DANGER

substantif masculin

[T-L : dangier ; GD : dangier ; GDC : dangier ; AND : dangier ; DECT : dangier ; FEW (III, 128a-b) : *dominiarium ; TLF (VI, 694b) : danger]

A. -Fait d'exercer un pouvoir, une domination, un contrôle sur qqn et réciproquement le fait d'y être soumis.

1.[Au sing. ou au plur.] Pouvoir plus ou moins discrétionnaire de qqn sur qqn.

Elle n'avoit besoing de riens, Ne li failloit chose nesune ; Hors estoit des mains de Fortune Et de son perilleus dangier. (Mach., J. R. Nav., 1349, 181)

...voz besoingnes sont en bon party, et vostre pays est delivré du dangier des Sarrasins par la puissance de Dieu (Arras, c.1392-1393, 188)

...Mais vous estes no sire et no souverain chief, Plus de vous que d'un aultre doibz souffrir les dangiers. (Cip. Vignevaux W., p.1400, 93)

Au/en/es danger(s) de qqn/d'une chose personnifiée

Au pouvoir, à la merci, à la discrétion, entre les mains de qqn.

Quant li villain entrecudiez, Tient aucun homme en ses dangiers, Se li fait orguilleux visaige. (Dupin, Mélanc. L., c.1324-1340, 143)

...il est bon Que tu saches aucun mestier, Par quoy (...) Ton estat par honneur maintiengnes Sanz ce qu'en dangier d'autrui viengnes (Mir. st Panth., 1364, 310)

Longement fu li jones contes ou dangier de chiaus de Flandres et en prison courtoise, mais il li anoioit, car il n'avoint point ce apris. (Froiss., Chron. L., IV, c.1375-1400, 34)

'...Dieux, dit elle [Suzanne, sollicitée par les vieillards] , angoisses sont a moy de toutes pars ; car se je fais ceste chose, morte suis comme a Dieu, et se je ne le fay, je ne pourray eschapper de leurs mains que ne soie tormentee et lapidee. Mais mieulx me vault sans mesfaire cheoir en leur dangier que faire pechié devant Dieu.' (Ménagier Paris B.F., c.1392-1394, 49)

Et chil qui demorerent furent ens ou dangier de lors ennemis qui n'en avoient nulle pité, mais i ot ce jour grande ocision. (Froiss., Chron. D., p.1400, 767)

Et don ce vient Qu'en son dangier [d'Amour] ainsi passer couvient -- Et tost ou tart chascun sa foys y vient Dont l'un joyeux, l'autre triste devient -- Et qu'en une heure Tel rit du cuer, qui aprés des yeulx pleure, L'un est eureux et l'autre est au desseure, L'un a plaisir, Dueil court a l'autre seure, L'un rit et chante, L'autre maudit sa fortune meschante, L'autre est ravy en pensee plaisante, L'un ne s'en plaint ne l'autre ne s'en vante. (Chart., D. Fort., 1412-1413, 159)

Et, pour ceste cause et pour autres, la Court sursey lors de proceder contre ledit Loys, qui demoura ou dangier de la Court (Fauq., I, 1417-1420, 315)

...je suis en vostre dangier, sire, et ne me puis encores venger. (C.n.n., c.1456-1467, 505)

...J'acumulle et amasse En mes dangiers les foibles [et] les fors (La Vigne, V.N., p.1495, 161)

En danger de qqc. Sous l'influence de qqc. (ici, d'un corps céleste).

Car entre les signes seurs et raisonnables qui apperent es planetez et es estoilles par la vertu du Souverain Createur, il se entrelache un signe de marvilleuse fachon sans ce qu'il moustre bien qu'il ne soit en dangier de planette ou d'estoille ne du firmament, aussy comme s'il fust contre nature, car nulle raison ne poeut aucunement concepvoir son estat. (Percef. IV, R., c.1450 [c.1340], 545)

...le signe, a ce que je puis voir, n'est gouvernee [signe peut être fém. en ancien et en moyen français (Éd.)] ne en dangier du firmament ne d'aucune creature que Dieu ait faitte (Percef. IV, R., c.1450 [c.1340], 562)

Hors de danger de qqc. Libéré, affranchi de qqc..

...et puissent succéder les ungs es aultres par successions directes, collectéraulx et aultrement et faire un surplus comme personnes franches estans hors de dangier de toutes servitutes de main morte peuvent, doivent et leur est loisible de faire user et succéder. (Chartes communes Bourg. G., t.2, 1456-1457, 601)

Fait d'être responsable de qqn.

Estre hors du danger de qqn. N'avoir plus la responsabilité de qqn.

DEUXIESME SERGENT. Livrer les nous fault, ce me semble A Vuidebource le jolier ; Si en serons hors de dangier. (Mir. st Val., c.1367, 153)

2.[Sens affaibli]

a)Bon plaisir, bon vouloir de qqn.

...nous estions enclos de tous costez, et (...) ung oyselez ne se fust parti de Bourbourcq sans le dangier des François (Froiss., Chron. M., XIV, c.1375-1400, 37)

Qant li rois d'Engleterre et les Englois orent congnissance que li Normant estoient devant l'Escluse, et ne pooient prendre terre fors par lor dangier, si jetterent lors ancres et se tinrent tout quoi pour entendre a lors besongnes et ordonner lors batailles (Froiss., Chron. D., p.1400, 404)

...il ne pooient retourner arriere que par le dangier des Englois (Froiss., Chron. D., p.1400, 880)

Si vient à Guenellet et lui dit que sa fille ne vouloit avoir nul mary quant à present. 'Comme, dit Guenelet, me refuse elle ? Il n'en sera pas du tout à son dangier.' (Ponthus Sidoine C., c.1400, 156)

Paine, paour, povreté, perte et doubte Ont assiegé si ma pensee toute, Qu'il n'en sault rien fors que par leur dangier ; Ainsi me fault mon sentement changier (Chart., L. Esp., c.1429-1430, 2)

Or y avoit il en vuidant l'oratoire bonne distance, premier que l'on venist à un huys dont le clerc de chapelle porta la clef et n'en pouvoit nul dehors, sinon par son dangier. (Chastell., Chron. K., t.3, c.1456-1471, 233)

Sy firent tant par nuit et par jour qu'ils prirent la rivière çà et là, tant que nul ne pouvoit plus entrer dedans la ville, ne saillir dehors, fors par leur dangier (Chastell., Chron. K., t.5, c.1456-1471, 331)

En danger de qqn. Avec la permission de ; peut-être, aux frais de' (Heilemann).

