TREMBLER

verbe

[T-L : trembler ; GDC : trembler ; DECT : trembler ; FEW (XIII-2, 241a) : *tremulare ; TLF (XVI, 573b) : trembler]

A. -Au propre.

1.[D'une pers., de la main, du corps..., d'un animal] Être agité par de petits mouvements convulsifs (sous l'effet du froid, de la maladie, d'une émotion, de la peur...), trembler.

Desirs l'esprent, Desirs l'assaut, Desirs li fait maint divers saut ; Sans froidure le fait trembler Et sans chaleur le fait suer ; Souspirer li fait maint souspir ; Dementer le fait et gemir ; Il l'art, il l'alume, il l'esprent (Mach., D. verg., a.1340, 37)

La vertu de celui qui est en tremeur qui doit gouverner le mouvement de ses membres ne puet ce faire pour cause de la maladie, et pour ce tremblent les membres et vont puis ça puis la. (Oresme, E.A.C., c.1370, 143)

Morant de fain et tramblant est De la froidure qu'a eu (Mir. Berthe, c.1373, 194)

Et quant Fortune m'ot fait nu et tremblant Par povreté qui ses gens desavance, Lors vint Mauffé à Dangier ressamblant ; Quant l'aperçu, je perdi contenance : Honte m'assaut, Paour me fist grevance. (Mach., App., 1377, 644)

Et si l'aim tant c'on ne puet amer plus. Car, quant je voy son dous viaire cler Et je li vueil descouvrir ma dolour, Honte m'assaut, paour me fait trambler, Amour m'esprent, biauté et grant douçour Me font perdre sens, maniere et vigour ; Si que je sui en .J. transissement, Ne je ne sens ne joie ne tourment. (Mach., L. dames, 1377, 19)

Elle me fait trambler et tressuer, Taindre, palir, fremir en tressaillant, Quant pour ma mort voy en corps si vaillant Ouvertement, de fait et de pensée, Cuer de marbre couronné d'aïmant, Ourlé de fer, à la pointe asserée. (Mach., L. dames, 1377, 223)

Sire, il a grant paour qui tremble. Cilz chevaliers, je croy, cuide prendre les grues en voulant. Par foy, il fauldra bien a ce qu'il pense. On ne prent pas tels chaz sans moufles. Sire roy, je vous dy qu'il a menty de quanqu'il vous a dit, car mon pere est preudoms et loyaulx. (Arras, c.1392-1393, 59)

DEUS. [à Caïn] (...) Or escoute c'on te fera : Sur toy mectrons signe voiant Car toujours tu seras trenblant Et seras paralitique [Sur le tremblement dont fut affecté Caïn après le meurtre d'Abel, v. J. R. Smeets, L'arme et le signe de Caïn ds Romania 115, 1997, 552-562] . (Pass. Semur D.M., c.1420 [1488], 24)

Item, je lesse aux hospitaux Mes chassis tissus d'arignie, Et aux gisans soubz les estaulx Chacun sur l'eul une grongnee, Trambler a chiere renfrongnee, Megres, velus et morfondus, Chausses courtes, robe rongnee, Gelez, murdriz et enfondus. (Villon, Lais R.H., c.1456-1457, 25)

Qui fut bien esbahie, ce fut la pouvre chambriere, qui a pou trembloit, tant estoit asserrée (C.n.n., c.1456-1467, 117)

...sa femme, la face rosée, se print a trembler quand deut donner responses aux requestes que son espoux luy avoit fait. (C.n.n., c.1456-1467, 564)

...pour la grand joye et ardent desir qu'elle avoit de tenir son clerc en sa maison, trembloit et ne savoit tenir maniere. (C.n.n., c.1456-1467, 571)

Et puis il [l'aigle] retourne a son nid, et ses jones pouchins le soustiennent et nourrissent, et commence a trambler comme aiant les fievres, et commence aprez a suer. (Somme abr., c.1477-1481, 179)

