PROCHAIN

adjectif

[T-L : prochain ; GDC : prochain ; DECT : prochain ; FEW (IX, 450a) : *propeanus ; TLF (XIII, 1242a) : prochain]

A. -[Proximité dans l'espace] Proche.

En deus oisiaus mua leurs corps humains Qui sus la mer volettent soirs et mains. Alchioines les ont appellés mains, Car vraiement, Les maronniers qui en mer sont empeins, Quant d'eaus voient ces oiselès prochains, D'avoir fortune ou tempeste certeins Les font souvent. (Mach., F. am., c.1361, 168)

Item, un ange par sa volenté peut bien estre meu avecques le corps, lequel corps et l'ange sont en un lieu ou proceins, et peut l'en dire que l'ange est en ce corps ou a destre ou a senestre de ce corps. (Oresme, C.M., c.1377, 290)

[Par le voisinage]

...et aussi les pays voisins d'environ ledit lieu de Salucet a paytiz à son singulier prouffit, et aux autres prouchains capitaines d'illec environ tenans le parti dudit roy engleis (Reg. crim. Chât., II, 1389-1392, 187)

...ilz demanderent aus voisins prouchains dudit curé, qui ne leur vouldrent enseignier aucunement. (Reg. crim. Chât., II, 1389-1392, 231)

...la femme estoit (...) tresamoureuse d'un seigneur d'eglise, son propre curé et prochain voisin (C.n.n., c.1456-1467, 492)

C'est France qui est en voz mains Ne qui vous soit plus proufittable, Car ce sont noz prochains voisins. (Myst. siège Orléans H., c.1480-1500, 99)

N'estes vous pas de Saint Eustace ? Vous estes mon voisin prochain. Et moi je suis de Saint Germain (Tr. Men., c.1480-1500, 290)

Et, pour ceste cause, ledit grant maistre avoit envoyé le capitaine de laditte place, qui estoit par devers luy, pour le garder. Et avoit ledit duc d'Autriche et tout le pays de son obéissance grant regret à ladicte place, pour ce qu'elle estoit leur prochaine voisine, et ceulx qui estoient dedans pour le roy les tenoient en grant subjection et leur faisoient des maulx largement. (Le Clerc, Interp. Roye, c.1502, 376)

Prochain à qqn

Et tost après, ledit grant maistre avec autres capitaines se misrent aux champs pour aller secourir ceulx qui estoient dedans le chasteau de Cimay, contre lesquelz les Bourguignons tenoient la ville. Lesquelz Bourguignons furent tellement effrayez de l'armée du roy, qui leur estoit prochaine, qu'ilz abandonnerent la ville de Chimay et s'en allerent (Le Clerc, Interp. Roye, c.1502, 379)

Se mettre prochain de qqn. S'approcher très près de lui.

...si prochain se mist du prestre qui celebroit, qu'il le povoit en celebrant de costé percevoir. (C.n.n., c.1456-1467, 447)

Prochain de. Situé à proximité de, proche de.

Mes messages envoieray Par devers le roy de Hongrie, Qui tient moult noble signorie, Et devers le roy de Poulainne, Qui est de ce païs procheinne. (Mach., P. Alex., p.1369, 38)

Il s'en ala en Quarateinne, Une duché qui est procheinne Des montaingnes de Lombardie. (Mach., P. Alex., p.1369, 47)

Mais il [chascun des corps partialz] est terminé au corps qui est prochain de lui par atouchement, et pour ce chascun de ces corps est partie d'une multitude. (Oresme, C.M., c.1377, 54)

...et dit que icelles villes sont prouchaines de ladite ville de Chaalons et Marueil de IIJ, IIIJ, V et VJ lieues environ. (Reg. crim. Chât., II, 1389-1392, 163)

...le pays Ymeneüs (...) Si est il prochain de la mer (Chr. Piz., M.F., I, 1400-1403, 41)

...pluiseurs d'iceulz (...) portans longues bourrées et fagos, descendirent et se bouterent es premiers fossés, esquelz n'avoit point d'eaue, et getoient lesdictes bourrées et fagos dedens l'autre fossé prochain des murs, esquelz avoit grant eaue. (Fauq., II, 1421-1430, 322)

...en ung gros village assez prochain de la ville de Saint Pol, avoit ung bon simple laboureur (C.n.n., c.1456-1467, 439)

Assez prochain de l'ostel d'iceluy chevalier, pere de la pucelle, avoit ung aultre jeune chevalier (C.n.n., c.1456-1467, 545)

...mon cousin l'evesque du Liege, lequel il est deliberé de recouvrer par toutes manieres à luy possibles, il m'a supplicé et requis que, en faveur luy, aussi que ledit evesque est mon prochain parent, lequel je suis en son bon droit tenu de secourir, que mon plaisir fust aller jusques es marches du Liege, qui sont prochaines d'icy (Le Clerc, Interp. Roye, c.1502, 215)

(Le) plus prochain (de). (Le) plus proche (de).