Or estoit le dauphin à Bruges et là passoit son temps avec la fortune povre et desprivé de tous biens et n'avoit denier vaillant au monde, dont il se pust aidier, sinon en dangier d'autrui. (Chastell., Chron. K., t.3, c.1456-1471, 313)

b)Par métonymie. Prétention, orgueil (comme conséquence du pouvoir, de la puissance).

Par quoy, quand je regardoie les matières estre telles entre les deux personnes et de tel dangier tous deux [Louis XI et Charles le Téméraire] , peu m'estoit autre espoir, sinon d'avoir rumeurs et turbations durant leur vie (Chastell., Chron. K., t.5, c.1456-1471, 372)

Au pluriel. Manifestations concrètes d'orgueil, insolences.

Car telz poulains versent et verseront Euls et touz ceuls qui les lievent premiers, Si qu'a la fin les couls se casseront, Ou advendra c'uns chevaulx grans et fiers Ne pourra plus endurer leurs dangiers, Si les rura a terre et fera cas (Desch., Oeuvres Q., t.5, c.1370-1407, 96)

Exigences, hauteurs.

Pour obvier a ses dangers [de la femme aimée] , Mon mieulx est, ce croy, de partir. A Dieu ! Je m'en vois a Angers, Puis qu'el ne me veult impartir Sa grace ne me departir. (Villon, Lais R.H., c.1456-1457, 13)

Insultes, outrages.

Et en leur debas [entre ceux qui aiment les chiens et ceux qui aiment les oiseaux] a eu mont de rampones et de dagues [var. reprouches, d'argus, dangiers, desdaings], si vous diroi chen qu'il en avint une fois. (Henri Ferr., Modus et Ratio, Livre deduis T., c.1354-1377, 230)

Caprices, prétentions.

Quant li rois d'Engleterre (...) entendi que li rois de Navarre estoit acordés au roy de France (...) si fu durement courrouciés : mès amender ne le peut tant qu'à celle fois, et li couvint souffrir et porter les dangiers son cousin le roy de Navare. (Froiss., Chron. L., III, c.1375-1400, 41)

Proverbe. Il n'est danger que de vilain

Il n'est danger que de villain, N'orgueil que de povre enrichi, Ne si seur chemin que le plain, Ne secours que de vray amy (Chart., R. Bal., c.1410-1425, 391)

On dit, et il est tout certain, Qu'il n'est dangier que de villain N'orgueil que de povre enrichi. (Pouvre peuple H., c.1450-1492, 189)

Il n'est dangier que de villain ! (Gérard de Nevers M., c.1451-1464, 154)

...Il n'est dangier que d'orguilleux vilains. (Molinet, Faictz Dictz D., 1467-1506, 214)

3.Situation de contrainte, état de soumission, de dépendance.

...De seürté en grant doubtanche, D'espoir ferme en desesperanche (...) De grant euür en grant misere Et de grant franchise en dangier, Ainsy me veïst on changier (Echecs amour. K., c.1370-1380, 169)

Il fait mon plour en ris changier, En haulz delis mon dur dangier. (Pastor. B., c.1422-1425, 83)

...et, pour nous plus metre en dangier, Font nostre roy d'un estrangier Qui n'est que comme lieutenant Dessoubz l'empereur maintenant. (Gréban, Pass. J., c.1450, 208)

Atant se taist l'istoire du roy et retourne a parler de Lyonnel et de ses compaignons pour racompter partie des travaulz et paine qu'ilz souffrirent ainz qu'ilz furent delivrez du mauvais dangier ou ilz estoient. (Percef. III, R., t.1, c.1450 [c.1340], 198)

...car amour veult estre franche et debonnaire et avoir per et non pas maistre, mais seigneurie est communement orguilleuse et dangereuse et veult estre amée par auctorité et par crainte, soubz lesquelles plus est de dangier que de franchise. (Ovide mor. B., 1466-1467, 110)

[À propos du mariage]

A cheulx donc qui bonnement peuent et veullent contenir ['vivre continents'] , n'est pas expedient de marier mais anchois ainssi demourer, selonc le dit de l'Apostre : 'Il leur est bon se ilz demeurent ainssi comme moy. Et pour ces deux choses, asscavoir pour la gloire de virginité et pour le dangier ou dommage lequel survient en mariage...'. (Daudin, De la erudition H., c.1360-1380, 318)

Et quant j'entens ces poins et note Le dangier felon et cruel Et le tourment perpetuel Que ceuls ont qui seufrent tel vie, Talent n'ay que je me marie. (Desch., M.M., c.1385-1403, 30)

Tenir qqn en (son/ses) danger(s). Tenir qqn en son pouvoir' ; d'où 'tenir en captivité.

Je qui suis vostres sires, vous me tenez en dangier, lequel je n'ai point apris, car a painnes puis je aler pissier que trois ou quatre gardes ne soient sur mi. (Froiss., Chron. D., p.1400, 801)

Et sy ont prins [ces femmes] et empruntez Habiz d'ommes couvertement, Ou quel chascun jour, patemment, Visitent tous les prisonniers Qu'ilz sont tenus en tes dangiers (Myst. st Adr. P., c.1450-1485, 141)

...luy priant que de luy volsist avoir pitié comme il avoit fait d'eulx quant en son dangier les tint. (Hist. seign. Gavre S., c.1456, 70)

Au danger de prison. En captivité.

Et disoient communement tous et touttes, quant on le vey ou dangier de prison, qu'il le vouloit embler et mettre hors d' Angleterre. (Froiss., Chron. L., III, c.1375-1400, 41)

À danger. En captivité.

...Le roy fist delivrer et Raymon le princier Et Garno et lez aultre qui furent a dongier. (Lion Bourges K.P.F., c.1350, 449)

Sans danger

Dans une certaine liberté, sans contrainte qui asservit.

Et amenèrent le plus grant partie de leurs prisonniers en leur compagnie en le cité de Paris. Là les tinrent il tout aise et sans dangier, et les recrurent sus leurs fois courtoisement sans aultre constrainte. (Froiss., Chron. R., VIII, c.1375-1400, 5)

Gardez vous que vous n'acroiez ja chose que vous puissiez bonnement paier. Et se par neccessité vous fault accroire, tantost que vous avez l'aisement, faictes en satisfaction. Et ainsi pourrez vous estre sans dangier et vivre honnourablement. (Arras, c.1392-1393, 85)

De soi-même.

