DRESSER

verbe

[T-L : drecier ; GD : drecier ; GDC : drecier ; AND : drescer ; DECT : drecier ; FEW (III, 83b) : *directiare ; TLF (VII, 502a) : dresser]

A. -Mettre dans une position verticale, faire tenir droit, diriger vers le haut.

1.[Une chose]

a)Placer dans une position verticale, poser droit (une chose qui préexiste).

Lors fist par grant devotion Tout premier a Dieu ses prïeres, Puis a fait drecier ses banieres Et toutes au vent desploier. (Tomb. Chartr. Trois contes S., c.1337-1339, 81)

...lors veïst gens esveillier, Troter, courir et abillier Coques, nés, avirons et voiles, Et requeudre les tros des toiles, Cordes renouer et trecier, Et les grans maz ès nés drecier. (Mach., P. Alex., p.1369, 60)

Vostre chier fil puis nommer justement (...) Table de loy sur le hault mont drescie Et escripte de couleur qui doit plaire (Mir. st J. Paulu, c.1372, 151)

Si drecièrent leurs banières devers les Navarois, et commencièrent les batailles à assambler de toutes pars, et tout à piet. (Froiss., Chron. L., VI, c.1375-1400, 123)

Et estoient pourveu de bonnes esquielles que il drechièrent contre les murs. (Froiss., Chron. R., IX, c.1375-1400, 29)

...ledit prisonnier (...) ala en la granche de leans, qui estoit desclose, où il print une eschelle, laquelle il dreça contre les murs de la chambre dudit Jaques, en laquelle il entra par une fenestre (Reg. crim. Chât., I, 1389-1392, 18)

Illec est le pertuis en la roche ouquel la vraye Croix fut dressée, et est le pertuis tout reont. (Voy. Jérus., c.1395, 26)

Ymages en firent drecier, Et, en son honneur, commencier Festes, mais son nom remuerent Et deesse Ysys l'appellerent. (Chr. Piz., M.F., II, 1400-1403, 279)

Elle dressa ceste echelle a l'endroit de la cheminée (C.n.n., c.1456-1467, 275)

Mais, ledit engin bien assorti [une tour] , ainsi que dit est, et voz eschielles bien dressées de tous costez, pourrez donner l'assault de toutes pars, selon ce que vous verrez qu'il sera expedient. (Bueil, II, 1461-1466, 50)

Emploi absolu.

Lors chascuns son eschiele porte Pour drecier encontre les murs. (Mach., P. Alex., p.1369, 88)

Hisser (une voile).

Et le conduisy le roy jusques au Limacon ; et a l'entrer en la mer s'entrebaisierent les deux freres. Lors dreca [l. dreça] on les voiles et se firent desancrer et s'empaignent en la mer a moult noble compaignie, pourveziz comme pour la guerre, pour la doubte des paiens. (Arras, c.1392-1393, 143)

...ilz vouloient sigler, si drecerent leurs voilles. (Chev. papegau H., c.1400-1500, 82)

Au temple, a grant processïon, Le menerent, par ficcïon, Puis firent semblant de partir Les Grieux et, a leur deppartir, Mistrent le feu en leur hebarges, Et puis entrerent en leur barges, Et en leurs nefs les voiles drecent, Puis, par semblant, vers Grece adrecent. (Chr. Piz., M.F., III, 1400-1403, 158)

...les mariniers drecerent leurs voilles contremont. Le vent s'i fiert de grant randon (Cleriadus Z., c.1440-1444, 680)

Patron, vostre veelle grant erre Tendés et dressés aultrement, Affin que ayés assés vant Ou pays ou debvons aler. (Myst. st Adr. P., c.1450-1485, 169)

Redresser une chose qui n'est pas droite.

Et semblablement font ceulz qui veulent drecier les fusts ou les bastons qui sont tors, corves et boisteus. (Oresme, E.A., c.1370, 173)

...d'avoir reffait, mis au feu et drecié pluseurs autres parties de vieulx fer (Doc. 1433. In : Y. Coutant, Terminol. du moulin médiév. dans le comté de Flandre, 1994, 618)

...a Jehan des Orez (...) pour avoir drechié et recuit quatre bendes pour les tourtes (Doc. 1490. In : Y. Coutant, Terminol. du moulin médiév. dans le comté de Flandre, 1994, 618)

Remettre droit un membre cassé ; faire se dresser un membre initialement mou.

