SUFFIRE

verbe

[T-L : sofire ; GDC : soufire ; FEW (XII, 404a) : sufficere ; TLF (XV, 1059b) : suffire]

I. -Suffire à/pour

A. -[D'une chose] Être assez (en quantité, en qualité, en force...) pour.

1.Suffire à qqn. Être assez (en quantité, en qualité, en force...) pour contenter, pour satisfaire qqn, suffire à qqn.

Je ne di mie que Nature De po de chose n'ait assez ; Mais se li mondes entassez Estoit dou ciel jusqu'a la terre De quanque cuers porroit requerre, Dire et ymaginer d'avoir, N'en y porroit il tant avoir Qu'il peüst jamais, a droit dire, A un cuer couvoiteus souffire, Non certes cinc cens mille mondes Qui par cinc cens mille fois combles Fussent, si com je le devis. (Mach., R. Fort., c.1341, 101)

S'aim mieus qu'elle soit refusée Que moy, et s'elle est avouée, J'arai quanque mes cuers desire ; Si me devra plus que souffire. (Mach., R. Fort., c.1341, 135)

LE CHAPPELLAIN. Elle n'a mie fait savoir Quant sanz congié en est alée. Elle fust ci plus honnorée, Je croy, que la. LE CHEVALIER. Espoir que miex li souffira La mains un grant mont que plus ci. (Mir. femme roy Port., c.1342, 188)

...telle estoit l'intencion de monseigneur de Lancastre, qu'il donnoit à touttes gens congié de retraire là où le mieux il leur plairoit, et vouloit que les cappitaines venissent parler et compter au connestable ; et ilz seroient tous satisfait tant que bien leur devroit souffire. (Froiss., Chron. M., XIV, c.1375-1400, 101)

Mais se morir n'en devoie, Bien vous deverient souffire Ma dolour et mon martire. (Mach., L. dames, 1377, 105)

Quel compte voulez vous que j'en oye ? Je n'en vueil autre compte ouyr, ne je ne vous sauroie autrement encquerre. Et cuidiez vous que j'aye cure de faire une maison d'or ? Celles de pierre que monseigneur mon pere et madame ma mere me ont laissiees me souffisent bien. (Arras, c.1392-1393, 295)

Ne devisons pas en terre ceulz qui sont bien d'un accort en paradis : a chascun souffist sa grandeur (Gers., P. Paul, a.1394, 485)

Et se l'auctorité [de Jésus-Christ] ne vous souffist, eslevez, je vous pry, les yeulz de vostre pensée et regardez en la lumiere de vraye foy la gloire des sains et sainctes desquelz nous feismes hyer solennité. Nommez en ung, se vous pouez, qui soit venus a ceste bieneureuse gloire sans avoir cuer doloreux, sans souffrir peine, angoisse et tribulacion (Gers., Déf., 1400, 219)

Li dus de Braibant ... respondi et dist : Sitretos conme je porai sçavoir que vous serés a siege devant Cambrai, je me trairai celle part a douse cens hiaumes et vint mille honmes des villes de Braibant. Celle response sousfi assés bien au roi et as signeurs qui la estoient et qui entendu l'avoient. (Froiss., Chron. D., p.1400, 309)

Et, pour ce que ceste responce, comme trop general, ne lui souffisoit pas, a esté sur ce conseillée la Court (Baye, I, 1400-1410, 148)

...il te fait tant estre desdaigneuse et dongereuse a servir que a peines porra l'en trouver jouel, habit ou parement qui te puist souffire ne ou tu ne treuves a redire, et ne sera ame qui puist faire ton gré. (Chr. Piz., Trois vertus W.H., c.1405, 19)

Et ancores tout ce ne lui est pas souffiz ; ains ordonna et disposa faire noyer ces deux beaulx jouvenceaulx (La Sale, Sale D., 1451, 173)

L'heure du soupper vint, et n'est ja mestier de vous compter du service. Ce seullement vous suffise qu'on y fist tresbonne chere (C.n.n., c.1456-1467, 249)

[À une abstr. personnifiée]

Il m'est avis Que, selonc mon jugement nice, Riens ne souffist a advarice ; De quoy on voit tout en apert Que qui tout couvoite tout pert, Car on en pert l'ame et le corps, Joie, honneur. Et c'est mes acors. (Mach., R. Fort., c.1341, 102)

Emploi absolu.

