ENTRETENIR

verbe

[T-L : entretenir ; GD : entretenir ; AND : entretenir ; DECT : entretenir ; FEW (XIII-1, 212b,213) : tenere ; TLF (VII, 1251a) : entretenir1, entretenir2]

A. -[Idée de tenir, de tenir ensemble]

1.[De choses]

a)Emploi pronominal réciproque.

[De choses concr.] Tenir l'un avec l'autre, être attachés ensemble.

...troys grans escuelles de guenne rouges, avec une mendre, et deux petites qui s'entretiennent. (Invent. mobilier Ch. V, L., 1379-1391, 231)

Encore nous convient dire à quel comparoison se peut adjoindre cestui ordre de chevalerie et de quoy il doit servir, et que segnefie son nom, dont par naturele similitude, me semble, se peut comprendre si comme un liain ou une chaienne forte et de dure assemblée par ordre de plusieurs aneaux joins et entretenans ensemble, car, si comme chaiennes sont communement faites pour la deffense et soustenail de ce que on veult que elles soustienent ou environnent, doit estre ordre de chevalerie (Chr. Piz., Faits meurs Ch. V, S., I, 1404, 118)

Lors fist damp Abbés ce que saint Benoist, saint Robert, saint Augustin ne saint Bernart (...) n'eussent mie fait en leur vivant, car illec publiquement se mist en porpoint, destaicha ses chausses, qui a ce temps ne s'entretenoient point, et les avala soubz ses genoulz (La Sale, J.S., 1456, 280)

Être contigu, se toucher.

Ces maisons pas ne s'entretiennent Toutes, ne ne sont ressemblables (Chr. Piz., M.F., I, 1400-1403, 124)

[D'événements] Tenir l'un à l'autre, se suivre.

Mais que les choses s'entretiennent Ainsi comme je les demande, Nous aurons pain, vin et viande Pour les festÿer a leurs guise. (Michel, Myst. Pass. J., 1486, 67)

b)Emploi pronominal réfléchi.

[D'un vêtement] Tenir, adhérer.

...la robe fort s'entretient Et si serré sur son doz tient Qu'il la fault arracher a force. (Gréban, Pass. J., c.1450, 320)

S'entretenir à qqc. Tenir ensemble avec qqc..

Mette le bout des costés devers terre et l'eschine dessus et encise tot au long de l'eschine de son coutel, d'un costé et d'autre, selon la larjour de l'eschine, puis coupe os et tout, d'un costé et d'autre, tout au long de l'eschine, selon qu'il aura encisé, le plus pres qu'il pourra de l'os de l'eschine, et que les costés s'entretieignent a l'os du bout de la hampe quant l'eschine en sera hors. (Gast. Phébus, Livre chasse T., 1387-1389, 180)

Au figuré. [D'un propos] Avoir de la cohérence, se tenir.

: Qu'esse cy ? Vous entrelardez Puis d'ung, puis d'aultre. Somme toute, Par le sang bieu, je n'y vois goute : Il brouille de drap et babille Puis de brebis, au coup la quille ! Chose qu'il die ne s'entretient. (Path. D., c.1456-1469, 168)

[D'un récit] Former un tout.

Et jasoit ce que j'aye mise l'istoire tout au long, et ne l'ay voulu desmenbrer ne descoupler pour ce que la matiere est belle et s'entretient, toutesvoyes par icelle peut estre recueilly a mon propos seulement que Sarre fut tresamoureuse, privee et obeissant a son mary, en tant qu'elle laissa son pays, ses parens et sa terre pour aler seule de sa lignee avec son mary en estrange terre et de different langage. (Ménagier Paris B.F., c.1392-1394, 62)

c)Participe présent en emploi adjectival.

[De constructions] Attenant.

...les quatre livres et deus soulz [d'une rente] sont assiz sus deus mesons entretenanz qui sont assises en la rue de la Cossonnerie (Phil. Vi Valois, Doc. paris. V., t.1, 1332, 149)

...deux maisons à appentis estans en icelle rue Saint Jacques, entretenans, d'une part, aux maisons des Escolliers Me Pierre Fortet, et d'autre part, à la maison Meline du Jardin (Comptes Paris V.L.D., t.1, 1424-1425, 28)

...avoir vendu (...) deux maisons entretenans, court et jardin, tout ainsy comme les lieux se comportent (Chartes Ste-Chapelle Vincennes B., t.2, 1427, 582)

...une masure et une maison entretenante (Doc.1452. In : Brunel-Tardy, Paris, l'Église et le roi, 2016, 403)

Par métonymie. [D'une chaine] Dont les maillons se tiennent bien ensemble, solide, résistante.

