GLORIFIER

verbe

[T-L : glorefiier ; GD : glorifié ; GDC : glorifier ; DEAF, G 869-870) : gloriaglorefiier ; AND : glorifier ; FEW (IV, 166a) : gloria ; TLF (IX, 287b) : glorifier]

A. -Célébrer par des louanges.

1.Glorifier qqn/qqc.

a)Célébrer, louer, honorer qqn/une personnification/qqc..

Si estoit Amours honnourez Et de mains frans cuers aourez, Servis, loës, regraciés Et cent mille fois merciés, Car chascuns le glorefioit Qui bons yere et qui s'i fioit. (Mach., D. Lyon, 1342, 219)

Il dist au chevalier qu'ensy le glorifie : 'Or le m'amenés cha, dist li roys, je vous en prie.' (Chev. cygne P., c.1356, 64)

Si la prinst a glorifier, A prisier, a magnifier, Et a loer li et son fait Plus que li autres n'avoit fait. (Mach., Voir, 1364, 70)

Et sont moult de gens qui glorefient et honeurent indifferentement senz distinction et les bons et les mauvais. (Oresme, E.A., c.1370, 252)

Ne say comment commencier Un tres dous lay Pour bon Amour mercier De l'espoir qu'ay Et pour ma dame au corps gay Glorefier Et loer, Car trop po sçay Pour telle ouevre edefier. (Mach., Les lays, 1377, 389)

Et se les catholiquez treuvent que Dieu pardurable ait voulu soy faire homme pour homme sauver, ceste creance n'est pas derroguer a sa majesté, ains est exaulcer et glorifier son humilité et sa clemence. (Chart., L. Esp., c.1429-1430, 129)

b)Tirer orgueil de qqc..

...se appensa que s'il mandoit au roy aucuns de ses heraulz que on pourroit penser que ce seroit en glorifiant sa bonne nouvelle, dont au cuers de gens en pourroit estre reprins (La Sale, J.S., 1456, 138)

2.Se glorifier de/en qqc.

a)Acquérir de la gloire en qqc.

'Vous avés le grasce, l'eur et le fortune d'armes plus que nulz princes aujourd'ui, pour quoi nous esperons que vous vos glorefiiés en vo poissance.' (Froiss., Chron. L., VII, c.1375-1400, 11)

Se féliciter de qqc., tirer honneur de qqc..

La douziesme joye de mariage si est quant le jeune homme est tant allé et venu qu'il a trouvé l'entree de la nasse et est entré dedens et a trouvé femme telle qu'il la demandoit, et a l'aventure il lui fust bien mestier d'en avoir trouvé une aultre, mais il ne le vouldroit pour riens, car il lui semble qu'il est mieulx assigné que nul aultre et qu'il fut bien beneuré quant il pleut a Dieu qu'il la trouvast, car a son avis n'en est nulle pareille a elle, et l'escoute a parler et se gloriffie en son fait, en sa prudence, combien que par aventure el ne scet qu'elle ravace. (Quinze joies mar. R., c.1390-1410, 90)

Pour ce nul glorifier d'aage ne se doit, comme du passé il ne soit plus riens, de cil avenir n'y a seurté combien il durera. (Chr. Piz., P.V.H., 1416-1418, 26)

De tieulx dons bien t'en devoye glorifier et toy garder de le perdre, affin que tes grans ornemens tu ne maculez point et que telle beaulté tu ne desturpasse et que tel honneur tu ne voulssisse corrumpre ne telle souverainnetey, affin que, se tu le perdoie, que ne fusses tous temps miserables et avec la miserableté tu ne souffrasses grans dommaiges et reprobacion et vilité. (Crap., Cur Deus, De arrha B.H., c.1450-1460, 275)

Se glorifier de + inf. Se féliciter de.

Nostre Seigneur se glorifia d'avoir trouvé un homme selon son cuer. (Foul., Policrat., IV, 1372, 77)

b)Emploi absolu. Parvenir à la gloire.

...et tu donc qui es de la mesme nature comme eulx et as les mesmes instrumens pour te deffendre et glorifier comme eulx, ne doibz et porras faire honneur a la nature dont tu es du nombre et vaincre vice et mollesse de ceur par courage...? (Chastell., Temple Boc. B., 1463-1464, 143)

Se glorifier en qqn. Tirer de qqn une gloire légitime.

Ha ! vierge plaine d'amistié, En qui li saint se glorifient Et en qui li pecheur se fient Et espérent remission... (Mir. march. larr., c.1349, 109)

Vray Pere tout puissant, dit Charité, tu m'as faicte, et de ce en toy me glorifie, royne des Vertuz, et sans moy quelconque d'elle[s] ne se ottroye parfaictement a creature humaine (Gers., Concept., 1401, 400)

B. -[Avec une valeur nég]

S'enorgueillir en/de qqc., se vanter de qqc..

