RENOMMEE

substantif féminin

[T-L : renomee ; GD : renommee ; GDC : renommee ; DECT : renomee ; FEW (VII, 180b) : nominare ; TLF (XIV, 817a) : renommée]

A. -Fait d'être connu favorablement ou non, réputation que l'opinion fait à qqn. (synonyme renom)

1.[Un adj. (ou un compl. déterminatif) précise la qualité de la réputation]

...Et vous souliez estre si sainte Que pour vo sainte renommée Fustes vous abbesse sacrée (Mir. abbeesse, 1340, 91)

...Et moult y couvient travillier, Moult jeüner et moult veillier, Meinte chaleur, meinte froidure, Meint grant peril, meinte aventure, Meinte dolour, meinte pensée, Pour garder bonne renommée. (Mach., D. Lyon, 1342, 211)

Il avoit en celle saison Un chevalier noble et gentil Ou royaume, sage et soutil, Et de moult haute renommée : Ce fu Guillaumes Longue Espée, Qui fu chevaliers moult parfais, Bien esprouvez en mains bons fais (Mach., D. Aler., a.1349, 312)

Après tu dois considerer Dedens ton cuer et figurer Les vertus dont elle est paree Et sa tres bonne renommee, Ses meurs et ses conditions Qui en toutes perfections La parfont si de corps et d'ame Qu'on la tient pour la milleur dame Qui soit en monde et la plus belle (Mach., C. ami, 1357, 77)

...Car deça mer ne dela mer Couroit leur bonne renommee Et l'onnesté de leur contree. Il avoient, s'il leur plaisoit - Et mieus qu'a autres leur loisoit - Robes riches et curieuses, Pleinnes de pierres precieuses (Mach., C. ami, 1357, 130)

Mais je me merveille moult de la pensee et de la doubte en quoi vous estes, qui doubtés de venir en ma presence pour doubte que je ne vous en aimme meins ; car vous savés bien que je ne vous vi onques et que je ne vous aimme point pour biauté ne pour plaisance que je veisse onques en vous, ains vous aime pour la bonté et bonne renommee de vous (Mach., Voir, 1364, 160)

Mais garde toy bien d'avarice, Qu'en cuer de roy est trop grant vice Que pris, honneur, loenge et grace Et bonne renommee efface, Et si le fait tant diffamer Qu'a paines le puet nulz amer. (Mach., Voir, 1364, 478)

...si comme seroit mauvais opinion ou mauvaise renommee ou infame. (Oresme, E.A., c.1370, 204)

Or se mist au retour le duc de Bourbon, ... Partout où que il venoit, ne passoit, il estoit le bien venus ; ce duc a ou avoit grant grace d'estre courtois et garnis d'onneur et de bonne renommée. (Froiss., Chron. M., XIV, c.1375-1400, 123)

Et quant sa grant renommée De tous est loée, Je ne doy estre blasmée, S'à li sui donnée (Mach., Les lays, 1377, 364)

...veu l'estat de sa personne, qui est femme de pechié et petite renommée (Reg. crim. Chât., I, 1389-1392, 196)

Et dit que tele est la verité, et que autre chose ne sera jà contre lui trouvé, mais est homme de bonne vie et renommée. (Reg. crim. Chât., II, 1389-1392, 77)

...li rois fu enfourmés ... que li contes de Qent voloit enpuisonner le roi et faire morir ensi que il avoit fait messire Jehan d'Eltem, pour venir a la couronne d'Engleterre. Li rois crut ces paroles legierement, et en parla a madame sa mere. La roine Issabiel, qui mieuls amoit messire Rogier que le conte de Qent, ne l'escusa aultrement que elle dist : 'Ce poroit bien estre, biaus fils. On ne scet en qui avoir fiance aujourd'ui. On li donne en ce pais povre renonmee de vostre frere ; et se vous estiés mors, il seroit rois d'Engleterre : c'est li plus proçains.' (Froiss., Chron. D., p.1400, 183)

...afin que sa bonne renommée ne soit denigrée (Baye, I, 1400-1410, 284)

