PROCURER

verbe

[T-L : procurer ; GD : procurer ; FEW (IX, 413b, 414a) : procurare ; TLF (XIII, 1248b) : procurer]

A. -[Idée d'effort mis à qqc.]

1.Emploi intransitif. Faire des efforts pour arriver à un résultat, se dépenser.

SECOND CURÉ. Il a ja plus de dix sepmaines Que pour ma saisine exercer De ceste eglise possesser, Dont mon prelat m'a fait curé, Tant ay devers li procuré, Deusse cy avoir venu (Mir. parr., 1356, 18)

Son medecin, qui l'ot en cure, A quelque peine tant procure Qu'il vient en l'ost (Chr. Piz., M.F., III, 1400-1403, 206)

Mais fortune procura Tant qu'el lui osta la vie. (Chr. Piz., Chem. estude P., 1402-1403, 5)

Qui mal voudroit au royaume de France ! Hommes failliz, bersaudez de raison, Desnaturez et hors de congnoissance, Desmis du sens, comblez de desraison, Folz abusez, plains de descongnoissance, Qui procurez contre vostre naissance, Vous submettans a detestable mort Par lascheté, las ! que ne vous remort L'orribleté qui a honte vous maine ? (Villon, Poèmes variés R.H., c.1456-1463, 62)

Aprestons nous legierement Sans en plus faire de demeure, Puis y allons honnestement, Sans atendre ne pas ne heure ; Que ainsi comme je procure Il a de nous neccessité. (Myst. siège Orléans H., c.1480-1500, 212)

Dy leur, apres digner, baillerons Deux de noz gens emmy la pree, Et que nous nous y consentons Aujourd'uy, en ceste journee, Que bataille leur sera livree A deux contre deux seullement, Ainsi comme il ont procuree En l'autre et non autrement. (Myst. siège Orléans H., c.1480-1500, 311)

Bien soyez venu, je procure ['je suis prêt à faire tout en ce sens'] , Des Anglois qui vous ont tenu, Tel en paiera la forfaiture Qui n'en sera en riens tenu. (Myst. siège Orléans H., c.1480-1500, 523)

Emploi pronominal.

Tant fist l'enfez Jourdain et tant se demena [var. se procura] Que Renier li acorde et congiet li donna (Jourd. Blaye alex. M., a.1455, 121)

Procurer pour qqn. Agir en faveur de qqn.

Loé soit Jhesu qui procure Pour moy et pour mon sauvement ! (Myst. st Adr. P., c.1450-1485, 104)

...il se condampne Luy mesme a la mort pardurable (...) Et ne scait pour luy procurer. (Chast., Temps rec. D., 1451, 79)

[Valeur nég.] Machiner .

...quant en l'ost des roys catholiques, l'anemi de l'umaine nature procurant, aucuns rumours, debas ou dissentions sourdront (...) tel cas avenant, le prince de la Chevalerie du Crucifix (...) se travellera a son plain pooir d'estaindre lesdis debas (Mézières, Sustance H., 1396, 50-51)

Vilain fait l'omme desnature, Et contre noblesse procure Qui emprent chose deshonneste. (Narcissus, p.1426, 290)

À l'occasion de laquelle blesseure ledit Mesmeau depuis procura tant, combien qu'il eust tort, qu'il obtint une amonicion ou nom du promoteur de l'official de nostre amé et feal conseiller l'evesque de Poictiers contre ceulx qui l'avoient blecié, qui estoit causée qu'il estoit clerc et qu'on l'avoit blecié et oultragé en terre sainte. (Doc. Poitou G., t.12, 1480, 327)

[De la mort personnifiée] Être à l'oeuvre.

LAZARON. (...) Mes seurs, la mort sens que procure, Mon mal avance grandement, Oncques ne senti creature Plus angoisseux mal vraiement. (Marcadé, Myst. Pass. Arras R., a.1440, 104)

2.Emploi transitif. Procurer qqc. Procurer à qqc.

a)Mettre ses efforts, ses soins à qqc..

