RELUIRE

verbe

[T-L : reluisir ; GD : reluisir ; GDC : reluire ; DECT : reluisir ; FEW (V, 430a) : lucere ; TLF (XIV, 734a) : reluire]

A. -Luire, briller.

La rousée par dessus la verdure Resplendissoit Si clerement que tout m'esbloïssoit, Quant mes regars celle part guenchissoit, Pour le soleil qui dessus reluisoit. (Mach., J. R. Beh., c.1340, 58)

Son droit lés est dous, l'autre cuit ; Le droit porte fleur, fueille et fruit, L'autre est desert, brehaingne et vuit Des biens terriens ; Le droit moult clerement reluit, L'autre samble a l'oscure nuit, Et mi partie est par deduit D'or et de fiens. (Mach., R. Fort., c.1341, 41)

En ce royaume ha une dame, Que Dieus gart en corps et en ame, Gente, juene, jolie et jointe (...). C'est l'escharboucle qui reluist Et esclarcist l'obscure nuit ; C'est en or li fins dyamans Qui donne grace a tous amans (Mach., Voir, 1364, 48)

La peust on veoir fleur de chevalerie et tant nobles gens, ces bacinez reluire et ces harnaiz cliqueter ensemble, que c'estoit beautés a veoir. (Arras, c.1392-1393, 160)

Et sachiez que il les faisoit moult bel veoir, car ces bannieres venteloient sur ces vaisseaulx, et l'or et l'azur et les couleurs et les bacinez et autres harnoiz reluisoient au soleil. (Arras, c.1392-1393, 214)

Laysé avons le fondament De la cité d'Oste, et comment La colompne fust ordonnée [Et] des dyables constituée Par ung p[a]ien qui riche fuz, Qu'on appellait Pollicarpus ; Et ung charbucle ot ou somonz, Plus rouge qu'onque fust charbon, Reluysant par toute Savoye, Enseignant au païs la voie : L'eul s'appelloit de la statue. (Myst. st Bern. Menth. L., c.1450, 184)

LE SECOND. J'avoue Dieu, ilz ont sur le nez Ung aulne de rouge esquarlate. LE TIERS. Que migraine de laine plate Ne reluise de telle maniere. (Rapp., c.1480, 62)

Et quant ce vint a l'assaillir, Eulx reluisant en leur harnois, Quant vint aux horions ferir Ne savoient ou il estois (Myst. siège Orléans H., c.1480-1500, 576)

Ne posez plus voz tentez par [bruyeres] ; Laissez les champs sans plus gueres hanter ; Vous n'avez cause de rire ne chanter, Perdu avés vostre aisné filz et chef, Dont France souffre à present grant meschef. Dame Palas, vostre escu de cristal Avoit porté ce grand chef que je di, Faisant reluire maint acier et metal En ost rengé, comme preux et hardi. (Le Clerc, Interp. Roye, c.1502, 395)

[Avec un terme de compar.]

François vennent a grant effort, Spanduz par champs et ruelles, Reluisant comme estincelles De blans harnois ainsi que signes ; Et si sont leurs volantez telles (De) mectre voz villes en ruynes. (Myst. siège Orléans H., c.1480-1500, 540)

Y reluisoient comme le jour Et ainsi que soleil ardant, Mes quant il advint au comptant A donner coups et horions, Y fuyoyent parmy les champs Ainsi que brebiz et motons. (Myst. siège Orléans H., c.1480-1500, 576)

Reluire comme un pot à noir. Voir pot

Proverbe. Ce n'est pas tout d'or quanque reluit

Si devins siens en bonne entention, Ne jamais n'i cuidasse, se bien non, Pour la grandeur de son trés bon renon Qui m'a destruit. Mais ce n'est pas tout d'or quanque reluit, N'on ne doit pas tant amer son deduit Qu'on ne s'en puist retraire, quant il cuit. (Mach., J. R. Beh., c.1340, 89)

B. -Par métaphore.

...elle est la clére estoille née de Jacob qui par ses raiz enlumine tout le monde, qui tout treperce par exemples et reluit par merites. (Mir. Theod., 1357, 81)

...la biauté de son viaire En paradis aussi reluit Com soleil qui sur terre luit. (Mir. st Alexis, 1382, 338)

C. -Au figuré. Se manifester avec éclat, resplendir.

Mais toutesvoies, en telles grans adversitéz reluist, resplendist et se monstre le bien de la personne (Oresme, E.A., c.1370, 135)

En ce t'iras tant deduisant Que ton nom sera reluisant Apres toy par longue memoire (Chr. Piz., Chem. estude P., 1402-1403, 21)

Comme il soit ainsi, ce dit il, Que la vertu noble et gentil De justice es larrons reluise, Quant entr'eulx tel droit leur aduise Que leurs despouilles ilz departent Egaument et les s'entrepartent : Par plus fort raison le prince estre Doit vray justicier en tout estre (Chr. Piz., Chem. estude P., 1402-1403, 246)

...toute femme, doit trop plus estre convoiteuse d'acquerir bon renom que quelconques autre tresor, car il la fait reluire en honneur et demeure tousjours a elle et ses enfans. (Chr. Piz., Trois vertus W.H., c.1405, 114)

Ce sont les geonologies et cronicques abregees des tresexcellens princes, les contes de Normendie, qui par leurs reluisans proesses furent les premiers roys dudit royaume de Sicile (La Sale, Salade, c.1442-1444, 165)

Chescune creature tramble, Si me semble, Quand les pecheurs Dieu punit, Les bons et maulvaiz ensemble, Car fort ample La justice Dieu reluit. (Pass. Auv., 1477, 224)

Notre loy est la plus prisée, Car les puissans princes romains Reluisans sur tous les humains En religion et justice L'ont tenue comme très propice. (Myst. ste Barbe P., 1493, 42)