PERIL

substantif masculin

[T-L : peril ; GD : peril ; GDC : peril ; DECT : peril ; FEW (VIII, 242a) : periculum ; TLF (XIII, 90a) : péril]

A. -Danger, risque.

LA VOISINE. (...) Dame, vous avez un bel fil. LA DAME. Vierge, gardez le de peril. (Mir. enf. diable, c.1339, 13)

...car il n'est personne, soit en mer, soit en terre, se elle se voit en peril de corps, ou assaillie de quelconque temptacion, (...) et elle veuille appeler Marie (...), qui tantost n'y truisse le reméde de toute consolacion (Mir. prev., 1352, 232)

LE MARI. (...) Vous doubtez vous d'estre en peril Contre nul ame ? (Mir. enf. ress., 1353, 55)

LE MARI. (...) Ay je perdu et filz et mere ? (...) Elas ! Chetif ! Par quel peril ? Que je le sache ! (Mir. enf. ress., 1353, 56)

LE CONTE. (...) femme, de grans perilz Es eschapee (Mir. enf. ress., 1353, 73)

Car il n'a que peril et noise En toy, et parole ennemie (Mir. parr., 1356, 13)

En fame grosse, s'il survient flux de ventre, c'est peril. (Saint-gille, A.Y., 1362-1365, 84)

Mais il [le roi Pierre qui souffrait du mal de mer] le fait [le voyage en mer, la traversée] tout à l'onnour De Jhesu Crit, no creatour, Où il a parfaite fiance, Son cuer et toute s'esperence, Que de peril le gettera Et qu'en tous cas li aidera, Pour ce qu'il est en son servise, Et qu'il l'aimme et le doubte et prise. (Mach., P. Alex., p.1369, 51)

Bremons flote parmi la mer ; Si le fait gringneur reclamer Que sa merci li faut atendre ; Autrement ne se puet deffendre. Einsi fortune le demainne En grant peril et en grant peinne. Tant a floté, tant a vagué Qu'il et sa gent se sont trouvé Droit au lieu dont parti estoient, Dont nostre signeur loer doient. (Mach., P. Alex., p.1369, 113)

Quar Paule fust une fois lapidé et fust trois fois ou peril de la mer et souffrit plusieurs aultres peris, pour la Sainte Yglise de Dieu soubstenir, conme il est plus au plain, en une siene epystre, declairé. (Songe verg. S., t.1, 1378, 18)

Et pour ce que icellui Berthaut ot paour de peril, d'ennuy et de domaige, intrepositement fist rendre et restituer ladite toile (Reg. crim. Chât., I, 1389-1392, 503)

...et [Remondin] considere aussi le peril ou il est d'estre exilliez ou mort, ou dechaciez de tous pays ou il peust estre congneuz, si s'avisa qu'il se mettroit a l'aventure de croire la dame, car il n'avoit que une foiz a passer le crueux pas de la mort. (Arras, c.1392-1393, 26)

Par foy, dist cil, vous me mettez en grant adventure, car, se je suiz prins des Sarrasins, de ma vie n'est rien. Mais pour l'amour de vous et du roy, faire confort et donner cuer et esperance d'estre delivrez du peril ou il est, je me mettray en l'adventure. (Arras, c.1392-1393, 93)

Mais quant les Sarrasins perceurent que le roy Braidimont de Tarse estoit mors et que le gallaffre de Bandas les avoit laissiez en tel peril, si furent moult esbahiz et se commencierent a dessouchier et a perdre place, et a fuir envers la marine. (Arras, c.1392-1393, 138)

Celle considera les peines Des Juïfs et les grans perilz, Ou estoient d'estre peris (Chr. Piz., M.F., II, 1400-1403, 221)

...pour les grans perilz qui sont de present et ont ja esté par toutes les marches et païz de ce roiaume (Baye, I, 1400-1410, 338)

