APPLIQUER

verbe

[T-L : apliquier ; GD : apliquier, aplicant ; GDC : apliquier ; AND : appliquer ; FEW (XXV, 38a-b,39b) : applicare ; TLF (III, 301b) : appliquer]

I. -Emploi intransitif. Appliquer qq. part

A. -Arriver, aborder qq. part.

Les aultres sont quilz ['qui'] dient que elle [Manthone, fille de Tirésias] avec aucuns ses complisses aprés la bataille de Thebes commença errer et cheminer en divers lieux et que en la fin elle vint et appliqua en Ytalie, et la se maria a un appellé Tyberin (Cleres nobles femmes B.H., t.1, 1401, 95)

Et par ainsi elle [Circé] tray par la doulceur de ses paroles et par le ornement d'ycelles plusieurs qui venoient et appliquoient a son rivage (Cleres nobles femmes B.H., t.1, 1401, 120)

Aprés ce que Alethiel ot parlé, elle tous jours plourant lui compta tout ce que lui estoit advenu, puiz le jour qu'elle applica a Maillorgues, ou elle et sa nef perilla, jusques a celui temps. (Premierfait, Décaméron D., 1414, 223)

Et de rechief je ne leus oncques, ne ouys faire mencion par quelque homme expert que l'ost doive appliquer, au commencement, au paiis d'Armenye, cy dessus dit. (Miélot, Advis directif M.-L. S., 1455, 501)

Quant Eneas ot bien longuement nagié pour appliquer au port de Lombardie (...), un vent tempetueux et contraire se leva (Ovide mor. B., 1466-1467, 347)

Mais Frixus, garny du tresor de son pere Athamas, applicqua au royaulme de Oethés, lequel le receut moult honnorablement. (Hist. prem. destruct. Troie R., c.1470-1480, 10)

...il monta en une nef pour retourner en son pais. Et si comme ilz nagoient, ilz vindrent par l'ordonnance de Dieu de les la roche ou le corps de sa femme et de l'enfant avoient esté mis. Et lors fist tant par veux et par prieres que ilz appliquerent la. (Batallier, Lég. dorée D.-L., 1476, 620)

Et de la, par l'amonnestement de l'ange, ilz vindrent a Romme et appliquerent a la cité de Bale et, la, laisserent leurs nefz et allerent a Romme a pié. (Batallier, Lég. dorée D.-L., 1476, 1003)

B. -ASTR. [D'un corps céleste] Se rapprocher (d'un autre corps céleste), éventuellement jusqu'à son occultation.

Cestui Haly parla grandement et amplement d'une conjuction, qui fut sur le grant orbe en son temps et, entre autres choses, dist pour ce qu'il vit, en la revolucion de l'an, la Lune premier appliquer à Mars que à autre planete, qu'elle signiffioit discension entre les roys ou interfection et grande discorde entre les nobles (Simon De Phares, Astrol., c.1494-1498, f° 28 v°)

...la mer fut tainte du sang des mors par plusieurs jours, comme dit a esté, sur une conjunction qui fut l'an mil IIIcLXV, le XXXe d'octobre, en l'uitiesme degré de l'Escorpion, qui fut des grandes, c'est assavoir de Saturne et Jupiter en mutacion de triplicité de l'air en aquatique, où Mars le pernicieux apliquoit. (Simon De Phares, Astrol., c.1494-1498, f° 135 v°)

II. -Emploi transitif.

A. -[Idée d'adhérence, de superposition, d'ajout]

1.Au propre.

a)Poser, placer qqc. (sur/contre qqc.).

Appliquer (une construction) à (une autre) Ajouter.

En honour s. Cristoffle fut li lis ['lieu' (ici 'petite église')] baptisiés, Benis et consacreis, et tous appareilhiés Si com vraie capelle ; si le fut atachiés A celi hospital dont je suy retraitiés Par-desus altrefois ; là le fut applichiés (JEAN D'OUTREM., Geste Liège B.B., t.4, a.1400, 705)

...icelle courcelle de present appliquée à une maison aussy appartenant audit Guillaume le Poince, ayant son entrée par ladicte courcelle en ladicte rue Saint Severin et autre entrée en la rue de Sacalye (Comptes Paris M., t.2, 1457-1458, 19)

Il est vray que pluiseurs et notables édiffices se firent oudit hostel dont les aucuns estoient à estre mis sur les aultres à durer ; et pour engrandir ledit hostel, y fut applicquie une rue tenant audit hostel pour y ordonner pluiseurs offices (Lefèvre St-rémy, Chron. M., t.2, c.1462-1468, 159)

Appliquer (une médecine sur le corps)

Et qui vouldra ce pratiquier Doit forment mettre et appliquier Icelles liqueurs ou iteles Sur le cuer et sur les mamèles (La Haye, P. peste, 1426, 120)

Autrement ne peut il bien estre, Tant soit souffisant clerc ou maistre, S'il n'adventure ou endevine D'apliquer herbë ou racine Ou autre droguerie fine, Selon la nature du mal (Narcissus, p.1426, 285)

Appliquer la couronne à (un roi) Poser la couronne sur la tête de.

... [le roi Charles] descongneu de son peuple, clos hors de ses villes et citez et mené a povreté et a disette, en sa personne fu constraint de veoir regner et eslever ung non hoir, ton mari, en Paris et a ly applicquier la couronne de France en l'obprobre de sa face. (Chastell., Temple Boc. B., 1463-1464, 133)

b)Appliquer (un domaine) (à qqn/qqc.). Annexer qqc. (à).