Pour ce t'aour, dame, et vous, sire Saint Prist, qui avez mon libelle Si bien procuré (...) Que de l'estat de dampnement Sui ramenez a sauvement. (Mir. prev., 1352, 266)

Item, il n'est pas nonchalant, mais est curieus de ses propres possessions procurer diliganment et deüement (Oresme, E.A., c.1370, 233)

Je sceuïsse ja volentiers Quel cose il dist et qu'il procure. (Froiss., Joli buiss. F., 1373, 180)

...je vous jur, sur sains, dessus le livre Que jamais jour ne sera procurée Chose par moy, dont aiez desplaisir (Chr. Piz., Cent ball. amant dame C., c.1409-1410, 56)

LE PERE. Quel estat doncq esse que tu procure ? A quelle fin tens tu de parvenir ? Par Jupiter, ta vie est tant obscure Qu'en rien qui soit je n'y puis subvenir. (La Vigne, S.M., 1496, 166)

b)Obtenir qqc. (de concr. ou d'abstr.) à force d'efforts.

Quant aucuns pourchace et procure Viande de quoy il n'a cure, Et elle li est bien baillie Et trés honnestement taillie, Il ne la fait que devourer, Car il ne la scet savourer. (Mach., D. Aler., a.1349, 337)

LE FOL. (...) Se je pouoie procurer Un chapel de torches de fain, Jamais n'aroie soif ne fain. (Mir. parr., 1356, 29)

...mais avecques ce, ilz ont ferme propos de avoir et procurer venjance. (Oresme, E.A.C., c.1370, 262)

Car quant il doit, il est par tout semons Et faust que tost poie, quoy qu'il endure ; Et s'on li doit, si pert il ses raisons, Pour ce qu'il n'a de quoy son droit procure. (Mach., App., 1377, 645)

...ilz [les habitants d'une cité italienne menacés par ceux d'une autre cité] quierent et demandent estranges seignouries, et les procurent, et a ceulx se donnent, en espoir que ilz soient soustenus et portez (Bouciquaut L., 1406-1409, 179)

Et quiconques veult s'asseurer À son povoir doit procurer Ce bénéfice, égestion, C'est assavoir purgation Des grosses superfluites Des viandes paravant cuites (La Haye, P. peste, 1426, 105)

c)Produire, causer qqc. (à force d'efforts).

Et quant il voient que ce ne peut estre procuree par un moien et il le ont esleü ce moien prochein, il conseillent coment ce peut estre et comme ce moien pourra estre procuré et acquis et par quel autre moien. (Oresme, E.A., c.1370, 191)

...ou se l'en dit que la fin est naturele et appert bonne par nature, et que en procurant telle fin l'en oeuvre par volenté et par ce est un homme fait vertueus et en ceste maniere est vertu voluntaire (Oresme, E.A., c.1370, 202)

...la pointure amoureuse que Doulz Regart, le soubtil archer, procure et envoye es gentilz courages (Bouciquaut L., 1406-1409, 32)

Maiz, sur tout conseil, ce vault mieulx Procurer paix avecquez Dieux De très bon cuer et vray courage, Car un chascun, s'il est bien sage, Qui ceste paix procurera La mort de fait mains doubtera. (La Haye, P. peste, 1426, 111)

En Jhesus nous voulons fïer, Car il l'a [l. ill a] planiere puissance De procurer nou delivrance Plus que non pas voustre ydolles (Myst. st Sébast. M., c.1450-1500, 82)

...et fut respondu à la duchesse d'Orleans et à son filz que on leur feroit justice de la mort dudit duc d'Orleans et tous ceulx du sang se firent parties formelles, pour procurer icelle vengence. (Simon De Phares, Astrol., c.1494-1498, f° 147 r°)

...il avoit donné conseil, ayde, support au conte d'Armignac, lequel il sçavoit et congnoissoit que par mauvais moyens il pourchassoit et procuroit la subversion du royaulme et qu'il estoit rebelle et desobeïssant au roy. (Le Clerc, Interp. Roye, c.1502, 242)

Et oultre, depuis les derniers traictiez et apointtemens faitz sur les despendences desdittez dernieres divisions, ledit de Nemours a de rechef donné conseil, aide, faveur et support audit d'Armignac, lequel il sçavoit et congnoissoit certainement que par mauvais et detestables moyens il pourchassoit et procuroit de tout son povoir la subversion de nostredit royaulme et qu'il nous estoit rebelle et desobeissant. (Le Clerc, Interp. Roye, c.1502, 244)

[Une chose néfaste]

Car, se iniquité et injustice, l'exterminerresse et murtriere de charité, si n'eust procuré tyrannie... (Foul., Policrat. B., VIII, 1372, 85)

A plusieurs dames sont et jurent Que chascune a leur cueur entier, Dont toutes n'ont pas ung quartier. Si escharsement le mesurent, Ainsi faulcement se parjurent Et a leur deshonneur procurent Tresdesloyalles renommees ; Et les povres dames endurent Par leurs faulcetez, qui trop durent, Cuidans vraiement estre amees. (Narcissus, p.1426, 306)

SECOND. Puisque par pitié me regarde, En me pardonnant mes meffaiz, Il fault que je me contregarde De procurer crismes infectz (La Vigne, S.M., 1496, 498)

Je suis content de vous tenir Compaignie en toute place, Mais que ja en ma vie je face Trahison, ne que je la procure. (Myst. st Laur. S.W., 1499, 182)

Procurer la mort de qqn. Chercher à faire mourir qqn, faire mourir qqn.

