REGRET

substantif masculin

[T-L : regret ; GDC : regret ; FEW (XVI, 53a) : grata ; TLF (XIV, 677b) : regret]

A. -Sentiment de frustration et de chagrin (que suscite le retour sur le passé ou bien la déception).

1.Sentiment de frustration et de chagrin causé par la perte ou la privation de qqn ou de qqc..

Voirs est que forment regretoie Les solas que perdu avoie, Et s'estoie en tous mes regrès Adès desirans et engrès De penser as passez deduis En quoy je m'estoie deduis, Li quel m'estoient tuit failli. (Mach., D. Aler., a.1349, 290)

Et, mon doulz cuer, vous m'escrivés que vous avés si grant joie de mon bon renon qu'il n'est mal qui vous puist venir. Et par Dieu, mon doulz cuer, si ai je dou vostre, et je l'en doi bien avoir, car je croi qu'en tout le monde nen a nul qui ait meilleur renommee de vous de tous les bons ; et vous savés que ce fu le commencement de nos amours. Lequel fu trop tart a mon gré, car c'est le plus grant regret que j'aie que du bon temps que nous avons perdu, et n'ai riens que je ne volsisse avoir donné par quoy nous eussiens plus tost commencié. (Mach., Voir, 1364, 434)

...nonobstant sa tres grant perte et son grant dueil et regraiz de la mort de son seigneur et de la bonne loiale amour qu'elle lui portoit, il convient estre pacient de tout ce qu'il plaist a Nostre Seigneur estre fait (Chr. Piz., Trois vertus W.H., c.1405, 83)

Et quant les X, les XIJ et les XIIIJ jours du mois furent venus, Madame pour les tresgrans et angoisseux regrez qu'elle avoit en lui, tous les jours faisoit son signal de l'espingle auquel il respondoit. (La Sale, J.S., 1456, 94)

...si eut beaucop mains de regret de la perte de sa femme que de celle de ses enfans. (C.n.n., c.1456-1467, 329)

Sans regret

GRISELDIS [au marquis] . ...en bon eur A ton autre espeuse mon lieu Delaisse d'humble cuer, et Dieu Vueille que viegne a tresbonne heure En ce lieu ou j'ay ma demeure Eu tresjoyeuse par longtemps ; Car, depuis qu'elle t'est plaisans, Sanz regret du lieu je me part. (Gris., 1395, 82)

Avoir regret que

...[ils] avoyent bien grand regret que si meschantement l'avoient perdu. (C.n.n., c.1456-1467, 304)

N'avoir autre regret que ... ne

...n'avons aultre regret que plus n'y avez esté. (C.n.n., c.1456-1467, 189)

...[elle] n'avoit aultre regret que monseigneur n'avoit l'assault plus au cueur (C.n.n., c.1456-1467, 278)

2.Sentiment de frustration et de chagrin de n'avoir pas fait ce qu'il aurait fallu, d'avoir mal agi.

Le bon mary, consyderant ces choses, avecques les doloreuses ammiracions et piteux regretz de sa femmelette, dit... (C.n.n., c.1456-1467, 375)

En celle aigre doleance et regretz demoura aucuns jours (C.n.n., c.1456-1467, 555)

Avoir regret à qqc.

...si vous pensez bien a tout, vous n'estes pas si peu accoinct de moy que je ne vous aye monstré la chose au monde qui plus vous en peut donner et bailler cause d'asseverance, a quoy vous me feriez tantost avoir regret, par me servir de telz parolles. (C.n.n., c.1456-1467, 234)

Avoir regret que

...[je suis] trop bonne et trop loyale pour ung tel paillard que vous estes ; et n'ay aultre regret que si bonne vous ay esté, car vous ne le valez pas. (C.n.n., c.1456-1467, 244)

3.Sentiment de frustration et de déception causé par une situation pénible, contraire aux attentes, chagrin, déplaisir.

Par ce m'avoient assailli Males et crueuses pensées, Dont mes joies furent cassées. Mais quant ce vint tout au plus fort Regret, en moy mis un effort, Par quoy d'erreur me destournay Et vers bonne Amour me tournay, Pour fuïr lamentations. (Mach., D. Aler., a.1349, 290)

Alors elle pour son excuse dist a la royne : 'Jamais pour duel ne pour regret que j'eusse, vouldroie que ne peusse lerme gecter, si non quant je voy les autres plorer.' (La Sale, J.S., 1456, 98)

...[force] fut a la bonne gentil femme a tel regret que Dieu scet, de desbourser les dix escuz (C.n.n., c.1456-1467, 123)

