CONVAINCRE

verbe

[T-L : conveincre ; GD : convaincre ; GDC : convaincre ; AND : convencre ; FEW (II-2, 1135b, 1136a) : convincere ; TLF (VI, 110a) : convaincre]

Emploi transitif.

A. -Vaincre totalement (une armée, les ennemis...), forcer à se rendre.

Matez seront et convaincuz (Dupin, Mélanc. L., c.1324-1340, 74)

Et ainçois m'en combatroie a .II. ou a .III. voire a tous, que tuit ne fussiez convaincu et mal bailli (Bérinus, I, c.1350-1370, 87)

Or diray de Phillippe (...) Et du bon empereur de l'alemant terrois Qui cuidierent paiens convaincre a celle fois (Cip. Vignevaux W., p.1400, 147)

Pareillement, ou temps de Judas Macabeus, le roy de Babillonne, qui s'estoit efforcé de destruire le petit pueple d'Israel, fut rebouté et convaincu et à la fin constraint de fermer allyances avec icellui Judas (Bueil, I, 1461-1466, 120)

...sans plus avant enquerre, Fut convaincu en furieuse guerre, En trebuchant du plus hault de son throne (Antitus, Poés. P., c.1500, 67)

Remarque : Guill. Orange T.H.G., p.1450, gloss. ; Erec C.T., c.1450-1500, gloss. ; Livre Regnart S.-H., c.1460, gloss. ; Hist. prem. destruct. Troie R., c.1470-1480, gloss.

Au figuré. Venir à bout de.

Toutdis li biens faires vaint Et convaint Et rataint En la creature humainne Le pechiet qui le demainne (Froiss., Joli buiss. F., 1373, 239)

Je ne flechis nulle part : car je n'ay amy ne annemi ne escalourgeant voulenté ; pitié ne me convaint, ne cruauté ne me muet. (Chr. Piz., Cité dames C., c.1404-1407, 635)

...au jour d'ui par une nouvell mutacion sera convaincue et soubzmise aux lachs d'Amours (Cligès C.T., 1455, 72)

Et convainquit avecques peu de gens Le hault pouoir des robustes geans (Saint-gelais, Séj. honn. D., c.1490-1495, 188)

...nulle superfluité de maladie ne convainct ta complection (Saint-gelais, Séj. honn. D., c.1490-1495, 253)

Par extension. Forcer qqn, exercer une pression sur qqn.

[D'une chose] Convaincre qqn à + inf.

Si est faicte la guerre par gens sans terre et sans maison ou que la greigneur part, que necessité a contrains de vivre sur autrui, et nostre besoing nous a convaincus a le souffrir et encores ne nous a la penitance de ce pechié chastiez (Chart., Q. inv., 1422, 57)

B. -Démontrer (une culpabilité), déclarer coupable.

1.Montrer que qqn est coupable, le déclarer coupable.

...et, quant il ot convaincuz les diz herites... (Jean Golein, Rational B.D., c.1370-1372, 269)

...et preuve menteresse par tres vives raisons en la convainquant (Foul., Policrat. B., I, 1372, 86)

Et soyons de tel heure né Que nous ne soyons condempné Par nos meffais, comme ceuls furent Qui pour Suzanne se deçurent, Les faulx vieillars, juges meffais, Que li peuples pour leurs meffais Et leur fausse accusacion Mistrent en condempnacion, De mort par Daniel l'enfant, Qui pour leur mauvais jugement Les convainquit et separa Et tous deux menteurs les prouva ! (Desch., M.M., c.1385-1403, 174)

Les orguilleux aussy a cause de leur vertus ou sainctité sont par cest exemple bien convaincuz. La sote presumpcion de leur cuer est bien rabatue, et veons clerement que nous ne devons nulluy pour ceste vie ou tost louer ou tost condampner, car nous ne savons que nous est advenir (Gers., P. Paul, a.1394, 489)

Estre convaincu pour. Être reconnu publiquement de manière infamante comme.

Lequel gaige ou non sera devant les parties adjugié au jour et place par nous ou par leur juge ordonné, sur la painne de estre reputé pour recreant et convaincu cellui a qui la faulte sera. (La Sale, Salade, c.1442-1444, 211)

Estre convaincu de qqc. Être reconnu coupable de qqc..

...ceulz qui estoient convaincuz de conjuracion contre li (Foul., Policrat. B., III, 1372, 246)

De ceste yre que trop messeant à prince en estre convaincu, le pues tu veoir par les tres maugracieux semblans et desordonées contenances que Tulles recorde qui apperent en homme ayré (Chr. Piz., Paix W., 1412-1413, 172)

Estre convaincu que

...pour ce ne suy je pas convaincu que je aie menty quant... (Foul., Policrat. B., I, 1372, 97)

[D'une chose] Montrer que qqn est coupable.

