POURVOIR

verbe

[T-L : porvëoir ; GD : porveoir ; GDC : pourvoir ; DECT : porvëoir ; FEW (IX, 483a-b) : providere ; TLF (XIII, 961b) : pourvoir]

A. -Prévoir, penser à ce qui est à faire.

1.Prévoir.

Pourvoir qqc. Prévoir qqc..

En aprés le sage doit pourveïr les biens a venir pour deulx raissons, asscavoir affin qu'il les quiere soigneusement de tout son estude et de tout son desir, et que au regart d'iceulx il despite les biens presens, selonc le dit de saint Gregoire : «Aprés le goust de l'esperit toute char saveure mal», c'est a dire volupté charnele. (Daudin, De la erudition H., c.1360-1380, 353)

Saint Grigoire dit que les coups a avenir qui sont pourveü ne fierent pas si fort que ceulz qui vienent soudainement. (Ex. 1391. In : G. Ouy, Le M. fr. (Colloque, Milan), t.1, 1986, 129)

ANNE. (...) Veillez le cy toute la nuyt Et, afin qu'il ne vous ennuye, Esbattez vous a quelque jeu. ROUILLART. Nostre esbat est ja tout pourveu : A riens ne nous voulons esbattre, Synon le bien torcher et battre (Myst. Pass. Troyes B., a.1482, 739)

[De Dieu] Voir et prévoir qqc..

Mais cils qui haut siet et loing voit, Qui tout gouverne et tout pourvoit, Ceste traïson plus celer Ne volt, eins la fist reveler Et si generaument savoir Qu'il perdirent corps et avoir. (Mach., J. R. Nav., 1349, 145)

Cils qui tout scet et qui tout voit, Qui tout gouverne et tout pourvoit, Qui ciel et air et terre et mer Et quanqu'on scet dedens nommer, Tout ce qui est, fu et sera, Fist tout, et tout ce deffera A un terme qu'il y a mis, N'oublie onques ses bons amis, Eins les conseille et les conforte (Mach., C. ami, 1357, 3)

Et coururent toute la ville, Car tuit Sarrazin s'enfuioient Pour les nostres, qui les suioient. Mais Dieus, qui tout scet et tout voit, Qui tout gouverne et tout pourvoit, Qui ses bons amis pas n'oublie, Eins est toudis de leur partie, De son paradis acouri, Et le noble roy secoury, Et li donna pooir et force (Mach., P. Alex., p.1369, 90)

...je istray hors de ces las afin que je die que la proveance de Dieu ne puet estre deceue, et toutesvoies la chose qui est pourveue si puet non advenir. (Foul., Policrat. B., II, 1372, 173)

Emploi absolu. Prévoir, prendre des mesures en conséquence.

Et est aussi comme se nature avoit pourveu pour le temps qui estoit a venir, car se le mouvement des estoilles n'estoit en la maniere que nous avons dit, nulle chose de cest monde ici-bas ne dureroit en samblable maniere. (Oresme, C.M., c.1377, 474)

2.Être attentif à.

Pourvoir qqc. Examiner qqc..

Alixandre le palais vit, Tout a l'environ le pourvit. Monlt y musa et traveilla, Et forment s'en esmerveilla (Renart contref. R.L., t.1, 1328-1342, 137)

...ça, ça ! je le vous diray bien, Mais q'un po l'aie pourveu [la bulle du pape] . Selon ce que j'ay ci leu, Le roy sa fille espouser peut (Mir. fille roy Hongrie, c.1371, 12)

Emploi absolu.

En Alixandre la cité Sui, si ay bien neccessité Que sus et jus tant pourveisse Que le preudomme fol veisse. (Mir. parr., 1356, 47)

Pourvoir à qqc. Être attentif à qqc., veiller à qqc..

Dieu pourvoit à tout

Mais Dieu, qui pourvoye à tout, ne le vot consentir, et fut leur folle entreprinse descouverte (Escouchy, Chron. B., t.1, c.1453-1460, 380)

Se pourvoir de qqc. Faire attention à qqc..

Je vous avis que bien faciez Et que le contraire effaciez. S'il vient par devant vostre face, Afin que point ne se parface, En avisant seur quatre choses Qui ne sont mie si encloses Qu'on ne les puist assez vëoir, Qui un po s'en vuet pourvëoir : Se jugement avez a rendre, Premierement devez entendre De savoir quels est li meffais Et a qui il a esté fais. (Mach., J. R. Nav., 1349, 255)

(Se) pourvoir + interr. indir.

Réfléchir.

Quant cils espriviers ot assez Colié, point ne fu lassez, Einsois se prist a pourvëoir Comment il le porroit vëoir. Dont moult asprement se hasta, Si que d'un arbre seul monta Des branches toutes les plus hautes. (Mach., D. Aler., a.1349, 272)

Lors me dist il, sans delaier, Que je me ralasse sëoir, Car il se voloit pourvëoir Quel penitence il me donroit, Et que brief m'en delivreroit. (Mach., J. R. Nav., 1349, 276)

Regarder, examiner.

...li rois d'enfer de ce crosle Ot tel paour que tout en l'eure Sus trois chevaus plus noirs que meure Yssi hors de sa mansion Pour faire visitation S'il avoit crevace ou fendure En murs de l'infernal closture, Pour ce qu'il y vuet pourvëoir, S'il y puet nul deffaut vëoir. La court et par mons et par vaus Pluto sus ses faëz chevaus Sans frein, sans culiere et sans bride. (Mach., C. ami, 1357, 85)

Emploi absolu. Se prémunir, prendre ses dispositions.

... [la Court] a ordonné que le procureur du Roy iroit avec ledit d'Aigny demain au matin audit monsr le Chancellier, et lui requerroit que, veu que ledit d'Aigny ne requeroit que justice, que lui seellast sondit adjornement en cas d'apel, et ou cas que ne le feroit, il se pourveroit comme il appartendroit. (Baye, I, 1400-1410, 20)

Pourvu

[D'une personne] Prudent, avisé, sage.

Deux amiraus ont esleüs, Sages hommes et pourveüs Et devers le roy les envoient, Et nos messages les convoient, Tant seulement pour raporter Se li roys vorroit acorder La pais cornue qu'il li portent. (Mach., P. Alex., p.1369, 200)

Et doit l'en dire la chose conseillable non pas celle de quoy voudroit faire conseil .I. homme non sachant, ydiot ou un homme hors du sens, mais celles pour quoy conseilleroit un homme entendant, pourveü et discret. (Oresme, E.A., c.1370, 188)

Chil doi baron, qui sage et pourveu estoient, se couvrirent moult bien deviers li de dire. (Froiss., Chron. D., p.1400, 483)

Adonc, le pourveu roy Charles à juste cause ordenna que son mareschal nommé Hernoul d'Endrehen, Bertran de Clequin et autres chevetains conduisissent et menassent toute celle gent de Compagnie en Espaigne, faire guerre au roy Pietre, ainsi fu fait (Chr. Piz., Faits meurs Ch. V, S., I, 1404, 124)

Qui ne se laisse pas prendre au dépourvu.