...la belle fille, qui sentit sa jambe droicte et guarie, demanda au Médecin combien elle luy devoit, et il repondit : 'Belle, vous ne me devez rien, car, se je vous ay dressé ung membre, aussi avez-vous à moy ; ainsi nous demourrons quittes l'ung de l'aultre.' (Tardif, Facéties Pogge M., c.1490, 165)

CHASSE Faire tenir debout un filet.

Le tendre des roiz se puet fere et drescier aux meins ou a une fourchete pour mettre sus les bastons, qui est plus legiere chose. (Gast. Phébus, Livre chasse T., 1387-1389, 254)

Dresser/se dresser

[D'un objet]

...li rois d'Engleterre et sa navie vinrent devant l'Escluse (...) et trouverent la navie des Normans. Des mas qui dreçoient contremont, ce sambloit un grans bois. (Froiss., Chron. D., p.1400, 404)

Au figuré. [D'une chose abstr.] S'élever, se manifester.

Sy advint qu'après avoir séjourné un an ou environ emprès son maistre qu'envies se dressèrent contre luy (Chastell., Chron. K., t.3, c.1456-1471, 464)

Mocqueries se dressoient entre ces deux nations (Comm., I, 1489-1491, 138)

Oncques puis ces deux roys ne se aymèrent et se dressa de grans brouilliz entre les serviteurs du roy de Castille, qui ont duré jusques à sa mort et long temps après (Comm., I, 1489-1491, 138)

b)[L'objet ou le sujet désigne une partie du corps]

Diriger vers le haut, lever (une partie du corps).

Et quant li lions l'a veü, Onques n'ot si grant joie eü. Il dressa maintenant la teste Et commensa a faire feste. (Mach., D. Lyon, 1342, 176)

A ces mos ma chiere dressay, Et puis mon regart adressay D'icelle part ou cils disoit. (Mach., J. R. Nav., 1349, 161)

La dame forment souspira Et en plorant son vis dreche et dist... (Dame Lycorne G., c.1349-1350, 329)

Quant j'oï ce, je me coursay Et vers elles mon chief dressay, En disant... (Mach., F. am., c.1361, 206)

En particulier. Dresser l'oeil/la vue/les yeux

C'est Mesdis qui mon sens changier Vuelt et tous biens de moy chacier Et moy si mortelment playier Que jamais n'iert qu'à moy ne pere. Et si n'en ose l'ueil drecier, Pités ne Loyautés groucier ; Mais Franchise se va mucier : S'en muir de grief mort et amere. (Mach., Les lays, 1377, 371)

...tu relieveras tes yeux dehors du breuch de tristeur, tu les dresseras vers le ciel (Chastell., Temple Boc. B., 1463-1464, 179)

Toutes bestes ne regardent que a paistre Fors l'homme seul, qui au ciel sa veue dresse, S'estudiant divins secretz [congnoistre] Et contempler des estoilles l'adresse. (Cene dieux, c.1492, 111)

[D'un animal]

Une lievre qui, quant part de son giste, regibe et dresce la cueue sus l'eschine comme un conill, c'est signe d'estre fort et bien courant. (Gast. Phébus, Livre chasse T., 1387-1389, 79)

Et sy tost que Salhadin le vey, il monta sus. Et luy fist le cheval si grant chiere que merveillez, car il se prist a hunir, dressier lez oreillez et houer dez piés. (Saladin C., c.1465-1468, 27)

Emploi intransitif ou pronominal.

[D'un membre] Se dresser. Se redresser et devenir raide.

...Rasis au IIIe livre d'Almasor au chapitre du raisin recend et doulz dit qu'il engraisse incontinent le corps et fait la verge draisser. (Rég. santé corps C., 1480, 35)

Dresser droit. Avoir une érection.

Mon brandon fut de honte taint Et tout le feu d'amours estaint Et ce que [t]orbillon envoie Pour faire drecier droit au foie (Le Fèvre, Vieille, trad. De vetula H., a.1376, 241)

[Des cheveux] Dresser (contremont)

'Là avoit la femme du chevalier si grant paour que tous les cheveulx li drechoient et se muchoit en sa couverture.' (Froiss., Chron. M., XIV, c.1375-1400, 176)

[Des oreilles]

Et alors messire Jehan de Croy (...), voiant toutes les oreilles dressier pour oÿr sa relation, commença a dire... (Chastell., Chron. IV, D., c.1461-1472, 174)

2.Par analogie. Dresser une pers. ou un animal

a)Dresser qqn

Dresser qqn contremont. Relever qqn, faire tenir droit.

