CHASSER

verbe

[T-L : chacier ; GD : chacier ; GDC : chacier1 ; AND : chacer1 ; DECT : chacier ; FEW (II-1, 325a) : *captiare ; TLF (V, 587a) : chasser1]

A. -Poursuivre, pousser devant soi ; pouser hors de, loin de.

1.Poursuivre, pousser devant soi.

Chasser qqn.

Poursuivre qqn.

Glorieuse vierge, humblement Vous requier (...) Qu'en cest jour d'ui me delivrez De l'ennemi qui cy me chace. (Mir. enf. diable, c.1339, 44)

...auqun jone cevalier et esquier (...) chevaucierent a la descouverte en caçant l'un l'autre ensi que on jue as barres. (Froiss., Chron. D., p.1400, 334)

Et quant il fut hors de la chambre, il commença tant qu'il peust a fuyr comme se il fust de cinquante loups chassiez. (La Sale, J.S., 1456, 10)

Proverbe. Il a bien chassé qui a pris

Pour ce les compaignons disoient Qu'ilz avoient homme de hault pris, De quoy grant chierë ilz faisoient. Il a bien chassé qui a pris. (Régn., F.A., 1432-c.1465, 9)

Participe passé en emploi substantival. Personne poursuivie.

...la deffiance de humaine puissance tourna leurs cueurs en esperance divine, conceue en hault courage et conduite par ferme entreprinse, et les fist de vaincus, vainqueurs, et de chassés, assailleurs, et de humbles deboutés, les seigneurs et les maistres. (Chart., L. Esp., c.1429-1430, 135)

Chasser qqn à qqc. Mener qqn à qqc..

Las ! dolens ! c'est ce qui efface En moy d'esperence la grace ; C'est ce qui a la mort me chace Et fait penser Qu'ensement comme uns chiens de chace Après sa beste fuit et chace Et la sieut partout a la trace Pour li tuer, Einsi Desirs de saouler Mes fols yeus d'assez remirer De la bele et bonne sans per La douce face Me berse et chasse sans cesser Et me cuide a la mort mener. (Mach., R. Fort., c.1341, 51)

...par lequel vent et air sont lesdictes infections corrumpues espartes et eslongnees de l'instrument dont la personne les pourroit aucunement assavourer et soy emplir d'icelles, lesquelles pourroient estre cause de chasser ladicte personne a sa fin et jour derrenier plustoust que l'ordonnance premiere de sa nature ne requerroit. (Abuzé D., c.1450-1470, 21)

Chasser (avant / devant soi) (des bêtes). Faire marcher (des bêtes) devant soi, mener (des bêtes).

...nos chevaulx (...) estoient si morfondus, si affamez, si debrisiez et cachiez des povres selles, que on ne les pouoit chasser avant ne seoir sur eulx (Le Bel, Chron. V.D., t.1, 1352-1356, 74)

... [il] trouva oudit bois et vit sept ou huit pourceaulx, n'est record lequel, qui paissoient esdiz bois, à sept lieues de la ville de Nogent, et qui estoient sanz garde, lesquieulx il chassa hors dudit bois, et iceulx mena à la foire (Reg. crim. Chât., II, 1389-1392, 109)

La perdent Sarrasins place et tournent en fuie. Et en y ot bien IIIJm. mors sur la place, sans ceulx qui furent mors au pont ; et dura la chasse jusques après de l'ost des Sarrasins. Lors fist Uriien sa gent retraire, et s'en repaire tout le petit trot, et en fait la proye chassier devant lui, et s'esloingnent en pou de heure moult fort. [Urien ramène dans son camp les troupeaux dont s'étaient emparés les Sarrasins] (Arras, c.1392-1393, 103)

Et cachier les pors qui eschiet au roy au pasnage de Bris quant il chiet de l'eau de Rade jusquez à Valloignes, eulx et ceulx de Damneville. Et auxi ilz sont subgetz, ceulx d'Orval, à fere le dit chassage, en tant que il en y a soubz l'onnour de Bris. (Hector De Chartres, Cout. R.B., 1398-1402, 149)

Quant les Espaignoz se combatirent contre Almicar, duc de Cartaige, ilz eurent grant plenté de boeufz trayans et les acoupplerent deux a deux ; puis oyngnirent ce qu'ilz traynoient de poix, de gresse et de souffre et les chasserent ou fronc de la battaille, pas a pas. (La Sale, Salade, c.1442-1444, 52)

Je m'en vois mes bestes chasser Vers Oreb ; la je trouveray Quelque champ ou les saoulleray D'aucune amoureuse peusson (Myst. Viel test. R., t.3, c.1450, 267)

Et les mena et guyda si bien de nuyt, qu'il arriva au pré où paissoient les chevaulx ; et tant feirent qu'ilz admenerent et chasserent leur prinse jusques à leur garnyson, où ilz partirent leur butin. (Bueil, I, 1461-1466, 31)

Et estoient en nombre de cincq cens chevalliers de grant façon, et vont chasser devant eulx les sommiers par bonne entreprinse. (Bagnyon, Hist. Charlem. K., c.1465-1470, 142)

Et tant qu'on povoit chasser les dictz beufz, ne qu'ilz povoient aller au long du marché (La Vigne, V.N., p.1495, 302)

Au figuré. emploi absolu. Chasser avant. Poursuivre (une action), continuer.