...le Roy, qui est seigneur en la temporalité, selon vous, puet acheter et acquerir aucune possession de sez subjés pour l'apliquier a son demaine (Songe verg. S., t.2, 1378, 24)

Lequel Charlemaigne divisa lez terres que il avoit conquises par juste guerre, et lez unes appliqua et assigna a l'Empire, lez aultres il assigna a un sien filz. (Songe verg. S., t.1, 1378, 150)

...Philippe le bel pour une rebellion que luy feist le roy d'Angleterre, il mist et saisist et aplica a luy toute la duchié de Guienne (Juv. Urs., Aud. celi, 1435, 206)

...ne fut oncques chose plus juste d'applicquer les terres de son demaine ne que eust le roy Phelippe (Juv. Urs., T. crest., c.1446, 96)

SATHAN (à Jésus, pour le tenter) Romme tiens, Grece a moy applicque ; Arabe, Tharse, Aisie, Aufricque, Egipte et la grant Babiloine , Tout est a moy et tout te donne (Gréban, Pass. J., c.1450, 144)

...il print les places de la conté de Comminge oultre et par dessus la sauvegarde du Roy pour les vouloir appliquer a soy et a son demaine... (Le Bouvier, Chron. Ch. VII, C.C.J., c.1451-1455, 263)

Le dit Josse suppliant, qui a ung fief et terre marchissant a la dicte mesure de terre, se feust nagaires efforcié de applicquier et comprendre indeuement a son dit fief la dicte mesure de terre (Arch. Nord, 1458, B 1688, f° 18 v°, IGLF)

Emploi pronominal à sens passif. Être annexé.

...maiz on doit advertir que Dieppe n'est pas du demainne de la duché de Normendie maiz est de l'eglise, appartenant a l'arcevesque de Rouen, et ne se pourroit bonnement apliquer au demainne du roy (Juv. Urs., Loquar, 1440, 425)

2.Par analogie.

Appliquer la vue qq. part. Fixer la vue sur.

Et dessus tous la belle Esmeraude en fut moult esbahie, veu que a elle devoit appartenir le plus preu du tournoy. Adont elle applicqua sa veue, qu'elle avoit doulce et tres benigne, la ou elle la voult conduire et envoier. (Percef. III, R., t.1, c.1450 [c.1340], 323)

Et quant le chevalier et son cheval eurent approuché celle beste, ilz applicquerent tellement leur veue a son col qu'ilz oublierent toutes autres choses et demourerent comme statues sans mouvoir pié ne main. (Percef. III, R., t.2, c.1450 [c.1340], 217)

Diriger, orienter (une faculté, une action...) vers.

Mais pour che que estudieuse meditation applique merveilleusement fort le corage aux choses qu'on veult scavoir, selonc le dit de Tulle : 'Estude est occupation acoustumee et forte de corage a auchune chose appliquee', il le convient moderer principalment es enfans et es josnes gens, afin que par trop grant traveil ne nuise au corps, ou qu'elle ne destruise la chambrette de la memoire ou cervel (Daudin, De la erudition H., c.1360-1380, 122)

Dont doy je bien s'onneur garder Et sans cesser Ymaginer A li porter Foy, sans fausser, Et là tout mon scens appliquer Sans villeinne pensée. (Mach., Les lays, 1377, 429)

Appliquer (un propos) à/sur qqc.

Ajouter.

Et ce que je vous en ay fait, c'est pour ce que je vous entend a traictier comment la noble et puissant forteresse de Lisignen en Poictou fu fondee par une faee, et la maniere comment, selon la juste cronique et la vraye histoire, sans y appliquier chose qui ne soit veritable et juste de la propre matiere. (Arras, c.1392-1393, 5)

Concentrer, diriger sur.

Cy duppliqua Le douloureux qu'ouÿ la replique a, Et son propos de tous poins appliqua Sur un seul mot que lors il descliqua, Et dist sans plus: ' Quelque chose que dïez au seurplus, Dueil est tousjours la fin, l'issue et l'us Ou tous les faiz amoureux sont conclus...' (Chart., D. Fort., 1412-1413, 192)

En particulier. Sans mensonge appliquer. Sans mentir.

L'annel ne voult reprandre, ains le volt ottroier Au fellon Gadiffer, le felon losangier ; Bien cude que voir die san mansonge aplicquier. (Lion Bourges K.P.F., c.1350, 109)

Mais je vous di pour vray sans mensonge apliquer Que vous ne vous devés pas haster du venger Du traïstre Caudas, que Dieu doint encombrier ! (Tristan Nant. S., c.1350, 60)

Bien vous escouteray, veulliés le vray nunchier, Comment la chose va, sans mensonge apliquier. (Renaut Mont. B.N. V., c.1350-1400, 466)

Appliquer (une argumentation) contre qqn. Diriger (une argumentation) contre qqn.

Apres il applique ceste rayson contre ceulz qui mettent pluseurs elemens en disant que il different seulement en ce que l'aer est de plus petiz athomes que l'eaue et l'eaue que la terre, etc. (Oresme, C.M., c.1377, 626)

Appliquer (un sujet) à une matière. Faire (un sujet) porter sur.

...et a appliqué son theume à la matière que avoit ceans declairié (...) maistre Pierre Boivin, maistre en theologie, ambassadeur dudit concil (Fauq., III, 1431-1435, 45)

Imposer qqc. à qqn.

Et pour che que entre les samblables auchunefois seult estre une mauvaise envie de vertu, nostre euvre ne soit pas applicquie a cheulx qui n'en n'ont [sic] cure, ne substraite a cheulx qui le requierent, car en l'un et en l'autre peut estre suspicion de envie. (Daudin, De la erudition H., c.1360-1380, 277)

B. -[Idée d'attribution]

1.Appliquer qqc. (à soi) (à/en qqc.). S'attribuer qqc. (parfois indûment) ; utiliser qqc. (à tel usage, à son usage personnel, à son profit).

