MAGNIFIER

verbe

[T-L : magnefiier ; GDC : magnifier ; AND : magnifier ; FEW (VI-1, 47b) : magnificare ; TLF (XI, 153a) : magnifier]

I. -Emploi transitif.

A. -Exalter, célébrer, glorifier qqn ou qqc. (par la parole ou par des actes symboliques).

1.Magnifier qqn. Magnifier Dieu/le nom de Dieu (en partic. par le Magnificat)

LE MARI. (...) De tout mon cuer te magnify [mère Dieu] Pour les graces et le bienfait Qu'autre foiz et ores m'as fait. (Mir. enf. ress., 1353, 73)

Loues Dieu et magnifies (...) En actendant le jugement Derrenier que rejoins seres Aus corps que devant avïes Qui jusques a ce temps seront En terre et tousjours pouriront. (Guill. Digull., Pèler. âme S., c.1355-1358, 94)

...la ouvri sa bouche en Elizabeth saluant et en Dieu devotement regraciant, quant elle dit : Mon ame magniffie nostre seigneur. (Mir. Theod., 1357, 79)

Elizabeth loua Marie, laquelle eut plus grand cure de magnifier ou de louer Nostre Seigneur (Daudin, De la erudition H., c.1360-1380, 421)

Doulce gent, pour deux causes sont gardées les festes des sains, c'est assavoir pour les devoz cuers edifier, pour les sains loer et magnifier (Mir. chan., c.1361, 138)

Ha ! tresdoulx Dieu, roy glorieux, Conme on doit bien glorifier Ton saint nom et magniffier ! (Mir. Barl. Josaph., c.1363, 299)

Si la prinst a glorifier, A prisier, a magnifier, Et a loer li et son fait Plus que li autres n'avoit fait. (Mach., Voir, 1364, 70)

Mais garde bien, sur tout ne t'enhardi A faire chose ou il ait villenie, N'aucunement des dames ne mesdi ; Mais en tous cas les loe et magnefie. Saches, se tu fais le contraire, Je te feray trés cruelment detraire. Mais en honneur fay tout et si t'avance : Aide as assez, matere et exemplaire. (Mach., Prol., c.1377, 4)

Et pour ce fu dit que le createur veult estre magnifié selon cest nombre, et ce nouz enseigne nature en laquele est relucente la fourme, vestige ou estrace de Dieu. (Oresme, C.M., c.1377, 56)

Magnifico (...) : magnifier, loer (Aalma R., c.1380, 243)

Saint Jehan Bouche d'or expose toute la vertuz de son hault et cler engin et de son eloquence souveraine a le louer ou le manifier en ung sermon ou omelie, non pourquant confesse il bien que la grandeur de voz louanges, o glorieux saint Pol, surmontoit du tout son eloquence. (Gers., P. Paul, a.1394, 493)

...si reputerent moult ceste grant largece, et moult louerent, mercierent et manifierent, comme raison estoit, le roy de France. (Chr. Piz., Faits meurs Ch. V, S., II, 1404, 127)

Hé ! Dieu, qui toute creature Formas par ta doulce plaisance, Vueille donner force et puissance A mon seur et loyal amis, Mon espoux, qui en tormant mis S'est pour ton non magniffier. (Myst. st Adr. P., c.1450-1485, 129)

S. NICOLAS. (...) Dieu eternel ou tout mon voloir tire Pour atirer ta grant grace infinie, Je te magnifie Et te glorifie, Glorifiant ta bonté et clemence, Je te remercie Et te regracie Du merite, d'autant comme ay puissance. (Mir. st Nic. juif, c.1480-1500, 101)

LE CHARTIER. En ce lieu mercy le luy crie [à saint Nicolas] , Magnifie, Mais du crime me purifie, Car il dormoit emmy la place. (Mir. st Nic. juif, c.1480-1500, 150)

Abraham predist aux Juifz leur future felicité, de laquel parle Ysodore en son XVe livre, et leur prenostica plusieurs autres choses, dont il fut à merveilles magniffié, et se treuve que sa dicte somme fut translatée d'ebreu en latin par le pape Gregoire. (Simon De Phares, Astrol., c.1494-1498, f° 23 v°)

Finablement en toutes les pratiques Que possible est ung roy magnifïer Sans se vouloir en riens glorifïer Totalement la ville s'employa Et devant luy petit et grant ploya. (La Vigne, V.N., p.1495, 224)

Ame de par Dieu entre au corps Et reuiens seurement en vie Deuant toute la compaignie Si que trestous puissions louer Iesuchrist et magnifier Et sa doulce misericorde (Myst. st Martin K., a.1500, 281)

2.Magnifier qqc.