...en leur remonstrant les très grans perilz et inconveniens qui estoient disposés d'en ensuir en ce royaume et en la ville de Paris (Fauq., I, 1417-1420, 335)

...lesquelles treves durans, il fist tant qu'il mist lui et son ost hors de peril. (La Sale, Salade, c.1442-1444, 50)

...il se conduisit tellement qu'il eschappa du peril ou ses deux compaignons estoient mors. [Il s'agit de la peste] (C.n.n., c.1456-1467, 350)

...Dieu, qui l'avoit sauvé d'aultres grands perilz, le preserva de ce dangier. (C.n.n., c.1456-1467, 425)

...sans penser ne ymaginer peril ne dangier ou il se boutoit (...) toute raison estoit de luy a cest cop arriere mise (C.n.n., c.1456-1467, 456)

Souverain Dieu, de cuer vous prie Pour ceulx qui sont mes amoreux, Qu'i vous plaise garder leur vie De perilz et maulx dangeureux, Et les faictes si tresvirtueux Qu'ilz admeritent paradis, Et especïelment tous ceulx Qu'ont veu la passion vostre filz ! (Pass. Auv., 1477, 280)

LE CHARTIER. Icy s'en va en franchise. En franchise m'en vueil fouyr Pour eviter tous les perilz. (Mir. st Nic. juif, c.1480-1500, 140)

Prince Jhesus, ayez compassion De vostre peuple et generacion Et le vueillez de tous perilz deffendre. (La Vigne, S.M., 1496, 249)

Remarque : Morphol. (au plur.)

Et se aucun veult dire que, ja soit ce que le Pape ne puist conmunement Roy substituer, toutevois, en cas de neccessité, conme fust celle quant le roy Pypin fust Roy establi, il puet substituer, je respons que, posé que il le puist en cas de neccessité, c'est a entandre sanz prejudice de celluy ou de ceulx a qui ou a quelx il appartient, et lez y doit a ce appeller. Et aussi n'a il pas ce pover quant lez perieux puent estre aultrement eschivés. (Songe verg. S., t.1, 1378, 148)

Sur cette forme du plur., cf. FEW VIII, 242a : periculum et GDC, s.v. peril.

Sans peril

Et la nacelette petite, Qui aus loiaus amans pourfite Et au port de salu les meinne, Sans mal, sans peril et sans peinne, Firent faire aussi sans delay, Tout einsi com devisé l'ay. (Mach., D. Lyon, 1342, 221)

Mais miex vorroit estre à Romme Ou outre mer en essil Ou getés dedens la Somme, En flun Jourdain ou en Nil Que croire riens que predomme Ne puist croire sans peril ; Car tout vaut il une pomme Sans Dieu ? je di que nennil. (Mach., Les lays, 1377, 410)

Et ceulx prirent Eudes par belle maniere et par belles paroles, et le menerent en une cave, car, s'il se feust donnez de garde de ce que on lui vouloit faire, ilz ne l'eussent pas eu sans peril ne sans peine. (Arras, c.1392-1393, 261)

Imminent peril. Danger dont la menace est prochaine.

Si a esté conseillié et dit que l'en ne delayra point oultre ce jour, mais demain ira la Court avec L'Université (...) requerir que l'en oye les responses sur ladicte cedule et l'adviz de ceulx qui de ce estoient chargiez, attendu l'imminent peril. (Baye, II, 1411-1417, 124)

Le peril de qqc. Le danger que qqc. représente.