Car l'omme sage ne doit jamais dire : «Je ne cuydoye pas qu'il deust advenir», car il doit estre premuny et proveu en attendant ce que peut advenir. (Fillastre, Traité Conseil H., c.1472-1473, 145)

Emploi substantival. Celui qui est pourvu en sagesse.

Je souhede (...) Que dame euïst (...) le sens si grant en li Que de congnoistre le vrai et le garni, Le pourveü, l'amoureus, le joli (Froiss., Joli buiss. F., 1373, 218)

[D'une chose] Délibéré (à quoi on a pensé).

Et chis clerc est perpetueis, s'ilh nel meffait par les exchès devant escript, ou qu'ilh fuist de porveyuwe fausseteit repris (Hemricourt, Patron Temp. B., c.1360-1399, 98)

B. -Prendre les mesures qui s'imposent.

1.Faire ou fournir ce qui est exigé par une situation, un événement.

a)Pourvoir à/de/en/sur qqc.

Prendre les mesures nécessaires à qqc..

...voulans pour ce et desirans de tout nostre cuer y proveoir par telle maniere au salut de nostre ame (Test. Ch. V, D., 1374, 183)

Nous, qui de tout nostre cuer désirons pourveoir à la défense et bien publique de nostre royaume (Ch. VI, D., t.1, 1381, 10)

S'il advenoit que aucuns du païs (...) ne vousissent obéir au Roy, le Roy et nosseigneurs y pourroient assez pourveoir par faire cesser les finances qu'elle prent pardeçà et autrement (Ch. VI, D., t.1, 1385, 64)

...ledit prisonnier leur cogneut et confessa (...) qu'il vouldroit qu'il pleust à Dieu que elle [sa fiancée] peust savoir l'estat en quoy il estoit et estoit, afin que elle pourveist sur la delivrance dudit prisonnier, si comme il leur dist et afferma lors. (Reg. crim. Chât., I, 1389-1392, 203)

...il manda audit Hennequin que il alast parler à lui, pour savoir la cause pourquoy il estoit là venus et arresté en ladite ville, et pour sur ce pourvueir et ordonner ainsy que raison donroit. (Reg. crim. Chât., I, 1389-1392, 381)

Et se vous ne faites tant que la verité en soit sceue, le roy y fera pourveoir de tel remede comme bon lui semblera. (Reg. crim. Chât., I, 1389-1392, 524)

...icelle Lucete pria et requist elle qui parle (...) que elle voulsist venir audit lieu de Guerart veoir ledit de Ruilly, son filz, qui estoit moult fort malades, et le visiter, et à la senté de sondit filz pourveoir au mieulx que elle porroit et sauroit (Reg. crim. Chât., II, 1389-1392, 303)

Sire roy, s'il vous plaist que vostre niepce soit mariee, si lui querez mary, car par dessus vous n'y a homme qui s'en meslast. Et quant le roy l'entent, si leur respond : Beaulx seigneurs, et nous y pourverrons a son prouffit et honneur et au vostre et bien prouchainement, et je m'en voiz parler a elle pour ceste mesme cause. (Arras, c.1392-1393, 188)

Et quant au surplus demourra la Chambre des Comptes (...) chargée de aviser et pourveoir à l'acomplissement de l'ouvrage desdiz pons. (Baye, I, 1400-1410, 251)

...sur la requeste du procureur du Roy, afin de pourveoir au fait du demaine du Roy et aux entreprinses faictes ou à faire en diminucion d'icellui (Fauq., I, 1417-1420, 3)

...et pour pourveoir à la paix et transquilité des habitans de Paris et au gouvernement et bonne police de la Ville (Fauq., I, 1417-1420, 225)

...icele requeste, laquelle eust des lors esté renvoiée par nostre dit chancellier par devers noz amez et feaulx les gens de noz comptes à Paris pour y pourveoir par eulx comme il appartendroit par raison (Paris domin. angl. L., 1427, 278)

...retourné par devers le dit Octo, et luy demandé s'il avoit proveu à son fait (Aff. Jacques Coeur M., 1453-1457, 147)

Et de ladicte venue en furent portées les nouvelles au roy par aucuns qui en parlerent à la charge de ladicte ville, qui n'y avoient aucune coulpe. Et, pour ceste cause et à grant haste, le roy envoya audit lieu de Paris son mareschal, seigneur de Loheac, et maistre Jehan Bureau, tresorier de France, pour pourveoir et donner provision audit donné à entendre. (Roye, Chron. scand., I, 1460-1483, 10)

Si vous prions que avecques eulx vous pourvoiez tousjours en noz affaires et ceulx de ladicte ville (Lettres Ch. VIII, P., t.1, 1487, 157)

S'occuper de qqc..

Je le di pour les riches hommes : S'il ne sont loiaus et preudommes, Hardi, large comme Alixandre Pour leur grant richesse despendre, Et sages aussi pour vëoir A leurs grans fais et pourvëoir, Sans gieu de dez, sans taverner, Il ne puelent bien gouverner. (Mach., F. am., c.1361, 185)

L'ONCLE. Niepce, bien dites ; pour ce vueil Les registres aler veoir, Et sur ce pourray pourveoir A voz besongnes. (Mir. marq. Gaudine, 1350, 129)

Ce jour, la Court manda le lieutenant du prevost de Paris pour lui dire et enchargier, et de fait lui dit et encharga qu'il feist diligence de pourveoir au fait des boulengiers qui faisoient trop petit pain, eu regard à la valeur du blé. (Fauq., II, 1421-1430, 135)

Si vous prie tant comme je puis que vous soiez tout le premier a monseigneur le roy faisant la requeste de le delivrer, et de la despense ne vous souciez, car Dieu et nous pourverrons a tout. (La Sale, J.S., 1456, 146)

C'est mal pourveu a vostre amie, Si me semble, mon filz, mon pere, De la laisser ainsi marrie, Sans avoir soulas ne repere. (Pass. Auv., 1477, 220)

Et, ce fait, se vous voulez venir à Bohain pour estre plus près de moy, je le vouldroye bien, affin de ordonner et pourveoir au surplus de ce qui sera à faire, selon que les materez seront disposées. Donné à Peronne, le XIIIIe jour d'octobre. (Le Clerc, Interp. Roye, c.1502, 216)

Satisfaire, donner suite à (une demande).

