SEMBLABLE

adjectif

[T-L : semblable ; GDC : semblable ; FEW (XI, 624a) : similare ; TLF (XV, 290b) : semblable]

I. -[Idée de ressemblance]

A. -Emploi adjectival.

1.[Valeur de détermination (idée d'ipséité)] Même.

...et en outre ce nous ordonnons une messe perpetuelle a tous les jours avec un obiit a tous les ans le semblable jour que vrays martirs ilz finerent leurs jours au service de Dieu. (La Sale, J.S., 1456, 224)

2.[Valeur de qualification ; d'une pers. ou d'une chose]

a)[Idée d'identité]

Identique, pareil.

... et portoient cil caperons tous sannables afin que mieulz se recogneuissent (Froiss., Chron. L., V, c.1375-1400, 96)

Et superfice descriroit corps ou passeroit en corps par samblable mouvement, mais corps ne pourroit descripre autre espesce de magnitude que corps, quar il a toutes dimensions et est magnitude parfaite comme dit est. (Oresme, C.M., c.1377, 54)

Et samblable ymaginacion mettent Aristote et Averroïz ou ciel, si comme il sera dit apres. (Oresme, C.M., c.1377, 322)

...de luxure Specialment contre nature Vint le deluge (...). Aussy par semblabes pechez Sodome et Gomorre fondirent (Myst. Incarn. Nat. L., t.2, c.1454-1474, 239)

...et ilz seront quictes pour donner chascun un semblable dyamant que sont les nostres. (La Sale, J.S., 1456, 231)

...et, à la verité, ne veïz jamais semblable deul ne qui tant durast. (Comm., III, 1495-1498, 312)

SAINCT MARTIN. (...) Et que diroient de ce fait les aultres anges, Les cherubins et les haulx seraphins Qui, comme celle, sont clers, luysans et fins Et tous creez d'une grace semblable ? Ce leur seroit chose trop admirable Et qui, peult estre, verroient bien envis C'une seulle eust trop plus d'andivis En paradis qu'elles toutes ensemble, Veu qu'en substance celle la les ressemble (La Vigne, S.M., 1496, 339)

ARITHMÉTIQUE [À propos de racines] De même exposant.

Le premier capitre est de reduyre les racines dissemblans a ung semblant. La semblance ou dissemblance des racines vient de leurs denominations tant seulement comme R².12. et R².17. sont semblables car lune [l. l'une] et laultre [l. l'aultre] est R² mais R².12. et R³.12. sont dissemblans en tant que lune [l. l'une] est racine seconde et laultre [l. l'aultre ] est racine tierce (Nic. Chuquet, Triparty M., 1484, I, 657)

De même nature que qqc..

Les maladies qui sont semblables a la complexion du malade, a l'aage, l'abitude, [le] temps de l'an, il a moins de peril que celles ou tout est contraire. (Saint-gille, A.Y., 1362-1365, 62)

Non semblables. Différentes entre elles.

Se pensay pluseurs autres voies Non samblables, et toutes voies Seur une voie m'arrestay, Car je vi, si m'en guermentay, Que lors ne le porroie prendre Et qu'il me couvenoit atendre Une autre fois, mieus pourveüs (Mach., D. Aler., a.1349, 259)

Faire plusieurs choses semblables (attribut de l'obj.) Faire plusieurs choses à l'identique.

...fault que li tistrans tische ces draps dessus dits saulables [l. sanlables] sans royer, par ainsi que li drapiers li livreche fillet assez. (Hist. industr. drapière Flandre E.P., t.3, 1395, 41)

[Avec une valeur anaphorique] De ce genre, du même genre, analogue.

Ci endroit vueil dou roy finer, Pour moustrer et determiner Ne say quans mos en cas semblable Qui sont aus dis dou roy notable. (Mach., D. Aler., a.1349, 360)

Or pren ci un bel reconfort Par un point samblable aussi fort, Que cils son tans ne gaste mie Qui par autrui fait se chastie. (Mach., D. Aler., a.1349, 388)

Item, se le ciel ne puet crestre ne estre fait plus grant ne plus petit, l'en doit entendre par semblable rayson que il ne puet estre alteré. (Oresme, C.M., c.1377, 82)

...à laquelle Marion elle qui parle respondi les mos qui ensuient ou semblables (Reg. crim. Chât., I, 1389-1392, 357)

...et, le jeudi ensuïant, une semblable houpelande et un coustel, vendu XIJ s. (Reg. crim. Chât., I, 1389-1392, 374)

