DEMONSTRER

verbe

[T-L : demostrer ; GD : demonstrer ; GDC : demonstrer ; AND : demustrer ; DECT : demostrer ; FEW (III, 38a) : demonstrare ; TLF (VI, 1099b) : démontrer]

I. -Montrer, manifester, exposer.

A. -Emploi transitif.

1.Montrer, indiquer, faire voir.

a)Demonstrer qqc.

Sus ces responses, li dis rois englès fist tant qu'il parla au duch de Braibant, son cousin, et li demoustra le mandement que cil signeur li avoient mandet. (Froiss., Chron. L., I, c.1375-1400, 141)

...et laquelle tasse il avoit recommandée estre prinse sur le Grant-Pont, à Paris, aus orfevres d'ilec ; et que pour ce que l'en lui avoit rapporté et dit que elle estoit ou Chastellet de Paris, il requeroit audit mons. le prevost qu'il lui voulsist fere rendre, en demonstrant des autres ses tasses d'argent pareilles à celle que perdue avoit. (Reg. crim. Chât., II, 1389-1392, 348)

Je t'ay demonstré mes mains ; a toy mon ame, ainsi comme terre sans eaue. Ce sont mes oeuvres seches et terrestres que je t'ay demonstré, et demonstreray en confessant mes deffaultes, Sire. (Chr. Piz., Psaumes allég. R., 1409, 148)

Maiz, quelque beaulté apparente que demonstre l'ediffice, neantmoinz il s'encline et tent de son premier estre a dechiet et a ruine. (Chart., L. Esp., c.1429-1430, 47)

Seigneurs, pour ung pou recourir De ce qui vous fut hyer monstré, Au premier vous fut demonstré Le baptesme cler et expert Que saint Jean prescha ou desert, Comme ministre et precurseur De Jhesuscrist Nostre Seigneur. (Gréban, Pass. J., c.1450, 267)

Et les escolliers qui estoyent avecques Xantus,, regardant Esope ainsi rire et, en risant, ses grans dens demonstrer, il leur sembloyt qu'ilz veoyent ung monstre (Macho, Esope R., c.1480, 14)

Affin qu'il demonstrast la vie et les coustumes des hommes, il induit les oyseaux, les arbres et les bestes parlans. (Macho, Esope R., c.1480, 77)

LE PREVOST. Dieu puissant et misericors, Par sa haulte vertu divine, Nous demonstre cy ung grant signe Qui est bien digne de memoire. (Mir. st Nic. juif, c.1480-1500, 148)

...Pour demonstrer sa haulte preference (...), Hault sur son chief ung grant poylle on coucha (La Vigne, V.N., p.1495, 190)

[Le compl. est une proposition]

Et quant le matin fust venu, eulx estans a la messe, au lever du corps Nostre Seigneur, tous deux firent a Dieu devottement priere qu'il leur demontrast qui ce ladre estoit. (La Sale, Salade, c.1442-1444, 167)

Au propre et au figuré. Demonstrer au doigt

LA ROYNE. 'Comment se preuve ?' JEHAN BOCACE. 'Par vive raison et par argument qui est demoustré au doy.' (Chastell., Temple Boc. B., 1463-1464, 103)

Item est apellé le 'doigt de la destre main de Dieu', pour ce que ainsi que toutes choses corporeles nous les demonstrons au doigt, pareillement par le Saint Esperit sont demonstrees les choses espiritueles pour les veoir de l'ueil espirituel. (Somme abr., c.1477-1481, 123)

Et, en quelconcque lieu que elle les voit [les vieilles gens] elle sciffle aprés eulx et, quant elle les voit courbez, elle les demonstroit au doy et se mocquoit ainsi d'eulx. (Colart Mans., Dial. créat. R., 1482, 230)

Participe présent en emploi adjectival. Doigt demonstrant. Index.

Le posse signifie l'oroison de matines. Le doit demonstrant signifie l'eure de tierce. Le doit moien , l'eure de midy. (...) (Expos. songes B., 1396, 101)

Demonstrer à l'oeil. Faire voir.

