MENAGE

substantif masculin

[T-L : maisnage ; GD : mesnage ; AND : manage ; FEW (VI-1, 185b, 186a, 187,188) : manere ; TLF (XI, 628b) : ménage]

A. -[À propos de pers.]

1.Ensemble des personnes qui se rattachent à un seigneur.

...Jehans de Couire, escuiers, recognois que je doi au chastel de Rethest XL jours la garde chascun an, avec mon mainnage en armes et en chevals (Trés. Reth. S.L., t.2, 1337, 35)

Nous, Loys, contes de Flandres, de Nevers et de Rethest, faisons savoir à tous que nous avons retenu et retenons aveuques nous et de nostre mesnage nostre amé et féal chevalier, monsegneur Jehan, dit Trainet, de Noyele (Hist. Lille T., t.2, 1338, 242)

Et ne doit ly dis maires ne taille, ne tonlieu, ne maletaute ne debite nul qui appartiengne à le ville, pour lui et pour son maisnage. (Hist. dr. munic. E., t.1, 1373, 385)

2.Ensemble des personnes qui occupent une métairie ; foyer.

Car il convient que il [telz gens] remuent leur loges ou tentoires et leur mesnage et leur bestes, et ce leur est grant peine, car il ne sunt pas acoustumés a oeuvrer. (Oresme, Pol. Arist. M., c.1372-1374, 61)

...cincquante mesnages ou environ, qui chascun d'iceulx paieoient chascun an au seigneur dudit Liry, au jour saint Remi on chief d'octobre, pluseurs cens et seurcens (Trés. Reth. L., t.3, 1449, 270)

...S'en ai esté li uns, qui suis de vo mainage. S'ai queminet pour vous et par tiere et par nage (Jourd. Blaye alex. M., a.1455, 172)

Sire, ce dist li mez, entendez mon langage. A vous mandent par my cil de nostre mainnage Qu'il vous plaise a my dire sans autre tiesmoignage Pour coy vous les avez assis en le cyt large. (Jourd. Blaye alex. M., a.1455, 387)

Remarque : On rencontre dans la documentation un ex. de ce sens au fém. :

...trois masnages dont chascunne li doit un sextier de avainne et deus gelines et cinc deniers parisis (Trés. Reth. S.L., t.2, 1330, 4)

3.Ensemble de personnes qui forment une communauté (notamment religieuse).

Ceste plorerie dura assez longuement, et fut la le long temps le mesnage sans parler. [Les religieuses d'un couvent viennent d'apprendre que la mère supérieure est gravement malade] (C.n.n., c.1456-1467, 141)

Compagnie d'hommes de troupe.

...pour ladicte année assambler, ladicte Magesté Imperialle veut que, par touttes les Allemaingnes et pays voisins subgez à l'Empire, XXX mesnages ordonneront deux hommes à piet, armez et embastonnez souffisamment, à passer à monstres, et par ceste manière, l'en levera et assamblera bien deux cens mil hommes combattans. (Escouchy, Chron. B., t.2, a.1465, 363)

4.[Couple, famille]

a)Association d'un couple marié.

Aussy vy je de bons mainages La endroit diligens et sages De gaaigner en leur mestier (Chr. Piz., M.F., II, 1400-1403, 77)

Et depuis soupperent tous ensemble, et après soupper, dit le dit suppliant audit Du Mesnil : 'Nous avons souppé et gallé ensemble et fait bonne chiere, mais je vous pry que plus ne viengnés ceans en mon hostel, car on m'a rapporté que maintenez ma femme, dont mon mesnage est fort vilipendé.' (Doc. Poitou G., t.8, 1445, 204)

Le surplus du gouvernement du mesnaige bien troublé demoure en la bouche de ceulx qui le scevent. [Le mari a appris que sa femme le trompe] (C.n.n., c.1456-1467, 272)

Mariage, union.

...tu desires et requiers nobles maisnages, et te surhaulcer en lignee, mais c'est souvent destruccion de famille et de vie seure par divers cas [où 'maisnages' traduit le mot 'conjugium' utilisé par Valère Maxime] (Bouciquaut L., 1409, 397)

(Estre) en menage. Être marié.

