MACHINATION

substantif féminin

[T-L : machinacïon ; GDC : machination ; FEW (VI-1, 11b) : machinari ; TLF (XI, 108b) : machination]

A. -Machine de guerre.

...car aucuneffois ilz debrisoient leurs machinacions et aucuneffois ilz les deboutoient des murs par leurs dars. (Percef. I, R., t.1, c.1450 [c.1340], 59)

B. -Menée secrète plus ou moins déloyale, intrigue, en partic. complot, conspiration, machination.

La machination contre Turnus fu einsi contrové (Bers., I, 1, c.1354-1359, 51.2, 85)

Mes a tout considerer, mesmement quant as royalmes de grant puissance et quant a gens qui usent d'armes pour eviter et eschiver discordes, machinacions et pluseurs grans inconveniens, ce est le plus seur et le miex simplement que il soit par succession d'un noble lignage esleu a ce comme dit est, selon bonnes ordenances lesqueles sunt equivalentes as lays et a drois et sunt drois. (Oresme, Pol. Arist. M., c.1372-1374, 109)

Et donques les insurrections ou machinacions ou emprises qui sunt faites pour contumelie, ce est a dire pource que l'en a esté villané ou injurié, elles sunt au corps et contre la personne du prince. (Oresme, Pol. Arist. M., c.1372-1374, 236)

...des machinacions que faites avoient contre le bien, honneur et estat du roy nostre sire, de sa personne, de tous nosseigneurs, et le bien publique du royaume, il deist la vraye verité (Reg. crim. Chât., II, 1389-1392, 183)

...de fait [elle] avoit mis en langueur de longue maladie ledit de Ruilly, son mary, contre lequel, à nul jour du monde, pour chose qu'il lui eust faite, elle ne deust avoir conceu tele hayne ou machinacion comme fait a (Reg. crim. Chât., II, 1389-1392, 335)

La seconde branche d'envie si est machinacion (...). C'est adire quant une personne porte mauvaises paroles et machinacion d'aucunes personnes par envie, et recorde male de une personne a l'autre par mauvaises acoustumances, en appetissant le bien d'autruy et en accroissant le mal (Ménagier Paris B.F., c.1392-1394, 26-27)

...mais, par la machinacion d'aucuns autres officiers, la ville et chastel, sans sa coulpe, fu baillée aux ennemis (Fauq., II, 1421-1430, 348)

Et s'il étoit que celuy qui seroit proche à la succession du duché, voudroit avancer son droit à succéder au duché, par machination de la mort du duc ou autrement ou aucuns des dessurdits avancer son lieu d'y succéder autrement que deuement (Cartul. Laval B., t.5, 1437, 79)

...lequel estoit principal conducteur de toute la machinacion dessusdicte (Monstrelet, Chron. D.-A., t.5, c.1444-1453, 22)

Et advint, fust par machinasion, deliberacion, ou aultrement, que en la presence dudit daulphin, luy estant à genoulx devant l'heritier de France, en faisant son debvoir, les dessusdiz le murdrirent de haches et d'espées (La Marche, Mém., I, c.1470, 198)

...nous avons esté acertené que plusieurs marchans, qui par cy devant sont alez en marchandise aux foires d'Anvers, ont fait par cy devant et font chascun jour plusieurs traffiques et machinacions à l'encontre de nous et de nostre royaume (Lettres Louis XI, V., t.7, 1478-1479, 229)

Fist semblablement icelui Virgille, par son art mathematique, percer une montaigne pour abreger le chemin, si très avant que, à peine quant l'on est ou milieu, se peuvent veoir les deux boutz ; en laquelle concavité jamais nul, pour quelque machinacion que ce fust, ne peut fere domage ne desplaisir à nul et à ceste cause se y peut passer seurement. (Simon De Phares, Astrol., c.1494-1498, f° 70 r°)

Mais vous [le duc de Bourgogne] , qui estes ingrat des biens que le roy vous a faitz, avés prins et prenez peine de jour en jour de luy faire toutes les extorcions et machinations que luy povez faire, tant sur les subjects et seigneurs de son sang que autres princes ses voysins, qui luy veulent mal à vostre requeste, lesquelz vous avez esmeuz et taschez encores de esmouvoir de jour en jour à luy vouloir mal (Le Clerc, Interp. Roye, c.1502, 262)

...les charges, informations, confrunctations et procès faitz à l'encontre de messire Jacques d'Armignac, duc de Nemours, ses confessions voluntaires et autres choses qui faisoient à veoir touchant plusieurs fractions, conspirations, machinations, grans et enormes crimes, delictz et malefices par luy commis et perpetrez contre le roy et monseigneur le daulphin son filz, ou très grant detriment, prejudice, dommage, destruction et subversion de la chose publicque du royaulme (Le Clerc, Interp. Roye, c.1502, 367)

Fausse machination

...ycellui Jaques de Rue et un autre sien compagnon, appellé maistre Pierre du Tertre, confesserent entierement de leur bonne voulenté, sanz contrainte, toute la fausse machinacion (Chr. Piz., Faits meurs Ch. V, S., II, 1404, 138)

...par decepcïon Et faulse machinacïon (Chart., L. Dames, 1416, 295)

DIEU. Par divine punition, Le juif si aura tout le sien. (...) La faulce machination [du chrétien] Sera punië. (Mir. st Nic. juif, c.1480-1500, 136)