REPENTANCE

substantif féminin

[T-L : repentance ; GDC : repentance ; DECT : repentance ; FEW (IX, 119a) : poenitere ; TLF (XIV, 859b) : repentance]

Repentir, repentance.

Sire, alons : il ne m'est pas lait De vostre bonne repentance. (Mir. enf. diable, c.1339, 11)

...car les mauvais sont raëmplis de penitude ou de penitence ou de repentance. (Oresme, E.A., c.1370, 468)

Tant prent mon las cuer et destraint Repentance, et tant me contraint Que ris et jeux mais ne me plaisent (Mir. Rob. Dyable, c.1375, 40)

Ceste yre, si que devant est touchié, contraint le cuer de commun cours à faire parler la bouche oultrageusement, soit en menaces ou en villenant autrui, et dont souvent ensuit mal et repentance, quoy que aucune fois soit à tart. (Chr. Piz., Paix W., 1412-1413, 173)

Cestui excommenia tous ceulx qui alloyent et venoient et qui avoient esté la et au lac de la Sibille, se ilz ne retournoient a vraye repentance et apostolicque absolucion. (La Sale, Salade, c.1442-1444, 102)

Madame (...) oyant la bonne repentence de monseigneur, assez legierement s'en contenta (C.n.n., c.1456-1467, 77)

SAINCT MARTIN. Deable d'enffer qui ores tence De tous poincts a me decevoir, Se tu avoye repentence Et pardon tu voulsisse avoir, Maintenant te foys assavoir Que voluntiers le te donroye (La Vigne, S.M., 1496, 485)

Repentance de qqc.

Fontaine de grace habondans, A touz pecheours secourans Quant en vous ont ferme creance Et de leurs meffaiz repentance... (Mir. enf. diable, c.1339, 30)

Car trop fustes de rude affaire, Quant la dame vous aprocha D'un fait qu'elle vous reprocha Que fait aviez ou temps passé. Se vous eüssiez compassé En vous aucune congnoissance Qui fust signes de repentence De ce que vous aviez mespris Contre les dames de haut pris, Vous eüssiez fait moult que sages. (Mach., J. R. Nav., 1349, 268)

...j'ay desplaisance Et si amére repentance Des mauvestiez que j'ay faiz... (Mir. Rob. Dyable, c.1375, 40)

...en augmentant ycelles confessions et pour verité et afin de descharger son ame et que plus seurement et en grant conscience et repentence de ses pechiez, crimes et larrecins par li faiz elle puist et ait cause de recevoir la mort en plus grant contriccion (Reg. crim. Chât., II, 1389-1392, 437)

Entre six et sept heures du soir, il expira et paya le debit de nature, comme roy estant très craint et redoubté. Et veulent aucuns dire que sa fin fut bonne, à cause qu'il eut bonne et grande repentance des fautes par luy commises envers Dieu. Et là, où la parole luy faillit, monstra signe de bon et vray crestien. (Le Clerc, Interp. Roye, c.1502, 398)