EMPLOYER

verbe

[T-L : emploiier ; GD : emploier ; GDC : empleier ; AND : emplier2 ; DECT : emploiier ; FEW (IV, 594) : implicare ; TLF (VII, 978a) : employer]

I. -[Sens concrets du lat. implicare et plicare]

A. -Emmêler (une chose avec une autre).

[De choses] Estre employées. Être emmêlées, enchevêtrées.

Et si fondirent et tresbuchèrent pareillement pluseurs autres grans ediffices et massonaiges, tant et tellement que les rues estoient emploiées, et sambloit à veoir estre tout ung des rues et desdictes maisons ainsy fondues (Escouchy, Chron. B., t.2, a.1465, 346)

S'employer. S'emmêler.

Pour ce doi Je qui boi Maint anoi En mon requoi, Avoir desir et plaisance Que li ploi Ou m'emploi Soient quoi, Garni d'arroi, D'espoir et de souffisance. (Froiss., Pris. am. F., 1372-1373, 158)

B. -Envelopper, enlacer.

Au figuré. Employer un pays. Envelopper (comme dans des mailles), occuper, dominer.

...car ilz [les Gaulois] estoient en si grant quantité et nombre qu'ilz emploioient toute Ayse. (La Sale, Sale D., 1451, 64)

C. -Rabattre (une matière souple), plier dans.

Et aprés on doit retourner le chief de la longe de loingz une fois sur la perche, et celuy chief doit on emploier a l'autre chief de la longe dessoubz la perche et nouer premier ung neu et puis l'autre, legierement sy que ly fauconniers le puisse desnouer quant mestier sera, hastivement. (Chasse ois. II, T., c.1330-1360, 54.24)

D. -FINANCES Employer (une somme/une assignation) en (un compte/un registre). Faire figurer, enregistrer dans.

La Court a ordonné que la somme de cent libvres tournoiz qu'a ordonné feu monsr Pierre d'Orgemont, nagueres evesque de Paris et trespassé, en son testament estre baillée à l'execution de feu messire Gile de Lorriz, evesque de Noyon, soit baillée et delivrée à messire Guerin de Lorriz, chevalier, frere dudit de Noyon, pour emploier au mariage de la fille dudit Guerin, et soit ce emploié es comptes des executeurs dudit evesque de Paris. (Baye, I, 1400-1410, 304)

...et pour ce, nous voulant ladicte somme luy estre baillée, payée et delivrée, vous mandons et expressement enjoignons que icelle somme de trente escus d'or vous couchez et employez en l'estat de nostre tresorier du Daulphiné (Lettres Louis XI, V.M., t.10, c.1461, 163)

...ilz [les officiers de la Cour de Parlement de Paris] nous advertissent que (...) Me Jehan Picart, nagueres receveur general de noz finances sur et outre les rivieres de Seyne et Yonne, rend ses comptes en la Chambre de noz comptes et qu'il leur doit de reste des assignations que leur avons ordonnées pour le fait de leurs diz gaiges qu'il estoit receveur general, bien environ la somme de IIM Ve l. t. dont ilz ne peuvent avoir entier payement, combien que leurs dictes assignations soient entierement employées et couchées en ses roolles (Lettres Louis XI, V.M., t.10, 1483, 53)

II. -[Idée d'utiliser qqn ou qqc., de faire servir qqn ou qqc.]

A. -Emploi transitif.

1.Employer qqc.

a)Faire usage de qqc., faire servir qqc. à une fin, utiliser qqc..

Et ceulz qui en peuent avoir plus ou qui en ont plus, ilz les abandonnent, eslargissent et emploient [telles choses] en leurs concupiscences pour acomplir du tout leurs passions et leurs desirriers, en condescendant et obeïssant a la partie de l'ame qui est irracionele. (Oresme, E.A., c.1370, 478)

Car combien qu'il soit seul tout puissant a fayre son vouloir de ses dons et graces, avecques ce est il juste et droicturier a les bien emploier, et ne les ottroye pas a ceulx qui les mesprisent et ne les demandent, maiz les soustrait aux ingratz qu'ilz ne les congnoissent. (Chart., L. Esp., c.1429-1430, 150)

Je vous laisse Bon conseil et Discrecion ; emploiés les, et faittes tant qu'ilz se tiennent avecque vous (Juv. Urs., Aud. celi, 1435, 254)

Ung tresgracieux gentilhomme, desirant d'emploier son service et son temps en la tresnoble court d'Amours... (C.n.n., c.1456-1467, 252)

Employer qqc. à qqc. Consacrer qqc. à qqc., utiliser qqc. pour qqc..

...se de present ilz [les nobles] les emploient [les terres] au recovrement de la seignourie de France, ilz feront trop plus leur honneur (Juv. Urs., T. rever., 1433, 87)

Employer qqc. à/de + inf. Mettre en oeuvre (son esprit, ses sens) pour faire qqc..