Tu n'y es pas a temps venuz, Ne riens n'en sera fait pour toy. Bourrel, chasse avant, par ta foy ; Va touzjours, va. (Mir. marq. Gaudine, 1350, 163)

2.Pousser hors de, loin de.

a)Chasser qqn

Renvoyer, congédier qqn.

Item, a celle [mon ancienne maîtresse] que j'ay dit Qui si durement m'a chassé Que je suis de joye interdit Et de tout plaisir dechassé, Je lesse mon cueur enchassé, Palle, piteux, mort et transy. Elle m'a ce mal pourchassé, Mais Dieu luy en face mercy ! (Villon, Lais R.H., c.1456-1457, 15)

Au passif. Estre chassé. Etre congédié, recevoir son congé.

Car chassié fut [Villon] comme ung soullon De ses amours, hayneusement, Tant que d'icy a Roussillon Brosses n'y a ne brossillon Qui n'eust, ce dit il sans mentir, Ung lambeau de son cotillon (Villon, Test. R.H., 1461-1462, 150)

Remarque : R.H., Comment. Test., 273 ; Thiry, 252.

[D'un animal] Refouler qqn.

...quant les vid (...) Dist que 'gaires n'arresteroyent, Et qu'assez chiens pour les mengier Avoit et chacier de legier.' (Chr. Piz., M.F., III, 1400-1403, 265)

[D'une chose abstr.] Repousser, faire fuir qqn.

[Desirs] me berse et chasse sans cesser. (Mach., R. Fort., c.1341, 51)

Car lait parler chace et retrait L'enfant, mais doulx parler l'attrait (Mir. Barl. Josaph., c.1363, 279)

Puis que la mort m'a tolu ma maistresse De qui seule j'esperoye la grace. Quant plus me trouve en mainte bonne place Ou chascun rit et s'esbat et soulace, Et plus me croist mon mal et ma destresse. Joye me fuit et Desespoir me chace. Je n'ay plaisir ne je ne le pourchace. J'ay mes bons jours passez et ma lëesse. (Chart., R. Bal., c.1410-1425, 383)

...douleur et mesaise me chacent a la mort si durement que je seiche sur le pié sans attente de mieulx, ne je ne scay plus sinon maudire qui ce me fait (Chart., Q. inv., 1422, 25)

Chasser qqn de/d'entour qqn. Éloigner qqn de qqn.

Tes ennemis hors d'entour toy Chace et deboute. (Mir. Barl. Josaph., c.1363, 253)

Et ne chaciez point vostre filz Gieffroy de vous, car il fera un tres vaillant homme. (Arras, c.1392-1393, 258)

Et communement sont gens qui riens ne vallent, et s'appellent ypocrites de guerre. Et je vous vueil bien advertir que vous vous gardez de telles gens et les chassez et faictes chasser d'entour vous et ne les ouez point parler ; car ilz rompent l'entendement du chief. (Bueil, II, 1461-1466, 32)

Chasser qqn/un animal de qq. part/chasser qqn hors (de qq. part). Faire sortir qqn de qq. part, obliger qqn à quitter un lieu, expulser qqn.

Mais cilz n'orent pas oubliee La villenie et le meffait, Que Leomedon leur ot fait, Quant les chaça de son dangier ['domaine'] (Chr. Piz., M.F., III, 1400-1403, 47)

Mais aussy es premiers parens, qui les chassa hors de paradis terrestre, qui leur bailla telle division en eulz et contre Dieu ? (Gers., Noël, p.1404, 304)

Et ung grant bourgois, qui compte ses deniers par default d'autre besoigne, ou ung riche chanoyne, qui exploicte le plus du temps a menger et a dormir, criera sur nous pourquoy nous ne combatons et que nous ne chaçons les ennemis comme l'en chaceroit les coulons d'une cheneviere ou d'une pesiere, et ainsi que s'il estoit aussi legier a faire comme a le deviser sur le coute, coste le vin. (Chart., Q. inv., 1422, 29)

Lequel Robert acquist pour lui et en son nom tout le royaume de Sicile, excepté la cité de Napples seullement, et chassa hors tous les ducs, princes, contes et tous aultres seigneurs. (La Sale, Salade, c.1442-1444, 168)

...se a esté a paine une chose merveilleuse qu'ilz [les Anglais] ne ont chacé et boutté hors les roys de France (Juv. Urs., T. crest., c.1446, 106)

Se nous avons prins quelque esbat Pour prendre ung petit de doulceur, Fault il faire cy ung debat Et nous chacer hors par [rigueur] ? (Sots Magn., a.1488, 206)

Chasser qqn d'un office. Démettre qqn (d'un office).

Lequel de Balsac dist au roy qu'il avoit chassé de son service sondit oncle à tort et sans cause (Le Clerc, Interp. Roye, c.1502, 184)

Chasser qqn en exil

Je te pri que tu te conseilles A bonnes gens et que tu veilles A faire le commun pourfit, Einsi com Boësses le fit Et com maint philosophe firent Qui mainte doleur en souffrirent Et furent chacié en essil. (Mach., C. ami, 1357, 133)

Chasser qqn au peautre. Renvoyer qqn, envoyer qqn au diable.