Les parties qui sont contenues ou dedans [de l'oulle de la teste] ne pourras demonstrer a l'ueil sinon que le crane ou le test soit divisé avec une sarre selonc la rondesse. (Panis, Guidon, 1478, tr.I, doct.2, chap.1)

En particulier. Demonstrer (une histoire, une piece). Représenter.

...Car il advient assez souvant Que plus vouluntiers on retient Ce que l'on voit devant ses yeulx Et le cognoist on bea[u]coup mieulx L'entendant demonstrer Que ce que l'on oyt raconter. (Pac. Job M., c.1448-1478, 182)

Et combien que la maniere de rimer en françois ne me semble pas moult morisier [var. : à prisier], touteffois quant elle est appliquee bien et dehument à belle et convenable matiere, elle est plus aggreable et asseant à demonstrer histoires visiblement et en personnages que aucun aultre langage, soit en latin ou en françois en prose. (Milet, Épître épilogative, éd. M.-R. Jung, 1452. In : Trav. Ling. Litt. 16-1, 1978, 253)

Demonstrer que. Montrer, faire voir que.

Et quant cil la senti [la cigogne] si tartela du bec grant piece et demonstra qu'il estoit mont courouciez (Best. hérald. H.E., c.1435-1450, 480)

Et ceste fable demonstre que quiconque faict bien en sa jeunesse en sa viellesse il ne continuera point es vertus qu'il a possedé en son jeune temps. (Macho, Esope R., c.1480, 99)

Ha ! folle beste [un chien sournois] , or voy je bien que tu es fol et enraigé se tu cuides que l'on t'aye donné ceste sonnaille pour tes merites. L'on la t'a baillé pour ta grant malice et pour ta traïson, a demonstrer que tu es faulx et traïtre. (Macho, Esope R., c.1480, 210)

b)Demonstrer qqn. Montrer qqn.

JESUS. Amy, a quoy es tu venu ? Judas, par ung baiser polu Tu trahys cy le Filz de l'omme ! CLAQUEDENT. Sus, sus, qu'il soit prins et tenu ! Judas le nous demonstre en somme. (Michel, Myst. Pass. J., 1486, 287)

c)Demonstrer qqn (+ attribut). Représenter qqn (d'une certaine façon).

[La hochequeue au faisan :] '...Certes, la puanteur d'iceulx [de tes yeux] te rend et demonstre ort et abhominable devant tous.' (Colart Mans., Dial. créat. R., 1482, 184)

Jhesu Crist, de ceste chose moult troublé, s'apparut a lui et lui dist : 'Pour quoy me pains tu si lait et me demonstres estre si difforme, attendu que suiz le plus bel des hommes ?...' (Colart Mans., Dial. créat. R., 1482, 234)

Emploi absolu. Manifester.

Quant li chevaux ne peut estaler ne pissier, il est sechiez et s'il n'est pas si haitiez comment il seut et quant enfles apert ou flanc, il demonstre puis il demort. (Chir. chevaux P., c.1325-1350, 395)

2.Être signe de qqc., annoncer qqc..

Et la couronne d'or qui est sus le heaulme demontre II chosez : la premier sy est que Ogier est tous yssus de roys et d'empereurs ; et l'aultre est qu'il conquerat tant de royaulmes sur les Sarasins, plus que ne fist oncques hommez (JEAN D'OUTREM., Myr. histors G., a.1400, 41)

Maiz le Seigneur, toudiz benoit, Telz grans effectz monstre et révèle Par la carte célestiele, Comme jadis, par amité, Démonstra sa nativité Par une clère et noble estelle (La Haye, P. peste, 1426, 61)

Gabrïel, nostre chier messaige, Si tost que l'enfant dessus dit Sera né, par ung joyeux dit Soit la nouvelle demonstree Aux pastoureaulx de la contree, Qui leurs trouppeaulx gardent et veillent (Gréban, Pass. J., c.1450, 69)

Ce n'est pas estoille commune, Car les autres, de commun cours, Luisent de nuyt et point de jours ; Et ceste a toute heure se monstre. Si fault dire qu'elle demonstre Quelque signifficacion. (Gréban, Pass. J., c.1450, 73)