Theodore, vostre demeure Si sera la en celle cele. Elle est pour vous et bonne et bele Et doit souffire. (Mir. Theod., 1357, 118)

Mais partons nous de cy, car il est bien temps de reposer. Car vous avez fait journee assez qui bien doit souffire... (Arras, c.1392-1393, 233)

LE CRESTIEN [au juif] . Ainsi le jure [de vous rendre vos cent écus] . (...) Seurement ne vous fauldray pas Et n'en doubtés aucunement, Ou je puisse eternellement Estre dampné a tous les dyables. LE PRESTRE. Telz sermens si ne sont pas fables. Gardez bien de vous parjurer. LE JUIF. Ce souffit l'avoir veu jurer ; Sainct Nicolas m'en respondra. Adieu. (Mir. st Nic. juif, c.1480-1500, 93)

2.Suffire à/pour qqc. Avoir juste la quantité, la qualité, la force nécessaire pour..., être assez pour..., suffire à.

Morir, certez ; il n'est biens ne solas Que je vosisse avant la mort eslire, Qu'à mon garir ne porroit pas souffire Joie d'amours : tant sui je mis au bas. (Mach., Les lays, 1377, 303)

Or doint Dieu que par bonne experience et enseignement du saint Esperit nous puissons concevoir en nous ces trois merveilles autrement que nous ne les pouons faire, car diligence humaine n'y souffist pas (Gers., P. Paul, a.1394, 506)

Exemple de dix qui seroient en prison, chascun pour dix livres : se on bailloit dix livres pour tous ensemble, n'y auroit celuy qui fust delivré, mais pour ung tout seul delivrer cest argent souffiroit. (Gers., Déf., 1400, 233)

Suffire à/pour + inf.

...Avoit elle les autres seurmonté De pris, d'onneur, de grace et de biauté, Et tant estoit humble et simple, a mon gré, Car, a voir dire, On ne porroit en tout le monde eslire Sa pareille, ne tous li mons souffire Ne porroit pas, pour sa biauté descrire Parfaitement. (Mach., J. R. Beh., c.1340, 68)

Si m'en aten à vous, dame sans per, Qui tant valés ; et savez que souffire Ne porroit tous li mondes pour loer Assez vos biens n'a vo biauté descrire. (Mach., L. dames, 1377, 164)

O sac plain de fiens ! Pourquoy te esleves tu ? Se toutes tes miseres ne souffisent a toy humilier, regarde, je te prie, l'umilité de ton roy, de ton Dieu et ton Seigneur (Gers., Noël, p.1404, 295)

...ausquelles charges soubstenir et acomplir ne souffisoient mie lesdictes finances (Fauq., I, 1417-1420, 326)

Pourtant o roy des roys de tout le monde, veu que toutes les langues humaines ne pourroient suffire a te donner loz et gloire bienheuree, ne dire suffisamment la prouesse de toy, ne la vaillance de tes gens, moy povre, simple et jeune fillette, me rens a toy les mains jointes et genoulx flexis (La Vigne, V.N., p.1495, 299)

[D'un lieu] Suffire + inf. Être assez grand pour + inf..

Notez : de Xersés auquel les flateurs disoient que la terre ne suffisoit pas soustenir son ost (Gers., Annonc., a.1400, 234)

Emploi absolu. Être assez (en quantité, en qualité, en force...).