...d'ung chevalier du quel son amoureuse se maria, tandis qu'il fut en voyaige ; et a son retour, d'aventure la trouva en mesnage (C.n.n., c.1456-1467, 9)

Se mettre en menage. Se marier.

...Dea, Finette, quant je me mis En mesnaige, tu me promis Que feroys mon commandement, et tu me maulditz maintenant. (Obstin. femmes T., c.1480-1500, 38)

Tenir menage

Vivre en couple.

...[il] print desplaisance de demourer a l'ostel en oysiveté et d'y tenir mesnage en la maniere qu'il convient a ceulx qui y sont lyez [D'un marchand qui a renoncé à ses affaires pour se marier] (C.n.n., c.1456-1467, 558)

Tenir bon menage ensemble. Vivre en harmonie ensemble.

D'aultre part, il lui retraira souvent son fait et a l'aventure la batra, ne jamés bon mesnage ilz ne tendront ensemble. (Quinze joies mar. R., c.1390-1410, 89)

Avoir des rapports sexuels conjugaux.

Quand les XIIJ jours furent passez que noz deux jeunes [gens] sont mariez, combien qu'ilz n'eussent encores ensemble tenu mesnage, la mere vint visiter son escoliere (C.n.n., c.1456-1467, 498)

b)Famille, foyer.

...mains povres maisnages et mains povres impotens en ont esté reconfortez, et maintes filles mariees (Bouciquaut L., 1409, 393)

Après lequel mandement dessusdit, firent en ycelle ville de Gand et en leur chastelenie moult grand appareil de guerre. Et sçavoient toutes les villes fermées et les villages combien qu'ilz debvoient livrer de gens pour accomplir le nombre de dix sept mille hommes, que ceulx de ladicte ville de Gand avoient promis à délivrer à leur prince en ceste présente armée. Et pareillement sçavoient bien combien chascun maisnage debvoit payer de taille des assiètes qui se faisoient pour la despence d'ycelle guerre. (Monstrelet, Chron. D.-A., t.5, c.1444-1453, 232)

Veez cy pour un pouvre coup que j'ay accolée ma femme, elle m'a fait ung enfant. Or regardez, si a chacune foiz que je recommenceray elle en fait autant, de quoy je pourray nourrir le mesnage ? (C.n.n., c.1456-1467, 200)

Et, le mercredi ensuivant, fut publié et fait savoir par les carrefours de Paris que, en chacun hostel de cette ville, y eust une lanterne et une chandelle ardante dedens durant la nuit, et que chacun mesnage qui auroit chien l'enfermast en sa maison et sur peine de la hart. (Roye, Chron. scand., I, 1460-1483, 56)

En ce temps, les gens de guerre de l'ordonnance du roy estans logez à Paris y firent de grandes cheres, et en lieu de passetemps y seduisirent plusieurs femmes et filles, qui par leur moien en laisserent et deguerpirent leurs mesnages et enfans, et les autres jeunes filles servans leurs maistres et services, pour suivre iceulx gens de guerre. (Roye, Chron. scand., I, 1460-1483, 111)

Sur nous et sur nostre maynacge Son sang soit ! [Réf. à Matth. 27, 25] (Pass. Auv., 1477, 171)

Helas, qui se donnera soing De mon maynacge doleureux ? De cecy n'avoyent pas besoign. (Pass. Auv., 1477, 206)

Maisonnée.

'Après celle belle journée et honnourable que le roy Jehan de Portingal ot à La Cabasse de Juberote (...) se parti le roy de Castille de Seville et sa femme et tout son mesnage, et s'en alla à Burges.' (Froiss., Chron. M., XII, c.1375-1400, 290)

c)La vie en famille.

...ce bon gentil homme (...) estoit orphelin de pere et de mere, jeune, et a marier, et ne savoit que c'estoit de mesnage (C.n.n., c.1456-1467, 331)

B. -[À propos de choses]

1.Maison entourée d'une terre cultivable, qui est exploitée, moyennant une redevance.

