IVRE

adjectif

[T-L : ivre ; GD : ivre ; GDC : ivre ; DEAF, I 532) : ivre ; AND : ivere1 ; DECT : ivre ; FEW (III, 201a) : ebrius ; TLF (X, 615a) : ivre]

A. -Troublé par l'absorption excessive de boisson alcoolisée.

Damoiselle, se j'eusse beu Je deisse que je fusse yvre. (Mir. marq. Gaudine, 1350, 136)

Se aucun est yvre et soudainement perde la parolle, se spasmus lui advient, c'est signe de mort se fievre ne sourvient, ou s'il [ne] parle dedens le temps que la gloutonnie puisse estre passee. (Saint-gille, A.Y., 1362-1365, 81)

N'est pas belle chose d'estre yvre. C'est bon de vivre sobrement, Car on en vit plus longuement. (Mach., P. Alex., p.1369, 104)

...si comme celui qui dort et celui qui, par cause de maladie, n'a pas bien son sens, et celui qui est yvre et plain de vin. (Oresme, E.A., c.1370, 372)

Pourquoy jugoient les juifs que les apostres estoient ivres ? Je respon que pour leur malice : comme maintenant se ung veult bien vivre, on le repute I fol. (Gers., Pent., p.1389, 84)

...cellui qui est yvre et si remply de vin qu'il en pert raison et entendement (Ménagier Paris B.F., c.1392-1394, 44)

...ycelui Nicolas Mosnier, ainsi yvre comme dit est (Doc. Poitou G., t.7, 1410, 190)

Je amatyray vostre cueur dedens voz entraillez, et precipiteray vostre conseil, et mettray en vous esperit tournoyant, variable et sans constance, et vous feroy errer comme homme yvre, qui pert le savoir de soy conduire et la vertu pour soy soustenir. (Chart., L. Esp., c.1429-1430, 79)

Paris les fist tant boyre en telle maniere, que ains qu'ilz se lavassent de la table, ilz furent yvres comme chiens (La Cépède, Paris Vienne K., 1432, 272)

...cellui qui veult boire de toutes manieres de vins sans estre yvre, il ne fault que se desjuner d'une pomme sure au matin et sur ce boire ung trait d'eaue fresche, et sans faulte, il ne sera de ce jour yvre. (Ev. Quen. I, c.1466-1474, 115)

Il crie comme ung homme yvre. Maulgré Dieu, qu'il a dure vie ! (Myst. st Laur. S.W., 1499, 259)

Ivre de

Et donques, aussi comme celui qui est yvre d'un peu de vin est pis disposé selon le corps qu'un autre qui n'est pas tel, semblablement celuy qui est vaincu d'une petite temptacion, il est pis disposé selon l'ame quant a ce que celuy qui n'est pas de si petit vaincu. (Oresme, E.A.C., c.1370, 392)

Je croy qu'estes yvre de vin, Ma seur (Pass. Auv., 1477, 150)

Ivre comme souppe

Remarque : GDC X, 696b ; DEAF ; DI STEF., 808b. La souppe est ici du pain trempé dans du vin. Pas d'ex. ds la doc.

Emploi substantival. Celui qui est ivre, ivrogne.

Fay toy servir par bonne gent Et leur donne de ton argent Ou chose autre, s'i le desservent, Tant que plus loiaument te servent. De fol et d'ivre ne t'aproche, Car gent sont de si grant reproche Qu'il n'en porroit nul bien venir. (Mach., C. ami, 1357, 125)

...folz, yvres et enfans ont de coustume de vray dire (C.n.n., c.1456-1467, 153)

Je pers le sens, tout ainsi comme le yvre (Meschin., Lun. princes M.-G., c.1461-1465, 16)

Proverbe.

D'ivre et de fol se fait mauvais ensonniier. (Chev. cygne P., c.1356, 61)

B. -Par extension. Qui a trop mangé et trop bu.

[Cont. métaph.] En ceste cite et en ceste generacion de l'eglise, selon l'effect de la relacion des vieilles, je cognois clerement que les ungs sont gras, les autres maigres, parlant moralment : les ungs sont yvres et les autres meurent de fain, qui est une chose formee encontre les justes besans de ma sainte arquemie. (Mézières, Songe vieil pèl. C., t.1, c.1386-1389, 361)

[Cont. métaph.] Que diray je de Gloutonnie qui fait l'ame toute yvre de vins et de viandes, tellement que elle oublye Dieu et soy meismes, et tourne tout a fable et moquerie (...) ? (Gers., Purif., 1396-1397, 65)

Pas ne serés enpoisonné. Laiséz moy mangier et bien vivre ; Jusques je soie saoul et yvre, Decy [l. De cy] mes ne me lieuveray. (Pass. Semur D.M., c.1420 [1488], 134)

C. -Par analogie. Qui n'est pas dans son état normal, qui a perdu la notion de la réalité.

Trop seroie quoquarz, foux ou musarz ou yvres, Se... (Gir. Ross. H., c.1334, 119)

LE MARINIER. Je le vous donray [ce garnement] , sire doulx, Pour trente livres. LE MARCHANT. Marie ! vous n'estes pas yvres De le faire, amis, tant d'argent. Le garnement est bon et gent (Mir. Pierre Changeur, c.1378, 259)

Pierre, tu es ou fol ou yvre, Qui aimes miex a soulart estre Povre qu'en bon estat toy mettre Et honnorable (Mir. Pierre Changeur, c.1378, 283)

Sailliez avant, estes vous yvre, En la foudre d'enfer en bisme. (Jour Jug. R., c.1380-1400, 250)

Hee, benoitte Fortune se tu ordonnez a ta volenté, tu le puez faire et se lez aulcuns se plaindent de toy, je croy qu'i sont yvres et sy malostrus qu'ilz mescongnoissent ta valeur et puissance, par quoy ilz perissent en desplaisir (Comte Artois S., c.1453-1467, 130)

Comment, dit il, et pensez vous que je soye yvre ? [Sûr de son fait, un homme refuse d'admettre qu'il ait pu se tromper] (C.n.n., c.1456-1467, 262)

Ne pas estre ivre. Être sérieux.

Guillaume, sachiez, orendroit N'en arez plus de ma partie. Car la chose est einsi partie : Se je le say, vous le savez, Car le fait devers vous avez En l'un de vos livres escript, Bien devisié et bien descript : Si resgardez dedens vos livres. Bien say que vous n'estes pas ivres, Quant vos fais amoureus ditez. (Mach., J. R. Nav., 1349, 167)

En particulier. [Après un sommeil lourd]

...je tien par ma foy, dit l'un, que vous radoubtez, et que vous estes yvres de dormir. (C.n.n., c.1456-1467, 204)

D. -Au figuré. Qui est comme transporté hors de soi (sous l'effet d'une émotion violente, sous l'effet d'une passion...).

Remarque : GILLES LE MUISIT, Poésies K., t.1, c.1347-1353, 300 (de l'amour Dieu soyons tous les joursyvre).

[D'un ermite plein du désir de voir la Vierge]

Car nient plus qu'idropiques pert La soif qui l'angoisse en buvant, Ainsi, vostre biauté devant Mon cueur, ne suis de soif delivres ; Ayns ay plus soif com plus suis yvres (Mir. emp. Julien, 1351, 222)

Ivre de

Nettoyons nostre conscience, Amons dotrine, amons science, Donnons bon exemple de vivre, Ne soyons couvoiteus ne yvre De couvoiter d'avoir estat (Desch., M.M., c.1385-1403, 171)