La mort aussi survient a l'adolescent contre le cours et repugnance de nature, pour che est elle griefve ; mais aux anchiens elle vient comme de son gré, sans quelque forche, pour tant elle est legiere. Comme dont les pommes des arbres, quant il sont crus et vers, sont abatus par forche, mais, se il sont meürs et cuis par le soleil, ilz cheent sans dangier. (Daudin, De la erudition H., c.1360-1380, 304)

4.[Dans le langage amoureux] Pouvoir de la femme aimée sur l'amant.

Et si ne sçay que je feroie, Se hors de son danger estoie : Tant l'aim je et croy. (Mach., Compl., 1340-1377, 242)

Vous savez bien que par dit et par fait Vous ai servi loyaument, sans meffaire, Et qu'adès vueil vo dous service faire, Com cilz qui tous à vo dangier m'encline De cuer, de corps et de volenté fine. (Mach., L. dames, 1377, 72)

[Dans des tours plus ou moins stéréotypés]

Bien voi qu'en vostre dous dangier Fera Amours mon temps changier. (Acart, Prise am. H., 1332, 35)

Pour c'en doubtance et en cremour Vueil ma douce dame obeïr, Servir, celer, et sans partir Vivre en son amoureus dangier. (Mach., D. verg., a.1340, 56)

Mais se vos cuers me deingnoit resjoïr Et moy faire certeins de vostre amour, Ne me vueilliez estrangier Pour mesdisans de vostre dous dangier, Car riens fors vous ne me porroit deffendre (Mach., L. dames, 1377, 169)

Quant je vouldray Amours servir Et me mectre en son doulx dangier (...) Ung aultre y vouldray avancier Qui trop mieulx de vous me plaira (Lannoy, WERCHIN, Ball. P., 1404, 359)

Danger amoureux. Force et pouvoir de l'amour.

Lion et Florantine la belle au corpz legier En regardant l'un l'autre per amoreux mestier Se sont si anbraiseéz de l'amoreux dongier Que l'un encoste l'autre se sont allér couchier (Lion Bourges K.P.F., c.1350, 256)

5.Par extension. Contrôle exercé par qqn, intervention de qqn ou de qqc..

a)Intervention de qqn.

...pour ce que les impressions dessus dictes ne sont de riens subgettes a nostre liberté ne a la voulenté franche, ains se font et adviennent en certain temps et en certaines heures par droite naturelle neccessité et sans nostre dangier. (Evr. Conty, Harm. sphères H.P.-H., c.1400, 25)

b)Intervention, aide de qqc..

Sans (le) danger de qqc. Sans l'aide de qqc..

...la riviere qui keurt parmi la ville de Kem, qui porte grosse navie, estoit si basse et si morte qu'il le passoient et rapassoient à leur aise, sans le dangier dou pont. (Froiss., Chron. L., III, c.1375-1400, 145)

Finablement, nulle chose notable ne peut estre bien faicte, ne bien dicte, ne bien seant, sanz le dangier des nombres, et par especial des nombres musicaux (Evr. Conty, Eschez amour. mor. G.-T.R., c.1400, 104)

Sy faisoient ainsy, pour convenir ensamble, que Leander de nuit s'en venoit a la mer et sailloit enz tous nus, et ainsy en noant, sanz dangier de batel, faisoit par sa proesce tant qu'il passoit tout oultre. (Evr. Conty, Eschez amour. mor. G.-T.R., c.1400, 432)

Par ce peut il clerement apparoir que les demi tons ont et les tons en musique utilité tres grande quant les consonancies dessus dictes s'en deppendent ainsy. Et a la verité on ne pourroit chanter sans leur dangier ne bien ne convenablement (Evr. Conty, Harm. sphères H.P.-H., c.1400, 53)

Et pour ce aussy que les quatre elemens sont matiere commune de tout ce qui se fait en ce monde terrestre par voie de Nature et que Nature ne peut sans leur dangier riens faire, pour ce les mesle elle et assamble par mesure certaine (Evr. Conty, Harm. sphères H.P.-H., c.1400, 69)

Au danger de qqc. Sous la protection de qqc..

Et est celluy passaige au danngier dudit chastel. (La Broquière, Voy. Outr. S., c.1455-1457, 103)

...et y pourroit on faire tres bon port pour petit navire au dangier de la fortereresse. (Béthencourt, Canarien G., c.1490, 129)

Remarque : L'idée est celle de contrôle exercé par les maîtres d'un lieu fortifié, contrôle qui peut être protection ou menace, selon les cas.

Importance que prend qqc..

Donc, comment il en fit, ne par quelle maniere, se dira cy-après ; car estrange en sera la narration qui s'en fera, et l'effet, de grant danger pour la conséquence. (Chastell., Chron. K., t.5, c.1456-1471, 8)

Faire danger de qqc. Accorder de l'importance à qqc., se soucier de qqc..

Or ne faisons donquez dangier Ne de boire ne de mengier : Dieux scet mieulx que nous ne savons Que de tout ce besoing avons. Qui s'en soussie, il est trop niche. (Le Fèvre, Respit Mort H., 1376-1380, 18)

...car n'est riens après son âme dont il fasse dangier que de son honneur. (Chastell., Chron. K., t.3, c.1456-1471, 75)

Qui doncques fait poix et danger de son honneur, il se garde de pervers conseil (Chastell., Chron. K., t.5, c.1456-1471, 147)

Mais quand je regarde et considère la condition des princes de la terre, comment en ce dont un povre noble homme feroit grand poids et grand refus de le commettre, eux, plus encore sont grans, moins encore en font estime et danger (Chastell., Chron. K., t.5, c.1456-1471, 475)

Mettre danger en qqc. Attacher de l'importance à qqc..

...en la terre n'avoit prince alors qui fust plus curieux de bien faire ne plus mettant dangier en la garde de son honneur (Chastell., Chron. IV, D., c.1461-1472, 92)

6.DROIT

a)Droit dû au roi, en Normandie, sur la récolte et la vente de bois de son domaine (le droit est de 10%).

...et aultres choses queulxconques à leur usage en quelque maniere, appartenant d'ancienneté, ovec la garde et juridiction qui a causes desdis usages et des damgers et esmolumens ad ce appartenant, en retenant la garenne et ses aultres drois non desclariés ou previlège dessus dit. (Hector De Chartres, Cout. R., 1398-1408, 18)

...et le pevent faire couper [le bois] sans danger et sans amende, en tous temps, entre deulx soleux, excepté les jours festes. (Hector De Chartres, Cout. R., 1398-1408, 275)

En particulier. Tiers et danger. Double droit sur le bois, dans certaines forêts du domaine royal.