Et sachiez que elle estoit en tel party, tant de la doulour de son pere, comme des pensees qu'elle avoit a Uriien, qu'elle estoit ainsi comme une personne qui est nouvellement yssue de son sompme. Mais Uriiens, qui bien perceut qu'elle avoit l'esprit troublé, la saisi doulcement par le bras, et la dreca contre mont, en lui enclinant contre elle ; et, en ce faisant, s'entrefirent moult d'onnour. (Arras, c.1392-1393, 119)

Dresser qqn en son estant. Mettre qqn debout.

Et adont Melusigne revint a lui, et ouy la douleur que sa gent menoient pour sa departie, si print a plourer de pitié. Et lors vint a Remond qui gisoit encores tous pasmez, et le lieve et drece en son estant. (Arras, c.1392-1393, 257)

Au figuré. Dresser qqn à qqn. Faire se lever qqn, susciter qqn contre qqn.

...car quant les princes ou royaulmes ont esté en grand prosperité et richesses et ilz ont mescognoissance dont procède telle grace, Dieu leur dresse ung ennemy ou ennemys dont nul ne se doubteroit (Comm., I, 1489-1491, 54)

Bien six ou sept jours perdit le roy temps à Pise ; et puys mua la garnison et mist en la citadelle ung appellé Entragues, homme mal conditionné, serviteur du duc d'Orleans ; et luy dressa ledit seigneur de Ligny. (Comm., III, 1495-1498, 148)

Redresser qqn, faire que qqn puisse se tenir droit.

...il dresse clops et tortus, Paralitiques medicine Et les aveugles enlumine. (Michel, Myst. Pass. J., 1486, 156)

b)CHASSE Dresser le cerf. Faire se mettre debout, se lever, lancer le cerf.

Et, quant ilz [les chiens] me ouoyent et me veioyent, ilz se metoyent en besoigne aussi apertement comme s'ilz n'avoyent chascié de tout le jour, et le dressoient tantost. (Gast. Phébus, Livre chasse T., 1387-1389, 221)

c)Se dresser

[D'une pers.]

Se lever, se mettre debout.

Après ces raisons me dressay Et mes paroles adressay Au juge... (Mach., J. R. Nav., 1349, 195)

Acheminedes le sivoit ; S'il [Polyphème] se dressoit, il s'en fuioit, Car se prés de li demourast, Li maufés tout le devourast. (Mach., Voir, 1364, 626)

Adont Florimons se dressa Et aus espices s'adressa. (Mach., P. Alex., p.1369, 244)

Li roy les en mercia mont, Et puis les fit drecier amont... (Mach., P. Alex., p.1369, 265)

Mais, beaus seigneurs, ne faisons pas ycy un long sejour, mais alons courir sur noz ennemis. Et lors se drece, et prent congié a ses deux seurs et a ses nepveux (Arras, c.1392-1393, 283)

Se dresser en pieds. Se mettre debout.

Tu n'as point fait de mesprison Pour quoy doyves estre dampnés. Deslïéz le et le pannéz. Sus maintenant, en piedz te dresse ! (Pass. Semur D.M., c.1420 [1488], 146)

Tout deux se dressèrent et furent esbahiz et se regardoit chascun l'un l'autre et engendrèrent suspection que ce n'eust esté faict expressement pour leur mal faire. (Comm., I, 1489-1491, 42)

Se redresser, se mettre droit.

Lors me dreçay sus mes genous... (Mach., D. Lyon, 1342, 223)

Lors a un queude me dressai Et songneusement escoutay. (Mach., F. am., c.1361, 146)

LE COURBE HOMME. Les os m'estendent et me croissent : Je croy que je me vueil drescier. (Mir. st Panth., 1364, 348)

Se dresser en (son) estant

Lors en mon estant me dressay. (Mach., R. Fort., c.1341, 109)

Quant Robastre l'ouÿ n'eust pas la chiere encline, En estant se dreça bien voit c'on le hutine (Hern. Beaul. D.B., c.1350-1400, 61)

En estant se dreça ausi droit qu'un bougon (Ren. Gennes D.B., c.1350-1400, 106)

Se dresser en pieds. Se relever.

Lors tira le roy Uriien le coustel qui lui pendoit a dextre et frappa le roy Sarrazin dessoubz la gorgiere et le mist mort. Puis, se drece en piez et crie : Lusignen, a haulte voix. (Arras, c.1392-1393, 138)

Se dresser en son seant. Se redresser, s'asseoir.

Lors ot le roy grant joye, et se dreca en son seant, et print l'espee par la poingnie que Uriiens lui tendoit et lui donna la collee en disant : Ou nom de Dieu, chevalier soiez, qui vous ottroit amendement. (Arras, c.1392-1393, 119)

Se dresser en son lit

Souvent se retourne et dresche en son lit en soy plaignant, puis souspire et tressault (Gérard de Nevers L., c.1451-1464, 71)

Au figuré. S'élever.