Car l'Escripture met comment le roy appliqueroit ce que il prendroit sus eulz non pas en la neccessité de la deffense du païz, mes en ses propres usages et en aucuns deshonnestes... (Oresme, Pol. Arist. M., c.1372-1374, 149)

Le roy Joas, duquel vous avés parlé, n'a pas pris ne appliquié lez biens de Sainte Eglise a soy ne en sez propres usages, mez lez fesoit convertir es usages de l'Eglise. (Songe verg. S., t.1, 1378, 37)

Il prist, fist pranre de fait et amener en la dicte forteresse de Perrense pluseurs vivres, bleifz, vive bestes et autre meubles et pillages qui ['qu'il'] detient et aplica a lui (Arch. Nord, 1381, B 1574, 139, IGLF)

Cogneut oultre, que vingt ans a ou environ, qu'il estoit varlet et serviteur de messire Guy Buverail, prestre, chanoine du Sepulcre, ainsi comme il ot couché à un soir ledit prestre, et qu'il dormoit, il qui parle ala à la tasse ou bourse dudit preste, qu'il avoit mise et musiée soubz le chevez de son lit, et en celle bourse print la somme de IIIJ frans en or, lesquelz il appliqua à son prouffit. (Reg. crim. Chât., I, 1389-1392, 281)

...et au partir qu'il fist, mal print en icellui hostel une houppelande de drap pers doublé de camelin, laquelle il porta en la ville de Dijon, et illec la vendi la somme de X s.. par.., qu'il en ot et receupt, et lesquelz il appliqua à son seul et singulier prouffit. (Reg. crim. Chât., I, 1389-1392, 404)

Les habitans des sept paroisses de Bleu ont acoustumé de prendre es bois apellés lez coustumes ou circonssis dez villes estans es mettes de la verderie de Lonchamp, le bois cressant illec pour apliquer à leurs usages, reservés pommier, perier, mellier, cornouiller, alier et noire espine vers en estant qui sont reservés pour la garenne (Hector De Chartres, Cout. R., 1398-1408, 18)

... [il] print oudit hostel une houpelande courte, fourrée d'escurieux, avec un pourpoint de fustenne, à un compaignon qui estoit logiez oudit hostel avec lui qui parle (...) laquelle houpelande et juppon il qui parle a apliquez à son usage (Reg. crim. Chât., I, 1389-1392, 169)

...par icelli son maistre lui furent baillés XIIIJ frans en or, pour porter à certaine personne (...) lequel deposant retint et appliqua à soy iceulx XIIIJ frans, sanz le sceu ou congié de sondit maistre (Reg. crim. Chât., II, 1389-1392, 169)

...ledit suppliant y entra et y print deux roes de charrecte, et les appliqua a son prouffit. (Chancell. Henri VI, L., t.1, 1425, 236)

Appliquer qqc. (de l'argent, des biens...) à qqn (une autorité, une institution...) Donner, attribuer à qqn.

... [promistrent] sur poine d'estre (...) banniz du royaume de France et de appliquier touz leurs biens au roy (Conf. Jug. Parlem. Paris L.L., 1334, 96)

...li dus de Lancastre ne se voloit nullement assentir à trettié de paix ne à composition nulle, se li dus de Bretagne ne ravoit tout entirement la ducé de Bretagne, ce que li rois de France avoit applikiet à l'iretage de France et au demainne par l'acort de tous les barons, les prelas, les cités et les bonnes villes de Bretagne. (Froiss., Chron. R., VIII, c.1375-1400, 198)

. ...et soit faite satisfacion raisonnable à la partie blechie des biens dou malfaiteur, et le sourplus aplicquié à nous ou aux signeurs où il appartenra, sauf les previllèges des villes. (Froiss., Chron. R., XI, c.1375-1400, 305)

...ainssy que fist Charlemaigne et mains aultres avant lui, ainchoiz que les Allemans applicquassent a eulx la treshaulte dignité des triples couronnes de l'empire (La Sale, Salade, c.1442-1444, 224)

...en diverses villes de ce royaume, où il avoit au moien d'icelles prins plusieurs sommes de deniers ou nom du roy et icelles à lui appliquées (Roye, Chron. scand., II, 1460-1483, 52)

En particulier. Appliquer une amende à une autorité. Payer (une amende à une autorité).

...le chesne pour XVIII s. d'amende à apliquer au roy (Hector De Chartres, Cout. R., 1398-1408, 218)

La Court a defendu à maistre J.. Rabateau, procureur de messire J.. Harpedenne, chevalier, comme audit chevalier, qu'il ne mefface n'en corps ne en biens aux habitans de Montagu, ne à aucuns d'eulx à peinne de X mil libvres à appliquer moitié au Roy et moitié auxdiz habitans (Baye, I, 1400-1410, 301)

...il a promis bien et loyaument tenir prison parmi ladicte ville, à peine de C l. d'amende à appliquer au Roy. (Fauq., I, 1417-1420, 10)

Ce jour, Jehan Bard, sergent et boulengier (...) a esté condempné en sa presence, luy oy et interrogué sur ce, à paier dix livres parisis d'amende à appliquer à l'Ostel Dieu de Paris (Fauq., I, 1417-1420, 285)

...en defendant aux seigneurs d'icelles maisons, sur certaines peines à appliquer à nous, qu'ilz ne les louent dores en avant à or, et ne les encherissent oultre le dit pris raisonnable (Doc. Poitou G., t.7, 1425, 421)

