ENTREE

substantif féminin

[T-L : entree ; GDC : entree ; AND : entree ; DECT : entree ; FEW (IV, 774,776a) : intrare ; TLF (VII, 1238b) : entrée]

I. -[Subst. d'action]

A. -[Correspond à entrer I]

1.Action d'entrer, de pénétrer (dans un lieu).

a)[À propos d'une pers.]

Et la dame qui resgardoit Devers l'uis et ne s'en gardoit, Le vit et congnut a l'entrée ; Se s'est tantost en piez levée ; S'ala a l'encontre de lui, Et se n'i atendi nelui. (Mach., J. R. Nav., 1349, 187)

Li roys en galée monta, En mer n'en terre n'arresta Se petit non, tant fu engrant De venir à Romme la grant. A l'entrée [var. à l'encontre] mains cardinaus Monterent dessus leurs chevaus, Et à l'encontre li alerent, Et puis au pape le menerent. (Mach., P. Alex., p.1369, 219)

Par l'entree de ces dames fut la place esclarcie de lumiere (Chart., L. Esp., c.1429-1430, 23)

Le musnier demande a madame s'elle l'avoit [sa bague] a l'entrée du baing (C.n.n., c.1456-1467, 45)

b)Fait de pénétrer quelque part par un acte de guerre.

Invasion.

...quant Olofernes approuça le pays des montaignes esqueles lors habitoit le peuple de Israël, il ouy que le peuple se disposoit a resister a luy et que ilz clouoient les entrees et les passages des montaignes affin d'empescher son entree sur eulz. (Fillastre, Traité Conseil H., c.1472-1473, 199)

Cestui fut homme insigne en la science de astrologie et predist l'entrée de Barberousse en Itallie, qui estoit empereur de Germanie. (Simon De Phares, Astrol., c.1494-1498, f° 118 r°)

Action d'entrer en vainqueur dans une ville (après l'avoir prise).

Et assez tost après l'entrée et venue desdictes gens d'armes, toutes les gens de l'ostel du Roy et des segneurs qui estoient demourez à Paris prindrent et porterent l'enseigne du duc de Bourgongne (Fauq., I, 1417-1420, 128)

...les seaulz de la Chancelerie avoient esté perduz le XXIXe jour de ce mois par l'effray et tumulte qui avoit esté à Paris à l'entrée des gens du duc de Bourgongne. (Fauq., I, 1417-1420, 130)

À Jehan Robilart et Jehan Hibart, chevaulcheurs de l'escuierie du roy nostre sire, la somme de trante frans, pour don à eulx fait par mondit seigneur, pour leur vin, pour ce qu'ilz ont apporter à mondit seigneur les premieres nouvelles de la joyeuse entree de Paris faicte par le bailli d'Auxois et les seigneurs de Chastelux et de Lilladen et aussi de la prinse du conte d'Armignac et autres adversaires d'icellui seigneur (Comptes Etat bourg. M.F., t.2, 1418, 135)

Avoir l'entree d'un lieu fortifié. Réussir à forcer un accès.

...par laquelle tour Lisimacus eust l'entree de la cité et la prist. (La Sale, Salade, c.1442-1444, 59)

Attaque.

Et toutefois ne furent les Gantois rompus de la première entrée que le duc fist sur eux (Chastell., Chron. K., t.2, c.1456-1471, 372)

c)[À propos d'un personnage important]

Action d'entrer solennellement (dans une ville) et p. méton. cortège qui l'accompagne.

Mais pour abréger la matière de l'entrée du roy, à Saint-Ladre, se commença à tenir l'ordre et l'arréglement d'aller ; et furent mis au front d'entrée les archers du comte d'Estampes (Chastell., Chron. K., t.4, c.1456-1471, 81)

Tot aprèz, pour monstrer la magnificence de ceste entrée, furent faites pluseurs joustes en Paris (Molinet, Chron. D.J., t.2, 1474-1506, 446)

Faire son entrée dans une ville

Le lundi X^me jour du moys de novembre mil CCCC.XLIX (...) le roy fist son entree a Rouen, qui fust belle et honnourable. (Entrées roy. G.L., p.1449, 160)

Le septiesme jour dudit moys de fevrier, monseigneur l'evesque de Paris, filz de monseigneur de la Forest, fist son entrée comme evesque de ladicte ville, et y ot grant solennité gardée à son entrée. (Roye, Chron. scand., I, 1460-1483, 290)

Et, à l'entrée que fist le roy en ladicte ville de Paris par ladicte porte Sainct-Denis, il trouva une moult belle nef en figure d'argent, portée par hault contre la maconnerie de ladicte porte dessus le pont levis, en signifiance des armes de ladicte ville (Roye, Chron. scand., I, 1460-1483, 27)

Festivités organisées à l'occasion de l'entrée solennelle d'un grand personnage dans une ville.