C'est que es batailles arrengées et aux assemblées doivent faire ensemble comme une chaienne dure, serrée et entretenant, resistant à la force des adversaires et anemis. (Chr. Piz., Faits meurs Ch. V, S., I, 1404, 119)

2.[De personnes]

a)Emploi pronominal réciproque.

Se tenir l'un l'autre.

'Seigneurs, se dist Gieffroy, or oués cuidier : Main a main nous prendrons, ainssi con pour tressie Et nous entretenron bien fort sans varier. En ce fossé me fault bellement destranchier, Et quant ma hache aray tout a mon desirier, Trestouz me tirerés amont dessus l'erbier...' (Cuvelier, Chans. Guescl. F., c.1380-1385, 421)

Se tenir l'un près de l'autre.

...le conte d'Artois (...) mist sez hommez en bataille au dehors dez tentez et serreement lez fist entretenir en eulx admonestant de vengier leur dommage sur ceulx qui lez vouloient mettre a destruction (Comte Artois S., c.1453-1467, 31)

S'agripper (dans un combat).

...doubtant que ledit Chambellan ne recouvrast de rechief sur lui, en eulx entretenans et combatant l'un contre l'autre, lui donna ledit suppliant du trenchant de sadicte espée un cop par le jarret de l'une de ses jambes (Chancell. Henri VI, L., t.2, 1429, 133)

Se tenir ensemble, s'entendre.

...nous, et ung chascun de nous, jurons et promettons estre et demourer, tant comme nous vivrons, en bonne et vraye amour, fraternité et union les uns avecques les autres, et nous aimerons, cherirons et entretendrons comme freres, parens et bons amis (Fauq., II, 1421-1430, 95)

...et par ainsy, foi et vérité et fiance seront hors de la terre, et n'y aura riens entre les hommes par quoy ils s'entretiennent. (Chastell., Chron. K., t.5, c.1456-1471, 9)

Se donner la main.

Et quant tous deux auront fait ledit serment, le mareschal ou conseillier les fait prendre par leurs deux mains droittes et les fait entretenir. (La Sale, Salade, c.1442-1444, 220)

(S')entretenir par les mains

Par les mains bien s'entretenoient, Et les richesses regardoient Qui ou palais estoient mises D'or et de pierres bien assises. (Renart contref. R.L., t.1, 1328-1342, 156)

Et en après ce qu'ilz ce prindrent à dancer à la tresche, et que ledit Hainsselin, son ami, et sa femme espousée, danssoient ensemble et s'entretenoyent par les mains, elle qui parle (...) mist à terre iceulx deux chapeaux (Reg. crim. Chât., I, 1389-1392, 342)

Ainsi s'en vindrent tous deux, entretenans par les mains, à la feste (Cleriadus Z., c.1440-1444, 642)

Par métonymie. [Des mains] Se tenir l'un l'autre.

...ung autre fermillet d'or, azuré, à deux mains qui s'entretiennent. (Invent. mobilier Ch. V, L., 1379-1391, 38)

S'entretenir compagnie. Être ensemble.

Moult amoient ly uns l'autre Uriiens et Guyon. Et estoit Guion si viste, si mouvant et si appert que chascun s'en donnoit merveilles. Et tousjours s'entretenoient compaignie Uriiens et Guyon. (Arras, c.1392-1393, 81)

b)Emploi pronominal réfléchi. Se mettre entre : se mêler (à qqc.).

TONNOIRE. Puis qu'en santé je me soustiens, Ou sont ilz [les chrétiens arrêtés] , que je ne les tiens ? FOURDRE. Il aront, se je m'entretiens, Les testes plus molles que pastes. (Michel, Myst. Pass. J., 1486, 289)

B. -[Idée de tenir dans un état constant]

1.Entretenir qqc.

a)[Une chose concr.] Tenir, maintenir en bon état.