...quant l'estat est plus tardif, ou temps de l'estat et un pou devant, l'en doit retraire la viande ; mais ou temps devant l'estat, l'en doit user de plus grosse diete, affin que la vertu du malade puisse souffire. (Saint-gille, A.Y., 1362-1365, 55)

Il esconvient que le phisicien regarde la maladie, et considere se la vertu en le dietant sera assez forte pour soustenir jusques a l'estat, ou se la diete ne suffise pas et que il ne deffaille premierement, ou se la maladie deffauldra avant et s'abesse. (Saint-gille, A.Y., 1362-1365, 55)

Et ainsi pourroit l'en dire pour salver les dis d'Aristote ; mais il me semble que ce ne soffist pas. (Oresme, C.M., c.1377, 70)

D'autre partie, posé que il [le feu de lasus] fust tres ardant, ce n'est pas impossible simplement que le vaissel qui seroit lasus fust de matiere inconbustible et qui ne pourroit arder, ou que par vertu divine l'action de ce feu fust suspensé telement comment il fu en la fornese de Nabugodonosor. Et comment que soit, la chose est possible quant est de par les qualitéz motivez qui sont legiereté et pesanteur, ou sub condicion en disant : se tel corps estoit la et le feu ne le ardoit, il y reposeroit - et il souffist, si comme dit est. (Oresme, C.M., c.1377, 404)

Et aussi fault il satisfaire les deux freres du noble secours que ilz vous ont fait, du vostre et du mien. Et aucuns dient : Plus de prouffit et moins d'onnneur. A dire qu'il conviengne que vous leur remunerez la courtoisie qu'ilz vous ont faicte, la moitié de vostre royaume ne souffiroit pas, a la paine et a la coustenge qu'ilz ont eue pour vous. (Arras, c.1392-1393, 189)

LE MARQUIS. O Griseldis ! assez souffist Ta vraye foy et loyauté. La constance et l'umilité Et l'amour qu'a moi as eüe Ay pour esprouver coigneüe (Gris., 1395, 94)

...se lesdiz mil escus ne souffisent, y sera fourni selon la teneur du testament dudit defunct. (Baye, I, 1400-1410, 128)

Aprèz prenez, je vous annonce, De boiz d'aloè demie once Et de l'uile muscatellin, Et par autant d'uyle nardin, Ce que de fait pourra suffire, Et ajoustez un peu de cire, Qui blanche soit, et d'ambre grise Une juste dragme à devise (La Haye, P. peste, 1426, 149)

Et partant doit et peut suffire Des antidotes, sans plus dire, Touchant la matière courant, Donc fault lessier le demourant (La Haye, P. peste, 1426, 158)

...et pour la malice des gens fault hiis temporibus mettre une peau de parchemin où souloient souffire quatre lignes. (Fauq., III, 1431-1435, 104)

Assez et largement d'ystoires a ce propos pourroit on mettre avant conformant la bestise des Champenois. Mais, quant au present, celle qui s'ensuyt pourra souffire. (C.n.n., c.1456-1467, 131)

Suffire + inf. passif

Et par semblable et par plus fort condempner l'innocent est pechié, posé que nul droit escript ne le deffendist ; et seroit contre droit naturel, qui souffist estre escript es cuers des hommes. (Oresme, E.A.C., c.1370, 318)

Locution adverbiale. À suffire. Suffisamment, en suffisance.

Tu as en ton corps à planté De bien et d'onneur à suffire (Myst. st Vincent L., c.1471-1476, 166)

Quant au regard de leurs chaynes et bagues, De pierrerie et joyaulx plantureux, Tant en avoyent de combles et de vagues Que ce c'estoit pour mettre avant les bragues De mille roys et d'autant d'empereurs, Elles en avoyent a souffire pour eulx. (La Vigne, V.N., p.1495, 170)

3.Emploi impersonnel. Être assez (en quantité, en qualité, en force..., pour qqc., pour satisfaire qqn).

