EMBUSCHE

substantif féminin

[T-L : embusche ; GDC : embusche ; FEW (XV-2, 29b) : *busk- ; TLF (VII, 917a) : embûche]

A. -Embuscade.

...toutes les fois qu'il chevauçoient, il estoient en grant peril pour les embusches c'on mettoit sus yaus. (Froiss., Chron. L., III, c.1375-1400, 33)

...leurs fouraigeurs, quelque part qu'ilz aloient, ne trouvoient que fourragier, et aussy pour les rencontres et embusques ilz n'osoient chevaulchier fors en grans routtes. (Froiss., Chron. M., XIV, c.1375-1400, 92)

Ja s'estoient armez Hervy et Alain, et leur lignaige, et avoient envoiez leurs gens devant en embusche, a moins de demy lieue du recept. (Arras, c.1392-1393, 71)

Et lors monta chascuns, et furent acreuz qu'ilz furent bien VIIJc. combatans, et se mirent au chemin par my la forest, a l'encontre de Remondin, et passerent par devant l'embusche ou estoient ceulz que Hervy et ses parens avoient envoyez devant, lesquelx les laissierent passer sans eulx descouvrir, puis se mirent aprez eulx au chemin. (Arras, c.1392-1393, 71)

Qant li seneschaus de Hainnau vei que chil François prendoient le cemin dou bois, si fist doubte que li François n'euissent la jetté une enbusqe (Froiss., Chron. D., p.1400, 387)

Li contes de Montfort (...) fu consilliés (...) de mettre une enbusqe sus au plus priés dou chastiel conme il poroit (Froiss., Chron. D., p.1400, 470)

Après il ordonna que, quant la battaille seroit commencee, une partie de ses gens fuiroient, ainssi comme se ilz s'en fuissent ; et quant une legion de Romme les syevy, ilz cheirent en leurs embusches (La Sale, Salade, c.1442-1444, 48)

Vous yrez descourvir l'ambuche, Monseigneur de Gres, s'i vous plaist, Et afin que riens ne trebuche D'Escalles sera au plus pres. (Myst. siège Orléans H., c.1480-1500, 401)

Asseoir une embusche qq. part

Tourne, ou je t'occiray en fuiant, combien que je le face moult a envis. Lors, quant le soudant ouy dire a Gieffroy qu'il fuioit pour un homme seul, si ot grant vergoingne. Et se voit a la corniere du bois prez de son ost, ou propre lieu ou Gieffroy avoit assise l'embusche la matinee. (Arras, c.1392-1393, 231)

Ensi conme il fu consilliet, il fu fait, et li enbusqe asisse et mise couvertement desous le chastiel. (Froiss., Chron. D., p.1400, 470)

Faire (une) embusche

Il y avoit pluisieurs castiaux et garnisons sus les frontières, qui issoient hors et faisoient embusches sur iaux. (Froiss., Chron. R., IX, c.1375-1400, 16)

Si fist une embusce de ses gens en un bois (Froiss., Chron. R., IX, c.1375-1400, 120)

...lequel sauf conduit il print et accepta, soubz ombre duquel sauf conduit, il, par trois ou quatre fois, s'est partis à pié dudit fort de Salucet, venu espier les François, qui aucune fois fesoient embuches près dudit lieu de Salucet (Reg. crim. Chât., I, 1389-1392, 123)

Se mettre/se bouter en embusche. Estre en embusche. Se tenir en embusche

Noz gens (...) se misrent en embusque en ce bos (Froiss., Chron. M., XIV, c.1375-1400, 6)

Quant noz gens les veirent venir, qui estoient en embusque ou bois, ilz sceurent bien que combatre les convenoit. (Froiss., Chron. M., XIV, c.1375-1400, 6)

Et s'en vinrent courir jusques au Mont Saint Quentin. Et là se tinrent en enbusce. (Froiss., Chron. R., IX, c.1375-1400, 249)

Et lors le menerent autre chemin, et le mena à un villaige où il n'y a que une maison, appellée Senaye, là où il savoit bien que les Englois estoient en enbusche ; et là fut prins Jehannin de Saint-Py, qui est ad present chevalier, et plusieurs autres escuïers qui estoient en sa compaignie. (Reg. crim. Chât., I, 1389-1392, 55)

Et assez tost apres ledit lieutenant le fist venir a la porte devant dudit chastel acompaigniez de pluseurs et grans quantités de gens d'armes, sergens et arbelestriers armez et arbilliez, qui se meyrent en amborche derrirez la dicte porte, si come nous l'apercehusmes et veismes clerement (Doc. 1391. In : M. Bubenicek, Entre rébellion et obéissance, 2013, 601)