Et ainsi qu'il vaucroit par la marine et cuidoit bien estre eschappez du peril des mains des crestiens ; mais de ce que fol pense la plus grant part en demeure le plus de foiz (Arras, c.1392-1393, 139)

...lesquelz [prisonniers] on avoit depuis transportez ou chastel du Bois de Vinciennes pour les garder et deffendre du peril de ladicte commocion ou autres semblables. (Fauq., I, 1417-1420, 151)

Et pour ce que les diz supplians pevent ou pourroient avoir à faire à eulx aidier de ces presentes en plusieurs et divers lieux et auditoires, et que en icelles portant elles pourroient estre perdues ou adirées, pour le peril des chemins ou autrement, nous voulons que au vidimus d'icelles, fait soubz seel royal, plaine foy soit adjoustée comme à ce present original. (Doc. Poitou G., t.7, 1425, 427)

...et que pour occasion des guerres et des perilz des chemins et d'autres empeschemens lesdis executeurs n'avoient peu bonnement ne seurement apporter et rendre à Paris ledit compte (Fauq., III, 1431-1435, 141)

Peril du feu. Danger d'infection.

Or ainsi que ledit Messire Bernard s'en retournoit, et qu'il se retraoit de ladite escarmoche, fut frappé d'une coulevrine, laquelle perça son pavais et la plombée de son bas ; et entra le boulet en sa jambe entre les deux os, lequel fut incontinent retiré, et fut si bien pensé par les médecins et chirurgiens, que le péril du feu en fut mis hors. (Chart. J., Chron. Ch. VII, V., t.2, c.1437-1464, 317)

Peril de (la) mer. Danger de la mer, tempête sur la mer.

Quant je vous voy autre que my amer, Vo plus loyal amy, dame, avez mort. Petite honneur prenez en ceste mort. Dure vous vueil et crueuse clamer, Quant je vous voy autre que my amer. Plus sans pité que nul peril de mer, Pour ce qu'einsi m'assaut, me point et mort Vostre durté sans merci ne remort. Quant je vous voy autre que my amer, Vo plus loyal amy, dame, avez mort. Petite honneur prenez en ceste mort. (Mach., L. dames, 1377, 187)

Quar Paule fust une fois lapidé et fust trois fois ou peril de la mer et souffrit plusieurs aultres peris, pour la Sainte Yglise de Dieu soubstenir, conme il est plus au plain, en une siene epystre, declairé. (Songe verg. S., t.1, 1378, 18)

Peril en la demeure. Voir demeureDanger à attendre.

...il [le juge] doit les autres causes qui sont entre parties appeller et delivrer l'un après l'autre, selon l'extrait de son registre, ou cas toutesvoys ou il n'y airoit aucunes causes ou il y eust peril en la demeure, ou qui touchast aucune personne d'estat qui fist apresier (Instruct. ensaign. B.G., c.1386-1390, 32)

Au peril de qqc. En mettant qqc. en danger.

...ainçois vous pri, sur l'amour que vous avez en mi, que vous ne vous metés en chemin de venir jusques a tant que li chemins soit plus seurs, et aussi que vous soiés en milleur santé (...). Et, pour Dieu, mon doulz ami, ne vous mettés point a chemin jusques a tant que il y face meilleur et meilleur temps pour vous ; quar je auroie plus chier que je ne vous veysse d'un an, ce qui me seroit moult griez, que ce que vous venissiez en doubte et en peril de vostre corps. (Mach., Voir, 1364, 140)

Au peril de qqc. estre fait. Au risque que qqc. soit fait.

...aucuns avoient fait devers le Roy tant que ceans avoit esté mandé, et en l'Université, et ailleurs, que la journée estoit proroguée jusques à samedi prouchain pour faire ladicte response, ou tres grant peril du tractié de la paix dessusdicte estre rompu (Baye, II, 1411-1417, 124)

Avoir le peril de + inf. Se mettre en peril de + inf. S'exposer au danger en.

...mais il en appertient a vous d'en faire vostre bon plaisir [au roi d'Ausay] , qui avez eu la peine et le peril de le conquester ; si vous doit demourer, car c'est raison. (Arras, c.1392-1393, 166)

...si furent tous esbahiz de sa grandeur, car il avoit XV. piez de long. Et dirent a Gieffroy qu'il avoit fait grant oultraige et s'estoit mis en grant adventure et en grant peril d'avoir osé assaillir un tel deable. Par foy, dist Gieffroy, le peril en est passez ; et, beaulx seigneurs, sachiez que qui jamais rien n'encommenceroit, jamais ne seroit nulle chose achevee. (Arras, c.1392-1393, 247)

Estre en peril de + inf. Courir le risque de.

