ESPROUVER

verbe

[T-L : esprover ; GD : esprover ; GDC : esprover ; AND : esprover ; DECT : esprover ; FEW (IX, 405b) : probare ; TLF (VIII, 45a) : éprouver]

A. -Faire l'essai de qqc., vérifier, expérimenter qqc./soumettre qqn à un essai, à une expérience.

1.Esprouver qqc./qqn/un animal

a)Vérifier, constater qqc., (la qualité de qqc.) par une expérience, faire l'essai de qqc..

...Et s'a aussi parmi ses eles Les plumes qu'on appelle pelles, Sont comme fins rasoirs taillans ; Que je ne soie defaillans De voir dire, il est bien prouvé Par pluseurs qui l'ont esprouvé. (Mach., D. Aler., a.1349, 327)

...faire selonc le sage Qui dit et demoustre en sa page Que, quant il a tout conceü, Tout ymaginé, tout veü, Esprouvé, serchié, viseté Le monde, c'est tout vanité, Et qu'il n'i a autre salaire Fors d'estre liez et de bien faire. (Mach., J. R. Nav., 1349, 142)

Me dites vous voir, secretain ? Esprouver vois ceste nouvelle. (Mir. emp. Julien, 1351, 211)

Si ne metoit mie s'entente En chiens, n'oisiaus, n'en dame gente, Fors en ses anemis grever. Là vuet il mettre et esprouver Cuer, corps, vigour, vie et puissance, Son tans et toute sa chevance. (Mach., P. Alex., p.1369, 132)

Par moy le say qui bien l'ay esprouvé, Quant ma dame m'a dit : 'fol, quoy c'on die, Ja povres homs ne sera bien amé'. (Mach., App., 1377, 640)

Ne quier veoir la biauté d'Absalon Ne d'Ulixès le sens et la faconde, Ne esprouver la force de Sanson, Ne regarder que Dalila le tonde, Ne cure n'ay par nul tour Des yeux Argus ne de joie gringnour, Car pour plaisance et sanz ayde d'ame Je voy assez, puis que je voy ma dame. (Mach., Bal., 1377, 560)

...Car je soloie esperer Qu'amés et cheris seroie De ma dame qui n'a per. Las ! dolens, or sui en voie De desespoir. Qu'en diroie ? Bien l'ont esprouvé plusour Qu'amours commencent en joie Et fenissent en dolour. (Mach., L. dames, 1377, 218)

...je ne trouveroye nulle occasion de moy trouver en armes contre les chevalliers, et par ceste raison je ne trouveroye a qui esprouver ma proesse. (Percef. III, R., t.1, c.1450 [c.1340], 101)

...ung gentilhomme de ce royaume voulut savoir et esprouver l'aise qu'on a en mariage (C.n.n., c.1456-1467, 197)

Vous cuidiez taster et esprouver le grand brichouart de nostre hoste de Saint-Michel (C.n.n., c.1456-1467, 411)

NOSTRE DAME. Voz anges ung dicté diront En vous donnant gloire et louenge. DIEU. En ce trosne il n'y a ange Qui ne chante joyeusement. Sus, Gabriel, diligemment ! Raphael, faictes tous devoir ! GABRIEL. Nous le ferons de bon vouloir, Souverain Dieu, a ton bon gré. RAPHAEL. Nous chanterons ung silete. GABRIEL. Esprouvons cy nostre sçavoir. Icy chantent. (Mir. st Nic. juif, c.1480-1500, 103)

Esprouver veulx ma dague neufve, Neufve et entiere, sayne et necte (La Vigne, S.M., 1496, 182)

Emploi pronominal à sens passif.

As tu doncques oublié que le fin or s'esprouve en la fournaise, qui ne se change ne muet de sa vertu, ains plus affine (Chr. Piz., Cité dames C., c.1404-1407, 623)

Esprouvé

Vérifié, constaté.

Quant vraie amour enflamée, D'ardant desir engendrée, Pucelette mestrie Ou temps que doit estre amée, Se vrais amans l'en prie Par foy de fait esprouvée, Tant que loiautés jurée Fait qu'elle à li s'ottrie Par si parfaite assamblée Qu'enduy n'ont c'une vie... (Mach., Motés, 1377, 516)

Or entendez, vous toutes, bien ce chappitre, car je vous dy que qui doubte la quauquemaire qu'elle ne viengne de nuit a son lit, il convient mettre une sellette de bois de chesne devant un bon feu et se elle venue, se siet dessus, jamais de la ne se porra lever qu'il ne soit cler jour, et est chose esprouvee. (Ev. Quen. I, c.1466-1474, 91)

Manifeste, évident.

Si cheï en autre pensée, Pour ce que folie esprouvée Est en tout homme qui se duet De chose qu'amender ne puet (Mach., J. R. Nav., 1349, 141)

Soumettre qqc. à une expérience, expérimenter qqc..