'Autant com li pescherres s'est Glorifiez en son mal faire, Autant de tourment et de haire Ly donnes' (Mir. st Guill., c.1347, 28)

...autrement l'amende Ne peuz a Dieu satisfier De l'orgueil qui glorifier A fait ton cuer en gloire vaine (Mir. parr., 1356, 27)

Bien avoient li saudoiier, qui estoient dedens, entendu que li contes de Haynau les venroit veoir, mès il s'estoient si glorefiiet en leur orguel qu'il n'en faisoient nul conte. (Froiss., Chron. L., II, c.1375-1400, 65)

Phelippes se glorefioit si en la belle fortune et victore que il ot devant Bruges, que il li sambloit bien que nuls ne li poroit fourfaire. (Froiss., Chron. R., XI, c.1375-1400, 39)

De leur venue furent li Englois mout resjoï (...) et leur dissent que tantos il aroient conquis Ippre (...) et ne faissoient nulle doubte que, dedens le septembre, toute Flandres seroit raquise à eux ; enssi se glorefioient il en leurs fortunes. (Froiss., Chron. R., XI, c.1375-1400, 111)

...on 'ne' se doit point glorifier de la noblesse de la char, car elle vient des predecesseurs (Juv. Urs., T. rever., 1433, 77)

Ilz ne se glorifient point de leurs propres merites comme ceulx qui ne se attribuent rien de bonté, ains attribuent tout a moy, car je leur ay donné toutes choses par mon infinie charité. (Internele consol. P., 1447, 260)

Par aventure tu entemps et ne sçais que je vueil dire, ne tu ne trouve en toy telle chose avoir si grande que tu t'en puisses glorifier. (Crap., Cur Deus, De arrha B.H., c.1450-1460, 264)

...tiercement, comment le bon chevalier ne se doit pas glorifier en sa noblesse ne en sa force. (Bueil, II, 1461-1466, 68)

Finablement en toutes les pratiques Que possible est ung roy magnifïer Sans se vouloir en riens glorifïer Totalement la ville s'employa Et devant luy petit et grant ploya. (La Vigne, V.N., p.1495, 224)

Se glorifier de + inf. Se faire fort, se flatter, se glorifier de.

...Saron le roy se gloriffioit et vantoit de resister et forçoyer contre tout le monde (Chr. Piz., Paix W., 1412-1413, 147)

Certes a bon droit peult estre appellé beste, qui se glorifie de resembler aux bestes en non sçavoir, et se donne louenge de son default. (Chart., L. Esp., c.1429-1430, 71)

Et telz seigneurs y a qui n'ont treze livres de rente en argent, qui se glorifient de dire: ' Parlez à mes gens ', cuydant par ceste parolle contrefaire les très grans. (Comm., I, 1489-1491, 70)

Se glorifier que. Se vanter de.

...Si se tint el pour Dieu ancelle Et ne se glorifia point Qu'el eüst Dieu servi a point Pour quoi si l'eüst honouree, Mais le loa comme senee Qu'il avoit en benignité Regardé son humilité. (Tomb. Chartr. Trois contes S., c.1337-1339, 97)

Emploi absolu. Se voir, se rêver dépassant sa condition.

Et, comme ainsi se glorifiast et pensast en com grande gloire et triumphe elle seroit menee a cestui son mary sur ung riche palefroy, frappa la terre de son piet cuidant desja piquier le cheval des esperons. Par quoy le piet luy deffailli et chut, elle et son lait, dedens les fossez, tout espandu et gasté. (Colart Mans., Dial. créat. R., 1482, 238)

C. -RELIGION

1.Glorifier (un être céleste ou un de ses attributs). Rendre gloire à (un être céleste), proclamer la gloire (d'un être céleste).

LE MARI. Ha ! Mere Dieu, (...) Je te mercy, tresdoulce dame ; Je te lo ; je te glorify ; De tout mon cuer te magnify Pour les graces et le bienfait Qu'autre foiz et ores m'as fait. (Mir. enf. ress., 1353, 73)

Se prirent Dieu a mercier, A loer, a glorefier, Qui biens et corps et ames garde A tous ceuls qui sont en sa garde Et qui en li ont leur fiance Vraie, ferme, et bonne esperence. (Mach., C. ami, 1357, 15)

Lors dieus orent d'or et d'argent, D'arein et de pierre et de fust : N'i avoit dieu qui la ne fust Glorefiez et aourez, Servis, loëz et honnourez. (Mach., C. ami, 1357, 25)

Ave, dame, (...) Je te doy bien glorifier Et loer et manifier De ta bonté. (Mir. chan., c.1361, 181)

Sire Dieu, de cuer et de vois Vous mercy et vous glorifi, Tant com je puis, et magnifi (Mir. fille roy, c.1379, 104)

S. NICOLAS. En ce trosnë et souverain empire, Par trinité essence tres unie, Dieu eternel ou tout mon voloir tire Pour atirer ta grant grace infinie, Je te magnifie Et te glorifie, Glorifiant ta bonté et clemence, Je te remercie Et te regracie Du merite, d'autant comme ay puissance. (Mir. st Nic. juif, c.1480-1500, 101)

LE .I. SERGENT. Sainct Nicolas est dangereux ; Point ne se fault en luy fier. Il demonstre icy de ses jeux Pour son sainct nom glorifier. (Mir. st Nic. juif, c.1480-1500, 143)

2.[De Dieu, d'un autre être céleste]

a)Glorifier le corps. Transfigurer le corps charnel en corps spirituel (après la résurrection).