...consideré aussi que pour semblable cas il a esté nagueres emprisonné, et depuiz mis hors pour sa povreté, en lui enjoingnant que se plus retournoit, il seroit pendu (Reg. crim. Chât., II, 1389-1392, 525)

Ha ! messire Hervi ! messire Hervi ! mon adversaire, Phelippe de Valois a monstré sa felonnie trop crueusement qant li a fait morir vilainnement tels chevaliers que le signeur de Cliçon (...). Et se je voloie regarder a sa felonnie, je feroie de vous le samblable cas, et trueve bien qui le me conselle (Froiss., Chron. D., p.1400, 599)

Mesire Gautier, ce seroit trop dure cose pour nous et grant cruautés pour le roi d'Engleterre, se nous qui chi sonmes envoiiet de par le roi de France, et on nous fesist morir. Nous avons servi nostre signeur, ensi que vous feriés le vostre, en cas samblable. (Froiss., Chron. D., p.1400, 837)

...se ta maistresse se fie de tant en toy qu'elle te die son secret en tel cas, tu luy feras si faicte ou semblable responce : Ma Dame, je vous remercie dont tel fiance avez en moy que tant me dites de vostre privé secret (Chr. Piz., Trois vertus W.H., c.1405, 128)

...et aussy furent envoiées semblables cedules en la Chambre des Comptes (Baye, I, 1400-1410, 35)

...afin d'eschever que semblables ou greigneurs faultes n'aviegnent ou temps avenir. (Fauq., II, 1421-1430, 302)

...[ce livre] en soy contient et traicte cent histoires assez semblables en matere, sans attaindre le subtil et tresorné langage du livre de Cent Nouvelles. (C.n.n., c.1456-1467, 22)

...il ne luy devoit pas celer ung tel cas, et (...) si il luy estoit advenu semblable, ou beaucop plus grand, il ne luy celeroit ja (C.n.n., c.1456-1467, 228)

b)[Idée de similitude, de ressemblance]

Semblable à qqn. Qui ressemble à qqn.

...Et par amour charitable Et charité amiable Formas homme a toy semblable D'ame, vie esperitable, Conjointe a ung peu de cendre, Et veult que l'un l'autre engendre, Et y mis vertu d'entendre, Et vouloir pour a toy tendre, Et memoire pour s'estendre Au preterit remembrable. (Chart., L. Esp., c.1429-1430, 16)

...la vraye devocion dont tout ce temps d'yver avez esté esprise vous fait endosser l'abit de saint Françoys, et porter coronne semblable auz bons freres [En fait, expr. ell. pour 'à celles que portent les moines'] (C.n.n., c.1456-1467, 374)

Qui a la même valeur que qqn, égal à qqn.

...il merita ce dit jour d'estre appellé vray filz de Mars, successeur de Cesar, compaignon de Pompee, hardy comme Hector, preux comme Alixandre, semblable a Charlemaigne, couraigeux comme Hanibal, vertueux comme Auguste, heureux comme Octovien, chevaleureux comme Olivier et deliberé comme Rollant. (La Vigne, V.N., p.1495, 288)

(Estre) semblable à/de qqn

Et tel incontinent foible est semblable a celui qui est legier a enyvrer et qui est yvre de peu de vin et de moins que pluseurs autres ne seroient. (Oresme, E.A., c.1370, 392)

Et là amenèrent... tous leurs prisonniers loiiés, enkainnés et embuiés selonch leur usage. Aultre courtoisie ne scèvent li Espagnol faire, il sont sannable as Alemans (Froiss., Chron. R., VIII, c.1375-1400, 47)

...lors il fait taillier les dictes robes sur les personnes semblables de ceulx que il voulloit requerir. (La Sale, J.S. E., 1456, 344)

[De Dieu] Estre fait semblable à homme

E ! mére Dieu misericors, En qui Dieu a homme semblable Fu fait... (Mir. abbeesse, 1340, 89)

Estre semblable à qqn à tel compte. Se monter pareil à qqn dans telle mesure.

Et s'esté m'a dur ne cruel [mon seigneur, l'évêque Thibault d'Aucigny] , Trop plus que cy je ne raconte, Je veul que le Dieu eternel Luy soit dont semblable a ce compte. Et l'Eglise nous dit et compte Que prions pour noz annemys ; Je vous diray j'ay tort et honte, Quoy qu'il m'aist fait, a Dieu remys. (Villon, Test. R.H., 1461-1462, 25)

(Estre) semblable à qqc. (Être) pareil, similaire, ressemblant à qqc..