Et la sainte escripture les convaint estre ydolastres et a estre condampnéz par le jugement de la divine majesté. (Foul., Policrat. B., I, 1372, 123)

[À propos de David, qui a connu plusieurs femmes] Selon la verité, quant son ardeur de la femme avoir en mariage se descouvri par advoultire et homicide, je ne veul point traveillier pour son excusacion, et encore pour ce que, li convaincu de la parabole, il, qui pas ne l'entendoit, si respondi qu'il estoit digne de mort. (Foul., Policrat., IV, 1372, 60)

Participe passé en emploi substantival. Celui dont la culpabilité est prouvée.

...l'en doit punir griefment le convaincu selon la mesure et la quantité de son pechié. (Foul., Policrat. B., V, 1372, 395)

...les convaincuz soient au jour d'ui puniz (Foul., Policrat. B., V, 1372, 414)

2.Convaincre qqc. Reconnaître qqc. (un acte condamnable).

...la quelle chose est veue et convaincue par ce que eulz, donnéz et ramenéz a deshonnestes et villaines passions, faisoient choses qui ne convenoient a aage n'a sexe n'a nature n'a fortune et deshonoroient et enlaidissoient les personnes toutes par le tesmoing de leurs villes oeuvres. (Foul., Policrat. B., III, 1372, 209)

...mais par la bonté divine seront convaincues toutes telles cautelles et frauduleuses malices, et n'est jà besoing que desormais vous essayez de parvenir à voz fins par telles escriptures ne langages, car, au plaisir de Dieu, nous sommes deliberés de garder, preserver et deffendre nosditz subjectz de tout nostre povoir (Le Clerc, Interp. Roye, c.1502, 260)

3.En particulier. DROIT Démontrer la culpabilité de qqn, le déclarer coupable.

'Beaulz amis', se dit Gieffroy, 'je ne vous demande pas tant, mais se tu me vuelx avoir en convenant sur ta loyauté que tu me menras a Romme, quant tu yras, et que, se tu n'y vas prouchain, que tu m'y feras mener, je t'aprendray si a plaidier que tuit cil a qui tu as a faire seront convaincu et maté, et avras tant du leur comme il te plaira...' (Bérinus, I, c.1350-1370, 60)

Et, toutevoies, la prise et la detencion deveret appartenir au Roy, juques a tant que telles personnes soient convaincues dez crimes lezquelx leur sont imposés. (Songe verg. S., t.2, 1378, 179)

...fu dit (...) et ordené que, pour aydier à convaincre yceulx prisonniers par lui accusez, l'en sursserroit quant ad present de fere execucion de la personne dudit prisonnier jusques ad ce que, par ledit mons. le prevost, seroit sceu et congneu des accusacions faites par ycellui prisonnier contre aucuns autres prisonniers estans oudit Chastellet. (Reg. crim. Chât., I, 1389-1392, 68)

LE PREVOST. Je te maniray ! La verité te feray dire, Car ne peux au cas contredire. Tu es convaincu et ataint. (Myst. jeune fille L., c.1413-1445 [c.1530], 64)

...nous voullons et ordonnons que aucun ou aucuns des dis manans et habitans de nos dites ville, Cité et banlieue de Franchise ne puissent doresenavant estre traictéz, citéz, convaincu ou adjournéz en premiere instance par commictimus, privilleges de noz officiers ordinaires et commensaulx, privilleges de scollarité, cognoissance de scelléz (Hist. dr. munic. E., t.1, 1481, 470)

Convaincre qqn de qqc. Démontrer la culpabilité de qqn en qqc., le conduire à se reconnaître coupable de qqc..

L'abbes et li couvenz, qu'estoient lors saint homme, Traitent personelment Regnart a cour de Romme. Tantost fut convoincuz de som tres grant meffait (Gir. Ross. H., c.1334, 294)

...il avoit continué le mieulx qu'il avoit peu et sceu, tant oudit païs de Beauvoisis, en Lannois, en Soissonnois, comme à Paris et ès villes voisines, sans ce qu'il eust oncques esté reprins, attaint ou convaincu d'aucun mauvès cas ou crime. (Reg. crim. Chât., I, 1389-1392, 202)

Et dit que tout le temps de sa vie, puis XXIIIJ ans ença, il a gaigné sa vie audit mestier (...) sanz ce qu'il ait esté aucunement reprins ou convaincu d'aucun crime ou delit. (Reg. crim. Chât., II, 1389-1392, 381)

Puiz a esté declaré estre attaint et conveincu de crime de lese magesté, et a esté privé de tous offices et benefices ecclesiastiques (Baye, II, 1411-1417, 249)

Laquelle chose lesdis commissaires n'ont peu obtenir, ja soit ce que les dessus nommez ne feussent accusez, convaincuz ne atains d'aucunes faultes. (Fauq., I, 1417-1420, 40)

C. -Par extension. Démontrer, montrer.

...dont par raison est convaincu que il n'est point en nature cas d'aventure se aucun diffinist cas en disant que... (Foul., Policrat. B., III, 1372, 221)