Je vous eusse envoyé au peaultre, Par le sang bieu, vieillart meschant. (B. veoir, p.1480, 18). SAINCT MARTIN. On te debvroit present chasser au peaultre, Car pas ne dis l'entiere verité. (La Vigne, S.M., 1496, 333)

Chasser paistre qqn. Congédier qqn, renvoyer qqn, fam. envoyer paître qqn.

Consydera aussi de la battre ou injurier de parolles que c'estoit peine perdue ; si s'advisa a chef de piece qu'il la chassera paistre en sus de luy (C.n.n., c.1456-1467, 419)

b)Chasser qqc. Entraîner qqc. dans son propre mouvement en avant.

...et communement vous ferez meilleur coup d'une lance moyenne que vous pourrez bien manier, que vous ne ferez d'une grosse lance pesante qui vous dessiège de vostre selle. Elle vous fait haulcier le bras et vous desarme ; pour quoy n'en povez pas donner si grant coup ; vostre cheval ne la chasse pas si bien comme il fait une lance moyenne (Bueil, II, 1461-1466, 101)

Écarter, repousser qqc..

Et enterra en Egipte, c'est a dire en ce monde, et chacera de devant li les faux ymages des Egypciens. (Mir. st Ign., 1366, 73)

...nous voions les estrangiers alliez de nostre royaume qui passent les fortunes de mer pour venir a nostre secours et estre parçonniers de nostre adversité et de nostre paine, et les plusieurs de ceulx qui sont tenuz de defendre actendent et escoutent quel en sera le bruit, et se laisseroient avant chacer et charger du fais de la guerre jusques a estre deboutez de leurs maisons qu'ilz meissent paine de prevenir ne de chacer la guerre loing de soy. (Chart., Q. inv., 1422, 57)

Proverbe. La nouvelle amour chasse toujours la vieille

...toute ceste cité est plaine de belles et gracieusez dames ; (...) il n'y en a nulle tant soit elle fiere ne entiere que, se elle veoit que vous soyés d'elle amoureux, qu'elle n'ait mercy de vous ; (...) comme maintesfois ay ouy dire, la nouvelle amour chasse tousjours la vieulle (Beauvau, Troyle B., c.1455, 601)

[Du soleil]

Derechief, il a une vertu purifiant, car en espartant ses rays, il fait l'air plus delié et degaste les fumees qui corrompent, et en chassant l'air qui est cause de pestillance. (Corbechon, Soleil Lune S., 1372, 348)

Proverbe. Un peu de pluie souvent chasse un grand vent en fuie

Dont on dit que ja ne fera Trop grant chaut, puis qu'il ventera, Et si voit on qu'un po de pluie Souvent un grant vent chace en fuie... (Mach., D. Lyon, 1342, 195)

c)Au figuré. Chasser (hors) (hors de qqn) une chose abstr. Rejeter, écarter qqc. (hors de qqn).

Tendrement plourer me couvient, Qu'en monde n'a bien qu'i m'aporte, Eins me mourdrist et desconforte, Et les pointures que je sens, Qui sont a milliers et a cens, Chacent de moy par leur rigour Sanc, couleur, maniere et vigour. (Mach., C. ami, 1357, 74)

Pense au retour et aimme fort Et pren cuer, vigueur et confort, Et chasse hors le desconfort Qui en toy maint, Et tu seras tantost au port De pais, de joie, de deport. (Mach., F. am., c.1361, 230)

Et, ma souveraine dame, quant ad ce qu'il vous plaist que je chasse hors de mon cuer la mortel paour et le grief penser qui y est, toutes vos paroles me sont commandement (Mach., Voir, 1364, 124)

Incontinent que tu ameines pechié mortel en ton hostel, conscience fait une tele noise qu'elle en chasse le Saint Esperit : Non est pax impiis. C'est la femme noiseuse qui chasse hors son hoste (Gers., Pent., p.1389, 81)

Si convient que quant on chasse hors justice, que paix avec s'en aille (Gers., Noël, p.1404, 302)

Fuyez donc Mirencolie Qui toute douleur pourchace Et Plaisance du tout chace ; Qui la reçoit fait folie, Car Plaisance est plus jolie, Qui dueil et soussi enchace, Et n'est n'ingrate n'eschace, Ains a Largesce se alie. (Chart., L. Plais., c.1412, 150)

Desir le maine et Espoir le conforte, Et Plaisance le soustient et supporte ; Et le desir de sa dame l'enhorte A s'esjouÿr, A chacer Dueil et Tristesce fouÿr, A soy faire regarder et ouÿr Et les autres de le veoir s'esjouÿr Par grant plaisance. (Chart., D. Fort., 1412-1413, 170)

Mais depuis que vertu et union fut chassée et deboutée d'icelluy royaulme, et que les parcialitez ont eu lieu dont les divisions sont eslevées et venues en avant, quant aux conquestes qui se faisoient à l'elargissement et augmentacion du bien du royaulme, tout est tourné en fureur et debat sur eulx meismes, à la confusion et perte du peuple et de leur seigneurie. (La Marche, Mém., I, c.1470, 63)

De leur cueur fut chassé dueil et soussy (La Vigne, V.N., p.1495, 144)

Interdire qqc..