MATHATIEL. Je suis tout las De regarder cy les passans. LE JUIF. Vient il riens ? MATHATIEL. J'employe mes cinq sens De faire du tout le possible, Mais il est a vous impossible D'estre payé de voz debteurs. (Mir. st Nic. juif, c.1480-1500, 104)

...j'ay voulu employer mon petit entendement à vous faire ce present Elucidaire, pour vous monstrer et donner clerement à congnoistre et à iceulx detracteurs, comment astrologie est vraye science (Simon De Phares, Astrol., c.1494-1498, f° 1 v°)

Employer sa vie à qqc. Consacrer sa vie à qqc..

Lors respondit ledit grant maistre qu'il estoit prest à mener l'une desdittes bandes, tant celle des gens de pié que de cheval, ou laquelle qu'il plairoit au roy, offrant d'y employer sa vie (Le Clerc, Interp. Roye, c.1502, 245)

Employer corps et ame à qqc. S'engager entièrement dans qqc..

Or voy je nostre roy en voye, Qu'il employe Corps et ame a perdicïon. De toute rayson se desvoye. (Pass. Auv., 1477, 108)

Employer corps et chevance/biens à qqc./au service de qqn. Engager sa personne et son argent pour qqc..

...en touz cas touchans le bien et honneur de mondit seigneur, le commun prouffit et utilité de ce royaume et de son pueple sommes, avons esté et tousjours serons prests d'y emploier corps et chevance (Baye, I, 1400-1410, 36)

Et affin que vous voiez a l'oeil que je suis celuy qui veil emploier et corps et biens en vostre service, vous verrez comment je me conduiray/ en ceste besoigne. (C.n.n., c.1456-1467, 294)

Employer son corps

[Dans une action militaire] S'engager physiquement.

Domicius Tribulo disoit que on devoit ainchoiz grever son anemy en toutes manieres et subtillitez d'engins, avant que y emploier ou exposer son corps. (La Sale, Salade, c.1442-1444, 61)

Risquer sa vie.

'...en son service et pour son hiretage aidier à garder et deffendre, nous avons emploiiet et aventuré nos corps sans nulle faintise et mis toute nostre chavance au par daarrain.' (Froiss., Chron. R., VIII, c.1375-1400, 91)

Mais les povres hommes d'armes, qui ont de la souffraitte et du travail habondamment, sont tousjours prestz à emploier leurs corps pour honneur et renommée acquerir (Bueil, I, 1461-1466, 27)

Employer sa peine. Se donner du mal.

Errant lui dist : 'Par men Sauveur, Se me paine employer cuidoye, Jehan, pour bien vous loeroye Que chaiens feïssiez amie...' (Dit prunier B., c.1330-1350, 52)

Et avons longtemps cerchié par pluseurs païs pour trouver en, mais, Dieu mercy, or avons nous nostre peine bien emploiee, car veez en la .II. en ces parois. (Bérinus, I, c.1350-1370, 96)

Si ay ma paine mal emploiee et bien croy que mon pere ne ma mere jamaiz ne verray, puis que je cy ne les ay trouvez. (Bérinus, I, c.1350-1370, 357)

Bien emploie cilz sa paine Qui Dieu et sa mére sert (Mir. Berthe, c.1373, 191)

...diligence en guerre est bien seant et quy puet prendre despourveus sez ennemis, quelque traveil ou meschief que l'en y ait, toutesvoyez est la paine bien emploiee et en est honnourablement fait le loyer (Comte Artois, c.1453-1467, 83)

Employer son erre/son chemin. Accomplir sa tâche.

Mes choses me fault ordonner Ceens, pour employer me voye. (Dit prunier B., c.1330-1350, 56)

'...Et saichés vrayement se vostre annel avoye, Le chemin que j'ay fait bien employé tendroye...' (Gir. Vienne D.B., c.1350-1400, 167)

Je tieng bien emploiée m'erre (...), Seigneurs, quant cy vous truis ensemble Si bien a point. (Mir. Oton, c.1370, 324)

- Monseigneur, nous avons tresbien employé nostre chemin, car nous avons tresbien besongné, la mercy Nostre Seigneur (Cleriadus Z., c.1440-1444, 65)

Employer qqc. en qqn. Consacrer, vouer (telle chose) à qqn.

Dame que j'aim plus qu'autre, ne que moy, En qui sens, temps, cuer, vie, amour employ, Tant com je puis, nom pas tant com je doy, Vous remerci Dou noble don de vo douce merci. (Mach., J. R. Beh., c.1340, 81)

Fols seroie, Se rouvoie Riens plus, fors qu'en li emploie Corps, honnour, Cuer et amour (Mach., R. Fort., c.1341, 21)

Ne pensez pas, dame, que je recroie De vous amer, se souvent ne vous voy, Car nullement faire ne le porroie, Tant vous aim je de cuer en bonne foy ; Ainsois en vous cuer, corps et vie employ, Ne riens qui soit ne me destourne Qu'à vous ne pense, où que je tourne. (Mach., Bal., 1377, 546)

b)En particulier.