...mais ilz ont trouvé une cautelle que es lettres des contrats ilz ont mis ' et en amende a apliquer au roy ', et si ont fait deffense par cry publique que on ne paye nulles amendes que aux gens du roy et aux justiciers, que ilz ne les appliquent a eulx (Juv. Urs., Verba, 1452, 348)

Et finablement je eslargy ledit Quercin tout prisonnier jusques au XIIe jour d'aoust pourveu qu'il a promis et juré paier et délivrer dedens 15 jours ès mains de monseigneur le Trésorier, maistre Estienne Chevalier, ladicte somme de 507 escus quart, sur peine de cent marcs d'argent à appliquer au Roy. (Aff. Jacques Coeur M., 1453-1457, 53)

2.Attribuer qqc. à qqn.

[Un ouvrage de l'esprit]

...laquelle somme, pour la profundité du sens contenu en icelle, aucuns Ebreux dient qu'elle fut faicte du seigneur patriarche Abraham, ce que je croiroye legerement, pour ce je la lui applique car je la treuve sainte et bonne (Simon De Phares, Astrol., c.1494-1498, f° 23 v°)

[Un attribut]

...c'est a dire que ce qui s'attribue a Dieu est par maniere de prendre, ce qui compete a ung est appliquié a cellui a qui proprement ne compete selon lui (Somme abr., c.1477-1481, 161)

[Le mérite d'un sacrement]

En tant qu'il est ministre de l'Eglise et represente Jesus Christ, il [le célébrant] a liberté et auctorité de applicquer la valeur de la messe quant a satisfaction a ung ou a aultre (Montfiquet, S. Sacr., c.1481-1501, e 4 v°)

Aulcuns sont impuissantz de en prandre de soy [du mérite], comme ceulx qui sont en purgatoire. Et pour ce il fault que ledit merite leur soit applicqué par aultres, selon leur devotion et charité (Montfiquet, S. Sacr., c.1481-1501, e 2)

Les aultres se conjoingnent parfaitement et appliquent se sacrement a soy par devocion, foy et charité, vertuz et merites (Montfiquet, S. Sacr., c.1481-1501, l 2)

C. -[Idée de rapprochement, de similitude, de rapport d'une chose à une autre]

1.Appliquer (une chose abstr.) à qqn Rapporter qqc. (un propos) à qqn, le faire porter sur qqn, l'appliquer à qqn.

Et ces paroles nous pouons trop bien appliquier a la glorieuse vierge Marie (Mir. emp. Julien, 1351, 186)

Ce jour, furent appellés les seigneurs des Enquestes en la Grant Chambre, où vint le cardinal de Pise, legat en France, et proposa la parole de l'epistre du jour d'ui originaliter, vos estis regale sacerdotium, en appliquant icelles paroles aux seigneurs, conseillers et menistres de justice en icelle Court, car ceulx qui administrent les sacrifices et oblations divines ne sont pas seulement appellés sacerdotes, mais ceulx qui sont professeurs et menistres de justice (Baye, II, 1411-1417, 181)

On povoit bien aplicquer en celle heure a la benoiste Magdaleine le proverbe qui dit : 'Cueur qui bien ayme a tart oblie.' (Vie J.-C. M.B., c.1429-1458, 118)

Lesquelles parolles, combien que elles se entendent quant a Dieu, toutevoye je les applique quant ad ce au regard du roy : soyez fermes, estables et mobiles ou service du roy, en traveillant et prenant peinne pour luy et la chose publique, et sachez que ce ne sera point sans grant remuneracion en ce monde et en l'aultre (Juv. Urs., Nescio, 1445, 466)

Et combien comme dit est que il y ait diverses especes de gens, et que les chevaliers doivent avoir plusieurs nobles experimentés en armes et aultres, toutevoye ce que je diray de chevalerye en aucuns poins on le peut apliquer a escuiers et gens de bats estat, durs aux armes. (Juv. Urs., Verba, 1452, 240)

2.Mettre qqc. en relation de similitude avec qqn/qqc..

Des V fontainnes vous dirai Et a vous les appliquerai ; Et vous orrés par quel maniere Vous ressemblés a la première (Mach., Voir, 1364, 8727)

Les aucuns [miroirs] sont cassez, les autres bossus, les autres tachez et ordoyez ; les aucuns representent tant seulement la couleur des choses par dehors, sans quelconque figure ; les autres monstrent les choses a rebours ; ont pluseurs telles decepcions ; et tout cecy on pourroit appliquer par similitude ou miroir espirituel de l'ame au regart de la Divinité et des choses celestes. (Gers., Trin., 1402, 172)

Cestui regna XXIIII ans ou temps Roboam et, pour sa prudence, fut le principal acteur et administrateur de la dedicacion du Temple, pour ce qu'il estoit moult perit et expert ès actes des festes d'icelui, par especial de VII principalles, lesquelles il compara et apliqua au VII principalles constellacions et fut souverain astrologien. (Simon De Phares, Astrol., c.1494-1498, f° 36 v°)

3.Appliquer qqc. à qqc. Adapter qqc. à qqc., rendre compatible avec qqc..

Et pour ce dit Aristote, selon l'autre translacion, que le homme politique doit savoir appliquer les canons universels ou generals des loys as choses particulieres. (Oresme, E.A.C., c.1370, 536)

4.Appliquer (un lieu). Localiser.