...pas ne devez tollerer, ne souffrir que ceste science [l'astrologie] tant encienne (...), maintenant au seul appetit desordonné de telx ignorans et detracteurs, durant vostre resgne soit ainsi et ou contempt de vous chassée, abatue et villipendée (Simon De Phares, Astrol., c.1494-1498, f° 6 r°)

3.En particulier. [Dans un contexte d'hostilité, de guerre]

a)Mener devant soi, faire avancer(des prisonniers, du bétail saisi...).

Si avoient retrait li plus dou peuple lors biens ens es fortereces, et lor bestail cachiet devant euls bien avant en Artois et en Vermendois, car ce qui estoit trouvé sus le plat pais estoit perdu. (Froiss., Chron. D., p.1400, 315)

Il ocirent et mehagnierent auquns honmes qui se tenoient ens es fourbours et prisent honmes, fenmes et enfans, et cachierent tout devant euls (Froiss., Chron. D., p.1400, 368)

...la proie que li François menoient fu tousjours cachie des gros varles avant, et missent a sauveté au pourfit des François (Froiss., Chron. D., p.1400, 665)

b)Poursuivre, harceler, repousser qqn (un ennemi).

Une cantique determine Que jadis, par vertu divine, Uns homs en desconfissoit mille, Et IJ. en chassoient X. mille. (Mach., P. Alex., p.1369, 66)

Là n'avoit merci ne pité, Car li nostre qui les chassoient Sans deffense les occioient, Si que d'ocire ne finerent Tant qu'à la porte les chasserent. (Mach., P. Alex., p.1369, 77)

Là commença moult forte chasse. Il s'en fuient, li rois les chasse ; Et tant les chassa longuement Qu'il en fu repris durement. (Mach., P. Alex., p.1369, 214)

Nous sommes deux gallees de Rodes, qui avons esté trouvees de Sarrazins, qui cy nous chassent. (Arras, c.1392-1393, 89)

Atant esvous Sarrasins a desroy, qui les chasserent tout jusques a leurs barrieres. (Arras, c.1392-1393, 97)

Et lors traist l'espee et s'en va vers le conte, et cellui qui congnoissoit bien sa fierté, advise l'uis de la maistre tour, et s'en fuit celle part, et Gieffroy après ; et tant le chaca d'estage en estage qu'i vint au derrenier, prez du toit. Et le conte avise une fenestre qui yssoit sur le toit, et monte sus, et Gieffroy le suit, l'espee traicte, et le cuide ferir. (Arras, c.1392-1393, 268)

'Hastés vous, montés as cevaus et alés au devant de ces Flamens. Il se deslogent et toursent tout et s'en fuient, et nuls ne les caça. ' (Froiss., Chron. D., p.1400, 447)

...et, qui pis est, les poursuirent et chacerent à espées, dagues, couteaux, ars et saiectes en traiant sur eulx (Baye, I, 1400-1410, 101)

Maiz les failliz quouärs fendirent Les rengs quant a fuite tendirent Au desplachier, Sans oncques espee y sachier. Si n'y avoit il qui cachier Les peust a la pointe d'achier, Maiz ilz casserent L'ordonnance et oultrepasserent ; Leur honneur derrier eulx lesserent Et leurs lignages abesserent. (Chart., L. Dames, 1416, 284)

Quantes mortelles afflictions et playes intollerables soustint le royaume d'Escosse par plusieurs annees, ou temps de Robert de Bruz roy dez Escotz, ce te pourront reciter telz qui encor vivent. Car puis cent ans par ses adversaires angloys et aucuns ses rebellez escos il fut persecuté en sa personne, et comme prince desherité guerroyé en son pays, et chassé par sa terre comme le senglier par les fors buissons (Chart., L. Esp., c.1429-1430, 142)

En après, les François furent chaciés jusques assés près de la ville de Laon. Si en y eut en ladicte chace, pluiseurs mors et prins. (Monstrelet, Chron. D.-A., t.5, c.1444-1453, 78-79)

...ce bon chevalier vaincquit et rebouta les quatre ribaulx, et, ainsi qu'il les poursuyvoit chassant pour en estre au dessus, l'un d'iceulx, qui avoit ung glaive, se vira subit (C.n.n., c.1456-1467, 551)

...nul n'y doit mettre son prisonnier [dans une ville ou un chèteau] sans congié, sinon en deux cas, c'est assavoir (...) Aussi, se ung homme estoit chassié ou en danger de ses ennemis, et qu'il n'eust loysir de le demander, en ce cas, il y peult entrer (Bueil, II, 1461-1466, 11)

...et aussi, puis que on les eust attenduz jusques au joindre, ilz eussent bien autant chassé que on eust sceü fouyr, et si sçavoient myeulx les chemins que nous. (Comm., III, 1495-1498, 162)

Qui fuit, il trouve qui le chasse

Il le te convient rabaissier. C'est le remede. Ayde toy ; on t'aydera. Qui fuit, il treuve qui le chasse. Cy ne fault fuyr, non, il se fault arrester pour donner arrest à son anemy (LEFÈVRE (R.), Hist. Troyes A., c.1464, 160)

Emploi absolu.