[Charles V donne à] Guillemin le Mercier, barbier et serviteur de nostre très chier et amé frère le conte de Harecourt (...) l'office de sergenterie du tiers et dangier des menuz boiz de la viconté de Ponteaudemer (Mand. Ch. V, D., 1391, 874)

...en Normandie et plusieurs aultres lieux, sont plusieurs forestz et bois, buissons en aultre fons et Demaine, esquelz Nous avons Tiers et Dangier, Grurie et aultres droiz (Ordonn. rois Fr. S., t.5, 1401, 530)

Pour la délivrance de XX quesnes prins en lad. forest hors la vente dud. Pastart, lesquieulx avoient esté arrestés en cas de forfaicture par les officiers du Roy pour le tiers et danger, non paié, en plusieurs parties, tant au sergant que a Jehan Gouel, lieutenant du maistre des eaues et des forestz, paié IX l. XIIIIs. Vd. (Comptes Archev. Rouen J., 1463-1464, 334)

Remarque : Doc. 1460 (Bayeux, nostre boys et forest de Montpinchon qui ne doit tiers ne dangier), 1483 (que aucun en ladicte duchié de Normandie ne soit tenu paier doresnavant a nous ne a autre en nostre nom tiers ne danger de mort bois) ds GD II, 421b.

Voir tiers

b)Jouissance de qqc., droit sur qqc..

Disoient aussi qu'ilz povoient et peuent mener esdictes Coustumes tant de bestail aumaille comme il leur plaira, et des pourceaux pour leur user tant seullement (...) Et disoient lesdiz habitans que pour lesdiz dangers que ilz avoient en icelles Coustumes, eulx et leurs ayans cause doivent et sont tenuz de faire ung disner ou soupper, lequel qu'il plaira, a mondit maistre le gruyer ou a son lieutenant (Chartes Abb. St-Magl. T.F., t.3, 1397, 714)

Item, [les religieux, abbé et couvent de Lessay] ont droit de chasser es dis boys touteffois qu'il leur plest, pourveu que le verdier ou le sergent de la garde où ce sera seroient presens avecquez eulx, et est le danger de la chasse leur. Et pour ce sont tenus paier au roy notre seigneur six livres de tournois de rente par chacun an aux termes dessus dis. (Hector De Chartres, Cout. R.B., 1398-1402, 119)

De M^e Martin de Fresnes, chanoine de Paris et curé de Saint Nicolas des Champs, pour une tournelle estant joignant de ladicte porte du Bourc l'Abbé, avecques le dangier des anciens murs de ladicte ville (Comptes Paris M., t.2, 1457-1458, 31)

Avoir son danger de + inf. Avoir le droit de.

D'une petite maison (...) baillée de nouvel à Michelet Maillard, cordier, (...) à tiltre de loyer, de la Saint Jehan 1425 jusques à trois ans suivans et accomplis, pour le prix de 40 s. p. par an, parmy ce qu'il doit avoir son dangier de povoir mettre et asseoir ses tresteaulx et autres oustils au long de la muraille de la ville (Comptes Paris V.L.D., t.1, 1425-1426, 74)

c)Par métonymie. Propriété, domaine.

...Nicolas Fouquerent, povre varlet que, comme cestuy an present, lui estant varlet du curé de Saincte Waubour ou diocese de Luçon, eust prins en un demaine et dangier du dit curé son maistre certaines bestes qui estoient à Guillaume Landerea (Doc. Poitou G., t.5, 1384, 229)

Mais cilz n'orent pas oubliee La villenie et le meffait, Que Leomedon leur ot fait, Quant les chaça de son dangier (Chr. Piz., M.F., III, 1400-1403, 47)

...lequel par plusieurs foiz avoit fait dire et remonstrer audit Pierre le Menusier qu'il n'alast plus chasser à l'arbaleste en ses garennes et dangiers de la Grange (Doc. Poitou G., t.12, 1480, 323)

Territoire d'un seigneur, d'un roi.

...à aulcuns qui ont plaisance de retourner en Angleterre par terre, si convient qu'ilz passent par les dangiers de vous, du roy de Navarre et du roy de France (Froiss., Chron. M., XIV, c.1375-1400, 105)

...les gens marchans et aultres ne povoient aler, ne passer, entrer en Alemaigne fors par les dangers et terres du duc de Jullers et du duc de Guerles. (Froiss., Chron. M., XIV, c.1375-1400, 160)

B. -Fait ou capacité de résister, de refuser, de créer des difficultés (comme attribut du pouvoir ou comme opposition à un pouvoir).

1.Résistance, refus.

a)Danger de qqc. Refus de qqc. (ici, attitude consistant à faire la fine bouche devant la nourriture).

Par groing de pourcel ensement peus-tu [la jeune épouse] entendre clèrement Qu'en toy ne doit avoir danger Ne de boire, ne de menger, De grant disner, ne de petit : Tous dois prendre par appétit Et en bon gré, se tu es sage (...) Et fay tout ainsi com le groing Du pourcel qui partout se boute ; Tout prent en gré, riens ne déboute (Jacques Bruyant, Voie pauvreté richesse P., 1342, 23)

Emploi absolu. [À propos d'un moine qui fait le délicat]

Par ton dongier montres trop bien Que deciplez iez Galien. Se de Jhesu de Galilee ['Si tu étais disciple de Jésus'] Mengasses volentiers poree ! (Mir. N.D. Rosarius K., c.1330, 6)

Nausée, mal au coeur (chez la femme enceinte).

Des dormirs, des divers mengiers Me tais et des menus dangiers De femme grosse et de son istre, Car trop serait long ce chapitre. (Desch., M.M., c.1385-1403, 128)

b)Faire danger (de qqc.). Refuser (qqc.), faire à contre-coeur.