...afin que l'en puisse pourveoir à la requeste faicte par ledit prevost sur la reparation des chaussées de la ville de Paris. (Baye, I, 1400-1410, 201)

Veiller sur qqc., gouverner, administrer, gérer qqc..

...P. de Oger, R. Mauger, commissaires donnez de par la Court avec me P. Lefevre pour pourveoir au gouvernement temporel de mesdames les religieuses de Nostre Dame de Troyes (Baye, I, 1400-1410, 47)

...la Chambre des Comptes, à qui apartient de veoir et pourveoir au domainne du Roy nostre Sire (Baye, I, 1400-1410, 251)

Défendre, protéger (une collectivité).

...le Roy, ou voiage qu'il entendoit à faire, avoit intencion de pourveoir et secourir à sa ville et cité de Rouen (Fauq., I, 1417-1420, 192)

Pourvoir à qqc. de qqc.

Beaulx enfans, (...) ne vous soussiez, car dedens brief temps j'auray ordonné de vostre fait telement que vous m'en saurez gré. Mais or me dictes en quel partie vous voulez aler, pour y pourveoir de ce qu'il vous fauldra. (...) Par foy, dist Melusigne, enfans, cy fault pourveoir tant pour le fait de la mer comme cellui de la terre, et j'en ordonneray tellement que vous m'en saurez gré, et ce feray je bien brief. (Arras, c.1392-1393, 83)

Et sachiez qu'il [le roi Uriien] pourvey a ses fors de toutes choses neccessaires pour la guerre. (Arras, c.1392-1393, 123)

Pourvoir de remede à qqc. Trouver un remède à qqc..

Et se vous ne faites tant que la verité en soit sceue, le roy y fera pourveoir de tel remede comme bon lui semblera. (Reg. crim. Chât., I, 1389-1392, 524)

Par foy, dirent cilz, nous ne savons que penser qu'ilz tendent a faire, sinon qu'ilz se veulent vengier de Remondin, nostre cousin, ou de nous mouvoir guerre sur ceste querelle. Mais toutesfoiz il est bon de y pourveoir de remede. Mandons de noz amis et nous tenons secretement ensemble, et verrons quel conroy ilz prendront, afin que, se ilz viennent sur nous, que ilz ne nous treuvent point a descouvert, et aussi, se Remondin se part, que il ne soit pas souspriz d'eulx (Arras, c.1392-1393, 70)

Lors se part un frere et vint au fort, et dist au maistre : Telles nouvelles nous sont venues, pourveez y de remede. (Arras, c.1392-1393, 127)

Dont, dist Anthoine, ay je droit d'avoir essayé mes compaignons, pour savoir comment je les auray prests a mon besoing, veu que nous approuchons de noz ennemis. Au moins, se aucune faulte y eust eu, nous y eussions pourveu de remede a moins de dommage que se besoing y feust. Et aussi ilz scevent bien maintenant que ilz doivent faire se le besoing y estoit. (Arras, c.1392-1393, 157)

Si vous requier, pour Dieu et pour pitié, que vous y veulliez pourveoir de remede, car il est bien vray qu'a vous je doy obeir plus que a personne du monde, et ainsi le vueil je faire. Dont ot le roy grant pitié et lui respondy : Belle niepce, nous y avons ja pourveu ; il vous fault marier a un homme tel qui soit digne de vous gouverner, vous et vostre pays (Arras, c.1392-1393, 188)

Par ma foy, creez qu'elle est malade ; elle est plaine de feu. Si fault pourveoir de remede. (C.n.n., c.1456-1467, 135)

Puis que mon mal est incurable et mortel si je n'y pourvoy de tel remede, loé soit Dieu, je prens la mort en gré. (C.n.n., c.1456-1467, 141)

Dont pour passer les haulx mons de Savoie Comme dit est, les chars on renvoya, Et de remede autre on y pourvoya. (La Vigne, V.N., p.1495, 146)

Mais Dieu y pourveut de remede, car comme se sc'eust esté par divin miracle ou ordonnance de Dieu, les ennemys qui estoyent dix contre ung, encore ung d'eulx en valloit trois des nostres a le bien prendre (La Vigne, V.N., p.1495, 288)

b)Pourvoir (à/de) + inf. Faire en sorte de, s'occuper de.

LA FILLE. (...) Je m'en vois vistement D'avoir a mengier pourveoir. (Mir. Oton, c.1370, 362)

...par deux jours il a retenu icelle [haquenée] sanz la remener en l'ostel dudit consierge, jà soit ce qu'il eust temps compettent de soy adviser et pourveoir à remedier sur ce (Reg. crim. Chât., II, 1389-1392, 371)

...la necessité d'avoir argent prompt pour pourveoir à resister aux adversaires d'Angleterre qui se mettent ou sont desjà mis sus pour grever ce royaume (Fauq., I, 1417-1420, 14)

...Livius et sa gent (...) pourverroyent mieulx veoir les gens et la faiçon du combatre de Asdrubal que bonnement n'avoyent peu faire (La Sale, Sale D., 1451, 83)

Dès ce que le roy sceüt le partement dudict connestable, il advisa de pourveoir à donner remède que ledict connestable ne peüst recouvrer amytié du duc de Bourgongne et tyra dilligemment devant Sainct-Quentin et y feït assembler sept ou huyct cens hommes d'armes et avec eulx y alla, bien informé de ce qui estoit dedans. (Comm., II, 1489-1491, 85)

Pourvoir que + subj. Veiller à ce que.

...et que après ledit jour on pourvoie que les funerailles et service ecclesiastique soient fais convenablement (Fauq., II, 1421-1430, 261)

Et par ces trois estoit et est consumee la pecune roial et les tresors de la seigneurie, evacuez en temps d'abondance, ne la multiplication de l'avoir lors sourvenant de toutes pars ou la consideracion de la necessité avenir ne pevent mouvoir voz courages a cognoistre qu'il soit expedient en reserver au prince pour son besoing ne a pourveoir que tout ne soit avant despendu que receu. (Chart., Q. inv., 1422, 38)

Premierement pourveist qu'il eust le dos au solail et la pouldre, qui moult estoit grant pour le fort vent. (La Sale, Salade, c.1442-1444, 48)

c)Pourvoir qqc. Préparer qqc..

Thibaut, alez en sanz attente Pour nostre diner pourveoir, Et quant temps sera d'asseoir, Si me revenez querre aussy, Et vous me trouverez icy. (Mir. chan., c.1361, 140)

Le souper ont li queux noblement pourveü (Jourd. Blaye alex. M., a.1455, 427)

Emploi absolu. Faire le nécessaire, faire ce qui s'impose.