'Nous ne poons faire milleur exploit, mais que nos pourveances soient toutes venues, que de aler che chemin que nostre ennemi font, et tant cachier que nous les trouvons, et eux combatre.' (Froiss., Chron. R., XI, c.1375-1400, 271)

Lors yssy des logeis a Xm. Sarrasins et sieut Gieffroy et sa gent moult asprement, et après lui viennent Sarrasins qui mieulx mieulx. Gieffroy en commande a fuir ses gens vers l'ost. Et il se boute ou boys avec ceulx qui estoient demourez, pour eulx ordonner. Et le soudant chace moult despourveement et a force de chevaulx, et passe par devant le bois ou l'embusche estoit. (Arras, c.1392-1393, 229)

...li François orent tant cevauchiet que il furent venu priés au pont et il veirent la grose enbusce qui la estoit au devant dou pont toute armee et ordonnee et qui les atendoit en tres bon convenant, si furent tout esmervilliet, et dissent entre euls li auqun qui regarderent la maniere : 'Nous caçons trop follement. A aler avant, nous porons plus perdre que gaegnier.' Dont retournerent li auqun (Froiss., Chron. D., p.1400, 442)

Et (...) quant vous vous trouverez en une besongne et vous aurez rompu gens, il vous est besoing de tenir tousjours un bon nombre de gens ensemble et que tous voz gens ne chassent pas ; car à plusieurs gens il en est pris mal. (Bueil, II, 1461-1466, 62)

Chasser (un ennemi) en voies. Mettre (un ennemi) en fuite.

...li rois d'Engleterre avoit (...) passet la riviere de Sainne et de Sonme maugré tous ses nuisans, et arestés a Crechi en Pontieu, et la atendu deus jours le roi de France et sa poissance et combatu et desconfi et cachiet en voiies. (Froiss., Chron. D., p.1400, 751)

c)Mettre (un ennemi) en fuite.

...moult bien l'advertit que d'aller piller la cité de Elmaidam lui viendroit dommage et ainsi advint, car il fut chassé des bourgeois et deffendirent leur cité et leurs richesses que le roy Alexandre y avoit laissées (Simon De Phares, Astrol., c.1494-1498, f° 65 r°)

Chasser (un ennemi) en fuite

Il furent tantos conquis et desconfi et caciet en fuites (Froiss., Chron. D., p.1400, 686)

Chasser (un ennemi ou des personnes favorisées par un ennemi) (hors) (d'un lieu, d'un pays)/dehors Pousser, expulser (un ennemi) hors d'un lieu.

Briefment tant se sont combatu, Tant en ont mort et abatu, Tant ont sà et là chevauchié Que hors de la ville chacié Les ont ; et encor les chassoient Parmi les champs et les tuoient (Mach., P. Alex., p.1369, 99)

Nous avons pris ceste cité Maugré eaus et contre leur gré, Et si les avons desconfis, Chaciez hors, navrez et occis Tant qu'elle nous est demourée Fort et seüre et bien fermée (Mach., P. Alex., p.1369, 104)

S'en disoient : 'Ja Dieu ne place Qu'il nous chassent de ceste place, Einsois nous les en chasserons Ou à eaus nous combaterons.' (Mach., P. Alex., p.1369, 165)

...Anglois et Gascons tenoient Prilli et l'avoient mallement fortefiet, ne nulz ne les en boutoit ne chaçoit hors (Froiss., Chron. M., XIV, c.1375-1400, 6)

Car les fuyans de Baruth sont venus aux paveillons et ont compté la perte de Baruth, et comment Gieffroy au grant dent les a chaciez hors par force, et le remenant occiz. (Arras, c.1392-1393, 227)

...on avoit deliberé de pourveoir à aucuns bailliages de ce royaume de chevaliers sages et puissans de chevauchier en armes en leur bailliage pour extirper et chassier les ennemis, brigans et pillars de leursdiz bailliages (Fauq., II, 1421-1430, 126)

...et venant son père, le duc Philippes, à l'extrème vieillesse, dont ja estoit près, il chassa tous lesdictz de Crouy hors du pays de son père, et leur osta toutes les places et choses qu'ilz tenoyent entre leurs mains. (Comm., I, 1489-1491, 9)

...et monstre bien qu'il sçavoit de la science des estoilles, où il dit, en la fin d'une sienne prophecie après qu'il a parlé de la Pucelle qui chassa les Anglois de France, l'an [mille] IIIIcXXIX (Simon De Phares, Astrol., c.1494-1498, f° 91 v°)

Oudit an crié à son de trompe par les carrefours de Paris, de par le roy, comme messire Jehan de Chalon, prince d'Orenge, conte de Tonnerre et seigneur d'Arlay, s'estoit mis et retiré avecques les Bourguignons tenans le party de madamoiselle de Bourgongne en la Franche Conté dudit de Bourgongne, et ilec debouté et chassé dehors les bons et vrays subgetz, qui mis y avoient esté depuis la mort dudit duc de Bourgongne de par le roy (Roye, Chron. scand., II, 1460-1483, 51)