Et sur sa teste sont plumes longues. Et n'est pas ce que les medecins appellent quaterne et aultrement hoche cul car sa queue tremble ; c'est ung petit oyselet ayant longue queue, laquelle est hochant pareillement. (Rég. santé corps C., 1480, 71)

Dist semblablement : 'J'ay une plume de laquelle je escry et nul n'en peut escripre fors moy et, si l'on s'en efforce, la main tremble par merveilleuse maniere'. (Simon De Phares, Astrol., c.1494-1498, f° 77 v°)

Trembler de

Car je n'i savoie moien, Tant estoit en estroit loien Mes cuers qui de paour trambloit. (Mach., R. Fort., c.1341, 27)

Et quant je vi ces aventures Si diverses et si obscures, Je ne fui mie si hardis Que moult ne fusse acouardis. Car tuit li plus hardi trambloient De paour de mort qu'il avoient. (Mach., J. R. Nav., 1349, 152)

Adont durement me doubtay Et dedens mon lit me boutay. Il sambloit que j'eüsse fievres, Car je sui plus couars qu'uns lievres, Et si trambloie, et goute a goute Suoie d'effroy et de doubte. (Mach., F. am., c.1361, 146)

...si retourna en sa chambre tout fracheneux, et dist à l'un de ses varlez de chambre : 'Appareillié-moy ce lit, car je m'y vueil ung petit couchier et reposer.' Il fut fait ; il se despoulla et se mist en ce lit. Quant il fut couchiez, il commença à trambler de froit, et ne se povoit reschauffer, (Froiss., Chron. M., XIV, c.1375-1400, 187)

...cuer et corps et tuit li membre Me vont tremblant de grant hideur De sa tres orrible laideur. (Chr. Piz., Chem. estude P., 1402-1403, 97)

Lors veissiés femmes et moynnes de paour tembler, plorer et maudire l'eure que ilz estoient la assemblez. (La Sale, J.S., 1456, 294)

Or meurs je les membres tous sains, Et tout en bon point se me semble : Je n'ay mal sinon que je tramble De peur et de malle froidure. (Fr. arch. B., c.1468-1480, 41)

Le corps/une partie du corps tremble à qqn

...touz li corps me tremble, Ce m'est avis, de la paour Que je ne perde mon seignour (Mir. femme roy Port., c.1342, 177)

Je muir ; certes le corps me tremble Aussi conme la fueille ou tremble, Et piez et mains, voire, et mi dent Me tremblent tuit (Mir. mère pape, c.1355, 391)

Car puis n'a mengié ne beü, Eins li fremissent tuit li membre Toutes les fois qu'il se remembre De la main, et li corps li tramble Plus que ne fait la fueille en tramble. (Mach., C. ami, 1357, 26)

... le cueur me tramble De villiesse et de maladie. (Myst. st Sébast. M., c.1450-1500, 99)

Estes vous la et nous moustrez Vostre pouoir ? Mais n'as semblant, Car tout ton corps te va tremblant. (Myst. Pass. Amb. R., c.1474-1500, 69)

Pensez que tout le corps leur tramble Et ne savent plus ou fouyr. (Myst. siège Orléans H., c.1480-1500, 264)

Vrayement je n'ay cueur, corps ne membre qui ne me tremble et ne sçay quel propos tenir quant me recorde de la grant entreprise que moy povre, simple et fragile fille ay conceue pour me trouver devant si tres hault et inestimable Royaulté. (La Vigne, V.N., p.1495, 297)

Bricet ie cuide a mon pouuoir Que iay les fiebures vrayement La peau me tremble et les os tant Et commence du tout a faillir Ie croy que ie me veux mourir (Myst. st Martin K., a.1500, 348)

Trembler dent à dent. Claquer des dents.

Je meurs de seuf auprés de la fontaine, Chault comme feu et tremble dent a dent (Villon, Poèmes variés R.H., c.1456-1463, 46)

Trembler les fievres. Voir fièvreFrissonner de fièvre.