Veulz tu empeschier les finances Par lesquelles entretenus Est ce temple et retenus ? (Marcadé, Myst. Pass. Arras R., a.1440, 125)

Item, et que sur le pont de Montereau, ou lieu où fut perpetré ledit mauvais cas, sera faicte, edifiée et bien entaillée et entretenue à tousjours une belle croix, aux despens du Roy, de telle façon et ainsi qu'il sera advisé par ledit monseigneur le cardinal ou ses commis. (La Marche, Mém., I, c.1470, 213)

LE JUIF. (...) Nonpourtant, je ne lairray pas Ma marchandise entretenir Et ma bouticle cy tenir. Quelque fantasie qui surviengne, Je tiens la loy des juifz pour mienne Et maintiendray jusqu'a la fin. (Mir. st Nic. juif, c.1480-1500, 79)

LE PRESTRE. (...) Honnorez le sainct et doubtez Et de l'offencer redoubtez, Entretenez ce lieu et place Ou vous avez receu tel grace Que puissons tous assemblement Avec luy pardurablement La sus le veoir en Paradis. (Mir. st Nic. juif, c.1480-1500, 157)

LE GENDARME. Pourtant se j'ay esté vaincu Vous aurés de moy cest escu Pour entretenir vos habitz. (P. moyne, a.1500, 52)

Entretenir le mesnage. Veiller à la bonne marche d'une maison.

Et elle d'aultre part mettoit peine d'entretenir le mesnage selon le desirier de son mary, qui a ceste cause l'avoit beaucop en grace (C.n.n., c.1456-1467, 289)

Maintenir, continuer qqc..

...lettres closes de par mondit seigneur à monseigneur de Lille Adam, mareschal de France, et aux aultres cappitaines estans au siege devant Estan Saint Germain, affin qu'ilz entretiegnent ledit siege sans en partir pour cause de la convencion que lors briefment se devoit faire du roy nostre sire et du roy d'Engleterre (Comptes Etat bourg. M.F., t.1, 1420, 464)

'Je voue aux dames et au faisant, que se mon très redoubté et souverain seigneur monseigneur le duc entretient le voyage sainct sur les infidelles, je le serviray de mon corps et de mes biens, au cas toutesvoyes que je n'auray maladie ou leal ensoingne de mon corps...' (La Marche, Mém., II, c.1470, 384)

Effectuer, continuer qqc. avec une certaine régularité.

...si moy ou autre estoye allé ung jour dehors, j'estoye a celle heure picqué et rayé en rabatant de la trespetite et mal entretenue paye en quoy estions assignez la quantité a quoy montoit icelle belle picquoterie. (Abuzé D., c.1450-1470, 68)

Entretenir (une tradition).

...la mere de ceste fille, pour garder et entretenir les cerimonies accoustumées en tel jour, escolla et introduisit la dame des nopces, et luy aprint comment elle se devoit gouverner (C.n.n., c.1456-1467, 496)

...dès longtemps et d'ancienneté, les prieur et frères de l'ostel Dieu de Coustances eussent acoustumé dire et cellébrer une messe à note de Nostre Dame devant l'image de la beneste Virge Marie, mère de Dieu, laquelle ne fust aucunement fondée, maiz icelle messe lesdis prieur et frères entretenoient et disoient en l'onneur de Dieu et ladicte Virge Marie, sa mère, par chacun jour de samedi (Cartul. Hôtel-Dieu Cout. L., 1478, 325)

Maintenir (un état de choses) à un niveau égal.

...et fauldra, pour entretenir leurs estas [des seigneurs] , que ilz vendent leurs heritages ou rentes (Juv. Urs., Verba, 1452, 279)

Tenir, maintenir qqc. en ordre.

Quant le comte d'Estampes, qui estoit au dehors de la ville de Nivelle entretenant sa bataille en attendant ses coureurs, sut que Gantois avoient reconcquis sur ses gens la ville de Nivelle (...) il fut moult troublé (Chastell., Chron. K., t.2, c.1456-1471, 274)

Entretenir qqc. en son entier

...nous desirons les maisons et seigneuries de nostre pays de Normandie estre entretenues en leur entier, sans estre separées et divisées en petites portions (Lettres Louis XI, V.M., t.10, 1462, 179)

[Dans un contexte grivois]

...elle avoit toujours ung homme qui (...) entretenoit son ouvrouer de paour que le rouil ne s'i prenist. (C.n.n., c.1456-1467, 507)

b)[Une chose abstr.]

Entretenir (un souvenir). Perpétuer (un souvenir).

Beney soit ce saint mariage par quoy la memoire et souvenance des peres est entretenue (C.n.n., c.1456-1467, 556)

Entretenir une leçon. Appliquer (une leçon), continuer à l'appliquer.

Maistre, vostre doctrine est belle : Par quoy a elle me submetz Et l'entretendray desormais Selon ma possibilité. (Gréban, Pass. J., c.1450, 156)

Beneist soit mon cher espoux, de qui j'ay gardé et entretenu la leçon qui donne grand appaisement a mon cueur ! (C.n.n., c.1456-1467, 578)

Entretenir un sujet, une matière. Poursuivre, continuer une matière.

Et en entretenant nostre matiere nous dirons... (Percef. III, R., t.1, c.1450 [c.1340], 1)

Emploi pronominal réfléchi.