Ne sai de lour jornee lez gitez applicquier ; Il avallent lez vaulx, si montent maint rochier, Mainte ville paisserent et maint chaistel plennier (Lion Bourges K.P.F., c.1350, 912)

D. -Par extension. [Idée d'utilisation, de réalisation, d'effort en vue de qqc.]

1.Appliquer qqc. (à qqc.)

a)Employer, utiliser qqc. (à qqc.).

[Une chose concr.]

D'avoir ung grant trezor heusse grant mestier, Car mez corpz le saroit moult trez bien aplicquier (Lion Bourges K.P.F., c.1350, 36)

...ce fu grant mescance Et pités qu'à tel fait aplica sa sustance ; Car mout fu nobles hons d'estat de gouvernanche (Geste ducs Bourg. K., c.1410-1419, 261)

Ne il n'est harpe, orgue ne doulçaine, Luz n'eschequier, N'instrument que on sceust appliquier, Que desormaiz ouÿr requier (Chart., L. Dames, 1416, 242)

...prendre les corporaulx et autres habillemens d'eglise et les apliquer en autres usages tres deshonnestes et abhominables a nommer. (Juv. Urs., Loquar, 1440, 309)

Et s'aucun [de mes légataires] , dont n'ay congnoissance, Estoit alé de mort a vie, Je vueil et lui donne puissance [à Jehan de Calaiz, notaire au Châtelet] , Afin que l'ordre soit suyvie Pour estre mieulx parassouvye, Que ceste aulmosne ailleurs transporte, Car s'il l'applicquoit par envye, A son ame je m'en rapporte. (Villon, Test. R.H., 1461-1462, 141)

Le lieu publicque c'est le Temple, Au moins ad cela je l'applicque, Et, de la Chose publicque [vers hypomètre] , Je l'interprecte en ce point la. (Sots mal., c.1480, 88)

[D'une chose] Appliqué à/pour qqn. Destiné à, qui convient à qqn, utilisable par qqn.

Se vesty aussy [Jeanne d'Arc] d'armes appliquées à chevaliers, leva l'estandart, et en trop grant outrage, orgueil et présumption, demanda à porter les très-nobles et excellentes armes de France, ce qu'en partie elle obtint (Chastell., Chron. K., t.2, c.1456-1471, 205)

...se vesty aussi darmes [l. d'armes] appliquies pour chevalliers et escuyers, leva estandart (Wavrin, Chron. H., t.3, p.1471, 398)

[Une chose abstr.]

...que nul ne soit si hardi d'apliquer son temps en vaine oyseuse, comme de jouer aux dez ne a autre gieu de fortune (Bouciquaut L., 1406-1409, 403)

Je confesse que en noz jours avons pou veu qui ait gardee honnesteté de vie, gravité de meurs, ne purté de conscience, ains a chacun apliqué l'auctorité de sa puissance et l'abondance dez biens a l'apetit de son vain desir (Chart., L. Esp., c.1429-1430, 65)

Aplique orendroit ces signacles a ta matiere et regarde quelle pestilence merveillable et quelz exploiz de condemnation sont cheuz sur tes princes (Chart., L. Esp., c.1429-1430, 80)

Angelz, par ung champ solempnel, Esmouvez nous dame Musique, Apliquans dame Rethoricque A doulz et armonïeux sons. (Gréban, Pass. J., c.1450, 440)

En particulier. Utiliser, concentrer (une faculté).

...et ne sont mes paroles, mais celles d'Aristote en sa Methaphisique, et tout soient elles à l'entendement des non expers aucunement estranges, toutefois sont elles de grant efficace à qui l'entendement y applique. (Chr. Piz., Faits meurs Ch. V, S., II, 1404, 159)

...car de sa propre nature il estoit de bonnes meurs, et tant applicqua son entendement en toutes vertus qu'il fut mout en grace de Gayus. (Percef. IV, R., c.1450 [c.1340], 533)

Dilatacion de pensee est quant lentendement se extent et se espant en plusieurs choses mediter lesquelles on peult assez aisiement congnoistre comment, mais que on applique son engin et entendement. (Cib., p.1451, 185)

...ad fin qu'il vous plaise a user de l'entendement (...) en l'appliquant au gouvernement de vous et de la chose publique (Juv. Urs., Verba, 1452, 206)

b)Pratiquer, réaliser qqc..

La maniere comme la roi se destent, pour hurter au chambel, tout par elle, et de l'engin qui la tient est apliquie en ceste maniere. L'engin si est entre les deus poullies, et doit la poullie qui tient a la gielle estre court atachiee (Henri Ferr., Modus et Ratio, Livre deduis T., c.1354-1377, 281)

Au figuré. Mettre en pratique, en oeuvre [un propos, un principe, une loi...].

PREMIER MAISTRE. Il a dit parole trop sage, Et bien l'a sceu appliquier. (Mir. nat. N.S.J.C., c.1343, 233)

...teles choses de quoy les loys parlent ne sont justes fors selon accident. Mais la maniere de les ouvrer et de les appliquer et distribuer, c'est ce qui les fait simplement justes. (Oresme, E.A., c.1370, 321)

Apres [l. aprés] il applique cest signe a propos. (Oresme, C.M., c.1377, 52)

Premierement, car se il convient appliquer ces principes au corps de tout le monde (Oresme, C.M., c.1377, 306)

Moult bien avez sceu applicquer Ses deux vers et de grant maniere (Myst. Pass. Troyes B., a.1482, 1083)

c)Appliquer qqc. à + inf. Utiliser qqc. en vue de.