C'est l'art [de Renart] qui fait les bons muchier Et les maulvais en hault drechier ; Il fait de montaignes vallées Et es grans vaulx fait les montées (Renart contref. R.L., t.1, 1328-1342, 4)

Et pour ce que le conseil humain sans laide [l. l'aide] de dieu est enferme et na [l. n'a] point defficace [l. d'efficace] specialement en choses qui sont dessus nous comme merir la vie pardurable, il se fault drecier et assourdre au tiers degre [l. degré] (Cib., p.1451, 178)

Se dresser à qqn. Faire obstacle, s'opposer à qqn.

...Le fort au foible se dresse, Le pere contre l'enfant, Le mainsné a la mainnesse (Desch., Oeuvres Q., t.2, c.1370-1407, 14)

Se dresser contre qqc.

...car, aucune foys, ceulx qui sont Crestians et encorporés en Saincte Eglyse, si se drecent contre la foy et contre l'Eglyse. (Songe verg. S., t.2, 1378, 80)

[D'un animal] Se mettre debout.

Maiz diverses bestètes mues, Dès l'eure qu'elles sont yssues, Dehors des ventres de leurs mères, Sont si vaillantes et légières Que par soy elles vont et viennent, Et se drecent et se soustiennent, Et en brief temps quièrent jouer (La Haye, P. peste, 1426, 67)

...le poulain s'eschauffe sentant la jument, et se dresse (C.n.n., c.1456-1467, 66)

Se dresser contre un autre animal S'opposer à.

L'aigle est et noz roy et noz maistre ; Nous n'osons contre luy dreschier (Renart contref. R.L., t.1, 1328-1342, 55)

[D'une chose] Apparaître.

La lune vëoit on drechier Et toutes estoilles muchier. (Renart contref. R.L., t.1, 1328-1342, 162)

B. -Diriger (dans telle ou telle direction, au propre et au fig.).

1.Dresser qqn/qqc.

a)Diriger qqn (dans telle direction).

Je suis ung de seulx, soubz la lune, Qu'elle [Fortune] plus a son vouloir dresse, Comme le subgiet de Fortune Que j'ay esté en ma jennesse. (CH. D'ORLÉANS, Rond. C., 1443-1460, 412)

...Et en Josephat la pourterent [Marie] Au sepulcre où Dieu les dressa. (MART. D'AUV., Mat. Vierge L.H., c.1477-1483, 115)

Dieu nous vueille reconforter Et nous dresser a bonne voye ! (Michel, Myst. Pass. J., 1486, 61)

Barraquin, vueillés nous dresser Ver[s] monseigneur, tost et en haste. (Michel, Myst. Pass. J., 1486, 333)

Dresser qqn (à qqn). Adresser, envoyer qqn (à qqn).

...quand il parentendit la fin de ceste guerre tierce, et comment le duc arrière y avoit oeuvré, trouva en avis de dresser arrière un second légat (Chastell., Chron. K., t.5, c.1456-1471, 352)

Il secouroit ceux que bien congnoissoit Et les dressoit a l'archiduc son maistre (Molinet, Faictz Dictz D., 1467-1506, 387)

Au figuré. Diriger, former, faire l'éducation de.

Mais la vins grant piece plus main Que le jour devant fait n'avoie, Car temps me couvenoit et voie Pour mes besongnes adrecier Et pour ma prise a point drecier ; Et fis tant qu'elle fu drecie, Mise a point et bien adrescie, Eins que li espreviers venist ; Ou autrement me couvenist Le landemain recommencier. (Mach., D. Aler., a.1349, 266)

Moult de divers maintiens conviennent Pour les differans cas qu'aviennent, Mais, puisque les anciens sages Cogneurent ces .II. divers ages, Il couvient, de neccessité, Qu'en Pratique diversité Avisassent, sanz faille, et, pour ce, Trouverent, yssant de sa source, .III. sciences, pour adrecier Les .III. manieres de drecier Et gouverner soy ou autrui, Si com leur effect je construi (Chr. Piz., M.F., II, 1400-1403, 123)

Dresser à/de + inf. Induire à.

Einsi deveroit amans faire Qui averoit en son affaire Tendu la prise de maniere, Tant en bel samblant comme en chiere, Drecie emmy acoustumance De porter adès reverence A sa dame especiaument Et a toutes generaument, S'eüst ens mis le gent oysel Dou quel usent maint damoisel... (Mach., D. Aler., a.1349, 267)

Puis que raison a ce faire vous dresse : Marchez, marchez, car le temps trop s'aproche. (La Vigne, V.N., p.1495, 154)

b)Diriger, orienter, conduire qqc..