...la fin de ver est semblable au commencement d'esté (Saint-gille, Comment. A.Y. L., 1362-1365, 336)

Item, Aristote dist ou Livre des bestes que la nature de la lune est samblable a la nature de la terre, selon ce que Averroïz allegue en cest chapitre, et dist en autre lieu en ce secont livre que les corps du ciel ont vertus samblables aus vertus des elemens (Oresme, C.M., c.1377, 462)

Et puis le fist dormir un somme, Et de la coste de cel homme Une belle femme en forma, Qui trestoute telle forme a Comme homme et ame raisonnable Et a l'image Dieu semblable (Chr. Piz., M.F., II, 1400-1403, 135)

...il leur en respondy a tous propoz choses assez samblables a verité. (Percef. IV, R., c.1450 [c.1340], 227)

Estre semblable comme de qqc.

Et est semblable comme d'un son lequel puet croistre tardivement ou isnelement tant que il soit en acort et en consonance et bonne proporcion aveques .I. autre (Oresme, E.A.C., c.1370, 501)

Estre semblable comme + adj. Être comme.

Et quant aucuns luy blasmerent qu'il l'avoit tué tout mort, il dist : ainssy que l'ay trouvé, je l'ay laissié ; repuctant, en ce cas, estre semblable le dormant comme mort. (La Sale, Salade, c.1442-1444, 60)

Semblable comme + prop.

Et est semblable comme l'en dit d'aucun que il est mauvais medicin ou mauvais jugleur [Le sujet de 'est semblable' est un neutre tel que 'ce'] (Oresme, E.A., c.1370, 379)

Semblable comme qui

Il [l'omme bestial] est semblable come qui feroit comparoison d'une chose qui a ame a celle qui n'a point de ame (Oresme, E.A., c.1370, 386)

Semblable comme si

Et avecques ce est semblable comme se aucun faisoit comparoison en mal de injustice a homme injuste. (Oresme, E.A., c.1370, 386)

Semblable que + sub.

De sa prise et venue furent les oncles du roy tout joyant et distrent qu'on ne le garderoit point trop longuement, mais mourroit de la mort samblable que les aultres estoient mort ['analogue à celle dont les autres étaient morts'] . (Froiss., Chron. M., XIV, c.1375-1400, 75)

Et la partie a cui Dieu donra du pire, chascun de nous sera quicte pour donner son dyamant en sa visiere, et ilz seront quictes pour donner chascun un semblable dyamant que sont les nostres. (La Sale, J.S., 1456, 231)

Son intention estoit d'en prendre semblable unction qu'il en avoit prins à son sacre, combien que beaucop de gens cuydoyent qu'il s'en voulsist oyndre tout le corps: ce qui n'est pas vraysemblable, car ladicte saincte ampolle est fort petite et n'y a pas grant matière dedans. (Comm., II, 1489-1491, 308)

Par semblable forme de qqc. À l'instar de qqc..

Amours refourme Ses servans par semblable fourme De la mousche qui le miel fourme En un creux d'un chesne ou d'un ourme. (Chart., L. Dames, 1416, 255)

[Empl. avec un autre terme]

Semblable et pareil

Sy en rescriptz [pour mes deux pauvres clergeons, deux très vieux chanoines de Notre-Dame] au collateur Lettres semblables et parreilles ; Or prient pour leur bien faicteur Ou qu'on leur tire les orreilles ! (Villon, Test. R.H., 1461-1462, 108)

Tel et/ou semblable

Le roy s'enportoit de touttes ces choses assez bellement, car il estoit joennes ; il ne les pesoit pas si grandement que dont quant il eust XL. ou L ans de age. Et disoient les aucuns anciens qui ramentevoient le temps passé : Pour tel fait ou par le samblable a eu le royaume de France moult à faire et à souffrir, (Froiss., Chron. M., XIV, c.1375-1400, 2)

Je sçay leurs responses et de quelz motz sçevent user, qui sont telz ou semblables (C.n.n., c.1456-1467, 564)

Et, tantost après ces choses ainsi faictes, le roy manda venir à lui les presidens de sa court de Parlement, ausquelz il dist telles ou semblables paroles... (Roye, Chron. scand., I, 1460-1483, 138)

...et, en oultre, que le roy luy fourniroit en pension, par chascun an, jusques à LXm livres tournois, et tout sans prejudice aux autres enfans, qui pour le temps à venir pourroient venir à la couronne, de povoir demander tel et semblable appanage, pour ce que le roy, pour avoir paix et bonne amour avecques sondit frere, se eslargissoit à lui bailler si grant somme que de LXm livres tournois par an. (Roye, Chron. scand., I, 1460-1483, 200)

...et leur disoit telles ou semblables parolles : 'Mes amys, mes enfans, ne plorez point pour moy, car c'est le plaisir de Dieu que je meure...' (La Vigne, V.N., p.1495, 311)

Mesme ou semblable + subst. que/tel et semblable + subst. que + sub.

