DOUER

verbe

[T-L : döer ; GD : doer ; GDC : doer ; AND : dower2 ; FEW (III, 148b) : dotare ; TLF (VII, 465a) : douer]

A. -Douer une femme. Pourvoir une femme d'un douaire.

Et fu ceste dame, qui s'appelloit Jehane, doée de la terre de Binch, qui est un moult biaus hiretages et pourfitables. (Froiss., Chron. L., I, c.1375-1400, 132)

...pour tant que on doit douer sa femme, la seconde femme il pourra douer des hiretaiges, terres acquises oultre la rieviere de Muese (Froiss., Chron. M., XIV, c.1375-1400, 150)

...le mari puet douer sa femme au traittié du mariage et baillier douaire devis. (Cout. bourg. glosé P.M., c.1380-1400, 280)

...luy firent fiancer et donner caution et seureté du doaire dont il la vouloit doer [Avant de marier leur fille ses parents prennent des précautions] (C.n.n., c.1456-1467, 558)

Jugement (...) que dit que, se ung homme mariez prant argent sus son heritaige en sa devize pour al(i)monner, jai li femme ne le puelt debaitre comme pour dire : 'Il ne le puelt faire pour mon dowaire oster, car quant il me print a femme, il me dowait de tout l'eritaiges qu'ilz avoit et que eschoire li povoit de pairt pere et de pairt mere'. (Jug. maître-échev. Metz S.M.S., t.1, a.1494 [1333], 102)

Participe passé en emploi adjectival.

[D'une femme] Muni d'un douaire.

...dit le coustumier, le premier enfant emportera douaire de sa grant mere, pour ce que [sa] propre mere vivoit au jour du trespassement de sa grant mere ou ayeule et que, par la coustume des nobles, ce qui eschiet à homme noble, lui estant en mariage, soit de pere ou de mere, d'ayeul ou d'ayeule, en descendant de droite ligne, sa femme en est aussi bien douée comme se son mari en feust en saisine au jour des nopces, quant il l'espousa. (Cout. bourg. glosé P.M., c.1380-1400, 222)

...la femme survivant le mari demeure douée, si comme devant est dit, à sa vie tant seulement de la moitié des heritages de son mari desquelx il estoit tenant et possidant au temps de son trespassement : c'est assavoir ou cas qu'elle n'aura eu douaire devis (Cout. bourg. glosé P.M., c.1380-1400, 263)

[D'une chose] Accordé en douaire.

Et se il ne vient mie dont, art on et destruist le maison de l'injuriant et li arbre du pourpris de le maison sont sartet et desrachinet ; tout soit il ensi que ladite maison soit douwée ou de douaire mais que toutesvoies li injurians soit propriétaires de ladite maison. (Hist. Lille T., t.2, 1344, 405)

B. -Faire une dotation, attribuer un revenu (à qqn ou à une collectivité, en partic. à un établissement ecclésiastique).

...comme nostre escuier, Guion de Velort ait fondé ou entencion de fonder une chapellenie, pour le salu de s'ame et de ses bienfaiteurs à Saint-Pierre du Bochet, en la chastellenie de Lodun, ou dyocese de Poytiers, et de la douer de vint sextiers de froment assis sus terres et prés en la parroisse de Saint-Pierre devant dit, prisiez les vint sextiers à assise de païs cent soulz ou environ de annuel et perpetuel rente (Doc. Poitou G., t.1, 1330, 353)

Girarz et dame Berte lai ou siet la fonderent [l'église] Et de biaux privileges, ce saichiez, la douerent. (Gir. Ross. H., c.1334, 118)

...j'ordene que les dymes Soient aux eglises données, De quoy elles seront doées A touz jours mais. (Mir. st Sev., 1362, 214)

Pluseurs eglises a fondées, Qui sont moult richement doées ; Chartreus, mendians et chanoinnes, Nonnains emmurées et moinnes. (Mach., P. Alex., p.1369, 31)

'Ma belle suer, l'argent est vostre, car le conte de Foeis vous en doit doer, ne jamais du royaume de Navarre, puis que j'en suy au dessus, ne partira.' (Froiss., Chron. M., XIV, c.1375-1400, 80)

Il me plaist et agrée, (...) Que mon neveu (...) Ait la fille dou duc de Bourgongne espousée. De quatre mille livres sera-elle douée ; De par le duc son père sera-elle arentée (Geste ducs Bourg. K., c.1410-1419, 356)

La Cour condampne lesdiz ducs de Lorreinne, Henry et Charlot de Dueilly (...) à fonder en l'eglise où il est enterré une chappellanie, douée de cinquante libvres tournois de rente annuelle et perpetuelle (Baye, II, 1411-1417, 76)

Item vuilz et ordonne, donne, fonde et douhe ladicte chappelle de la somme de deuz cens escuz d'or en or, de bon or et de juste pois, pour fonder et douher ladicte chappelle (Test. Besanç. R., t.2, 1421, 41)

...en l'église de Moustreau, en laquelle fut premièrement enterré le corps dudit feu monseigneur le duc Jehan, sera fondée une chapelle et chapellenie perpétuelle d'une messe basse de Requiem chascun jour perpétuelment, laquelle sera rentée et douée convenablement de rentes amorties jusques à LX livres par an, et aussi garnie de calice et aournemens d'église, bien et souffisamment, et tout aux despens du Roy. (Doc. 1435. In : MONSTRELET, Chron. D.-A., t.5, c.1444-1453, 157)

C. -Par extension. Doter, nantir, pourvoir qqn (de).

Douer qqn (de qqc.)

