunient et ne puent estre absouz juques a tant que ilz facent amande telle conme ilz l'ont ordenee et taxee. (Songe verg. S., t.2, 1378, 196)

Et alors lui qui parle, cuidans que lesdites promesses tenissent, laissa aler ledit glesve et osta la main que il avoit sur ladite espée. (Reg. crim. Chât., I, 1389-1392, 414)

...et que ainsy comme elle ot dit audit prisonnier, en le prenant par la poitrine, qu'il l'avoit desrobée, et que s'il ne lui rendoit sondit argent qu'il lui avoit emblé en widant sa bourse, comme dit est, que elle trouva choit à terre, entre les piez d'iceli prisonnier, un blanc de VIIJ d. par., lequel elle recueilly, et, en ce faisant, elle osta sa main dudit prisonnier (Reg. crim. Chât., II, 1389-1392, 7)

Sans oster. Sans discontinuer.

Loyauté, que point ne delay, Vuet sans delay Que face un lay ; Et pour ce l'ay Commencié seur ce qu'il me lie En amours, dont si me navray Que mon vivre ay, Tant com vivray, Mis, sans oster, en sa baillie. (Mach., Lays, 1377, 279)

B. -Oster qqn

1.Oster qqn (de qqc. ou de qq. part)

a)Écarter, éloigner qqn de (d'un lieu, d'une chose concr. ou abstr.).

Après la mort de Nicolas Branbre, veirent les oncles du roy que tous ceulx que ilz hayaoient et vouloient oster hors du conseil du roy estoient mort ou eslongiet tellement que plus n'y avoit de raloiance (Froiss., Chron. M., XIV, c.1375-1400, 76)

...et que quant il ot eu couronne, sondit pere le osta de l'escole et le fit aprendre sondit mestier. (Reg. crim. Chât., I, 1389-1392, 49)

Il est si tresfort en son dist Et en sa fole opinion Qu'il soubstient qu'il n'est aucuns hom Qui l'en peust nullement hoster (Myst. st Adr. P., c.1450-1485, 121)

...quand il cogneut que par beau ne par lait il ne la povoit oster de sa mauvaiseté, il la abandonna (C.n.n., c.1456-1467, 489)

Monstre de ton pouvoir le fruit Et nous oste de ceste plasse [de la croix] ! Si tu es filz de Dieu, par grace, Ou naturel - ne chault coment -, A ton pere lieve ta face ! (Pass. Auv., 1477, 218)

Il fault ouster De la croix ceulx que y sont pendus, Dismas et Gestas et Jhesus. (Pass. Auv., 1477, 227)

Oster qqn (de / hors de). Faire sortir qqn (d'un lieu fermé).

...Pour hoster hors [des chevaliers] de ceste chartre. (Dame Lycorne G., c.1349-1350, 181)

De la prison l'osta avecques ses privés (Tristan Nant. S., c.1350, 542)

... [il] dit que, environ huit jours après qu'il fu mis esdites prisons, compoingnons de ladite ville se combatirent ensemble, et furent admenez prisonniers, et fu, il qui parle, osté de la prison où il estoit, pour mettre lesdiz compoingnons (Reg. crim. Chât., I, 1389-1392, 435)

Il sera desormais heure de oster nostre prisonnier ; je vois oyr qu'il dira et s'il se vouldra mettre a finance. (C.n.n., c.1456-1467, 187)

Allés hoster hors de prison Quentin, mon leal serviteur (Molinet, Myst. st Quentin C., c.1482, 172)

[Dans un cont. métaph.]

Quant Raisons ot conté tout son avis, Amours parla qui fu biaus a devis, Et gracieus de maniere et de vis, Et dist : 'Raison, Moult bien avez moustrée vo raison. Si m'i ottroy, fors tant que mesprison Feroit d'oster son cuer de la prison A la trés belle Pour qui il sent l'amoureuse estincelle. Si vueil qu'il l'aint et serve comme celle Dont eü a mainte lie nouvelle...' (Mach., J. R. Beh., c.1340, 124)

Supprimer qqn d'un testament.