Saveur rance et abhominable et ignominieuse demonstre melancolie (Gordon, Prat., c.1450-1500, V, 6)

Ce fut mesmes le perron qui demonstroit la destruction du païs et ou Julius Cesar reposa aprés la prophecie acomplie. (Percef. IV, R., c.1450 [c.1340], 924)

...quant ce vint que le mal de la jambe lui estoit pris et duquel on le jugeoit en péril, fit à tout lez calculer sur le mal de son père pour savoir s'il en pourroit eschapper sans mort. En quoy plusieurs laborans rapportèrent par jugement et certifièrent que non, et mirent terme préfix dedens lequel les influences de là sus démonstroient sa fin. (Chastell., Chron. K., t.3, c.1456-1471, 447)

Aussi les signes doivent congnoistre qui demonstrent fortune de mer à venir prochaine, qui appeirent tant au soleil comme en la lune, ès vens, ès oyseaulx, et meismement ès poissons. (Bueil, II, 1461-1466, 56)

Nombre composé est cellui qui par deux ou plusieurs figures se peut demonstrer, comme 10. 12 ou 100. 164. etc. (Nic. Chuquet, Triparty, 1484. In : Chrestom. R., 238)

Demonstrer que. Faire voir que.

...la demonstra il visiblement Qu'essauciez est le cuer qui s'umilie (Mir. chan., c.1361, 183)

Aussi dou pommel la rondesse Demoustre qu'elle est grant maistresse, Et qu'eu monde a grant signourie, Car elle donne mort et vie. (Mach., P. Alex., p.1369, 15)

Or me fut advis en sommeillant que je veisse en ung païs en fresche une dame dont le hault port et seigneury maintien signifioit sa tresexcellente extraction, mais tant fut dolente et esplouree que bien sembloit dame decheue de plus hault honneur que pour lors son estat ne demonstroit. (Chart., Q. inv., 1422, 7)

Demonstrer + inf.

Plusieurs sains de Paradis pareillement ont fait plusieurs choses longues a desclairer, demonstrans avoir la jurisdiction dessudicte. (Juv. Urs., Verba, 1452, 362)

Comment, après que le roy sçut la prise dudit bastard, il démonstroit estre marry, et comment il faignoit non cognoistre ce bastard. (Chastell., Chron. K., t.5, c.1456-1471, 89)

Demonstrer à qqn si + ind.

Et, pour ce, anciennement le peuple requeroit Dieu, quant bataille voulloit entreprendre, qu'il leur voulsist demonstrer s'ilz avoient droit ou non et s'ilz avoient riens fait contre Dieu, par quoy deussent perdre la bataille. (Bueil, II, 1461-1466, 73)

3.Manifester qqc., témoigner (un sentiment).

Ne ja autrement demoustrée Ne leur fust leur amour, ne dite Par parole grant ne petite. (Mach., D. Lyon, 1342, 208)

Se ce n'est dont par aucune aventure Que nulz ne scet ma doleur ne mon plour Fors moy tout seul, einsi n'est creature Qui li puisse demonstrer ma langour. (Mach., L. dames, 1377, 156)

Tel creature, dist-il, est congneue à la face comme il l'ait tousjours furieuse, et par tous les signes du corps demoustre son impacience et fureur de courage, c'est assavoir, le langage plain de menaces et felonnes paroles. (Chr. Piz., P.V.H., 1416-1418, 30)

Et en trestoutes ces choses il t'a demonstré grant signe d'amour (Crap., Cur Deus, De arrha B.H., c.1450-1460, 272)

Vous autres, faictz en nature angelicque, Collauderés nostre divinité, En resonnant joyeux chants de musicque Pour demonstrer gloire et felicité (Myst. Pass. Troyes B., a.1482, 5)

Endoctriner je vous vueil maintenant Et demonstrer ma grant begnivolence Qui, en substance, va ces motz contenant (La Vigne, S.M., 1496, 163)

Témoigner que.