...et pour ce son cuer s'esjouyra du bien d'autruy comme du sien propre, et la bonne renommee des aultres lui sera delictable chose a ouïr (Chr. Piz., Trois vertus W.H., c.1405, 40)

...pour contemplation dudit Duc qui estoit son parent de par sa mere et homme de bonne renommée et suffisant et licencié en loiz et bachelier en decret (Baye, II, 1411-1417, 177)

Fromon et tous les autrez de pute renommee... (Jourd. Blaye alex. M., a.1455, 448)

...ce treseureux bruyt et vertueuse renommée d'elle sourdoit, en son quinziesme an ou environ (C.n.n., c.1456-1467, 31)

...[il] estoit tresardent et fort embrasé de l'amour d'icelle pucelle ; et pareillement elle, pour la vertueuse et noble renommée de luy, en estoit tresfort enlassée. (C.n.n., c.1456-1467, 546)

...tousjours avoit esté hors du païs, acquerant honneur et renommée glorieuse es guerres et voyages loingtains. (C.n.n., c.1456-1467, 549)

[Dans une interr. indir.]

...fu mandé et fait venir sur lesdiz quarreaux Robert de Cantelou (...) pour ce que l'en disoit qu'il savoit bien de quel estat, vie et renommée ledit hermite estoit (Reg. crim. Chât., I, 1389-1392, 315)

[Contexte comparable ('quel est' ; le contexte précise si la réputation est favorable ou non)]

Et quant je sui bien avisee Et je pense a ta renommee, A droit de tous trop plus loee Qu'onneur mondeinne (Mach., F. am., c.1361, 225)

Li roys se parti de la court. Mais sa renommée qui court Par tous païs, par tous chemins, L'essaussa tant que les Hermins L'ont pour leur signeur esleü, Pris et nommé et receü (Mach., P. Alex., p.1369, 222)

(Avoir) la renommee de

LA MARQUISE. Doulce mére Dieu, soufferrez Vous qu'ainsi soie dyffamée A tort et que la renommée Aie d'avoir fait avoultire ? (Mir. marq. Gaudine, 1350, 140)

Et si [Griseldis] couche son pere et lieve Et soustient, que point ne lui grieve Sa vieillesce, treshumblement ; Et lui fait, pour dire briefment, L'amour toute et l'umanité, Qu'elle puet en sa povreté : Et tele en a la renomee. (Gris., 1395, 30)

Vous avés le nom et renonmee de souverainne gentillece et noblece. Or ne voelliés dont faire cose par quoi elle soit noient amenrie, ne que on puist parler sur vous en nulle cruauté ne vilonnie. (Froiss., Chron. D., p.1400, 847)

...qant les Englois sceurent que Jehans de Qopelant estoit venus, il i ot grant priesse a lui veoir, ... pour la renonmee de ce que il estoit si vaillans homs, que il avoit pris le roi d'Escoce. (Froiss., Chron. D., p.1400, 790)

De renommee + attr.

Nous penrons un juge puissant, De renommée souffissant, Qui soit sages homs et discrez. (Mach., J. R. Nav., 1349, 173)

2.Réputation favorable.

Dame, alons y, c'est bien raison Qu'aïde toutes lui façon, Qu'en lui a moult bonne personne. Son bon los de toutes pars sonne, Et toujours croist sa renommee, De bonne eure feust elle nee. (Gris., 1395, 49)

... [les enfants étaient réunis] pour jouer en la presence de leurs peres, meres et amys, affin d'en rapporter gloire, renomée et loange. (C.n.n., c.1456-1467, 555)

...c'est ma maniere de vivre, mon art et mon mestier, auquel moien j'ay acquis richesses, maisons, nom, renommée (C.n.n., c.1456-1467, 561)

Acquerir/conquerir renommee

...li vaillant honme travellent lors corps en armes pour conquerir la glore et renonmee de che monde (Froiss., Chron. D., p.1400, 37)

Et fissent tant par l'esploit dou vent que il entrerent en la riviere de la Tamise, et prissent terre au Kai a Londres. Et acquist li jones contes Henri Derbi en sa nouvelle chevalerie, grant grasce et grant renonmee de celle besongne. (Froiss., Chron. D., p.1400, 279)

Mettre renommee sur qqn. Faire bénéficier qqn d'une bonne réputation.