Pource que scet bien mon entente Jehan de Calaiz, honnorable homme, Qui ne me vist des ans a trente Et ne scet comment on me nomme, De tout ce testament, en somme, S'aucun y a difficulté, L'oster jusqu'au rez d'une pomme Je lui en donne faculté. (Villon, Test. R.H., 1461-1462, 140)

Oster qqn d'un groupe (ou un groupe d'un autre). Séparer.

...après une collation faicte par maistre Eustace de Pavilly, maistre en theologie, de l'ordre de Nostre Dame du Carme, tendans afin d'oster les bons des mauvaiz (Baye, II, 1411-1417, 113)

Oster un animal d'avec soi

...quant d'avecques soy l'osta [l'épervier] ... (La Buigne, Rom. deduis B., 1359-1377, 318)

Oster Mahon de qq. part. Enlever la religion musulmane de qq. part.

Sy le chassat fors de sa terre de Brandeborch, dont il avoit osteit Mahon. (JEAN D'OUTREM., Myr. histors G., a.1400, 116)

Oster qqn de sa nature. Changer la nature de qqn.

...car par son cerne [de Fortune] Au jour d'ui chascuns se gouverne. Mais il samble, a bien discerner, Que tu la vueilles gouverner Et que tu la vueilles contreindre, Si qu'estable doie remeindre, Ou autrement tu t'en pleindras. Mais certes, assés a pleindre as, S'oster la vues de sa nature Qui tous jours a duré et dure, Ne jamais autre ne sera, Tant que li siecles finera. (Mach., R. Fort., c.1341, 98)

Oster qqn de son propos. Faire changer qqn d'avis.

...madame Justice (...) leur avoit dist a tous son avis, et ne la pouoient avoir ostee de son pourpos. (Henri Ferr., Modus et Ratio, Songe pest. T., c.1354-1377, 128)

...foison d'aultres raisons luy amena, trop longues a racompter, tendans a fin de l'oster de son propos. (C.n.n., c.1456-1467, 95)

Oster qqn hors de son penser. Faire penser qqn à autre chose.

...affin de la faire parler et l'oster hors de son penser, demanda de quoy servoit ce bahu en la chambre (C.n.n., c.1456-1467, 184)

Oster (plusieurs personnes) de debat. Faire cesser un débat, une contestation entre plusieurs personnes.

Je vous ousterey de debas, Sanglans larons, de par le dyable. Vous en arés ceste tailliade, Mes j'arey ces abilliemans. (Myst. st Sébast. M., c.1450-1500, 238)

Oster qqn de vie. Faire mourir qqn.

La complainte NOSTRE DAME. Laisse moy, chetive dolente, De mon filz bien doit estre mal contente ! Ou monde plus je ne veul vivre : Faulx Juïfz, ostés moy de vie ! (Pass. Autun Biard F., 1470-1471, 117)

b)Priver qqn de qqc., évincer qqn de qqc..

Et fuit acourdéz que Maulbuhiéz, li menestriers, soit sergenz et crierres de la ville, et que Jehanz Chiereaux soit hostéz dou tout de l'office dou dit criaige et de la sergenterie (Echevin. Dijon L., 1341, 10)

Tu dis voir. Mais encor avec ton tesmoing Je di par raison et tesmoing Que, se Fortune t'a osté De la joie ou tu as esté, Dont tu as receü maint mal, Que traïson ne fait, ne mal ; Car elle fait ce qu'elle doit, Et ce te mousterrai j'au doit (Mach., R. Fort., c.1341, 92)

[D'une pers.] Êstre osté. Être démis.

...j'ay ouy dire que le roy d'Angliterre est osté. (Man. lang. K., 1399, 65)

c)Écarter, éloigner, libérer qqn (ou son coeur) de (d'une situation défavorable, d'un état indésirable...).

[Situation concr.]

...avant ce que l'en meist ou jettast point de eaue sur elle, requist que de ladite question l'en la ostast, et elle diroit verité. Si fu ostée et admenée sur les quarreaux oudit Chastellet, en la presence des dessus dis conseillers (Reg. crim. Chât., I, 1389-1392, 265)

...et ainsi comme [l'en] lui voult donner ou jetter de l'eaue sur lui en la maniere acoustumée, requist instaument que d'ilec l'en le voulsist oster et mettre hors [de la question] , et dudit crime par lui commis diroit verité. (Reg. crim. Chât., I, 1389-1392, 274)

Et dit que de chacun prisonnier qui est mis ou osté des fers, il doit avoir IIII d. (Hector De Chartres, Cout. R.B., 1398-1402, 75)

[Situation plus abstr.]