...sont en voye de finer miserablement leurs jours esdites prisons de Baugency esquelles ilz estoient prisonniers a notre nouvelle entree en icelle ville (Berger Fr. K.-G., 1483, 181)

...quel recueil on luy fit, comment il fut receu, quel honneur luy firent les seigneurs et dames de toutes les contrees ou il passa ; avecques les entrees, triumphes et excellences que partout on fit a sa bienvenue. (La Vigne, V.N., p.1495, 129)

S'ensuyt comment le roy entra dedens Thurin, de l'onneur qu'on luy fist, comment madame de Savoie vint au devant pour le recueillir avecques sa compaignie et tout le peuple du pays, quelle entree et quel triumphe on y fist. (La Vigne, V.N., p.1495, 159)

d)Action de penétrer pour la première fois dans une ville, pour prendre une nouvelle charge.

...après la feste de l'entrée de monseigneur l'arcevesque de Bourges, qui fut en septembre mil CCCC cinquante en ceste ville, le dit Cuer mist et lessa en ung comptoer bas de son dit hostel, près la salle, une grant ymage de la Magdeleine, ne scet se elle estoit d'or ou d'argent doré, et n'est recors s'il y avoit de la pierrerie ou non. (Aff. Jacques Coeur M., 1453-1457, 150)

e)[À propos d'un prisonnier] Fait de rejoindre son lieu de détention.

...cheulx qui de la dite caution ne poroient finer et qui seroient prisonnier, paieront trois s., est assavoir douze d. pour l'enfferer et deux s. pour l'entrée, et pour son vivre chacun jour deux s. (Hist. dr. munic. E., t.3, 1390, 249)

2.Possibilité d'accès.

a)Libre accès (auprès de qqn) ; facilité, possibilité d'accès (dans un pays, une ville...).

Avoir (belle) entree (à qqn/qq. part)

...puisque li Englois avoient celle entrée en Flandres (...) il (...) feroient encores sus le païs pluiseurs coses. (Froiss., Chron. R., XI, c.1375-1400, 107)

...par Escoce pooient li François avoir une belle entrée en Engletière, car par li nature li Escochois ne pooient amer les Englès. (Froiss., Chron. R., XI, c.1375-1400, 178)

Et ce marchiet il fera trop volentiers, car d'Engleterre, il avera trop belle entree de venir en Bretagne et de Bretagne en France, et pora laisier ses honmes en garnison en Bretagne et rafresqir (Froiss., Chron. D., p.1400, 478)

Ne sces tu pas que dissimulation a de si long temps occupé les portes et les entrees des cours des princes, que verité qui tant a hurté a l'uys et se fait ouir dehors par publiques oeuvres, ne peult dedens avoir entree ? (Chart., L. Esp., c.1429-1430, 7)

...lors fu elle amenee devant luy comme volentiers la dame le desira pour avoir entree a son seigneur (Comte Artois S., c.1453-1467, 108)

...je n'eu pas si tost accointance ne entrée ceans que je ne priasse une des belles filles qui y soit (C.n.n., c.1456-1467, 177)

...le dit Jehan Stotton, au deceu du dit Thomas, trouva maniere d'avoir entrée et faire le gracieulx envers leur dite hostesse (C.n.n., c.1456-1467, 386)

Et, quant ledit chevalier eut bien entendu tout le cas, et la mauvaistié et ingratitude dudit admiral, si le print par le bras en luy disant : 'Monseigneur, que voulez-vous faire ? Vous scavez qu'il n'y a gueres que le roy vous a donné l'office d'admiral, et par avant vous n'aviés point d'entrée ; monstrez que vous estes saige et home digne de memoire, et devez tachier d'acueillir bruit et honneur et non pas croire vostre fureur...' (Le Clerc, Interp. Roye, c.1502, 145)

Entree de passage

'Et cuida de commancement que ce fussent besans d'or ou pierres precieuses que l'Amourat li envoiast pour le attraire et convertir, et pour avoir entrée de passage parmi sa terre.' (Froiss., Chron. M., XII, c.1375-1400, 216)

Avoir entree sur qqn. Avoir la possibilité, l'opportunité d'attaquer (ses ennemis).

