RUMEUR

substantif masculin et féminin

[T-L : rumor ; GD : remor1 ; FEW (X, 565a) : rumor ; TLF (XIV, 1356b) : rumeur]

A. -Bruit sourd (dans les choses).

Selon ce que par leurs natures, Ou gracieuses ou trop dures, Font diverses commotions De diverses conditions Des esperiz et des humeurs, D'ont sourdent naturelz rumeurs Et discrasie en corps humain (La Haye, P. peste, 1426, 109)

B. -Bruit, tapage.

On ne pourroit aler ung tout seul pas Que l'en n'oïst voirement, a grant tas, Tout alentour Chanter oiseaux et faire grant rimour. (RENÉ D'ANJOU, Regn. et Jann. R., c.1457-1461, 56)

C. -[À propos d'une foule]

1.Bruit d'une foule.

Mais comme ce fust par traictié de aucuns nobles de la ville, madicte dame fust relaxee pour estre a une feste en la ville ; dont se leva une grant rimeur par les nobles et le commun de la ville en fureur de peupple, criant : Vive la royne ! Vive la royne ! Vive la royne ! (La Sale, Salade, c.1442-1444, 194)

...incontinent que les Grecz oyront la rumeur de ton armee, ilz ne attendront pas les messages qui porteront tes deffiances, mais habandonneront le pays et s'en fuyront. (Fillastre, Traité Conseil H., c.1472-1473, 169)

2.En particulier. Bruit confus et menaçant d'une foule qui manifeste son mécontentement ou une intention de violence, de révolte.

...le president premier pour la Court a respondu que grant rumeur et clameur a esté du grant excès qui a esté fait à Tholouse par ceulx de la dicte Université (Baye, I, 1400-1410, 195)

Les rummeurs des dieux et les haines Vers les creatures humaines, Procedant des faultes villaines Par eulx faictes et parpetrees, Contre les bontez souveraines D'iceulx dieux comme en leurs demaines Puis je ne scay quantes sepmaines Par escriptures trescertaines Ont esté prouvees et monstrees. (Cene dieux, c.1492, 133)

[D'une foule] Estre en rumeur. Gronder, être menaçant.

Le soudan qu'estoit un enfant En avoit le cuer moult dolent, Mais ne se savoit entremettre Si qu'il y sceüst conseil mettre, Car quant pueples est en rumour N'i a courtoisie n'amour, Einsois est si mortels peris Com pour en l'eure estre peris. (Mach., P. Alex., p.1369, 187)

3.Par métonymie. Mouvement de révolte, sédition ; p. ext. querelle, conflit.

Car il sont perdu et honni, Se si pareil et si onni Ne sont qu'en bien et mal commun Soient, et en tous cas comme un, Sans pensée avoir de maistrie, De haussage ou de signourie. Qu'adès a tençon et rumour [var. rancour] Entre signourie et amour. (Mach., R. Fort., c.1341, 148)

...il se maintenrony si bellement et si quoiement qu'il ne feront rumeur nulle, entre yaus quelconques (Froiss., Chron. R., VIII, c.1375-1400, 169)

...les consuls et les plus notables d'icelle ville trairoient les mors, qui en la rumeur avoient esté occis, des puis où ilz les avoient gettez (Chron. Jean II Ch. V, D., t.2, c.1380, 374)

...nous voulons savoir quelle diligence en sera par vous faitte, attendu la matière qui est grande, laquelle nous avons bien à cuer et voulons que par justice elle preigne fin ; telement que ce soit exemple à autres qui voudroient faire esmeutes ou rumeur en nostre ditte ville. (Hist. Lille T., t.1, 1385, 55)

Glaude, nous voulons bien que vous sachiez qu'il n'a si grant lignaige en cest pays ne marchissant, s'il se prent a vous, que nous ne vous aidons vostre droit a soustenir. Et sur ce s'en party. Et ot pluseurs rumeurs ou il ot pou de droit, en aucuns desquelx nous lui aidasmes a en yssir a son honneur (Arras, c.1392-1393, 211)

...quant en l'ost des roys catholiques, l'anemi de l'umaine nature procurant, aucuns rumours, debas ou dissentions sourdront ou seront taillie de sourdre, comme il est bien a coustume es grans host, qui aucunefois sont pas bien regule, tel cas avenant, le prince de la Chevalerie du Crucifix, en personne ou par ses grans officiaux, selonc l'estat et dignite dez personnes esquelles sera le debat, se travellera a son plain pooir d'estaindre lesdis debas (Mézières, Sustance H., 1396, 50)