...comment povez vous avoir envye de dormir emprès de moy qui suis tant eveillé, qui n'ay esperit qui ne soit plain de regretz, d'ennuy et de soucy ? (C.n.n., c.1456-1467, 176)

...il n'est pas possible (...) d'amasser plus de doleurs, regretz, et de amers desplaisirs au cueur d'un pouvre amoureux que j'en trouve aujourd'uy dont le mien est environné et assiegé. (C.n.n., c.1456-1467, 233)

Elle veoit, durant sa maladie, ses enfans trotter devant elle, qui luy bailloient au cueur tresgrand regret de les laisser. (C.n.n., c.1456-1467, 327)

...mon plus grant regret si est qu'il fault que je meure avant que savoir et sentir des biens de ce monde. (C.n.n., c.1456-1467, 347)

Anciennement, les roys et les princes a haulte fellicité attaindoient quant leur semence leur aportoit generacion, et quant a ce ne parvenoyent, quelque prosperité qu'ilz eussent, leur vie estoit traversee de continuel regret (LEFÈVRE (R.), Hist. Jason P., c.1460, 126)

Longuement demoura le Roy Jaques en Ytalie en grant regrect et à peu de plaisance, toutesfois menant moult belle et honneste vie de sa personne (La Marche, Mém., I, c.1470, 192)

Et toutesfois comme autre le versay Trop tost pour nous la mort dedens Versay, Dela les mons au pays de Pymont, Dont le regret de trop pis en pis mont Entre nous tous pour la desconvenue Las ! qui nous est si tres a coup venue Qu'il nous convient soit par prose ou par vers Mettre en avant les maulx durs et pervers (La Vigne, V.N., p.1495, 317)

Et devez sçavoir que ledit grant maistre eut regrect merveilleux de perdre ses gens d'armes, et non sans cause, pour ce que tousjours il avoit bien merité envers le roy de les avoir, non obstant qu'il ne perdit jamais riens des XXII mil francs d'estat qu'il avoit du roy, comme dessus est dict. (Le Clerc, Interp. Roye, c.1502, 388)

À (grand) regret. Avec déplaisir.

[Avec valeur de litote] ...sez fais, dignez de loëngez, estoient amenteus devant lez dames en la presence de la fille du roy qui ne lez escoutoit paz a regret (Comte Artois S., c.1453-1467, 98)

Par ma foy, dit il, je le faiz a grand regret. Mais puis que vous le voulez le feray (C.n.n., c.1456-1467, 300)

Il fist semblant d'en estre malcontent et de se partir a regret (C.n.n., c.1456-1467, 353)

[Avec valeur de litote] ...l'ostesse, qui ne l'oyoit pas a regret, luy respondoit tout au propos (C.n.n., c.1456-1467, 432)

...et le marquis s'y accordoit, et son oncle, qui estoit bon et saige, y contredict de toute sa puissance, lequel nous aymoit et à regret estoit contre nous (Comm., III, 1495-1498, 180)

Remarque : CHASTELL., Chron. K., t.1, c.1456-1471, 342.

À moins de regret

...par ce point a mains de crainte et de regret se passa maintesfoiz depuis ladicte posterne (C.n.n., c.1456-1467, 30)

À peu de regret

...elle fut contente d'obeir. Mais Dieu scet que ce ne fut pas a pou de regret ! (C.n.n., c.1456-1467, 423)

Avoir un regret. Éprouver du chagrin, du déplaisir.

Mais puisqu'il luy plaisoit l'appeller, il estoit bien content que sa volunté fust acomplie en luy, et le plus grant regret qu'il avoit, c'estoit qu'il mouroit hors de son pays, arriere de sa bonne femme et ses petiz enfans. (La Vigne, V.N., p.1495, 311)

Avoir regret à/de + inf.

'...La vostre mercy, dirent ilz, qui nous avez si bien huchez. - Ma foy, dit l'une, nous avons plus de regret a vous appeller matin que vous n'avez fait ennuyt de conscience de rompre et casser vostre veu ? - Quel veu ?...' (C.n.n., c.1456-1467, 204)

Regret eut elle assez en soy mesmes d'abandonner de la main ce que aultre part luy eust bien servy ? (C.n.n., c.1456-1467, 254)

...et le Roy Jaques qui moult bel chevalier estoit et en fleur d'eaige se ennuyoit de celle prison, et avoit regrect de user sa vie en telle captivité (La Marche, Mém., I, c.1470, 192)

Avoir regret que

Hélas ! ce dist la jeune fille malade, ma bonne voisine, j'ay grand regret que force m'est aujourd'huy [de] habandonner ce monde (C.n.n., c.1456-1467, 347)

B. -Par métonymie. [Souvent au plur.] Manifestation de ce sentiment par des plaintes, des lamentations, plainte, lamentation.