Nous voyons que le Roy n'eust oncques si grant entrée sur ses ennemyz qu'il a de present ; et, pour ce, nous sommes tous d'oppinion et avons esté et en avons plusieurs foys parlé ensemble que le Roy doit venir. (Bueil, II, 1461-1466, 139)

Auquel jour, le Roy leur remonstra ses affaires et l'entrée qu'il avoit, graces à Nostre-Seigneur, sur ses ennemyz et comment il lui sembloit que, Dieu devant, en aiant leur bon conseil et aide, il povoit à ceste heure mieulx entreprendre sur ses ennemiz que jamais. (Bueil, II, 1461-1466, 144)

Bailler entree à qqn. Donner accès à qqn, permettre à qqn de s'introduire (dans un lieu).

...pour cause de certaine conspiracion faite entre eulz et autres de baillier aux gens messire Charles de Valois entrée et obeissance en la ville de Paris (Fauq., II, 1421-1430, 337)

JHESUS. Levez sus, allons a l'encontre Pour leur bailler plus pleine entree [aux soldats qui viennent l'arrêter] . (Gréban, Pass. J., c.1450, 252)

Defendre l'entree à qqn

Li roys li deffendi l'entrée, Et dist que ja n'i entreroit Avec li, einsois demorroit, Car des gages estoit quassez, Et s'avoit gens d'armes assez. (Mach., P. Alex., p.1369, 225)

[D'une chose] Avoir entree entre des personnes. S'installer (entre des personnes).

Ainçois commença la guerre, qui est propre ennemye de nature, à regner et avoir entrée entre les prochains parens et freres, comme furent Cayn et Abel (Bueil, I, 1461-1466, 13)

b)Réception, accueil.

[D'une pers.] De bonne entree. D'un abord agréable.

Que ne fuis a tel donnee Qui meïst toute sa pensee En moy servir de bon coraige Et qui fut de grant renommee, Juenes, appart, de bonne entree, Qui fut garniz de bon visaige ! (Dupin, Mélanc. L., c.1324-1340, 151)

Donner entree à qqn devers qqn. Faciliter l'accueil (de qqn chez qqn).

[L'amoureux] ... par ville les maine et les costoie [les familiers de son amie] ; Et tant les sert Que par son sens leur bonne amour desert Et a l'amer les contraint et assert. Ceulx le loent devant elle en appert Et le blasonnent, Et de ses faiz lui parlent et raisonnent, Et sans savoir a quoy leurs mos s'adonnent Devers elle bonne entree lui donnent. (Chart., D. Fort., 1412-1413, 171)

Faire l'entree à qqn. Accueillir quelqu'un solennellement.

Du testament Jhesu quil sont executeurs ? Certes se sont les prestres, de paradix tuteur, Il sont les cherubins a la flamb(l)ant espee Qui les pervers enchassent et aux bons font l'antree. (Pass. Semur D.M., c.1420 [1488], 121)

Admission dans une communauté, une fonction, une dignité.

...que nulz n'y puist entrer qui ne payeche as mayeurs de la dite confrarie 5 s. d'entrée et aultant d'issue. (Drap. Valenc. E., 1337, 24)

Maistre Guillaume Carroble a fait le serment acoustumé à faire ceans par les maistres des Requestes de l'Ostel à leur entrée ou lieu de maistre Raoul Le Sage, par avant maistre des Requestes de l'Ostel (Baye, II, 1411-1417, 35)

Ce jour, messire Jaques du Chastellier, evesque de Paris, fist prier les presidens, conseilliers et officiers de Parlement d'estre, dimenche prochain, en l'eglise Sainte-Geneviefve, à la messe de sa consecracion, et de l'accompaignier ce jour à sa premiere entrée in pontificalibus en l'eglise de Paris, et au disner en son hostel episcopal. (Fauq., II, 1421-1430, 234)

3.Par métonymie.

Ressources, rentrées d'argent.

...les entrees royalles et le demaine du roy sont devenues comme a neant. (Mézières, Songe vieil pèl. C., t.1, c.1386-1389, 504)

De l'autre part tu as treuve [l. treuvé] les entrees de ton demaine royal si foibles et si petites et si mal revenans que au payer tes debtes, pour la despense de ton hostel royal et de la royne ta tresamee compaigne, et pour ta guerre maintenir, et satisfaire aux gens d'armes des frontieres, puet estre que lesdictes entrees ne souffiroient pas pour troys moys de l'an. (Mézières, Songe vieil pèl. C., t.2, c.1386-1389, 226-227)

...car les communes entrees des princes ne sont pas toutes souffissantes a la grant charge que ilz mainteffoiz ont, tant aux emprinses comme aux deffences de guerres et aultres despences neccessaires que tousjours sourviennent aux seigneurs ? (La Sale, Salade, c.1442-1444, 15)

REDEVANCE

Taxe perçue sur les marchandises (lors du transport, de leur introduction dans une ville, une région...).

