ESPERDU

adjectif

[T-L : esperdreesperdu ; GDC : esperdu ; FEW (VIII, 224a) : perdere ; TLF (VII, 1311b) : éperdu]

A. -Complètement perdu.

1.Perdu, épars.

Nuls ne faisoit les chans arer, Les blez soier, ne vignes faire, Qui en donnast triple salaire, Non, certes, pour un denier vint, Tant estoient mort ; et s'avint Que par les champs les bestes mues Gisoient toutes esperdues, Es blez et es vignes paissoient, Tout partout ou elles voloient, N'avoient signeur, ne pastour, N'homme qui leur alast entour, N'estoit nuls qui les reclamast... (Mach., J. R. Nav., 1349, 151)

[D'une pers.] Perdu, condamné.

...l'écuyer tombé à l'eau se trouva au fons de l'eaue, et se resourdit aussi comme tout esperdu, et s'en revint sur l'eaue (Mir. ste Cath. Fierbois C., 1470-1483, 88)

[D'une chose] Perdu.

La suis je pis qu'en continue ; La sens je doleur qui m'argue ; La tramble mes cuers et tressue ; La m'asseür Que m'esperence est esperdue [var. mest perdue] , Se la grief doleur continue Qui tant s'est en mon cuer tenue Que bon eür N'arai jamais ; et se j'en jur, Dieus scet que je ne m'en parjur. (Mach., R. Fort., c.1341, 50)

Baillez lui la massue A celui qui cuide estre Plus subtil que son maistre, Et sans raison l'argue, Ou il sera beste mue Quant on l'envoira pestre : Baillez [lui la massue.] Quoy qu'il regibe ou rue, Si sault par la fenestre ; Comme s'il vint de nestre Sera chose esperdue : Baillez [lui la massue]. (CH. D'ORLÉANS, Rond. C., 1443-1460, 384)

2.Démuni.

Je me voy nu et entrepris (...) Las ! je doy bien estre esperdu (Mir. Pierre Changeur, c.1378, 256)

...et ne vous est guere demouré de si grant nombre de parfaitz hommes fors une multitude povre, esperdue et despourveue, sans force, sans adresche et sans cueur (Chart., L. Esp., c.1429-1430, 81)

Esperdu de. Privé de.

Tout ce pues vëoir clerement Par vray et juste experiment, Car maint en sont mat et perdu, Honni, destruit et esperdu D'estat, d'onneur et de chevense, Et maint de ceste pestilence Sont mort, dont leur hoir tel seront Que jamais ne reverdiront, Dont c'est grans dues et grans damages. (Mach., C. ami, 1357, 101)

B. -Au figuré. [D'une pers., d'un aspect de la pers.]

1.[Dans une situation donnée] Profondément troublé, égaré, hors de soi, angoissé, éperdu.

Elle me fist tout tressaillir, Si qu'a moy me fist revenir Et mist hors dou transissement Ou j'avoie esté longuement. Et quant a moy fui revenus, Certes, je fui tous esperdus Et si fui en moult grant effroy, Car je regarday entour moy Et de tout cela riens ne vi Que veü avoie et oy. (Mach., D. verg., a.1340, 54)

Si vi venir par une estroite voie Verde et herbue Ceste dame qu'avec moy est venue. Si me sambla de maniere esperdue, Si que tantost pris parmi l'erbe drue Mon adresse ay, Et mon chemin droit vers li adressay. (Mach., J. R. Beh., c.1340, 114)

Mais aussi tost comme il le pert, A son samblant trop bien appert, Tant est desconfis et perdus, Tristes, dolens et esperdus. (Mach., D. Lyon, 1342, 183)

Je doy bien avoir esperdue La pensée, et si ay je voir, Quant nouvelles n'en puis savoir. (Mir. Theod., 1357, 89)

Dedens la chambre Alchioine est venus, Descoulourez, pales et esperdus, Et le peril ou il est encheüs Tout li revelle. (Mach., F. am., c.1361, 167)

...j'estoie du tout perdus, Mas, desconfis et esperdus (Mach., Voir, 1364, 174)

Li gentis rois pleins de noblesse, Il n'a pas le cuer esperdu, Trouva que il n'avoit perdu C'un chevalier tant seulement, Et IX. ou X., qui folement En la ville embatu s'estoient Et les hostels pas ne savoient. (Mach., P. Alex., p.1369, 209)

Bien m'as fait de sens esperdu Quant j'ay par toy celle perdu Qui si m'estoit bonne et entiére (Mir. emper. Romme, 1369, 308)

J'ay bien cause dès ore mais D'estre dolent et esperdu, Quant j'ay mon bon pére perdu (Mir. st Lor., 1380, 152)

Esbahi et tout esperdu Vous voy, ce me semble, ami doulx. Qu'avez perdu ? (Mir. Clov., c.1381, 207)

...si vait requerre Tous les roys, les princes, des ducs, Comme dolent et espardus (Chr. Piz., M.F., III, 1400-1403, 68)

Et quant il vist sa gent sy esperdue et combattre lui convenoit, soubitement aux Samites envoya ses messaiges pour demander parlement. (La Sale, Salade, c.1442-1444, 55)