...ne se treuve nulle vraye mencion de ceste faulce Sibille que le dyable, par son pooir, a cause de nostre foible creance, a mis renommee sur pour decepvoir les simples gens. (La Sale, Salade, c.1442-1444, 129)

Gloire, honneur.

...il y eubt ung conte en Guerles qui s'appella Regnault. ..., joenne homme et de grant voulenté pour bien despendre, et ne pensoit point à quelle fin ses besoingnes pourroient traire fors que à sa plaisance accomplir ; et sievoit joustes, tournois, festes, reviaulx et longs voyaiges à grant renommée et à grant frait. (Froiss., Chron. M., XIV, c.1375-1400, 144)

Toutefois, les dessusdiz Anglois en portoient aulcune fois la renommée pour la journée. Et d'aultre part, les Picars les reboutoient trop souvent jusques dedens leurs barières, assés confusiblement. (Monstrelet, Chron. D.-A., t.5, c.1444-1453, 246)

[Dans un cont. métaph.]

Par ces .XIJ. puet estre soustenue En douce oudour, en coulour, en vaillance, Et l'agu vent qui renommée tue Ne porra faire à son renom grevance, Et Loiauté temprement S'esveillera, car trop dort longuement, Pour li aidier ; n'i voy autre confort Fors seulement en Loiauté qui dort. (Mach., L. dames, 1377, 194)

B. -[Rare en ce sens ; plutôt renom] Fait d'être largement connu, notoriété.

Mes dont luy peut venir femme Et renommee si tresgrande ? (Pass. Auv., 1477, 121)

De (grande) renommee. Réputé, connu.

...quant personne est de grant renommée, c'est signe de grant value (Mir. prev., 1352, 232)

Mais les autres qui mectent felicité es biens de l'ame si sont et ont esté peu, et hommes vertueux et glorieus et de grant renommee. (Oresme, E.A., c.1370, 125)

[À propos d'une chose]

En maint lieu va sa renommee Et pour c'elle est ditte et nommee Partout la Fonteinne amoureuse Qui mainte dame a fait joieuse Et maint amant pleindre et plourer (Mach., F. am., c.1361, 193)

Et est vraisamblable que le memoire ou la renommee de ceste merveilleuse nuit dura entre les paiens siques a tant que Hercules fu reputé un dieu ou deifié quant a eulz, et cuidierent ou figurerent que il avoit esté engendré celle nuit. (Oresme, C.M., c.1377, 376)

C. -[Point de vue de celui qui, par son avis, par ses dires, crée la réputation de qqn]

1.Avis, considération de qqn.

.Pluisseur hault baron et chevalier de Bretagne et de Normendie, et qui loiaument s'estoient acquité et porté ens es gerres de Bretagne de la partie des François, a l'avis et renonmee de tous ceuls qui ensonniiet s'en estoient ne qui parler en savoient, furent acuset de trahison, (Froiss., Chron. D., p.1400, 593)

Avoir/recevoir (la) renommee de qqn. Avoir la considération de qqn.

Et si vaillamment s'i estoit portés que il en avoit grandement le grasce et le renommée dou Saint Père le pape Gregore XIe (Froiss., Chron. R., VIII, c.1375-1400, 215)

De ceste emprise ensi achievee rechut li dis seneschaus de Biauqaire grant grace et renonmee de tous ceuls del hoost. (Froiss., Chron. D., p.1400, 655)

Besoignés ; ne vous socïés ! Des princes arés renommee. (Pass. Auv., 1477, 178)

2.Bruit qui court sur qqn, rumeur publique.

Par renommee. Par notoriété publique, à ce qu'on dit.