Item, il est expedient que il [le tirant] face telement que il soit amis as grans, et leur semble que il cuelle les entrees et les oblations diligeanment et pour grace ou afin de les bien despenser. (Oresme, Pol. Arist. M., c.1372-1374, 248)

Par les entrees il entent aucune [l. aucuns d'apr. ms. A] treus que l'en prent a entrer en la region ou es cités. (Oresme, Pol. Arist. M., c.1372-1374, 249)

Encores est assavoir que le seigneur de la nef avoit cens [l. ses] rentes et entrees en la nef de la marchandise qui se faisoit ; lesquelles estoient si cleres que chacun le savoit (Mézières, Songe vieil pèl. C., t.1, c.1386-1389, 544)

...toutes coustumes, travers, peages, passages, barrages, entrées, yssues et aides de villes, reves, traiotes et tous autres droiz et devoirs mis ou à mectre sus sur toutes denrées et marchandises (Hist. dr. munic. E., t.1, 1481, 465)

Taxe à régler au moment de la reprise d'une bête confisquée.

Item, de toutes les bestes mises en dit parc, IIII d. d'entree et quatre deniers d'iessue, et pour chacun jour qui sont au dit parc pour chacune beste ung denier. (Hector De Chartres, Cout. R.B., 1398-1402, 41)

4.Force de pénétration (d'une pièce d'artillerie).

Il envoya sercher par les contrees De ce royaulme, de Flandres, d'Alemaigne Maistres ouvries pour faire penetrees, Artilleries d'importables entrees, Ce que l'on fist, fust a perte ou a gaigne. (La Vigne, V.N., p.1495, 131)

5.ASTR. [Dans le sytème géocentrique] Moment où le chemin du Soleil coupe l'équateur céleste dans le signe du Bélier ; point qui marque l'équinoxe du printemps et le début de l'année ainsi que le degré d'exaltation du Soleil.

Cestui Ysaac, selon Malius, fut expert en la theorique des planetes et trouva l'entrée du Soleil ou signe de Aries, car par icelle predisoit de la disposicion et mutacion de l'aer (Simon De Phares, Astrol., c.1494-1498, f° 19 r°)

Remarque : FEW IV, 774b : sens voisin daté de 1581.

B. -[Correspond à entrer II] Début, commencement de qqc..

1.[...d'une période]

A l'entrée dou mois d'avril Qu'oisillons chantent en l'arbril, Haut et cler, et font maint hoquet, L'an mil CCCLXVIJ. (Mach., P. Alex., p.1369, 190)

...heure de l'entrée de la nuit (Doc. Poitou G., t.5, 1388, 358)

...elle vint demourer en la ville de Paris, en laquelle elle a demouré puis eu un lieu et en l'autre, jusques environ l'entrée de Quareisme derrenierement, que elle se mist à servir ledit de Maalmes (Reg. crim. Chât., I, 1389-1392, 306)

Et aprés ce que tous les pasnages sont passés, ilz pevent mettre leurs diz pors en icelle forest jusquez à l'entrée d'aoust (Hector De Chartres, Cout. R., 1398-1408, 264)

Cedit jour, estoient presques touz messeigneurs de Parlement malades de reume et fievre tout ensemble, par une pestilence d'air qui a couru et cuert puiz l'entrée de ce present moiz (Baye, I, 1400-1410, 86)

Pour ce je relaisse a toy mesmez la recordation du cas du roy Charles le quint, ayel de Charles regnant, et la consideration de l'estat infortuné du royaulme a l'entree de son regne, et de la beneureté de France a l'issue de sa vie. (Chart., L. Esp., c.1429-1430, 147)

Alors sur l'entree de la nuit, ung peu plus tart que maintenant, je me despouillay en ma chemise et me saingny de ma couroye et de mon poignard, et aultre hernois ne portay (La Sale, Salade, c.1442-1444, 151)

Encore veul et vous commande que a l'entree et ou mylieu de Caresme, a Pasques, a Pentecouste, aux cinq festes de Nostre Dame, a la Toussaint et a Noël vous confessez et que querez bon medicin de l'ame, ainsin que querriés pour la garison du corps. (La Sale, J.S., 1456, 40)