Et, quant ledit conte vit lesdits Suysses qui commencerent à escarmoucher, il fist saillir sus eulx vingt et cinq hommes d'armes pour les rompre. Et alors lesdits Suysses se misdrent en bataille, mais lesdits hommes d'armes chassirent lesditz quatre vingtz Suisses et les deffirent. (Le Clerc, Interp. Roye, c.1502, 141)

Et furent iceulx Bourguignons à la parfin chassez très honteusement et à leur grant honte et confusion. (Le Clerc, Interp. Roye, c.1502, 256)

Et disoit le roy en soy mocquant qu'il avoit plus aisement chassé les Anglois hors du royaulme de France que n'avoit faict son pere le roy Charles VIIe, car il les en avoit chassés à force de menger pastés de venoison et boire de bons vins, et son pere les avoit mis hors à force d'armes. (Le Clerc, Interp. Roye, c.1502, 344)

d)Congédier, renvoyer (des hommes qui ne conviennent pas).

Et apres troys moys ou quatre a faire la moustre, Beau Filz, tes chevetaines pourront raisonnablement casser le tiers ou le quart qu'ilz trouveront manifestement que ce ne sont pas droictes gens d'armes, mais gens de mestier et pillars. (Mézières, Songe vieil pèl. C., t.2, c.1386-1389, 408-409)

e)Chasser qqc.

Chasser des mines. Creuser des mines (en chassant la terre).

Et avoit fait faire, ou fons des fossés d'ycel bolevert, petites maisoncelles de bois, où ses gens se tenoient pour faire leur guet moult subtillement. Si furent par l'introduction de messire Jehan de Luxembourg commencées aulcunes mines, lesquelles furent chaciés bien avant et parfont et à grant coust, sans porter effet en valeur. (Monstrelet, Chron. D.-A., t.4, c.1444-1453, 391)

Remarque : S'agit-il du verbe chasser ds l'ex. suivant :

...ilz tirèrent leurs gens hors de la forteresce, avec la dame du lieu, et cachèrent [var. mirent] le feu dedens. (Monstrelet, Chron. D.-A., t.4, c.1444-1453, 441)

B. -[Domaine cynégétique]

1.Chasser à tel animal Pratiquer la chasse à tel animal, à tel type de gibier.

Et quant il commencierent a croistre, il ne furent pas pereceux ne endormis, anchois par les montaignes ou il gardoient leur bestes il aloient chassant aus bestes sauvaiges. (Bers., I, 1, c.1354-1359, 4.8, 8)

Comment le marquis et sa gent s'en vont chacier aux grosses bestes (Gris., 1395, 24)

...il est tenu garder la riviere de Saine touteffoiz que le prince, son ainsné filz, ou son lieutenant, chace en ladicte forest aux bestes rouges (Hector De Chartres, Cout. R., 1398-1408, 93)

...li jones rois Edouwars d'Engleterre et la roine s'en vinrent a Evruich euls tenir et lor estat, et cachier as cerfs, as dains et as cheviruels. (Froiss., Chron. D., p.1400, 208)

...pour ce que trop se delitoit en chacerie, Venus, qui se doubtoit que mal lui en venist par aucune mesaventure, par mainte foiz lui pria que il se gardast de chacier a la grosse beste. (Chr. Piz., Ep. Othea L., c.1400-1401, 241)

Ne passa sepmaine de caresme que comme tres devote ne alast les pardons gaynier (...) et aprés son dormir aux regnards et taissons par ces bois et autres deduiz souventesfois chassier (La Sale, J.S., 1456, 258)

LE .I. SERGENT. Ce n'est rien que de nostre office. LE SECOND SERGENT. On n'a plus que faire de nous. LE .I. SERGENT. Veu que plus n'y a d'excercice, Ce n'est rien que de nostre office. LE .II. SERGENT. Si avons nous assez malice Pour l'exercer. LE .I. SERGENT. Chassons aux loups ! Ce n'est rien que de nostre office. (Mir. st Nic. juif, c.1480-1500, 113)

Locution. Chasser aux papillons. Musarder, se livrer à des occupations futiles.

LUCIFERT. (...) Il n'est ame que pourchassés, Je croy qu'aux papillons chassés ; Par vous [diables] deust croistre ma chevance Et je voy qu'elle desavance. Ou est le gain que vous me faictes ? (Pass. Semur D.M., c.1420 [1488], 33)

2.Chasser (un animal) Poursuivre (un animal sauvage) pour le tuer.