Oste ton cuer de villenie (Dupin, Mélanc. L., c.1324-1340, 194)

Dont aucune fois avenoit Pour le milleur qu'il couvenoit Que les dames les arraisnassent Tellement qu'elles les ostassent De ce tourment, de ceste rage Qui tant est diverse et sauvage, Et qu'il en portassent espoir (Mach., D. Lyon, 1342, 197)

Comment as tu le cuer failli, Qui l'as teint et le vis pali, Et dis que pour amer morras ? Non feras, quant parler m'orras, Car vesci qui confortera Ton fol cuer et qui l'ostera Des tenebres et dou tourment Ou je voy qu'il est en dormant Et en veillant et a toute heure. Conforte toy et plus ne pleure (Mach., F. am., c.1361, 200)

Celle qui nuit et jour desire De vous vëoir Sui pour oster vostre cuer d'ire (Mach., Voir, 1364, 98)

...mais veulle vostre tresgrant douceur humilier a moi oster du grant meschief ou je sui, et moi donner confort et joie (Mach., Voir, 1364, 674)

...je vous vueil oster De paine et du tout hors bouter De servitude a touz jours mais (Mir. Pierre Changeur, c.1378, 283)

Et comme une aultre, qui trouva sa maistresse qui se vouloit desesperer et occire elle meismes de honte qu'elle avoit de ce qu'elle estoit grosse sans estre mariee, - si la conforta et osta de ce mauvais vouloir (Chr. Piz., Trois vertus W.H., c.1405, 129)

Bien doy louer le Roy des cieulx Qui m'a donné telle avantage D'ung amy qui est tant songneux A moy oster hors de servage (Régn., F.A., 1432-c.1465, 139)

Il me fault tant [crier] et braire Qu'il en vienne(nt) ung avecques moy Pour m'oster hors de cest esmoy (Feste roys, c.1475-1500, 301)

Tant de gorges avons coppees, Tant de personnes, soirs et mains, Avons si tresbien galoppees Qu'a y pencer j'ay des maulx mains, Vous suppliant a joinctes mains, Pour m'oster de ce dueil icy Et assurer noz cas au moins, Que nous donnez mort ou mercy. (La Vigne, S.M., 1496, 315)

Oster qqn de la main de. Libérer qqn de la mainmise de.

...afin que icelui Jehannin fust osté et mis hors de la main et puissance dudit Jehan de Bellefoye (Fauq., I, 1417-1420, 385)

d)Sauter, omettre qqn (dans le service de table).

Si avient il communalment Que chascun ne puet pas avoir Telle viande a son vouloir, Car, s'a volenté l'en em prent, Ce qui n'avient mie souvent, Si ne vient pas tout a bon compte Et de les oster en a honte. (La Buigne, Rom. deduis B., 1359-1377, 213)

2.Oster qqn (à / de qqn)

a)Éloigner qqn de qqn.

Ces faulx jalloux mourront de mort soudaine, Qui nuit et jour ne cessent de pencer (,) A my ouster ma dame souveraine ! (Vir. H., c.1400-1500, 64)

Il se confessa le plus longuement qu'il peut. Toutesfoiz il fut osté du prestre, et, pour abreger, monte sur l'eschelle. [Pendaison d'un condamné] (C.n.n., c.1456-1467, 451)

Oster une femme (à qqn). Enlever une femme (à celui à qui elle était promise).

Sire, se vous me osteiz, en voz corps me donat Mahon d'oust panie. (JEAN D'OUTREM., Myr. histors G., a.1400, 56)

En particulier. [Par la mort]

...puis qu'il a pleu a Dieu le nous oster, comme il le nous avoit donné, loé en soit il ! [D'un enfant né d'un miracle] (C.n.n., c.1456-1467, 130)

Oster une bête d'avec les autres. Séparer une bête des autres.

