MARIAGE

substantif masculin

[T-L : marïage ; GD : mariage2 ; GDC : mariage ; AND : mariage1 ; DECT : marïage ; FEW (VI-1, 351a) : maritare ; TLF (XI, 395b) : mariage]

A. -Union légitime (par le sacrement du mariage) d'un homme et d'une femme, mariage.

Les personnes du monde entre lesquelles bonne et sainte amour est plus necessaire sont les personnes conjointes par mariage, car ilz ont a vivre et habiter continuelment ensemble. (Mir. femme roy Port., c.1342, 149)

...Moult fist roys Prians a prisier ; Moult fu fiers et de grant corage. Douze enfans ot de mariage (Mach., F. am., c.1361, 212)

Eurisillus et Helenus, Pollicès et Marcomiris, Alexandre qu'on dit Paris Et Polidorus ensement Furent, se l'istoire ne ment, Ses enfans de droit mariage, Nez d'Ecuba au cler visage, Sans les vallès et les meschines Qu'il avoit d'autres concubines. (Mach., F. am., c.1361, 213)

...ses deux freres estoient mors sans avoir hoirs de leur char par mariaige (Froiss., Chron. M., XIV, c.1375-1400, 153)

...sa ainsnée seur du premier mariaige (Froiss., Chron. M., XIV, c.1375-1400, 153)

...et, environ XV jours après ce, fiança ycelle Guillemete, et elle lui, de leurs consentemens, et promistrent l'un à l'autre faire foi et leaulté de mariage. (Reg. crim. Chât., I, 1389-1392, 53)

Et la fu accordé le mariage de Bertrand, le filz au duc Anthoine, a la fille du roy d'Ausaiz. Et ot a nom la pucelle Mellide, qui fu moult belle. (Arras, c.1392-1393, 287)

LE MARQUIS [à Griseldis] . (...) Le douaire qu'a marïage Apportas, preng, c'est bien raison, Et va en ta vielle maison (Gris., 1395, 80)

LE MARQUIS [à Griseldis] . (...) soubz le ciel n'ait homme Qui, par tant d'experimens comme Je t'ay ferme et constant trouvee, Ait en autre femme esprouvee La bonne amour de marïage. (Gris., 1395, 95)

...li dus de Braibant (...) procuroit trop fort par tous les bons moiiens que il pooit avoir deviers le roi de France, que sa fille Margerite peuist venir par mariage au conte de Flandres (Froiss., Chron. D., p.1400, 809)

...et aussi comment on avoit procedé au traictié du mariage d'icellui roy d'Angleterre avec madame Katherine de France, fille du Roy, nostredit segneur souverain (Fauq., I, 1417-1420, 366)

Lesquelles, supposé que ne fussent nees en loyal mariage, sy en fait la cronicque ceste glorieuse mencion. (La Sale, Salade, c.1442-1444, 184)

Dont par ce fust de pluiseurs a mariage reffusee. (La Sale, Sale D., 1451, 136)

En la conté d'Artoys nagueres vivoit ung gentil chevalier, riche et puissant, lyé par mariage avecques une tresbelle dame (C.n.n., c.1456-1467, 109)

CUPIDO. Je vous mariray, ma bourgoise, Car [vrayement] vous estes en aage, Mais les amours de mariage Ne sont pas des plus excellentes. (P. moyne, a.1500, 45)

Mariage corporel. Union corporelle dans le mariage.

...le premier bien du mariage corporel est fruit en lignie, pour laquelle mariage est principalment establi (Mir. femme roy Port., c.1342, 149)

Conjonction de mariage

...ma fille seroit bonne et eureuse se elle povoit venir à si haulte parfection, comme à la conjonction de mariaige du conte de Guerles (Froiss., Chron. M., XIV, c.1375-1400, 147)

Sacrement de mariage. Voir sacrement

Avoir qqn en/par mariage. Épouser qqn, être marié à qqn.