Puis que nous vous eusmes perdu De ce lievre que nous chaçasmes... (Mir. femme roy Port., c.1342, 170)

'Dame', dist cils, 'foy que doy m'ame, C'est la Guillaumes De Machaut. Et sachiez bien qu'il ne li chaut De rien fors que de ce qu'il chace, Tant est entendus a sa chace. Bien croy qu'il n'entent a nelui Fors qu'a ses levriers et a lui.' (Mach., J. R. Nav., 1349, 156)

Et pour ce, en chassant le chevreul, aprent on a estre bon veneur a chascier toutes autres bestes, quar il demuere et tournie plus en son pays que ne fet nulle autre beste. (Gast. Phébus, Livre chasse T., 1387-1389, 218)

Onques Actheon ne chassa Plus grant [cerf] , plus bel, ne plus cornu. (Gris., 1395, 25)

Item, se l'en chasse en ladicte forest aucunes bestes rouges ou noirez, comme cerfs ou sengliers (Hector De Chartres, Cout. R., 1398-1408, 52)

Et telz y a qui jour et nuit sont par les bois et par les champs a chacer les bestes et au gibier des oiseaulx (Chart., Q. inv., 1422, 15)

En après, le roy retourna pardevers le pays de Beausse, à Chartres, et en Gastinois, au Bois Malesherbes et autres lieux voisins, où il sejourna par certaine longue espace de temps, en chassant et prenant bestes sauvaiges comme cerfz, sangliers et autres bestes, dont il trouva largement. (Roye, Chron. scand., I, 1460-1483, 317)

On les prent [les bêtes] qui leur dit deux motz Bien assignés, quant on les chasse. (Pass. Auv., 1477, 141)

[D'un chien de chasse]

Et, si il avenoit que quatre ou sis chienz le chassassent et il fust grant cerf, il doit forhuer et corner une piesce pour traire a luy ou veneurs ou aides. (Gast. Phébus, Livre chasse T., 1387-1389, 196)

Emploi absolu. Aller à la chasse, se livrer à la chasse.

Quant li roys fu en milleur point, Et il vit le jour en bon point, Talent le prist d'aler chacier, Pour lui deduire et solacier. (Mach., P. Alex., p.1369, 255)

Esgaré me suy. De chacier ay trop diligens Esté, quant j'ay perdu mes gens. (Mir. Berthe, c.1373, 232)

Je cuidié proie avoir happé, Mais je me voy si entrepris Que puis dire en chaçant sui pris (Mir. roy Thierry, c.1374, 300)

...le roy nostre sire se tient le plus à Brisco et sus la riviere de Saverne, et chace là et s'esbat. (Froiss., Chron. M., XIV, c.1375-1400, 56)

Le corps leur sue D'aler aprés la povre beste mue ; L'un crie et brait, l'autre l'espieu lui rue, Et la fin est que en un laz on la tue, Ou el s'enlace. Quant est de moy, qui peut chacer si chace, Ou pour voler faucon haquart pourchace ; Mais oncq ne fut si gracïeuse chace Que du deduit qui parle face a face, Bel comme un ange. (Chart., D. Fort., 1412-1413, 177)

J'ay chassé de nuyt a la torche En Poyto, France et Bretanhe, Et meinctenent suis en Aulvernge, Ou je n'y voy beste pour prandre. (Pass. Auv., 1477, 141)

Ledit duc vint au devant de moy, faignant chasser, car ilz sont ainsi honnourables aux ambassadeurs. (Comm., III, 1495-1498, 250)

Estre chassant

...il estoit adès chassans, Aus chans sa proie pourchassans. (Mach., D. Aler., a.1349, 273)

Proverbe. Tant vaut qui ot et rien n'entend que celui qui chasse et rien ne prend

Tant vaut qui eut et rien n'entent (...) Que scil qui chasse et rien ne prent. (Myst. st Sébast. M., c.1450-1500, 9)

[Dun chien de chasse] Chasser après un animal

...comme uns chiens de chace Après sa beste fuit et chace Et la sieut partout a la trace Pour li tuer... (Mach., R. Fort., c.1341, 51)

Chien chassant. Chien de chasse.

Seulement se voult deporter En oyseaux et en chiens chassans. (Gris., 1395, 3)

infinitif substantivé. Fait de pratiquer la chasse' .

...les autres se excercitent ensemble en fais d'armes, ou en chacier ou vener (Oresme, E.A., c.1370, 494)

Se je sceusse Quelle part trouver en peusse, Voulentiers celle part alasse Et le chacier un po laissasse ; Mais ne sçay quel chemin tenir. (Mir. Berthe, c.1373, 232)

Mais il [le marquis] avoit son deduit mis Seul en chacier et en voler ; Seulement se voult deporter En oyseaux et en chiens chassans (Gris., 1395, 3)

C. -Au figuré.

1.Chercher, être en quête, à la poursuite de.

a)Chasser qqn

'...ne sçay lieu ne retraict ou vous puissez estre asseur. - Seroye je point bien, dit l'autre, en nostre colombier ? qui me chasseroit la ?' (C.n.n., c.1456-1467, 510)

Chasser qqn de + inf. Inciter qqn à.

...messieurs les esleuz (...) chassoient mondit sieur le maire de faire assembler le conseil affin de pourveoir au charroy de certain salpestre que... (Reg. Poitiers F., t.4, 1480, 312)

b)Chasser qqc. Rechercher activement, désirer ardemment qqc..

J'ay bien veu qu'elle [ceste lettre] veult dire Et que tu demandes et chaces. A estre absolz quiers et pourchaces D'un grief esconmeniement (Mir. parr., 1356, 53)

Si vif en trop mortel chace, Qu'Amours me dechace, Pour ce que je chace L'amour de ma dame chiere Qui ma mort quiert et pourchace, Quant elle m'enchace Et quant avoir grace Ne puis de sa simple chiere. (Mach., Lays, 1377, 323)

Nous voyons que le Roy n'eust oncques si grant entrée sur ses ennemyz qu'il a de present ; et, pour ce (...) le Roy doit venir. Car on doit chassier sa bonne fortune, quant elle vient (Bueil, II, 1461-1466, 139)

Revendiquer qqc..