...un mesnage, avecques la terre a ce appartenante, tant en gardin que en prey, si come tout se pourporte en lonz et en ley (Cartul. Hôtel-Dieu Cout. L., 1394, 198)

Item, ont la chapelle de Saint Phillebert du Torp ovecques le mesnage et six acres de sa forest de Brotonne et soixante acres de terre à la mesure de XXV piéz la perque, à commenchier au val du vivier joingnant au maresq (Hector De Chartres, Cout. R., 1398-1408, 90)

Or ay dela ce bos ung mainage repris, Ou je taille le bois (Huon Bordeaux B., c.1400-1450, 31)

Par métonymie. Redevance, cens dû pour une métairie.

...item, les bourgoisies et les masnaiges que cil des deux villes doient chascun an à deux termes, valent environ quatre livres (Trés. Reth. S.L., t.2, 1345, 59)

...lidit Bourgois et Bourgoises ne païeront ne denront ['donneront'] aucuns masnages. (Ordonn. rois Fr. S., t.4, 1361, 370)

Estre en menage. Être en métayage.

...item, onze livres qui me sont dehus en ladicte ville annuelment et perpetuelment par les bourgois et bourgoises de ladicte ville estant en manage au jour de feste saint Remy en chief d'octobre (Trés. Reth. S.L., t.2, 1380, 274)

Tenir qqc. en menage. Tenir des terres, des bois en métayage.

...pluseurs personnes qui tiennent de moy en masnage certainnes pieces de terre, de prés, de courtilz, de bois et de hayes seans ou ban d'Ellemont (Trés. Reth. L., t.3, 1445, 230)

2.Maison, habitation, logement aménagé.

Je ne tien pas celui pour kaut Qui vuet faire un ouvrage haut Seur fondement qui riens ne vaut, Sans grant damage. Car quant il est en plus grant saut D'ouvrer, li fondemens deffaut, Dont trebuchier et chëoir faut Tout le meinnage. Einsi Fortune, la sauvage, Quant elle a fait aucun ouvrage, Et on est en plus haut estage, Fait en tressaut Venir un vent et un orage D'aversité qui tout esrage, Fondement, comble et massonnage, D'un seul assaut. (Mach., R. Fort., c.1341, 40)

«...Vous n'arés c'un seul jour de respit au barnage ; Car assalir volons et piercier le manage...» (God. Bouillon R., t.2, c.1356, 127)

...il est nez de la ville de Saint-Thibaut en Auxois, homme de labour, qui est en icelle ville mariez, et illec a sa femme, enfans et mesnaige (Reg. crim. Chât., II, 1389-1392, 131)

...li enghien (...) lor rompirent tous les tois dou dit manage. (Froiss., Chron. D., p.1400, 395)

...Et manda a Gerart qui fu de son linage Qu'encontre lui venist au mieux de son barnage Et que pou lui veoir venoit en son mainnage. (Jourd. Blaye alex. M., a.1455, 34)

C'es Gadres le cyté, ou yl a maint mainnage (Jourd. Blaye alex. M., a.1455, 138)

Prendre son menage qq. part. S'installer qq. part.

Le nef ou le roÿne avoit prins son menaige Encontrererent li Turc qui sont plain de folaige. (Belle Hélène Const. R., c.1350, 168)

Encement fu Maugis par dedens l'ermitage ; Un an tout aconpli print droit la son mesnage. (Renaut Mont. B.N. V., c.1350-1400, 440)

Tenir son menage qq. part. Habiter qq. part.

...a Buissance (...) Ou le juif tient son mesnage. (Mir. march. juif, c.1377, 203)

Après le trespas de laquele Jehannete, il vint demourer à Paris et gaignier sa vie, au mieulx qu'il a peu, en plusieurs lieux et places parmi la ville de Paris et aussi tenu son mesnage en la rue de la Huchete à Paris près du Pont neuf. (Reg. crim. Chât., II, 1389-1392, 463)

[Dans un cont. métaph.] Faire son menage qq. part

De son cuer et ses corps hays, De toute joie est anemis, Si qu'en cuer qui est si chetis Ja mais Amours, j'en sui tous fis, Ne feroit son mainnage. Mais quant amans est vray sougis, Cointes, joieus, gais et jolis, Amours en fait son paradis. (Mach., Les lays, 1377, 454)

En particulier. Cellule (de religieuse).

E ! pour l'amour de Dieu, chier sire, Vous requier un petit menage Ou mise soie en reclusage (Mir. st J. Cris., c.1344, 291)

Par extension. Biens que possède une famille, un foyer.