Employer du temps. Occuper, utiliser (du temps).

Mais qui ne prent de s'ame cure Ainz veult tozjours au corps entendre Qui tantost ne sera que cendre Il emploie son temps a honte. (Tomb. Chartr. Trois contes S., c.1337-1339, 89)

Et quant la pense est säoullee, Ou il avra toute jour mis A emploier [var. emplir] ... (Liber Fort. G., 1346, 160)

Et mon doulz cuer, uns biens d'amours donnés et receus amoureusement et secretement vault .C., et un jour bien emploiés vault .I. an, et est remedes de confort contre la Mort, contre Desir et contre Fortune. (Mach., Voir, 1364, 316)

...Cuer, corps, pooir, scens, temps, vie et penser, Tant com vivray, Metteray, Qu'empris l'ay, Si que ja mais mon temps n'emploieray Qu'en desirer Et amer Sans fausser. (Mach., Les lays, 1377, 455)

Et si scet bien qu'en li mon temps employ Et que je l'aim, criem, serf, desir et croy De cuer d'ami (Mach., Motés, 1377, 509)

Et si ainxin est, jamés elle ne amera son mary, car il est tout aultre que son amy, car il est avaricieulx et plain de pensees et de soussiz, et el n'est pas entree en celle avarice ou il est, et est en sa jeunesse, laquelle elle vieult emploier en plaisances et delectacions. (Quinze joies mar. R., c.1390-1410, 34)

SECONT BERGIER. (...) Si vueil emploier ma saison A estre bergier amoureux, Que mieux vault estre paoureux Par raison qu'estre fol hardi. (Gris., 1395, 47)

...et faisoit l'en trop grandes buveries, et y occupoit l'en le temps que l'en devoit emploier à conseiller (Baye, I, 1400-1410, 90)

...Ainsi par versifier, Et temps en estudier Emplier, Ont voulu certifier, Les clercs et specifier, Sans nyer, Les cas qui advinrent loires (Chart., L. Esp., c.1429-1430, 148)

...[ils] jugeroient tresbien avoir employé leurs ans [À propos de pères qui laissent leur fortune à leurs enfants] (C.n.n., c.1456-1467, 556)

...[elle] s'advisa qu'elle employroit avecques son curé le temps qu'elle estoit habandonnée de son mary (C.n.n., c.1456-1467, 493)

Employer de l'argent. Utiliser, dépenser (de l'argent).

Messires Thumas Trivès et si compaignon (...) qui encores n'avoient riens fait despuis qu'il vinrent en Navare, entendirent par leurs espies que li Espaignol estoient retrait. Si se avisèrent que il chevaucheroient vers Espaigne pour emploier leurs gaiges. (Froiss., Chron. R., IX, c.1375-1400, 110)

Si vueil que tu les monteploies [vint mars d'or] Et qu'en denrées les emploies ; Quant bien emploiez les aras, En Jherusalem les menras (Mir. Pierre Changeur, c.1378, 266)

...il a continuelment esté durant icelles vendenges, et aucune foiz porté la hoste en vendenges, afin de gaignier de l'argent, lequel argent, quant il avoit gaigné, il le aloit employer à l'aventure au jeu du driguet (Reg. crim. Chât., I, 1389-1392, 155)

...afin que ladicte somme fust emploiée en la fortiffication et emparement de la ville de Vernon et pour ycelle avitailler. (Fauq., I, 1417-1420, 241)

Si vous prions (...) que nous veullez donner et octroyer à cestui nostre besoing (...) aucune somme d'argent presentement à vous supportable pour icelle convertir et employer en ce que dit est et aussi pour subvenir en nos autres affairez. (Lettres Louis XI, C., t.1, 1445, 22)

Et a tant me tairay cy un peu a parler des ris et des jeux que Madame et ses femmes en faisoient, et vendray a parler comment il emploia ces LX escus. (La Sale, J.S., 1456, 61)

Item, pour assigner la vie Du dessus dit maistre Robert [Robert Valee] , Pour Dieu, n'y aiés point d'envye, Mes parens, vendés mon haubert, Et que l'argent, ou la plus part, Soit emploié dedens ces Pasques A acheter a ce poupart Une fenestre emprés Sainct Jacques. (Villon, Lais R.H., c.1456-1457, 18)

En ladicte année et au retour dudit pays, le roy fist de grans dons à plusieurs eglises et divers sains, car il vint veoir la benoiste vierge Marie de la belle Victoire près Senlis, où il donna IIm frans, qu'il voult estre emploiez à faire des lampes d'argent devant l'autel de ladicte vierge, et aussi fist couvrir d'argent la chasse de monsr saint Fiacre, où il y fut employé de sept à huit vings marcs d'argent. (Roye, Chron. scand., II, 1460-1483, 76)

LE CRESTIEN. A cest argent ne pensons plus Senon proprement l'employer. LA FEMME. (...) Despeschons de le mettre en euvre Affin que le usure on recueuvre Pour le payer comme sçavez. (Mir. st Nic. juif, c.1480-1500, 97)

Employer de l'argent à qqn. Utiliser au bénéfice de qqn.