Se maintenir.

Sa suer, la suer de sa femme, madame Ysabel de Bourbon, fu donnée au seigneur de Labreth, lequel en a biaux enfans, et ce est la cause pour laquelle l'amour s'entretient plus longuement. (Froiss., Chron. M., XII, c.1375-1400, 205)

Emploi pronominal à sens passif. Être maintenu, préservé.

Je fais question asçavoir Se la loy, que nous maintenons Et que de Moÿse tenons, S'entretendra tousjours ainsi Sans riens changer. (Gréban, Pass. J., c.1450, 132)

Afin que la loy s'entretiengne De nous sans reprehension, Vostre purificacion Marie, nous conviendra faire (Myst. Pass. Troyes B., a.1482, 318)

Il composa aussi et envoya au pappe Clement ung gros traicté en deux volumes qu'il intitulle son Epistre, en laquelle il traicte de tous les ars et lui monstre et fait apparoir clerement que la science de astrologie estoit la science qui mieulx se devoit garder et entretenir pour le bien de la chose publique (Simon De Phares, Astrol., c.1494-1498, f° 135 v°)

c)En particulier.

Entretenir un traité, un engagement, une règle de conduite (à qqn). Tenir, respecter (les engagements pris à l'égard de qqn).

Et prometons loiaulment par nous et par nos dis complices, et sus les paines dessus dites, tenir, entretenir et acomplir fermement sans enfraindre tous les articles et poins dessus dis. (Froiss., Chron. R., XI, c.1375-1400, 306)

Il avoit envoiiet en Escoche devers le roi Richart, car li rois David estoit mort, amiables traitiez et remonstrances d'amour qui dou temps passé avoient esté entre les rois de France (...) et le roy David, son oncle, pour tousjours entretenir aliances et amour. (Froiss., Chron. R., IX, c.1375-1400, 27)

Touttes ces choses [certaines lois de la guerre civilisée] a Perros le Bernois coustume et usaige d'entretenir et avoir depuis que il se bouta en France pour faire guerre (Froiss., Chron. M., XIV, c.1375-1400, 217)

Et les officiers jurerent d'entretenir et garder ladicte paix et empescher le contraire. (Baye, II, 1411-1417, 139)

...et promirent qu'ilz ne s'armeroient point contre ledit duc de Bourgongne jusques au Noël ensuivant, laquelle chose ilz ne entretinrent point. (Monstrelet, Chron. D.-A., t.3, c.1425-1440, 213)

Lequel duc d'Orliens fist responce que tout ce qu'il avoit dit et accordé, lui estant prisonnier, il vouloit entretenir. (Monstrelet, Chron. D.-A., t.5, c.1444-1453, 438)

...ce ne la demeut point ne destourna qu'elle ne fust deliberée et arrestée d'entretenir sa promesse. (C.n.n., c.1456-1467, 578)

...et que s'il vouloit entretenir ce qu'il avoit promis, quant ilz lui firrent l'obeissance d'icelle cité, il estoit heure qu'il entretenist sa promesse, et qu'il alast lever le siége qui estoit par les Franchoix jà mis devant la ville de Chasteillon en Piergot. (Escouchy, Chron. B., t.2, a.1465, 34)

...nous vous (...) commandons que, en entretenant vostre dicte promesse, veillez bailler à pension audit maistre Phelipes vostre dicte cure sans point y delayer (Lettres Louis XI, V.M., t.10, a.1483, 451)

...et par ledit seellé dudit duc de Bourgoigne il a promis audit de Luxembourg d'entretenir à tous les princes et seigneurs de ce royaume tout ce que par lui ou nom dudit de Bourgoigne leur seroit promis (Le Clerc, Interp. Roye, c.1502, 351)

Réaliser qqc. (lié à un engagement pris).

Et fut de rechef promis par iceulx seigneurs d'Orléans et de Bourgongne, d'entretenir le mariage autrefoiz pourparlé à la paix de Chartres (Monstrelet, Chron. D.-A., t.2, c.1425-1440, 293)

Emploi pronominal à sens passif. [D'un engagement] S'accomplir.

Lequel traictié entre les autres choses contenoit, que le traictié qui avoit esté fait à Chartres (...) se tiendra perpetuellement, et si s'entretiendront les mariages autre foiz devisez entre ledit d'Orléans et la fille audit duc de Bourgogne. (Monstrelet, Chron. D.-A., t.2, c.1425-1440, 287)

Entretenir (un ordre). Respecter (un ordre), l'appliquer.