...moult estoit chose esmerveillable et quasi de Dieu dressée, que non pas tant seulement ceste royne [d'Angleterre] , mais tous autres du monde ennemis à ce prince [de Bourgogne] , Dieu les luy envoya humiliés en ses mains. (Chastell., Chron. K., t.4, c.1456-1471, 295)

Le monde est par le temps conduyt Et Fortune en est la maistresse, Car, comme le temps se poursuyt, Ainsi Fortune ses fais dresse. (Michel, Myst. Pass. J., 1486, 78)

Dresser qqc. à qqn. Attribuer qqc. à qqn.

C'est un cas qui trop nous blesse, Quant noblesse A le cueur de tel feblesse Qu'el delaisse Ce pourquoy fut ordonnee, Car l'honneur et la haultesse, Qu'on luy dresse, N'est pas pour vivre en paresse La jeunesse, Ne pour estre abandonnee A deduis et a liesse. (Meschin., Lun. princes M.-G., c.1461-1465, 73)

Diriger, pointer (une arme).

Droissons la [la lance] droit a la poytrine ! Gardons bien qu'elle vaise droit. (Pass. Auv., 1477, 231)

Dresser attente sur qqn. Mettre sa confiance en qqn.

...frustré ne decheu ne sera homme en ferme attente sur ly [Dieu] dressie. (Chastell., Temple Boc. B., 1463-1464, 179)

Dresser la parole envers qqn. Adresser la parole (ici de manière hostile) à qqn.

A ce mot s'avança dame Flaterie, une dame fainte en condicion, ce sembloit, et deceveuse, et, faisant signe aucun comme pour voloir restraindre Entendement de tant parler, dreça mesmes sa parole envers lui et lui dist... (Chastell., Vérité mal prise D., c.1460, 118)

CHASSE

[Du limier] Diriger (les chasseurs, les autres chiens, en courant devant eux).

...lesse courre hardiement tes chiens, mes que il soient drechié du limier (Henri Ferr., Modus et Ratio, Livre deduis T., c.1354-1377, 66)

...Car un tel chien par sa sagesse Nous et toute la muete dresce Quant tous les autres ont failli La beste qu'il ont acuilli (La Buigne, Rom. deduis B., 1359-1377, 294)

Dresser le limier aux/devant les chiens. Laisser courir le limier devant les chiens pour les diriger.

Et celuy doit mettre le limier devant soy et le drescier davant les chienz, puis doit retrere son limier et le festier (Gast. Phébus, Livre chasse T., 1387-1389, 176)

Et, si le veneur vient avec une partie des chienz, il doit mettre le limier devant et le drescier aux chienz, et puis se doit retrere et prendre arriere le vent. (Gast. Phébus, Livre chasse T., 1387-1389, 176)

En particulier. Dresser (son) chemin. Prendre la route, faire route.

La nuyt fort aproche Et se trait le jour a declin. Il nous fault fort drecer chemin (Gréban, Pass. J., c.1450, 413)

...vint loger au pays de Haynau [le dauphin Louis] , toujours dreschant son chemin vers France. (Chastell., Chron. K., t.4, c.1456-1471, 22)

La nuyt fort approche Et se trait le jour a declin. Il nous fault fort dresser chemin (Myst. Pass. Troyes B., a.1482, 931)

Et ainsy, par provision, Pour avoir leur chemin drecié, Ce sont a Pilate addressié Qui ensemble nous a livréz Pour gens vaillans et asseuréz Et gens d'une prouesse haulte. (Myst. Pass. Troyes B., a.1482, 762)

Dresser le chemin à qqn. Indiquer la route à quelqu'un (?).

Ca, conseillers, allés tous deulx ! Et Braquart avec vous sera, Que le chemin vous droissera. (Myst. ste Agathe B., c.1450-1500, 193)

[Dans un contexte grivois]

...elle, par sa courtoisie, luy dressa le chemin, et a ses propres mains le bouta tout dedans. (C.n.n., c.1456-1467, 160)

2.(Se) dresser

a)Dresser vers un lieu. Se diriger vers.

...et à tant les laissa, et dressant de là vers Gand, alla faire à Saint-Adrien son offrande par promesse à luy faite (Chastell., Chron. K., t.3, c.1456-1471, 451)

Se dresser vers qqc. Se diriger vers qqc., rechercher qqc..