Sy vous plaise à regarder et à pourveir, ou les choses iront mal, car le menu peuple s'en deult trop fot. (Froiss., Chron. M., XIV, c.1375-1400, 25)

Il dit que en un temps commencerent maladies qui onques devant n'avoient esté en une des grans parties du monde. Item, il est provable que nature, qui onques ne deffaut en choses neccessaires, pourvoist en tel cas et feist aucunes nouvelles espesces de herbe ou d'autre chose en remede contre telles maladies. (Oresme, C.M., c.1377, 242)

Estre pourvoyant. Prendre toutes dispositions utiles.

Et, qui pis est, y a ja ans et ans Qu'ilz s'efforcent de monter jusque es cieulx (...) Se vous n'estes en ce cas pourvoyans, Ilz vous viendront en brief crever les yeulx. (Cene dieux, c.1492, 110)

d)Se pourvoir de + inf. Se mettre en mesure de, se disposer à.

Mais laissons ces parlers ester, Petit y devons arrester, S'alons en cest siege sëoir. La me vorray je pourvëoir De vous compter une merveille, D'autres merveilles nom pareille. Alez devant ; j'iray après. De vous me tenray assez près. (Mach., J. R. Nav., 1349, 187)

Et si tost que tu le veras, De respondre te pourveras (Froiss., Joli buiss. F., 1373, 64)

Pourvu pour + inf. Prêt à.

Lors est laiens o moi entrés, Pourveüs pour moi encargier (Froiss., Joli buiss. F., 1373, 154)

Emploi absolu. Se pourvoir. Se préparer.

LE PREMIER DYABLE. Or te pourvoy et si t'affaite Et penses de bien besongnier. (Mir. enf. diable, c.1339, 6)

...a Dieu vous conmans, Et vous diray que je feray: Mon messagier envoieray Devant, pour moy miex pourveoir, Dire au roy que le vois veoir Et a Berthain. (Mir. Berthe, c.1373, 200)

Sus ceste ordenance, li signeur se pourveirent et aussi fissent toutes gens, casquns selonch son estat. (Froiss., Chron. D., p.1400, 124)

Et dès ce que tu vendras a eulx, si leur dy que je les deffie, et tantost toy party decy, je feray assaillir Japhe et mettray tout en feu et en flambe. Et tout quanque je trouveray dedens de Sarrasins, je les feray tous mourir. Et leur dy, a ton passer a Japhes, qu'ilz se pourvoient, car je les yray presentement assaillir. (Arras, c.1392-1393, 223)

2.Remédier à qqc. (un inconvénient).

...si dist a soy meismes que il pourverroit tellement a cellui inconvenient que ou cas que il seroit la envoyéz il n'y mourroit pas de fain. (Chr. Piz., Trois vertus W.H., c.1405, 40)

...et les a chargé la Court de supplier audit seigneur de pourveoir à la guerre que font en ce royaume les Angloiz (Baye, II, 1411-1417, 276)

...pour avoir advis et deliberacion sur les manieres de proceder et qui estoient à tenir pour obvier, pourveoir et remedier aux dommages, eminens perilz et inconveniens qui escheoient chascun jour (Fauq., I, 1417-1420, 52)

...pour adviser manieres de fournir de vivres ladicte Ville et pour remedier et pourveoir aux empeschemens que faisoient au contraire les gens d'armes qui se disoient estre au Roy, au duc de Bourgongne et autres. (Fauq., I, 1417-1420, 183)

Il n'est pas aussi vraysemblable que le roy fust ou ait esté de tel gouvernement ['qu'il ait été l'amant d'Agnès Sorel'] . Car le temps durant, il a mis justice en nature, qui estoit périe de longue main. Il a osté toute pillerie estans en son royaume ; a pourveu à la division de l'église universelle, tellement que paix, union et bonne concorde par son moyen et pourchas y ont esté mis et observés. Pourquoy Dieu l'a voulu rémunérer en la recouvrance de son pays de Normandie (Chart. J., Chron. Ch. VII, V., t.2, c.1437-1464, 183)

...en remerciant son parent et voisin, dit que brefvement y pourvoiroit [Un homme est averti de l'infidélité de sa femme] (C.n.n., c.1456-1467, 378)

Pourvoir à des ennemis. Faire face (à des ennemis).

Et, pour ce temps, le roy avoit bien pourveü à la deffence, combien que par tout n'eust bien sceü pourveoir aux ennemys qu'il avoit, car il en avoit trop. (Comm., II, 1489-1491, 77)

(Se) pourvoir à l'encontre/contre (qqn/qqc.). Prendre des mesures pour s'opposer (à qqn ou à qqc.).

...mais il nous fauldroit, pour touttes seurtez, prendre et avoir une bonne seure trieve à eulx, par quoy le païs se puist asseurer et pourveoir contre la taille que on fera. (Froiss., Chron. M., XIV, c.1375-1400, 138)

Si pourroient ces gens d'armes retourner sur moy, et pour ce ne vueil-je pourveir à l'encontre de eulx et tant faire que je n'y aye ne blasme, ne dommaige, car c'est possession de longtaine provision. (Froiss., Chron. M., XIV, c.1375-1400, 189)

...car, ou cas que les Englois nous voellent suspediter par la maniere et fourme qu'il monstrent, il nous fault pourveir a l'encontre de euls. (Froiss., Chron. D., p.1400, 236)

...j'ay bien aperceu Que Vieillesse veult emprandre querelle Encontre moy ; ce m'est dure nouvelle Et ja soit ce qu'a present suy pourveu De jeunesse, sans me trouver recreu, Ce n'est que sens de me pourvoir contr'elle. (CH. D'ORLÉANS, Songe compl. C., 1437, 103)

... [Fortune] nous menace, advise, et forge et prepare encores plus grand destourbiers, si ne pourveons a l'encontre (C.n.n., c.1456-1467, 166)

3.Adresser un recours (à une instance) pour être défendu.

Prince, Fortune me gueroye Souvent a tort et par rigueur : Raison veult que je me pourvoye Par les trois Estas de mon cueur. (CH. D'ORLÉANS, Ball. C., c.1415-1457, 156)

C. -Procurer à qqn (ce qui lui est nécessaire, ce qui lui manque...) ; équiper qqc. (de ce qui est nécessaire).

1.Mettre qqn en possession de ce qui est necéssaire.

Pourvoir (à) qqn de qqc. Donner qqc. à qqn, doter qqn de qqc..