Va sans arrest a mon ami Et si li di que mal pour mi, Se mon anel ne me renvoie. Et ne demeure pas seur voie, Car mon signeur le vuet avoir, Sans nul essoinne recevoir. Di li bien qu'il n'en faille mie ; Car s'il en faut, je sui honnie Et en peril de perdre honneur Et la grace de mon signeur. (Mach., J. R. Nav., 1349, 236)

Je voy pére et mére en peril D'estre a honte mis a essil (Mir. femme, 1368, 202)

...celi qui estoit en peril de perir... (Foul., Policrat. B., V, 1372, 309)

...certeinnes maisons (...) estoient demourées sur le Pont Nuef en ruine et en peril de cheoir (Baye, I, 1400-1410, 222)

...les peres estoient en peril d'estre tuez par leur enfans et e contra (Baye, II, 1411-1417, 260)

...le curé (...) avoit eu sa robe en peril d'estre a tousjours gastée. (C.n.n., c.1456-1467, 446)

Se mettre en peril de

Si est argent de male vertus, car pour le avoir l'en se met em peril de mort. (Ponthus Sidoine C., c.1400, 154)

Pour le peril de + inf. Pour le danger qu'il y a à.

...peu ou nulx des conseillers du Roy ceans n'ont peu bonnement estre venus ceans, par especial de ceulx qui delà lesdiz petiz ponz demouroient, pour le peril de venir et de retourner qui estoit grant (Baye, I, 1400-1410, 214)

(Le) peril que

Ne onques il ne fu peris Que par son samblant il n'alast Et qu'a sa dame il ne parlast (Froiss., Joli buiss. F., 1373, 122)

À tous perils et fortunes. Quoi qu'il arrive.

...que ledit greffe sera et demorra audit Jehan Berthelin sa vie durant, a tous perilz et fortunes (Reg. Poitiers F., t.3, 1469, 122)

Proverbe.

Il nous sera bien mal advenu se nous perdons nostre roy et nostre damoiselle. Le pays sera en grant orfenté de seigneur qui le gouvernera. Beaulx seigneurs, dist le cappitaine, il n'est pas tout perdu quanqu'il em peril gist. Ayez fiance en Jhesucrist, et Il vous gardera. (Arras, c.1392-1393, 114)

B. -En particulier.

1.Danger de mort.

Se vostre dame au maintieng coi A de vous vir affection, Onques ne fu s'intention Que vous vous mettés en peris Ou pluiseurs ont esté peris. Li ennemis de toutes pars Sont parmi le pays espars, Qui font grans et petis onnis. (Mach., Voir, 1364, 610)

Certes, ma'amye, j'apperçoy bien que vous estes malade et en grand peril. (C.n.n., c.1456-1467, 38)

Peril de mort. Danger de mort.

Ne li vif n'osoient manoir Nullement dedens le manoir Ou li mort avoient esté, Fust en yver, fust en esté ; Et s'aucuns fust qui le feïst, En peril de mort se meïst. Et quant je vi ces aventures Si diverses et si obscures, Je ne fui mie si hardis Que moult ne fusse acouardis. (Mach., J. R. Nav., 1349, 152)

Et dont s'en vont donner a peril de mort (Jean Le Long, Voy. Odoric A.M., 1351, 60)

Et ainsi, celuy est principalment dit fort qui se met es perilz de bonne mort. (Oresme, E.A., c.1370, 206)

Il veult ja monstrer que la fin pour quoy le fort se met en peril de mort est bonne, comme se il argüast ainsi : chascun octroie que fortitude est bonne (Oresme, E.A.C., c.1370, 208)

