SUPERFLUITÉ

substantif féminin

[T-L : superflüité ; GD : superfluité ; GDC : superfluité ; FEW (XII, 441a) : superfluus ; TLF (XV, 1104b) : superfluité]

A. -Abondance, profusion.

Et a l'estat, maintieng et gouvernement que vous avez veu en elle [Mélusine] , vous povez assez appercevoir qu'elle n'a pas esté nourrie en mendicité ne en rudesse, mais en superfluité de bien, d'onnour et de largesse de tous biens. (Arras, c.1392-1393, 44)

S'en vous ne fust grant providence Et superfluité de sens, Vous n'eussiez pas comme je sens Pronunciet la quarte partie Du dictier plain de melodie Que de vo bouche sainte et digne Est yssu, madame et cousine. (Marcadé, Myst. Pass. Arras R., a.1440, 15)

J'ay superfluité de joie En toy veant mon beau doubz fils, J'ay de leesse la mon joye Plus qu'oncques en ma vie ne fis. (Marcadé, Myst. Pass. Arras R., a.1440, 48)

Ce dont on dispose en abondance.

Tous les jours nous ne faillions point que nous n'eussions quelque bonne prise, dont nous estoufions nos superfluitez et jolietez, et maintenant, tout nous est mort (Froiss., Chron. M., XII, c.1375-1400, 205)

Avoir qqc. à superfluité

Item, par ce qu'il ont participation en mer il pevent recevoir et avoir les choses quelconques qui ne sunt devers eulz en leur region, et pevent par ce envoier hors les choses qui cressent en leur region et dont il ont a superfluité. (Oresme, Pol. Arist. M., c.1372-1374, 295)

B. -Surabondance, ce qui est superflu.

1.[À propos d'un phénomène naturel]

a)Ce qui est de trop, qui est en excès.

S'il advient superfluité de menstrues il vienent plusieurs maladies ; maiz quant tel flux deffaut a la fame, il faut qu'elle choe en maladie. (Saint-gille, A.Y., 1362-1365, 87)

...ilz s'en fuirent es champs, habandonnans villes et maisons, et se logeoient en tentes et pavillons (...). Plut toutevoyez si habandonneement et par telle superfluité que necessité les constraignoit de eulx retraire (Chastell., Chron. IV, D., c.1461-1472, 99)

Ce qui est de trop dans un corps, matière en surabondance, résidu.

La partie dollent pourra atraire les superfluitez des humeurs, et ainsi causer apostume es corps qui sont en convalescence. (Saint-gille, A.Y., 1362-1365, 75)

Li solail qui lors ha grant poissance (...) de consumer les superfluités qui sont en l'air consume lors plus fort la matere des vens (Evr. Conty, Probl. Aristote, 1380, XXV, 4, 189 r°)

Maiz tous ceulx, à vérité dire, Qui sont repletz d'umidité Ou d'autre superfluité, Ainsi que volentiers avient En tout temps disconvénient, Doivent penser soigneusement À soy purgier hastivement (La Haye, P. peste, 1426, 115)

...la gresse, les poilz et les ungles, lesquieulx, jaçoit ce qui ne soient pas proprement membres mais ne sont que superfluités, toutesfoys ilz ont aulcune utillité ou regeneracion comme les aultres membres (Panis, Guidon, 1478, tr.I, doct.1, chap.1)

Et en luy [l'os basilaire] sont pertuis et plusieurs espongiosités pour espurgier les grosses superfluités (Panis, Guidon, 1478, tr.I, doct.2, chap.1)

...par lesquieulx chenaulx [des narines] , la vapeur de la fumee est atiree esditz lieux et l'air est inspiré au polmon en son temps et les superfluités du cervel sont espurgiés. (Panis, Guidon, 1478, tr.I, doct.2, chap.2)

...bouter hors les superfluités (Panis, Guidon, 1478, tr.I, doct.2, chap.5)

...les superfluités fecales ou la merde (Panis, Guidon, 1478, tr.I, doct.2, chap.6)

...la colere qui est envoyee a la bource du fiel, et la melencollie a la ratelle, le flegme aux joinctures et la superfluité aigouse aux rongnons et a la vescie. (Panis, Guidon, 1478, tr.I, doct.2, chap.6)

Sordes est superfluité grosse engendree des humeurs grosses et est triple : une espece non esgualle et caillee blanche, l'autre noyre et l'autre comme lye cendrose. (Panis, Guidon, 1478, tr.IV, doct.1, chap.1)

Le second est que l'omme aprés son lever doit laver ses mains a cause que se sont les instruments a entretenir a mondifier les membres organiques par lesquelz les suparfluités du corps sont expulsees, comme le cerveau par les narilles, par les yeulx, oreille, et aultres conduitz. (Rég. santé corps C., 1480, 4)

b)En particulier.