...Et si n'est que pour ma prouesce, Qu'encor esprouveray. (Mir. st Guill., c.1347, 40)

Et tout ce puet l'en legierement considerer ou esprouver en une petite espere materielle. (Oresme, C.M., c.1377, 94)

...voulant esprouver les enseignemens à li faiz par sadite marrine (Reg. crim. Chât., II, 1389-1392, 293)

Geometrie fu trouvee Premierement et esprouvee De ceulx d'Egipte (Chr. Piz., M.F., II, 1400-1403, 118)

Expérimenter, réaliser qqc..

...et cest esprouvement a esté esprouvé, ce dit Avicene. (Saint-gille, Comment. A.Y. L., 1362-1365, 123)

Solliciter, utiliser qqc..

PATHELIN. Taisiez vous ! Par ma conscïence, Se je vueil mon sens esprouver, Je sçauray bien ou en trouver, Des robbes et des chapperons ! (Path. D., c.1456-1469, 50)

De sa force ce n'est pas peu de fait, car ung chevalier armé sur son cheval a ung coup d'espee il le fendoit dés le [le] hault de la teste jusques au bas, et se il tenoit quatre fers de cheval de la forge, sans esprouver guayres sa force, il les estendoit et mectoit en pieces, et plus oultre a une seule main il pregnoit ung chevalier tout armé, luy estant tout droit sur la terre, et le levoit tout hault jusques a l'ault de sa teste moult legierement. (Bagnyon, Hist. Charlem. K., c.1465-1470, 16)

Faire l'expérience, l'observation de qqc..

Et dient ceulx qui l'ont esprouué qu'elles [les abeilles] naquissent de char de veel mort quant le sang est pourry et autres nommeez bisenes naquissent de char de mullet. (Best. hérald. H.E., c.1435-1450, 483)

Ressentir qqc. par expérience personnelle.

Bien tu l'esprouvas, o Lucifer, jadiz ange tres bel, car incontinent que le vent d'orgueil ot enflé ta pensee et tellement demenee que tu volus monter a l'equalité de ton Seigneur, tu qui estoyes fait pour le servir, point n'y ot de remede. (Gers., Purif., 1396-1397, 61)

Ce sçay je, je l'ay esprouvé, Parler en puis de fait prouvé (Chr. Piz., M.F., I, 1400-1403, 77)

Si veult rouver Et cerchier ce qu'il ne veult pas trouver, Et son meschief acroistre et esprouver, Et traÿsons et mauvaistiez couver, Car sans faillir, Jalousie, qui s'en laisse assaillir, Fait en homme tout honneur defaillir, Ne d'ou el est ne puet nul bien saillir. (Chart., D. Fort., 1412-1413, 185)

Il n'est fueille ne fleur qui dure Que pour un temps, car esprouvee J'ay la chose que j'ay contee, Comme lors fut mon aventure. (CH. D'ORLÉANS, Ball. C., c.1415-1457, 87)

A ce mot se leva l'une des assistentes nommee Geffrine, femme de Jehan le Bleu, et dist que ceste chose avoit esprouvee et que ainsi lui en estoit avenu, dont elle maudissoit l'eure d'avoir encontré un tel homme qui toute couleur et beauté avoit perdue, et si estoit si tres mauvais mesnagier que autre chose ne povoit faire que dormir. (Ev. Quen. I, c.1466-1474, 83)

Esprouver qqc. à qqc. Vérifier la valeur d'une chose en la confrontant à une chose de même nature.

Là dist li chevaliers escos : 'Signeur, je vous vieng veoir ; vous ne daigniés issir hors de vos barrières, et je y daigne bien entrer. Je voeil esprouver ma cevalerie à le vostre, et me conquerés, se vous poés.' (Froiss., Chron. L., VII, c.1375-1400, 236)

Esprouver qqc. de qqc. Vérifier (la qualité d'une chose) en la soumettant à l'épreuve de qqc. (pour la vérifier).

...et [l'écuyer] percoit les cuisines fumoier, courir chevaulx et courciers parmy la prayerie, les gentilz hommes par trouppeaulx. Les uns saillent, les aucuns luttent, les autres gectent la pierre ou la barre de fer ou la lance ou la darde. Les aucuns espreuvent leurs braguemars ou leurs pieces ou leurs bacinez de trait, de ject, d'espees, et d'autres pluseurs fors essays. (Arras, c.1392-1393, 178)

En particulier. Goûter (un mets).

Car le goust est quant au jugement des saveurs, et tel jugement font ceulz qui espreuvent les vins et qui asaveurent et confisent les sausses et les potages. (Oresme, E.A., c.1370, 222)

En ce texte sont declarés quatre choses generales pour esprouver le vin. La premiere est l'odeur (...) La seconde est la saveur (...) La tierce chose est [s]plendeur reluysante (...) La quarte est de couleur (Rég. santé corps C., 1480, 35-36)

Tester (un médicament, un poison).