Et ce faulx traitre que je voy la, et ses complices admenerent le nepveu du roy, et se mirent en embusche. Et mon pere, qui garde ne s'en donnoit, y vint a celle heure. Et quant Jossellins le perceut, si dist au damoisel : Or est il temps de vous vengier ; il est tous desarmez, sans coustel et sans espee ; il ne vous puet eschapper (Arras, c.1392-1393, 58)

...il se bouterent en enbusqe ens es haies et buissons dalés Mortagne. (Froiss., Chron. D., p.1400, 303)

...il envoya des gens pour se mettre en embusche encontre Nostre Dame des Champs. (Gruel, Chron. Richemont L., c.1459-1466, 117)

Et, neuf jours après la prinse dudit Saint-Morise, qui avoit esté rendue par composition, le bastard Vigier, desirant recouvrer la perte que son maistre avoit faicte de sondit lieu et aussi pour garder que son honneur ne fust blessé, partit de nuyt de Saint-Fergeau avecques quinze ou saize de ses compaignons et s'en revint audit lieu de Saint-Morise et se mist en embusche dedans les fossés, esquelz pour lors n'y avoit point d'eaue, puis trouva moyen de entrer en ungne granche. Et, luy estans en icelle maison en embuche, arriverent en icelluy lieu troys ou quatre hommez de Montargis, que le cappitaine dudit lieu envoyest à ceulx de Saint-Morice pour les advertir que ledit Vigier estoit sur les champs pour recouvrer ledit lieu. (Le Clerc, Interp. Roye, c.1502, 190)

B. -Par métonymie.

1.Lieu de l'embuscade, cachette.

...nous yssimes hors du bois et de nostre embusque et entrames ou pré. (Froiss., Chron. M., XIV, c.1375-1400, 7)

Et quant le soudant voit sa perte, si recule tout le pas en rassemblant sa gent et en attendant les autres qui venoient. Et atant en rassembla bien Xm. Mais Gieffroy sailly de l'embusche et commence a ferir, il et ses gens, sur ceulx qui le suivoient le soudant sans ordonnance, qu'en pou d'eure en ot mis IIJm. mors par le chemin. (Arras, c.1392-1393, 230)

Lequel monsr du Liege, inclinant à leur requeste, saillit de ladicte cité du Liege et ala avecques eulx aux champs, tout droit où estoit ledit de la Marche, lequel, quant il vit ledit evesque, se descouvrit de l'embusche où il estoit et s'en vint tout droit audit monsr l'evesque. (Roye, Chron. scand., II, 1460-1483, 119)

Et incontinent ledit monseigneur de Liege, qui n'avoit aide ne secours que de ses serviteurs et familiers, se trouva fort esbahy, car ledit de la Marche, qui estoit sailly de sadicte embusche, s'en vint à luy, et, sans autre chose dire, luy bailla d'une taille sur le visaige, et puis luy mesmes le tua de sa propre main. (Roye, Chron. scand., II, 1460-1483, 119)

DOYEN. Cachons nous. OFFICIAL. Faisons bonne myne. (Ainsi que sainct Martin chemine, ilz sortent de leur embusche et le prennent.) (La Vigne, S.M., 1496, 412)

2.Troupe en embuscade.

Moult se commencerrent à esbahir ceulx du chastel quant ilz veirent l'embusche venir (Le Bel, Chron. V.D., t.1, 1358, 279)

Il ne se donnèrent de garde ; si se boutèrent en l'embusce, qui estoit grande et forte. (Froiss., Chron. L., II, c.1375-1400, 7)

...une embusche de trois cens lances, des quelz messires Hues de Chastillon estoit chiés. (Froiss., Chron. R., VIII, c.1375-1400, 186)

Enssi que cil chevalier et escuier qui avoient pris leur retour, s'en revenoient à Audenarde, Ernouls Clers et li embusque leur sailli au devant. (Froiss., Chron. R., X, c.1375-1400, 76)

Qant li François (...) furent venu priés au pont et il veirent la grose enbusce qui la estoit au devant dou pont toute armee et ordonnee et qui les atendoit en tres bon convenant, si furent tout esmervilliet (Froiss., Chron. D., p.1400, 442)

...qant il seroient hors, li enbusqe saudroit avant et les encloroit entre le chastiel et l'oost. (Froiss., Chron. D., p.1400, 470)

Qant il furent issu (...) evous l'enbusque venant tout le pas autour dou chastiel (Froiss., Chron. D., p.1400, 470)