Et de ce appert l'autre proprieté de l'ame, c'est assavoir que l'ame n'est pas beatifiee tant seulement quant elle est separee du corps, maiz sera aussi beneüree avec le corps quant il sera glorifié (Corbechon, éd. B. Ribémont, 1372. In : Bien dire et bien aprandre 11, 1993, 386)

Remarque : Cf. aussi la gloire des corps, v. corps.

Participe passé. Corps glorifié. Corps glorieux du Christ et des élus après la résurrection.

...sire, la roine, c'est la vierge Marie, a esté a ta destre en vesteure d'or, c'est en corps glorifié. (Mir. march. larr., c.1349, 93)

Une autre maniere est que telz corps fussent en un corps supercelestiel ou ciel aussi comme nous sommes maintenant en le aer, et que ce ciel cedast aus corps glorifiéz sourvenans aussi comme le aer nous cede, fors que ce seroit sanz quelcunque alteracion, excepté, par aventure, rarefacion et condempsacion tres petite et tres subtille. (Oresme, C.M., c.1377, 724)

...leur benoit corps glorifié sentiront tant agile, mouvant, sain et legier, nonobstant la solideté et espesseur du corps et membres, que partout où il leur plaira pourront passer et entrer, sans ouverture faire (Chr. Piz., P.V.H., 1416-1418, 49)

[JÉSUS, à Madeleine] . Mon corps quil fust crucifïé Est a present gloriffïé, Dont je randix l'ame a mon Pere, Et depuis mon corps prins arriere, Mes a mon Pere veul monter Pour vous pechïers surmonter. (Pass. Semur D.M., c.1420 [1488], 257)

Croire que XL jours aprés qu'il fut resuscité il monta es cielz en corps glorifié, et que la siet a la destre de Dieu le pere. (La Sale, J.S., 1456, 38)

ST PHILIPPE. ...veu que la porte est close Par nous qui sommes cy presens, Comment il [Jésus ressuscité] a pu entrer ens ? Se me semble ung cas bien nouvel, Veu qu'il a corps materïel Comme nous, et de tel figure. ST ANDRY. Il fault, par ce moyen, conclurre Que son corps est gloriffïé, Et luy est ce don octroyé De par la divine puissance. (Myst. Pass. Troyes B., a.1482, 944)

b)Appeler qqn à la gloire céleste.

Lors de si mortel jalousie Deyamire fu esprise Que li envoia la chemise Par Licas, qui en roche dure Fu muëz (encor en mer dure). Herculès einsi s'en vanja, Mais puis ne but ne ne menja, Eins fu mors et deïfiez Par les dieus et glorefiez. (Mach., C. ami, 1357, 97)

Quant Eneas parti de Troie Son filz et son pere et sa proie Que dou feu de Troie getta, Et la franche Thegneÿta Qui l'alaita de ses mamelles Qui estoient blanches et belles ; - La sage prophete Sibille, Qui avoit cuer franc et nobile, De ce grant peril l'avisa, Et Venus, qui tant le prisa Qu'elle le fist deÿfier Par les dieus et glorifier - Si s'en aloit, lui et sa gent, Jour et nuit par la mer nagent (Mach., Voir, 1364, 628)

Et en la parfin si la glorifia [Marie] que onques a corrupcion n'ala, mais sur toutes choses la beney et saintiffia. (Mir. st J. Paulu, c.1372, 93)

Je suis celuy qui gloriffie Les bons et les maulvais maulditz Et en enffer les ediffie, Comme maleureux interditz. (La Vigne, S.M., 1496, 540)

Au passif.

Car se Il [Dieu] creoit anges et ames glorifiees autant en nombre cent mille fois comment il sont, sa bonté ne crestroit pour ce en rien, et ne apeticeroit en rien se Il adnichiloit toute creature (Oresme, C.M., c.1377, 364)

Je suis cy venu de par Dieu, Qui m'a envoyé en cest lieu Por [em]porter Janot au ciel. Je suis son ange saint Michiel. Janot sera glorifié. (Janot sac G.-Z. R., c.1450-1500, 62)

3.Faire de qqn une divinité.

À ceste cause plusieurs le glorifierent ou ciel et, jaçoit ce qu'ilz furent cinq de ce nom de Appolo, tous vertueux et grans en science, neantmoins cestuy preceda les autres. (Simon De Phares, Astrol., c.1494-1498, f° 23 v°)