...li dist que par icelle Gilete avoit esté ensorcelé et estoit en grant peril de mort, et n'avoit mais à vivre que XJ jours ou environ. (Reg. crim. Chât., II, 1389-1392, 318)

Avarice ne s'i oublie pas, qui trayne et detrait ceste povre parrochienne, nostre ame, par mer, par terre, per feu, par pierres, par tous perilz de mort. (Gers., Purif., 1396-1397, 65)

Or est au jour d'uy bien accomply le grant desir des anciens saincts patriarches et prophetes et de tous ceulx generalment qui attendoient delivrance des perilz de mort et de dampnation (Gers., Annonc., a.1400, 229)

...plusieurs furent navrez tant des gens du Roy que des diz freres, et en eut IJ en peril de mort (Baye, I, 1400-1410, 11)

Aucuns d'eulx furent navrez ou cuer de saiectes qui sont en peril, les autres ou chief, autres es bras, autres es gembes, autres es mains (Baye, I, 1400-1410, 103)

...combien que ledit Belle eust affermé par serement que par contrainte, et, pour eviter le peril de mort, il eust fait ce que dit est. (Fauq., I, 1417-1420, 330)

Et la nostre estre ne sera plus en peril de mort, nostre congnoissance sera sans erreur, et nostre amour sera sans offense. (Cib., p.1451, 205)

Peril mortel

Car je me mis de richesse en essil, De seürté en un mortel peril, De joie en dueil, par son regart soutil, Et de franchise En servitute ou on n'aimme, ne prise Moy, ne m'onnour, m'amour, ne mon servise, Ne ma vie vaillant une cerise. (Mach., J. R. Beh., c.1340, 88)

Helas ! dolens ! or est bien autrement, Quant ma dame aimme autre nouvellement. Et puet on pis, dame, s'on ne se pent ? Certes, nennil ! Car c'est pour mettre un amant a essil ; N'eschaper hors de si mortel peril N'en devroit pas un d'entre cinq cent mil. (Mach., J. R. Beh., c.1340, 96)

Ne li vient il de grant corage Et de tres parfait vasselage, Qui ce mortel peril ne doubte, Qu'il n'a si petit en sa route Qui jamais en la mer entrast, Puis que si forment li grevast ? (Mach., P. Alex., p.1369, 51)

Estre en peril de mourir

Las ! dolens, li souvient il, Comment le regart soustil De son viaire gentil M'a mis et tient en essil, Dont tous me gaste et essil ? Certes, bien croy que nennil, Quant elle me tient si vil Que pour li sui en peril De morir, et si sui cil Qui l'aim plus qu'autre cent mil. (Mach., Les lays, 1377, 319)

En peril de sa vie. Au risque de sa vie.

[Le sultan] Avoit tous les Crestiens pris, Qui estoient en son pourpris, C'est à dire en sa signourie. Et sont en peril de leur vie, Car tout à un cop les fist prendre, Après la prise d'Alixandre. (Mach., P. Alex., p.1369, 119)

Dont il avint que le tricople Vosist estre en Constentinoble, Car Sarrazin pour cest acort Estoient en si grant descort Et en si grant controversie Qu'en grant peril fu de sa vie : Dont au bon roy fu raporté Qu'on l'avoit pris et arresté. (Mach., P. Alex., p.1369, 187)

Li roys vit bien le grant meschief Et que d'eaus ne venroit à chief, Se longuement leur traire dure ; Car s'il perdoit sa monteüre, En peril seroit de sa vie, Et toute sa chevalerie. (Mach., P. Alex., p.1369, 214)

Et se bouterent les aucuns d'iceulz dedens la riviere joingnant des murs, en peril de leur vie (Fauq., II, 1421-1430, 343)

Et, combien qu'il soit évident Que chascun homme, résident En terre où court épidémie, Soit en grant péril de sa vie (La Haye, P. peste, 1426, 58)

2.[À propos de l'âme] Danger de la damnation.