Si comme qui demanderoit quelles choses il convient appliquer a guarir le corps et aucun respondoit et disoit que tout ce il convient que medicine et celui qui a tele science commandent. (Oresme, E.A., c.1370, 330)

Premierement, car toute chose qui a mestier d'une autre chose doit estre appliquiee a recevoir le bien que elle a de l'autre par le mouvement de elle qui reçoit (Oresme, C.M., c.1377, 532)

...veuilliez appliquer vos oreilles a ouyr mes parolles (Juv. Urs., Verba, 1452, 185)

Et combien que monsr. le chancelier de ses matieres ne ait fait aucune mencion, toutesvoye semble il conme dit est que on les peut aplicquer a donner conseil au roy (Juv. Urs., D. Tours, 1468, 443)

Ouvrir fault tous les troncs du temple Et, ce qui est pour la fabricque, Il fault qu'on le mecte et applicque A faire ses solucions. (Myst. Pass. Troyes B., a.1482, 901)

Appliquer (son esprit) à/ de + inf. S'efforcer de.

S'applicai ma pensee toute A comparer ma dame chiere A Fortune et a sa maniere (Mach., Voir, 1364, 8249)

En appliquant tout leur esprit sensible De requerir d'estre en sa saulvegarde. (La Vigne, V.N., p.1495, 226)

d)Appliquer (sa volonté, son entendement...) à ce que. S'efforcer de, faire en sorte que.

- Dame, 'ce dit Butor, 'ne vos courouciez mie, Je vous em pri, pour Dieu, com ma loialle amie, Si com amés de moy adès la seignorie, Que vostre voulenté soit a ce apliquie Que l'anfant me donnés tant que de vo partie (Brun de la Mont. M., c.1350-1400, 21)

Mais y couvient premierement Apliquer ton entendement Ad ce que tu bien entendisses Mes paroles et retenisses (Mach., C. ami, 1357, 75)

2.Appliquer qqn à qqn/qqc. ; appliquer qqn de qqc.

a)Employer qqn (à son service).

Mes freres, en parfaicte amour, Puisqu'il a pleu a Jhesucrist Qui, pour nous, char humaine prist Es flans de la vierge pucelle, Nous faire reverence telle Que nous prendre et nous evocquer Et a son service applicquer Par dessus toutes nascions... (Gréban, Pass. J., c.1450, 440)

b)S'attacher qqn (ses sympathies) ; attirer qqn à soi.

...il la fist garder [une prisonnière] honnestement et, aprés que la cité fut prinse et par lui conquise (...), la rendy non vyolee et chaste a son espeux et l'or qui avoit esté envoié pour la renchon de la pucelle donna au mary pour la douaire d'elle. Par laquelle continence et bonté il applicqua et attrait a soy les couraiges d'iceulx et de leurs parens. (Colart Mans., Dial. créat. R., 1482, 271)

c)Appliquer qqn à/en qqc.

Engager (qqn, une collectivité) à qqc..

L'enfant, qui tourna son couraige et son estude a suivre l'estat du pere noble et non pas a marchandies, son pere ne le voult pas appliquer es negoces de marchandies, mais il colloca Loys son filz avec aulcuns aultres nobles ou service du roy de France. (Premierfait, Décaméron D., 1414, 809)

...a l'autre léz estoit dur aussi aux Franchois (...) de veoir regner [en Angleterre] maugré eulx tous cely qui tout le royaulme avoit appliquié au service et faveur de Bourgoingne (Chastell., Chron. IV, D., c.1461-1472, 295)

Appliquer qqn à + inf. Engager qqn à.

La seconde si est Phisique, Qui nous enseigne et nous applique A chose entendre moins obscure : C'est de trestous corps la nature Et qui conversent environ, Les corporaulx, com nous diron, Ce sont hommes, bestes, oysiaulx, Poissons, pierres et arbrisseaulx, Plantes, herbes et toutes choses, Qui forme et corps ont en eulx closes, Et qui tout ensemble repairent Et aux hommes ça jus apperent. (Chr. Piz., M.F., II, 1400-1403, 112)

La seconde si est Musique, Qui nous enseigne et nous applique A faire gracieuses voix En instrumens et haulx et coys, Et chanter mesureement, Chant d'eglise arreement Sonner en orgues, par doulx son, Ou instrumens d'autre façon. (Chr. Piz., M.F., II, 1400-1403, 116)

d)Appliquer le corps de qqn à peine. Soumettre qqn au supplice.

Ne me saras tourment eslire Ne mon corps a peine appliquer (...) Que pour mon Dieu je ne soustiengne De cuer joieux (Mir. st Ign., 1366, 86)

Appliquer qqn. Tourmenter, faire tourmenter.

SATHAN (à Lucifer). Se tout sur piéz ne les vous livre Tous deux lïéz et bretesqués [les deux larrons crucifiés] , J'accorde que vous m'applicquiez Par tous les infernaulx manoirs (Gréban, Pass. J., c.1450, 352)

e)Appliquer qqn de qqc. Imposer qqc. à qqn.

Le litargique Tousjours practique D'estre endormy, Et qui l'applicque D'autre practique N'est son amy. (Alecis, Blas. faulses am. P.P., a.1486, 198)

III. -Emploi pronominal.

A. -[D'une chose] S'appliquer à/en qqc./qqn

1.Au propre. Adhérer à qqc..

Le corps a la terre s'aplique (La Vigne, S.M., 1496, 573)

2.Au figuré.

a)S'adapter à qqc., être compatible avec qqc..

Et ainsi je croy que cuer de noble estrattion qui a la science des nobles vertus des ars dessuz diz ou cuer, qu'il n'en sauroit meserrer si tost que cil qui auroit aprins les ars par avarice de vouloir enrichir, par dissimilitude de complaire aux princes, et non monstrer le vif du droit, car rudesse de nature ne se puet bonnement appliquer a la nature nourrie en noblesse. (Arras, c.1392-1393, 17)

b)[D'un propos, d'un exemple...] Être applicable à qqn/qqc..