Devant l'emperéour cascuns sen droit cacha (Chev. cygne R., c.1356, 101)

Chercher à manifester qqc..

Tu le scés mieux de moy seloncq mon estudie, Mais tu ne cachez pas moult grande courtoisie A ton frere giermain (Flor. Rome W., c.1330-1400, 199)

Chasser que + subj.

Car chascuns qui de toy parole En dit bonne et bele parole Et te pleint ; nes li enfançon Chantent de toy bonne chanson ; Et que tous ceaus qui te pourchacent Ne demandent, quierent ne chacent Que par nulle guise on te face Bonté, courtoisie ne grace, Fors justice tant seulement. (Mach., C. ami, 1357, 65)

Et Florimons y est, qui chace En toutes guises et pourchace Qu'il soit quittes de son appel, Où bien porra laissier la pel ; Car c'est son principal desir Qu'à honneur s'en puist departir. (Mach., P. Alex., p.1369, 235)

[D'un chevalier, d'un soldat] Chasser aventure

Il appelle le portier qui tantost descendit et abaisse le pont et oeuvre la porte et Cleriadus entre dedens et le portier referme tout, qui cuidoit certainement que Cleriadus venist de chasser aucune aventure. (Cleriadus Z., c.1440-1444, 211)

Chasser à qqc. S'efforcer d'obtenir, rechercher qqc., être en quête de qqc..

Si vouldroit bien a paix chacier (Chr. Piz., M.F., III, 1400-1403, 154)

2.DROIT

Emploi absolu. Faire une requête en justice.

Jugement, que, c'il est ainssi que j'aie plussieurs jomnes coixin que sont dezoubz eaige et que sont offres, je puelt bien chaissier pour eaulz sans avoir procuration. (Jug. maître-échev. Metz S.M.S., t.1, a.1494, [1332], 97)

Le clamant demande a ung autre et li clamet et demande une piece d'eritaiges qu'il thient, que muelt don sensault d'un heritaige que doit cens a segneur, le quel heritaige a estei esxuriés par deffault de chaiptei et de cens a cil que chesset ; et cil que se deffent dit qu'il en a estei en saisine et en polcession l'espaice de .XXV. ans, qu'onques esraigniés n'en fut, qu'il en a bien a demourer en paix. (Jug. maître-échev. Metz S.M.S., t.1, a.1494, [1354], 327)

Jugement et rapport que dit que parmei ce que celle que chaisse ait bien monstré que l'eritaige muelt de par son pere, ait bien pour tant celle que chesse ladicte terre et les sorpois a avoir, emsi comme elle le clamet, par ainssy qu'elle paicet a celluy que se deffend la semence qu'ille a mis cest annee en ladicte terre et aussy le cherrowaige (Jug. maître-échev. Metz S., t.3, a.1494, [1425], 39)

Chasser qqc. Chercher à obtenir (qqc.) en appelant en justice.

Jugement (...) que dit que, se ung home doit debte a ton peire et cil que li doit vat de vie a mort et ton peire en porte lez bien du mort par estault en descontant de sa debte, pour ce n'est ce mie qu'il ne puist encor bien chaissier lou remenant de sa debte a l'eritaiges que la femme du mort thient, ne ne s'en puelt deffendre comme pour dire : qu'elle rue la cleif sur la fosse et acquictes moibles et debtes, et que son marit ne povoit obligier l'eritaige qu'elle debvoit tenir en dowaire, ne pour plussieurs autres deffences. (Jug. maître-échev. Metz S.M.S., t.1, a.1494, [1352], 299)

3.[Le suj. désigne un mobile, un désir, un besoin] Chasser qqn/un animal. Exciter, aiguillonner, pousser qqn.

'Velà folle gent et outrageus ! La male mescance les cache bien. De toute le compaignie jamais piés n'en retournera. Or arons nous maintenant fin de guerre.' (Froiss., Chron. R., X, c.1375-1400, 220)

Desir, qui si tresfort me tente, (...) Art mon cueur, esperonne et chasse. (...) Pis [me] mene que cerf en chasse. (Narcissus, p.1426, 283)

...quant vint a la nuyt que chascun se fu retrait en sa chambre, la royne, que desir chassoit de longue main, envoya querir secretement le prestre de leur loy et Sambor ossy et a pou de bruit espousa Sambor. (LEFÈVRE (R.), Hist. Jason P., c.1460, 231)

Proverbe. La faim chasse le loup hors du bois

...les povres hommes d'armes, qui ont de la souffraitte et du travail habondamment, sont tousjours prestz à emploier leurs corps pour honneur et renommée acquerir ; car on dit communement que la faim chasse le loup hors du bois. (Bueil, I, 1461-1466, 27)

Remarque : Cf. Gilles Roques, Mélanges Heinz Jürgen Wolf, Francfort, Lang, 2011, 313-326.