Lesquelz, voians lesdiz Anglois en trop grant nombre pour eulx, retournèrent tantost en tirant très fort devers leur embusche, auxquelz ilz noncèrent la venue des dessusdiz Anglois. (Monstrelet, Chron. D.-A., t.3, c.1425-1440, 302)

...auprès de laquelle avoient assis une embusche, comme de VI à VIIxx combattans. (Escouchy, Chron. B., t.1, c.1453-1460, 274)

Le seigneur (...) par une faulse porte ordonna une embusche à cheval et à piet. (...) Lors saillit l'embusche, par laquelle les Galloiz furent tant par armes que par canons et aultre trait, XJ^xx que mors que prins. (La Sale, Reconf. De Fresne H., 1457, 25)

Oudit moys de juing, le mardi XXVIIe, monseigneur l'admiral et ceulx de sa compaignie, qui avoient esté ordonnez de par le roy à faire le gast en Picardie et Flandres et de mettre à feu et à sang tout ce qu'ilz trouveroient esdiz pays, vint ledit jour mettre ses embusches près de la ville d'Arras ; et, icelles mises, envoya environ XL lances courir devant ladicte ville d'Arras. (Roye, Chron. scand., I, 1460-1483, 337)

Lesquelz d'Arras, cuidans desconfire lesdictes lances, firent sur eulx grans saillies, qui vindrent asprement courir sus ausdictes lances, lesquelles se vindrent rendre esdictes embusches et après eulx lesdiz d'Arras, tous lesquelz furent enclos par lesdictes embusches, qui sur eulx chargerent et les mirent en fuite ; et, en fuiant, y en ot de tuez de XIIII à XVc hommes. (Roye, Chron. scand., I, 1460-1483, 337)

Et, le vendredi au soir, devant le jour des Brandons, trouverent iceulx Suixes moien d'enclorre lesdiz deux chasteaulx en façon telle que ceulx qui estoient dedens n'en povoient saillir, et mirent leurs embusches entre et assez près desdiz deux chasteaulx, en ung petit bois près de là où les Bourguignons avoient mises leurs batailles. (Roye, Chron. scand., II, 1460-1483, 7)

C. -Par extension.

1.Piège, guet-apens, machination secrète, ruse.

...son cousin le jone signeur d'Enghien (...) fu ochis par enbusque devant Gand (Froiss., Chron. R., X, c.1375-1400, 201)

...maladies sans nombre et tribulacions soudaines, saillans en place et issans come d'une enbuche, qui sans misericorde et jour et nuit li queurent sus (Mézières, Test. G., 1392, 301)

En toutes manières, soit par embuches ou aultrement, on doit prendre son advantage sur son adversaire (Juv. Urs., Verba, 1452, 255)

...ainsi fut l'embusche du faulx hermite descouverte (C.n.n., c.1456-1467, 4)

... [le condamné] joua une chanson que les compaignons de l'embusche dessusdicte cognoissoient tresbien, et y avoit 'Tu demoures trop' (C.n.n., c.1456-1467, 452)

Il crie que c'est grant hideur : Il y a quelque grosse embusche. (Myst. Pass. Troyes B., a.1482, 336)

En particulier. Ruse conduite en secret.

...l'embusche fut descouverte, et de fait [elle] fut prinse a tout l'abit dissimulé par son mary [Une femme se déguise en moine pour aller retrouver son amant au monastère] (C.n.n., c.1456-1467, 374)

Si delibera de descouvrir l'embusche a son maistre, qui n'en fist que rire, car assez s'en doubtoit [La maîtresse d'un chevalier, courtisée en secret par le chapelain craint que la vérité ne soit découverte] (C.n.n., c.1456-1467, 454)

2.Secret.

Descouvrir l'embusche

... [ledit Vieil Pelerin] a plainement descouvert le pot et l'embusche, qui n'est pas latente ne trop secrete ; c'est assavoir, amoreusement et par grant charite, en cestui present Songe, il a effondree l'apostume qui tant de douleurs, de soupirs et de sincopes a fait a toute crestiente, et par espicial au royaume de France (Mézières, Songe vieil pèl. C., t.1, c.1386-1389, 103)

Le petit Saintré, qui n'osoit descouvrir l'embuche de ces CLx escuz, en ses prussectes celle nuyt les fist dormir, de paour qu'ilz ne lui fussent robez. (La Sale, J.S., 1456, 70)

Monseigneur, pour vostre honneur et celuy de la fille aussi, il me semble qu'il vault mieux que je lui descouvre l'embusche de vostre vouloir (C.n.n., c.1456-1467, 154)

...elle en bref luy compta comment l'embusche de leurs amours estoit descouverte et venue desja a la cognoissance de monseigneur son pere (C.n.n., c.1456-1467, 165)