...Ne soye cessans D'aler par tous lieux confessans, Sans faire reffus ne dangier. (Renart contref. R.L., t.2, 1328-1342, 49)

PREMIER BOURGOIS. Je vueil donc conmencier la route D'aler devant. DEUXIESME CLERC. Et nous vous irons tuit suivant, Sanz atargier. DEUXIESME BOURGOIS. N'en devons pas faire dangier, Quant mon seigneur y plaist venir, Mais son conmant tout acomplir Benignement. (Mir. mère pape, c.1355, 384)

Li aucun hault baron de France, qui esleu et nommé estoient pour estre ostagiier et entrer en Engleterre, refusoient et ne voloient venir avant et en faisoient grant dangier. (Froiss., Chron. L., VI, c.1375-1400, 25)

Tous conduirent par forche en leur chastel planier, Car cilz qui les gardoient [le bétail] ne firent nul dangier (Cip. Vignevaux W., p.1400, 91)

[Le roi] ...vouloit faire sortir les questions et les causes de Bretagne à la cour du Parlement, avecques plusieurs autres coses, dont le duc et ses barons faisoient danger et contradiction. (Chastell., Chron. K., t.5, c.1456-1471, 7)

Faire danger de + inf. Faire des difficultés, se faire prier pour.

S'aulcuns lour demande ou requier, De respondre font grant dangier, Soit a vilain ou a gentilz. (Dupin, Mélanc. L., c.1324-1340, 101)

En telle maniere demoura ledit roy de France et son aisné filz à Calays, moult longuement, par la deffaulte des haults pers et barons de France, qui faisoient grand dangier d'entrer en hostage pour delivrer leur roy (Le Bel, Chron. V.D., t.2, 1360, 320)

Sire, ne me faites dangier De bailler ce que vous m'avez Promis (Mir. Oton, c.1370, 349)

...se desloa l'ost et errerent tant qu'ilz se logierent sur le Rin, qui est une grosse riviere merveilleusement. Et firent ceulx de Couloigne grant dangier de laissier passer l'ost par my la cité, au pont (Arras, c.1392-1393, 174)

... [les physiciens] veoient le dangier du prince en quoy il estoit, et que necessairement il le convenoit purger, et a l'aultre léz veoient le dangier qu'il faisoit de prendre ce que luy avoient ordonné (Chastell., Chron. IV, D., c.1461-1472, 144)

Faire danger à qqn de + inf. S'opposer au désir de qqn de.

Et quant Guerin le vit ainsi courroucé [Charlemagne] , il fut moult dolent de ce qu'il lui eut fait danger d'aler en fuyte (Doolin de Mayence V, P., a.1500, 102)

Emploi absolu. Faire danger. Créer des difficultés, créer la confusion.

Quatre vins dix et noef ou cent En met tout ensamble sans faille [au cimetière des Innocents] ; Il porroit bien faire bataille Au jour qu'il resusciteront ! Espoir qu'il s'entrehurteront, Car povre gent font tel dangier Qu'envix les puet on arrengier Quant on leur weult donner l'aumonsne. (Le Fèvre, Respit Mort H., 1376-1380, 114)

c)Mettre danger(s) à qqc. Faire des difficultés à accepter qqc..

Phenomée, qui en plaisance Prent les paroles c'on li dist [pour lui proposer un époux] , Mais .I. peu de dangier y mist, Respont courtoisement en l'eure (Froiss., Méliad. L., t.3, 1373-1388, 246)

Sy se commença le dit de Bourbon à resfroidier et à mettre beaucoup de dangers en cecy pour cause de ses enfans (Chastell., Chron. K., t.3, c.1456-1471, 9)

...par iceux leur furent donné moult de répulses et mis de grans dangiers en ce que quéroient (Chastell., Chron. K., t.3, c.1456-1471, 399)

d)Sans danger. Sans se faire prier, sans difficulté, sans hésiter.

Quar puis que la justice est faicte, parens et amis, s'il lour haite, Mettent le corps en sepoulture ; le juge sans dangier l'endure (Tomb. Chartr. W., c.1337-1339, 129)

Mais Courtoisie, einsi com dire doy, Le chevalier Acompaingna liement, sans dangier, Et Honneur volt la dame acompaingnier ; Lors se prirent ensamble a desraisnier. (Mach., J. R. Beh., c.1340, 112)

Ces noces furent faittes moult honnorablement et a grant joie, et ainçois que la feste feust departie, Aigres fist mander Mirabile s'ostesse, et quant elle fu venue, il l'accorda a Danemont par maniere que, se Dolerans son filz revenoit ou païs, Danemont le feroit heritier du royaume sanz debat et sanz dangier et lui rendroit le regne avecques sa fille qu'il lui donroit. (Bérinus, I, c.1350-1370, 292)

Quant il fu heure de mengier, Il se partirent, sans dangier, Et s'en alerent en la sale, Qui n'estoit vileinne ne sale. (Mach., P. Alex., p.1369, 36)

2.Retenue, pudeur.

[L'amour est chose naturelle, certes, mais les bêtes] ...ne doubtent paour ne honte, Et de dongier ne tiennent compte, Mais vivent sans entendement. L'amour des gens est aultrement. Gens ont le sens cler et loyal Pour congnoistre le bien du mal (Grandson, Poés. P., c.1360-1397, 320)

[Dans le lang. courtois] Réserves, rigueurs de la femme courtisée vis-à-vis de l'amant, résistance à ses désirs.

...Et s'elle vous reffuse et elle y met danger, Tellement par parolles la vourray chastïer Qu'elle sera bien lye, se vous peut avoir cher. (Tristan Nant. S., c.1350, 139)

Et s'amour li ottriera Liement, sans faire dangier. (Mach., Voir, 1364, 2299)

Pourquoy fait donc dame ne pucellette Si grant dangier de s'amour a ami, Qui sechera soubz le pié com l'erbette ? (Desch., Oeuvres Q., t.2, c.1370-1407, 231)

Mais si se tient chiere Et tant la truis dure et fiere, Sans amolliier, Qu'adoucir de ma priere Ne puis son dangier. (Mach., Les lays, 1377, 406)

[Allégorie symbolisant cette attitude]

Et se les .III. varlés redoubte, Dangier, Refus et Escondit, Il l'ont tant de fois escondit Que c'est bien drois qu'il les ressongne. (Froiss., Joli buiss. F., 1373, 186)

Dangier est bien estrange sire, Qui tant veult amans asservir. (CH. D'ORLÉANS, Chans. C., c.1415-1440, 235)

De Dangier ne se doibt l'en plaindre ; Car Amour sy l'a destiné Pour reprouver et pour refraindre Le feu de Desir obstiné (Amant cord. M., 1490, 17)

[Allégorie représentant les obstacles à l'amour, le mari, un rival, les interdits sociaux...]