Et, se l'en voit qu'il soit apparant par renommee que l'office du juge soit plus familiaire et plus gracieuse a l'une partie, il doit estre recompensé a l'autre partie si comme on le pourra miex faire. (Foul., Policrat. B., V, 1372, 394)

Si se representa et ces honmes de Cambrai au roi ; et recorderent les besongnes, ensi que par renonmee elles se portoient en l'Empire (Froiss., Chron. D., p.1400, 290)

...avant que il venist a Brest, il avoit ja le plat pais de Bretagne et moult des grosses villes si contrains a lui et mis en son obeisance que toutes gens le sievoient a cheval et a piet, les uns par renonmee, que on disoit : 'Vechi nostre signeur le duch', les aultres par cremeur, que il n'en osoient faire le contraire. (Froiss., Chron. D., p.1400, 468)

...elle savoit par renommée qu'il estoit perilleux et noiseux entre femmes. (C.n.n., c.1456-1467, 156)

...en toy Jhesus, nul mal Je n'ay trouvé par renommee Celon la loy imperïal (Pass. Auv., 1477, 176)

En renommee

Mais pour ce qu'elle ne sejourne, Eins se change, mue et bestourne En fait, en dit, en renommée, Est elle Fortune nommée. (Mach., R. Fort., c.1341, 93)

Commune renommee

Et donques puisque la plus grant partie de nature bien ordenee est encline a delectacion et ainsi le tient la commune renommee, il s'ensuit que delectacion est bien, et est signe que aucune delectacion est tres grant bien. (Oresme, E.A.C., c.1370, 406)

Dit avec ce, que des chosses dessus dites il se rapporte à la voix et commune renommée dudit païs, et aussi de sa vie, estat et gouvernement (Reg. crim. Chât., I, 1389-1392, 285)

Sire, hault et puissans roys, dist Remondin, il est bien verité que commune renommee court par tous païs que vostre court est si noble et si raisonnable que elle est droicte fontaine de justice et de raison, et que nulz ne vient en vostre court que vous ne lui faciez raison et justice de ce qu'il demande bonnement, selon le droit qu'il a. (Arras, c.1392-1393, 56)

L'ystoire dit, et aussi l'ay je ouy dire a pluseurs, et commune renommee en court, qu'il ot, grant temps après le trespas du roy Guion, un roy en Armenie qui moult fut beaulx jeunes homs et en chaleur de force et de vigour (Arras, c.1392-1393, 302)

Conmune renonmee qeurt par toutes vos signouries d'Engleterre que vous devés estre rois de France, (Froiss., Chron. D., p.1400, 231)

Et combien que les choses dessusdictes feussent et soient vraies et notoires, et que de ce feust voix et commune renomée, neantmoins ledit suppliant, qui est home de simple essence, voient l'inconvenient et peril en quoy il estoit ou povoit estre (Chancell. Henri VI, L., t.1, 1424, 119)

Et fut commune renommée qu'il avoit esté empoisonné. (Monstrelet, Chron. D.-A., t.3, c.1425-1440, 131)

Si en fait doncques et par effect vous ne povez garder chasteté, au mains mettez peine de la garder tant qu'il touche fame et commune renommée. (C.n.n., c.1456-1467, 563)

Selon (la) commune renommee

...je ne die pas que on doye reffuser bon traictié, qui le puet avoir, mais qu'il soit brief, ou si longs qu'il soit a tousjours, sans plus en faire memoire aux vivans, et au prouffit et honneur de cellui qui y pense avoir le plus grant droit, et qui ly a selon commune renommee. (Arras, c.1392-1393, 87)

...et, selon la commune renommée de ceulx qui y estoient, ledit seneschal se porta très vaillamment de sa personne. (Escouchy, Chron. B., t.1, c.1453-1460, 189-190)

Feinte renommee. Fausse rumeur.

...ilz firent courir une fainte renommee, assavoir que... (Relation Croisade Nicopolis A.P.P., p.1450, 228)

Il est renommee que + ind.. Le bruit court que.