Qui fait les estre joyeux Sinon le plaisir ou l'on se dresse ? (Michel, Myst. Pass. J., 1486, 133)

b)[Du coeur] Se dresser vers qqn. Se diriger, se tourner vers qqn.

Onques homme vivant, par foy, mes corps n'ama ; Vous estes li primiers ou mes coers se drecha. (Bât. Bouillon C., c.1350, 87)

c)CHASSE [Du cerf] Fuir droit devant.

Le change quiert, c'est pour neant, La teste lui fauldra baisser. Il prent pais pour se dresser, Les chiens l'acompaignent de pres Et nous tous a leur queue aprés (Brézé, Chasse T., c.1481-1490, 36)

C. -Disposer en vue d'un certain usage.

1.Édifier, élever, agencer (une construction, une structure, un engin...) à partir d'éléments.

Messagiers et garsons d'estables Dressent fourmes, trestiaus et tables. (Mach., R. Fort., c.1341, 143)

Si fist son ost devant logier, Et dressa on la mainte tente A grant force et a grant entente. (Mach., D. Aler., a.1349, 314)

Li grans Caramans et ses os Sus la montaingne estoit logiez. Deux engins y avoit dreciez Qui toudis jour et nuit getoient Eu chastel, et tout le gastoient. (Mach., P. Alex., p.1369, 137)

...si envoiierent querir des enghiens en la Riole. Qant il furent amené et drechiet, il conmenchierent a jetter pieres (Froiss., Chron. D., p.1400, 615)

Et avoient les Englois fait drechier des enghiens qui brisoient et confroissoient murs et tours (Froiss., Chron. D., p.1400, 624)

En lieu convenable drecier Fist Nambrot la tour (Chr. Piz., M.F., II, 1400-1403, 150)

Et quant les quinze jours d'avril furent passez et les treves commencees, Saintré envoya maistres de Paris pour dressier de bois et de planches deux maisons toutes semblables, l'une pour lui, l'autre pour les seigneurs anglois (La Sale, J.S., 1456, 175)

Et, dessur le pont d'icellui Piquigny, le roy avoit fait dresser deux appendis de bois, l'un devant l'autre, dont l'un estoit fait pour le roy et l'autre pour le roy d'Angleterre. (Roye, Chron. scand., I, 1460-1483, 342)

Et fault apporter quant et soy les chaynes contre la ville et les taudeys tout charpentés et prests à drecier. Et, ce fait, vous mettrez vostre guet en seureté. (Bueil, II, 1461-1466, 40)

TAILLANT. Chiere dame, vostre oratoire Est toute preste et charpentee. EUSEBE. Faictes qu'elle soit apportee Et drechie ains que je m'en voye. (Molinet, Myst. st Quentin C., c.1482, 335)

...et, avant qu'il fust midy, le pont fut dressé jusques à l'autre part de la rivière. (Comm., I, 1489-1491, 46)

Mettre en batterie des pièces d'artillerie.

Sy firent les Anglois drescher bombardes et autres divers engins (Chastell., Chron. K., t.1, c.1456-1471, 103)

...Tost après ordonna à dresser toute sorte d'artillerie devant luy (Chastell., Chron. K., t.2, c.1456-1471, 120)

Si fut l'artillerie dressée grosse et petite, contre ung pan de mur entre deux tours (La Marche, Mém., II, c.1470, 308)

2.Par extension. Dresser qqc. Installer, disposer, préparer convenablement qqc..

a)[...un local]

Le landemain, a heure de tierce, fu l'espousee paree moult noblement et fu la chappelle drecie moult richement. (Arras, c.1392-1393, 122)

...ledit Hervé Paris envoia il qui parle audit lieu de Bruges et luy donna charge de dressier et mectre à point la maison que ledit Hervé Paris avoit louée paravant pour le fait de la compaignie desdiz Cuer, Varye et Hervé, et escripvit lors ledit Hervé audit Plat qu'il baillast et administrast audit qui parle tout ce qui lui seroit besoing (Aff. Jacques Coeur M., 1453-1457, 49)

Don à Claux de Bellemont, varlet de chambre du roy, la somme de XXI fl. VI g. pour une robe que ledit seigneur luy a donnée en l'yver passé, pour la peyne qu'il a prise a faire dresser et habiller sa maison de Masseille, à sa venue audit lieu (Comptes roi René A., t.1, 1478, 32)

A Michel Duglan pour avoir besoigné de son mestier de plastrerie a drecer le pallays de mond. seigneur devant son entrée (...) pour avoir recouvert la vielle cuysine et avoir besoigné aux prisons (Comptes Archev. Rouen J., 1483, 375)

Mettre la /les tables. Monter les tréteaux ; mettre les couverts.