PREMIER BOURGOIS. Sire, quant est de moy, j'acors Que vous me baillez un message Qui viengne veoir mon menage. Je me fas fort j'ay de vaisselle D'argent deux cenz mars (...) Que j'avoie mis en tresor, Avec deux mille florins d'or Qui sont de mon propre chatel, (Mir. Oton, c.1370, 336)

Il fault (...) que quelque ung se soit de vous accointé qui noz mesnage ait ainsi renforcé. [En l'absence de son mari une femme a acquis beaucoup de biens] (C.n.n., c.1456-1467, 463)

Multipliés voustre mesnage, Pippés fort, ne cessés de tandre, Prennés quant que vous pourrés prandre (Pipée R., c.1470-1480, 218)

LA FEMME. Sa, sa, sa, pensons du mesnage Et faisons voller ce tresor ! LE CRESTIEN. Il [le juif] ne m'a baillé que fin or En vieil [z] escus du temps passé. LA FEMME. (...) Il est temps que n'en le detaille Pour ung peu nous remettre sus. LE CRESTIEN. A cest argent ne pensons plus Senon proprement l'employer. LA FEMME. Se ne luy voulez renvoyer, Despeschons de le mettre en euvre Affin que le usure on recueuvre Pour le payer comme sçavez. (Mir. st Nic. juif, c.1480-1500, 97)

Au pluriel.

LE BOURGOIZ. (...) nous avons de biaus menages, Et si avons grans heritages Et foison de biens temporiex (Mir. enf. ress., 1353, 1)

3.Tout ce qui est nécessaire à la vie domestique, mobilier, ustensiles....

...il qui parle oy dire publiquement et tenir par les habitans d'icelle ville que ledit mons. l'evesque de Poitiers estoit fait nouvellement arcevesque de Sens, et que ses gens departoient et ordonnoient les biens et mesnaige de son hostel de Poitiers, pour mener en ladite ville de Sens. (Reg. crim. Chât., I, 1389-1392, 521)

...elle s'accointa d'un nommé Guïot de Lisle, lequel gouverna elle qui parle, et quist ses neccessitez de boire et de mengier, chauffer et vestir, et aussi de lui livrer maison et mesnaige, par l'espace de IIIJ ans ou plus. (Reg. crim. Chât., II, 1389-1392, 316)

...quant se vint au departement dudit Berthelemi, lequel se departi de Paris pour aler demourer ailleurs, lui qui parle prist sondit hostel pour y demourer et si prist aussi son mesnage (Reg. crim. Chât., II, 1389-1392, 527)

À madicte dame d'Autheriche, la somme de trois mille frans, que mondit seigneur le duc lui a ordonné lui estre baillié sur et en rabat et deduccion de ce qu'il lui puet devoir à cause des arrerages des deniers de son mariage des termes passez et autrement, pour d'icelle somme faire acheter pour elle du maignaige pour la neccessité d'icellui qu'elle veult tenir à Gray sur Soone (Comptes Etat bourg. M.F., t.2, 1420, 835)

...dit oultre qu'elle qui parle voiant la maison dudit Jehan de Beaune si bien garnie de mesnage et mieulx que ne souloit, demanda une foiz à une fille de la dicte Marion aagée de quinze ans ou environ, dont estoit venu tant de mesnage et si bel (Aff. Jacques Coeur M., 1453-1457, 168)

Vous desplaist il se je marchande Du drap ou quelque aultre suffraige Qui soit bon pour nostre mesnaige ? (Path. D., c.1456-1469, 52)

...et ung beau drap d'or tout entier contenant XXIIII aulnes et ung quart, qui bien valoit XIIc escuz, et certaine quantité de martres sebelines et une piece d'escarlate de Fleurence furent baillez et delivrez à monseigneur de Crussol, et ses robes et ung peu de mesnage fut vendu pour paier les frais des officiers et commissaires, qui avoient vacqué à faire ledit inventaire. (Roye, Chron. scand., I, 1460-1483, 230)

Item, a Robinet Trouscaille, Qui en service, c'est bien fait, A pié ne va comme une caille Mais sur roncin gras et reffait, Je lui donne de mon buffet Une jacte, qu'empruncter n'ose ; Sy aura mesnage parfait, Plus ne lui failloit autre chose. (Villon, Test. R.H., 1461-1462, 96)

Ce vous estes en mariage Il fauldra garder le mesnage, Avoir des langes et des frettes, Des berseaulx et tant de souffrettes, Que c'est une grande pitié. (P. moyne, a.1500, 46)

Menage de cuisine. Ustensile nécessaire à la confection des repas.