Et encores nagueres que quant on vouloyt faire chevalier, il prenoyt l'espee de dessus l'autel en demonstrant que il devoyt honorer l'eglise et les personnes ecclesiastiques. (Juv. Urs., T. rever., 1433, 73)

...et, quant il estoit à la messe, à l'Evangile prenoit son espée en sa main en demonstrant qu'il estoit prest de combatre pour la foy chrestienne et la loy de Dieu deffendre et garder (Bueil, II, 1461-1466, 71)

Comment le roy fist planter justices et supplices dedens Romme, auquel lieu fist pendre, decapiter et noyer plusieurs malfaicteurs pour demonstrer qu'il avoit a Romme, comme en Paris, haulte justice, moyenne et basse. (La Vigne, V.N., p.1495, 234)

4.Exposer, expliquer, confirmer qqc..

Demonstrer qqc.

Et Charles a l'endemain oit son conseilhe ensemble et demonstrat la vision a eulx ; sy luy ont commonement conseilhe[t] qu'il voise en Espaingne sans targier. (JEAN D'OUTREM., Myr. histors G., a.1400, 92)

Dyaletique est plus agüe A demonstrer chose abscondüe (Chr. Piz., M.F., II, 1400-1403, 130)

J'entens doncques premierement demoustrer la ruine et tresbuchement de Lucifer et de ses faulx complices. (Miélot, Spec. hum. salv. L.P., 1448, 121)

...toutesfois d'icelle [matiere] , aux disciples moy enquerant, diligence mectray de demonstrer ce que Dieu m'ensaignera. (Crap., Cur Deus, De arrha B.H., c.1450-1460, 165)

Le Roy parla et demonstra les grans et bons services que ses gens d'armes lui avoient fais, et que pour rien ne les vouldroit habandonner (Bueil, II, 1461-1466, 158)

Car par la grandeur des creatures est congnute la puissance du Pere, et en la disposition et gouvernement des choses creés est demonstree la sapience du Filz, en la conservation et la beauté bien aornee des choses reluist la bonté du Saint Esperit. (Somme abr., c.1477-1481, 125)

Faire la démonstration de qqc..

Pour plus amplement demonstrer le stile de lextraction des racines secondes est icy mise la maniere dextraire la racine de 94|21|80|73|55| divise de deux en deux (Nic. Chuquet, Triparty M., 1484, II, 695)

Demonstrer qqc. par un exemple

Example nous demonstrerons Par l'istoyre que nous ferons De Job qui fust tant pacient (Pac. Job M., c.1448-1478, 179)

Et premierement en ce chapitre il parle de la science de bien mourir. Et la demonstre par ung exemple sensuel et materiel... (Déclar. Hyst. S., a.1449, 192)

5.Apprendre, enseigner qqc..

Car il n'est riens, qui à mal apparteingne, Qui en mon cuer ne soit, quand il avient Que souvenirs me demonstre et enseingne Vostre douçour (Mach., L. dames, 1377, 48)

Se ce n'est dont par aucune aventure Que nulz ne scet ma doleur ne mon plour Fors moy tout seul, einsi n'est creature Qui li puisse demonstrer ma langour. (Mach., L. dames, 1377, 156)

...le ruysseau de Perspective, qui soult et respont a toutes lez difficultés dez choses visibles ; le ruysseau d'Astrologie, qui demonstre et enseigne le mouvement dez estelles et dez corps celestes (Songe verg. S., t.1, 1378, 335)

La .VIIe. [couleur de sentence] est supplicacion, la quelle aprent et demonstre a supplier et a coulourer sa supplicacion. (Legrand, Archil. Sophie B., c.1400, 88)

Qui est celui qui pourroit bien enquerir et explicquier (...) que celui quy devoit racheter toutes creatures humainnes et les reduire de la voye de mort et de perdicion a la voye de vie et de beatitude eternelle en enseignant et demonstrant la pure verité (...) ? (Crap., Cur Deus, De arrha B.H., c.1450-1460, 227)

...Car je foys enuyt mon digner Pour demonstrer et enseigner Vostre coustume et ordonnance. (Pac. Job M., c.1448-1478, 236)

Demonstrer à qqn + inf. Apprendre (par l'exemple) à qqn à + inf..

