REDITE

substantif féminin

[T-L : redite ; GDC : redite ; FEW (III, 68b) : dicere ; TLF (XIV, 575a) : redite]

A. -Répétition de ce qui a déjà été dit ou écrit, redite.

Car il sont moult de lapidayres par le monde qui ont estet fais par moult de vaillans maistres et souffisans precieus asquels je m'acorde assés ; et seroit redittes et choze nient neccessayre que je en fesisse un nouviel traytiet. (Mandeville, Lap. M., c.1350-1390, 185)

Mon mantel en mon col fermay Et mis mon chapel sus mon chief, Et puis je lus de chief en chief La complainte qu'avoie escripte Pour vir s'il y avoit redite, Mais nes une n'en y trouvay ; Et encor moult bien esprouvay Qu'il y avoit, dont j'eus merveilles, Cent rimes toutes despareilles. (Mach., F. am., c.1361, 180)

Et se j'ai dit ou trop ou pau, Pas ne mespren, car, par saint Pau, Ma dame vueult qu'ainsi le face Soubz pene de perdre sa grace. Et bien vuelt que chascuns le sache, Puis qu'il n'i ha vice ne tache ; Et se le contraire y heüst, Elle bien taire s'en sceüst Et au celer bien li aidaisse, Car par ma foi bien le celaisse. Je vous ai ceste chose ditte, Mais ne m'en chaut se c'est reditte. (Mach., Voir, 1364, 366)

La response avez assez oy, je n'ay que faire d'en plus parler, car ce seroit reditte. (Froiss., Chron. M., XIV, c.1375-1400, 17)

Et couvient que la taille de chascune couple a deux paragrafes soient d'une rime toutes differens l'une couple a l'autre, excepté tant seulement que la derreniere couple des .XII., qui font .XXIIII., et qui est et doit estre conclusion du lay, soit de pareille rime, et d'autant de vers, sanz redite, comme la premiere couple (Desch., Art dictier R., 1392, 288)

Des vins et viandes parler ne seroient que redictes ; et, pour trousser le compte court, faulte n'y avoit que du trop. (C.n.n., c.1456-1467, 25)

Pour Dieu, ayez lors souvenance De moy, vostre mere Esperance. Je l'ay tant dit que c'est redicte (RENÉ D'ANJOU, Cuer am. espris W., 1457, 56)

Item, en ensuivant l'ordonnance autrefois faicte en l'Eschiquier, la court commande ausdits advocas, sur paine d'amende, [qu']ils abregent leurs plaidoieries et qu'ils alleguent le plus tost qu'ilz pourront les principalles raisons et fais necessaires et qui pevent prouver leurs matieres, sans faire reiterations ou redites (Echiq. Normandie S., 1462, 62)

Nous ne procedons que par ditz Et menasses de longue main : Telz fabuses sont tout en vain, Nostre fait n'a point de conduitte, Ce n'est tousjours que une redicte, Se sont noz ditz et noz façons. (Myst. Pass. Troyes B., a.1482, 564)

B. -Point qui prête à la critique, qui est à reprendre.

Quant il ot finé sa parole, Qui ne fu villaine ne fole, Ainssois fu si sagement dite Qu'il n'i ot vice ne redite, Je respondi courtoisement : 'Gentilz compains, certainement Vous avez fait vostre message...' [Ou sens A, sans plus ?] (Mach., Voir, 1364, 54)

En ces .II. mois que dit vous ay, En ma maladie dittay Et en mon lit ces .IIII. choses Qui sont en ces lettres encloses Et sont icy aprés escriptes ; Et se faute y ha ou redites, Maladie m'escusera Envers celui qui les lira [Là aussi sens A, sans plus ?] . (Mach., Voir, 1364, 110)

Parfait y est tout, partout sans redicte, Chois de nature, de grace circumscripte, Qui toutes passe, sans des autres mesdire, Je ne voy pas qu'on en puisse mais dire. (Robertet, Oeuvres Z., c.1450-1500, 106)

LE COQUIN. Vous voyez l'estat ou je suis, Je croy qu'il fault que je vous quicte. LE PRINCIPAL. (Et pour) Quoy ? LE COQUIN. Cela est une redicte. Jamais ne me fistes nul bien. (Sots gard., a.1488, 111)

SAINCT MARTIN. (...) Clerc m'avez fait Sans nul forfait Et puis reffait Humble acollite Tant qu'en effect, En dit et fait, De cueur parfait, Je me delicte En loy escripte Qui, sans redicte, Je croy, pour estre en Dieu reffait, Sans nullement estre ypocrite, En ce poinct comme on l'a tanscripte Et que vous la m'avez produyte Affin que ne soye deffaict. (La Vigne, S.M., 1496, 275)