Allez tost une nappe querre. La table vois drecier bonne erre (Mir. Amis, c.1365, 53)

...ainsi comme l'en dreçoit à mengier au dreçoir de la sale dudit hostel (Reg. crim. Chât., I, 1389-1392, 234)

En laquelle premiere chambre, sur une table dreciée qui là estoit, il trouva les deux saintures d'argent (Reg. crim. Chât., II, 1389-1392, 482)

Lors fut tout appareillié, et laverent et s'assistrent. Entre Remondin et la dame a un moult riche days, et aval le paveillon avoit grant foison de tables drecies et moult de honnourables gens assiz. (Arras, c.1392-1393, 30)

Or vous commande je a tous et a toutes que vous laissiez ce dueil ester, et tendez et appareilliez ceste sale, et menez joye ; et faictes appareillier la messe ; et après le service faictes drecier les tables, et après disner faictes cy, devant moy present, la feste comme se je feusse sur piez, car sachiez que ce me allegera moult mon mal. (Arras, c.1392-1393, 121)

Les tables tandix dresserons ; Aléz laver, car l'eaul est preste. Jaquemart, fait tost, point n'areste, Aide moy a mectre les tables. (Pass. Semur D.M., c.1420 [1488], 109)

Me fault dresser cinq tables non mesmes Sur quoy mettray, par mon art desloyal, Pour le disner venimeux riagal, Poison, venim et la saulce de mesmes [Composee] de fiel et de coesmes De vieulx serpens (Cene dieux, c.1492, 107)

Parmy les rues on dressa bancs et tables (La Vigne, V.N., p.1495, 185)

b)[...un mets] Présenter, disposer un mets pour le servir.

...De la viande vait a son volloir dressant, Car leans n'avoit homme qui li allaist veant. (Lion Bourges K.P.F., c.1350, 323)

...une grant cueillier à dresser viande, les deux pommeaulx, vérez (Invent. mobilier Ch. V, L., 1379-1391, 208)

A jour de poisson et en Karesme l'en frit les ongnons dont cy dessus ou chappitre precedent est parlé, et puis l'uille en quoy les ongnons sont friz et iceulx ongnons l'en les met dedens avec chappellures de pain, gingembre, clo et graine broyez et deffait de vinaigre et vin, et y met l'en ung petit de saffran, puis dreschiez souppes en l'escuelle. (Ménagier Paris B.F., c.1392-1394, 198)

Aucuns drecent le brouet par escuelles, et en ung plat devant .IIII.. personnes cinq lesches de char, et du brouet avec. (Ménagier Paris B.F., c.1392-1394, 221)

Et quant vostre grein sera cuit de bon point et on en vouldra drecier, si mestés vostre grein appart et en mectés es platz (Chiquart, Cuis. S., 1420, 138)

...Qu'on mette la table et qu'on dresse La souppe (Gent. Naudet T., c.1500, 287)

Emploi absolu.

...Si ot fait feves atourner Au lart, mais quant il fist drecier, Les feves trouva seulement Sanz le lart (Desch., Oeuvres R., t.8, c.1370-1407, 382)

infinitif substantivé. Au dresser. Au moment de mettre sur la table, de servir.

...et au dressier mectez vostre grain par escuelles et dressiez le potage sus. (Ménagier Paris B.F., c.1392-1394, 207)

...quant vendra au drecier lesdictes espalles, si en mectés .II. ou .III. au plus en chescun plat et puis alés en servir. (Chiquart, Cuis. S., 1420, 187)

Et puis frire en seing doulx, et sucre par dessus au dresser. (Recueil Riom L., c.1466, 81)

c)En particulier. Établir (un document écrit) en respectant certaines formes.

...la Court a enjoint aux Prevost des marchands et eschevins de la ville de Paris qu'ils drecent leurs comptes de leurs temps (Comptes Paris V.L.D., t.1, 1449-1450, 633)

Et finablement ay appoincté que icelluy Gaillart aura délay de faire dressier et apporter son compte par devers moy jusques à la Chandeleur. (Aff. Jacques Coeur M., 1453-1457, 155)

...en février derrenier que je avoye passé par cy, allant en Languedoc, leur avoye enchargié dresser leursdiz comptes afin que les trouvasse tous prestz quant je seroye retourné ycy. (Aff. Jacques Coeur M., 1453-1457, 240)

Alon, puis que prest est le compte Et dreché, et pas ne surmonte Le papier d'une seule piece L'argent. (Myst. Incarn. Nat. L., t.2, c.1454-1474, 387)

...et prenez par delà deux ou trois gens clercs ou autres, telx que adviserez, et les menez avecques vous audit lieu de Masieres pour vous aider à dresser les lettres et ce qui sera necessaire pour la conclusion d'icelle. (Lettres Louis XI, V., t.6, 1478, 308)

Par quoy est besoing de faire dresser beaux, notables, grans et emples memoires et instructions pour bien fonder mes drois (Lettres Louis XI, V., t.7, 1478, 32)

Dresser une oeuvre littéraire. Composer, rédiger.