L'OSTELLIER. (...) Sachiez que vous estes au port Plus prouchain de Jerusalem. (Mir. roy Thierry, c.1374, 291)

NOSTRE DAME. Je t'en vueil donner congnoissance : Le plus prouchain [homme] que trouveras De l'eglise, quant ysteras, C'est celi (...) Que tu demandes a savoir. (Mir. st Alexis, 1382, 339)

Et tantost fist le cappitaine faire feu sur la garde d'un fallot, et puis cliner devers la mer, et quant la plus prouchaine garde le vit, si firent feu et le signe. Et ainsi le firent tant de garde en garde que il fu sceu par tout le royaume tantost. (Arras, c.1392-1393, 131)

Or estoit coustume, se dedens un terme qui estoit, ne venoit un qui voulsist estre hermite et demourer ou lieu, il convenoit que le plus prouchain d'embas venist demourer ou lieu, et cellui de dessoubz ou sien, et ainsi demouroit le lieu wit qui estoit plus prez de la terre, tant qu'il venoit en devocion a aucun qui se meist ou lieu. (Arras, c.1392-1393, 272)

...IIJc arpens de bois chauffage, à coper et abatre es forests du Roy de Bondis, Laye, Senart et Pommeroie, et autres plus prochaines forests de Paris, se besoing estoit (Fauq., I, 1417-1420, 204)

Et le premier varlet trenchant du roy doit porter son penon pas a pas, ou que le roy voist, le plus prouchain derriere lui, adfin que chascum congnoisse ou le roy est. (La Sale, Salade, c.1442-1444, 236)

Prenostica aussi des grans vens qui esmeurent les undes, et les undes les terres, qui subverserent plusieurs maisons en divers lieux prouchains de la marine. (Simon De Phares, Astrol., c.1494-1498, f° 141 r°)

Par métaphore. [Par la pensée, la préoccupation...] Prochain à qqn

Amis, se je te sui lonteinne, Par pensee te suis procheinne, Et tu moy, car je sui certeinne Que ta pensee Est tous les jours de la semainne En moy de fois une centeinne, Einsi com Souvenirs la meinne, Mise et fermee. (Mach., F. am., c.1361, 224)

Car toute dolour m'est procheinne, Sans avoir joie main ne tart, Quant la grant douceur m'est lonteinne De vostre dous riant regart Qui navré d'un amoureus dart M'a ; si que trop crueus seroit Li cuers qui pitié n'en aroit. (Mach., Bal., 1377, 538)

Comment qu'à moy lonteinne Soiez, dame d'onnour, Si m'estes vous procheinne Par penser nuit et jour. (Mach., Ch. bal., 1377, 585)

Dame, se vous m'estes lointeinne, Pas n'est mes cuers de vous lointeins, Car par ramembrance procheinne Est nuit et jour de vous procheins ; Et en lieu dou cuer est remeins En mon corps li maus amourous, Comment que soie long de vous. (Mach., L. dames, 1377, 30)

Tous biens me fuit et tous maus m'est procheins, Si qu'il n'est riens qui me puist resjoïr, Quant je me sens de ma dame lonteins. (Mach., L. dames, 1377, 138)

De prochain en prochain. De proche en proche.

...à commancer en un lieu et pareschever de prochain en prochain (Actes Jean V Bret. B., t.4, 1438, 195)

B. -[Proximité dans le temps]

1.Qui est près de se produire, qui est proche, qui est imminent.