...ainsi qu'ilz ont acoustumé, et que à eulz appartient de faire à cause de leurs offices et estaz, en entretenant et executant toutesvoies et faisant entretenir ceste presente ordonnance. (Fauq., I, 1417-1420, 218)

Et avoit esté ordonné, à faire ycelle entreprinse, que tous lesdiz biens seroient partis et butinés équallement, et que chascun seloncq son estat en auroit sa porcion, sans y faire aulcune fraude. Laquelle ordonnance ne fut point entretenue. (Monstrelet, Chron. D.-A., t.6, c.1444-1453, 90)

...il convenoit que son mary, lendemain au soir, allast au guet (...) en entretenant l'ordonnance qui sur ce estoit faicte par la seigneurie (C.n.n., c.1456-1467, 389)

2.Entretenir qqn

Maintenir qqn (dans son rôle, sa charge, ses droits...).

...et ilec furent une espace de temps et jusques à ce que le roy les envoya faire delivrer eulx et leurs biens, et depuis furent par lui entretenus en leur offices de tresorier et audiencier. (Roye, Chron. scand., I, 1460-1483, 19)

...nostre entention est de entretenir vous et les autres habitans du pais qui ce vouldroient faire en leurs honneurs, offices, prerogatives et preeminences (Lettres Louis XI, V.M., t.10, 1465, 165)

Maintenir qqn dans de bonnes dispositions.

'Monseigneur, vous avez oy et entendu comment le Roy vous a fait advertir par monseigneur maistre Jehan Bienassiz comme vous devez faire et garder justice, tant à voz aliez, amys que ennemiz ; comme devez entretenir tous nobles, marchands et autres, en faisant bonne justice à chascun.' (Bueil, II, 1461-1466, 66)

Par especial, entendoit, entre tous ses autres affaires, à contenter ledit roy d'Angleterre ou à l'entretenir par ambassades et presens et belles parolles, affin qu'il ne s'empeschast point de noz affaires. (Comm., II, 1489-1491, 240)

Maintenir qqn en son pouvoir, diriger.

Et, quant on le fait ainsi et qu'ilz ont esprouvé les durs faiz, la pesanteur et le travail de la guerre et ilz parviennent à avoir charge et gouvernement d'autres, ilz les scevent mieulx entretenir et congnoissent plus parfaitement l'usance de la guerre. (Bueil, I, 1461-1466, 59)

De belle nuyt tout fut habandonné, Et au dangier laissa les habitans Qu'entretenuz il avoit ja long temps. (La Vigne, V.N., p.1495, 245)

Emploi pronominal réfléchi. Se discipliner.

...mais, par soy bien gouverner et entretenir, il parvint enfin à ung très grant honneur. (Bueil, I, 1461-1466, 16)

Emploi pronominal à sens passif. Être dirigé, commandé.

Et aussi entre les bons hommes d'armes et gens congnoissans la guerre, quant aucun a longuement porté le harnois soubz la conduite d'aucun cappitaine et qu'il a le sens et subtillité d'experimenter les condicions de ses compaignons, et comment ilz se veullent entretenir, il parvient après à estre cappitaine et avoir la charge et conduite des autres (Bueil, I, 1461-1466, 59)

Entretenir qqn qq. part. Maintenir, garder qqn qq. part.

...et par guerre vous les [les seigneurs] entretenez pres de vous. (Juv. Urs., Loquar, 1440, 396)

Or disoient gens que deux choses mouvoient le roy forment d'entretenir ce duc-cy en Hesdin près de luy (Chastell., Chron. K., t.5, c.1456-1471, 25)

Entretenir qqn + attribut de l'objet. Garder qqn + adj..

Belle dame, gardez qu'il n'entre En oyseuse et jeunesse fole, Mais l'entretenez a l'escolle Le plus songneux que vous pourrez (Gréban, Pass. J., c.1450, 134)

NOSTRE DAME. ...En ceste joyeuse advenue, Fais que je soye entretenue Humble sans en orgueil monter. (Gréban, Pass. J., c.1450, 52)

...et que, comme il estoit le plus fort, il failloit qu'il fust le plus saige et qu'il les gardast de diviser et les entretenir joinctz de tout son povoir et qu'il dissimulast toutes ces choses (Comm., I, 1489-1491, 78)

Entretenir une collectivité (dans un état donné). Maintenir (dans tel état).