...mieulx leur drescheroie leur euvre et concept, veu que autresfois en autres matieres, avoie escript des dames fort a leur honneur (Ev. Quen., I, c.1466-1474, 79)

d)Organiser (une attaque).

Ledit Jaquemin, veant l'escarmouche dressée du costé de la porte, et que tous gens d'armes du siege estoient tirez à leurs enseignes et ensongnez pour la bataille, il mena et conduisit tous ses gens de guerre au long de la muraille d'icelluy costé et leur ordonna leurs places et leurs gardes, et tandis ung sien privé serviteur luy appresta une corde (La Marche, Mém., II, c.1470, 31)

Emploi pronominal à sens passif. [D'une opération militaire] S'organiser.

...et comment une entreprise qui se dressoit pour luy contre le Turc fut descouverte par les Venissiens. (Comm., III, 1495-1498, 100)

e)Préparer (une substance).

...les maistres et jurez dudit mestier composeront, ainsi qu'ilz verront en leurs consciences estre bon et prouffitable, receptes sur lesquelles tous les autres espiciers de ladite ville de Paris seront tenuz composer, faire et dresser les pouldres qu'ilz feront doresnavant. (Mét. corp. Paris L., t.1, 1484, 510)

f)Arranger, disposer (une chose abstr.).

Je faiz mon excecuterresse Seule ma feue Dame et maistresse Pour acomplir mon testament, Dont l'ame respouse en liesse, Et vueil qu'elle en face et dresse Tout a son bon commandement. (Hautev., Conf. Test. am. tresp. B., c.1441-1447, 64)

Puis me requistes de sangier, Ce que faisoie de legier, De noz deux fais l'advenement. Mais sy bien ne le sceuz drecier Que je vous peüsse acointier Que je fusse la en present. (Percef. III, R., t.2, c.1450 [c.1340], 360)

Mettre à l'ordre du jour, mettre sur le tapis (une question à débattre).

Et à tant retournèrent [les médiateurs] devers celuy de Croy, et convinrent ensemble sur la matière dressée, comme le jour de devant. (Chastell., Chron. K., t.5, c.1456-1471, 186)

3.Dresser à qqc. Fournir à, satisfaire à.

A cel Pisso estoit tenus D'une somme ungz homme menus ; Cil Pisso a luy se traÿ, Et par parolles l'envaÿ. Cilz a paie ne pot drechier ; Pisso si s'en vault courouchier Et le bati vilainement (Renart contref. R.L., t.1, 1328-1342, 213)

4.Mettre sur pied, organiser (une armée, une réunion de personnes...).

...il drescha une noble compagnye de chevaliers et de prélats, et les tramist ses ambassadeurs vers le roy d'Angleterre à Rouen (Chastell., Chron. K., t.1, c.1456-1471, 71)

Lesquelz trois poins bien peséz et percogitéz, et sachant qu'au monde n'en avoit nulz aultres, [le duc de Bourgogne] dressa son ambassade comme j'ay dit, et leur donnant voye de parler a pié et a cheval (...), delibera en ly que se a ceste fois le roy ne voloit entendre a raison et le deporter de guerre et de tribulation, il a tous les princes crestiens et a nostre Saint Pere de Romme envoieroit la coppie des justifications et des offres en quelz s'estoit mis envers le roy par ses ambassadeurs (Chastell., Chron. IV, D., c.1461-1472, 298)

Car, s'il s'en eust voulu ayder, il eust esté besoing que toute une saison il ne les eust perduz de veüe, pour leur aider à dresser et conduyre leur armée aux choses necessaires selon noz guerres de deça. (Comm., II, 1489-1491, 29)

Comment le roy feït dresser une armée de mer pour cuyder secourir les chasteaulx de Naples et comment ilz n'en peürent estre secouruz. (Comm., III, 1495-1498, 213)

...et feïrent les princes et les seigneurs leurs demandes humblement, le genoul en terre, en baillant par requeste ce qu'ilz demandoyent, dressèrent conseil où ilz se feïrent compaignons de douze qui y furent nomméz. (Comm., II, 1489-1491, 221)