La ne fait que fondre et frire ; La son dueil demeinne ; La, sans rire, Se martire ; La se mourdrist ; la desire Qu'il ait mort procheinne. (Mach., L. plour, 1349, 289)

LA MÉRE AU ROY. Puis qu'elle s'en va, querre iray Trois des chiens qu'a eu ma chienne, Dont mourir a honte prouchaine, Se je ne fail, feray ma bruz (Mir. roy Thierry, c.1374, 262)

Et quant j'ay tout regardé, Ceulz sont en male sepmaine Qui ont cuer enamouré, Car c'est vie trop grevaine, Quant mort y gist si prochaine ; Et pour ce ensement conclus Que longue vie m'est saine. Pour ce n'ameray je plus. (Mach., App., 1377, 638)

...telle beste ou telle chose commence par accident et fine, et aussi est il de la puissance proceine que elle avoit a estre. (Oresme, C.M., c.1377, 238)

Or n'a pas granment que du plus hault de ta roe tu m'as mis au plus bas, et encore ne te souffist il mie, mais me veulz destruire, quant mon frere, qui est un des preudoms et un des plus vaillans roys du monde, tu veulz ainsi desemparer de son royaume, se Dieux, par sa grace, n'y met prouchain remede. (Arras, c.1392-1393, 172)

...les yeulx d'elle, archiers du cueur, descocherent tant de fleches en la personne dudit bourgois que sans prochain remede son cas n'estoit pas maindre que mortel. (C.n.n., c.1456-1467, 23)

Tant en devises que aultrement se passerent tant d'heures que le jour estoit voisin et prochain (C.n.n., c.1456-1467, 122)

Icelui Naptanebus voulut speculler ès estoilles aucunes fortes constellacions pour bailler les assaulx, et congneut, par les influences, la mort prouchaine d'un roy et ne povoit trouver qui il estoit, pour ce que jà avoit feble veue. (Simon De Phares, Astrol., c.1494-1498, f° 60 r°)

Estre prochain de + inf. Être sur le point de.

...la cloche du guet estoit prochaine de sonner (C.n.n., c.1456-1467, 391)

Estre prochain à + inf. Être prêt à, habitué à.

Quant je vis celle très belle et bonne damoiselle ainsi prochaine et familiere a son mary servir (La Sale, Sale D., 1451, 135)

2.Le suivant dans une série, une succession.

Et lors ledit hermite lui dist que ès prouchains lieux où il passeroit il meist ces trois noëz en puis ou en fontaines (Reg. crim. Chât., I, 1389-1392, 473)

...ledit Bequot vendroit au premier jour du Parlement prochain à venir pour estre receu audit lieu et office (Fauq., I, 1417-1420, 43)

Item tu dois entendre que la matiere antecedente des cheveux, ce sont humeurs qui sont engendrés au foye, mais la matiere prochaine vient de la tierce digestion par laquelle est faite evaporacion (Gordon, Prat., c.1450-1500, II, 1)

3.En particulier. [D'un événement périodique, d'un intervalle temporel qui est près de se renouveler] Qui suit immédiatement.

Sire, de par moy vous supplie Le chapitre de nostre eglise (...) Qu'a ceste saint Pierre prouchaine (...) Il vous y plaira la grant messe Venir chanter. (Mir. ev. arced., c.1341, 107)

Mon doulz cuer, j'ai bien veu que vostre neuvaine sera ce prochain diemanche assevie. (Mach., Voir, 1364, 274)

...le porteur de ces presentes vous dira, ou je pense a estre, se Dieu plaist, dedens les octaves de la miaoust, quar nous devons partir ce lundi prochain venant, ma suer et moi, pour y aler (Mach., Voir, 1364, 458)

Ce jour, la Court a donné congié à Hebert Camus d'aler aux nopces jusques à lundi prouchain inclusivement. (Baye, I, 1400-1410, 65)

Car le samedi prouchain devant sa mort, très dévotement il s'estoit confessé et démonstra à plusieurs grans signes de contricion, et disoit qu'il lairroit les jeux et oeuvres de jeunesse, et que du tout il se occuperoit à servir Dieu, et au bien du royaume. (Doc. 1408. In : MONSTRELET, Chron. D.-A., t.1 c.1425-1440, 314)

...et pour ce faire a ce prouchain et premier jour de may je veul que pour l'amour de moy vous portez un bracelet d'or esmaillié a noz devises (La Sale, J.S., 1456, 79)

...il print pacience, esperant recouvrer tout la nuyt prochaine (C.n.n., c.1456-1467, 498)

...de ce jour en huit prochain vous arez la veille de la grand Pasque (C.n.n., c.1456-1467, 513)

Prochain ensuivant/venant

...jusquez au jour de la feste de la Nativiteit saint Jehan Baptiste prochain venant (Trés. Reth. S.L., t.2, 1366, 176)