Et, si est verité que ledit connestable, après ce qu'il ot esté confessé et qu'il vouloit venir oudit eschafault, dist et declaira à sesdiz confesseurs qu'il avoit dedens son pourpoint LXX demys escuz, qu'il tira hors d'icellui, en priant audit cordelier qu'il les donnast et distribuast pour Dieu et en aumosne pour son ame et en sa conscience. Lequel cordelier lui dist qu'ilz seroient bien emploiez aux pauvres enfans novices de leur maison (Roye, Chron. scand., I, 1460-1483, 365)

Employer de l'argent à + inf. Consacrer à.

Item, pour assigner la vie Du dessus dit maistre Robert [Robert Valee] , Pour Dieu, n'y aiés point d'envye, Mes parens, vendés mon haubert, Et que l'argent, ou la plus part, Soit emploié dedens ces Pasques A acheter a ce poupart Une fenestre emprés Sainct Jacques. (Villon, Lais R.H., c.1456-1457, 18)

...le filz [Jésus] , que j'avoye Et amoye Plus que riens dessoubz les cieulx, De mort a pris la monoye, Qu'il employe A rachapter l'omme vieulx. (Pass. Auv., 1477, 245)

Emploi pronominal à sens passif. S'employer à. Être employé, consacré à.

...les aides mesmes que ilz [les habitants] paient ne se mectent pas a la garde de la ville mais se emploient a la voulenté singuliere de ceulx a qui vous les donnés. (Juv. Urs., Loquar, 1440, 404)

Maintenant il fault que vous voye Tout mort en voye, Et que desploye - tous mes regrés piteusement, Car ma monoye Plus ne s'employe - a vous norrir joyeusement. (Pass. Auv., 1477, 253)

Employer une arme. Asséner (une arme).

Une lanche tenoit dont li achiers flamboie, Et fiert .j. chevalier qui estoit nes de Troie ; El vit de l'arm[e]üre son achier li emploie (Bât. Bouillon C., c.1350, 24)

Nous, dist il, sommes pleige et fermances, qui sommes assez souffisant en ce qui nous appartient et en ce que nous povons prester et baillier, ce sont noz corps et noz courages. En ces, dist il, se il veulent se pueent il forsener et en ceulz pueent il aguisier et emploier leurs armes et leurs ires ! (Bers., I, 9, c.1354-1359, 9.18, 17)

Le XIIIme est comment ilz doivent frapper de lance, de hache, d'estoc et de taille et leur trait bien emploier (La Sale, Salade, c.1442-1444, 244)

Et vit on bien à leur maniere de courir que le seigneur de Ternant vouloit et queroit d'employer sa lance. (La Marche, Mém., II, c.1470, 77)

Par métonymie. Appliquer, asséner (un coup).

...Az brans d'achier se sont laidement damagiet ; N'y at celuy qu'il n'ait mains grans cops emploiiés. (JEAN D'OUTREM., Geste Liège B.B., t.1, a.1400, 602)

Theoderich le voit, tous li vis li rogoie, A lui vint, se le fiert, yteil coup y emploie Que le heame perchat, la coeffe et la coroie (JEAN D'OUTREM., Geste Liège B.B., t.2, a.1400, 57)

c)(Bien/mieux) employer qqc. Tirer le meilleur parti de qqc., mettre qqc. à profit.

Si se conjoïrent et fisent grant feste cil signeur et cil baron, quant il se trouvèrent tout ensamble ; et se avisèrent et consillièrent où il se trairoient, pour mieulz emploiier leur saison. (Froiss., Chron. L., VII, c.1375-1400, 160)

...cellui damoisel qui a si estrange phizonomie est il si batailleux comme l'en dit ? Par ma foy, ma damoiselle, mais plus cent foiz, et sachiez, quoy que on vous die, que c'est un des plus plaisans homs que je veisse oncques. Par foy, dist Hermine, s'il avoit loué pour lui louer et prisier, si a il bien emploié sa mise. (Arras, c.1392-1393, 104)

Si eut avis que il trairoit celle part, pour mieuls emploiier son voiage. (Froiss., Chron. D., p.1400, 168)

Et enporta avoecques lui grant fuisson de biaus jeuiauls qui tous venoient dou tresor de Limoges son frere le duc de Bretagne, pour donner et departir la ou il les veroit bien a emploiier et pour acquerre amis (Froiss., Chron. D., p.1400, 478)

...si se vont despoiller, et dit nostre escuier qu'il emploira son argent s'il peut. [Une femme a demandé dix écus à un écuyer pour faire l'amour avec lui] (C.n.n., c.1456-1467, 122)

...il a fait comme les jeunes enfans, qui voulent emploier leur bature quand ilz ont deservy le punir. (C.n.n., c.1456-1467, 204)

2.Employer qqn

Utiliser les services de qqn, donner une activité, un rôle à qqn.