Mais qui en dira universaument en general et en figure ou similitude, par aventure souffira il quant a cest propos. (Oresme, E.A., c.1370, 137)

LE PREVOST. (...) Je mesmes les lettres feray ; N'est mestier c'on les me divise. C'est fait ; seellez a vostre guyse : Il souffira. DEUXIESME CHEVALIER. C'est seellé ; qui la portera ? (Mir. fille roy Hongrie, c.1371, 39)

Encor vault il mieuls qu'il nous voie, Ens ou cas qu'il nous est en voie, Que nul aultre, mes qu'il souffisce, Car nous sommes de son offisce. (Froiss., Joli buiss. F., 1373, 225)

Et donques se toute la masse des elemens estoit meue avecques le ciel, aussi comme est le feu en son espere et l'aer en partie, et seulement une tres petite porcion de terre reposast ou centre, il souffiroit. (Oresme, C.M., c.1377, 366)

Et la fu le conte de Poittiers, et la contesse et sa fille, et les barons du pays, et le conte de Forests, et pluseurs autres nobles de pluseurs nacions, et tant de dames et de damoiselles qu'il devoit souffire. (Arras, c.1392-1393, 46)

LE MARQUIS. C'est bien, Griseldis ! Il souffist. Faites le mieux que vous pourrez (Gris., 1395, 90)

Seray je pas souffisanment Montez de patins a rouelle Et d'eschaces, quant Marotele Yray vëoir, s'il fait lait temps, Et s'aray solers bien fermens A troiz ou a quatre noyaux ? Ne luiteray je aux pastoureaux Quant vouldray en lieu de tournoy ? Je pense estre de tel conroy Que g'y conquerray belle amie. Meschant, ne souffira il mie ? Fol est qui plus demander ose (Gris., 1395, 47)

...pour ce a present souffise auoir baillie la matiere de saincte meditacion sur soy mesmes par la quelle la personne deuote et humble pourra passer iusques a la ioyeuse et delectable contemplacion de Dieu (Cib., p.1451, 192)

...quand il fut bien eschauffé par longue espace, il dist : 'M'amye, il suffist...' (C.n.n., c.1456-1467, 366)

Advance toy, accop, Mignaulde ; Faisons la tierce et suffiré. (Pass. Auv., 1477, 179)

Et suffize quant a present de ceste matere. (Sacr. mar., c.1477-1481, 78)

Mon tendre cueur, doulx et humain, Venez vous en avecques moy Et je vous logeray, je croy, Si haultement qu'il souffira. (P. Jouh. D.R., a.1488, 32)

Il suffit à qqc.

Il convient dire que tout le corps du ciel n'est pesant ne legier, et convient supposer qu'est a dire pesant et qu'est a dire legier. Et de ce dirons maintenant tant comme il souffist a la neccessité presente, mais nous considererons de ce plus diliganment quant nous dirons derechief de la substance de ces choses. (Oresme, C.M., c.1377, 78)

Il suffit à + inf.

Item, les sains patriarches et les prophetes la cognurent [ceste trinité de Dieu] par inspiracion du saint Esperit et ne la nouz exposerent pas clerement mais en figures et en paroles obscures. Item, nostre Sauveur par soy et par ses disciples et par les sains docteurs la nouz a plainement desclaree en tant comme il souffist a croire pour nostre sauvement, et avec ce comment creature incorporelle est ymage de ceste divine trinité. (Oresme, C.M., c.1377, 56)

Il suffit à qqn

Levez vous, car il plaist a nous Que plus ne parlez a genous. Et se plus ci après parlez, Parlez einsi, com vous volez, Ou en sëant, ou en estant, Car il nous souffist bien a tant. (Mach., J. R. Nav., 1349, 185)

LA CHAMBERIERE. (...) Ma dame a noyé son enfant, Dont elle gist. LE SERGENT. Ne m'en di plus ; il me souffist ; Et ou est elle ? (Mir. enf. ress., 1353, 33)

S'il avoit une cote grise De drap de Pouleinne ou de Frise Et un cheval tant seulement, Il li souffissoit hautement. Il n'avoit pas tous ses aviaus, Car souvent mangoit des naviaus, Des feves et dou pain de soile, D'un haran, d'une soupe a l'oile, Par deffaut de bonne viande. (Mach., C. ami, 1357, 104)

Mengüe en ta sale souvent Et tien de tes gens le couvent, Qu'il leur souffist en ta presence Trop mieus et a meins de despense. (Mach., C. ami, 1357, 124)

