INTRODUIRE

verbe

[GDC : introduire ; DEAF, I 372) : introduire ; FEW (IV, 781b) : introducere ; TLF (X, 496b) : introduire]

A. -Au propre.

1.Introduire qqn (dans un lieu). Faire pénétrer qqn (dans un lieu).

...a mez beaux enfans de vo bouche dirés Qu'aussi tost isteray que vous commencherés La bataille et l'estour et les introduirés Que se roy Dagoubert est en l'estour entrés, Que il ne soit par eulz ne plaiés ne navrés. (Cip. Vignevaux W., p.1400, 97)

...et doubtoit on que ilz ne voulsissent introduire à Paris gens d'armes pour grever et dommagier ledit de Bourgongne et bourgois de Paris (Fauq., I, 1417-1420, 131)

...et puis [Dieu] nous introduira en sa maison et nous fera le grant conuis sur la table de sa bonte. (Cib., p.1451, 205)

Si fist demourer en bas la fillette chambriere pour l'introduire et le mener ou estoit sa maistresse. [Une femme attend la visite d'un homme] (C.n.n., c.1456-1467, 572)

Présenter qqn qui cherche du travail (dans une maison).

Surquoy, chiere seur, ou cas que vous vouldriez estre mesnagiere ou introduire une autre vostre amye, sachiez que serviteurs sont de troiz manieres: les ungs qui sont prins comme aides pour certaine heure a ung besoing hastif (comme porteurs a l'enfeutreure, broutiers, lyeurs de fardeaulx et les semblabes) ou pour ung jour ou deux, une sepmaine, ou une saison, en ung cas necessaire ou penible, ou de fort labour (comme soyeurs, faucheurs, bateurs en granche, ou vendengeurs, hostiers, foulons, tonnelliers et les semblabes) (Ménagier Paris B.F., c.1392-1394, 125)

[De Dieu] Introduire qqn en sa gloire. Faire entrer qqn au Paradis.

Item par misericorde reduit les errans et fourvoians a soy, ceulz qui vont maine a lui, les trebuchans relieve, ceulz qui sont drois et estans, il les tient sans delaissier, les perseverans introduit en sa glore. (Somme abr., c.1477-1481, 180)

Emploi pronominal. S'introduire à qqn. Approcher qqn (ici au fig.).

Doncques, pour a Dieu t'introduyre Et estre crestïen parfait, Il te fault desormais induyre De croire que Dieu a tout fait. (La Vigne, S.M., 1496, 150)

Participe passé en emploi adjectival. Introduit entre des personnes. Mis en présence de (ici de femmes).

...se devisa une espace a la royne a qui son langage n'é paz anoieux, car moult luy abelissoient sez doulcez et bellez devisez et, en apprez quant il orent ensamble parlé de pluiseurs chosez, dont l'istorien ne scet nulle mencion, le noble conte, subtil et introduit entre damez et damoisellez, s'acointa d'ellez si attempreement que toutez de luy furent contemptez. (Comte Artois, c.1453-1467, 62)

2.Introduire qqc. (qq. part)

[Une chose concrète] Amener, implanter qqc. qq. part.

...nous avons ordonné (...) mectre sus et imposer en ladicte ville de Lion (...) la somme de deux mille livres tournois, (...) pour comencer, introduire et mectre en ordre ledit art et ouvraige de draps d'or et de soye audit lieu de Lion (Lettres Louis XI, V., t.3, 1465-1469, 122)

[Une chose abstr.]

Amener, lancer une idée (dans un débat).

Mais aucun nous pourroit obvier par tel question pour quoy nous parlons contre ceuls qui introduient et tiennent ceste opinion (Oresme, E.A., c.1370, 113)

Instaurer (une pratique).

Comment aler aux festes et aux places fut introduit pour traictier d'amours, et encore le fait l'on a present. (Desch., M.M., c.1385-1403, 133)

Pressuposons que oreison fut introduite pour moienner entre grace divine et necessité humaine, et que les haultes richesses et graces de Dieu n'ont quelconquez proportions avecquez la chetive misere de povre humanité, se aucune sainte connexion n'y treuve l'abitude qui raprouche l'omme a la clemence divine, de la quelle jointure faire attribues l'office a oreison (Chart., L. Esp., c.1429-1430, 162)

B. -Au figuré.

1.[Idée de formation, d'information]

a)Introduire qqn

Instruire qqn, donner un enseignement, une éducation à qqn.