...tout de plat s'entreaccolerent et baiserent en la mesme ou semblable fasson que celuy du grenier avoit fait (C.n.n., c.1456-1467, 243)

... [Madame] trouva monseigneur son mary et Jehannette sa chambriere en tel ouvrage et semblable qu'elle venoit de faire ['identique à celui qu'elle venait de faire'] (C.n.n., c.1456-1467, 272)

Je, Jehan de Cry, seigneur de Cymay, fay autel et semblable veu à Dieu, mon createur, et à sa glorieuse mere, aux dames et au faisant, qu'a faict monseigneur mon frere, et tel que cy dessus est contenu (La Marche, Mém., II, c.1470, 386)

[Empl. subst. masc. à valeur neutre.] Chose de ce genre.

Item, qui en telles choses vouldroit mectre moien, il feroit semblable a celui qui mectroit moien et superhabondance et deffaute en injustice et en couardie et en incontinence. (Oresme, E.A., c.1370, 164)

Mes il entent par rime toute mesure convenable de sillebes ou de sons en probation ou prononciation ou semblable. (Oresme, Pol. Arist. M., c.1372-1374, 349)

3.Locution adverbiale. À/au/par semblable. De même, de la même manière.

Donques par semblable sont pluseurs convoiteus de honeurs et ambicieus que pusillanimes, et ainsy pusillanimité est moins commune. (Oresme, E.A.C., c.1370, 257)

Et donques par samblable, estre meu selon lieu est soy avoir autrement en soy meisme ou resgart de l'espace ymaginee immobile, car ou resgart de celle espace ou selon elle est mesuree le isneleté du mouvement et de ses parties. Et par ce appert que le mouvement du ciel ne autre ne requiert, quant est de soy, repos ne mouvement d'autre corps. (Oresme, C.M., c.1377, 372)

Par semblable le vice qui du prince redonde sur ses subgietz pervertit l'ordre, trouble l'office et empire la condition de tous les estatz de son peuple (Chart., L. Esp., c.1429-1430, 45)

Par semblable est maleureuse ignorance imparfaicte en soy, et en ses oeuvres impotente. (Chart., L. Esp., c.1429-1430, 75)

Au semblable, pour ung homme aumousnier Cincq cens femmes plaines de charité ; Pour ung devot, de femmes ung trentier (Michault, Procès honn. F., p.1461, 58)

...se tu as perdu ton royame et que on le t'a rosté par tortfait, ung aultre vendra qui le rostera au rosteur et te vengera par semblable. (Chastell., Temple Boc. B., 1463-1464, 147)

A semblable doncques, pour veriffier et mettre avant les parolles et auctoritez des femmes de jadis, affin aussi de les non perdre ne telement esvanouyr que la memoire ne puist estre fresche et recente entre celles du temps present et de cellui avenir, ont esté trouveez six matrones sages et prudentes pour reciter et lire les dittes Euvangiles des Queneules en la maniere que cy aprés sera declairié. (Ev. Quen., I, c.1466-1474, 78)

Par ce semblable. De cette même manière.

Si com li feux la buche avance Et la couvoite pour ardoir, Et avarice quiert l'avoir, Et n'en puelent estre assovis, Par ce semblable et plus envis Ne sera du vice de vie A nul jour la femme assevie, Ne delit ne lui souffira, Mais toujours plus le desirra. (Desch., M.M., c.1385-1403, 185)

Et si comme li ruisseaulx plains D'yaue douce arrouse la terre Et qu'elle fait par l'umeur querre Et par la vertu du souleil Au vergier fruit gros et vermeil Plus habondant et plus valable Au cultiveur, par ce semblable Le jardin de l'ame divine, Quant de larmes fait sa cretine Et les espant par influence Sur son pis en grant repentence Et en vraie contriction, Et le fruit d'operacion Est arrousez avec la grace Du saint Esperit qui efface La seicheresce du jardin, Et le souleil dès le matin De charité ou vergier raye Et rousée, avant qu'il ait raye Celestial la terre arrouse (Desch., M.M., c.1385-1403, 201)

B. -Substantif.

1.[À propos d'une pers.]

a)Être humain en ce qu'il a de commun, d'identique avec tous les êtres humains.

