VEHEMENT

adjectif

[T-L : veement ; GDC : vehement ; FEW (XIV, 215a) : vehemens ; TLF (XVI, 953b) : véhément]

A. -Au propre. [D'un phénomène naturel] Impétueux, violent.

Je di donques que ce n'est pas voir generaument que tout mouvement soit cause de chaleur, mes seulement tout mouvement ouquel est faite vehemente confricacion ou freement d'un corps a autre et violence et es parties ou est la confricacion. (Oresme, C.M., c.1377, 438)

Véhément, c'est à dire moult fort et impetueux. (La Haye, P. peste, 1426, 234)

Cestui Gerard predist les grans vens et leur impetuosité et le 'terre motu' si vehement qui fut environ la mynuit, le IIIIe des ydes de septembre, en divers lieux de la terre. (Simon De Phares, Astrol., c.1494-1498, f° 113 v°)

...les grans innundacions des eaues, qui furent en ce temps, c'est assavoir en l'an 1296, qui furent si vehementes qu'ilz rompirent les pons qui estoient de pierre à Paris et en plusieurs autres lieux sur Loire. (Simon De Phares, Astrol., c.1494-1498, f° 131 r°)

...il predist des grans vens qui furent si vehemens qu'ilz esmeurent les undes et les undes la terre, à l'occasion desquelles choses plusieurs ediffices furent subvertis. (Simon De Phares, Astrol., c.1494-1498, f° 135 r°)

B. -Par analogie.

[De l'hiver] Rigoureux.

Cestui predist aussi le grant yver qui fut si vehement, que la mer en certain lieu fut trouvée gellée et glacée de XIII couldées de espesseur. (Simon De Phares, Astrol., c.1494-1498, f° 105 r°)

[D'une douleur] Fort, violent.

Illiaque, c'est passion des intestins gresle avec constipacion de ventre et souvent vomir et douleur vehemente sicomme les intestins fussent desrompus et perforés (Gordon, Prat., c.1450-1500, V, 17)

[D'une épidémie] Fort, virulent.

...lequel y besongna aucun peu et jusques ad ce que la peste, qui fut si vehemente à Romme, le deffist. (Simon De Phares, Astrol., c.1494-1498, f° 162 v°)

C. -Au figuré. [Idée d'intensité, dans un sens positif ou négatif]

[D'une pers., du coeur...] Impétueux, puissant.

...o tresclair et tresaorné homme, vehement excitateur de mes esperits litargiques (Robertet, Oeuvres Z., c.1450-1500, 161)

Il conduysoit lors Suÿsses, Alemans, Lancequenetz qui ont cueurs vehemens A l'exercice de guerre exordiante Comme il appert (La Vigne, V.N., p.1495, 140)

[D'une sensation, d'un sentiment, d'une activité...] Intense, fort.

Et se ainsi avient que les delectacions soient grandes, vehementes et fortes, il fierent et percent et actaingnent jusques en la pensee. (Oresme, E.A., c.1370, 229)

Et pour ce sont il tousjours en fort appetit et vehement desir de choses delitables. (Oresme, E.A., c.1370, 410)

...et pour ce sont il [les autres delectacions] bonnes selon accident, combien que il soient forment sensibles et vehementes, si comme celles qui sont ou fait de luxure. (Oresme, E.A.C., c.1370, 409)

Et ceste applicacion par aguisement destude et de vehemente meditacion est contemplacion par ceste maniere, par dilatacion de pensee. (Cib., p.1451, 185)

Et puis a la fois elle [l'âme] est deiectee en bas sur soy et sur sa misere et de tant plus se congnoist de tant elle est reuerberee et renuoiee sur soy par plus vehemente admiracion et par plus grant ferueur et amour ou vehement desir des choses celestielles. (Cib., p.1451, 191)

Carneades l'Encien fut en ce temps moult aprecié pour sa vehemente estude. (Simon De Phares, Astrol., c.1494-1498, f° 72 r°)

Pourroit ung dueil estre plus vehement Que de venir a si felle ruyne Dont suis actaint, et si cruellement, Qu'en grant fureur ma jeunesse je fine... (Antitus, Poés. P., c.1500, 58)

[D'un argument, d'une présomption...] Fort, solide.

...la justice du lieu doit diligemment et longuement enquerre du crime perpetre et de toutes les circonstances, en gardant bien a la lectre que pour legiers testmoings ne pour vehemente suspicion elle ne doye trespasse[r] la reigle et les termes de son office regule (Mézières, Songe vieil pèl. C., t.2, c.1386-1389, 279)

...et se, par vostredite infourmation, vehemente presumption, fame ou renommée publique, et autrement, dehuement les en trouvéz coupablez ou vehementement soubsonnés, sy les prenés ou faites prendre, quelque part que trouvéz les porrez, hors lieu saint (Trés. Reth. S.L., t.2, 1395, 389)

Mais encore se a toutes fins veulz pour ce admenuisier mes vehementes raisons, veulles toy reduire a memoire que une petite pointe de ganivet ou cotelet puet percier un grant sac plain et enflé de materielles choses (Chr. Piz., Déb. R. Rose H., 1401-1402, 25)

Les choses expedientes et comme neccessaires à l'edifficacion de meurs vertueux et louables de comun cours, veons par les sapiens en leurs escrips amenteus et ramenez à memoire pour nostre instruction en ordre de bien vivre, si est digne chose que, avec les vehementes raisons prouvées et solues, d'eulz bailliées, exemples vrais et notoires soient certificacions des choses conduittes en ordre de parleure (Chr. Piz., Faits meurs Ch. V, S., I, 1404, 5)

Et pour raporter de ce exemples selon la maniere acoustumée, apres les bonnes et vehementes raisons retournerons à notre motif du prealigué roy Charles (Chr. Piz., Paix W., 1412-1413, 154)

...on avoit aperceu pluiseurs conjectures et vehementes presumpcions contre ledit mareschal (Fauq., II, 1421-1430, 17)

...après plusieurs amonicions et exortacions faictes audit Mariete de dire et confesser la verité ; et attendu les indices et vehementes suspicions, et autres choses, tant dessus escriptes que contenues ou procès fait à Lion à l'encontre de lui... (Escouchy, Chron. B., t.3, Pièces justif., 1448, 299)

Et deffendu aux baillis, vicontes, procureurs et autres officiers dudit pays que doresenavant ilz ne meittent en torture ou question de fait aucun se premierement il n'y a informacion veue jugée par lesd. officiers, vehemente presumpcion emprins au premier meffait, et en icelui cas deliberer avecques les saiges ainçois que proceder plus avant. (Echiq. Normandie S., 1474, 152)

[D'un remède] Fort, efficace.

Car l'ambre pure et excellente A propriété véhémente à donner confort et léesce Et à tollir toute tristesce (La Haye, P. peste, 1426, 146)