Mon nepveu [Jésus] , vous nous demonstrés A nous prochains faire pardon, Veu que de vostre cure ouffrés A ces grans pecheurs ung tel don ! (Pass. Auv., 1477, 217)

B. -Emploi transitif indirect. Demonstrer de qqc. Faire étalage de qqc..

LE .I. SERGENT. Sainct Nicolas est dangereux ; Point ne se fault en luy fier. Il demonstre icy de ses jeux Pour son sainct nom glorifier. (Mir. st Nic. juif, c.1480-1500, 143)

Demonstrer à + inf.

...car les armes sont l'ensaigne que doivent demonstrer a connoistre la personne. (Best. hérald. H.E., c.1435-1450, 500)

C. -Emploi pronominal. Se montrer.

1.[D'une pers.] Apparaître.

Sainte vierge, je vous merci (...) Quant vous vous estes demonstrée A un povre boiteux hermitte (Mir. femme roy Port., c.1342, 196)

Sire, tu scez ma neccessité et que j'ay en abhomination signe d'orgueil et de ma gloire, lequel signe [le diadème de reine] est sur mon chief es jours que je me demoustre, et ay che en detestation et desprisement comme ung drapeau laid et soullié ; et scez aussi que pas ne le porte es jours que je fay silence. (Daudin, De la erudition H., c.1360-1380, 416)

[De Dieu]

Mais toutefois elle estoit moult doulche [cette amitié avec un compagnon] , constrainte par la ferveur ou ardeur de samblables estudes. Mais tu qui te demoustres au dos de cheulx qui s'enfuient, dieu de vengeanche et ensamble fontaine de misericorde (...) tu le ostas de ceste vie lors que a paine avoit il acompli ung an en mon amistié. (Daudin, De la erudition H., c.1360-1380, 271)

O filles et filz de Jherusalem (...) ensemble plourez avec moy, jusques vostre bel amy debonnaire se demonstre a nous en sa trés grande beauté (Nouvelles inéd. L., p.1452, 134)

Alors tout homme le verra, Lors a tous se demonstrera Pour rendre a chascun son loyer, Pour les bons et mauvais payer, Ung chascun selon sa droiture. (Michel, Myst. Pass. J., 1486, 20)

2.[D'une pers.] Se demonstrer + attr. Se montrer tel ou tel.

Es saintes places il se demonstre saint. (Legrand, Archil. Sophie B., c.1400, 133)

...et ceulz qui se demonstrent à eulx desobeissans et ne veullent assister à leur dampnable heretique entreprise, ilz les destruisent (Fauq., III, 1431-1435, 46)

...en soy demonstrant insensible ou seurmonté de boisson, [ledit du Croq] respondi qu'il feroit le mieulx qu'il pourroit (Chancell. Henri VI, L., t.2, 1432, 179)

...lors ledit Poinlet, soy demonstrant de la responce indigné et corroussié, commança a injurier très fort ledit suppliant et le desmentir très rudement (Trés. Reth. L., t.4, 1451, 202)

Il tint et fist le devoir du supplice et si rendy equité admirable attrempement et ainsi il s'est demonstré pere misericordieux et vray legislateur (Colart Mans., Dial. créat. R., 1482, 222)

Sans nous demonstrer negligens De louer l'essence divine (La Vigne, S.M., 1496, 431)

3.[D'une chose] Se présenter.