Enssi fu li rois d'Espaigne vesves. Si fu aviset et regardé de prelas et des haus barons de l'un roiaulme et de l'autre, d'Espaigne et de Portingal, que on ne pooit mieux ne plus hautement asener madame Betris de Portingal que au roi d'Espaigne, et pour entretenir les roiaulmes en pais. (Froiss., Chron. R., X, c.1375-1400, 199)

Furent au Conseil maistre Jehan de Longueil, president, et les conseilliers de la Chambre de Parlement et des Enquestes, pour avoir advis et deliberacion sur ce qu'estoit à faire pour entretenir la ville de Paris et les habitans d'icelle en bonne union. (Fauq., I, 1417-1420, 323)

Aussi doivent deffendre, conserver, garder et entretenir en paix leurs subgectz, qui sont bourgeoys, marchans et laboureurs, ainsi que voyons par experience ou corps humain que les bras, qui sont ou millieu du corps, deffendent le chief, duquel ilz prennent influence et leur nourrissement (Bueil, II, 1461-1466, 77)

Ne me soyés a ce besoing nuysible, Dieu tresbegnin [Jupiter] , mettés peine et entente D'entretenir en son estat paisible Le genre humain que maint [tres] bien regente. (Cene dieux, c.1492, 116)

Maintenir (une collectivité d'animaux).

Et puis que Dieu et Nature vous ont creez plus parfaiz des autres choses qui ont ames, ne soiez pas plus desordonnez que les mendres besteletes, ne plus negligens ou mains enclinez a vostre commune salvation, utilité et defense, que sont les mouchetes a miel, que chascune en leur essaim gardent leurs offices et leurs ordres et mectent leur vie pour deffendre et entretenir leur assemblee et leur petite pollice et pour garder la seigneurie de leur roy (Chart., Q. inv., 1422, 65)

Emploi pronominal réfléchi. [D'une pers., d'une collectivité]

Se maintenir, parvenir à rester (dans une situation, un état donnés).

En tant qu'il touche le fait de la paix, nous avons esperance que y entendrez, et en ceste entencion se entretient le peuple de par deça (Juv. Urs., Loquar, 1440, 325)

'Mon ami et mon cuer, je apparçoy que Monseigneur et Madame, la merci Dieu, aussi, vous ont bien en grace. Il nous fault penser que vous vous y puissiez bien entretenir, laquelle chose est en court tres forte...' (La Sale, J.S., 1456, 71)

...pour mieulx s'entretenir en la grace de son maistre, le dit gentilhomme estoit celuy qui procuroit la pluspart des bonnes adventures qu'en amour il avoit (C.n.n., c.1456-1467, 79)

...je le serviray en ce saint voyage de mon corps et de ma puissance, s'il lui plaist, (...) et à mes despens pour l'année, se l'armée se entretient autant. (Doc. 1454. In : ESCOUCHY, Chron. B., t.2, a.1465, 177-178)

S'obstiner (dans une situation, une action).

Ouquel procès fut dit et declairé de moult merveilleux et enormes cas et crimes avoir esté fais et perpetrez par ledit de Saint-Pol et en iceulx maulx soy estre entretenu, continué et maintenu par long temps et par diverses foiz. (Roye, Chron. scand., I, 1460-1483, 363)

Et tant et si avant s'y entretinrent les défendeurs que finablement l'espoir de tous lez du monde les abandonna, et ne véoient manière nulle possible d'évader les mains de leurs ennemis (Chastell., Chron. K., t.1, c.1456-1471, 302)

S'entretenir + adj. Se maintenir (en tel état d'âme).

[Si on aime l'arbre qui porte des fruits] ...comme plus doncques est de aymer et de priser l'homme non double, ne faint (...) tendant au salut de l'univers peuple de Dieu, et [qui] par procurer paix, luy-mesme s'entretient en dedans de soy paisible et tranquille ! (Chastell., Chron. K., t.4, c.1456-1471, 13)

C. -[Idée de fournir ce qui est nécessaire à l'entretien de qqn]

1.Pourvoir qqn de ce qui est nécessaire à la vie, pourvoir aux besoins de qqn.

Et pour ce faire et vous entretenir, je vous donray soixante escus, et verray comment vous vous gouvernerez. (La Sale, J.S., 1456, 58)

...il [un seigneur] leur fonda et fist une tresbelle eglise et couvent [aux Cordeliers qu'il accueille dans sa ville] , et les maintint et entretint toute sa vie le mieulx qu'il peut. (C.n.n., c.1456-1467, 215)

...si vous prie tant que je puis qu'après ma mort, qui sera brefment, vous les prenez avecques vous et les entretenez, nourrissez et elevez [Une femme mourante confie ses enfants à leur père] (C.n.n., c.1456-1467, 328)

LE JUIF. Je prometz de l'entretenir [le chrétien] Se une foys je le voy en vie. (Mir. st Nic. juif, c.1480-1500, 145)

LA CHOSE PUBLICQUE. Du temps que mon cas estoit beau, (Et) Que ma chose bien se portoit A toute gens mieulx en estoit, Car tout le monde entretenoye Et paisiblement gouvernoye, Tout par tout generallement, Moyennant bon gouvernement, Dessoubz lequel j'estoyes adoncques (Sots mal., c.1480, 88)

...nottez, a mont et a val, Que je suis vostre principal Qui vous ay tousjours entretenu. (Sots gard., a.1488, 114)

Entretenir sa vie. Avoir de quoi se nourrir.