Quant le roy Richard (...) sceut la mort de messire Symon Burlé, son chevalier et l'un de ses maistres, qui toujours l'avoit nourry et introduit, si en fut durement courrouciez (Froiss., Chron. M., XIV, c.1375-1400, 42)

ÈVE. Magnificque et pure lumiere, Nette et clere, Tres irradïente baniere, Planette fixee et entiere Qui tout conduitz, Mes filz soyent par toy introduitz Et en bonnes meurs les adduitz, Je t'en supplie ! (Myst. Pass. Troyes B., a.1482, 96)

Donner des recommandations à qqn.

Et lors appella Melusigne ses enfans en disant ainsi : Enfans, vous vous departez de la compaignie de monseigneur vostre pere et de moy et est adventure que je vous revoie jamais par de ca. Et pour tant vous vueil je enseignier et introduire pour vostre bien et advancement. Ce que je vous diray et l'entendez et retenez bien, car il vous aura bien besoing. (Arras, c.1392-1393, 152)

En particulier. Initier la jeune mariée avant la nuit de noces.

La nuit vient et sachez que la mere a bien introduite la fille et enseignee qu'elle lui donne de grans estorses et qu'elle guische en maintes manieres ainxin que une pucelle doit faire, et lui a bien aprins la dame que, quant elle sentira faulser la piece, qu'elle giete ung cry d'alaine suppireux auxi come une personne qui se met a coup tout nu en l'eaue froide jusques aux mamelles et ne l'a pas acoustumé. (Quinze joies mar. R., c.1390-1410, 89)

Le jour de leur grand feste, c'est assavoir des nopces, la mere de ceste fille, pour garder et entretenir les cerimonies accoustumées en tel jour, escolla et introduisit la dame des nopces, et luy aprint comment elle se devoit gouverner pour la premiere nuyt avec son mary. (C.n.n., c.1456-1467, 496)

b)Introduire qqn en /de qqc.

Introduire qqn en (une science, une pratique, une qualité...) Faire acquérir (telle chose) par l'enseignement, la pratique....

Phelippe d'Artevelle (...) n'estoit mies bien soutils de guerres ne de faire sièges, car de jonèche il n'i avoit point esté nouris ne introduis, mais de pesquier à le verghe as pissons en la rivière dou Lis et de l'Escaut. (Froiss., Chron. R., X, c.1375-1400, 259)

Dame, qui Dieux ottroit plaisance Et croisse honneur et bonne vie, Monseigneur le marquis vous prie Que cest enfant, qui sa fille est Et vostre niepce, qu'il vous laist Et envoie pour la nourrir, Vous vueilliez garder et tenir Et introduire en bonnes mours (Gris., 1395, 56)

Mais les Escoçois conmençoient a doubter ce roi Edouwart. Et disoient li anciien et li sage en Escoce que il feroit un vaillant honme, et en avoit bien la chiere et la maniere. Et en celle vaillance si honme d'Engleterre l'introduisoient et nourissoient : si faissoient bien, car uns rois puisqu'il voelt tenir terre et signourir peuple, doit estre de hardies et grandes anprises. (Froiss., Chron. D., p.1400, 220)

Li jones contes de Flandres (...) s'en vint a Saint Venant et trouva le signeur qui (...) avoit esté son mestre et l'avoit plus introduit ens es oissiaus que nuls aultres. (Froiss., Chron. D., p.1400, 806)

Si n'en diray autre chose excepté que la sage administracion du pere le fist introduire en lettres moult souffisement, et tant que competemment entendoit son latin et souffisamment sçavoit les rigles de gramaire. (Chr. Piz., Faits meurs Ch. V, S., I, 1404, 16)

Antigenidas avoit une fois moult bien introduit un sien disciple en la dicte science de musique (Bouciquaut L., 1408-1409, 343)