Lors commenca Gieffroy fort a penser a ses pechiez. Et dist bien que, se Dieu n'a pitié de lui, l'ame de lui est en grant peril et en voye de dampnacion. Lors entra Gieffroy en une chambre, et commence a mener grant doulour et a plourer ses pechiez. Et la lui prist devocion d'aler a Romme confesser au Saint Pere. (Arras, c.1392-1393, 274)

En peril de l'ame et de la vie. En danger de perdre son âme et sa vie.

Amour, Biauté et Juenesse la lie, Et Loiauté, qu'oublier ne vueil mie, En grant folie, En rage, en dueil et en forcenerie Le font languir, et en grant jalousie, Et en peril de l'ame et de la vie. Car main et tart Son dolent cuer de sa dame ne part, Eins la compaingne en tous lieus sans depart ; Et cils qui est plus près dou feu, plus s'art. (Mach., J. R. Beh., c.1340, 122)

[Pour prêter serment] Par/sur le peril de l'ame de qqn. En mettant en jeu le salut de l'âme.

Et je vous jure, par le peril de l'ame de moy, que jamais cellui jour je ne feray ja chose qui vous puist estre atournee fors a toute honneur. (Arras, c.1392-1393, 26)

Lors print a Remondin grant pitié de lui, et lui demanda, sur le peril de l'ame de lui, s'il savoit riens de la trahison que Jossellin, son pere, avoit faicte. (Arras, c.1392-1393, 64)

Saincte dame ! Or, par le peril de mon ame, Il vient d'aucune couverture. Dieux ! (Path. D., c.1456-1469, 82)

C. -Par métonymie. Responsabilité.

Aux/ sur les perils de qqn. Sous la responsabilité de qqn, à ses risques et périls.

...je proteste et retiens que, par loyalle essoyne de mon corps, je puisse avoir ung gentil homme, pour cellui jour mon advoué qui, en ma presence, se je puis, ou en mon absence, a l'ayde de Dieu, de nostre dame et de monseigneur saint George, le bon chevalier, fera son loyal devoir a mes perilz, coustz et des pens, comme raison est, toutes les foiz et quanteffoiz qu'il vous plaira ordonner, comme a tel cas appartient. (La Sale, Salade, c.1442-1444, 211)

Encores voullons et ordonnons que le deffendant, s'il vouldra, sur ses perilz, puisse dire au contraire et requerir les injures par l'appellant a lui estre amendees de telle amende et paynne qu'il deveroit porter, se il avoit fait les choses qu'il a dittes (La Sale, Salade, c.1442-1444, 211)

Item, donne a sire Denis Hyncelin, esleu de Paris, Quatorze muys de vin d'Aulnys Prins sur Turgis a mes perilz (Villon, Test. R.H., 1461-1462, 88)

Quoy qu'on tient belles langaigieres Florentines, Venicïennes, Assés pour estre messaigieres, Et mesmement les ancïennes, Mais soient Lombardes, Roumaines, Genevoyses, a mes perilz, Pimontoises, Savoysïennes, Il n'est bon bec que de Paris. (Villon, Test. R.H., 1461-1462, 119)

Estre ou peril de qqc. Être responsable de qqc..

Et donques est ce inegalité et chose naturelment injuste qu'un homme prengne gaing en la chose qui est d'un autre et ne est en rien siene ne en son peril. (Oresme, Pol. Arist. M., c.1372-1374, 68)

Remarque : Empl. adj. ds l'ex. suiv. ('périlleux')

On m'appelle la deesse d'amours, Qui tous les jours vrays amoureux console, Je fais faire par chasteaulx et par tours Les perilz tours parmy les carrefours, Et par destours, où le couraige volle, Ceulx que j'acolle et tiens en mon escolle Si bien recole et en amour enflamme, Qu'ilz ne m'oublient jusques au rendre l'ame. (Cene dieux, c.1492, 108)