Et ainsi que tu oys, la prudence de cellui roy se demonstroit tant par le fait du gouvernement de son estat et personne comme en tous les autres generaulx affaires, si que encores sera dit cy apres. (Chr. Piz., Paix W., 1412-1413, 72)

Les matières et les chapitres Se demonsterront par leurs tiltres. (La Haye, P. peste, 1426, 21)

...lesquelles choses plus clerement et plus legierement se demonstrent par les euvres de sa vie (Crap., Cur Deus, De arrha B.H., c.1450-1460, 227)

Item ce se demonstre par exemple en nature. (Somme abr., c.1477-1481, 128)

...car ce qui est dit de Dieu ne se puet demonstrer par demonstration au sens, car Dieu n'a point de corps. (Somme abr., c.1477-1481, 155)

[D'un signe]

Auquel [Cancer] l'arc celeste doulcement respondi : 'Frere et ami, certes tu ne parles point honnestement ne bien, car ta voye n'empesche aucunement, attendu que jamais ne me demonstre que par jour et tu oncques ne monstres ta face fors de nuyt...' (Colart Mans., Dial. créat. R., 1482, 96)

4.Se demonstrer faire qqc. Manifester l'intention de.

Et pendant ce, aulcuns qu'on nomme Escorcheurs, ceulx de Valois, et aultres gens d'armes se demonstroient moy vouloir faire guerre. (Monstrelet, Chron. D.-A., t.5, c.1444-1453, 392)

II. -Faire admettre pour vrai, pour réel, prouver.

A. -Emploi transitif. Demonstrer qqc.

Mais je vous pry et requier, o devot peuple, qui yci estes assemblez pour ouyr demonstrer et plaidoyer la contraire verité, la verité de nostre foy (Gers., Déf., 1400, 222)

...les euvres l'ont [le fait que Philippe de Bourgogne soit un ennemi de la France] demonstré et demonstrent. (Juv. Urs., Aud. celi, 1435, 185)

...que la mauvaise envye qu'on a sur moy puisse icy estre averée et demonstrée (C.n.n., c.1456-1467, 383)

...car, en ces choses, la coustume et usaige treuvent souvent plus d'art et de nouvelles choses que l'ancienne doctrine n'en a demonstré. (Bueil, II, 1461-1466, 59)

LE JUIF. Sainct Nicolas, si en ta place Ou tu as demonstré ta gloire, Ton pouoir de grant efficace, Ouvrage hault et meritoire, Selon ma petite memoire Je te remercie humblement (Mir. st Nic. juif, c.1480-1500, 156)

Savoir faisons que nous, ces choses considérées et la très grant loyaulté que nostre chier et amé cousin le conte de Dampmartin, grant maistre d'ostel de France, a tousjours demonstrée envers nous et la couronne de France, icelluy, pour ces causes et autres à ce nous mouvent, avons, fait, commis, establi et ordonné, et par ces presentes... (Le Clerc, Interp. Roye, c.1502, 335)

Demonstrer qqc. à qqn

...pour ce que je sers de demonstrer clerement et faire veoir en conscience et de fait a un chacun et chacune ses propres taches et deffaulx, me vois tu tenir en lieu de cepstre cestuy resplandissant mireuoir (Chr. Piz., Cité dames C., c.1404-1407, 627)

En particulier. Demonstrer Dieu. Prouver (l'existence) de Dieu.

Ne aussi par verbes puet on demonstrer Dieu, car les verbes signifient avec certaines manieres d'inclinations du courage diverses (...) mais teles choses ne chieent en Dieu. (Somme abr., c.1477-1481, 156)

Je te demande : es chouses dessus dictes n'est il pas demonstré le Filz de Dieu et l'umanité qu'y prinst estre une meisme personne, en telle maniere que icellui meisme Dieu et homme soit Dieu et homme, filz de Dieu et de la Vierge ? (Crap., Cur Deus, De arrha B.H., c.1450-1460, 241)

Experience le demonstre

Certes en bonne paix sont tous biens enclos, selon le dit de saint Augustin, et experience le demonstre en ceulz qui ont paix de conscience, et par dehors on le voit qui pense aux maulz crueulz qui sont en bataille et en guerre. (Gers., Noël, p.1404, 293)

De laquelle dicte prison dit Saint Pol qu'il n'y a seurté en nul des estas ne en quelconques place, si que devant est jà touchié et que experience le nous demoustre, meismes des mieulx fortunez et de ceulx que reputons les plus eureux (Chr. Piz., P.V.H., 1416-1418, 25)

MATHATIEL. C'est ung parfait Refuge et souverain soulas Que de servir sainct Nicolas. L'experience le demonstre. (Mir. st Nic. juif, c.1480-1500, 142)

En particulier. Établir par raisonnement.