SOTIE. Sa [marotte] faisoit miracle, Ellë esprouvoit le triacle, Contrepoison et tout venin. ROSSIGNOL. Triboullet estoit medecin, Car pour faire quelque finacle Sembloit estre demoniacle. (Vig. Trib., c.1480, 229)

MÉDECINE Sonder.

...les aultres [instruments de fer sont] a esprouver comme prouves ['sonde'] et intromissoires. (Panis, Guidon, 1478, chap. sing.)

(S')esprouver si + interr. indir. Constater par une expérience, vérifier si.

...nous le ramenrons Se nous le pouons la trouver. Pour Dieu, or alons esprouver S'il y seroit. (Mir. st Guill., c.1347, 37)

Tu engenras en Climené Pheton, qui tant fu gens tousiaus, Qui, sans solers et sans housiaus, Emprist a gouvrener ton kar Et les chevaus a mener, kar Esprouver volt se c'ert tes fis (Froiss., Pris. am. F., 1372-1373, 96)

Pour ce me vorrai esprouver Se l'eschielle porrai trouver, ou elle est, et de quel marien (Le Fèvre, Respit Mort H., 1376-1380, 117)

Il reprist un pieu, ce me semble, Et dit qu'adés veult esprouver Se la forme peut recouvrer, Qu'avoir seult (Chr. Piz., M.F., I, 1400-1403, 43)

...ne tiendra que a luy qu'elle n'espreuve si le bon bruit qu'on luy donne est vray. (C.n.n., c.1456-1467, 407)

...sa principale intencion est d'esprouver, s'elle peut, si mes parolles sont vrayes (C.n.n., c.1456-1467, 409)

Et sur ce, le noble Olivier, conte de Jennes, remply d'un noble couraige et d'un vouloir ardant a complaire a l'empereur, ouÿes les nouvelles, de son lit se leva et commence a estendre ses bras et a esprouver s'il estoit possible a luy de porter armes, et, cecy faisant, ses playes se vont ouvrir nouvellement et commencerent a seignier par destresse. (Bagnyon, Hist. Charlem. K., c.1465-1470, 35)

Esprouver que

Constater que.

SATHAN. Las, qu'est justice devenue ? Ore poons nous bien esprover Que droit ne sarions en trouver Quant nous avons cour a demain Encontre lignage humain. (Myst. Adv. N.D. R., c.1360-1365, 61)

...Et puis je lus de chief en chief La complainte qu'avoie escripte Pour vir s'il y avoit redite, Mais nes une n'en y trouvay ; Et encor moult bien esprouvay Qu'il y avoit, dont j'eus merveilles, Cent rimes toutes despareilles. (Mach., F. am., c.1361, 180)

Mi frere estes et mi amy Et je croy, par l'ame de my, Qu'en tous les cas que vous porries, M'onneur et moy garder vorries ; Et je l'ay bien aperçeü, Car j'ay esprouvé et veü Que vous m'avez sauvé la vie. Dont C. mille fois vous mercie. (Mach., P. Alex., p.1369, 263)

Découvrir par expérience que.

La fui je certes droit martir, La commensai je a larmoier Et ma leesce a desvoier, La tristece en mon cuer trouvai, La certainement esprouvai Qu'il n'est si dure departie Comme c'est d'ami et d'amie. (Mach., Voir, 1364, 306)

b)Esprouver qqn. Vérifier (la présence de telle qualité) chez qqn.

Et pour savoir s'il est voir ou non, lui a esté monstré le Sautier, ouquel et sur lequel l'en a acoustumé de examiner et esprouver ceulx qui dient qui sont clers, pour savoir de lui s'il sauroit lire ou cognoistre lettre aucune. (Reg. crim. Chât., II, 1389-1392, 103)

L'EMPEREUR. Sainte Marie, qu'il m'est tart Que j'aye mon gendre esprouvé, Savoir mon s'il sera trouvé Estre tel conme on me divise ! [Il s'agit de connaître le sexe véritable d'un personnage] (Mir. fille roy, c.1379, 97)

Les aucunes disoient : 'Espoir qu'il n'est pas homme. Il le fault esprouver...' [À propos d'un jeune marié qui n'a pas accompli son devoir d'époux] (C.n.n., c.1456-1467, 299)

Pour mes drogues chascun me suit, J'ay choses quasi impossibles, J'ay pour faire gens invisibles, J'ay tout tant qu'on demandera, Toutes chouses me sont possibles, Esprouve moy qui le vouldra. (Dorib., p.1480, 246)

Esprouver qqn pour inf. Vérifier chez qqn la capacité de + inf..

Tout partout ou fut demourant Pour choppiner fut esprouvé. Tout partout ou estoit trouvé, De sa personne fort honneste Qui faisoit tousjours place nette Pour humer pinte d'une alaine, Il buvoit quarte toute pleine. (Vig. Trib., c.1480, 229)

Vérifier la qualité professionnelle de qqn.

...aulcun barbier, de quelque condicion qu'il soit, ne pourra ne devra faire office de barbier en nos diz pays ne aucun d'iceulx, s'il n'est essayé et eprouvé par les diz maistres et jurez. (Doc. Poitou G., t.7, 1420, 357)

Esprouvé. Qui a fait ses preuves, instruit par l'expérience, expérimenté.