Et ce qui se dit des roys en civilité se peult appliquer aux peres de famile en yconomie, qui ne doivent mespriser le gros sentement dez servans (Chart., L. Esp., c.1429-1430, 105)

Lesquelles choses sont les paroles de Jeremie le prophete, qui se peuent bien aplicquer a nostre matiere (Juv. Urs., Loquar, 1440, 362)

...toutes les raisons dessus alleguees (...) se peuent applicquer au fait de Guyenne. (Juv. Urs., T. crest., c.1446, 107)

Considerons dont se cestuy exemple se pourroit apliquer a nostre propos. (Crap., Cur Deus, De arrha B.H., c.1450-1460, 281)

Et les choses dessusdictes se peuent appliquer a tous conseilliers, soyent de justice ou aultres (Juv. Urs., Verba, 1452, 321)

c)[De la foi] Se porter sur qqn.

Se tu es Cristus, dis le affin Que nostre foy en toy s'aplicque. (Gréban, Pass. J., c.1450, 194)

B. -[D'une pers.]

1.S'appliquer. Mettre du coeur a ce qu'on fait.

Qu'esse cy ? Vous ne buvez point ! Ilz sont simples comme pucelles. Et buvez fort. Vignes sont belles Et pensez de vous aplicquer. (Gréban, Pass. J., c.1450, 185)

2.S'appliquer à qqn

a)Penser à qqn, s'occuper de qqn.

...a toy seullement ne t'aplique, ayme Dieu et le bien publique. (La Sale, J.S., 1456, 77)

Car, si pecheur est et indigne, Comme peult il faire tel signe Ne la vertu en luy avoir D'un aveugle né faire voir, Sinon que Dieu a luy s'aplique Pour l'exaulcer ? (Michel, Myst. Pass. J., 1486, 174)

b)Se consacrer au service (de Dieu).

Moult fait homme et femme a blasmer, a qui Dieu a donné sens et raison et que il a fait a son ymage, quant il ne s'applique a Nostre Seigneur (Élucidaire II, B, R., c.1400-1500, 166)

c)Prêter attention à qqn.

Monsieur devalle : 'Dembonjour !' Il huche ses clercs, il s'en trique, En descendant j'ay si grand peur Que quelqu'un a moy ne s'applique. (Coquill., Oeuvres F., 1478-p.1494, 352)

d)S'appliquer vers qqn. Se ranger du côté de qqn.

Je te garderay bien de rire Et toy et d'aultres ung milier Qui de jour en jour vond pillier Et destruyre les povres gens. Je te tiendray en mes liens S'une foiz vers eulx je m'applicque. (Berg. agn. France L., 1485, 36)

3.S'appliquer à/en qqc. Se consacrer à.

Je di oultre que pour ce que chascun n'a pas possibilité de soy excerciter en toutes vertus et de les avoir complectement, l'en doit considerer asquelles l'en a plus de possibilité, tant de nature comme de fortune, et soy appliquer et ordener a teles vertus principalment. (Oresme, E.A.C., c.1370, 361)

...se en choses dignes te veulx apliquier, là est le comble de felicité. (Chr. Piz., Paix W., 1412-1413, 177)

Cedit seigneur roy Lancelot estoit moult famillier entre gens d'armes, mais nulz Françoiz ne voulloit veoir ; de sa bouche moult souspecçonneux estoit ; et a ceulx de qui il se fioit, leur faisoit des biens largement, et estoit tenus bien dilligent en tout ce ou il se applicquoit. (La Sale, Salade, c.1442-1444, 191)

Aincores me commanda la damoiselle et dist que quant l'enffant vendroit a l'eage de vingt ans, que je regardasse a quelle chose il se applicqueroit le plus (Percef. IV, R., c.1450 [c.1340], 530)

Et que plus m'y applicque [aux planètes, aux étoiles] et plus leur voy jetter leurs influences et faire ce que leur Souverain leur a commandé (Percef. IV, R., c.1450 [c.1340], 562)

Elle morra de mort amere, La faulce vaudoise, sorciere, Truande et putin publicque, Malleuseuse povre bergere Qui a telle folie s'aplique ! (Myst. siège Orléans H., c.1480-1500, 651)

Carpentus, roy d'Ytalie, fut environ ce temps en regne et en fleur pour la science des estoilles en laquelle totallement se appliqua et par icelle predist la famine merveilleuse qui fut en son temps, au moïen de laquelle predicion tous les marchans voyagerent a dilligence et par mer et par terre et firent si grandes provisions, que le païs supporta plus aisement l'infortune et sterillité de la terre. (Simon De Phares, Astrol., c.1494-1498, f° 37 r°)

Mitridates, homme cler et tant memoré à l'exemple des vertueux, eut la science de astrologie, entre autres, tant recommandée, que luy mesmes se y voulut apliquer (Simon De Phares, Astrol., c.1494-1498, f° 68 r°)

S'intéresser à.

La quinte [règle] est, que nulz ne s'esforce De vaincre l'amoureuse force Par herbes ne par art magique, Car son temps pert qui s'i applique (Échecs amour. Koert., c.1370-1380, 20)

4.S'appliquer à/de/pour + inf. Prendre soin de, s'appliquer à + inf..