Jadis en Babiloinne avoit Un homme qui maint bien savoit. De grans richesses renommés Estoit ; Joachin fu nommez. Une femme ot en mariage Qui fu tres bele, bonne et sage, Douce, courtoise et bien aprise Et duite en la loy de Moyse. (Mach., C. ami, 1357, 4)

Or enten : je le te diray. Quant li gentils rois Peleüs Fu ordenez et esleüs D'avoir Thetis en mariage (Mach., F. am., c.1361, 201)

...s'il estoit aucune femme ou fille qui eust son entencion et voulenté d'avoir par mariage aucun jeune homme ou autre qui la frequentast et hentast, et qui eust eu compaignie charnele à une femme, que icelle femme, pour ce faire et acomplir sa voulenté, et jà soit ce que icellui son ami ne voulsist pas espouser celle qui le vouldroit avoir par mariage, feist tant que elle achetast de la cire vierge (Reg. crim. Chât., II, 1389-1392, 322)

...et comment qu'il soit, a l'ayde de Dieu, nous yrons secourir la pucelle que le roy d'Ausay veult avoir par force, dont il me semble mal conseilliez, car quant on les a par leur bon gré et accort en mariage, si y a il a la foiz grant riote. (Arras, c.1392-1393, 150)

...assés s'i acordoit li rois, que ses biaus neveus Edouwars d'Engleterre euist l'une de ses nieces par mariage (Froiss., Chron. D., p.1400, 51)

...Edouwart (...) ot en mariage la fille a messire Bietremieu de Bruhés (Froiss., Chron. D., p.1400, 108)

Quand vous m'eustes en mariage, vous estiez escuier (C.n.n., c.1456-1467, 465)

Avoir mari par mariage

LA PREMIERE POVRE PUCELLE. (...) Nous cuidïons estre certaines, Et je meïsmes endroit moy, Que plus riches feussons de soy Et deüssions par marïage Avoir mari de tel lignage Qu'el n'eüst osé esperer. (Gris., 1395, 40)

Bailler/donner qqn à/en/par mariage à qqn

Li ainnee des filles ot nom Issabiel et fu mariee au roi David d'Escoce, fils au roi Robert de Brus, et li fu donnee en mariage par l'acort des hauls barons de l'un roiaulme et del aultre, et pour venir a plus grande aliance d'amour. (Froiss., Chron. D., p.1400, 45)

...le roy, par mariage, Lui donna une belle et sage Fille (Chr. Piz., M.F., III, 1400-1403, 173)

...le seigneur fut bien content de luy bailler sa fille a mariage (C.n.n., c.1456-1467, 332)

...une fille, de l'eage d'environ de XV a XVJ ans, fut donnée en mariage a ung bon gentil compaignon (C.n.n., c.1456-1467, 470)

Briser un mariage. Rompre la promesse de mariage.

...li contes de Flandres (...) avoit brisiet le mariage de la fille d'Engleterre (Froiss., Chron. D., p.1400, 808)

Ensi fu chils mariages brissiés et rompus (Froiss., Chron. D., p.1400, 52)

Brisier son mariage (par l'adultère)

Amis, ne fai pas tel outrage Com de brisier ton mariage, Car vraiement, qui y enchiet, Dieus s'en couresse et l'en meschiet. (Mach., C. ami, 1357, 128)

Elle s'est demenée a honte ; Car brisé a son mariage Et son corps a mis a hontage (Mir. emper. Romme, 1369, 275)

Contraire un mariage

LE SAINT PERE. (...) Congié lui donnons [au marquis] de contraire Nouvel marïage et plus hault. (Gris., 1395, 73)

Demander/requerir qqn en mariage (pour qqn)

Il me demandent Nostre fille par mariage Pour un homme de leur lignage (Mir. chan., c.1361, 157)

...il (...) leur prya et charga qu'ilz voulsissent aler en son nom devers le Bertran de Malignes et luy requisissent pour luy sa fille en mariage (Froiss., Chron. M., XIV, c.1375-1400, 146)

...il me demande ma fille en mariaige. (Froiss., Chron. M., XIV, c.1375-1400, 148)

[Du pape] Dispenser un mariage. Faire la dispensation d'un mariage. Accorder les dispenses nécessaires au mariage (en dépit de la consanguinité).

...chils papes (...) respondi (...) que ja ne dispenseroit ce mariage, car il estoient trop proçain. (Froiss., Chron. D., p.1400, 52)

...papes Jehans (...) descendi tantos a la dispensation faire dou mariage d'Engleterre et de Hainnau. (Froiss., Chron. D., p.1400, 157)

Espouser qqn par mariage. Épouser qqn.