Pregnons pacience de la petite quantité [de nourriture trouvée] et soyons contens d'entretenir nostre vie, car vous devés sçavoir qu'ilz ne peurent pas conquester tous les sommiers a cause de la turbacion de Guy de Bourgoigne, qui estoit detenu prisonnier. (Bagnyon, Hist. Charlem. K., c.1465-1470, 109)

Emploi pronominal réfléchi. Subvenir à ses besoins.

C'estoit le plus prochain de la ligne de Lenclastre, et avoit espousé la soeur du roy Edouard. Après feüt congneü, et eut une petite pension pour s'entretenir. (Comm., I, 1489-1491, 191)

En particulier. Subvenir aux besoins (d'une personne avec qui on entretient une relation amoureuse).

Laquelle femme se conduisit en la lescherie de sa pute charongne avecques ribaulx particuliers durant sondit mariage, et entre autres entretint en sa dicte lescherie ung jeune garsom, filz d'une venderesse de poirées et poisson de mer des halles de Paris, nommé Regnault la Pie (Roye, Chron. scand., II, 1460-1483, 114)

Lequel depuys entretint, par maniere de concubinaige et durant ledit mariaige, Jehanne, fille de messire Blanche Bracquet, lors dame de Chastillon sur Loing. (Le Clerc, Interp. Roye, c.1502, 160)

Payer la solde (des gens d'armes).

...lors on faisoit prendre et lever de par le Roy tous depostz et faire emprumptz aux eglises et personnes ecclesiastiques, bourgois et habitans de la ville de Paris, pour paier et entretenir les gens d'armes estans à Paris pour garder la ville et les habitans d'icelle (Fauq., II, 1421-1430, 321)

...en verité ilz [les Anglais] n'estoient environ que IIm et Vc combatans, dont la plus grant partie estoient et sont tres mal habillez, et ne savoient plus ou monde que faire, ne trouver moyen de entretenir leurs gens (Juv. Urs., Loquar, 1440, 391)

...n'avons peu (...) iceulx gens d'armes entretenir sans faire plusieurs grosses finances d'argent tant par empruns comme autrement (Lettres Louis XI, C., t.1, 1445, 21)

Lesquelx Phillebert et Mermet m'ont dit et respondu qu'ilz avoient trop perdu en la dicte compaignie, et n'y avoient eu ung seul denier de prouffit, et pour ce n'estoit pas leur entencion de plus tenir ne entretenir la dicte compaignie (Aff. Jacques Coeur M., 1453-1457, 295)

...faire deffendre de par nous [le roi] à tous generalement et par cry publique, si mestier est, que personne vivant, de quelque auctorité ou estat qu'il soit, et especialement à noz cousins les contes de Foix et d'Armaignac, duc de Nemours, seigneur de Lebret et conte d'Estarac, qu'ilz ne soient si hardiz de mettre sus ne entretenir gens d'armes sans avoir sur ce exprès mandement ou commandement de nous ou de noz lieutenans, bailliz, seneschaulx ou commis ayans sur ce povoir ou commission expresse de nous (Le Clerc, Interp. Roye, c.1502, 229)

infinitif substantivé. Ce qui est nécessaire pour vivre.

Avoit laissé [le Dauphin] en Valentinois son espouse, la fille au duc de Savoie, non encore conjointe à luy par lit, laquelle maintenant, quant se vit privé de son Dauphiné, savoit bien aussi qu'elle seroit privée de sa vie et de son entretenir. (Chastell., Chron. K., t.3, c.1456-1471, 313)

2.Accueillir, recevoir qqn, offrir l'hospitalité à qqn.