Je plains le temps de ma jeunesse, Ouquel j'ay plus qu'autre gallé Jusqu'a l'entree de viellesse, Qui son partement m'a cellé : Il ne s'en est a pié alé N'a cheval, helas ! comment don ? Soudainement s'en est vollé Et ne m'a laissié quelque don. (Villon, Test. R.H., 1461-1462, 34)

Soit ung eslu, de pres ou loing, Qui puist estre avec nous tesmoing Que Jhesus est vray surrexi, Et de tous les haulx faiz aussy Qu'il fist puis l'entree de l'an Du sainctisme baptesme Jehan Jusques a la journee presente. (Myst. Pass. Troyes B., a.1482, 1043)

L'entree et l'issue. Le début, la fin, ici la naissance, la mort.

Il congnoist ton entree et ton yssue ains que tu soies fait, et tu entreprens congnoissance sur la Providence de ses ordonnances advenir ? (Chart., L. Esp., c.1429-1430, 98)

2.[...d'une activité, d'un événement]

Mais est verité que, le vendredi aouré derrenierement passé, ainsi comme à l'entrée du service, et environ heure de tierce, il ala en ladite abbaye en pelerinage (Reg. crim. Chât., I, 1389-1392, 215)

...ledit Jehan Fraignot, comme aussi estre alé et demeuré en la ville de Chalon (...) pour avancier au prouffit de mondit seigneur les faiz de ladicte foire et faire courre et prandre par les marchans frequentans lesdictes foires (...) la monnoye de mondit seigneur, laquelle le bailli de Mascon avoit fait descrier en son bailliaige à l'entree de ladicte foire (Comptes Etat bourg. M.F., t.2, 1418, 113)

Souviengne toy en combien grant ingratitude et voulenté injurieuse follement affectee tu as souffert et passé la grant doulceur de paix, la sceurté de justice et habondance de biens, qui depuis trante ans jusques a l'entree des guerres a duré en ce royaume (Chart., Q. inv., 1422, 26)

Mise en route, démarrage (d'un mouvement de pensée).

Car une coulombe, qu'il [Mahomet] avoit affaictee a mengier dez poiz enmillez en ses oreilles, vint a l'eure de sa predication seoir sur son espaulle portant son bec a l'oreille du trompeur pour querir sa pasture. Si cuiderent lez maleureux abestis que le saint Esperit en espece de coulombe lui revelast sez mensonges de par Dieu, qu'il preschoit au peuple par art dyabolique. Veez cy l'entree des prophecies de Mahommet, et tu, mahommetiste, doys plus avoir honte que gloire de donner foy a la doctrine de tel aucteur. (Chart., L. Esp., c.1429-1430, 119)

En particulier. Entrée en fonction.

Maistre Guillaume Carroble a fait le serment acoustumé à faire ceans par les maistres des Requestes de l'Ostel à leur entrée (Baye, II, 1411-1417, 35)

3.EAUX ET FORÊTS [D'un processus]

(Sec par) entrée. (Par) dépérissement progressif (à partir du pied de l'arbre) .

Item, ont la branche et le tiers fourq pour ardoir, le quesne et le hestre sec par entrée, pour l'amende. (Hector De Chartres, Cout. R., 1398-1408, 170)

Item, ilz ont le boiz vert en estant par entrée, tant de fou que de chesne, laquelle entrée est à entendre quant il y a sec en pié de l'arbre, en doit l'abatage dudit arbre qui viengne par amortissement d'icellui arbre et sans fraude, tant que l'en y puisse mettre le pas de la congnée, c'est assavoir le trenchant tout par le sec sans atouchier au vert (Hector De Chartres, Cout. R., 1398-1408, 291)

(Bois) d'entree. Arbre qui commence à présenter des signes de dépérissement.

Et oultre ont delivrance du boys d'entrée faite par monsieur le conte et autres gens qui ont devant tenu l'Eschiquier des eaues et forests à Rouen. (Hector De Chartres, Cout. R., 1398-1408, 296)

...abatre chesnes en estant, qu'ilz nomment d'entrée ; c'est assavoir, sitost comme en la racine ou autre part en bas ilz pevent mettre la congnie et embatre à sec (Ordonn. rois Fr. S., t.8, 1402, 530)

Si donnons en mandement au verdier et tous autres sergens et officiers à qui ce peult touchier et appartenir, que desdits usages, droitz, franchises et libertés souffrent et laissent joïr et user plainement et paisiblement sans aucun contredit, reservé le bois d'entrée, la sye et les chievres (Hector De Chartres, Cout. R., 1407, 344)

Remarque : FEW IV, 775a : «Mfr. arbres d'entrée 'qui commencent à donner quelques signes de dépérissement, ayant des branches sèches et d'autres vertes' (1376), nfr. bois d'entrée (seit Fur 1685)».