Dont furent lettres escriptes, et messagier emploiié, et signeur mandé de toutes pars. (Froiss., Chron. L., VI, c.1375-1400, 203)

Messires Jehans de Viane (...) grant desir avoit dou chevauchier et d'emploiier ses gens en Engletière pour faire aucun bon exploit d'armes (Froiss., Chron. R., XI, c.1375-1400, 254)

...il s'en parti par leur congié, et leur promist à venir par-dechà pour adviser le fait du roy, que on disoit qu'il metoit sur grant nombre de gens d'armes pour aler en Engleterre ou ailleurs, et devoit adviser tout à son pooir, et savoir, s'il pooit, quel voïaige le roy vouloit faire, et où il vouloit emploïer et envoïer ou mener ses gens d'armes, ou [en] Engleterre, ou en Espaignie (Reg. crim. Chât., I, 1389-1392, 387)

Car tant avoit le fait de la guerre parfaictement à cuer, et si sagement toutes choses y disposoit, que pour y estre loyaument et plus honnorablement servis meismes ceulx de son sang et ses plus prouchains y voult emploier, si comme ses propres freres qui bien leur lieu y tindrent (Chr. Piz., Paix W., 1412-1413, 110)

...mieulx seroit à un prince en ses guerres, s'il n'avoit assez nobles et gens d'armes en son pays pour y emploier, que il prensist ainçois souldoiers estranges, si qu'en Ytalie font et autres maints lieux (Chr. Piz., Paix W., 1412-1413, 133)

Et moy, comme vostre très humble serviteur et povre parent, me suis retiré en voz pays pour y vivre et mourir, sans espargner ma vie ne mes biens où il vous plaira m'employer pour vous. (Le Clerc, Interp. Roye, c.1502, 348)

Faire intervenir qqn en sa faveur.

Ledit connestable, doubtant la fureur dudit seigneur et considerant en luy que, s'il estoit tenu et prins, il auroit et luy feroit on quelque mauvais parti, affin de soy remettre par quelque bonne maniere en la bonne grace du roy, voulant pour ce faire employer ses amys et mesmement le conte de Dampmartin, grant maistre de France, parcequ'il congnoissoit que pour lors il avoit bon et grant credit envers le roy, à ceste occasion luy rescripvit unes lettres missives dont la teneur s'ensuit: 'Mons.. le grant maistre, je me recommande à vous tant comme je puis...' (Le Clerc, Interp. Roye, c.1502, 347)

Employer qqn à qqc. Faire appel à qqn (pour obtenir son assistance).

...[si] je fusse fourny d'argent aussi bien que je ne suis mye, je y emploiroye tous mes amis. [Un homme voudrait marier son fils] (C.n.n., c.1456-1467, 297)

B. -Emploi pronominal.

1.S'employer à/en qqc. S'appliquer, s'occuper, se consacrer à qqc..

Sire, est ce ore en mauvais usage Que je m'emploie ? (Mir. march. larr., c.1349, 96)

Mais son conseil finablement Li dist : 'Sire, certeinnement Nous ne savons lieu si possible Pour vous, que la cité de Triple. Par nostre conseil vous irez, Car bien vous y emploierez ; Qu'il n'a de la mer dou soudan Jusqu'en païs le Camaran Lieu, ne place, bourc, ne repaire Où mieus peüst son honneur faire.' (Mach., P. Alex., p.1369, 205)

...Car anoy, Griété, doleur ne contraire Onques en vous servant n'oy, Eins congnoy Que riens ne m'i puet desplaire Et qu'adès miex me doit plaire, Sans retraire, De tant com plus m'i employ, Car tant estes debonnaire Qu'exemplaire De tous les biens en vous voy. (Mach., Ch. bal., 1377, 601)

...Car vos trois enfans [d'Amour] vis a vis Ci m'amenez pour moy donner avis Et matere dont ç'ordener porray Dont Nature de vous m'a fait devis, Et par son gré je m'y emploieray A mon pooir, tant comme je vivray. (Mach., Prol., c.1377, 5)

...tout ne soye je souffisant pour tousjours selon mon usage m'emploier au service du bien d'elles, si que continuelment je le desire, me pensay que ceste noble oeuvre multiplieroye par le monde en pluseurs copies (Chr. Piz., Trois vertus W.H., c.1405, 225)