LE MARI. (...) celle Qu'ay espousé par marïage (Mir. enf. ress., 1353, 59)

...passez sont XIJ ans, il espousa par mariage à Jehanne, ad present sa femme, et jadiz fille de feu maistre Estienne de Marueil, advocat en Chastellet. (Reg. crim. Chât., I, 1389-1392, 484)

Prendre qqn à/en/par mariage. Épouser qqn.

Pymalion de son ymage, Quant il l'ot prise a mariage, Ot un fil cointe, appert et sage Qu'on appelloit Adonis. (Mach., Voir, 1364, 532)

...comme environ la feste de l'Ascencion Nostre Seigneur derrainement passée, Jehan Roudet, de la duchié de Guyenne, eust prinse la dite suppliante par mariage, qu'il n'estoit guerre aucune entre nous et le prince de Gales, après lequel mariage, se fust trait ycellui Roudet devers le sire de Mirebeau, ou sez officiers, et li eust juré feaulté pour cause du fort de Ry et dez appartenances de ycelly, et finé du rachat (Doc. Poitou G., t.4, 1369, 13)

Se je vous aim de fin loyal corage Et ay amé et ameray toudis, Et vous avés pris autre en mariage, Doy je pour ce de vous estre ensus mis, Et de tous poins en oubli ? Certes, nennil ; car puis que j'ay en mi Cuer si loyal qu'il ne saroit meffaire, Vous ne devés vo cuer de moy retraire. (Mach., L. dames, 1377, 208)

Lequel prisonnier lors print elle qui parle par la main destre, et luy promist, par la foy et serement de son corps, estre son mary, et qu'il ne auroit ne ne prendroit autre femme à mariage et espouse (Reg. crim. Chât., I, 1389-1392, 151)

L'EVESQUE, espousant Griseldis au marquis. (...) Marquis (...) Prendre voulez par marïage De vostre pur et franc coraige Cestui enfant, ceste pucelle, Griseldis (...) Et ycelle a femme prenez, Et tel part en vous lui donnez ; Que femme en mari doit avoir ? (Gris., 1395, 41)

...li dus Jehans de Braibant (...) pourcaçoit adont moult fort que chils jones contes de Flandres vosist prendre par mariage Margerite, sa fille (Froiss., Chron. D., p.1400, 797)

...ait en voulenté (...) et du gré et consentement desdiz père et mère et fille, prendre par mariage et à sa femme ladicte fille (Ch. VI, D., t.2, 1414, 115)

Quand je vous prins en mariage a la male heure, vous ne apportastes gueres avecques vous (C.n.n., c.1456-1467, 420)

...ung jeune homme print a mariage une tendre jeune fille (C.n.n., c.1456-1467, 496)

Prendre et avoir qqn par mariage

LE QUINT CHEVALIER [au marquis] . (...) donnez [à vos sujets] benignement Liberté de querre pour toy Une dame de hault conroy (...) Laquelle il plaise a ton coraige Prendre et avoir par marïaige (Gris., 1395, 12)

Prendre qqn en nom de mariage

LE CONTE. (...) Je lui maine [au marquis] les deux enfans, Qu'il penra, si com je l'entens, La fille en nom de marïage (Gris., 1395, 78)

Prendre femme à mariage. Se marier.

LE MARQUIS. D'uy en quinze jours sanz faillir Femme a marïage prendray. (Gris., 1395, 19)

Recevoir qqn par mariage

Suer belle, vers moi ne t'orgueille, Ma[i]s me reçoi par mariage, Car estrais sui de grant parage Et telz que bien me dois amer : Je sui filz au dieu de la mer, En mon pere auras bon signour, Tu ne pues avoir nul grignour. (Mach., Voir, 1364, 640)

Requerir (une femme) à mariage. Demander la main (d'une femme).

...quand ilz feroient cest honneur a ma fille que de la requerre a mariage pour luy, je leur en respondroye tellement qu'ilz devroient estre contens (C.n.n., c.1456-1467, 296)

Traiter (d')un mariage/Procurer un mariage. Négocier un mariage.