...autres mainsnages de cuisine pour l'estorement du vivre de 80 hommes pour deux moys (Clos galées Rouen M.-C., t.2, 1340, 15)

Ustensiles de menage

Ung cheval, une asne, ung beuf, ung chien et plusieurs meschans utensiles de mainage, vestemens, ung chaudron, ung hanap, ung pot, premiers on les expreuve et ainssi on les achate. (Daudin, De la erudition H., c.1360-1380, 405)

Menage de bois. Meuble de bois.

...Pierre de La Poste et Robinet Amourry, maistres jurez du mestier de menuzerie, ont prisé et estimé, par mon ordonnance, les mesnage de bois (Aff. Jacques Coeur M., 1453-1457, 620)

En particulier. Nécessaire de table, vaisselle.

...ung maisnage garny en manière d'une esguière large, descouverte, six tasses, six culliers, et trois sallières plactes (Comptes Lille L., t.2, a.1467, 80)

Menu mesnage/mesnage d'hostel. Vaisselle.

...depuis tousjours ont continuelment esté ensamble, usé de fait et marchandise de regraterie et acheté menus mesnages, robes, chapperons et autres linges (Reg. crim. Chât., I, 1389-1392, 159)

...le chastel de Marqueux (...) ouquel, si comme il fu lors dit, avoit bien, tant en joyaulx d'or, d'argent, reliques, or et argent monnoyé, comme autres utencilles et mesnaiges d'ostel, la value de XXXm livres ou plus. (Reg. crim. Chât., II, 1389-1392, 205)

4.[Entretien matériel, gestion d'une maison]

a)Travaux ménagers.

La quarte joye de mariage si est quant celuy qui est marié a esté en son mariage et y demoure .VI. ou .VII., .IX. ou .X. ans, ou plus ou moins, et a cincq ou six enfans, et a passé touz les maulx jours, les mallez nuiz et maleurtez dessus dites ou aucunes d'icelles, dont il a eu maint mauvés repoux, et est ja sa jeunesse fort reffroydie, tant qu'il fust temps de soy repouser, s'il peust, car il est si mat, si las, si dompté du traveil et tourment de mesnage qu'il ne lui chault plus de chouse que sa femme lui die ne face, mes y est adurcy come ung veil asne, qui, par acoustumance, endure l'aguillon, pour lequel il ne haste gueres son pas qu'il a acoustumé d'aller. (Quinze joies mar. R., c.1390-1410, 27)

Et ceste voye tenir a sage mainagiere rent aucunes fois plus de prouffit que meismes la droicte revenue de la terre, si comme le savoit bien faire la sage et prudent mainagiere, contesse de Eu, mere du bon joenne conte qui mourut en Hongrie, qui n'avoit point de honte de s'emploier elle meismes en tout honneste labour de mainage, tant que plus valoit le prouffit qui en yssoit que toute la revenue de sa terre. (Chr. Piz., Trois vertus W.H., c.1405, 156)

...et a l'ostel non oyseuses, mais tousjours occupees en quelque oeuvre de maisnage (Chr. Piz., Trois vertus W.H., c.1405, 195)

Faire le menage. S'occuper de travaux ménagers.

...meschine estoit, faisant le mesnage commun, comme les litz, le pain et aultres telz affaires. (C.n.n., c.1456-1467, 115)

Travail de menage

Je voy bien comment il me prendra sur le temps avenir, quant je seroy rompue d'enfans et du traveil de mesnage comment je suy ja (Quinze joies mar. R., c.1390-1410, 24)

b)Marche de la maison, gestion domestique.