LE ROY. Certes, se le corps en avoie [de ma fille] Ou les os, me souffiroit il. (Mir. st J. Paulu, c.1372, 136)

'Et vostre parolle et requeste demande bien à avoir conseil ; je me conseilleray, ou de moy ou des miens, tellement que à la responce vous vous contenterez de moy, car je ne le vouldroye aultrement faire ne ne porroie.' - 'Vous dictes bien', respondirent les seigneurs, et il nous souffist (Froiss., Chron. M., XIV, c.1375-1400, 15)

CLOVIS. (...) Dame, a Ville Juive iray, Et la mes gens ordeneray Et d'ilec m'en iray en l'ost ; Quant je revenray, tart ou tost, Souffise vous. CLOTILDE. Si fera il, mon seigneur doulx, Quoy que vostre demour m'ennuye. (Mir. Clov., c.1381, 245)

HONOIRES. (...) Vous souffira il, dites voir, Se nous li pouons faire avoir Par mariage ? EUFEMIAN. Mes seigneurs, s'a sire Lipage Plaist et agrée cilz accors, Je sui celui qui m'i accors Aussi du tout. (Mir. st Alexis, 1382, 291)

Par foy, dist ly contes, veez cy merveilles. Remondin se marie et ne scet quelle femme il prent, ne de quel lignaige. Monseigneur, dist Remondin, puis que il me souffist, il vous doit assez souffire, car je ne pren pas femme pour vous, a mon escient, mais la pren pour moy... (Arras, c.1392-1393, 36)

Or n'a pas granment que du plus hault de ta roe tu m'as mis au plus bas, et encore ne te souffist il mie, mais me veulz destruire, quant mon frere, qui est un des preudoms et un des plus vaillans roys du monde, tu veulz ainsi desemparer de son royaume, se Dieux, par sa grace, n'y met prouchain remede. (Arras, c.1392-1393, 172)

Je ne scay ne ne vueil enquester des choses passees ; puis que mes ancesseurs en ont eu l'onneur et en sont venus a leur dessus, il me souffist. (Arras, c.1392-1393, 239)

Et qu'est souffisance fors neant convoitier ? Tu es riche ? Ne convoite riens, et tu diras : 'Il me souffist'. S'il te souffist, tu es riche car riens ne te fault. Telle souffisance ot saint Pol : par dessus tous il avoit Dieu en sa part : c'estoit assés, et bien luy souffisoit. (Gers., P. Paul, a.1394, 509)

LE MARQUIS. Certes, Trop Jolÿet, de toy Suis content et bien me souffist. (Gris., 1395, 79)

Sire, vous n'avés que faire de gerriier pour ce d'Artevelle. Vous avés gerre assés aillours. Soufisse vous, qant les bonnes villes de Flandres s'esqusent et voellent demorer avoecques vous en vostre gerre (Froiss., Chron. D., p.1400, 641)

'...Dya, m'amye, respondit monseigneur, suffise vous a tant, et soiez seure que je vous dy la verité...' (C.n.n., c.1456-1467, 39)

Il nous suffit ; alons bruant. (Pass. Auv., 1477, 113)

Item, touchant Rodelle, j'eusse bien voulu avoir Brilhac, ainsi que vous pourrez congnoistre par les lettres que leur avoye escriptez, dont je vous envoye le double. Mais, veu que Brilhac fait le serment et qu'il ne va point après le conte d'Armignac, il me souffist. (Le Clerc, Interp. Roye, c.1502, 247)

Il suffit de qqc.

Si s'appenserent que, pour [se] bien loger et a leur aise, il souffiroit bien d'un hostel. (C.n.n., c.1456-1467, 147)

(Il) suffit + inf.