N'i ait celui qui ne s'aplique Pour aourer l'idole d'or. Et se vous commandons encor Que chascuns a terre s'estende Et honneur et gloire li rende (Mach., C. ami, 1357, 19)

Bien est raison que je m'aplique A faire leur bon plaisir, si que Je n'i mesprengne ne mefface. (Mach., Prol., c.1377, 11)

Mais Belinant son frere estoit contraire en tous ces fais, veu que tout son vivant il commanda a ses enffans que ilz eschievassent a faire mal et qu'ilz se applicquassent a faire bonnes operations. (Percef. III, R., t.1, c.1450 [c.1340], 203)

S'il [escouvient] que je m'aplicque A bouter avant ma praticque, On ne sçaura trouver mon per. (Path. D., c.1456-1469, 50)

Pour quoy chascun de vous s'aplicque Et tout par maniere d'esbatz A revisiter la fabricque Desormais par tout hault et bas. (Sots mal., c.1480, 89)

Que chascun desormais s'applique De jouer ung tour de finesse. (La Vigne, S.M., 1496, 269)

S'il est force que je m'aplique Encor ung coup a le tempter (La Vigne, S.M., 1496, 515)

5.Participe passé. [D'une pers.]

Estre appliqué. Être occupé, absorbé (par l'étude d'une science).

Maistre Mainfroy de l'Isle en Jourdain, prothenotere du Saint Siege, appliqué fut en ce temps, c'est assavoir en l'an mil IIIcXIII, en fleur et moult aprecié du roy Phelippe. (Simon De Phares, Astrol., c.1494-1498, f° 130 r°)

Estre appliqué à + inf. Être attentif, appliqué à.

Et generalment en toute oeuvre, quant une est bien comenciee, aucune foiz le plus fort en est fait et est l'en ja appliqué a la parfaire, et a l'en plus de plaisance que au commencement. (Oresme, E.A.C., c.1370, 124)

Et quant celle beste veoit ces oiseaulx ou autres bestes, hommes ou femmes, et qu'ilz estoient du tout applicquié a la regarder, de sa nature elle leur couroit seure et les estrangloit, et n'avoit autre praticque en elle de pourchassier sa pasture. (Percef. III, R., t.2, c.1450 [c.1340], 216)

IV. -Participe présent.

A. -Emploi adjectival. Mis en pratique, effectif.

Par ce que dit est nous povon conclurre que la descripcion de eleccion grossement peut estre telle : eleccion est desir ou execucion appliquant de chose devant conseilliee. (Oresme, E.A.C., c.1370, 188)

B. -Emploi substantival.

1.Compagnon, camarade, celui qui s'applique à qqn (Supra III B 2).

Il vous en fault venir aussi, Applicant. Mectés vous en point. (Du Prier, Roy Adv. M., 1455, 165)

2.[Avec une nuance péj.]

a)Gaillard.

Et aux hardeaux portans espees, Comme terribles applicquans, De nuit trois ou quatre crupees, S'on les trouve par les clicquans (Molinet, Faictz Dictz D., 1467-1506, 723)

...et, à l'heure que ce fut achevé, messeigneurs de Nostre-Dame chantoyent leurs matines, et lors, comme ilz chantoyent l'invitatoire en leur choeur, la gendarmerie fit son introite en leur eglise par le portail, et furent merveilleusement esbahis les chanoines et chapelains de veoir et auyr telz applicans et menistres sans chappes, soupplis ou sarros, montéz au plus beau de leur formes, tenans en main hallebardes, hacquebutez, picques à longuez broches en lieu d'encensoirs et de croches. (Molinet, Chron. D.J., t.2, 1474-1506, 343)

LUCIFER. Filz de putains ! allez grant erre Empescher leurs dictz et leurs faitz (...) ! O quelz gens j'ay ? SATHAM. Laiz et mauvays ! LUCIFER. Quelz applicquans ? SATHAM. Fiers et orribles ! (Flamang, Vie Pass. st Didier S., 1482, v.1518)

Regardons bien que nous dirons, Vela ne scay quelz appliquans Qui [pourroient] estre repliquans Se nous disons rien de travers. (Copp. lard., a.1488, 162)

Vous applicquans gentilz galloys Qui coppiés Dieu et le monde (Copp. lard., a.1488, 179)

b)Joyeux compagnon, coureur d'aventures galantes.

Ung applicquant, ung gorgias, Frisque, bien empoint et mignon, Ung habille homme, ung compaignon, Qui se veult mesler de dancer. (Coquill., Oeuvres F., 1478-p.1494, 205)

Et tous les menuz officiers, Comme scribes et promoteurs, Sont pages et pallefreniers, Aplicans, meschans gaudisseurs, Que sçay je ? ung tas d'afistoleurs (Coquill., Oeuvres F., 1478-p.1494, 231)

On luy fist une fille espouser Qui estoit faicte au mestier, Et quant vint a despuceller : 'Ha !' fist elle, 'Vous m'afoller !' Nostre appliquant se sentit pris Comme les oyseaulx a la glu. (Coquill., Oeuvres F., 1478-p.1494, 371)

c)Au féminin. Femme légère.

Je demande se l'aplicante, Pour frustrer l'autre et reculer, A quelque raison suffisante De mettre en jeu le cordelier. (Coquill., Oeuvres F., 1478-p.1494, 222)

3.Personne qui s'adresse à une autre pour demander une faveur' (Éd.).

[Les trois Parques s'adressent au narrateur] Si tu as congnoissance, Entendement ou raison tant ne quant, Veu qu'a nous est le pouoir suffoquant Pour desmolir toute humaine fusee, Nous pense tu, povre jeune applicquant, Suppediter, toy qui n'es que rosee ? (Saint-gelais, Séj. honn. D., c.1490-1495, 288)