De l'autre [bras] les fiert en la joe Si fierement Qu'elle les trebuche en la boe, Et puis elle leur fait la moe. Einsi Fortune tous ceaus doe Qu'elle entreprent. (Mach., R. Fort., c.1341, 39)

...d'une escourgiee douer Le voult, comme enfent juene et nice (Chr. Piz., M.F., IV, 1400-1403, 41)

...et ainsi commence [mon testament] . Premier doue de ma povre ame La glorïeuse Trinité, Et la commande a Nostre Dame, Chambre de la divinité, Priant toute la charité Des dignes neuf ordres des cieulx Que par eulx soit ce don porté Devant le trosne precïeulx. (Villon, Test. R.H., 1461-1462, 76)

Vostre regence doit bien estre louee Quant de seurté France a esté douee Tandis qu'estoit en la guerre ytalique Le noble roy. (La Vigne, V.N., p.1495, 326)

[De Dieu ou de la nature] Donner une qualité en partage, doter.

Anthure, saches Dieu (...) te fait savoir que demain De ce siécle trespasseras. Appreste toy, car tu seras Des cieulx doée. (Mir. st J. Cris., c.1344, 304)

Mais en ceste et semblable maniere Sont doez et honnourez Ceulz qui de Dieu sont amez. (Gers., P. Paul, a.1394, 508)

...et briefment bien dire pourra que de mes biens, des biens de Nature sera elle [la Vierge Marie], puisque c'est pour toy, sur toutes autres qui oncques furent ou jamais seront, tres habondamment adornee et douee. (Gers., Concept., 1401, 392)

Nous consentons en surplus, voulons et commandons, que selon que offert l'avez, vous espandez et habandonnez toute vostre cure, pouoir et estude a ma mie toute belle composer, aourner et douer. (Gers., Concept., 1401, 405)

...je prie que par Sa debonnaire clemence vueille mon ame recevoir et la doer de la couronne de martire (Wauquelin, Belle Hélène Const. C., c.1448-1452, 51)

Car Dieu vous voult si haut douer Que seulle vous fist sans seconde. Brief, ung chascun, ou l'en me tonde, Se pourroit le coul desnouer Avant que l'en vous sceust louer. (Vaillant, Oeuvres D., c.1445-1470, 182)

...qui dit expressement que après que Dieu eut creé Adam, il le doua et ramplit de si grant grace que sans aucun maistre, ains par la seulle vertu de la justice originelle, il fut incontinant erudit en tous les sept ars liberaux (Simon De Phares, Astrol., c.1494-1498, f° 11 r°)

Doué de qqc. Doté de, pourvu de qqc..

Car en li dueil et despit a De la joie qu'il a rouvée, Et dit que, s'elle avoit trouvée Tel mille joies a denier, Que, se ja Dieus li puist aidier Ne s'il ne puist estre enroez, N'iert il ja saisis ne doez De la plus mendre qu'il aroit, Se tout le monde li donnoit (Mach., D. verg., a.1340, 41)

...nous, considerans la grant loyauté que nous avons touiours trouvé es dis supplians, veuillans iceulz favourablement et par especiale prerogative estre traitiés et doués de privileges et libertés (Hist. dr. munic. E., t.2, 1347, 103)

Si que devant est touchié, ma tres redoubtée dame, des susdis dons, me semble, et il est vray, à Dieu en soit la loenge, et servis et amez en puist-il estre qu'assez souffisamment tu en es douée. (Chr. Piz., P.V.H., 1416-1418, 37)

...le tresgracieux exercice de lecture et d'estude (...) duquel, sans flaterie, mon tresredoubté seigneur, vous estes treshaultement doé [C'est la dédicace de l'ouvrage au duc de Bourgogne] (C.n.n., c.1456-1467, 22)

Un gentil chevalier (...) preux, large, cortois, et de toutes bonnes vertuz largement doué (C.n.n., c.1456-1467, 426)

[De Dieu]

...fors tant que Il est doué et a en Soy les dons glorieus tres excellement et merveilleusement outre mesure, plus que quelcunque autre corps. (Oresme, C.M., c.1377, 726)

Douer qqn de qqn

Doué de qqn. Pouvant disposer de lui.

...luy sembla bien que la femme estoit eureuse et bien fortunée qui de tel mary estoit douée (C.n.n., c.1456-1467, 407)

[D'une chose] Doué de qqc. Pourvu de qqc..

...car telz corps sont ou seront douéz des dons de subtilité et de agilité aveques les autres dons (Oresme, C.M., c.1377, 724)