Donques, devons nous commencier par les choses que nous cognoissons, et pour ce convient il que celui qui doit oÿr ceste science soit bien duit souffisanment en bonnes acoustumances de bonnes oeuvres et de justes, car c'est le commencement, et souffist tenir telles choses pour vrayes, et que il est ainsi senz enquerir la cause pour quoy ce est. (Oresme, E.A., c.1370, 110)

Mais d'aucunes choses, comme sont les principes, il doit suffire tenir que ilz soient vraies et ne convient pas plus avant proceder ne enquerir pour quel cause il sont vrays. (Oresme, E.A., c.1370, 123)

Et donques ne souffist il pas dire que le ciel est ainsi meu de sa nature, car se il estoit meu autrement, il ne convendroit pas que il fust d'autre nature ou espece pour ce que ces .II. mouvemens sont d'une espece. (Oresme, C.M., c.1377, 404)

...les Rommains par leur grant convoitise et presumpcion orgueilleuse ne souffissoit pas seignourir et possider toute Ytalye (La Sale, Sale D., 1451, 213)

...sembloit, pour trois qu'il en y avoit, de quoy on oyoit la noise qu'il souffiroit oïr d'un quarteron. [De femmes bavardes] (C.n.n., c.1456-1467, 202)

...ne me chault de savoir comment il sceut tant abreger ses besoignes ; assez souffist dire qu'il revint le soir (C.n.n., c.1456-1467, 435)

(Il) suffit (à qqn) + inf.

Car se j'estoie duc ou conte, Si me doit il souffire voir Telle dame a amie avoir. (Mir. Theod., 1357, 78)

LE SECOND. A l'empereur devra moult bien suffire D'avoir telz gens a son commandement. LE TIERS. Nous sommes bien pour ung ost desconfire. (La Vigne, S.M., 1496, 240)

(Il) suffit (à qqn) de + inf.

L'ARCEVESQUE. De moy en si hault siége embatre, Dame, ne me requerez pas ; De me seoir ici em bas Me doit souffire. (Mir. Clov., c.1381, 270)

Monseigneur, veez la tour de Mont Jouet, ou Gardon le jayant se tient. Mais sachiez, se vous nous voulez croire, il vous souffira d'avoir veue la tour, et en revendrez avec nous, car, quant a nous, nous n'yrons plus avant pour le pesant de nous de fin or. (Arras, c.1392-1393, 245)

...et y me deust suffire d'avoir servi oudit office si longuement (Baye, II, 1411-1417, 273)

...me souffira te donner exemple de ton bon ayol le tres sage roy Charles, quint de ce nom, auquel Dieu par sa grace te doint ressembler. (Chr. Piz., Paix W., 1412-1413, 68)

...lesdiz conseilliers s'informeront se par le stile il souffist de faire les criées en Chastellet (Fauq., III, 1431-1435, 5)

La devocion que monseigneur avoit aux sains de sa meschine de jour en jour croissoit, et ne luy suffisit pas de l'amer et servir en cueur seullement (C.n.n., c.1456-1467, 116)

Il suffit que + subj.

Au tiers, ou est dit que tout mouvement requiert aucun corps reposant : je di que non fors quant a ce que tel mouvement puisse estre apparceu et encore souffiroit il que cel autre corps fust meu autrement (Oresme, C.M., c.1377, 528)

Comment, sire, il souffist bien que j'en paye la moitié ; celuy qui est en la ruelle peut bien paier l'autre ! (C.n.n., c.1456-1467, 245)

(Il) suffit (à qqn) que

Humains, bien vous doit souffire Qu'estes tant de Dieu amez Qu'est mort pour vous a martire (Mir. femme, 1368, 225)

...mais a ceulz qui ne sont expers, il leur souffist asséz que ilz ne soient pas ignorans se l'euvre est bien faite ou mal faite, en la maniere qu'il est en lectre ou en escripture. (Oresme, E.A., c.1370, 539)

Et après disner a esté advisié (...) que quant à la Court de ceans, attendu qu'elle estoit de justice, et n'avoient pas les seigneurs acoustumé d'aler armez, ne de chevaucher par ville, sinon sur mules à venir au Palaiz, qu'il suffisoit que X ou XIJ d'eulx fussent demain avec le Chancellier (Baye, II, 1411-1417, 164)

...et ne leur a pas souffi que la ville de Paris y feust comprinse, mais ont pourchassié que les forbours d'icelle y feussent aussi comprins. (Fauq., III, 1431-1435, 103)

...vous suffise que vous seul cognoissez ma folie, et que par vostre tarder elle ne soit cogneue (C.n.n., c.1456-1467, 124)

Il suffit si. Il suffit que.