Et, quant on cognoist tieulz signes ['quand on reconnaît de tels signes de maladie'] , on le doit oster [ce chien] d'aveques les autres jusques a quatre jours, que on voye la maladie toute clere ou que ce ne soit riens (Gast. Phébus, Livre chasse T., 1387-1389, 114)

Oster une bête hors de sa mere. Séparer une bête de sa mère.

Et lors les puet on oster hors de leur mere [des chiots] et leur donner dou let de chievre ou de vache cuit (Gast. Phébus, Livre chasse T., 1387-1389, 111)

b)Oster le coeur de qqn ( ou son propre coeur) de qqn ou de qqc. Éloigner, écarter qqn (ou s'éloigner, s'écarter) de qqn ou de qqc..

Et pour le bien qui est en li, Dit elle, qu'il a desservi De la joie moult grant partie, Et que mieus seroit emploiie En lui qui vuet vivre toudis Amoureus en fais et en dis Qu'en celui qui d'amours porroit Son cuer oster, quant il vorroit. Einsi de Dangier desloial Deffent Grace l'ami loial. (Mach., D. verg., a.1340, 44)

Car se la dame Que je repren moult durement et blame, - Et c'est bien drois, car elle acuet grant blame De muance faire en la fausse game, - Premierement N'eüst osté son cuer de cest amant Qui tous estoit en son commandement, Amours, Amours, je parlasse autrement. (Mach., J. R. Beh., c.1340, 126)

Et soiés certaine que Nés qu'on porroit espuissier la grant mer Et la force des fors vens arrester Et les nues esclarcir ne troubler Et la clarté du soleil destourner, Ne porroit on mon cuer de vous oster Jusque(s) a la mort, Et aprés mort, tresdouce, en vous amer Seront mi sort. (Mach., Voir, 1364, 152)

Et je vous pri tant come je puis (...) que vous veuilliés oster vostre cuer de tout plour et de tout anoi, se vous volés que le mien soit aise, et penre bon reconfort en vous (Mach., Voir, 1364, 416)

Et, quant a moy, il ne me semble mie que nes la mort peust mon cuer oster ne departir de vous ; si en devés bien estre en vostre paix. (Mach., Voir, 1364, 424)

Oster son coeur de + inf. S'empêcher de, cesser de.

Nonques mes yeus saouler De regarder Et remirer Vo gente pourtraiture Ne pos ne mon cuer oster D'adès penser À vo vis cler Et à vo bonté pure. (Mach., Ch. bal., 1377, 615)

II. -Emploi intransitif ou pronominal. (S')oster (de / hors de)

A. -Se retirer de, s'éloigner de.

Se tu me veulz servir a gré, Oste de ci premiérement Et puis t'en vaz isnellement Et li portes coste et cossin (Mir. Rob. Dyable, c.1375, 53)

Treschier sire, sanz plus preschier, Si com conmandez le feray, Si tost qu'osté de ci aray. (Mir. Rob. Dyable, c.1375, 54)

...lors ne puet l'ame oultre cheoir ne ailleurs se mouvoir, si est seure et certaine, puisque Dieu la soustient se elle ne s'en oste par sa folie. (Gers., P. Paul, a.1394, 505)

...affin que nous ostions De haulte mer, (...) Ains que grant tempeste meüst (Chr. Piz., M.F., I, 1400-1403, 47)

N'a pas long temps qu'alay parler A mon cueur, tout secrettement, Et lui conseillay de s'oster Hors de l'amoureux pensement (CH. D'ORLÉANS, Ball. C., c.1415-1457, 22)

Et quant les nappes furent levees, sans oster de la table, tous rendirent graces a Dieu. (La Sale, J.S. E., 1456, 345)

Dya, dit elle, ostez vous hors d'ymaginacion de ceste baterie, car vous ne me touchastes oncques (C.n.n., c.1456-1467, 266)

...car ses gens s'esbatoient, n'en voult nulz oster de l'esbat (C.n.n., c.1456-1467, 428)

...[il] conclud a ceste heure de soy oster de tous poins de l'amour de celle qui si lourdement avoit refusé la compaignie (C.n.n., c.1456-1467, 477)

En luy [Jésus] croyrons comme prophete, Le confessent roy d'Israël, Voere le Dieu Hemanüel, Si se peult ouster de la croix. (Pass. Auv., 1477, 211)

...lequel suppliant s'enfouyt et osta d'illec le plus tost qu'il peut, sans aucunement frapper ne bailler aucuns coups ne collies à icellui feu Le Bascle (Doc. Poitou G., t.12, 1481, 428)

Sortir de.