La doucement m'a repeü De tous les biens qu'elle a peü, Et d'aligence. C'est celle qui a descreü Mon mal, et ma joie acreü ; De dous confort m'a pourveü, Sans salaire avoir ne treü, Et des yeus de son cuer veü En ma souffrance. (Mach., R. Fort., c.1341, 121)

Car se loyauté n'estoit Et amours qui le pourvoit D'un espoir qui l'asseüre, Riens garir ne le porroit, Puis qu'amours li seroit dure. (Mach., L. dames, 1377, 40)

...durant le temps qu'ilz ont esté et tenu siege au devant de lui à la Roche de Vendas, icellui Merigot tousjours a esté pourveu et avitaillié de vivres par aucunes gens du pays (Reg. crim. Chât., II, 1389-1392, 202)

...par aucuns grans voisins dudit pays icellui Merigot fu et a esté visité, conforté, conseillié, prouveu et avitaillié de vivres et autres choses neccessaires pour le fait de la guerre (Reg. crim. Chât., II, 1389-1392, 202)

Il n'appertient point a si hault prince comme vous estes, mettre cure de enquerre de telz ars [l'astronomie] , ne de telz choses. Car, comment qu'il soit, Dieu vous a pourveu de tres haulte et noble seigneurie et possession terrienne. (Arras, c.1392-1393, 20)

...se aucun contre ladicte ordonnance s'efforce d'impetrer bulles ou lettres, et les apporte ou envoye esdis royaume et Dauphiné pour y estre pourveu d'aucun benefice par vertu d'icelles, qu'il soit prins et emprisonné (Fauq., I, 1417-1420, 109)

...ledit jour vint vers moy Ravant Cuer qui me dist qu'il n'avoit de quoy vivre ne de quoy avoir des vestemens (...). À quoy je luy dis et respondi qu'il ne se desconfortast point et que je ne faisoye doubte que le Roy n'eust pitié de luy et que je luy pourvoiroye d'aucune chose et lui feroye le mieulx que je pourroye. (Aff. Jacques Coeur M., 1453-1457, 129)

...son maistre (...) n'avoit pas pou de regret qu'il [le curé] n'estoit habile a tenir benefices, car largement l'en eust pourveu. (C.n.n., c.1456-1467, 285)

Combien, au plus fort de mes maulx, En cheminant sans croix ne pille, Dieu, qui les pelerins d'Esmaulx Conforta, ce dit l'Euvangille, Me monstra une bonne ville Et pourveut du don d'esperance : Combien que pechiez si soit ville, Riens ne het que perseverance. (Villon, Test. R.H., 1461-1462, 29)

Pourvu de qqc.

Qui possède en soi (telle qualité).

Et elle est, à dire voir, Pleinne de si grant savoir Et si bien veut son devoir Faire leur elle est tenue Qu'on ne lui pourroit mouvoir À mal ne li decevoir ; Tant est pour tout parcevoir Sage et de bien pourveüe. (Mach., Les lays, 1377, 471)

Et lors la contesse de Poictiers et les autres grans dames vindrent, qui l'enmenerent [Mélusine, jeune épousée] la dedens, et lui administrerent ce qu'elles devoient, combien qu'elle feust assez pourveue de sens. Mais elle les mercioit humblement de ce que elles lui monstroient pour son bien et honneur. (Arras, c.1392-1393, 41)

Et quant vint à l'aborder, le seigneur de Ternant qui vit la contenance, la chaleur et la fiere emprinse de son adversaire, qui venoit sur luy comme pour rencontrer des corps avec leurs bastons, luy, pourveu de son sens, tout asseurement desmarcha en costiere, tellement que Galiot ne trouva riens devant et passa tout oultre (La Marche, Mém., II, c.1470, 74)

En possession de qqc., doté de qqc..

Et resemble l'incontinent a une cité ou communité, laquelle est pourveüe de toutes choses qui li sont neccessaires et qui a bonnes lois et justes (Oresme, E.A., c.1370, 398)

Et quant à ce sui venus Qu'amis sui vrais Et d'espoir bien pourveüs, Un joli fais Gracieus et plein de pais M'est accreüs, Qui ne sera mis en sus De mi ja mais. (Mach., Les lays, 1377, 432)

Car se je amoie assés plus Que je ne fais Et s'heüsse plus que nus Pris en tous fais, Si suis je norris, refais Et pourveüs Largement, et bien peüs De ses bienfais. (Mach., Les lays, 1377, 433)

...[il] prend jour a demain de retourner pourveu et garny de medicine si tresvertueuse qu'elle en pou d'heure effacera la grand doleur (C.n.n., c.1456-1467, 34)

Muni, équipé de qqc..

...par la pourroit elle [la forteresse] bien estre prinse d'assault. Car les murs estoient bas, et n'estoient point les tours guerlandees ; mais il ot sur la porte une grosse tour et assez haulte, et estoit bien couronnee, et monstroit grant deffense ou lez febles et bas murs estoient. Mais Gieffroy avisoit de venir pourveu de manteaulx et de cloies pour les pierres de faiz. Et ainsi qu'il s'amusoit en ce pensant (Arras, c.1392-1393, 199)

Pourvu de + inf. Capable de, en mesure de.

Il n'est pas ores pourveu de vous faire telle response (La Sale, J.S., 1456, 8)

Estre bien pourvu. Être bien équipé.

Sire j'ay fait tendre vostre paveillon et pluseurs autres pour vous logier, car il avoit pou de logeiz en la ville pour vous logier, vous et voz gens, et sommes bien pourveuz, Dieu mercy. Vous avez bien fait, dist Remondin. (Arras, c.1392-1393, 53)

Emploi absolu. Préparé.

Se pensay pluseurs autres voies Non samblables, et toutes voies Seur une voie m'arrestay, Car je vi, si m'en guermentay, Que lors ne le porroie prendre Et qu'il me couvenoit atendre Une autre fois, mieus pourveüs, Mieus avisés et mieus meüs Et dou prendre un po plus soutils Et garnis de soutis outis Pour haut lever ou pour estendre, Pour a ce gent esprivier tendre. (Mach., D. Aler., a.1349, 260)

Pourvoir qqn de qqn/estre pourvu de qqn

Pourvoir qqn/une collectivité de qqn. Donner (un roi) à un peuple.

Si me semble que nous devons beneïr et loer le Roy du ciel qui a son pueple pourveü de tel Roy terrien plain de si grant sagesce. (Oresme, E.A., c.1370, 98)

Pourvoir qqn de qqn. Proposer qqn à qqn (en vue d'une union, d'une liaison).

Mais se departie estoit faite D'une gracieuse retraite, En cas que li amans verroit Qu'Amours sa dame pourverroit D'un autre amant qui fust solables Envers li et si honnourables Que mieus amender n'i saroit Et sa dame bien l'ameroit Et s'en seroit nommez amis (...) Je di qu'il seroit alegiez De ce qu'il seroit solagiez Pour l'onneur sa dame honnourée Ou elle seroit demourée. (Mach., D. Aler., a.1349, 381)

Vous estes joenne homme d'aage: Consentez vous a mariage, Biau sire, et l'en vous pourverra De femme tele c'on verra Qu'a vostre honneur y soiez mis Et a l'onneur de voz amis, Je vous dy bien. (Mir. chan., c.1361, 143)

Estre pourvu de qqn. Avoir un soupirant.