...la dame fut tant esperdue, qu'elle ne savoit sa maniere. (C.n.n., c.1456-1467, 250)

Je fuz, par Dieu, tant esperdu Que ne scavoye dont venoye. (B. veoir, p.1480, 17)

CROQUEPIE, IIe leçon. Quant il eut bien de ce vin beu, Il se trouva tout esperdu. Ainsi, commë avés ouy, A terre cheut comme esblouy Et commença a dire la Farce De Pathelin et de Poitrasse (Vig. Trib., c.1480, 233)

LE .I. SERGENT. Arrivéz sommes de saison Au pletz ; voy le prevost assis. LE JUIF. Je suis en mon cueur tout transis De ce chrestien mauldit parjure. Que feray je s'i se parjure ? Mes cent escus seront perdus. L'ADVOCAT. Vecy gens venir esperdus ; De nouveau y a quelque chose. (...) LE PREVOST. Faictes paix, que nul mot ne sonne. Proposez icy vostre cas. (Mir. st Nic. juif, c.1480-1500, 118)

Le royaulme je remetray sus Et les anemis confonduz, Par la Pucelle ruez jus Et par elle tout convaincuz ; Que, des si qu'elle les aura veuz, En elle sera telle vaillance Que il en seront espercuz [l. esperduz]. (Myst. siège Orléans H., c.1480-1500, 294)

DIEU. Adam, ubi es ? Ou es tu ? Monstre toy, point ne t'apparçois. ADAM. Helas ! que je suis esperdu ! (Myst. Pass. Troyes B., a.1482, 61)

Remarque : Nombreux autres ex. de ce sens.

Esperdu de + compl. marquant la cause

Mais trop plus expressement poise Le bien que sa dame a perdu Et plus a son cuer esperdu De la perte de sa partie, Qu'il ne soit de la departie. (Mach., D. Aler., a.1349, 381)

Se vi, ou mes yeus adressay, Un oisel de proie volant, L'air devers midi acolant, Si haut vers les nues fichiez Qu'il y sambloit estre atachiez. Mais de ce moult bien vanter m'os Qu'eins qu'on peüst fourmer .VI. mos, Il fu sus mon poing descendus, De quoy je fu moult esperdus. Esperdus ? Mais ce fu de joie. (Mach., D. Aler., a.1349, 395)

Dont a chascuns regardé li uns l'autre, et furent tout esperdu de ce que Gieffroy avoit dit (Bérinus, I, c.1350-1370, 93)

De toutes ces choses fu Aigres moult esmaiez et esperduz et ot grant hide pour la plenté des mors qu'il trouva gisans. (Bérinus, I, c.1350-1370, 246)

Or parle a moy et t'esvertue, Car je sui t'amie et ta drue Et ta compaingne. Je sui dolente et esperdue Dou grant desconfort qui te tue... (Mach., F. am., c.1361, 231)

Li cuers me tramble et la char me tressue, Si que j'en pers ma force et ma vigour, Quant de paour voy ma dame esperdue. (Mach., L. dames, 1377, 106)

2.Durablement égaré, fou.

Certes, se ne fust mors, François l'eüssent perdu, Quar ja pour ses grans coups estient presqu'esperdu. (Gir. Ross. H., c.1334, 219)

...le bon bergier, qui n'estoit fol ne esperdu, leur dit que par la mort bieu il oseroit bien emprendre de faire la besoigne (C.n.n., c.1456-1467, 358)

À l'esperdu

Quant Lëonois ont entendu Que Boscalus a l'esperdu Avoit Floret sy destourné Bien semblent d'aïr foursené (Pastor. B., c.1422-1425, 227)

En la forest de temps perdu, Ne va plus querre tes deduis Tu as trop longuement vescu Pour plus chasser a lesperdu [a l'esperdu] En perte de iours et de nuys (La Marche, Chev. délib. L., 1483, 25)

Comme esperdu

Escuier, nous sommes touz seulz Laissié ceens conme esperdu, Car pére et mére avons perdu (Mir. nonne, 1345, 348)

Et je qui estoye aprés tant d'enhan demouré comme esperdu (Chart., L. Esp., c.1429-1430, 23)

...et ne sçavoit s'il estoit jour ou nuit tant fu adolé et mal atourné, dont payens furent comme esperdus (Comte Artois S., c.1453-1467, 77)

Quant les aultres virent le roy Maraddas mort et que Roland vouloit emporter sa teste, ilz se regardent l'un l'autre comme tout esperdus (Bagnyon, Hist. Charlem. K., c.1465-1470, 84)

Emploi substantival. Faire (de) l'esperdu/jouer à l'esperdu

PREMIER DYABLE. Vehemot, (...) Tu fais malement l'esperdu. Qu'as tu ? je t'en pri (Mir. prev., 1352, 246)

Mais escouté Comment il fait de l'esperdu ! (Pasté T., c.1475-1500, 197)

TOUT. Et moy, par la guerre terrible, Long temps a que ne fus paisible. Chascun a jouay a l'esperdu. MERE SOCTIE. Tout a esté longtemps perdu. (Sots, c.1480-1500, 278)

Voir aussi esperdre