Mais cuers d'omme est fermes, seürs, Sages, esprouvez et mëurs, Vertueus et fors pour durer, Et humbles pour mal endurer. (Mach., J. R. Nav., 1349, 241)

Il en tue tant et abat Qu'il fist place à plus de sexante, Qui descendirent sans atente. Niés fu dou roy et ses privez, Sages, vaillans et esprouvez. Et li vicontes de Toureinne Descendi après, qui grant peine Met à bien faire la besongne. (Mach., P. Alex., p.1369, 70)

Ains fu la couronne donnee A un chevalier esprouvé Qui vaillant et preux fu trouvé (Chr. Piz., M.F., II, 1400-1403, 277)

...et pour ce avisa le prince à eslire un superieur, le plus esprouvé, sage et expert en ordre d'armes, (...) et cellui appellerent prince de la chevalerie. (Chr. Piz., Faits meurs Ch. V, S. I, 1404, 115)

...combien que Julicés fust bien esprouvé et tenu pour l'un des six plus preux de la cité de Romme, toutesvoies ceulx qui en celle bataille le veoient combatre ne tenoient point en lui tant de prouesse ne de valleur. (Percef. III, R., t.1, c.1450 [c.1340], 375)

Ce fait, le noble conte s'en passa oultre et pour ce que sa lance estoit encore entiere, il fist tant qu'il trouva l'autre chief qui tres aspre chevalier estoit et bien esprouvé, et desiroit assez de trouver le conte, disant en son cuer que s'il le pooit abattre par quelque fortune, que plus en seroit son non eslevé que de cent aultrez lez mieulx pris de la place (Comte Artois, c.1453-1467, 12)

...Le cueur me serre, Tant suis rempli doleur et d'ire ; Et en souffre si grief martire Que je ne scay que je doy faire, Et croy de vray, sans contredire, Qu'elle est une esprouvee sorciere. (Myst. siège Orléans H., c.1480-1500, 459)

Esprouvé de qqc. Expert en qqc..

Il avoit un roy ou royaume de Palmoine, en ce temps, qui estoit fier et orgueilleux et si esprouvé d'armes que par tout païs il estoit craint et redoubté, et avoit a nom Abilans. (Bérinus, I, c.1350-1370, 327)

Esprouvé en qqc.

...ainssi sont esprovés les hommes en l'estude et en labeur de acquerre sapienche. (Daudin, De la erudition H., c.1360-1380, 73)

Ce fu Guillaumes Longue Espée, Qui fu chevaliers moult parfais, Bien esprouvez en mains bons fais, Et n'avoit en tout le roiaume Chevalier qui portast hëaume, Qui mieus bons chevaus congneüst, Ne qui mieus parler en sceüst. (Mach., D. Aler., a.1349, 312)

Esprouver un animal. Vérifier, tester la qualité (d'un animal), chercher à voir ce que vaut un animal.

Connestables, alons, vous et moi, as camps pour esprouver che gentil faucon que mon cousin de Flandres m'a donné. (Froiss., Chron. R., X, c.1375-1400, 256)

...avoir le droit de lever et percevoir par chacun cheval, ainsi essaié et esprouvé, certaine somme d'argent (Chartes communes Bourg. G., t.2, 1435-1436, 248)

Esprouver (un animal) à qqc. Vérifier, tester (la qualiité d'un animal) en le soumettant à telle épreuve.

Chilz Crokars chevauçoit une fois un jone coursier fort enbridé, que il avoit acaté trois cens escus, et l'esprouvoit au courir. (Froiss., Chron. L., IV, c.1375-1400, 70)

'Aha ! par la foy de mon corps, je sçay comment il va de tout ; car l'on me mande, si j'ay envye d'avoir de bons chevaus et bien vistes, que j'en envoye querir en Picardie, pource qu'il y a de mes capitaines qui les ont bien esprouvez à la course, en eulx retournant en leurs logis.' (Le Clerc, Interp. Roye, c.1502, 393)

2.infinitif substantivé. Expérience, épreuve.

Car quant uns homs est en effroy, Se de sa destre main se seingne, Puis n'a paour que mauls li veigne. Par pluseurs sains le vueil prouver, Qui l'ont sceü par esprouver. (Mach., P. Alex., p.1369, 14)

La constance et l'umilité Et l'amour qu'a moi as eüe Ay pour esprouver coigneüe, Et ta parfaitte obedïence Ay trouvé par experïence (Gris., 1395, 94)

Ne me peut de tout souvenir, Mais tous y sont, sanz excepter, Et qui ce lieu vouldra hanter Par effect le pourra prouver Et le savoir par esprouver. (Chr. Piz., M.F., I, 1400-1403, 146)

- Or avant, ce dirent les femmes, nous verrons qui le gaignera. - A l'esprouver le scera l'on, dit monseigenur (C.n.n., c.1456-1467, 185)

LE SOT. Maudit soit il qui t'en croyra. Ventre bieu, quel maistre mignon. MAISTRE PIERRE. A l'esprouver on le verra. (Dorib., p.1480, 246)

3.S'esprouver à/de + inf. Essayer (de faire qqc.).