Je l'ay trop bien garist de fievre ; Jamais plus ne les tremblera. (Myst. st Bern. Menth. L., c.1450, 45)

Mais j'en tremblay les fievres blanches. (B. veoir, p.1480, 20)

Remarque : Cf. T-L X, 576.

Trembler comme une feuille. Voir feuille

infinitif substantivé. Fait de trembler.

La loy Dieu, tu [Pierre] es de ces gens, Ne te vaul riens le tranbler. Je te viz bien a l'asanbler, Que ceste oreille me coppas. (Pass. Semur D.M., c.1420 [1488], 184)

2.[D'une chose]

a)Être agité de petits mouvements d'oscillation.

Se vous diray ce qui m'i fait doloir : Dame, il me samble Qu'une chose qui se part et assamble En pluseurs lieus, et avec c'elle tramble Et n'arreste ne que fueille de tramble, Et n'est estable, Eins est toudis changant et variable, Puis ci, puis la, or au feu, a la table, Et puis ailleurs, c'est chose moult doubtable, Car nullement On ne la puet avoir seürement (Mach., J. R. Beh., c.1340, 97)

En ceste gent dont je vous conte Demouroient Paours et Honte ; Car einsi com la fueille en tramble Contre le vent fremist et tramble, Leur trambloit li corps et les james En la presence de leurs dames, Voire, dès le piet jusqu'en chief, Tant avoient il de meschief (Mach., D. Lyon, 1342, 196)

b)Être agité de secousses.

[D'une construction, de pierres...]

Et un pou après vespres oit un grant escroiz, et voit tout le comble de la tour trembler. (Arras, c.1392-1393, 297)

Tramble-terre pareilhement Ce fait par la force du vant, Que dessoubz terre s'est inclus, Et les pierres que sont dessus La terre, a force tramblent, Se romperent pour ce tramblement (Pass. Auv., 1477, 274)

[De la terre]

Li ciel qui de leur haut vëoient Les meschiés qu'a venir estoient Au monde, en pluseurs lieus plourerent De pitié sanc et degouterent, Si que de leur mervilleus plour La terre trembla de paour, Ce dient pluseurs qui ce virent, Dont villes et citez fondirent En Alemaingne, en Quarenteinne, Assez plus d'une quaranteinne, Dont je n'en say mie la somme (Mach., J. R. Nav., 1349, 143)

Les diex tant courrouciez s'en sont Que la terre ay senti trembler (Mir. st Panth., 1364, 363)

...lors fu l'arbre coupé Dont la terre trembla de grant pesance Et le soleil noircy de desplaisance (Mir. Berthe, c.1373, 253)

Je Satan suis cilz par qui terre tramble (Jour Jug. R., c.1380-1400, 224)

Et, avant son partement dudit Amboise, advint que, le jour veille d'Ascension Nostre Seigneur, la terre trembla à Tours, audit lieu d'Amboise et autres lieux en Touraine. (Roye, Chron. scand., I, 1460-1483, 205)

...à l'heure que ladicte terre ainsy horriblement trembla... (Escouchy, Chron. B., t.2, a.1465, 347)

La terre trambloit par esfors ; Ressussité sont pluseurs mortz. [Cf. Matth. 27, 51-52] (Pass. Auv., 1477, 274)

La terre briefment tremblera Quant ressuscitera mon filz (Myst. Pass. Troyes B., a.1482, 829)

Emploi transitif. Trembler qqc. Agiter qqc..

Remarque : Percef. IV, R., c.1450 [c.1340], gloss. (trambler).

B. -Par analogie.

1.Bouger, remuer.

Soit chault ou froit, mes qu'il ne tramble, Il le fault descendre de la [de la croix] . (Pass. Auv., 1477, 250)

[Du pouls, du coeur] Palpiter.