4.Au figuré.

Introduction (d'un raisonnement).

Il n'est pas bon logicien : Belle entree a et beau moyen, Mais tousjours fait conclusion A honte et à confusion (Jacques Bruyant, Voie pauvreté richesse P., 1342, 28)

Petite entree. Remarque préliminaire.

[Le duc de Clèves, critiqué par le roi, se trouve dans une assemblée avec certains officiers de la chambre du roi, dont il sait qu'ils rapporteront ses propos] ... et en effet, par petites entrées qu'il fist pour cheoir en langage, commença à dire ainsi : 'Je ne sçay que peut mouvoir le roy de soy mesler d'un si povre chevalier que je suis, autrement que de son serviteur et parent qui le voudroye servir...' (Chastell., Chron. K., t.4, c.1456-1471, 145)

Entree de matiere. Introduction dans une matière.

Affin que je recouvre à mon oubliance et que je ne soye trouvé tayseur de l'un et non de l'autre, espécialement de ce qui sert à entrée de matière, vray est que... (Chastell., Chron. K., t.2, c.1456-1471, 109)

5.Locution adverbiale. D'entree/de pleine/premiere entree. Aussitôt, d'emblée, dès l'abord.

Et aussi d'entree premiere En la sale avoit tel lumiere, Ou en sa chambre a son souper, Que on y veoit ossi cler Que nulle clareté poet estre (Froiss., Dits Débats F., 1363-1393, 186)

...Fu fait inventaire et monstree Des biens estans en sa maison Ou l'en trouva leans d'entree De pleurs et douleurs grant foison. (Hautev., Invent. biens B., c.1441-1447, 49)

Et puis se adressa au preu Lyonnel, qu'elle cognut d'entree (Percef. III, R., t.2, c.1450 [c.1340], 180)

...bon evesque d'assaillir ces perdrix et desmembrer d'entrée la meilleure (C.n.n., c.1456-1467, 582)

...et fit [le roi] venir devant luy son confesseur avec plusieurs autres gens d'église de sa famille, auxquels d'entrée ordonna à dire devant luy les sept psalmes. (Chastell., Chron. K., t.1, c.1456-1471, 330)

Vint [le duc de Bourgogne] toutevoies d'une traite et arriva à l'Escluse là où il prist terre, et non quérant repos nulle part, monta à cheval, et passant par la ville de Tournay, vint descendre à Antoing, là où il trouva cest huissier, et là venu, va demander d'entrée... (Chastell., Chron. K., t.3, c.1456-1471, 86)

...Et fist serment de plaine entree Qu'il congnoissoit les personnaiges, Tant la Simple que la Rusee (Coquill., Oeuvres F., 1478-p.1494, 83)

Se en quelque amoureuse assemblee Ung mignon peut avoir accés, Que fera il de premiere entree ? (Coquill., Oeuvres F., 1478-p.1494, 135)

Le povre portier fut si sot Qu'il me laissa dedens entrer. D'entree je vois rencontrer Front a front une chamberiere (Coquill., Oeuvres F., 1478-p.1494, 342)

...et là assortirent grant nombre d'artillerie, qui d'entrée chassa tous les gens du duc de Calabre hors du villaige de Charenton, et faillut que à grant haste ilz vinssent loger avecques nous. (Comm., I, 1489-1491, 61)

Comme il se trouva grant et roy couronné, d'entrée ne pensa que aux vengeances, mais tost luy en vint le dommaige, et quant et quant la repentance (Comm., I, 1489-1491, 69)

II. -Lieu, espace permettant l'accès qq. part.

A. -Endroit par lequel on pénètre dans un lieu (porte, ouverture, voie d'accès, chemin, passage...).

A l'entrée de ce palais Où on feïst bien un eslais, Tant estoit grans et lons et lez, Ot C. Sarrazins aus IJ. lez, Et chascuns tenoit une hache Dont on tuast bien une vache. (Mach., P. Alex., p.1369, 196)

Nos gens ne pooient monter Sus la montaingne nullement Fors par trois lieus tant seulement, Qu'il n'i avoit que IIJ. entrées Vers le chastel, assez po lées, Entre viés murs et viez terraces ; Ne riens n'i avoit que les places. (Mach., P. Alex., p.1369, 162)