...mais c'est impossible naturelment, si comme je ai autre fois demonstré en autre science. (Oresme, E.A.C., c.1370, 504)

Et en ce premier livre est, par raisons unies et congrues, demonstré que chouse impossible est homme estre saulvé sans Nostre Seigneur Jhesu Crist. (Crap., Cur Deus, De arrha B.H., c.1450-1460, 162)

Il leur fault leur cas remonstrer Et la gloire spirituelle Par vives raisons demonstrer. (La Vigne, S.M., 1496, 329)

Demonstrer + inf.

Toutes ces choses (...) monstrent celui Jhesus estre morteux et le demonstrent estre participans en tous nos inconveniens, qui ensuit nature humainne. (Crap., Cur Deus, De arrha B.H., c.1450-1460, 227)

Et encores pour demonstrer estre ung Dieu et trois personnes, il est escript par le Psalmiste 'Dieu, nostre Dieu nous beneisse, Dieu nous beneie' et cet. (Somme abr., c.1477-1481, 124)

Demonstrer que + ind. Prouver que.

J'ay entrepris a l'ayde de Dieu prouver et demonstrer, comme advocat et ploidoyeur contre erreurs et vices, et comme estant en la chayere de verité crestienne, que Ceulz yci sont bieneureux Qui les cuers ont doloreux. (Gers., Déf., 1400, 221)

Bien y apert, car par souvent louer et recorder mon nom, il demonstre qu'il veult, comme que soit, imprimer en cueur d'omme fermeté d'esperance (Chart., L. Esp., c.1429-1430, 96)

...on peult demonstrer que bethonique qui est chaulde au tiers degré, elle vault en tinite d'aureille (Gordon, Prat., c.1450-1500, III, 9)

Les exemples de ceulx du temps passé suffiroient à demonstrer que tout l'honneur du monde est venu par conquerir et guerroyer. (Bueil, I, 1461-1466, 52)

Le premier chapitle preuve et demonstre que Dieux est. IJ. Cy demonstre qu'il est ung seul Dieu sans aultre. IIIJ. Cy demonstre que ung seul principe est. V. Cy preuve que Dieu le Pere est. VJ. Cy demonstre que le Filz est. VIJ. Cy demonstre que le Filz est l'ymage du Pere. VIJ. Cy demonstre que le Saint Esperit est. (Somme abr., c.1477-1481, 87)

Demonstrer à qqn que

...Vraye cognoissance leur [les alliés des Anglais] demoustrera que en la mort dont tu as parlé, pour laquelle ilz dient eulx estre aliés, je n'ay coulpe (Juv. Urs., Aud. celi, 1435, 229)

Demonstrer qqn + attribut

Mais, avant qu'il fust decolé, il pria sa femme que, aprés ce qu'il seroit mort, que elle le demonstrast innocent par la demonstrance du fer chault. (Batallier, Lég. dorée D.-L., 1476, 1169)

...par encens le denottons Vray Dieu, et tel le confessons ; Par or nous le demonstrons roy Et par mierre mortel en soy (Myst. Pass. Troyes B., a.1482, 307)

Participe passé. [Dans un cont. jur.] (Payer amende) de sang demonstré. (Payer une amende) pour avoir bléssé qqn' ; (littéralement 'pour sang visible').

Item les diz bourgoiz ne doivent paier de clameur fors que vint deniers. Item de chouse nyée et puis recognute ou prouvée sept solz d'amende. Item de sang demonstré ou cognut soixante sols d'amende. (Titres Bourbon L., t.2, 1385, 18)

B. -infinitif substantivé. Preuve.

Pour cause de brefvete il n'est mestier du demoustrer, car la playe est toute notoyre (...) et les pauvres creatures qui s'en fuient du royaume emportent le testmoingnage. (Mézières, Songe vieil pèl. C., t.2, c.1386-1389, 365)