...elles estoient de serviteurs pourveues, ou (...) d'amours ne se vouloient entremettre ! [Des dames repoussent leurs soupirants] (C.n.n., c.1456-1467, 362)

[Avec un adv. tenant lieu de compl.]

...il abandonna sa queste comme par desespoir. Il n'eut pas trop grand tort de ce faire, car elle estoit ailleurs pourveue (C.n.n., c.1456-1467, 207)

Pourvoir qqn à qqn.

Proposer qqn (une épouse) à qqn.

Or advint que les nobles de son pays lui pourveirent une bien haulte gentilz femme, qui estoit sereur du conte de Poictiers qui pour le temps regna. (Arras, c.1392-1393, 15)

Confier qqn à qqn.

Je te suppli, mon Angel et Esperit, au quel je suy pourveü par Dieu et commis, que tu me gardes sans deffaillement (Gast. Phébus, Livre oraisons T., c.1380-1383, 34)

Emploi absolu. Pourvoir qqn

Fournir, pourvoir qqn (d'argent, de biens, de ce qui est nécessaire...).

L'EVESQUE. (...) Je vueil que nous l'alons veoir [l'ermite] , Et si le voulray pourveoir S'il a deffault. (Mir. ev. N.D., c.1348, 63)

NOSTRE DAME. (...) E ! biau filz, que la pourveez [Theodore] C'est droiz, sanz faille. (Mir. Theod., 1357, 111)

Et pour ce, celui qui est esleü roy pour soy seul ou pour soy et pour ceulz qui descendroient de luy, il doit estre au commencement pourveü en tele maniere que desores en avant il ne ait mestier des biens de ses subjectz pour son bon estat mener. (Oresme, E.A.C., c.1370, 435)

Certeinnement, c'est grans eürs, Autant au grant comme au meneur, Qui tient tel dieu pour son signeur. Or pues tu clerement vëoir Que nostres sires pourvëoir Puet adés les siens de legier, Sans riens vendre et sans applegier. Si qu'aies en li bon espoir, Et si le ser bien, et j'espoir Que toy et ton fait pourverra, Si qu'a bien te delivrera. (Mach., C. ami, 1357, 48)

LE JUIF. Vas : Dieu te vueille pourveoir, Bon crestien. (Mir. march. juif, c.1377, 194)

Et je les pourverray si bien, a l'aide de Dieu, qu'ilz auront bien de quoy paier leur despense. (Arras, c.1392-1393, 146)

Vous savés que vostre hoost est grande, et que il i fault grant bestail pour le pourveir. (Froiss., Chron. D., p.1400, 653)

Et pour ce qu'en si faictes promocions de gens a mains perilz et que assez de maulx en viennent en maints pays et lieux par ce que on tasche à pourveoir les personnes et non mie aux offices et que la souffisance est quise apres l'office, laquelle chose est contre droit. (Chr. Piz., Paix W., 1412-1413, 82)

'Sire,' dist le seigneur d'Ivry, 'j'ay entendu que madame sa mere le pourvoit ainsin, et croy bien que ce est du vouloir son pere qui lui en donne l'onneur.' (La Sale, J.S., 1456, 78)

Item, je lessë en pitié A troys petis enffans [Colin Laurens, Girard Gossuïn et Jehan Marceau, trois vieux usuriers] tous nudz Nonmés en ce present traictié - Povres orphelins inpourveuz, Tous deschaussez, tous despourveuz, Et desnuez comme le ver (J'ordonne qu'ilz seront pourveuz, Au moins pour passer cest yver) (Villon, Lais R.H., c.1456-1457, 23)

Et, quant je les congnoistray, je les recueilleray et pourverray comme mes bons et especiaux amys et serviteurs. (Bueil, II, 1461-1466, 167)

Combler qqn.

Car qui vraiement saroit Le parfait bien qu'on reçoit, Et comment Amours pourvoit Les amans qu'elle conjoit En son dous hommage, S'amoureus esté n'avoit, Sans doubte, il le devenroit, Se maleüreus n'estoit, Et tantost se meteroit En son franc servage. (Mach., Les lays, 1377, 349)

[Dans une formule de salutation ou de louange] Prendre soin de qqn, veiller sur qqn.

Sire, Jhesucrist vous pourvoie ! Dictes moy quel besoing vous maine ; Je ne vous viz mez dessemaine Prez de sa traire. (Vie st Fiacre B.C.P., c.1380-1400, 18)

Loué soit Dieu, nostre seigneur, Qui en chascun lieu nous pourvoye. (Myst. Pass. Troyes B., a.1482, 199)

Pourvoir des enfants. Nourrir, éduquer, doter... (des enfants).

...povres laboureurs chargiez chacun de six enfans tous à pourveoir, dont ledit Michault a trois filles en aage de marier et les autres en petit et jeune aage, lesquelz ne sauroient, ne pourroient gangnier leurs vies (Ecorch. Ch. VII, T., 1447, 418)

Ayez seulement cinq ou six conseilliers bien prins, non ayans enffans a pourveoir (Juv. Urs., Verba, 1452, 291)

Pourvoir qqc. à qqn. Donner, procurer qqc. à qqn.

Pour mieus savoir la verité, Li preudome de la cité, Quant au lieu de conseil venirent, A l'enfant doucement deïrent : 'Vien sa aveques nous sëoir, Car Dieus donner et pourvëoir T'a volu l'onneur de vieillesse.' Daniel en mi eaus se dresse Et dit : 'La verité sarez ! L'un long de l'autre separez.' Et tantost on les separa. (Mach., C. ami, 1357, 13)

Car aussi bien l'i pot faire esconcer Dieu qui parti en deux la rouge mer, Ou qui de rien creé le siecle avoit, Ou qui la manne es desers pourveoit Aus enfans d'Israel par porcion Ou qui sauva Daniel du lion, Au gré d'Amours qui faire le pouoit. (Mir. st Val., c.1367, 172)

Je meismes vueil icy escripre : Pourveez moy, mon ami chier, D'enque, de penne et de papier (Mir. fille roy Hongrie, c.1371, 48)

Seigneurs, puis que ci morte gist, (...) Faites (...) que l'emportez la derriére Et li pourveez une biére (Mir. roy Thierry, c.1374, 285)

Qant il furent venu a Douvres, on lor pourvei vassiaus de par la roine. (Froiss., Chron. D., p.1400, 100)

Pourvoir à qqn de qqc. Doter qqn de qqc., fournir, procurer qqc. à qqn.