Et jouste ce dit Ovide que enfer a mil entrees. (Oresme, E.A.C., c.1370, 361)

...saichant les alées et entrées de l'ostel dudit Jacquemin, [il] se avala en l'ostel dudit Jaquemin par une petite fenestre ayant regart sur la rue (Reg. crim. Chât., II, 1389-1392, 158)

Aiglentine estoit a l'entree de l'eglise, qui moult humblement fist la reverence aux deux freres et les mercia humblement du noble secours que fait lui avoient, car, après Dieu, ilz luy avoient sauvé son honneur, sa vie et son pays. (Arras, c.1392-1393, 187)

...changier l'entrée des aisemens dudit Monsieur maistre Guillaume Erart. (Comptes Archev. Rouen J., 1432-1433, 119)

...ledit gouverneur fera incontinent et sans délay vuider les eaues qui sont à l'entrée dudit voiage ['galerie de mine'] , et par les charpentiers de ladicte montaigne fera adouber et redressier l'entrée dudit voiage, et aussi redressier tous les cintres dudit voiage afin que les maistres niveleurs et ouvriers ordonnez pour ledit voiage soient mis en besongne ainsi qu'il a esté ordonné et avisé (Aff. Jacques Coeur M., 1453-1457, 350)

...il se tappit au coing d'une forte haye espesse, duquel lieu luy apparoient toutes les entrées de la maison (C.n.n., c.1456-1467, 442)

Aux entrees et yssues fait clair, et au meilleu obscur ung petit. (La Vigne, V.N., p.1495, 264)

Maistre entree. Accès principal.

C'est du chastel la maistre entree, Qui est si grande de tous lez Que mille destriers ensellez Et gens, atout lances dessus, Tant estoit haute par dessus, Ou plus y entrassent de front (Chr. Piz., M.F., I, 1400-1403, 62)

Dans une maison, les espaces, les passages ouverts aux visiteurs (différents des espaces privés).

Et premierement qu'elle commande aux chamberieres que bien matin les entrees de vostre hostel (c'estassavoir la salle et les autres lieux par ou les gens entrent et se arrestent en l'ostel pour parler) soient au bien matin balleyez et tenues nectement, et les marchepiez, banquiers, et fourmiers qui illec sont sur les fourmes, despoudrez et escovez. (Ménagier Paris B.F., c.1392-1394, 130)

À l'entree de la/d'une porte

Et atant [Remondin] se party de l'ancien chevalier, et vint au fort. Et ly sires de leans qui bien savoit sa venue, se estoit fait admener a l'entree de la porte. (Arras, c.1392-1393, 53)

...les chevaliers (...) les atendoient a l'entree de la porte, qui estoit toute close, hors mis le guicet. (Froiss., Chron. D., p.1400, 850)

Mesires Ainmeris enmena mesire Oudart de Renti en la cambre dou portier, a l'entree de la porte (Froiss., Chron. D., p.1400, 867)

...quatre des plus notables de la dicte cité lui mistrent ung ciel sur lui a l'entree de la dicte porte (Le Bouvier, Chron. Ch. VII, C.C.J., c.1451-1455, 327)

Je voy une flambe de feu Illec, a l'entree d'une porte, Et ung ange qui tient et porte, En soy, ung glaive versatil. (Myst. Pass. Troyes B., a.1482, 128)

Faire entree. Ouvrir la porte.

Faisant toutesvoies ses cris aux portes pour susciter le guet, fut faite entrée ; et vinrent vers luy les aucuns des gouverneurs (Chastell., Chron. K., t.4, c.1456-1471, 201)

Tant au milieu qu'à l'entree. En tout lieu, partout.

Faictes crier le mandement Par vostre pays et contrée, Tant ou mylieu que a l'entrée, Que chascun soit appareillié, Monté, armé et habilié, Et que prestement, sans demeure, Soient devers vous tout en l'eure. (Myst. st Adr. P., c.1450-1485, 19)

B. -En particulier.

1.Abords (d'un lieu), orée (d'une forêt), berge (d'un fleuve)....