...s'ainsi l'amez [Dieu], Foy vous fera lors esprouver De plus en plus en bien ouvrer (Mir. st Ign., 1366, 91)

Nous sommes entré en la terre : De savoir nous fault esprouver Quelle part le pourrons trouver. (Mir. st Val., c.1367, 130)

Je me sui d'aler esprouvé Tant qu'ay esté, si m'aist Diex, En plus, je croy, de trente lieux, Si ay je de quarante et huit (Mir. st Alexis, 1382, 312)

Mais, quant iceulx gouliars se veullent esprouver a entrer en religion et illecq demourer encloz soubz la voulenté et puissance d'autrui, certes, ilz de repentent qu'ilz n'ont plus leur propre liberté. (Colart Mans., Dial. créat. R., 1482, 176)

B. -Par extension. Reconnaître (la qualité de qqn/qqc.).

1.Esprouver qqn/qqc.

Reconnaître, distinguer qqc..

...il n'est chose plus juste ne plus droitturiere que d'esprouver le lasch que le malicieux a tendu pour prendre et decevoir l'innocent (Colart Mans., Dial. créat. R., 1482, 247)

Reconnaître qqc., après examen, comme fondé, véridique.

...comment le roy Alixandre de Maxedoine esprouva le dit de Diomedès, grant pirate de mer. (La Sale, Sale D., 1451, 9)

Estimer, apprécier qqc..

'...Et pour ce aviser nous couvient, Et que chascuns son conseil die Loyaument et sans flaterie ; Car il nous couvient tous ensamble Boire à un hanap, ce me samble, Et chose à tous touchant trouvée Doit estre de tous esprouvée.' Chascuns dist son oppinion (Mach., P. Alex., p.1369, 159)

Approuver qqc..

Atant vint le vallet qui le temple gardoit et lui dist : 'Sire, que dittes vous de la Deesse des Songes ? - Certes vallet, dist Gallaphur, j'espreuve ce que m'en avez dit, car j'ay ceste nuit songié par deux fois...' (Percef. IV, R., c.1450 [c.1340], 1019)

Esprouver qqn + attribut de l'obj. Reconnaître qqn comme + attribut.

Moult est vertüeuse esprouvee Car bien semble certainement Que eulx deux n'aient seulement En tout que une seule pensee (Gris., 1395, 71)

Mesmes le traïtour prouvé, Qui l'ot occis, et que esprouvé Ot desloyaulx, fist il grant sires De grans royaumes et empires. (Chr. Piz., M.F., IV, 1400-1403, 66)

Maiz tant rouvay Que un tel qui me plaisoit trouvay, Que bon et loyal esprouvay, De qui tous les faiz approuvay. (Chart., L. Dames, 1416, 222)

Il m'est advis que quant Amours Mect en ung cueur tant de doulours, Ce n'est pas pour le mectre a fin, Mais pour luy envoier secours Et mectre son mal en decours, S'il est esprouvé comme fin. (Narcissus, p.1426, 285)

Le XIX^e [chapitre] de tollerance d'injures, et qui est esprouvé estre vray pacient. (Internele consol. P., 1447, 57)

Sire roy, je vous ay moult esprouvé pour vaillant chevalier et vous ay trouvé preu aux armes et tres leal (Percef. IV, R., c.1450 [c.1340], 47)

Nous tenons de luy nous terres et seigneuries : je seroye troup desloial esprouvé se je conssentoye a sa mort ! (Bagnyon, Hist. Charlem. K., c.1465-1470, 149)

Aprés, Il faillit en salle troys foys. Comment fut il donc la trouvé ? Pource qu'il estoit esprouvé Vray sot sotouart en sottoys. Lors maistre Mousche incontinent Fist demander son lieutenant Qu'il plaira alors de huchier. (Vig. Trib., c.1480, 233)

Proverbe. En necessité on doit esprouver son ami

On dit communement que en necessité on doit esprouver son amy. (Colart Mans., Dial. créat. R., 1482, 248)

Esprouvé. Approuvé.

...ilz ont tousjours tenu Jehan Pour ung saint prophete esprouvé Qui n'eust pas le peuple lavé De ce hault baptesme anobly Se Dieu ne l'eust mesme estably. (Gréban, Pass. J., c.1450, 224)

C. -Apprécier la qualité de qqn/d'un aspect de la pers., mettre qqn à l'épreuve.

1.Esprouver qqn/ un aspect de la pers.