Rafreschissez le chastel de mon cueur D'aucuns vivres de Joyeuse Plaisance, Car faulx Dangier, avec son aliance, L'a assegié, tout entour, de Doleur. (CH. D'ORLÉANS, Chans. C., c.1415-1440, 212)

Et eussiez vous, Dangier, cent yeulx Assis et derriere et devant (...) Les fais des amoureux sont telz : Tousjours vont en assoubtivant. Jamais ne saurez faire tant Qu'ilz ne vous trompent (CH. D'ORLÉANS, Chans. C., c.1415-1440, 237)

...ceste chamberiere escoutoit tout ; le lendemain ou le soir mesme rapportoit tout ce que la dite dame et son amy avoient dit ensemble a Dangier, le mari, qui estoit mal fait a elle. (MART. D'AUV., Arrêts Am. R., c.1460-1466, 83)

Et aors la dicte dame, faignant de aller alumer la chandelle, s'en vint courant en la chambre ou le galant estoit couchié et luy dist qu'il estoit perdu et que Dangier se doubtoit bien qu'il estoit leans. (MART. D'AUV., Arrêts Am. R., c.1460-1466, 99)

C. -Par métonymie. Ce qui constitue une contrainte, une gêne, ce qui est source de malaise.

1.Difficulté, embarras.

Vous verrez saige assez entier Qui sera clerc et usaigier Qui sera povre et suffraiteux. Ung autre plus folx la moitié A moins de painne et de dangier Qui sera riche et plantureux. (Dupin, Mélanc. L., c.1324-1340, 122)

NOSTRE DAME. [Le couple Joseph et Marie cherche à se loger pour la nuit] Je requiers a Dieu qu'il luy plaise Nous secourir en ce dangier (Gréban, Pass. J., c.1450, 64)

Quant la royne vei que le chevalier changoit couleur et maintieng pour la venue des pucelles, elle, qui sçavoit bien la cause car autreffois avoit esté en ce dangier, print la parolle et dist... (Percef. III, R., t.1, c.1450 [c.1340], 310)

À/en (...) danger. Avec difficulté, avec peine.

Je voy l'estat de nature abregier En l'aage humain, en toute beste mue, Et la terre fait ses fruis a dangier, Ses rappoors sont de povre revenue (Desch., Oeuvres Q., t.1, c.1370-1407, 247)

: ...je m'en vois (...) Visiter povres menagiers Qui leur vivre ont a grans dangiers, Car trop petite gangne font (Mir. st Lor., 1380, 165)

En cedit village de Bethzel feismes nostre pourveance de vin qui nous fut delivrés par le consuille de Jherusalem, car pour ce que les Sarrasins ne boivent point de vin, les pelerins ont a tresgrant danger du vin et a cher temps. (Voy. Jérus., c.1395, 41)

Et n'avoient les Englois nuls vivres, fors escarsement et a grant dangier (Froiss., Chron. D., p.1400, 591)

On l'acquiert [le bonheur] a trop grant dangier Et si le pert on de legier (Chr. Piz., M.F., I, 1400-1403, 70)

...Car Nature a en nous ceste loy mise Que mieulx nous plaist chose a dangier conquise. (Chart., D. Fort., 1412-1413, 166)

Ains le fault a dangier conquerre [le merci de sa dame] Et en souffrir doleur amere, Car pour prïer ne pour requerre Nul n'a bien s'il ne le compere. (Chart., D. Rev., a.1424, 315)

...chose eue en dangier est trop plus cher tenue que celle qu'on a a bandon (C.n.n., c.1456-1467, 415)

Du temps passé peu nous esjouyssons, Et du present en dengier jouyssons. (Meschin., Lun. princes M.-G., c.1461-1465, 2)

En danger de + inf. En peine de.

Je vous voy en dangier de trouver homme fiable qui voist en la marche de Londres. Je me presente que je yrai voulentiers. (Froiss., Chron. M., XIV, c.1375-1400, 52)

Sans danger

Sans obstacle, sans difficulté.

Or s'en vont li enfant (...) Bayart les enporta du païs sans dangier (Renaut Mont. B.N. V., c.1350-1400, 208)

...je vous monstreray bon gué, voye et passage où tout vostre host passera sans dangier. (Froiss., Chron. M., XIV, c.1375-1400, 89)

...et les choses qui se font sans paine et sans dangier doivent estre sans loyer et sans louenge (Chart., L. Esp., c.1429-1430, 25)

Sans réticence, sans crainte.

...a mon seigneur savoir iray Se venrez a li sanz dangier, Puis que vous estes messagier. (Mir. mère pape, c.1355, 384)

LE PAPE. Tu puez bien dire sanz dangier Quanqu'il te plaist, amis, par foy. (Mir. mère pape, c.1355, 385)

2.Manque (de qqc.) ; privation.

...leurs gens (...) estoient en grant povreté, dangier et mesaise de vivres pour eulx et pour leurs chevaulx (Froiss., Chron. M., XIV, c.1375-1400, 84)

Recognois au moins que tu, ta femme et tes enfans, mengiez vostre pain en sceurté chascun jour, chascun sur son lieu et soubz la seigneurie, comblé de tous biens sans perte et sans dangier (Chart., Q. inv., 1422, 26)

...il n'estoit ja mestier de les faire coucher hors de nostre chambre. Et s'il y avoit dangier de lictz, la belle paillasse est en saison. (C.n.n., c.1456-1467, 205)

...le hault voulloir et grant couraige qu'ilz ont et desir d'honneur avoir (...) les font joyeusement passer leurs souffraites, dangiers, povretez et disettes qu'ilz ont à cause de la guerre (Bueil, I, 1461-1466, 21)

Sans danger. À discrétion, à volonté, en abondance.

Et puis nous alames mengier Ou nous heümes sans dangier Quanque solas et cuers demande De pain, de vin et de viande. (Mach., F. am., c.1361, 241)

C'est Carités, qui en tous lieus Est grandement recommendee. Garnie est et aprouvendee De largece et sans nul dangier. (Froiss., Dits Débats F., 1363-1393, 122)

Et puis demandai a mangier, Si mengai bien et sans dangier. (Mach., Voir, 1364, 791)

...Gelée franche, blans mengiers Viennent par devant sans dangiers, Puys nobles fruiz, frommage gras. (Bouvet, Appar. Meun A., 1398, 39)

CLËOPHAS. Mon hoste, est la vÿande preste ? L'OSTE. Voulentiers, seigneurs, sans danger En aurez et de plusieurs metz (Gréban, Pass. J., c.1450, 412)

Mieulx vault noir frandre et mengier Qu'estrange blancq querre a dangier (Percef. III, R., t.1, c.1450 [c.1340], 275)

3.Tort, injustice.