Es fievres, ceulx qui ont grant embrasement environ le ventre et mordicacion ou mouvement tremblant du cuer, tous ces signes sont mauvaiz. (Saint-gille, A.Y., 1362-1365, 78)

Le pouls lui tremble

Mon filz, le pouls plus ne vous tramble. Las, je ne m'en esbays pas, Car foés, verges et cloux ensemble Et la croix vous ont mis a bas. (Pass. Auv., 1477, 258)

2.[De la vue] Scintiller.

Et de toutes les estoilles ou corps du ciel visibles, le soleil tout seul appert estre ainsi meu et seulement quant il lieve et quant il rescouse ou pres de cel temps. Et ce n'est pas pour ce que il soit ainsi meu, mais est pour ce que il est loing de nous, car pour la fleblesce de notre veue qui est loing du soleil a grant distance elle tremble. (Oresme, C.M., c.1377, 448)

3.[De la voix] Osciller.

...en ceste maniere causa sa gracieuse response, combien que voix tremblant la pronunçast (C.n.n., c.1456-1467, 565)

C. -Au figuré. Être pris de peur, être saisi de frayeur.

...Devers la dame [le lion] se treÿ Qu'il ama moult et oubeÿ, Et devant li s'ageloigna : Bien vi que moult la ressoingna, S'avoit sa queue entre ses gemmes. Mais de toutes les autres dames Ne faisoit chiere ne samblant. Mais belement, a cuer tremblant, Devers la dame s'aprochoit, Si que sa robe a li touchoit, Si coucha sa teste desseure. (Mach., D. Lyon, 1342, 177)

Et li a dit : 'Vous ne savez, Li roy de Chypre vuet venir Seur nous ; plus ne s'en puet tenir. Toute sa gent a mis ensamble, Et nostre gent devant li tramble Et fuit ; certes il nous nuira Tant, s'il puet, qu'il nous destruira. Ottroions li ce qu'il demande, Si que jamais ne nous offende ; Car cils ne vit pas qui n'a pais...' (Mach., P. Alex., p.1369, 132)

...maiz en servage Chiet grant fortune, ce me semble, Et le plus fortuné plus tramble Et est le plus tost decheü. (Gris., 1395, 80)

Tous li pais conmença a trambler pour la venue des Englois, car il ne savoient la pour ces jours que c'estoit de gerre, ne de trop lonch temps point n'en avoient eu. (Froiss., Chron. D., p.1400, 606)

Et quant je entreoÿ la fin de [c]es paroles, lors parfondement je souspiray et tramblay (Gers., Trin., 1402, 164)

...car justice est de soy sy tresespoentable et rigoreuse qu'il n'est sy grant que ne face trambler (La Sale, Salade, c.1442-1444, 9)

PREMIER CHEVALIER. Treshault seigneur soubz qui tout tremble, Vostre chancellier dit tresbien (Myst. st Adr. P., c.1450-1485, 91)

Considere apres comme ton ame est craintiue et tremble souuent quant elle voit les dangiers en quoy elle est. (Cib., p.1451, 198)

Item, [pour mes obsèques] je vueil qu'on sonne a bransle Le groz beffroy qui est de voirre, Combien qu'il n'est cueur qui ne tremble Quant de sonner est a son erre. (Villon, Test. R.H., 1461-1462, 144)

Chescune creature tramble, Si me semble, Quand les pecheurs Dieu punit, Les bons et maulvaiz ensemble, Car fort ample La justice Dieu reluit. (Pass. Auv., 1477, 224)

...touttefois avoit dit que Romme jamais ne trembleroit (Simon De Phares, Astrol., c.1494-1498, f° 73 v°)

Faire trembler qqn. Inspirer à qqn une extrême frayeur.

Cestui predist, comme plaist à aucuns, la victoire que eut en Espaigne le duc Magone et partie des prodiges qui firent trembler les Rommains, c'est assavoir l'apetissement du Soleil et la bataille entre le Soleil et la Lune (Simon De Phares, Astrol., c.1494-1498, f° 65 r°)