Mais Dieus son angle m'envoia Qui les bouches tint et loia Des lions si fort que contraire Ne mal ne me peüssent faire, Pour ce qu'il m'a juste trouvé Partout ou il m'a esprouvé, N'onques vers toy, roys, ne mespris, Ne riens a tort d'autrui ne pris. (Mach., C. ami, 1357, 45)

Je ne di mie qu'on n'i trueve De si tres bons en toute esprueve Que nul milleur ne trouveroit D'eaus, qui bien les esprouveroit, Et qui les vorroit esprouver, On ne porroit milleurs trouver. (Mach., C. ami, 1357, 72)

Car un bon ami ne creroit pas de legier nul qui deïst mal de son amy lequel il a par lonc temps esprouvé et ne croira ja telz diseurs (Oresme, E.A., c.1370, 421)

Et pour savoir s'il est voir ou non, lui a esté monstré le Sautier, ouquel et sur lequel l'en a acoustumé de examiner et esprouver ceulx qui dient qui sont clers, pour savoir de lui s'il sauroit lire ou cognoistre lettre aucune. (Reg. crim. Chât., II, 1389-1392, 103)

Pour ce dit Hermes : 'Ne revelles les secres de tes pensees, fors a ceulx que tu aras bien esprouvez.' (Chr. Piz., Ep. Othea L., c.1400-1401, 239)

Cellui fu maistre de trouver Maintes choses, dont esprouver On pot son sens et son advis. (Chr. Piz., M.F., II, 1400-1403, 278)

Je treuve en l'Ystoire Tripertite, ou premier Livre, que Constantin voulant esprouver la loyaulté de ceulz qui le servoyent faignyt ung mandement publique que tous ceulz qui vouldroyent regnier leur loy crestienne demourroyent a honneur avec luy, les autres a desonneur s'en partyroient. (Gers., Concept., 1401, 410)

Tant est longue sa sapience, et sa justice si enlacee a sa pitié et grace, qu'il attent longuement a flageller lez mauvaiz, en espoir de leur amendement, et a remunerer lez bons pour esprouver leur souffrance, et acroistre la perfection de leur merite. (Chart., L. Esp., c.1429-1430, 50)

...chevaliers se doivent eslire et les doit on esprouver (Juv. Urs., Verba, 1452, 242)

Le prince sage doit en ces choses esprouver celluy qu'il veult retenir pour son conseillier. (Fillastre, Traité Conseil H., c.1472-1473, 158)

Participe passé en emploi adjectival. Qui fait preuve de qualités morales (ici la fidélité).

Chier compains, loyal, esprouvé, De moy soiez le bien trouvé. (Mir. Amis, c.1365, 32)

Digne de confiance.

...et tout son temps se y employa [à l'astrologie] et en fist plusieurs beaux jugemens, qui sont assez communs et ses Tables sont partout famées et esprouvées et par lesquelles se excerce plus la science des jugemens, que de nulles autres. (Simon De Phares, Astrol., c.1494-1498, f° 124 v°)

Esprouvé à/de + inf. Qui s'est révélé capable de.

Ou aultrement le mot dessus dit puet estre exposé sur che sens : car la vertus de l'omme est esprouvee a lever ou a porter une pierre pesant, ainssi sont esprovés les hommes en l'estude et en labeur de acquerre sapienche. (Daudin, De la erudition H., c.1360-1380, 73)

Si ot assemblez ses conroys, Com bon chevalier esprouvez De bien faire a ses gens rouvez, Puis contre Exercés ala droit Et l'attendi a un destroit, Par ou il lui couvint passer (Chr. Piz., M.F., II, 1400-1403, 245)

Et, samblablement, les haulx et puissans princes et barons de Romme (...) pour riens ne vouloient que nulz de leurs enfans fussent constituez en nulles dignitez s'ilz ne fussent par avant bien convenables et esprouvez ad ce faire. (La Sale, Sale D., 1451, 91)

2.S'esprouver. Se soumettre à une épreuve.

Mais à l'espée qui bien taille Versa tout, comble et fondement. Là se porta si fierement Que tout fu mort quan qu'il trouva. Là premierement s'esprouva. Que fist il la seconde année Que coronne li fu donnée ? Il s'en ala, lui et sa gent, Parmi la haute mer nagent, Tant qu'il vint devant Satalie... (Mach., P. Alex., p.1369, 20)

...esprouvé me suis pour cuider faire le damoisel chevalier, mais pouoir n'en avoie (Percef. IV, R., c.1450 [c.1340], 862)

LE CONTE. Trouvons au giste Damp Fremin. LE MARQUIS. Maintenant fault que je m'espreuve. LE DUC. Esprouver veulx ma dague neufve, Neufve et entiere, sayne et necte. (La Vigne, S.M., 1496, 182)

S'esprouver (de sa personne). Payer de sa personne.

Hardemens ne voelt nul sejour, Mais estre ens ou fier nuit et jour, Lui esprouver et travillier, Painne avoir et le nuit villier. (Froiss., Dits Débats F., 1363-1393, 106)

...et le duc s'esprouva si bien de sa personne, qu'il print trois prisonniers françois de sa main (La Marche, Mém., III, c.1470, 15)

S'esprouver à qqc. Se mesurer avec qqc..