Je, Nycolas de Baye, graphier de Parlement (...) proteste que quant à conseiller le fait de ladicte execution et au bien d'icelle m'emploieray et ferè le miex que je pourrè (Baye, II, 1411-1417, 48)

Et en tant que touchoit monsegneur de Bourgongne, il s'estoit offert de soy emploier et exposer corps, amis et chevance pour secourir ladicte ville de Paris à touz ses besoings (Fauq., I, 1417-1420, 238)

...exorter lesdicts Roy des Romains et autres princes Eslizeurs que en ce se veuillent employer en raison et justice. (Ecorch. Ch. VII, T., 1447, 166)

...a tout se vouloit joieusement emploier, combien que sa personne estoit et fust tousjours linge et menu (La Sale, J.S., 1456, 2)

...me dictes qu'il vous fault, et je vous asseure, s'en moy est de vous aider, je m'y emploiray comme je doy. (C.n.n., c.1456-1467, 93)

...quand les aultres gentilzhommes et marchans virent la dicte noise, chacun s'employa a l'accordement d'icelle (C.n.n., c.1456-1467, 392)

En toutes joieusetez se emploioit afin qu'il ne fust trouvé oiseux (La Sale, J.S., 1456, 244)

Tous nous y devons employer. (Pass. Auv., 1477, 157)

Quant a moy, dessy je proppose A partir tout incontinant, Ne je ne requiers autre chose Que voir les Anglois combatant. Je me sens, Dieu mercy, puissant De corps, d'armes et de chevance, Pour m'y employer en tous sens ; C'est tout mon deduit et plaisance. (Myst. siège Orléans H., c.1480-1500, 326)

Ayot, grant philozophe et bon astrologien, fut en fleur, en ce temps, lequel tout son temps s'emploïa aux experimens et pratique d'icelle science (Simon De Phares, Astrol., c.1494-1498, f° 29 r°)

Et depuis, faignant s'emploier à la pacification desdites divisions, suborna et atrahit à luy aucuns de noz principaulx et plusieurs familiers serviteurs, et avec eulx conserva et machina en nostre personne de nous destituer de nostre auctorité et seigneurie et nous demettre de nostre liberté et franchise (Le Clerc, Interp. Roye, c.1502, 242)

Emploi absolu.

S'occuper, être utile.

Et, se li navie dou roy de France passoit, ou des Espagnolz, où il se peuissent emploiier, il se combateroient, car ossi les pourveances de Brest commençoient à amenrir (Froiss., Chron. R., VIII, c.1375-1400, 132)

Là avoit grant foison de bons chevaliers et escuiers qui amoient les armes et qui ne se savoient où emploier, car pour ce temps, quoyque le conte de Foeis leur sire, les eust tous nourris en armes, si avoit-il bonnes trieuwes entre le conte d'Armignac et luy. (Froiss., Chron. M., XII, c.1375-1400, 14)

Faire effort, se dépenser en vue d'un résultat.

...Là vueil amoureusement Vivre et morir ; Là me tir, Là mi desir Sont, là m'employ, Là meint tous le cuers de moy Entierement, Doucement Et humblement, Pour li servir. (Mach., Les lays, 1377, 430)

Seigneurs, emploiés vous en bien faisant, il n'y si fort que du commencier ! (Percef. IV, R., c.1450 [c.1340], 966)

S'employer corps, amis et avoir à qqc. Mettre tout en oeuvre pour qqc..

...de nous emploier corps, amiz et avoir à la réparacion des choses dessusdictes. (Ch. VI, D., t.1, 1405, 275)

S'employer à/de + inf. S'appliquer à.

Li jours fu biaus, la mer fu quoie, Chascuns à bien nagier s'emploie ; Car li vens estoit couvenables, Bons et dous, cois et profitables. (Mach., P. Alex., p.1369, 67)

Et pendant que ces besongnes se faisoient, messire Philebert de Lignach, grant maistre de Rodes, qui estoit en la compaignie du Roy, s'emploia par plusieurs et diverses foiz à inciter les deux parties adverses à estre d'accord et faire paix l'un avec l'autre. (Monstrelet, Chron. D.-A., t.2, c.1425-1440, 279)

'Seigneur, car les tres nobles previleiges de honneur mondain requierent aux nobles cuers que par le tresnoble mestier d'armes chascun de bien en mieulz a son pouoir se employe de acquerir la tresnoble grace d'honneur...' (La Sale, J.S., 1456, 103)

...le mieulx qu'il peut il s'employa a recoigner ce devant. (C.n.n., c.1456-1467, 41)

...il s'employoit de jour et de nuyt de servir Amour partout ou il povoit (C.n.n., c.1456-1467, 365)

Mon cueur s'employe A panser qu'il me fault morir. (Pass. Auv., 1477, 110)

S. NICOLAS. Pour faire a mon serviteur joye, Ceste ame remettray au corps. Sus, anges, que chascun s'employe De chanter quelques beaux accors ! (Mir. st Nic. juif, c.1480-1500, 147)

Mesme tous ceulx de Senes residens S'employerent de luy porter honneur Ainsi qu'a leur tres souverain seigneur (La Vigne, V.N., p.1495, 225)

2.S'emploier en qqn. Consacrer son attention à qqn.

