CONTRITION

substantif féminin

[GDC : contrition ; AND : contrition ; FEW (II-2, 1105a) : conterere ; TLF (VI, 104b) : contrition]

Regret d'avoir péché, d'avoir commis une faute, repentir, contrition.

.Sains perez, je vous requier pardon D'un peqiet que j'ay fait, dont j'ay contrision (Flor. Rome W., c.1330-1400, 196)

Il vient a Mont Auben au riche roy Yon Qui estoit au castel en grant contricion (Renaut Mont. B.N. V., c.1350-1400, 319)

Si qu'il avint, le Venredi Que Jhesu Cris en crois pendi, Qu'en parfaite devotion Et en vraie contrition, Cils damoisiaus l'aloit ourer. (Mach., P. Alex., p.1369, 10)

DIEU. Ostes, pour la contriccion Vraie que je voy estre en toy As recouvré grace. (Mir. Oton, c.1370, 371)

Vierge, dame plainne de grace, Vers Dieux meffait nous nous sentons, De veray cuer nous repentons Et par vraye contricïon. (Jour Jug. R., c.1380-1400, 243)

...meu de contricion et repentence (Ch. VI, D., t.1, 1381, 22)

Et, oultre ce, et en augmentant ycelles confessions et pour verité et afin de descharger son ame et que plus seurement et en grant conscience et repentence de ses pechiez, crimes et larrecins par li faiz elle puist et ait cause de recevoir la mort en plus grant contriccion, congneut et confessa avoir fait les larrecins cy-après declarriées (Reg. crim. Chât., II, 1389-1392, 437)

Remondin fait greigneur dueil que tous les autres, et se repentoit tant de son meffait que se ne feust l'esperance du confort qu'il prenoit de sa dame, il ne se peust estre tenus qu'il ne leur eust dit sa mesaventure, pour la grant contrition qu'il avoit de la mort son seigneur. (Arras, c.1392-1393, 29)

...chassier nous fault hors de nostre cuer le hydeux, lait et hayneux pechié mortel par perfaicte repentence et contriction, a ce que nostre ame soit purifiee et abellie (Gers., Concept., 1401, 387)

Et n'est ce pas grant doulceur de cest amy qui, non contrestant quelconque fourfait contre luy, tout pardonne se tu as entiere contriction, c'est assavoir du pechié passé desplaisir, propos ferme de non y recheoir et de soy confesser en temps et en lieu ordonné par l'Eglise ? (Gers., Concept., 1401, 413)

...et, tantost après, à grant contriction et devocion rendi l'ame à Nostre-Seigneur. (Chr. Piz., Faits meurs Ch. V, S., I, 1404, 151)

Adoncquez icelle dame congnut sa contrition et le vit humble et docile. Si le conforta par l'aseurance de la divine clemence, qui jamaiz ne clot son giron a ceulx qui vers elle retournent. (Chart., L. Esp., c.1429-1430, 27)

Pour cest umbre cy effacier Contrition vous a mestier Et penitence que disoie Au premier quant le proposoie. Penitentiam agite (Marcadé, Myst. Pass. Arras R., a.1440, 86)

Ç'a esté par contrition Qu'il eust de ce que offensé Il avoit Dieu de majesté (Marcadé, Myst. Pass. Arras R., a.1440, 204)

Le chappellain dit que il ne luy bailleroit point le corps Nostre Seigneur se du cas il ne avoit contricion et repentance (Juv. Urs., Verba, 1452, 296)

...il demoura oudit bureau jusques à trois heures dudit jour, qu'il yssy hors d'icellui bureau et s'en vint getter au bout dudit petit eschaffault et mettre la face, les deux genolz flechiz, devant l'eglise Nostre-Dame de Paris, pour y faire son oroison, laquelle il tint assez longue, en doloreux pleur et grande contricion, et tousjours la croix devant ses yeulx, que lui tenoit ledit maistre Jehan Sordun, laquelle souvent il baisoit en bien grant reverence et moult piteusement pleurant. (Roye, Chron. scand., I, 1460-1483, 360)

La semence est la parole Dieu, Que es durs cuers [l. cueurs] n'a point de lieu, Si peu que semence sur piarre. Mes le doulx cuer, s'est bonne terre Laboree par devocïon, Arosee par contrictïon ; Le doulx cuer en m'oyant fructiffie, Et de ses pechés mercy crie. [Réf. à la parabole du semeur (Luc 8, 5-15)] (Pass. Auv., 1477, 137)

Item et pour demonstrer que a l'heure de tierce nous est rendue la grace de Dieu, est encores a scavoir que selon la moralité trois heures sont que on apelle heures morales, c'est a scavoir contrition ou repentance, confession et satisfation. (Somme abr., c.1477-1481, 121)

SATHAN. Il [le chrétien] est parjure Et mesmement encontre toy. S. NICOLAS. Il est mort en tres ferme foy Et a eu grant contriction. (Mir. st Nic. juif, c.1480-1500, 139)

...je veux recevoir Baptisme et si veux avoir De mes pechiés remission En moy donnant contriction De mes pechiés (Oudin, St Genis M.S., c.1490, 68)

Lors le Sainct Pere fist dire a tout le monde Confiteor bien et devotement (...), Et de ceste heure lors generalement A tous confés plains de constricion Qui la estoyent, fist l'asolucion Generalle (La Vigne, V.N., p.1495, 238)

Remarque : JEAN GOLEIN, Rational B.D., c.1370-1372, gloss. ; FOUL., Policrat. B., V, 1372, gloss. ...