Se tu veulz honneur recouvrer, Tu ne [te] dois pas esprouver A la misere des chatis, Mais doit tes cuers estre ententis A sousmettre et donter la force De ton anemi s'il t'esforce (Mach., Voir, 1364, 476)

Chascuns disoit : 'Se Dieus me faut, Jamais ne l'ariens par assaut, Ne par siege, ne par famine, Par angien, par trait, ne par mine ; Ne nous ne li poons grever, N'on ne se doit pas esprouver à ce qui ne puet avenir. Se le roy laissons couvenir, Il nous menra à tel pertuis Que nous en serons tous destruis, Car il sont bien mille contre un.' (Mach., P. Alex., p.1369, 79)

Ce premier jour, il ne le porent conquerir, mais au secont jour, toutes gens alerent a l'asaut de si grande volenté et si bien s'i esprouverent que de force il le prissent. (Froiss., Chron. D., p.1400, 765)

Se soumettre à l'épreuve de qqc..

Sy firent tant a Benuicq puis l'une puis l'autre qu'elles s'esprouverent a la verge ['l'anneau'] , mais toutes s'en partirent confuses (Percef. IV, R., c.1450 [c.1340], 1059)

Seigneurs, digne ne suis d'acomplir ceste adventure, un autre s'y espreuve. (Percef. IV, R., c.1450 [c.1340], 1119)

Ainsi se fournissoit icelluy noble pas, et venoient nobles hommes de tous coustez et de divers pays, pour eulx esprouver à celle haulte et chevaleureuse epreuve (La Marche, Mém., I, c.1470, 308)

S'esprouver à/contre qqn. Se mesurer à qqn.

Adonc mist li captaus sa main à sa tieste, et dist ensi que par mautelent : 'Par le cap saint Antone, Gascon contre Gascon s'esprouveront....' (Froiss., Chron. L., VI, c.1375-1400, 112)

Et bien souvent sus le jour li chevalier et li escuier de l'ost s'en alèrent escarmucier as barrières à chiaus de dedens, et li compagnon de le garnison ossi s'esprouvoient à yaus. (Froiss., Chron. R., VIII, c.1375-1400, 193)

A lui se vouldra esprouver Car trop le het de grant haÿne (Chr. Piz., M.F., III, 1400-1403, 51)

...il desiroit moult de soy esprouver contre lui pour ce que le jour de devant il lui avoit veu faire mainte haute proesse. (Percef. III, R., t.2, c.1450 [c.1340], 56)

...et ainsi il se esprouvoit a ceulx de l'ost mesmes pour soy introduire aux armes. (Percef. III, R., t.2, c.1450 [c.1340], 288)

'...Et affin qu'il appere evidamment et que la dame ou mon cuer repose puist oyr bonnes nouvelles de moy, j'entreprens a aler combatre le geant homme a homme, et jamais n'arresteray jusques ad ce que je me seray esprouvé contre luy.' (LEFÈVRE (R.), Hist. Jason P., c.1460, 141)

Le jour de l'Ascension Nostre Seigneur, au poinct du jour, passerent le pont le seigneur de Lannoy, le seigneur de Humieres, messire Jaques de Lalain et messire Jehan, bastard de Renty, accompaignez de plusieurs josnes chevalliers et nobles hommes, qui desiroient d'eulx esprouver contre les ennemis, et tirerent à un gros villaige à trois petites lieues près de là, que l'on appelle Locres. (La Marche, Mém., II, c.1470, 247)

Je me veul vengier, et se entre vous tous a aucun champion qui se ose contre moy esprouver, viegne a moy et je le recevray. (Colart Mans., Dial. créat. R., 1482, 269)

Emploi absolu. Se battre, s'exposer au risque.

Et le Roy leur respondist : 'J'ay ordonné vostre demeure, pour ce que je ne vueil pas desgarnyr mon royaume de gens de guerre et aussi que vous estes aagez et avez assez esprouvé vos personnes, et scet-on bien que vous vallez. Pourquoy il ne fault ja que vous aillez maintenant esprouver. Je vueil que vous demourez et le vous commande.' (Bueil, II, 1461-1466, 174)

C. -[Idée de preuve]

Esprouver qqc. Faire la preuve de qqc..

Pour sostenir ma veritey Vuilz le filz de Dieu appeller Qu'esprovera ma vision. (Dupin, Mélanc. L., c.1324-1340, 43)

...pour son mal cirurgien trouva, Qui le remyt hors de peril et soing Par sa vertu que bien y esprouva. (Du Prier, Songe past. D.-M., c.1477-1508, 108)

Vif et mort le m'avez tollu Pour vostre faulx cueur esprouver, Vif et mort le voullez grever En tout mal, sans soy jamais faindre. (Myst. Pass. Troyes B., a.1482, 849)

Esprouver sa personne. Donner des preuves de la qualité de sa personne.