Et pour ce que vous ne vous puissiez mie desencuser que vous ne puissiez estre par devant l'un des IIJ., je vous doing terme de la S. Michiel prochain venant jusques à J. an ; et si me faites savoir devant lequel vous volez estre de ces IIJ., je y seray. (Mach., P. Alex., p.1369, 231)

Florimont, sire de Lespaire, nous avons reçeu et veu unes lettres les queles vous nous avez envoiés ; et quant est de ce que escript nous avez, que la response des dites lettres vous envoions dedens la feste de Noël prochain venant, savoir vous faisons que nous, si comme vous le savez, sommes au present seur nostre armée, au saint service de Dieu. (Mach., P. Alex., p.1369, 232)

...ledit chevalier et madame leur dirent que quant ilz leisseroient l'ouvrier à midi, le samedi prochain ensuïant, que ilz leur apportassent du vergus desdites vignes pour mettre en paste (Reg. crim. Chât., I, 1389-1392, 302)

...dimenche prouchain venant aura un mois, elle estoit au matin en la ville de Pontoise, en laquelle elle estoit allée, dès le samedi jour precedent (Reg. crim. Chât., I, 1389-1392, 346)

Il convient que vous alez prier le conte et sa mere et tous voz amis, qu'ilz viengnent a voz nopces, cy, en ceste praierie, lundi prouchain venant (Arras, c.1392-1393, 35)

...il dist qu'il vouloit avoir au disner, dimenche prochain venant, son pere et sa mere (C.n.n., c.1456-1467, 321)

Oudit moys d'avril fut fait derechef tresve entre le roy et ledit duc de Bourgongne jusques à ung an prouchain ensuivant, qui finiroit l'an LXXIIII. (Roye, Chron. scand., I, 1460-1483, 295)

...ilz firent responce que si le roy de Naples ne leur venoit donner secours en la dicte place, ou qu'il vint en si grant puissance qu'il combatist le roy et son armee dedens le samedi prochain ensuyvant ilz se renderoyent et metteroient les gens du roy ou dit chasteau. (La Vigne, V.N., p.1495, 253)

4.Immédiat.

Aprés il declare comment les delectacions sont plus prouchaines as operacions que ne sont les concupiscences. (Oresme, E.A.C., c.1370, 512)

5.[Avec une indication portant sur le passé] Qui précède immédiatement le moment où l'on parle ou dont on parle.

...maistre Phelippe de Morvillier, premier president, de par ladicte Court remonstra les inconveniens et esclandes avenuz à Paris les jours prouchain precedens (Fauq., I, 1417-1420, 153)

...et promist de faire delivrer à Paris ladicte somme pour emploier ou paiement des gaiges de la Court, ou de rendre et restituer ladicte descharge, donnée le derrenier jour de may prochain passé. (Fauq., II, 1421-1430, 236)

...il s'estoit mis en la dessusdicte ville la prochaine nuyt passee [la nuit précédente] (Percef. I, R., t.1, c.1450 [c.1340], 8)

C. -Par analogie. au figuré.

1.[Proximité entre les personnes]

a)[Proximité de parenté]

Guillaume, or entendez, amis : La puissance qui m'a commis A estre Charité nommée Fait que par ouevre sui prouvée, Dont on en voit les apparans En tous mes plus prochains parans. Ce sont li gentil cuer loial Qui entrent en la court roial De Bonne Amour qui n'a nul per. (Mach., J. R. Nav., 1349, 220)

Droit de Janvier le jour XVJe, Et environ l'eure XVe De la nuit, fu à Nicossie De sa plus procheinne lignie, Et des nobles de son païs, Li nobles roys de Chypre ocis, En sa chambres, sous sa courtine, Nuz, gisans delés la royne. (Mach., P. Alex., p.1369, 247)

Si comme a ceulz qui sont d'un lignage, il est legier a savoir que l'en est plus tenu a celui qui est le plus prouchain. (Oresme, E.A.C., c.1370, 459)

Remondin, et ses oncles, et ses enfans, et les plus prouchains de son lignaige, logierent ou chastel, et les autres au bourc. (Arras, c.1392-1393, 69)

...après le decez du Roy, son filz ainsné, en quelque aage qu'il feust, seroit Roy couronné (...) et gouverneroit par le conseil et advis des plus prochains segneurs de son sang (Fauq., II, 1421-1430, 66)

Je cuide forment, et le croy, Que là sault bonne charité Quant aucuns pour mortalité Délaissent leurs prouchains parens En grans périlz et apparens, Et s'enfuient d'avecques eulx Comme couars, non comme preux (La Haye, P. peste, 1426, 76)