...il doit bien souffire s'ilz prenent la peine de le recevoir [en leur couvent]. [Perception de la dîme par des moines] (C.n.n., c.1456-1467, 224)

B. -[D'une pers.]

1.Suffire à qqn. Être à soi seul en mesure de contenter, de satisfaire qqn.

LE MARQUIS [à Griseldis]. Pour ce, m'amour, t'embraceray je, Qui tant es bonne et vertüeuse, Comme ma seule et vraye espeuse, Car onques autre ne rouvay, Ne jamaiz autre n'ameray. Moy souffiz bien et moye soies (Gris., 1395, 95)

...que Ceulz yci sont bieneureux Qui les cuers ont doloreux, combien que l'auctorité de celuy qui les dit, c'est nostre Seigneur Jhesu Crist, devroit assez souffire a ung chascun crestien. (Gers., Déf., 1400, 219)

Suffire à soi-mesme. Avoir en soi-même de quoi se contenter.

Car devant la constitution du monde Dieu fut ou il est presentement, c'est a scavoir en soy, car il souffist a soy mesmes. (Somme abr., c.1477-1481, 137)

2.Suffire à qqc.

a)Être en mesure de faire qqc., de réaliser qqc..

Suffire à/pour + inf.

En un jour trop en desconfist ; Mais seuls ne pooit pas souffire Pour tout le monde desconfire, Qu'entour lui furent pris et mort Sa gent de moult piteuse mort, Et il pris ; c'est pitez et dieus. (Mach., C. ami, 1357, 99)

Et que Juno de venin les infecte Par les climatz du bas monde et moleste, Si verra l'en que les dieux sont en ire, Et pource que Juno ne peult suffire A circuyr tout royaulme et empire, En peu de temps tant sont larges et grans. (Cene dieux, c.1492, 121)

...et de la pestillence qui fut si horrible que à Pavie les vifz [ne] souffisoient à ensepvellir les mors. (Simon De Phares, Astrol., c.1494-1498, f° 103 v°)

Cestui presdist l'orrible pestilence, qui fut en ce temps, c'est assavoir du temps du pappe Clement VIe, où les vifz ne povoient souffire pour ensevelir les mors (Simon De Phares, Astrol., c.1494-1498, f° 137 r°)

b)Éprouver de la satisfaction à qqc..

Il souffisoit aux soupers et toutes manieres de viandes et mengiers pour la coustume de vomir. (Mamerot, Romuleon D., 1466, 339)

3.Emploi absolu. Avoir assez de valeur.

Loez soit Dieux de mon travail, Car je ne souffis ne ne vail En bien tant qu'avoir repos doie. (Mir. parr., 1356, 31)

Ne pas suffire pour + inf. Ne pas être digne de.

Et certainnement, se j'eüsse Tant de bien en moy que je fusse Aussi sages com Salemons, (...) Et s'eüsse autretant d'onnour Comme ot Godefroy de Buillon, (...) Ne peüsse je pas souffire Pour dame amer de tel affaire. (Mach., R. Fort., c.1341, 5)

II. -Emploi pronominal réfléchi. Se suffire. Se satisfaire.

Et se tu dis que po de pris Pues acquerir en ce pourpris Ou tu t'en vas, d'amour espris, Ja ne te chaille, Dous amis, mais soiez tous fis Qu'en cest estat bien me souffis, Puis que j'ay mon cuer en toy mis Que je te baille. (Mach., F. am., c.1361, 230)

Se suffire de + inf. Se contenter de faire qqc..

...le Roy, de sa grace se soufferra de mener ou faire mener sa guerre en ycellui pais de Flandres (Ch. VI, D., t.1, 1403, 250)