...les habitans de Brive la Gaillarde requeroient leur estre pourveu de gens d'armes ou de finance (Baye, I, 1400-1410, 147)

Item, sera requiz (...) que le Pape pourvoie très especiaument aux gens de Parlement de bonnes dates et prerogatives (Baye, II, 1411-1417, 56)

...lesquelx André et J. Marcel auront le gouvernement et administration de ladicte femme et chambre, et pourverront à icelle femme et comme de raison à ses enfans de vivres, vesteure et de toute autre maniere d'alimens necessaires et pertinens (Baye, II, 1411-1417, 247)

...pour adviser et deliberer comment on pourroit pourveoir de benefices aux conseilliers clers de ceans (Fauq., II, 1421-1430, 5)

Emploi absolu. Pourvoir qqc. Procurer qqc..

...elle est plus tost apparillie D'un grant mal faire et consillie Que d'un bien donner ne pourvir. (Froiss., Pris. am. F., 1372-1373, 44)

Leur doy varlet avant sallirent, Qui doy plançon leur pourveïrent. (Froiss., Méliad. L., t.2, 1373-1388, 54)

Ore, tant qu'aray pourveu Ce de quoy vous pens riches faire, Chascun de vous en son repaire Si s'en ira. (Mir. roy Thierry, c.1374, 282)

Et orent pourveu cotes et abis de fenmes, lesquelles il prissent en .I. village sus lor cemin, et grans cretins plas, la ou ces fenmes qui vont au marchiet mettent bures, oefs et fronmages. (Froiss., Chron. D., p.1400, 303)

...vecy deux perdrix que j'ay pourveu, qui sont a bon escient bonnes et bien nourries. [Un maître d'hôtel à son seigneur] (C.n.n., c.1456-1467, 581)

Pourvoir à qqn

Mais les amis qui sont l'un indigent et plus povre que son ami et l'autre moins bon que le sien, il argüent au contraire et dient que il appartient a ami qui est bon et excellent que il pourvoie souffisanment a ses petis amis qui en ont mestier. (Oresme, E.A., c.1370, 450)

...car ilz sont les plus especiaulx clers du Roy et sont dignes de grans prerogatives et franchises, et ainsi leur ont acoustumé de pourveoir les predecesseurs Papes. (Baye, II, 1411-1417, 56)

...requierent que la Court leur pourvoie tellement que l'arrest et ordonnance de la Court, donné contre maistres Jehan Vivian, Pasquier de Vaulz et autres, soit executé (Fauq., II, 1421-1430, 209)

...les gens d'eglise doivent faire aumosnes pour Dieu et pourveoir aux povres, et non mie estudier a eulx enrichir (Juv. Urs., T. rever., 1433, 67)

C'est mal pourveu a vostre amie, Si me semble, mon filz, mon pere, De la laisser ainsi marrie, Sans avoir soulas ne repere. (Pass. Auv., 1477, 220)

Se pourvoir de qqn. Prendre à son service, engager (des hommes d'armes).

Si vous lo que vous pourveez De gens d'armes (Mir. Oton, c.1370, 367)

...se la partie content a avoir le conseil admené de la partie adverse, il n'est pas raison que il [l. elle] ait, et bien se pourvoye d'autre (Instruct. ensaign. B.G., c.1386-1390, 39)

Li gentils contes Henris Derbi obei a l'ordenance dou roi, et se pourvei de chevaliers et d'esquiers et d'archiers, et ordonnerent toutes lors pourveances sus la riviere de la Tamise a Londres. (Froiss., Chron. D., p.1400, 274)

Item, dit que ceulx qui par mer veullent aller, soit en armée, ou en quelque aultre voyaige ou affaire quelle que elle soit, doivent singullièrement eulx pourveoir de bons mariniers expers et maistres en cellui office et que bien saichent congnoistre l'estre et la naissance de tous les vents et quelles choses leur peut nuyre et quelles non. (Bueil, II, 1461-1466, 55)

Se faire assister par qqn.

Entre vous deux tenez vous cy Tant que je revienge, et aussy De gens certains me pourverray Qu'en plusieurs lieux envoieray Savoir s'Alexis trouveront Ne se nouvelles en orront. (Mir. st Alexis, 1382, 316)

Ce jour, la Court a enjoint aux procureurs des causes et parties, dont maistre Henry Roussel est chargié, qu'ilz se pourvoient de conseilliers pour en venir dedans VIIJ jours dire ce qu'il appartendra par ledit Roussel ou par autre. (Fauq., III, 1431-1435, 161)

Et, durant que cecy se demenoit, avoys sans cesse adverti le roy du tout, le pressant de conclure ou de demeurer au royaulme et se pourveoir de plus de gens de pied et d'argent ou de bonne heure se mettre en chemin pour se retirer et laisser les principalles places bien gardées, et avant qu'ilz fussent tous assemblés. (Comm., III, 1495-1498, 125)

Être entouré (d'amis).

Pour quoy est necessaire de se pourveoir d'amys. (Comm., I, 1489-1491, 43)

Estre pourvu d'ami

Car je me doubt que ses cuers pourveüs Ne soit d'ami ; ce me tient en errour. Et d'autre part Doubte de son refus Fait demourer en moy Honte et Paour ; Et s'est li dons de si haute valour De sa mercy, que je ne l'os rouver. (Mach., L. dames, 1377, 18)

Se pourvoir de qqn pour + inf. S'assurer la présence de qqn pour.

Mais endementiers Melusigne pensoit a l'estat de ses deux filz, et leur fist faire moult de riches et grans habiz. Et se pourvey de nobles hommes et saiges pour eulx gouverner honnourablement partout ou ilz yroient. (Arras, c.1392-1393, 149)

Se pourvoir de qqc. Se munir de qqc..

...je me vois pourveoir D'un verre de vin froit et sain, Car j'ay de boire moult grant fain (Mir. ev. arced., c.1341, 119)

...chavaliers et escuiers se commencerent à pourveir de chevaulx, de harnas et de tous habillemens de guerre (Le Bel, Chron. V.D., t.2, 1358-1360, 290)

Au figuré. Se charger, s'encombrer de qqc. ; se préoccuper de qqc..

Cilz chevaliers a bien, par m'ame, Canté et se croy qu'il dist voir. Or voelliés faire vo devoir, Douce dame, dou poursieuir. Point ne vous en fault pourveïr : Des cançons savés grant fuison. (Froiss., Méliad. L., t.3, 1373-1388, 250)

Emploi absolu. Se procurer ce qui est nécessaire.