Cestui fut, dès jeunesse, introduit en tous les ars liberaulx et fut moult aprecié de Lothaire empereur. (Simon De Phares, Astrol., c.1494-1498, f° 116 r°)

Estienne de Baugenci, chevalier, de jeunesse introduit en la science des estoilles, fut envoyay par le roy pour aller enquerir de certaine vierge ès parties d'Almaigne (Simon De Phares, Astrol., c.1494-1498, f° 117 r°)

...et eut ung religieux de Saint Benoist, qui l'introduisit en icelle science, duquel je n'ay sceu le nom (Simon De Phares, Astrol., c.1494-1498, f° 130 r°)

Le langage où on est d'enfance introduit. La langue maternelle.

...car tousjours sçut on mieuls ce que on voelt dire et proposer ens ou langage ou on est d'enfance introduit qu'en .I. aultre (Froiss., Chron. D., p.1400, 232)

Introduire qqn de qqc. Faire connaître, enseigner qqc. à qqn.

LE MARQUIS. (...) qu'elle le me nourrice [mon enfant] (...) Et que pour m'amour pregne paine De l'enseignier et introduire De bonnes meurs et de desfuire Les vices qui sont a blamer (Gris., 1395, 55)

Informer qqn, donner des instructions à qqn à propos d'une action.

Longis, bien soiez descendu, Nous avons bien de vous affaire, Vous irez au mont de Calvaire Ou tres bien vous ferez conduire, Mais ainçois vous vueil introduire De ce que vous ferez droit la. Vo lance porter vous faulra Pour frapper ou costé Jhesus (Marcadé, Myst. Pass. Arras R., a.1440, 206)

En particulier. Introduire qqn des armes. Enseigner le métier des armes à qqn.

Par my avez esté des armes introduis (Renaut Mont. B.N. V., c.1350-1400, 828)

Estre introduit de + inf. Apprendre à.

En ceste partie dit l'ystoire que Uriiens et Guyon vindrent a Melusigne, leur mere, et lui dist Uriiens moult saigement: Ma dame, se il vous plaisoit, il seroit bien temps que nous alissons voyagier pour congnoistre les terres et les pays, et aussi pour acquerre honneur et bon nom en estranges marches et contrees, par quoy nous feussions introduit de savoir parler avecques les bons des choses qui sont par estranges marches et pays, qui ne sont pas communes par deca. (Arras, c.1392-1393, 82)

2.[Idée de persuasion]

a)Introduire qqn. Amener qqn (à accepter une proposition), convaincre qqn.

Finablement, tout considéré, il fut tant menez et si bien introduis qu'il consenti que l'archevesque venist en sa presence. (Froiss., Chron. M., XIV, c.1375-1400, 77)

Introduire qqn à qqc. Inciter qqn à qqc..

...et, comme les parens ou majeurs de telz nobles enfens doient avoir singulier regart à ces choses, bien doivent, comme dit est, mettre cure à les pourveoir de bonne et sage compagnie et maistres vertueux et prudens, lesquelz les doivent plus corrigier par bons exemples et paroles introduisans à bonnes meurs que par verberacions ou bateures maistriseuses (Chr. Piz., Faits meurs Ch. V, S., I, 1404, 28)

b)Introduire qqn à/de + inf.

Pousser, inciter, décider qqn à.

...Jaquin Boolot et Jaquin Cotiex qui le forgierent et introduirent à porter ledit fauls tesmoignage. (Conf. Jug. Parlem. Paris L.L., 1333, 91)

Après lequel souper, par les oppressions, ennortements, prieres, requestes et temptacions dudit prisonnier, qui parloit et intreduisoit eulx qui parlent de jouer aus croix et aus piles, et aussi au jeu de dez, disant qu'ils jouassent hardiment, et s'ilz perdoient, qu'il en paieroit la moitié (Reg. crim. Chât., II, 1389-1392, 138)

Cest Appolo fu homme de grant gouvernement. Il introduisi les Arcadiens a honnestement vivre, il conquist pluseurs royaulmes, il eut pluseurs enfans. Et finablement, quant ilz furent parcreus, il leur laissa ses terres a gouverner, se party secretement d'Arcade, et en estat d'un medecin il s'en ala en la plus part des provinces du monde. (LEFÈVRE (R.), Hist. Jason P., c.1460, 177)

Je l'ay bien cuydé introduyre A recevoir la dignité ; Mais, quasi comme remply de ire, C'est tourné d'un aultre costé. (La Vigne, S.M., 1496, 407)

Emploi absolu.