Dame, pour ce me desvoy, Car quant en vous tous m'employ Et je n'ay tour Pour vous veoir, j'y congnoy Ma mort. (Mach., Ch. bal., 1377, 618)

S'ilz [les filles de joie] n'ayment fors que pour l'argent, On ne les ayme que pour l'eure ; Rondement ayment toute gent Et rient lors quant bourse pleure. De celles cy n'est qui ne queurre ; Mais en femmes d'onneur et nom Franc homme, se Dieu me sequeure, Se doit emploier, ailleurs non. (Villon, Test. R.H., 1461-1462, 60)

III. -[Idée de destiner, d'attribuer]

A. -Employer qqn/un animal

1.[Souvent avec un adv. valorisant] Employer qqn (à/en qqn.). Destiner, marier qqn (à qqn).

...je lui vueil ma niepce donner a femme (...) car je sçay bien que en nulle personne ne la porroye je plus souffisamment emploier ne marier. (Bérinus, I, c.1350-1370, 149)

'Roy, nostre message as oÿ, si nous respons, s'il te plaist, ta voulenté et nous vueilles ta fille bailler, car je te dy par ma foy que tu ne la pourras mieulx ne aussi bien emploier'. (Bérinus, I, c.1350-1370, 301)

Tant ait vehut an vous honnour et cortoisie Que je ne saip baron en terre paiennie Ou mez perre m'aroit per foid muelx enploye Qu'an voustre gentilz corpz qui tant a baronnie (Lion Bourges K.P.F., c.1350, 75)

A son perre s'an vint [Florantine] , enver lui s'umelie : 'Sire, dit la pucelle, je vous prie (...), Au queil donnez le pris de la tornoierie ? Et au queil tenez vous que muelx fuisse employe Sans regarder richesse ne haulte signorie, Mais regarder au fait de proesse adrecssie, Et celui qui muelx ait moustréz chiere herdie ?' (Lion Bourges K.P.F., c.1350, 232)

'Seigneurs, se dist le roy, j'ay ma fille emploïe Au plus preux de ce monde, tant com soulleil tournye...' (Tristan Nant. S., c.1350, 293)

Et li contes remest, en grande souspechon, Pensant à sa serour, sa main à son menton ; Mais s'il scéust, de vrai, le haute nourrechon Dont Bauduins estoit, et sa grant nation, Né qu'il fuist du linage Godefroi de Buillon, Bien tenist emploïe sa soer à tel baron. (Baud. Sebourc B., t.1, c.1350, 174)

Se lui sambloit qu'il ne pouoit mieulx emploier sa fille Laurine, voire s'il la vouloit marier. (Percef. III, R., t.2, c.1450 [c.1340], 152)

'...selon mon advis, vous avriez voulentiers en mariage Blanche ma fille, qui est le plus honnourable joyel que j'aye a donner. Et sachiez que je suis bien adverty qu'elle ne peut estre mieulx emploiee, sy me plaist bien que vous l'aiez.' (Percef. III, R., t.2, c.1450 [c.1340], 196)

'Sire, Blanche vostre fille est mariee, au moins s'il vous plaist et au roy Perceforest son oncle qui cy est, au noble roy Lyonnel du Glat. Et au regard de moy, il m'est advis qu'on ne la puet plus haultement employer.' (Percef. IV, R., c.1450 [c.1340], 48)

2.Employer un animal. Placer (chez qqn), confier (à qqn).

...Le chien, l'oisel, la haguenee Fu envoïe et presentee Par un vallet a une dame A qui Dieux gart l'onneur et l'ame, Car trop de bien en oy dire, Et aussi disoit chascuns : 'Sire, Mieus ne les pouez emploier N'a milleur maistresse envoier'. (Mach., F. am., c.1361, 184)

B. -Employer qqc.

1.Employer qqc. (à/en qqn). Donner, destiner qqc. (à qqn), mettre entre les mains de qqn.

