RENOM

substantif masculin

[T-L : renom ; GD : renom ; GDC : renom ; DECT : renom ; FEW (VII, 181a) : nominare ; TLF (XIV, 816b) : renom]

I. -Nouvelle proclamation.

Jusques à mon renom. Jusqu'à nouvel ordre.

Remarque : Baud. Sebourc B., c.1350, 16/1133 (alés tenir prison Dedens la tour de Louvre dusques a monrenon).

II. -[Idée de réputation]

A. -Fait d'être connu favorablement ou non, réputation que l'opinion fait à qqn. (synonyme renommee)

1.[Un adj. (ou un compl. déterminatif) précise la qualité de la réputation]

Encour y a ung mal renon (Dupin, Mélanc. L., c.1324-1340, 110)

Si devins siens en bonne entention, Ne jamais n'i cuidasse, se bien non, Pour la grandeur de son trés bon renon Qui m'a destruit. Mais ce n'est pas tout d'or quanque reluit, N'on ne doit pas tant amer son deduit Qu'on ne s'en puist retraire, quant il cuit. (Mach., J. R. Beh., c.1340, 88)

Et se son nom Qui tant est bons et de noble renom Volez savoir, dites le moy, ou non. (Mach., J. R. Beh., c.1340, 107)

'...Dites, Raison. Premiers oïr vueil vostre entention ; Car vous m'avez maint conseil donné bon.' Raisons, qui fu belle et de bon renom, Einsi respont : 'Sire, je di que cil dui amant sont Moult engoisseus...' (Mach., J. R. Beh., c.1340, 119)

...vostre non Qui est de moult noble renon (Mach., R. Fort., c.1341, 86)

Si vous devez moult aviser Que sa requeste refuser Ne vueilliés ; et mentir n'en quier : Se riens vous depri ou requier, C'est de par li et en son nom Qui est de si noble renom Qu'en monde n'a païs ne regne Qu'elle n'i soit, qu'elle n'i regne, Et que chascuns ne se resjoie, Que de li vuet avoir la joie. (Mach., R. Fort., c.1341, 138)

L'ARCEDIACRE. (...) Car de gens de plus hault renom Qu'il n'y a nulz en son parage Sui nez et de meilleur lignage (Mir. ev. arced., c.1341, 108)

Mon seigneur, on m'est venu dire Qu'au moustier a un maistre sire, Je ne sçay conment il a nom, Mais on li donne grant renom, Qu'il doit au peuple un sermon faire. (Mir. chan., c.1361, 137)

...les diz exposant et Corronneau savoient certainement le dit Guillaume Billart avoir esté et estre nostre ennemi, rebelle, pillart et homme de très petit renom (Doc. Poitou G., t.5, 1377, 53)

Mais j'ay tant de vous oy Par vostre bon renom qui Croist nuit et jour, Que vous estes le droit try, Le fruit et la fleur aussi De toute honneur (Mach., Ch. bal., 1377, 628)

Compains, savez que nous ferons ? Droit en Babiloine la grant En alons, ou planté a grant De fames de mauvais renon. (Jour Jug. R., c.1380-1400, 219)

Et vueil bien que vous sachiez que mon frere et moy ne sommes pas venus de nostre pays sur la fiance de gaignier peccune sur vous ne sur autrui, mais en desir et en espoir d'acquerir honneur et bon renom, sans avarice. (Arras, c.1392-1393, 167)

Je yray conquerre en Sirye Ou ailleurs terre et hault renon, Ainsi com fist pieça Jason Qui conquist la toison doree ; Et ainsi sera renommee Ma personne par tout le monde. (Gris., 1395, 46)

...et semblablement toute femme, doit trop plus estre convoiteuse d'acquerir bon renom que quelconques autre tresor (Chr. Piz., Trois vertus W.H., c.1405, 114)

Lesquelz, combien qu'ilz fussent loings ou pres en leurs conquestes, tousjours ont eu victoire et glorieux renom, ne ne peurent oncques estres vaincuz ne supeditez. (La Vigne, V.N., p.1495, 298)

...monseigneur du Beuil, chevalier très vertueulx, de bonne renommée, conte dudit Sancerre, qui estoit amy du conte de Dampmartin et estoit homme de bon renon (Le Clerc, Interp. Roye, c.1502, 176)

Remarque : Jourd. Blaye alex. M., a.1455, gloss.

Renom sans vice

LE CONTE. Je say tant de vostre convine Et de vostre renom sanz vice Que je vueil qu'aiez ceste office. (Mir. enf. ress., 1353, 16)

Avoir (le) renom de

...j'ay compagnie De deux fréres, je vous dy bien, Preudommes qui sont crestien (...) et ont renom De grant bonté. (Mir. st Panth., 1364, 361)

De pitié arés le renom, Car vous en estes la fontaine. (Pass. Auv., 1477, 217)

Avoir le renom de + inf.

Prince treshault, qui as le nom Et le renom De consouler tes bons amis, Donne moy, treshault champïon, Solacïon Et a Marie de son filz ! (Pass. Auv., 1477, 181)

2.Réputation favorable.