...ung gentilhomme, prochain parent de celuy a qui ce deshonneur se faisoit, fut adverty du cas (C.n.n., c.1456-1467, 352)

Ceste femme est une jeune pucelle, ma cousine prochaine (C.n.n., c.1456-1467, 550)

Et print le dit populaire pour leur capitaine le comte de Warwyk, qui estoyt capitaine de Calais, pour et au lieu de Richard, duc d'York, qui vouloit et pretendoit à estre roy dudit royaulme, qui maintenoit à luy duyre et competter ledit royaulme d'Angleterre comme prouchain heritier de la lignée et du cousté du roy Richard. Et peu de temps après, ledit duc d'York, qui avoit après lui grant nombre de populaire en armes, se mirent aux champs et vindrent en ung parc où estoit ilecques ledit roy Henry avecques plusieurs ducs, princes et autres seigneurs, aussi tous en armes. (Roye, Chron. scand., I, 1460-1483, 7)

J'ay veu ès euvres d'aucuns mes predecesseurs astrologiens, par especial en celles maistre Jehan de Mehung, duquel j'ay eu les livres par succession de prouchain sang, que icelui livre fut composé par Hali Abenragel (Simon De Phares, Astrol., c.1494-1498, f° 123 v°)

Cestui predist sur la veue et consideracion de la nativité, revolucion d'icelle et aussi par la veue de l'urine et autres adminicules que la niepce ou prouchaine parente du pappe enfanteroit quasi enfant monstrueux (Simon De Phares, Astrol., c.1494-1498, f° 131 v°)

...toutes choses furent observees et gardees tant en cerymonies, honneurs et reverences qu'en toutes autres choses qu'il appartient a ung grant seigneur du sang royal, tel comme il estoit et prochain parent du roy. (La Vigne, V.N., p.1495, 310)

Emploi substantival.

Et nous lui demandasmes a qui. Et il nous respondy que nous le saurions assez a temps et qu'il n'estoit pas amis qui a son prouchain failloit a son besoing. Lors lui deismes nous : Glaude, nous voulons bien que vous sachiez qu'il n'a si grant lignaige en cest pays ne marchissant, s'il se prent a vous, que nous ne vous aidons vostre droit a soustenir. (Arras, c.1392-1393, 211)

Et pour ce que je vueil que chascun congnoisse que je ne fay pas cecy pour avarice, mais pour garder mon droit heritaige et esclarcir la vilaine et felonnesse trahison que le faulx traitre et ses complices firent a mon pere pour lui enchasser, preingne son filz Olivier et un de ses plus prouchains. Je les combatray, au regart du noble et juste jugement de vostre court, voire l'un après l'autre. (Arras, c.1392-1393, 59)

b)[Proximité par affinité] Proche.

NOSTRE DAME. Biau filz, nous en irons tout droit Chiez un mien ami bien prouchain (Mir. nat. N.S.J.C., c.1343, 242)

...car entre ceuls qui sont prochains est amistié de lignage. (Oresme, E.A.C., c.1370, 440)

...les barons (...) et leur prochains amis (Chr. Piz., M.F., II, 1400-1403, 296)

Et avecques ce se plaignoient des manieres que on tient au regart de monseigneur de Bar qui est si prouchain du Roy que chascun scet. (Baye, II, 1411-1417, 119)

...tout le couvent en est content, et de tant mieulz quant avez a ce soupper amené un tel seigneur que le seigneur de Saintré, duquel par tout sont de belles nouvelles, et qui est si prouchain familier de nostre seigneur le roy. (La Sale, J.S., 1456, 285)

Après les choses dessusdictes, le seigneur d'Argueil, filz du prince d'Orenge, qui estoit domestique et le plus prouchain dudit Bourguignon, et qui estoit marié à la seur de monseigneur de Bourbon, s'en party et embla d'autour dudit de Bourgongne et s'en vint et retraÿ pardevers le roy, qui bien le recueilly. (Roye, Chron. scand., I, 1460-1483, 246)

En ce temps fut ce notable chevalier, messire Amaury de Saint Amant, moult aprecié pour la science de astrologie à la court de Romme et le plus prouchain de la personne de Henry l'empereur. (Simon De Phares, Astrol., c.1494-1498, f° 111 v°)

Emploi substantival.