Si trouvay une sentelette Pleinne de rousée et d'erbette, Par ou j'alay sans atargier, Tant qu'a l'entrée d'un vergier Me fist aventure aporter. (Mach., D. verg., a.1340, 13)

Einsi main a main en alames Jusqu'atant que nous nous trouvames A l'entree d'un trop biau parc. (Mach., F. am., c.1361, 189)

Corner vueil, sire, en lieu de chant, Puis qu'a l'entrée du bois sui. (Mir. Berthe, c.1373, 231)

A la requeste duquel, eulx estans à l'entrée de la forest devers ladicte ville de Soissons, il feri icelle fille, d'une hache qu'il tenoit (Reg. crim. Chât., I, 1389-1392, 109)

...sy n'avoit pas batteaux grans et souffissans pour passer ses elinphans ; dont estoit moult en soussy comment ilz passeroient. Sy se penssa et fist venir ung gladiateur de ses gens, qui nagoit merveilleusement bien ; sy fist ferir le plus fier et le plus orguilleux de tous ses elinphans sur l'entree du Rosne, puis se getta a noe dedens. (La Sale, Salade, c.1442-1444, 51)

...les roys de Marroch et de Allapie prins, et tant d'autres grans seigneurs prins et mors que pour abregier je m'en passe, dont la chasse dura plus de VJ lieues et pour la nuyt qui survint fut besoing a nos gens de retraire et d'eulz loigier sur le marois d'un estang et a l'entree d'un bois (La Sale, J.S., 1456, 221)

2.Endroit par lequel on accède à un territoire.

Peu de jours avant, et en l'an IIIIcIIIIxx et ung, avoit esté baillé Ayre audict seigneur des Cordes par le seigneur de Cohen, du pays d'Artoys, pour une somme d'argent, lequel la tenoit pour le duc d'Autriche et pour le seigneur de Bèvres, son capitaine, ville très forte assise en Artoys, qui ayda bien aux Flamans à avancer l'oeuvre, car elle est à l'entrée de leur pays. (Comm., II, 1489-1491, 301)

Et estoit le dernier remède et le lieu pour combatre ou jamais non, car c'estoit l'entrée de son royaulme et le lieu adventageux, tant pour le ruisseau que pour la montaigne (Comm., III, 1495-1498, 92)

Par métonymie. Place forte commandant l'accès d'un territoire donné.

Et le chastiel on l'apelle Chastonseal, et est la clef et li entree de Bretagne a ce lés la, et estoit pourveus et garnis de bonnes gens d'armes. (Froiss., Chron. D., p.1400, 493)

Mais celle nuit ledit roy Lancelot s'en alla a Saint Germain, près de la, qui est une des plus fortes entrees de cel royaume (La Sale, Salade, c.1442-1444, 192)

...et siet assez près de Bar sur Aube, entrée du pays de Bourgoingne, où il fut noblement receu (La Marche, Mém., II, c.1470, 398)

Et assembla tout ce qu'il peült de gens, tant de cheval que de pied, et vint à Sainct-Germain, l'entrée du royaulme, qui est lieu fort et aisé à deffendre et par où les François sont passéz deux aultres foiz, et là mist son champ et garnit la ville. (Comm., III, 1495-1498, 87)

Le roy (...) escripvit unes lettres à monseigneur le grant maistre, dont la teneur s'ensuit : 'Mons. le grant maistre, hier matin fut mis le siege devant ceste place d'Anxenis ; et a tellement esté aprouchée que, aujourd'uy environ mydy, ceulx de la place sont venuz devers moy et se sont mis en mon obeissance, Dieu mercy et Nostre Dame ; et est une grant entrée en Bretaigne, car c'est une belle place et forte, et l'avoient bien remparée de nouveau les Bretons...' (Le Clerc, Interp. Roye, c.1502, 290)

Lieu de débarquement.

Et Gadifer y a esté par deulx saisons [à la Grande Canarie] tout a effect pour voir leur maniere et leur gouvernement, leur estat et leur convine, et pour aviser les descenduez et les entrees du païs, qui sont bonnes et sans dangier (Gadifer De La Salle, Canarien, c.1404-1406. In : Chrestom. R., 63)

Et y a bonne entrée pour gallées et pour plattes fustes. (Lannoy, Voy. amb. P.H., p.1450, 111)

...Jason, (...) joyeusement s'en aloit avec Argos son maistre marinier, qui si bien le mena qu'a une tres bonne entree de la merveillable isle il le adreissa. Lors descendy Jason sus le gravier et prinst son glui et ses cendres et s'en entra en l'isle par grant desir. (LEFÈVRE (R.), Hist. Jason P., c.1460, 206)

3.[À propos d'un organe du corps]

...en la forcelle, environ l'entree de l'estomac, est ung adjoustement cartillageux appellé enciforme. (Panis, Guidon, 1478, tr.I, doct.2, chap.5)

...la partie de l'entree [du ventre] , laquelle les anciens appellent precordialle est vers la furculle. (Panis, Guidon, 1478, tr.I, doct.2, chap.6)