...plus de .XXm. jurerent La mort Hector, qu'ilz procurerent (Chr. Piz., M.F., III, 1400-1403, 77)

Vous avez sagement parlé, Tres bien avez prophetiziet, Il fault qu'il soit crucifiet, Et de ce jour cy en avant Cascun sa mort voist procurant. (Marcadé, Myst. Pass. Arras R., a.1440, 111)

Pour Dieu, mon maistre, se je suis Celuy qui vostre mort procure, Dictes le au plain, car je n'ay cure Que me celez ung tel meffait (Myst. Pass. Troyes B., a.1482, 656)

Procurer mal contre qqn. Causer du tort à qqn.

Maiz, quant audit chevalier ne son pere, onques ne firent ne procurerent mal contre l'Université, maiz estoit son pere un grant piller pour l'Université envers le Roy Charles. (Baye, I, 1400-1410, 105)

Emploi pronominal à sens passif. [D'une chose] Se préparer.

SAINCT MARTIN. (...) Je t'adjure en humilité Que ton esprit soit degecté Dehors de ceste sepulture Pour nous dire la verité Du cas qui pour toy se procure. (La Vigne, S.M., 1496, 529)

d)Procurer que. Faire en sorte que (qqc. se réalise).

...sont tenus cel Jehan et sa femme à la paine et par les sèremens dessus dits, eulz et chascun d'euls curer et faire procurer que tout empeschement qui mis seroit en nulle ne aucune des choses dessus dites, escriptes par quelque personne que ce soit, sera ostez audit sire (Cartul. Laval B., t.2, 1346, 217)

Et s'il avient par aventure Qu'Amours face tant et procure Qu'amans soit d'un ottri servis, Pour tant qu'il n'est pas desservis, Il li couvient près resgarder Comment il le puist bien garder, Pour tant que la dame est si chiere Qu'amans n'i a riens que priere, Se li couvient plus travillier, Ou li estas puet perillier, Se li mans ne le norrit. (Mach., D. Aler., a.1349, 251)

Car celui sembleroit du tout homicide et homme violent qui procureroit que ses amis feïssent guerre et que occisions fussent faites. (Oresme, E.A., c.1370, 521)

...et procura que Israel en dittast la malice. (Foul., Policrat. B., V, 1372, 377)

Car ilz procurent que lez enffens et lez innocens entrent en leur ordre, en lez soubstreant a leurs parens, par fraude et par barat (Songe verg. S., t.2, 1378, 245)

...la chalour Fu si grant que maint a doulour Moururent, dont a murmurer Prisdrent pluseurs et procurer Qu'en leur pays maint s'en tournassent Et Alixandre la laissassent. (Chr. Piz., M.F., IV, 1400-1403, 51)

Remarque : FOUL., Policrat. B., VIII, 1372, 90 (17/120) ; SAINT-GELAIS, Séj. honn. D., c.1490-1495, gloss.

e)Procurer à qqc. Se préoccuper de qqc..

...quant plus [le coeur] a conseil procure... (Le Fèvre, Respit Mort H., 1376-1380, 55)

Procurer (à/de) + inf. Faire en sorte que, s'efforcer de.

...ce qu'il croiront vrai et juste il procureront par leurs sergans a faire et executer (Foul., Policrat. B., V, 1372, 393)

Et l'evesque de Ronme qui sera pour le temps, sera le plus haut, le plus grant et le prince dez prestres de tout le monde ; et obeïront aux jugemens que il procurera estre donnés et establis en la foy catholique. (Songe verg. S., t.1, 1378, 92)

...l'en ne doit pas promover ne consecrer aucun en evesque a l'eglyse laquelle n'a ne clergie ne pueple, car il feret honte a la dignité epyscopal se il estoit povre et il convenet que il fust mendyant, conme sont aucuns de cez mendyans qui procurent a estre evesques, mez ce sont evesques mathematiques et portatiz (Songe verg. S., t.2, 1378, 234)

OFFICIAL. Il est bien force qu'on procure D'y pourvoir par aultre moyen Et par quelque cautelle oscure ; Or ça, nous en chevirons bien. (La Vigne, S.M., 1496, 407)

...Se vaillamment il ne procure Contre eulx estre ferme et robuste. (Paraboles Maistre Alain H., 1493, 74)

[Une chose nég.]