...je feray escripre les grans frez, dons et despens que je ay fait du temps passé en procurant en Alemaingne et en Boesme le mariage du roy nostre sire. (Froiss., Chron. M., XIV, c.1375-1400, 35)

En celle saison fu (...) fais et traitiés li mariages de Loïs de Blois, fils au conte Gui de Blois, et de madame Marie de Berri, fille au duc Jehan de Berri (...) Et n'espousèrent pas lors, car li fils et la fille estoient pour le tamps mout jone. (Froiss., Chron. R., XI, c.1375-1400, 195)

Et en ce temps fonda Melusigne Nostre Dame de Lusignen (...). Et fut traittié le mariage de son filz Eudes a la fille du conte de la Marche. Et fut faicte la feste grant et noble soubz Lusignen, en la praierie. (Arras, c.1392-1393, 145)

Le marquis, voulant traitier du mariage, fait entrer Janicola et Griseldis en leur maison. (Gris., 1395, 36)

Li baron de ce pais tretiierent jadis, et n'i a pas encores .V. ans, dou mariage de ma fenme et de moi (Froiss., Chron. D., p.1400, 223)

Promoteur d'un mariage. Celui qui traite un mariage, qui le négocie.

Messires Jehans de Hainnau fu promoteres de ce mariage et s'en aquita bien (Froiss., Chron. D., p.1400, 157)

B. -Par métonymie.

1.Traité, convention de mariage.

Vous me faictes une requeste que ses terres, qui pour le present sont moult chargiez et ensonniez envers Lombars et aultres gens, par le point, article et ordonnance du mariaige touttes les acquitte et delivre et nettoie de toutes debtes, et tout ce que obscur luy [est], face cler. La Dieu merchy, tant que parmy la puissance des deniers il est bien en moy et suy en bonne voulenté de faire. Mais je vueil tout premierement que les convenances et ordonnances soient (...) fermement prises (Froiss., Chron. M., XIV, c.1375-1400, 149)

Et mena avecques lui le conte de Richemont, qui espousa lors sa seur, dont le mariage estoit fait long temps par avant, comme dessus est dit. (Monstrelet, Chron. D.-A., t.4, c.1444-1453, 163)

2.Célébration du mariage, jour de la célébration.

A ces nopces et à ce mariage de Loys de Blois et de Marie de Berry, ot en la cité de Bourgues grans festes et grans esbatemens, et très grandes nopces et solempnelles (Froiss., Chron. M., XIV, c.1375-1400, 227)

Et dist que, à la feste que fist le roy nostre sire, nagueires, au mariage de messire Loys de Namur, chevalier, et de madamoiselle de Harecourt, il servy iceulx de Haguenonville (Reg. crim. Chât., II, 1389-1392, 359)

Et tantos apriés ces chevaleries faites, fu fais li mariages dou dit messire Guillaume de Hainnau a la fille dou duch de Braibant (Froiss., Chron. D., p.1400, 267)

...et si montoit bien ladicte taille à plus le tiers que une qui derrainement fu faicte pour le mariage de l'ainnée fille du Roy nostre Sire au Roy d'Angleterre (Baye, I, 1400-1410, 34)

Paraccomplir un mariage. Faire célébrer le mariage.

...elle le pressoit tousjours de paraccomplir le mariage dont il avoit fait la promesse (C.n.n., c.1456-1467, 415)

Parachever un mariage. Consommer l'union.

Nous sommes contens de vous, ne laissez ja a parachever vostre mariage. [Le jeune marié a refusé de faire son devoir conjugal] (C.n.n., c.1456-1467, 334)

3.État d'union créé par le mariage, vie conjugale ; durée de cette union.