PYLATE. Ha, gens, vous ne regardez point En quel dangier juge s'affuste Qui juge a mort ung homme juste ! (Gréban, Pass. J., c.1450, 315)

[Pilate invite les Juifs à entrer au prétoire ; ceux-ci refusent] BARRAQUIN. Pour quoy ? MARDOCHEE. Pour ce que nous debvons Ceste nuyt la pasque menger ; Par quoy [si nous entrions au prétoire] nous [nous nous] mectrions en danger Et serions contaminés. (Gréban, Pass. J., c.1450, 334)

...Trois gens de vie deshonneste Sont mis en la croix pour mourir, Si nous venïons requerir, Pour eviter plus grant dangier, Qu'il vous pleust leur mort abregier (Gréban, Pass. J., c.1450, 352)

...il y a dangier D'un homme de bien laidenger S'il n'y a cause suffisante. (Gréban, Pass. J., c.1450, 370)

4.Souffrance, douleur.

Dy nous, ne congnois tu mie Que l'estat de prisonnier Est que souvent lui ennuye, Et endure maint dangier Dont il ne se peut vengier ? (CH. D'ORLÉANS, Ball. C., c.1415-1457, 132)

Quel dueil, quel courroux, quel dangier, Quel martire, quel dur depers Aray je, filz, se je te pers ! (Gréban, Pass. J., c.1450, 125)

...J'ay desiré, par vray desir, Ceste Pasque avec vous mengier Avant que viengne le dangier De la passion que j'actens. (Gréban, Pass. J., c.1450, 238)

...comme toutes choses viennent à cognoissance tost ou tard, le roy en fut averti temprement [d'une manoeuvre secrète] . De la souppeçon qu'il y prenoit avecque danger ['douloureusement (?)'] , encore plus que devant s'en anima sur ledit duc, et désiroit bien à venir au remède s'il eust pu par sens. (Chastell., Chron. K., t.5, c.1456-1471, 8)

5.Ce qui menace la santé, blessure, maladie.

Maiz tous ceulx qui ont foible teste Doivent garder de leur moleste, Et aussi ceulx expressément Qui seulent vivre souefment, Et qui souvent et volentiers Endurent corporaulx dangiers (La Haye, P. peste, 1426, 128)

Par autres secrez dangiers et inconveniens mortelz qu'il avoit sur lui, comme dient aucuns cyrurgiens qui le visiterent, dix ou douze jours apres, il termina vie par mort (Arch. Nord, 1477, B 1699, f° 42 v°, IGLF)

Je ne trouve herbe ne rachine En champs, prez, jardins ne vergiers Qui nul preservatif m'assine En ces mortiferes dangiers. (Cene dieux, c.1492, 132)

D. -En particulier. Situation difficile comportant des menaces pour la sécurité, la vie.

1.Emploi absolu. Risque, péril.

...D'assaillir encontr'eulx est le dangier molt grant Et si nous fault pour force qu'on lez voit combatant Ou ly peuples yroit ceans de fain morant (Flor. Octav. L., t.1, c.1356, 325)

Qant les Englois veirent le dangier ou il estoient, et n'i avoit si fort, si jone, ne si joli qui ne fust tous pesans de merancolie, grande murmuration se conmença a eslever en l'oost. (Froiss., Chron. D., p.1400, 137)

Et ainsi, attendues les charges qu'il a à soubstenir et les grans dengiers, il puet et doit raisonnablement avoir les prouffis dessusdis (Fauq., II, 1421-1430, 164)

Pitié et Raison confesse Qu'il n'est dangier në aspresse, Peril de mort ne destresse Que ne doiez soustenir Pour le beau lis maintenir, Dont l'onneur et la noblesse A garder vous appartient. (Chart., L. Paix, a.1426, 417)

Aussi semble il un groz dangier De mengier lors, en vérité, Choses de grant humidité Pour la grant disposition Qu'elles ont à corruption, Dont teles choses en partie Si avancent l'épidémie. (La Haye, P. peste, 1426, 89)

...et là me vint une de leurs trompètes, qui me dist que ces quatre dont j'ay parlé me mandoient que ne vensisse point pour ce soir, veü qu'il estoit tard et que leur guect estoit assis d'estradiotz, qui ne congnoissoient personne, et qu'il y pourroit avoir danger pour moy (Comm., III, 1495-1498, 200)

[Associé à péril]

...ses gens, qui estoient enclos dedens le chastiel d'Agillon (...) gissoient la en peril et en dangier. (Froiss., Chron. D., p.1400, 674)

En ce dangier, peril et aventure fu messires Gautiers de Manni bien sept semainnes (Froiss., Chron. D., p.1400, 758)

...on ne conseille par ire, hayne ou courroux. Et est ung bien grant peril et danger, car il n'est si sage que ire ne aveugle de entendement (Juv. Urs., Nescio, 1445, 471)

...sans penser ne ymaginer peril ne dangier ou il se boutoit (C.n.n., c.1456-1467, 456)

J'appelle ce monde la mer Pour les grans dangiers et perilz En quoy sont ceulx qui trop l'amer Veullent de tous leurs esperitz (Meschin., Lun. princes M.-G., c.1461-1465, 58)

...tu congnois les choses terriennes estre muables, les haulteses et dignitez de ce monde transitoires a ung clung d'oeil, peu y avoir de repos, moins de sceureté, mes trop bien multitude de dangiers et de perilz (Chastell., Temple Boc. B., 1463-1464, 143)

...Jhesu Crist (...) auquel en tous perilz, en tous dangiers, en tous doubtes, sur tous, l'omme doit avoir son recours. (Fillastre, Traité Conseil H., c.1472-1473, 182)

Courir un danger

...les deux plus doubtables choses qui soient à la guerre et où il court plus grant dangier, c'est de aller cuider surprendre gens au logeiz [parce qu'on croit les prendre au dépourvu, alors qu'ils vous attendent] (Bueil, II, 1461-1466, 244)

Estre/se mettre en danger

Mais cil de Paris furent en mervilleus dangier Combien qu'il s'i prouvassent comme hardy et fier (Hugues Capet L., c.1358, 79)

Tout ensi comme on s'aventure En le mer ou on puet nagier, Ou on se met en grant dangier, Car entre le vie et le mort N'i a q'une asselle de bort, Ensi en amours. (Froiss., Pris. am. F., 1372-1373, 55)

...ceulx qui delinquent vous laissez aler, pour laquelle chose vostre arme est en dangier (Juv. Urs., Loquar, 1440, 404)

Et à chascune fois portoit ung sac plain de poudre à canon, laquelle il espandit et semit sur ledit pont de claies, et d'icelle feist une trainnée jusques à laditte breche, en quoy faisant il se mist en très grant dangier (Le Clerc, Interp. Roye, c.1502, 291)

Pendre qqc. en danger. Compromettre qqc..