Et le bon homme trouve a l'oustel tout le mesnage bossu et met grant paine de mettre a point ce qui n'est pas bien. (Quinze joies mar. R., c.1390-1410, 70)

Mais aussy la science de saint Pol fut bien demonstree en toute maniere de vivre a moralité, fust [en] une personne singuliere, laquelle science se dit ethique ou monastique, fust en ung mesnage qui se nomme yconomique, fust en une cité ou ung royaume qui se dit politique. (Gers., P. Paul, a.1394, 510)

...la maniere du gouvernement que femme d'estat doit tenir ou fait de son mainage. (Chr. Piz., Trois vertus W.H., c.1405, 171)

Ceste sage meisnagiere se doit cognoistre en toutes choses de meisnage, meismement en appareillier a mengier, afin que elle sache ordonner et commander a ses servans (Chr. Piz., Trois vertus W.H., c.1405, 174)

...tresbien leur plaisoit [aux maris] que donne Margarite aidast a garder le mesnage avecques leurs femmes (C.n.n., c.1456-1467, 303)

Gouverner/tenir (son) menage. Administrer son foyer et entretenir sa famille.

Par ma foy, esbahie suy Comment homs scet tenir mesnage, Quant liez n'est par mariage : Ors est, sales et deslavez Et de pou de chose emblavez (Desch., M.M., c.1385-1403, 287)

...il vint demourer à Paris et gaignier sa vie, au mieulx qu'il a peu, en plusieurs lieux et places parmi la ville de Paris et aussi tenu son mesnage en la rue de la Huchete à Paris près du Pont neuf (Reg. crim. Chât., II, 1389-1392, 463)

...de laquele somme il païa audit Tancre pour son courtage V francs et du residu d'icelle somme s'est amesnagié, vestu et ordené, lui et sa femme, et gouverné son mesnage (Reg. crim. Chât., II, 1389-1392, 495)

Et s'il est homme qui tienne son mesnage, Qui ait hostel qui luy soit d'avantage, Rentes et biens assez souffisamment, Du blé, du vin, du boys et du potage, Ung beau jardin pour avoir du fruictage, Pour son estat maintenir doucement, Sans rien devoir pour vivre lyement, S'il n'est content, quant a moy je suppose Qu'il est homme de povre entendement, Et puis dire par tout publicquement : Fol est celluy qui plus demander ose. (Régn., F.A., 1432-c.1465, 165)

...lequel jeune homme se maria à une moult belle jeune fille, qui se mist à tenir son petit ménage, et est assez vraysemblable, veu la grandeur lucrative dont il estoit, qu'il n'avoit pas de toutes monnoyes pour change tenir, dont il n'estoit pas fort joyeulx (Tardif, Facéties Pogge D.H.-P., c.1490, 7)

Proverbe. Tout vient a point, qui sait tenir menage

Tout vient a point , qui scet tenir maisnage. (Molinet, Faictz Dictz D., 1467-1506, 769)

5.Par extension.

a)Activité désordonnée, remue-ménage.

...au son d'une trompette saillirent du bois, et se vindrent fourrer sur le bailly et sur tout le mesnage qui devant le gibet estoit. [Des soldats délivrent leur complice qu'on va pendre] (C.n.n., c.1456-1467, 452)

Remuer le menage. Faire du remue-ménage.

Et dit oultre, que dudit monstier ilz alerent tous ensamble en l'ostel du curé d'icelle ville, et son mesnaige remuerent et mirent de place en autre et en divers lieux par son hostel. (Reg. crim. Chât., II, 1389-1392, 241)

b)Tracas.

Trop ennuyez la compaignie, Douloureuse Merancolie, Et troublez la feste de Joye : Foy que doy a Dieu, je vouldroie Que fussiez du païs banye ! Vous venez sans que l'on vous prie, Bon gré, maulgré, a l'estourdie. Alez ! que plus on ne vous voye : Trop ennuyez la compaignie, Douloureuse Merencolie, Et troublez la feste de Joye. Soucy avecques vous s'alye, Si lui dy ge que c'est folie. Quel mesnage ! Dieu vous convoye Si loings tant que je vous renvoye Querir ! - Quant ? - Jamaiz en ma vie (CH. D'ORLÉANS, Rond. C., 1443-1460, 520)

FORTUNE. (...) Je sers à tous de cest mesnage. Touz lez jours que Dieu a journé Ma roe tourne et destourne ; Et quand je veul je la retourne, Dont je fay à pluiseurs domage (Bien avisé Mal avisé B., c.1487-1490 [1396], 248)