LA DAME. E ! Tresdoulce vierge honnoree, Qui le fruit de vie portastes, Qui, vierge, homme et Dieu enfantastes, Et qui vierge fustes aprés L'enfanter, dame, a mes regrez, Que cy vous bee a descouvrir, Deignez vos oreilles ouvrir De pitié et m'entendez, dame ! (Mir. enf. ress., 1353, 5)

En plains, en plours et en tristour Et en regrez (...), Afin qu'a Dieu de moy souviengne, M'en iray, du cuer gemissant Mes faiz (Mir. parr., 1356, 27)

...vouloir ne cuer N'ay de consentir a nul fuer Que ceste damoiselle muire (...). De pitié m'ont fait larmoier Ses complains et ses doulx regrez (Mir. fille roy Hongrie, c.1371, 19)

Si que, tres bele, où j'ay toute m'atente, Qui me poez dou tout faire ou deffaire, Pour Dieu merci, ne soiés d'otroy lente, S'à mon voloir ne puis devers vous traire ; Car je n'oy riens ne voy qui me puist plaire, Eins avès tous mes regrés et mes pleins, Dame, comment que vous soie lonteins. (Mach., L. dames, 1377, 125)

Et a chief de piece qu'il avoit assez regreté le corps de son frere, recommençoit son troiz^meregret en disant : Ha ! pere et mere qui portastes le corps qui a perdu son ame, Dieu ait mercy de vous (La Sale, Salade, c.1442-1444, 119)

...Ma dure plaincte et regret lamentable (Robertet, Oeuvres Z., c.1450-1500, 163)

Le regart de celle [la femme que j'aimais] m'a prins Qui m'a esté felonne et dure ; Sans ce qu'en riens j'aye mesprins, Veult et ordonne que j'endure La mort et que plus je ne dure. Si n'y vois secours que fouïr ; Rompre veult la vive soudure Sans mes piteulx regretz ouïr. (Villon, Lais R.H., c.1456-1457, 13)

...après ces regretz et lamentacions, elle se part hastivement (C.n.n., c.1456-1467, 367)

...le duc eust tousjours en sa maison deux des meilleurs medecins du Roy Charles de France, pour penser et avoir le regard au faict de madicte dame en sa maladie, et emporta en sa mort grans plainctes et grans regrectz, car elle estoit vertueuse princesse. (La Marche, Mém., II, c.1470, 112)

Maintenant il fault que vous voye Tout mort en voye, Et que desploye - tous mes regrés piteusement (Pass. Auv., 1477, 253)

Le dict Galyache me dist a basse voix, tout navré qu'il estoit, en piteux regrectz ce qui s'ensuit : ... (Antitus, Poés. P., c.1500, 68)

À/en (grand) regret. En se lamentant.

...qu'il soit donné franchement à lie chiere joyeuse et liberale, non mie en rechignant à regrait, ne à tart par force de poursuite (Chr. Piz., Paix W., 1412-1413, 150)

Mais toutesvoies ceulx qui ainsi jugent de la guerre en leur fouyer n'en laisseroient ung jour de leur aise, ne n'en debourseroient ung denier, sinon a regret et en le plaignant comme chose perdue, quant il fault que puissance de prince y mette la main, et, se nous avions besoing, nous recueuldroyent a paine aussi peu que les ennemis. (Chart., Q. inv., 1422, 29)

Baiser vous veulx, las, tout atrest, En grant regré, Et en destret, - et voz playes acoler veulx ! (Pass. Auv., 1477, 257)

Dire qqc. en ses regrets. Dire qqc. en se lamentant.

Mais, par especial, sur tous eulx, la pucelle Aiglentine menoit tel dueil que c'estoit grant pitié a veoir, et disoit en ses regrez : Hee, Vray Dieu, qui est ce qui me pouroit ores conforter, quant je voy la mort de mon pere et la destruction de mon peuple et de moy, ne je ne voy lieu dont secours me puist venir (Arras, c.1392-1393, 181)

Faire (des) regrets/son/ses regret(s). Se plaindre, se lamenter.