Mais honneur, chevalerie Et tes renons qui s'espart Par le monde en mainte part Ont fait de nous departie. (Mach., L. plour, 1349, 291)

Quant Theseus, Herculès et Jason Cercherent tout, et terre et mer parfonde, Pour acroistre leur pris et leur renom Et pour veoir bien tout l'estat dou monde, Moult furent dignes d'onnour. (Mach., Bal., 1377, 561)

Par ces .XIJ. puet estre soustenue En douce oudour, en coulour, en vaillance, Et l'agu vent qui renommée tue Ne porra faire à son renom grevance, Et Loiauté temprement S'esveillera, car trop dort longuement, Pour li aidier ; n'i voy autre confort Fors seulement en Loiauté qui dort. (Mach., L. dames, 1377, 194)

3.Réputation défavorable.

Certes, jamais ne cesseray De penser tant que j'aie attaint Conment ce renom soit estaint C'on m'a sus mis. (Mir. femme, 1368, 185)

B. -Fait d'être largement connu, notoriété.

De ce qu'aquiers soies abandonneur, Se tenir vues le droit chemin d'onneur. Chascuns dira : 'ci a large donneur' ; De vaillance porteras la couronne, Et tes renons n'ara terme ne bonne. Se tenir vues le droit chemin d'onneur, Ce que tu as aus bons liement donne, Et ce que n'as promet à chiere bonne. (Mach., L. dames, 1377, 214)

Ung regnon autentique. (Gaut. Mart. A., c.1480-1500, 185)

De (grand) renom. Réputé, connu.

Un fil en ot de grant renon Qui fu appellez Dardanon. (Mach., F. am., c.1361, 212)

De Chipre et de Jherusalem Fu roys : Pierre l'appela l'em. Or vous ay je nommé son nom, Qui est et fu de grant renom, Et sera, s'il joit de s'emprise, Qu'il a à l'onneur Dieu emprise. (Mach., P. Alex., p.1369, 43)

Un matinet, au point dou jour, Appella un sien chambellain, Que chascuns ainme, et je aussi l'ain, Chevaliers est de grant renom, Et Bremont de la Vote a nom. (Mach., P. Alex., p.1369, 111)

La quarte galée conduit, À grant joie et à grant déduit, Uns chevaliers de grant renon ; Florimont de Lesparre a non. (Mach., P. Alex., p.1369, 142)

Pour ce nous a fait ci venir, Et vuet qu'autre traitiés se face Qui cestui-si planne et efface, Et que tout soit fait en son non, Qu'amiraus est de grant renon. (Mach., P. Alex., p.1369, 203)

Mais ou est le preux Charlemaigne ? (...) Depuis (...) Le roy de Chippre de renom, Helas ! et le bon roy d'Espaigne Duquel je ne sçay pas le nom ? (Villon, Test. R.H., 1461-1462, 46)

Seigneurs Juïfz de grand renom, De bon cuer je vous remercie, Car vous m'avés saulvé la vie. Je suis tout vostre, corps et biens. (Pass. Auv., 1477, 173)

Et vous, Pucelle de renon, (...) Aveques vous veil ma puissance Demonstrer, ma force et vertu (Myst. siège Orléans H., c.1480-1500, 583)

CLAUDE. Nenny non, Ne n'eust sceu : de trop grant renom Estoit mon mary ; somme toute, Il valoit d'or ung million, Dieu ait son ame ! (La Vigne, S.M., 1496, 527)

Tant de traveil a prins à grant effort Que sa vie a esté moins durable ; Mais sa gloire sera plus pardurable D'avoir eu tel maistre et si grant roy, Qui loyaulment a servy sans desroy. Il estoit né de maison ancienne Charles d'Amboise, dont tant est de renom, De Chaulmont sire et conte de Brienne, Et d'[aultres] lieux dont je laisse le nom. (Le Clerc, Interp. Roye, c.1502, 396)

[À propos d'une chose (d'un fleuve)] Très connu, célèbre.

Toutevoie on l'apelle au Quaire Et en Surie le Flumaire. En Arabich c'est son droit non, Outre mer est de grant renon. (Mach., P. Alex., p.1369, 192)

Nostre jeunesse Dieu a prinse De mainmise Sur nous, mon bon frere Symon ; En nous il a sa grace assise, Dont aprinse Avons la vie de renom. (Pass. Auv., 1477, 119)

Il sera renom de qqc. On fera grand bruit de.

Par noz dieux, il sera regnon À jamais de ton grant oultraige (Myst. st Vincent L., c.1471-1476, 308)

Faire renom de qqn. Parler de qqn comme d'une personne connue.

DIEU [à saint Nicolas] . Ta puissance Est en grace Excellence D'efficace. Toute place Ou n'on fera de toy regnom, Des miracles exaulceray le nom. (Mir. st Nic. juif, c.1480-1500, 101)

C. -[Rare en ce sens ; plutôt renommee] Bruit qui court sur qqn, rumeur publique.

LE VOISIN. (...) Est ç'acertes que marier Se veult vostre nepveu ou non ? Aval la ville en est renom Et grant parler. (Mir. chan., c.1361, 147)

Mais d'une chose me repens De ce que j'ay dit mon droit non, Car je doubt, s'il en est renom, Que mon affaire ne bestourne (Mir. Berthe, c.1373, 196)