Et, après ce qu'il ot esté audit lieu de Tours par certaine espace de temps, où il fut fort festié et entretenu de plusieurs seigneurs et nobles hommes estans avecques le roy, et tout aux cousts et despens du roy, ledit roy de Portugal print congié du roy et s'en vint à Orleans, où il lui fu fait honneste recueil. (Roye, Chron. scand., II, 1460-1483, 26)

Mais a l'ayde de ses bons officiers, il fut supporté et joyeusement entretenu. (La Vigne, V.N., p.1495, 279)

D. -[Idée de compagnie, de conversation avec qqn] Entretenir qqn ( de paroles)

1.Avoir une conversation avec qqn (soit directe, soit par l'intermédiaire de qqn).

...le roy avec la pucelle entretindrent le chevallier de parolles tant qu'ilz allerent reposer. (Percef. III, R., t.2, c.1450 [c.1340], 78)

...du chevalier qui, en attendant sa dame, besoigna troys fois avec la chambriere qu'elle avoit envoyée pour entretenir le dit chevalier, affin que trop ne luy ennuyast (C.n.n., c.1456-1467, 9)

...monseigneur, qui estoit plus esveillé [qu']un rat, avoit grand faim de deviser ; si vouloit que madame laissast ses oroisons jusques a demain, et qu'elle parle a luy : 'Ha ! monseigneur, dit elle, pardonnez moy. Je ne puis vous entretenir maintenant...' (C.n.n., c.1456-1467, 271)

Or j'estoye à Callaix pour entretenir monsr de Vaneloc à l'heure de cest appareil (Comm., I, 1489-1491, 197)

Et se tenoit comme seür que le connestable ne bailleroit nulles places, car chascune heure le roy envoyoit devers luy pour l'entretenir et pour l'adoulcir et pour le garder de mal faire. (Comm., II, 1489-1491, 48)

Et, durant ledit jour, le roy entretint fort ledit seigneur de Balsac et le voullut retirer d'avec ledit duc de Bourbon ; lequel Balsac respondit qu'il ne le feroit point sans le congé de monseigneur de Bourbon et de son oncle le conte de Dampmartin. (Le Clerc, Interp. Roye, c.1502, 184)

Informer qqn (de qqc.).

...Charles sixième (...) ne cessoit à toute haste d'envoyer par tout son royaume mandemens et ambassadeurs pour entretenir et faire agréer tous ses subjets à douloureux traité, comme s'il luy eust porté autant de profit comme de dommage (Chastell., Chron. K., t.1, c.1456-1471, 163)

Faire entretenir qqn. Chercher à connaître les pensées et les intentons de qqn, en le faisant parler.

Et le fit subtilement entretenir [un légat] , avant que venir vers luy [le duc de Bourgogne] , sur quels points il pouvoit estre venu là. (Chastell., Chron. K., t.5, c.1456-1471, 349)

2.Avoir des relations avec qqn.

Ou temps que tu [Judas] servoyes Pylate, Tu entretenoys les seigneurs Et avoys des biens et honneurs Ainsi comme ung homme de bien : Maismaintenant tu n'as plus rien (Michel, Myst. Pass. J., 1486, 245)

3.Avoir avec qqn un rapport de type amoureux.

La plus belle de son temps nee M'avoit promis, de son bon voeul, Qu'elle m'entretendroit tout seul, Mais elle a sa foy contumee. (Au grey d'amours F.-H., c.1400-1500, 266)

Si vous avez entretenu ung gentilhomme en cas d'amours, ce n'est pas chose defendue en la court d'honneur (C.n.n., c.1456-1467, 165)

Et ne vous fault pas penser qu'il ne fust entretenu de la bonne gouge autant et mieulx que par avant (C.n.n., c.1456-1467, 228)

...[elle] s'excusoit de vouloir en amours entretenir aultre que celuy auquel elle doit et foy et loyauté. (C.n.n., c.1456-1467, 257)

Ordonna neantmains a sa gouge qu'elle entretenist le prestre, voire sans faire la courtoisie [Un gentilhomme sait que son chapelain courtise son amie] (C.n.n., c.1456-1467, 455)

[D'un homme] Faire sa cour.

Et car Amours si fort le contraignoit, jamais ne savoit sa maniere sans elle ; tousjours l'entretenoit, tousjours la requeroit (C.n.n., c.1456-1467, 73)

Trop bien, comme gracieux qu'il estoit, tout sagement entretenoit celle de luy esprinse (C.n.n., c.1456-1467, 474)

Emploi pronominal réciproque. S'entretenir par lettres. Poursuivre un dialogue, un rapport (amoureux) au moyen de la correspondance.

...par ce point s'appaisera le bruit qui court a present, et vous entreamerez et entretiendrez l'un a l'aultre par lectres, actendans que mieulx vous vienne. [Deux amants doivent se séparer] (C.n.n., c.1456-1467, 165)