...aprés le fait de luxure Conseille ocirre sa porteure. Se est pechiés contre nature ; Molt est iceste mere dure, Qui son fruit a perir procure (Mir. N.D. Rosarius K., c.1330, 48)

3.Procurer qqc. à qqn. Faire obtenir qqc. à qqn.

[Une chose positive, un avantage]

La est [Marie] pour nous en soing et en grant cure, De touz noz maux medicine procure (Mir. ev. arced., c.1341, 145)

Dame, humblement je vous salu, Quant vers Dieu m'avez tant valu Que ma paiz m'avez procuré. (Mir. pape, 1346, 386)

...ycelle doulce saison leur procure fueilles avec la fleur (Chr. Piz., Faits meurs Ch. V, S., I, 1404, 32)

...le dit gentilhomme estoit celuy qui procuroit la pluspart des bonnes adventures qu'en amour il avoit (C.n.n., c.1456-1467, 79)

En ardeur de luxure Se traictent mariages. Bien souvent on procure Benefices a cure Ordonner aux mains saiges. Virginités, vefvages N'ont plus qui les deffende. (Cene dieux, c.1492, 115)

[Une chose nég.]

Pour ce que li roys d'Ermenie Avoit requis le roy d'aye, Et encor li avoit escript Que, pour la foy de Jhesu Crit, Li soudans sa mort li procure, Dont il est en grant aventure, Qu'il n'en soit destruis ou peris (Mach., P. Alex., p.1369, 211)

...le quel si me procura a estre condampné (Foul., Policrat. B., V, 1372, 442)

...ceste assemblée ne se despartiroit point sans conclure ou procurer aucune chose a son prejudice (C.n.n., c.1456-1467, 253)

LA MERE. J'ay dont bien perdu mes chandelles, Mes grans offrandes et prieres, Puisque, par leurs faulces cautelles, [les dieux païens] Me procurent tant de myseres. (La Vigne, S.M., 1496, 296)

Procurer cas de mort à qqn

Et, selon les droitz de nature, Toute personne qui procure Injustement a son semblable Cas de mort, de mort est capable (Myst. jeune fille L., c.1413-1445 [c.1530], 69)

Se procurer qqc. Faire en sorte d'obtenir qqc..

...netteté de conscience qu'il se doit procurer par devotes oroisons (Jean Golein, Rational B.D., c.1370-1372, 324)

B. -Agir par procuration, agir au nom de qqn, faire office de procureur.

Monseigneur d'Alençon (...) procura et fist tant que le roy de Cecile et d'autres gens de bien lesserent le parti des Bourgoignons (Cagny, Chron. M., 1436, 80)

Procurer pour qqn. Faire office de procureur pour qqn, plaider à la place de qqn.

A cela ne tiendra pas, dit elle, je feray voluntiers finance de la toille ; et vous, mesdamoiselles, qui tant bien procurez pour luy, vous prendrez bien la peine de les coudre. [À la suite d'un pari perdu, les servantes insistent auprès de leur maîtresse pour que le mari obtienne les chemises, enjeu du pari] (C.n.n., c.1456-1467, 189)

Procurer sur qqc. Faire office de procureur, agir au nom de qqn sur qqc..

...le dit Nicolas, du consentement, accort et volenté du dit Jehan son pere et de sa femme, jadis femme de feu Jehan Pain, eulx traictans et procurans sur ce, ait contrait, depuis le mois de septembre derrenier passé, mariage avec Jehanne Paine (Doc. Poitou G., t.4, 1373, LXXI)

Participe présent en emploi substantival. Personne qui est chargée des intérêts de qqn.

...finablement fut trouvé que l'evesque d'Alect (...) avoit (...) fait escripre unes fauses bulles par convoitise du grant argent que ledit d'Ermignac avoit envoié a Rome pour obtenir dispense. Si fut cestui evesque vaincu de l'argent et (...) abusa les procurans et leur donna faulse et fainte remission (Chastell., Chron. IV, D., c.1461-1472, 258)