...il est une vie qui est de mariage, l'autre de continence et de veuvage, et la tierce est de virginité en l'estage. (Mir. st Panth., 1364, 309)

Car les gens sont plus ordenéz par nature a communiquer ensemble en mariage que en policie ou communité civile, de tant comme maison ou habiter et communiquer ensemble en maison est premier naturelment et plus neccessaire que n'est habiter ou communiquer en cité ou communité. (Oresme, E.A., c.1370, 443)

...verité estoit qu'il, durant le mariage dudit feu Jehan Le Teillier et Perrete, sa femme, dessus nommez, il avoit eu par plusieurs fois compaignie charnelle avec icelle femme (Reg. crim. Chât., I, 1389-1392, 274)

...en ce pourroit advenir très-grant descort et separacion de mariage entre icelli sire de Nouvion et madame sa femme qu'il a de present (Reg. crim. Chât., II, 1389-1392, 130)

LE MARQUIS. (...) Müer me fauldra mon coraige Par la vertu du marïaige, Et mon cuer faire feminin, Se je vueil tenir le chemin D'avoir en marïage paix. (Gris., 1395, 14)

LE MARQUIS. O Griseldis, es temps passez En ta loyale compaignie Assez et de pensee lye Com vray espoux me delitoie, Et de toi chierement amoye Le marïage (Gris., 1395, 80)

Chils Edouwars li Espensiers et sa fenme ne furent que .V. ans en mariage, car il fu ocis ens es gerres de Bretagne (Froiss., Chron. D., p.1400, 108)

...pourveu que elle fera serment de soy bien et honnestement gouverner desormais avec ledit du Molin, son mari, ainsi que bonne et preude femme se doit gouverner en mariage. (Fauq., I, 1417-1420, 38)

...elle savoit bien par elle mesme qu'il fault en mariage aultre chose que boire et menger (C.n.n., c.1456-1467, 133)

...ung gentilhomme de ce royaume voulut savoir et esprouver l'aise qu'on a en mariage ; et, pour abreger, fist tant que le tres desiré jour de ses nopces fut venu. (C.n.n., c.1456-1467, 197)

...Dieu scet comment elle allegoit les loix que l'on doit maintenir en mariage (C.n.n., c.1456-1467, 500)

Estat de mariage

Et la tout chevalier de noble lignie qui y vouldront venir [au château] veillier la sourveille et la veille et le jour XXVe de juing, sans sommeillier, auront un don de toy [Mélior] des choses que on puet avoir temporelment des terriennes choses, sans demander ton corps, ne t'amour, en estat de mariage ou d'autre conjunction naturelle. (Arras, c.1392-1393, 13)

Maiz point ne lui plot [le marquis] li lïens Ne li estas de marïaige. Souffrir n'en vouloit le servaige (Gris., 1395, 3)

...je suis contente d'emprandre l'estat de mariage, ou aultre tel qu'il vous plaira (C.n.n., c.1456-1467, 170)

...entre aultres qui devoient emprendre ce doulx et seur estat de mariage (...) il y avoit ung jeune homme et une jeune fille (C.n.n., c.1456-1467, 338)

Entrer en mariage. Se marier.

Lors pluseurs pensées li viennent Qui de neccessité couviennent, Pour li entrer en mariage Par le conseil de son lignage. (Mach., J. R. Nav., 1349, 223)

Pas encontre vous ne propose, Mais je sçay bien en verité Que trop miex vault virginité : Garder la veul de bon corage. N'ay soing d'entrer en marïage, Doulce seur gente. (Vie st Fiacre B.C.P., c.1380-1400, 19)

Se lier en mariage. Se marier.

Mon pere me veult marier Mais ne me veul mie lier En mariage. (Vie st Fiacre B.C.P., c.1380-1400, 20)

Garder mal son mariage. Être infidèle.

Celle dame ot non Jehane, et garda mal son mariage et se fourfist, pour quoi elle en demora lonch temps ens ou Chastiel Gaillart en prison avant ce que son mari fust rois. (Froiss., Chron. D., p.1400, 173)

C. -Par analogie.

1.Mariage spirituel

Le second bien du mariage espirituel est le bien de foy : c'est assavoir que personne n'aime nulle chose fors Dieu. (Mir. femme roy Port., c.1342, 149)

2.ASTR. Faux mariage. Assemblement, réunion de plusieurs corps célestes dont l'aspect présage des événements funestes ; conjonction maléfique.

[Les planètes s'assemblèrent en Parlement qui fut tenu] En temps d'yver, quant la froidure Déust régner par sa droiture Dedenz le palaiz ou manoir De Saturne, hideux et noir, Au contraire d'umain lignage ; Car onquez si faulx mariage Des Estoilles ne fut véu Puiz que Jhesus fut concéu Et né de la Vierge Marie (La Haye, P. peste, 1426, 25)