...et disoient tous que oncques maiz chevalier n'avoit fait si belle prouesce, et que un grant bien seroit moult tres bien emploié en lui. (Bérinus, I, c.1350-1370, 317)

'...J'ai tant vehut en ly de noble affaitement, Bien tient a amploier en ly mon chaissement.' (Lion Bourges K.P.F., c.1350, 234)

'Per foid, dient paien, or vait bien enploiant L'almonne a celle sotte que li allons donnant, Vesture pour vestir que ne voist engellant...' (Lion Bourges K.P.F., c.1350, 579)

Et donques le bienfaicteur doit plus amer son fait et celui en qui il emploie son fait que le beneficié ne doit amer celui de qui il reçoit (Oresme, E.A.C., c.1370, 475)

Pour ce je pri et suppli au treshaut, treshonouré et trespuissant seigneur, messires Phelippes de France, par la grace de Dieu duc de Bourgoigne, conte de Flandres, d'Artoys et de Bourgoigne, etc.., au quel je envoye mon livre, quar je ne le puis, ce me semble, en nul lieu mieulx employer par trop de raysons, pour le grant et noble lignayge dont il vient, pour les bonnes et nobles coustumes et vaillances qui sont en luy, et pour ce qu'il est maistre de nous touz qui sommes du mestier de venerie. (Gast. Phébus, Livre chasse T., 1387-1389, 291)

...emploié A telz gens est bien la richece, Quant en eulx a sens et largece. (Chr. Piz., Chem. estude P., 1402-1403, 172)

'Damoiselle, ce dist Gerart, grant dommaiges est que en vous est la beaulté quant bonté n'y est assise. Mal est employee en vous le beau corps et belle faitture. De tant nature a mal ouvré que bonté et vertu n'y mist...' (Gérard de Nevers L., c.1451-1464, 105)

Le bracellet est votre : emploier ou qu'il vous plaist le povez (La Sale, J.S. E., 1456, 208)

[Le seigneur de Croy refuse un office que lui offre le roi, en disant] 'Seigneur, il sera trop mieux employé à monseigneur de Maulevrier qu'à moi ; vous n'y pouvez meilleur commettre que luy...' (Chastell., Chron. K., t.5, c.1456-1471, 88)

2.Emploi impersonnel. [Avec une idée de rétribution]

C'est bien employé. C'est bien fait, c'est juste, c'est mérité.

Messires Lois d'Espagne fu trop durement courouchiés de ce que, tantos que li chevalier li furent donné et delivré, que il ne les avoit fait decoler, et moult de aultres signeurs de l'oost tous resjois de ce que on les avoit rescous. Et en disoient li un a l'autre : 'Il est bien emploiiet, car mesires Lois d'Espagne estoit tres mal avisés et consilliés de euls faire voloir morir.' (Froiss., Chron. D., p.1400, 554)

...Et dira l'en que encheü Sont en ce mal par leur deserte, Et, envieux de leur grant perte Seront joyeux, pour ce diront Qu'a ceulx, qui decheüs seront, Il est employé bel et bien Et que venir ne pouoit bien Du tres grant orgueil qu'ilz menoient (Chr. Piz., M.F., I, 1400-1403, 89)

Si ne fut pas mené grant deul de sa mort (...) Et disoit chascum que c'estoit bien employé, car il faisoit ceste guerre a tort et sans raison, et par sa fierté et malice contre le bon roy de Frise, qui ne luy estoit en riens tenu. (Rambaux Frise S., c.1450-1475, 59)

[Un homme a tué l'enfant de sa belle-soeur qui se refusait à lui ; on découvre le crime, les soupçons pèsent sur la femme ; tout le monde accourt] ...le traittre meismes [l'assassin] y vint auec les autres. Tousiours vouloit la dame tuer et disoit a son frere : 'Helas, mon frere, voirement cest [l. c'est] bien employe [l. employé] et a bon droit test [l. t'est] ce meschief aduenu, car tu nous a icy admenee vne ribaulde, qui pour ses demerites fut autreffoiz jugie a mort...' (Miélot, Mir. N.D. W., 1456, 25)

Bien est employé quand/si. C'est bien fait, c'est juste quand/si.

Et dist [Hélène] : 'Biaux sires Dieux que tout biens monteploie, Grant aumosne feriés et moult lie seroie Se mon honneur gardiés, car envis dequerroie ; Ains mais ne me pleut hons, par Dieu que tout avoie, Mais quant voy me besoigne, grant folie feroie Se par mauvais conseil le bien je desvioie ; Bien seroit emploiet, se disette en avoie.' Dont l'acolle ly rois, sen amour ly atroie. (Belle Hélène Const. R., c.1350, 179)

...ung homme qui a plusieurs dames n'est guere souvent trouvé leal, et est bien emploié quant il luy meschiet. (MART. D'AUV., Arrêts Am. R., c.1460-1466, 72)

...je ne sçay lire ne escripre et j'ay voulu faire le curé et ay voulu baptiser les couchons d'une truye : s'il me est mal prins, c'est bien employé. (Macho, Esope R., c.1480, 172)

(C'est) bien employé que. C'est bien fait, c'est mérité que.

Par madame sainte Caterine, ma commere, il seroit bien emploié qu'il vous crevast les yeulx. (Quinze joies mar. R., c.1390-1410, 20)

...bien employé Est que traïtre soit trahi (Chr. Piz., M.F., III, 1400-1403, 130)