Excréments.

...ses superfluités [de l'agneau] mesmes sont a fumer les terres profitables. (Evr. Conty, Eschez amour. mor. G.-T.R., c.1400, 637)

Superfluité d'eau. Inondation.

Remarque : HENRI FERR., Modus et Ratio T., c.1354-1377, gloss.

[À propos d'un métal] Impuretés.

Item il [l'or] ne se pourrit point ne ne consume, ne par ruil ne par feu, ainz le purefie le feu et le netoie de toutes superfluités, et pour ce est il de tous le plus durables. (Evr. Conty, Eschez amour. mor. G.-T.R., c.1400, 683)

2.Ce qui est excessif, excès.

...mez pour certain ricessez i ont aporté avarice, et habundans delicez i ont embatu le desir de toutez chosez perdre et perillier par superfluité et luxure (Bers., I, 1, c.1354-1359, Préf.. 12, 3)

Et est assavoir que il n'est pas a entendre que nature face un homme estre incontinent, mais aucuns sont pour la malice de leur complexion trop enclins a superfluité de delectacions corporeles. (Oresme, E.A.C., c.1370, 399)

...et superfluité de vices. (Foul., Policrat. B., V, 1372, 290)

Des vivres qu'il trouvoient, faisoient il grans superfluités, car ce qui leur demoroit il ardoient et exilloient (Froiss., Chron. L., IV, c.1375-1400, 197)

Les haulx princes terriens vous ont donné les biens et les possessions et les richesses pour servir Dieu, et vous les dispensez et alevez en orgueil, en beubans, en pompes et en superfluitez (Froiss., Chron. M., XII, c.1375-1400, 231)

...che saint cardinal fut ung homme en son temps de très noble et bonne vie et devote, ... Les vanitez et superfluitez et le pompe de ce monde il fuyoit et eschievoit (Froiss., Chron. M., XIV, c.1375-1400, 184)

Il [un chevalier] commanda a retaillier Les superfluitez de l'ost. Ce fu qu'il ordena et vost : Que les foles femmes qui traites Estoient en l'ost, hors retraites En fussent (Chr. Piz., Chem. estude P., 1402-1403, 186-187)

...le mareschal est net de cestui vice de charnalité et de toute superfluité, qui est parfaict signe de sa continence (Bouciquaut L., 1409, 417)

Comme ensuyvant est récité, Eviter superfluité, Tant en boire comme en mengier. Aussi semble il un groz dangier De mengier lors, en vérité, Choses de grant humidité (La Haye, P. peste, 1426, 89)

C'est a dire, mon ami : Eschieve oiseuse, superfluité de vins et de viandes, afin qu'en luxure tu ne soies soillié (La Sale, J.S., 1456, 24)

À superfluité. En surabondance.

...et que nous ayons (...) nos necessitez temporelles non mie a superfluité mais selon ce qu'il est convenable et plaisant a la divine volenté (Jean Golein, Rational B.D., c.1370-1372, 345)

3.Ce qui est en trop, qui est inutile, sans nécessité.

Escripre superfluité est espece de vantise, soy taire de choses necessaires est contempnement (Daudin, De la erudition H., c.1360-1380, 136)

...l'ordonnance que nous avons pieça faite d'oster la superfluité de noz sergens et ramener à souffisant nombre, nous voulons et commandons qu'elle [soit] tenue, gardée et acomplie et mise à execucion (Cout. bourg. glosé P.M., c.1380-1400, 80)

Il rumpi un sien goudet de bois, pensant que ce estoit superfluite, et aprés beut a ses mains. (Premierfait, Cas nobles hommes G., 1409, 200)

...la superfluité des biens mondains, qui est nourrice de sedicions et de murmure... (Chart., Q. inv., 1422, 2)

Et ne veulx pas dire que il n'y ait plusieurs prelats qui sont gens de bien et qui font grandement et notablement leur devoir, tant en predicacions que aultrement, en ediffiant leur peuple pour le salut de leurs ames et par bonne maniere, sans faire chose digne de reprehension, ont de quoy humblement tenir leur estat moyennement, sans superfluite (Juv. Urs., Verba, 1452, 376)

Dont vient ceste perdicion ? N'esse pas oingnement perdu ? Il vaulsist mieulx qu'il fust vendu, Et donné aux povres le pris, J'entends l'argent qu'on en eust pris. N'esse pas superfluïtté ? (Myst. Pass. Troyes B., a.1482, 548)

...en superfluitez de vestemens (Tardif, Facéties Pogge D.H.-P., c.1490, 161)