Patron, fay nous hoster d'icy et mettre au delivre (Hist. seign. Gavre S., c.1456, 70)

Nostre Dame, dist il, s'il ne sailloit tant que je l'en feisse oster, il aroit bel actendre. [Paroles de l'amant à propos du mari, enfermé dans un coffre] (C.n.n., c.1456-1467, 186)

S'éloigner.

'Ostez, ostez vous, et me laissez, je n'ay cure d'estre baisée.' (C.n.n., c.1456-1467, 316)

Mercion Dieu, le filz Marie, Si retournon en Rommanie Sans plus sejourner nullement. Ostez d'icy appertement, Et mercion Dieu humblement Qui en ce lieu nous a repçus (Myst. st Laur. S.W., 1499, 169)

Participe passé.

...jasoit qu'il soit marié, si n'est il pas pourtant du gracieux service d'Amours osté (C.n.n., c.1456-1467, 80)

S'oster de qqn. Se séparer de qqn.

...celui qui est osté de Dieu, en pechant, et parti de son amour tellement que plus haultement ne se pourroit partir de Dieu ne oster... (Crap., Cur Deus, De arrha B.H., c.1450-1460, 226)

B. -Se libérer de.

Pour moy oster de tout anoy, Grant piece hantay celle gent, Dont moult me fu et bel et gent, Car volentiers m'i esbati. (Mach., D. Aler., a.1349, 293)

DIEU. Oste toy de tristesce et d'ire, Pierre amis, et fay bonne chiére. (Mir. Pierre Changeur, c.1378, 280)

Ostés vous de melencolie. (Vig. Trib., c.1480, 223)

S'oster de + inf. Cesser de, renoncer à + inf..

Pour nulle riens ne m'osteroie De faire vers li mon devoir (Froiss., Méliad. L., t.2, 1373-1388, 49)

Mon chier seigneur, or vous ostez, S'estre peut, d'ainsi lamenter. (Mir. Pierre Changeur, c.1378, 241)

III. -[Empl. interjectif, pour repousser, pour refuser qqc.] Ostez (, ostez)

Dame esmoingnonnée et sauvage, On ne scet de vostre lignage (...), Et pareille a mon filz vous faites ! Ostez, ostez ! (Mir. fille roy Hongrie, c.1371, 27)

PILLATUS. (...) Que vous plait que de Jhesu face ? Je vous pry que ly face grace. (...) OMNES JUDEI. Ostés, il le fault cruciffier (Pass. Semur D.M., c.1420 [1488], 194)

CAYPHE. Seront telz erreurs suportéz (...) ? MARDOCEE. Ostez, ostez, il est coupable de mort griefve ! (Gréban, Pass. J., c.1450, 277)

Vous m'affolez bien de ceste bigoterie. Et est ce a faire a vous de dire tant d'heures ? Ostez, ostez, laissez les dire aux prestres. (C.n.n., c.1456-1467, 271)

Ostez, ostez, mandez vostre femme, et me laissez aller ou je doy estre ! (C.n.n., c.1456-1467, 341)

On peult bien tout clerement voir Que pas ne sont leurs bragues [des dieux païens] nectes : Tout le ciel se debvroit mouvoir, La terre, l'air et les planectes, Veu les offences a eulx faictes. Ostez, jamais je ne m'y fye. (La Vigne, S.M., 1496, 449)

Remarque : Cf. HUG. V, 553b.

IV. -Participe passé en emploi substantival. Osté de. Celui qui a été exclu de.

Ce jour, furent leuz et nommez pluseurs procureurs esleuz par la Court devant touz autres pour practiquer ceans pluseurs ostez du roole pour pluseurs plaintes qui en estoient venues tant à la Chancellerie que en la Court de ceans (Baye, I, 1400-1410, 88)

Voir aussi obster