Et le Roy leur respondist : 'J'ay ordonné vostre demeure, pour ce que je ne vueil pas desgarnyr mon royaume de gens de guerre et aussi que vous estes aagez et avez assez esprouvé vos personnes, et scet-on bien que vous vallez...' (Bueil, II, 1461-1466, 174)

...dont, pour mieulx esprouver sa personne et gaignier sa chevalerie et ses esperons dorez, il se para en simple abit et comme ung commun homme d'arme, et combien que la bataille fust en peril d'estre rompue par les Franchois et contre luy, toutesfois il soustint le faiz avec ung petit d'hommes d'arme qui luy tindrent bon pied, et telement que messire Jehan de Luxembourg, conte de Ligny, vint à l'ayde du duc Phelippe, et fut la bataille regaignie par luy, et fit le duc tant d'armes de sa personne qu'il fut tenu pour très bon chevalier. (La Marche, Mém., I, c.1470, 89)

Esprouver + interr. indir. Montrer en le prouvant + interr. indir..

Je vous ose bien dire que je me y suis aussi bien porté comme vous et suys prest, quant vous vouldrés, d'esprouver de mon corps qui sera le plus vaillant de nous deux. (Bueil, I, 1461-1466, 126)

S'esprouver. Montrer sa valeur, faire ses preuves.

Vit [Samson] qu'a son baston ot failli : Une joe a cheval trouva, A celle joe s'esprouva, Que je croy, qu'a plus de cincq cens En toilli la vie et le sens. (Renart contref. R.L., t.2, 1328-1342, 178)

Ains n'i ot si petit qui le jour bien n'i fiere. Bien s'i va esprouvant chelle gent losengiere (Bât. Bouillon C., c.1350, 11)

Tant se sont no baron illeucques esprouvé Que li Sarrasins furent de tous poins destraé (Renaut Mont. B.N. V., c.1350-1400, 711)

Moult s'esproeve bien al assaut Hardement, qui voet qu'on le prise. (Froiss., Pris. am. F., 1372-1373, 127)

Et priesque tous les jours y avenoit aucune cose de nouviel ou aucune apertise d'armes ; car li jone chevalier et escuier de l'ost s'aloient là aventurer et esprouver de grant volenté. (Froiss., Chron. L., V, c.1375-1400, 132)

On fist asault au castiel, grant et fort, et s'i esprouvèrent grandement li François. (Froiss., Chron. R., XI, c.1375-1400, 126)

Ce premier jour, il ne le porent conquerir, mais au secont jour, toutes gens alerent a l'asaut de si grande volenté et si bien s'i esprouverent que de force il le prissent. (Froiss., Chron. D., p.1400, 765)

Ces Englois y traient, bien s'i sont esprouvé ; De haces, de martiaus, ont Hiermignas biersés. Là peuissiés veoir grande mortalité. (Geste ducs Bourg. K., c.1410-1419, 561)

...mais Jaquet de Lalain, qui, de longue main, avoit queru et desiré son party pour soy esprouver en celle noble espreuve, poursuivit avant tous aultres, et fit tant que le duc lui ouctroya celle fourniture. (La Marche, Mém., II, c.1470, 81)

...'Sire, a vous m'envoye le Chevalier de l'Estang, lequel a empris garder et deffendre le Cerf Blanc a la Couronne d'Or ; s'il y a si hardy chevalier en voustre court qui se vueille venir esprouver et de se mectre a l'enqueste de trouver le serf et le chevalier, ilz le trouveront tout prest de combatre a touz ceulx qui y vouldront venir, pour deffendre le cerf a son povoir.' (Charles de Hongrie C., c.1495-1498, 93)

Faire le malin, se mettre en avant.

Une fable oy pieça dire D'un enfant qui estoit le pire, Le plus mauvès qu'on peust trover : Par tout se vouloit esprouver (Desch., M.M., c.1385-1403, 30)

Esprouvé. Prouvé.

Se les fuitifz bien eslison, Tantost prouvez Seront leurs faiz mal approuvez, Et seront ceulx fuitifz trouvez Qui sont faulx amans esprouvez, Dont les derrois, Les pou arrestez desarrois, Cuer mat soubz orgueilleux arrois, Ont deceu et dames et roys. (Chart., L. Dames, 1416, 280)

HERODE. (...) Est il certain et esprouvé Que celle estoille aiez vëue Et qu'elle vous soit apparue...? (Gréban, Pass. J., c.1450, 89)

Biaux seigneurs, selond vostre advis, Vous demande icy en privé S'il est certain et esprouvé Que ayez apperceuz ceste estelle Par une façon si nouvelle, Comme vous nous en avez comptéz. (Myst. Pass. Troyes B., a.1482, 299)

C'est chose esprouvee

Esbatement n'est sans risee, Souspir sans chose regretee, Souhait sans ardant desirance, Doubte sans muer contenance, C'est chose de vray esprouvee : Onquez feu ne fut sans fumee. (CH. D'ORLÉANS, Rond. C., 1443-1460, 310)