Proverbe. Semblable quiert son semblable

...li philozophes recorde Que sannables quiert son sannable. (Froiss., Joli buiss. F., 1373, 98)

Pour ce celly celle requiert : Sanlables son sanlable requiert. (Pastor. B., c.1422-1425, 189)

Semblable l'un avec l'autre tient

...si bon suy, bons ameroie, Semblable l'un ove l'autre tient (Gower, Miroir homme M., c.1376-1379, 236)

b)Le semblable de qqn.

Celui qui est identique à qqn, l'égal de qqn.

Et pour ce ne doit nulz defendre Selon la loy a femme prandre, Pour .II. raisons qui sont tresbonnes : L'une si est que tu ordonnes En mariant selon nature Ton semblable et y mès ta cure : Dieu son esperit li influe, Qui de sa saincte grace afflue (Desch., M.M., c.1385-1403, 326)

Ung fer lime l'autre, et ung pecheur chastie son semblable, et devient instrument de la divine justice. (Chart., L. Esp., c.1429-1430, 42)

Rien n'est tenu couvert, clos ne celé par telz gens ne leurs semblables. (C.n.n., c.1456-1467, 563)

...Multitudes de semblables a toy, rois et roynes, sont et ont esté en tribulation de ceur et en griefve depression de leur estat (Chastell., Temple Boc. B., 1463-1464, 140)

...Pour rendre lors suffisantes louenges Au chief des homes, au semblable des anges, Au champion trop incomprehensible, Qu'assez louer de langue n'est possible. (La Vigne, V.N., p.1495, 145)

En particulier. Son semblable. Son prochain.

...afin que (...) je, qui sui commun homme et non sage, puisse aucune chose departir a mes semblables qui soit a ses loenges en leur monstrant les grans biens du seigneur (Foul., Policrat. B., VI, 1372, 127)

Et, selon les droitz de nature, Toute personne qui procure Injustement a son semblable Cas de mort, de mort est capable (Myst. jeune fille L., c.1413-1445 [c.1530], 69)

C'est pitié d'eux voire en la vie Ainsi mors, tous nuz comme ilz sont. L'on doit avoir compassion De son semblable et pitié. (Myst. st Adr. P., c.1450-1485, 163)

C'est grant pitié lorsqu'il fault Voir son semblable mal finer. (Meschin., Lun. princes M.-G., c.1461-1465, 62)

Par plus forte raison, ung noble chevalier doit estre piteux de son semblable et non pas ses subgectz desrobber ne piller, mais doit prendre exemple à Thiberius, duquel nous lisons ès croniques, comme ses conseilliers et ses officiers luy conseilloient qu'il ordonnast subsides et tribuz sur son peuple, lequel respondit que le bon chevalier ne doit pas robber ses subgectz ne apouvrir, mais les doit garder et nourrir. (Bueil, II, 1461-1466, 76)

[À propos d'un animal] Animal qui appartient à la même espèce.

Toute beste ame son semblable (Mir. femme roy Port., c.1342, 149)

2.[À propos d'une chose] La même chose.

...le semblable fist en la bataille des Rommains a l'encontre des Gals (La Sale, Sale D., 1451, 145)

...[il] dist que tout le semblable luy estoit advenu en la propre nuyt, ainsi que cy devant est declaré (C.n.n., c.1456-1467, 394)

...si les fit remercier de leurs belles offres, lesquelles il recepvoit fort aggreablement, et leur fit offrir le samblable aveuc aultrez pluseurs amiables parolles proferées par ledit marissal (Molinet, Chron. D.J., t.1, 1474-1506, 629)

...et leur sembloit bien que si ceulx-[là] leur prestoient l'oreille, que tout le reste des villes de ce royaulme feroient le semblable. (Comm., I, 1489-1491, 43)

Le semblable soit-il ! Qu'il en soit de même !.

Et le semblable soit il des pouvres qui vous requerront aumosne (La Sale, J.S., 1456, 41)

C. -Adverbe. De même.

Le conte de Clermont, de gueulles a deux bars d'or endossez, a croisectes recroisetees de mesmes, aux loings piez, et crie 'Clermont !' Le seigneur d'Offemont, semblable, a trois lambeaux d'or, et crye 'Offemont !' (La Sale, J.S., 1456, 190)

II. -[Idée de semblance] Qui se manifeste, qui est manifeste.

Il est, dist il, semblable a veoir que elle est ta femme (Raoul De Presles, Genèse P., c.1375-1380, 118)