Item, il fait teles choses non pas pour grace de bien ne pour bonne fin, mais pour monstrer et magnifester ou magnifier des richesces. (Oresme, E.A., c.1370, 247)

C'est a savoir que magnifier ses faiz et soy venter fait mal a oïr as autres. (Oresme, E.A.C., c.1370, 268)

Car il loent et magnifient la puissance, la valeur et la liberté du peuple, et naturelement chescun oit volontiers dire bien de soi et a en ce plaisance et le croit de legier. (Oresme, Pol. Arist. M., c.1372-1374, 175)

Aucuns magnifierent en saint Pierre l'onneur qui luy est fait par le monde es eglises et ailleurs par seigneurs et princes, tant soyent excellens, jusques a baisier non pas ses piés seulement mais ses os, sa robe et sa chayne. (Gers., P. Paul, a.1394, 486)

...en laquelle bataille furent tant de nobles hommes perduz que pour magnifier sa victoire Hannibal envoya a Cartage troys muys des anneaulx d'or qui orent esté prins en leurs dois (Chart., Q. inv., 1422, 35)

Cestui habita en Archadie et se treuve que ce fut le premier qui monstra aux Assyrians et aux Grez la science de astrologie laquelle il sceut parfaictement ou autant qu'il est possible à homme en sçavoir, et pour magnifier les estoilles, voulut que ses sept filles portassent chacune le nom d'une chacune planete, auquel moïen furent puis appellées nymphes. (Simon De Phares, Astrol., c.1494-1498, f° 21 r°)

Theophrastus, le second de ce nom, fist en ce temps celebrer son nom, au moïen de la science des estoilles. Cestui fut cause de magniffier astrologie, car on lit qu'il eut IIm disciples, entre lesquieux estoit Nicomachum, filz Aristote. (Simon De Phares, Astrol., c.1494-1498, f° 61 r°)

B. -Élever qqn ou qqc..

In omnibus magnificasti populum tuum : Dame, tu as sur toutes choses magniffié ton peuple (Mir. chan., c.1361, 139)

Par ma foy, dist l'escuier, et je vous enseigneray la plus belle adventure et la plus honnourable que oncques nobles jeunes hommes eussent en leur advenement, et la plus raisonnable emprise. Et quant les deux damoisiaux l'entendirent, si le coururent acoller, disans : Nobles homs, veulliez nous dire que c'est. Par foy, dist cil, mes nobles seigneurs, voulentiers, tant pour ce que je seroye liez de vostre avancement que de raison soustenir et de magnifier le bien et a admonnester tous ceulx qui veullent avoir honneur d'ensuir le chemin. Mes seigneurs, il est verité que tous ceulx qui aiment honneur et chevalerie si doivent aidier a soustenir en leur droit les vefves, dames et les orphelins et orphelines. (Arras, c.1392-1393, 149)

...car à tout dire qui pourroit aujourdui fournir à pareille mise qui y fu employé à la recevoir à si grant honneur et si magnifiée largesse d'estat et de dons... (Chr. Piz., Paix W., 1412-1413, 161)

...je suy pardessus toutes choses a beneïr et a honnourer en tous ceulx que tant glorieusement j'ay magnifiés et predestinés, sans nulz leurs propres merites precedens (Internele consol. P., 1447, 257)

Et à toy, o Montferrant, est immortele gloire deue, qui soyes digne d'avoir recombé sur le hault Parnasus moullié de la liqueur de la tresclere fontaine pegasienne, dont George en son bers fut par les Heliconides enyvré, et depuis par le conferer, tu en as esté embeu pour magnifier ta nature et amplier ton los (Robertet, Oeuvres Z., c.1450-1500, 131)

...ton commun est rebelle contre sa droitte seignourie pour l'estat des estranges gens magnifier et pour soubzjuguier nostre regne commun (La Sale, Sale D., 1451, 112)

II. -Emploi pronominal. Exalter ses propres mérites, se vanter.

Et pour ce dist Crisostome (...) que aucuns sont, au jour d'uy, qui se soubtivent et, a l'exemple dez Pharysiens, se magnifient et faignent plusieurs noms d'Angres en Hebre et lez escripsent et alleguent (Songe verg. S., t.1, 1378, 394)

En la cent et vint quatriesme Epistre, digne et tres haultiesme, Saint Jerosme si nous recorde Ce que maint autre sage accorde Que ne se doit glorifier Nulz n'en orgueil magnifier De noblece qui de char viengne (Chr. Piz., Chem. estude P., 1402-1403, 178)