N'est expedient que pour le confort d'une seule personne on mette en tourble ung royaume entier, ne qu'on pende en dangier generale salut pour felicité particuliere. (Chastell., Temple Boc. B., 1463-1464, 162)

2.Danger de qqc. Risque de qqc.

De quelque heure de cestuy fruit Attoucherez pour en mengier, De mort encourrez le dangier. (Gréban, Pass. J., c.1450, 39)

À ung courrier d'Avignon, envoyé à Masseille, par deux veaiges pour le fait des alums, estant soubz la main du roy, et aussi pour adviser le lieutenant de viguier, de mettre en garnison huit compaignons à Saint-Victor, et à la tour Saint-Nicolas, pour ce à raison de II f. VI g., pour chacun veaige, et à moins ny vouloit aller pour le dangier de la mortalité (Comptes roi René A., t.3, 1478, 27)

Danger de mort, de famine, de guerre Sont bien prochains, de ce n'ignorent nulz, car Jupiter abrege fort son erre Pour se conjoindrë avec Saturnus (Cene dieux, c.1492, 141)

(Estre) en danger de qqc. (Être) exposé à qqc., menacé par qqc..

Encor n'ay je fait mention De ceulx qui sans confession Sont mors, et lesquelz sont en voye, En dangier de dampnation, Se Dieu n'en a compassion (Régn., F.A., 1432-c.1465, 62)

Cuidez vous point avoir esté en dangier de empoisonnemens et intocications ? (Juv. Urs., Verba, 1452, 192)

...et se advisa dès le second coup que celluy qui courroit contre son amy estoit un moult adextre homme et que son amy estoit en dangier de sa lance (Bueil, II, 1461-1466, 102)

...cheu de fortune de bataille a dure perte, mené en captivité soubz forte main, pendant en dangier de raenchon non solvable, en gaigement de ses terres (Chastell., Temple Boc. B., 1463-1464, 135)

En particulier. En danger de mort

Vostre femme est fort aggravée de chaulde maladie et en dangier de mort, s'elle n'est prestement secourue. (C.n.n., c.1456-1467, 135)

Audit temps, le roy, qui avoit esté malade à Tours, s'en partit du lieu de Tours et s'en alla à Touars, où aussy y devint très fort malade et y fut en grant dangier de mort. (Roye, Chron. scand., II, 1460-1483, 110)

En ce temps dont je parle estoit le duc de Guyenne ung peu malade, les ungs disoient en grant danger de mort, les autres disoient que ce n'estoit riens. (Comm., I, 1489-1491, 224)

En/au danger de son corps/de sa personne/de sa vie

Et en furent en grant dangier de lors corps tout chil qui fait l'avoient (Froiss., Chron. D., p.1400, 629)

...avons fait widier et mettre hors de ce royaume en grant danger de notre personne tous les cappitaines, routiers et autres gens de guerre espandus en icellui à la foule et totale destruction des pays de mon dit seigneur (Lettres Louis XI, C., t.1, 1445, 21)

...des reparations qu'il convient faire ou pont Nostre Dame, et pour obvier ad ce que les passans et repassans et demourans sur icelluy pont ne feussent et soient en danger de leurs personnes et biens (Comptes Paris V.L.D., t.1, 1449-1450, 631)

...ainsi qu'il [le roi] yssoit hors du chasteau d'icellui lieu, cheÿ sur lui, dessur l'une de ses manches, une grosse pierre de fes, dont et de quoy il fut en moult grant danger de sa personne (Roye, Chron. scand., I, 1460-1483, 300)

Mais nonobstant la cotte d'armes des fleurs de lis, il fut en danger de sa vie, et ne peust presenter ses lettres (La Marche, Mém., II, c.1470, 286)

...le conte de Montpensier a fait quelque route sur le roy Ferrand, et tellement qu'il a esté contrainct au grant danger de sa personne et pour icelle saulver se retirer avec ung nombre de gens à cheval (Lettres Ch. VIII, P.M., t.5, 32)

Il y a danger que. Il y a le risque que.

La chose est tres bien assortye, On ne le pourroit mieulx songier ; Mais encor y gist il dangier Qu'ilz n'y vueillent pas consentir. (Gréban, Pass. J., c.1450, 403)

Estre en danger de + inf. Être en passe de, risquer de.

Ung jour, si vint ung escuyer Vers moy, lequel me vint prier Que je luy feisse une balade, Disant qu'avoit esté malade, En dangier de perdre la vie (Régn., F.A., 1432-c.1465, 79)

...Ribault, puant gardeur d'asnesses ! Sanc bieu, je suis en grant danger De toy batre si plus me presses. (Pac. Job M., c.1448-1478, 190)

...il estoit homme deffait et en dangier de perdre ung bon oeil qu'il avoit. (C.n.n., c.1456-1467, 35)

Orpheüs le doulx menestrier, Jouant de flutes et musectes, En fut en danger de murtrier Chien Cerberuz a quatre testes (Villon, Test. R.H., 1461-1462, 64)

...si fussent entrez demye heure plus tost ou demye heure plus tart, ilz estoient en dangier d'estre destroussez et perduz. (Bueil, II, 1461-1466, 119)

...moult de fois fut en dangier de morir tant en la prison des infideles, comme des bleceures et battures qu'il rechupt sur son corps en diverses batailles et rencontres. (La Marche, Mém., I, c.1470, 36)

...et y ot grant discord entre plusieurs gens de la compagnie, tant que le voiage fut en grant danger d'estre rompeu, mais ledit seigneur de Bethencourt et messe Gadiffer les rapaiserent. (Béthencourt, Canarien G., c.1490, 5)

Au danger de + inf. Au risque de.

Compain, va tantost, sans demeure, Crier par la ville haultemant, Par les carrefors, et briefmant, Que femme, quelle qu'elle soit, En elle hardiesse n'ait De conforter nulz prisonniers, Ne de visiter ou baillier Aucung aïde, Soubz la peinne qui est indicte, Ou dangier de perdre la vie. (Myst. st Adr. P., c.1450-1485, 136)

Remarque : Cf. Herbert Krüger, Zur Geschichte von 'danger' im Französischen, Berlin 1967 ; Vox rom. 45, 1986, 267-272.