Soy pourveïr aucunement et premettre aucune chose de bien est meilleur chose que esperer en l'aide des autres. (Internele consol. P., 1447, 341)

Prince [de la Cour] , trois jours [de délai avant d'être banni de Paris pour dix ans] ne vueillez m'escondire Pour moy pourvoir et aux miens adieu dire ; Sans eulx argent je n'ay, icy n'aulx changes. (Villon, Poèmes variés R.H., c.1456-1463, 77)

Mon ami est qui me faict entendent D'ung cigne blanc que c'est ung corbeau noir, Et qui me nuyst, croy qu'i m'ayde à pourvoir ; Bourde, ver(i)té au jour d'uy m'est tout ung (Villon, Poésies diverses T., c.1456-1463, 279)

2.Pourvoir qqc. de qqc. Équiper, munir qqc. de qqc..

...Melusigne et Remond (...) y avoient fait arriver moult bel navire et bien pourveoir et advitaillier de tout ce qui y estoit neccessaire. (Arras, c.1392-1393, 213)

Et Jourdain fist en mer pourvir mainte galee De pain, de char, de vin, de chou qui leur agree (Jourd. Blaye alex. M., a.1455, 844)

Pourvoir un aspect de la personne de qqc. (d'abstr.)

...s'elle veult user de bon conseil, pourverra si bien son courage de sage et bon avis qu'elle n'aura ja en soy le mortel ver de celle fausse envie qui destruit l'ame a qui la porte (Chr. Piz., Trois vertus W.H., c.1405, 135)

Pourvoir qqc. de qqn. Pourvoir (un site) (de gens d'armes).

...et ensi pourvei toutes les aultres fortereces de gens d'armes et d'arbalestriers, et se consilla a mesire Amauri de Cliçon, que elle tenoit tousjours dalés lui, se elle envoieroit en Engleterre au seqours. (Froiss., Chron. D., p.1400, 504)

Et pourvei et rafresqui messires Carles de Blois toutes les chités, les villes et les chastiaus que il tenoit en Bretagne, de nouvelles gens d'armes et de pourveances. (Froiss., Chron. D., p.1400, 557)

Pourvoir de qqc. à qqc.

...l'eglise de Rome, qui est mere de pitié et a de coustume de pourveoir de pais et de repos a religion. (Foul., Policrat. B., VII, 1372, 461)

3.En particulier. Promouvoir qqn à une dignité, à un emploi, à un office.

Pourvoir qqn à une dignité

Ledit Charlemaigne, apres ce qu'il fut proveu a l'empire, resgna quatorze ans, ung moys et quatre jours, premier empereur desditz Françoys. (La Sale, Salade, c.1442-1444, 225)

Emploi absolu. Pourvoir qqn. Nommer qqn.

Comme dessus ay dit, en verité on doit pourveoir les capables qui essent ydonei et bene meriti , il y a aucunesfoys des chantres et clercs de la Chappelle qui ne sauroient construire une euvangile ne entendre latin (Juv. Urs., Nescio, 1445, 490)

Pourvoir qqn d'un office, d'une dignité

Celuy Sergius ton pareil en ambition esleust ta proximité pour ce qu'il avoit esté refusé de l'Eglise souveraine de Romme a estre colloqué et pourveu en auctorité de prelature pontifical, et pour ce, indigné envers l'Eglise et cité catholique, voulant s'en venger et substraire lez crestiens de leur saint propos, se joingny a toy et t'enforma de seditions et erreurs controuveez, et t'ensaigna a bastir le livre Alcoren, ou tes adherens apprennent la lecture de desmesuree volupté, et reçoivent voulentiers l'ouverte licence et congié de soy aoyller en leurs plaisirs charnelz, et en effrenee luxure. (Chart., L. Esp., c.1429-1430, 125)

Et depuis quant je fus retourné de Romme et que estoye vostre povre chapellain pourveu par vostre moyen a l'eveschié de Beauvais, ou moys de juing l'an mil CCCCXXXII a Amboise vous vy derechief faire pareilles plaintes, et feistez faire responce que vous y pourvoiriez, mais encores sont les provisions a venir. (Juv. Urs., Loquar, 1440, 324)

Oultre plus benignement luy requerons qu'il luy plaise tous noz serviteurs traicter humblement et iceulx pourveoir d'offices et benefices selon les vaccations, et les justement et raisonnablement recompenser des bons services qu'ilz nous ont faitz: à quoy parfaire ce nonobstant, en tant que nous voullons et povons chargeons sa conscience. (Le Clerc, Interp. Roye, c.1502, 283)

Pourvoir à un office de qqn. Nommer qqn à (tel office).

Sur quoy ledit de Clamecy se excusa grandement et notablement, afin que on voulsist pourveoir audit office d'autre personne que de lui et proposa pluiseurs excusacions (Fauq., I, 1417-1420, 247)

Emploi absolu. Pourvoir à une fonction, un office...

...selon les ordonnances royaulz, on devoit et avoit on acoustumé à pourveoir ausdis offices de Parlement par l'election de ladicte Court (Fauq., I, 1417-1420, 183)

Ce jour, monsegneur le Chancelier vint en la Court pour pourveoir à certains offices par voie de election (Fauq., I, 1417-1420, 197)

Lesqueulx, après le serment faict par ledit grant maistre d'icelluy office, dont ilz furent bien joyeulx, disrent que le roy ne povoit pas mieulx pourveoir audit office. (Le Clerc, Interp. Roye, c.1502, 205)

Pourvoir de qqn qq. part. Mettre qqn qq. part.

...le procureur du Roy a requiz que aux dessusdiz et à autres bailliz soit enjoint qu'ilx pourvoient de bons lieutenens en leurs bailliages et les salarient competemment. (Baye, II, 1411-1417, 232)

...et avec ce feust leue certaine cedule advisée et faicte par les dessusdis commissaires pour pourveoir de personne ydoine et souffisante à la prevosté de Paris (Fauq., I, 1417-1420, 242)

Ce jour, le Chancelier vint en la Chambre de Parlement (...) pour pourveoir de conseilliers es lieux que souloient tenir ceans maistres Hugues Grimault et Berthelemi Hamelin (Fauq., I, 1417-1420, 328)

Emploi absolu.

[Deux chevaliers] Avoient charge encore de impetrer devers nostre Saint Pere que l'evesque d'Utrech, filz naturel du duc, peut obtenir aveuc son office l'eveschié de Tournay, par resignation de l'evesque de Tournay, maistre Jehan Cievrot, encore vivant, lequel tout impotent et percus ne bougoit de sa chambre ; car desiroit fort le duc a pourveoir en ce benefice de Tournay durant la vie du possessant (Chastell., Chron. IV, D., c.1461-1472, 215)

Pourvoir (une collectivité) de qqn. Nommer qqn à la tête (d'une collectivité).

Et, pour ce, je dy que le Roy ne peult mieux pourveoir ses bons souldoyers, qui loyaument l'ont servi, que de monseigneur le gouverneur de ce payz, que on appelle le Jouvencel (Bueil, II, 1461-1466, 156)