...auquel Senecque dist : Ta parolle ne soit pas neant mais tousjours pour conseiller, ou introduire, ou commander ou admonnester. (Chr. Piz., Paix W., 1412-1413, 168)

Inviter qqn à.

Li contes de Montfort mist ses mains entre les mains le roi d'Engleterre, et puis fu introduis de l'evesque de Londres a parler, et parla mot a mot tout ce que li evesques li faisoit dire, et fist honmage de foi, de mains et de bouce. (Froiss., Chron. D., p.1400, 481)

Donner à qqn mission de, mandater qqn pour.

'...se vous estes fort, de par vostre roi et les vostres, de acorder toutes ces coses recordees, si dites 'Oi', et nous entenderons a la paix.' Dont respondirent li Escoçois et dissent : 'Nennil, ne nous n'en sonmes ne cargié ne introduit.' (Froiss., Chron. D., p.1400, 215)

Recommander à qqn de.

Et ayez fait adviser paravant qu'ilz ayent chascun loing de son lit chandellier a platine pour mectre sa chandelle, et les ayez fait introduire sagement de l'estaindre a la bouche ou a la main avant qu'ilz entrent en leur lit, et non mye a la chemise. (Ménagier Paris B.F., c.1392-1394, 136)

c)Emploi pronominal.

S'introduire à qqc. Se mettre, se livrer à qqc..

Tout ensi com je devisoie, En devisant je m'avisoie Que je prenderoie un avis Bon et seür, ce m'estoit vis, Car je me vorroie introduire Au solacier et au deduire Et metteroie en non caloir Tout ce qui riens ne puet valoir : Merancolies et soussis. (Froiss., Pris. am. F., 1372-1373, 53)

S'introduire à + inf. Se disposer à.

CATECUMINAIRE. (Il ressuscite.) Hellas, bien me doibs introduyre A louer Dieu dorenavant Et a bien faire me reduyre Tant que seray en ce couvant. (La Vigne, S.M., 1496, 382)

d)Introduire qqc. à qqn. Recommander qqc. à qqn.

Lors commenca la dame a mettre a raison Remondin, et lui dist : Mon amy, je scay bien que vous avez bien tenu ce que je vous avoye introduit ; si en auray desormais plus grant fiance en vous. Dame, dist Remondin, j'ay trouvé si bonne verité es commencemens de voz paroles que vous ne me saurez chose commander que nulz corps humains puisse raisonnablement emprendre, que je n'emprengne a vostre plesir. (Arras, c.1392-1393, 30)

C. -DROIT

Introduire une cause/un procès. Engager (une procédure), intenter (un procès).

...les habitans de Caen avoient presenté lettres à la Court pour renvoier certeinne cause ceans introduite entre lesdiz habitans, d'une part, et Bertran Campion, d'autre part (Baye, II, 1411-1417, 96)

...le procès d'entre lesdictes parties avoit esté introduit, demené et jugié en la Court de ceans (Fauq., II, 1421-1430, 211)

Item que on commist deux personnes a veoir toutes les causes qui sont introduites en la court de Parlement, et que celles qui de leur droit doivent estre, demourassent, et les aultres feussent envoiees devant leurs ordinaires ou aultres juges, se on veoit qu'i fut a faire. (Juv. Urs., Nescio, 1445, 542)

Introduire une disposition. Faire adopter, ajouter (une nouvelle disposition).

En aprez il fault veoir de l'empeschement de la justice de publique honnesteté, lequel est de l'eglise introduit pour la honnesteté de lui, duquel ilz estoient deux especes jadiz. (Sacr. mar., c.1477-1481, 72)