...qant il quideroit estre le mieuls d'euls, uns rumours et uns debas s'esmouveroit a Bruges ou a Gant ou a Ippre de ses gens as Flamens, selonc ce que Flamenc sont chaut et merancolieus (Froiss., Chron. D., p.1400, 450)

Or est ainsi que d'oultraige et de desordonnance vient murmure, de murmure rumeur et de rumeur division et de division desolation et esclandre. (Chart., Q. inv., 1422, 38)

Aussy as tu leu de ceux qui furent chiefz de la rumeur et achoison de desobeissance (Chart., L. Esp., c.1429-1430, 76)

[Appollon au peuple de la cité] Et a la verité, Zechius et Zethephius sont sages et attemprés et propres a telles dignités excercer. Recepvez les comme vous y estes tenus. En ce faisant, paix et amour s'enrachineront entre vous, et n'y aura homme qui rumeur, rancune ne noise machiner ou conspirer y oze (LEFÈVRE (R.), Hist. Jason P., c.1460, 180)

...une telle rumeur et tel discord s'esmeut entre le pere et le filz, que le pere fist depuis plusieurs traictez au prejudice du seigneur d'Arguel et de ses hoirs, et au prouffit des enfanz qu'il avoit de celle fille d'Armignac (La Marche, Mém., II, c.1470, 171)

...lequel livre fut cause de le advertir de plusieurs secretz, et par icelui il prenostica et predist la terrible rumeur, qui fut en la terre des Romains et de Babillonie (Simon De Phares, Astrol., c.1494-1498, f° 41 r°)

Fist ou Capitol de Romme les ymages de toutes les provinces, qui se mouvoient et frappoient sur leurs tintinabuz qu'ils avoient au col, si tost que quelque rumeur ou division venoit en la province, affin que incontinent le Senat y pourveust. (Simon De Phares, Astrol., c.1494-1498, f° 71 r°)

Cestui, au moïen de ses experiences fut stipendié de plusieurs princes. Il predist les grandes innundacions et deluges des eaues et l'eslevacion et rumeur de la commune de Millan, de quoy il fut moult aprecié. (Simon De Phares, Astrol., c.1494-1498, f° 87 v°)

D. -Bruit qui court, rumeur.

Et s'à li fais clamour, En doubt et en cremour, De desir, qui freour Met en moy et rumour Et me fait maint estour, Dont mi mal sont piour Et dont je descolour, Mi mal en sont menour. (Mach., Vez ci, 1364, 273)

Et sans faille, avec ce n'est mie doubte que meismes des simples gens de mestier est il de tres bons et qui nullement à telz rumeurs ne se vouldroient ingerer (Chr. Piz., Paix W., 1412-1413, 132)

Beneurees sont les oreilles qui reçoipvent les vaines du divin susurre, et des rumeurs de ce monde ne tiengnent compte ! (Internele consol. P., 1447, 63)

Se tu te sustrais de loquucions superflues et de circuicions oiseuses et d'oïr nouvelletés et rumeurs, tu trouveras temps suffisant et convenable pour entendre, et toy tenir en bonnes meditacions. (Internele consol. P., 1447, 323)

Et, ainsi privéement que dit est, s'en ala jusques audit lieu de Peronne pardevers ledit Charrolois, le XIIIIe jour dudit moys d'octobre. Lequel Charrolois lui fist grande reverence comme bien tenu y estoit ; et puis parlerent ensemble longuement et devindrent bien contens l'un de l'autre, quelque rumeur qu'il y eust eue auparavant, et tellement pacifierent ensemble qu'ilz firent entr'eulx paix, et jura ledit monseigneur de Bourgongne que jamais ne feroit riens contre le roy et qu'il vouloit du tout vivre et mourir pour lui. (Roye, Chron. scand., I, 1460-1483, 214)

Remarque : Percef. I, R., c.1450 [c.1340], gloss. ; Percef. IV, R., c.1450 [c.1340], gloss.

Rumeur est que. Le bruit court que.

Et pour ce que rumeur fut que l'en tuoit les gens de Savoisy en son hostel, aucunes gens d'entour le bordeau de Tyron trairent et issirent de la taverne (Baye, I, 1400-1410, 107)

Le conte de Nevers, frere du duc de Bourgoigne (...) a fait proposer que nagueres lui venu à Paris a entendu que rumeur estoit qu'il avoit fait pendre et estrangler un sergent royal (Baye, I, 1400-1410, 284)