Et ainçoiz que la damoiselle eüst fait son regret d'Aigres le preu vassal, le roy fist retourner les deux damoiselles et les enmena avecques lui (Bérinus, I, c.1350-1370, 330)

Moult fut doulent le duc Anthoine quant il ot entendu les piteux regrez que le roy d'Ausay avoit fais. Et lors lui dist : Sire roy, dictes moy pourquoy vous menez si grant doulour. (Arras, c.1392-1393, 172)

...Remond (...) s'en entre dans sa chambre et se couche en son lit, si doulens que oncques homs mortelz ne le fu plus, et faisoit les plus piteux regrez que oncques nulz homs mortelz ouist retrere. Haa, Melusigne, dist Remond, dame de qui tout le monde disoit bien, or vous ay je perdue sans fin. Or ay je perdu joye a tousjours mais. (Arras, c.1392-1393, 243)

...et la belle Euryant, seulle et esgaree, demoura au bos moult dolante, en faisant ses regrés piteux, detordant ses mains, tirant ses cheveulx (Gérard de Nevers L., c.1451-1464, 27)

Et en icellui bureau fut ilec avec sesdiz confesseurs faisant de grans et piteux regrés, et y fist ung testament tel quel et soubz de bon plaisir du roy, que ledit sire Denis Hesselin escripvy soubz lui. (Roye, Chron. scand., I, 1460-1483, 359)

...la dame de Lalaing sa mère, (...) le baisa moult de fois à son partement, en pleurant moult tendrement, et en faisant ses regrets et complaintes. (Faits Lalaing K., c.1470, 91)

Vous nous croiscés nostre malheur, En faisent ces piteux regrés ! (Pass. Auv., 1477, 256)

Mais je ne sçay present que de luy esse, Fors seullement ung mistere de dueil Pour desormais de cueur, de corps et d'ueil Plourer, gemir et faire piteux plains, Souspirs replains tant par mons que par plains Dont me complains et foys regretz et cris Trop plus doulens que cy dedens n'escrips, Car il estoit de cueur et de corps munde Autant ou plus que nully de ce monde (La Vigne, V.N., p.1495, 314)

Faire regrets à qqn. Se plaindre à qqn.

LE JUIF. (...) Ce Nicolas si fait merveilles. (...) Aux sours il refait les oreilles, Contrefaictz il fait droit aller, Aveugles veoir cler, Parler les muetz, Tous maulx met au cler. Qui luy fait regretz, Autant loings que pres, Donne ces soulas. (Mir. st Nic. juif, c.1480-1500, 79)

Faire les regrets de qqn. Se lamenter à propos de qqn.

Or en faisons tous ses regrés (Vig. Trib., c.1480, 233)

C. -Par extension. Sentiment de frustration que fait naître ce que l'on désire, envie, désir de qqc..

Nulle paine ne leur sera griefve pour esperance et amour qu'ilz avront a leurs femmes, ausquelles reveoir ilz avront aussi grant regret conme les povres hermites, les penanciers et les religieulx abstinens ont de veoir la face Jesucrist. (Ménagier Paris B.F., c.1392-1394, 103)

...des si tost que l'en cria à l'arme et que mondit seigneur fut tué, il s'en ala avecques les autres, et laissa lesdictes bouges qui estoient ou chastel dudit Montereau, et n'avoit ledit suppliant ne les autres de la compaignie de feu mondit seigneur autres regres que de sauver leurs vies (Comptes Etat bourg. M.F., t.2, 1419, 469)

Maudit soit le regret qui t'amonneste de vouloir perseverer ta vie pour te verser entre tant de tempestes et de abhominations miserables, car tes meillieurs jours et ton joieux temps est le premier passé (Chart., L. Esp., c.1429-1430, 20)

Avoir regret à qqc.

...elle ne scet sa contenance que de gecter larmes a grande abundance, tant a regret a ceste verge. [D'un bijou perdu] (C.n.n., c.1456-1467, 45)

...[il] se oda et tanna, ayant si grand regret a son aultre mestier de navyeur qu'il luy sembloit plus aisié et legier a maintenir que celuy qu'il avoit si voluntiers emprins a gouverner. (C.n.n., c.1456-1467, 558)

Remarque : LA BUIGNE, Rom. deduis B., 1359-1377, 7605.

[À propos d'un psaume de David] Composition poétique exprimant l'élan mystique qui porte l'homme vers Dieu.

DIEU LE PERE. Or est la nuyt tres desiree, (...) Que mon filz, le benoist Jhesus, Doit retourner de mort a vye (...) La nuyt qui n'a obscurité, La nuyt qui regard plaisant a, La nuyt de quoy David chanta, Disant en ses joyeux regretz Ainsi : et nox sicut dies Plene illuminabitur [Réf. à Ps. 138, 12] . (Myst. Pass. Troyes B., a.1482, 827)