Quant princes est loyaus, larges, humeins, Si don sont plain de si tres grant douceur Que pour son fait estrainges et prochains Ne doubtent mort, povreté ne labeur, Eins vuet chascuns ressambler le milleur. Et terre aussi qu'est despendue Vaut trop miex que terre perdue. (Mach., Bal., 1377, 555)

c)Emploi substantival. Poss. + prochain. Être humain considéré comme son semblable.

Car il dit : 'Aime ton prouchain Com toy mesmes' (Mir. nat. N.S.J.C., c.1343, 238)

Item, autres passions sont en avoir tristece et delectacion des choses qui aviennent a son prouchain et y puet avoir superhabundance et deffaute et moien. (Oresme, E.A., c.1370, 169)

...en exhortant la Court afin que, en aiant charité à Dieu et à son prochain, veulle tenir la main et labourer à l'entretenement dudit concil (Fauq., III, 1431-1435, 34)

Mon nepveu, vous nous demonstrés A nous prochains faire pardon, Veu que de vostre cure ouffrés A ces grans pecheurs ung tel don ! (Pass. Auv., 1477, 217)

LE CRESTIEN. (...) je suis ung mauldit parjure Et requiers grace de l'injure Que j'ay fait encontre justice De ma pure et propre malice. Je recongnois cy en ce lieu Le mal qu'ay fait encontre Dieu, Encontre mon prochain aussi. (Mir. st Nic. juif, c.1480-1500, 151)

En ce avez crime commis Contre Dieu et contre sa foy, Qui veult chacun estre submis Son prochain aymer comme soy. (Cene dieux, c.1492, 139)

2.[Proximité avec les choses]

a)Proche par l'intérêt qu'on y porte.

Mais ceste discreccion est lointaine, et la disposicion naturel as habiz dessus diz est prouchaine. (Oresme, E.A.C., c.1370, 353)

Car, en aucunes dignités, c'est especial que, par seule election, il ont plain dret et puent administrer, conme il appiert en un patrice et en un consul, qui sont certaines dignités de Droit civil, (...) et la cause si est pour ce que cez dignités sont prochaines du prince. (Songe verg. S., t.1, 1378, 125)

Emploi substantival. Celui qui est proche de qqc., qui y est mêlé ou qui en a été témoin.

...les sergens du pais de Normendie exigent et extorquent indeuement des subgiez de leurs sergenteries plusieurs sommes de deniers et autres choses pour espargner ceulx qui leur donnent d'aler aux veues, informacions et autres exploiz de justice, par quoy plusieurs foiz la verité des contens ne peut estre sceue, pour ce que les plus prochains et mielx savans n'y sont fait venir (Echiq. Normandie S., 1400, 109)

b)Proche par l'évidence.

...par les argumens et tesmoinages que il trouvera plus prochains et plus couvenables a la chose (Foul., Policrat. B., V, 1372, 399)

3.[Proximité entre les choses]

a)[Par ressemblance]

Qui se rapproche de qqc..

...car cel aer est prochain du feu selon lieu et prochain en qualité, car de sa nature il est chaut et moiste. Mais celle moisteur ou humidité est gastee et consumee par l'excés de la chaleur. (Oresme, C.M., c.1377, 442)

Prochain à qqc.

Mais elle est prochaine a la vraie vertu, car qui aime honneur c'est consequent que il aimme bien honneste pour lequel est deü honneur. (Oresme, E.A.C., c.1370, 211)

Semblable.

Et quant il voient que ce ne peut estre procuree par un moien et il le ont esleü ce moien prochein, il conseillent coment ce peut estre et comme ce moien pourra estre procuré et acquis et par quel autre moien. (Oresme, E.A., c.1370, 191)

Prochain à/de qqc. Semblable à qqc..

Et par consequent, des operacions humaines celle qui est a l'operacion de Dieu plus prouchaine ou plus semblable, c'est la tres plus beneuree. (Oresme, E.A., c.1370, 527)

Et par ce appert que ceste amour est tres prouchaine de celle qui est amour de soy meïsme, de laquelle est derivee toute autre amistié, si comme il sera dit ou .IXe. livre (Oresme, E.A.C., c.1370, 440)

b)[Par causalité]

Des causes prouchaines et élementaires de pestillence, ou de la boce. Faicte ceste disgression, À plus belle cognition Desdictes causes suseraines, Or convient dire des prouchaines, Desqueles est la plus commune, Et qui plus tost la vie impugne, Couvert venim, en l'air gisant (La Haye, P. peste, 1426, 42)