...le seigneur d'Amboise (...) l'a fait prendre et emprisonner, pour ce, si comme il tient et croit, qu'il est renommée ou pays qu'il a fait et aidié à faire les larrecins dessus diz (Reg. crim. Chât., II, 1389-1392, 271)

Il est commune renommee Que secours leur vien voirement, Et sont deux mille en l'assemblee, Tous gens de fait certainement. (Myst. siège Orléans H., c.1480-1500, 542)

Ainsi comme la renommee en est. D'après le bruit qui court.

Aussi dist on qu'il [le marquis] appareille Une feste trop honnourable (...) Et pour ce croy je mieux qu'il a Haulte dame a femme rouvee, Ainsi comme la renommee En est par le païs assez. (Gris., 1395, 80)

[Avec un verbe comme courir, voler...]

Je te vueil a tout ce respondre, Sans riens enclorre ne repondre, Et certes, ja n'en mentirai De tout ce que je t'en dirai. Je te di que la renommee S'espant par toute la contree Que po de gens scevent la cause Dont ta detention se cause, Si en dit chascuns a sa guise. (Mach., C. ami, 1357, 64)

Ne passe tant d'onneur les termes Que dedens ta chambre t'enfermes Pour homme qui veingne a ta court, Car renommee qui tost court Te diffameroit par tout, si que On diroit : 'C'est une relique Qu'on ne voit c'une fois l'annee'. (Mach., C. ami, 1357, 124)

Je suis sanz cause diffamée De li, et en queurt renommée, Dont triste et dolent ai le cuer (Mir. femme, 1368, 187)

Car Gautiers me dist que sa mere Fu de la traïson commere, Qu'en Chypre en queurt la renommée, Dont elle est maudite et blasmée. (Mach., P. Alex., p.1369, 254)

Et l'emperiére, (...), Si est enfourmé par parole, Ainsi com renommée vole, Que vous garissez de tel mal (Mir. emper. Romme, 1369, 300)

Le hairois monta en la ville, et la voix et renommée par places et hostelz, que les Anglois estoient aux barrieres. (Froiss., Chron. M., XIV, c.1375-1400, 94)

Conmune renonmee qeurt par toutes vos signouries d'Engleterre que vous devés estre rois de France, (Froiss., Chron. D., p.1400, 231)

Et ja avoit il entendu, ensi que renonmee court et vole moult tos de pais en aultre, que mesires Robers d'Artois enortoit le roi d'Engleterre a calengier la couronne de France, (Froiss., Chron. D., p.1400, 235)

...chil qui seoient devant la chité de Rennes, ... estoient tout conforté d'atendre la bataille et de combatre as François. Et aussi li François, a ce que renonmee couroit, et que on en veoit les apparans, ne demandoient aultre cose. (Froiss., Chron. D., p.1400, 590)

Encores estoient li peril si grant, pour les nobles dou roiaulme qui de la gerre se ensonnioient, que, qant il avoient l'aventure de perdre une journee a l'encontre de lors ennemis, renonmee puble parmi le roiaume de France couroit sus euls, que il estoient traite, et que par traison il avoient perdu la journee. (Froiss., Chron. D., p.1400, 630)

...moult grant peuple s'asambloit devant Chastellet, et couroient vois et renonmee : 'On pendera Gautier de Manni : alons le veoir.' (Froiss., Chron. D., p.1400, 757)

La renommee dit que

Et disoit la renonmee dou pais que il ne deuissent pas cela avoir fait, ne le mariage acordé si legierement, de la fille d'Engleterre a lor adversaire le roi d'Escoce, que il n'euissent convoqiet l'especial et general consel dou pais (Froiss., Chron. D., p.1400, 171)

Ce qui se répète dans un groupe.

Et on ne se doit pas esmerveillier se trouble y ot... et tout par le pechié et coulpe du roy Ferrant derrainement mort. C'est la voix et la renommée de la plus saine partie du pays (Froiss., Chron. M., XII, c.1375-1400, 248)

Par personnification.

Renommee qui partout court Et qui s'espant en mainte court Dist a Nabugodonosor : 'Rois, en ton païs a encor Pluseurs qui d'aourer n'ont cure L'idole d'or et l'estature...' (Mach., C. ami, 1357, 20)