ENSEIGNER

verbe

[T-L : enseignier ; GD : enseignier1 ; GDC : enseignier ; AND : enseigner ; DECT : enseignier ; FEW (IV, 713a) : *insignare ; TLF (VII, 1179a) : enseigner]

I. -[Idée de marque, de repérage, d'information, de preuve] Faire connaître, désigner, attester.

A. -Enseigner qqc. de qqc. Marquer qqc. de qqc. (d'un signe distinctif).

...consentons (...) que euls et leurs successeurs, bourgois et manans dedens l'eschevinaige de nostre dicte ville, puissent faire et faire faire et ouvrer toutes manieres de loyaux draperies, de tel loy, esward et preuve comme ceux de le ville d'Estaires font, oevrent et ont acoustumé à faire. Et yceuls draps qu'ils feront enseignent d'un certain seel de nos armes et une addicion convenable. (Hist. industr. drapière Flandre E.P., t.3, 1359, 2)

Bien souvent les mesures du blé et du vin et d'autres choses moindres sont enseignées du publicque signe du Roy. (Oresme, Monnoies W., c.1365, XXXVIII)

Là estoient encores sus ces mas ces estramières armoiies et ensegnies de leurs ensengnes qui baulioient au vent (Froiss., Chron. L., IV, c.1375-1400, 90)

...que nuls marchans ne marchande de waranche ne aultres, quelz que il soit, ne venghe ne fache vendre par lui ne par autrui waranche aucune en ceste ville ne en le chastelenie, se elle n'est passée à l'eswart et ensengnie de l'ensengne de ceste ville, sour 10 lb. de fourffait et le warance fourfaite à le volenté des dis maïeurs (Hist. industr. drapière Flandre E.P., t.3, 1382, 23)

Et que nuls ne nulle quelz que il soit, en ceste ville ne si lonc que taille dure, ne fache ne ne fache fere par lui ne par autrui que 4 warances (...). Et soit chascune enbalée à par lui et ensengnie de le marque doudit mollin et d'autre ensengne avoec chelle qui soit à difference, par quoi on puist clerement congnoistre et savoir quele waranche che est (Hist. industr. drapière Flandre E.P., t.3, 1382, 24)

Estre enseigné de qqc. Avoir pour blason telle chose.

Bien se maintient Melyador. Ensengniés fu d'un soleil d'or (Froiss., Méliad. L., t.2, 1373-1388, 197)

Emploi pronominal réfléchi.

Les gens de ce pais se enseignent en visage d'un fer chault en pluseurs lieux, et ce meisme font les femmes. (Jean Le Long, Voy. Odoric C., 1351, 153)

B. -Désigner, signaler.

1.Enseigner qqn. (à qqn). Faire connaître, désigner qqn (à qqn).

LE CONTE. (...) Si vous pri que vous me doingniez Conseil, et aucun m'enseigniez Qui bon y soit. (Mir. enf. ress., 1353, 14)

A un autre yras sans delay Hermite, que t'enseigneray (Mir. st Guill., c.1347, 24)

Et dist, sur ce requis, que, à toutes lesdites larrecins par lui faites, il a esté tout seul, ne n'en sauroit nommer ou enseigner aucuns autres compaignons dudit mestier, si non lesdiz Brun et Cousin (Reg. crim. Chât., I, 1389-1392, 106)

Dire où se trouve qqn.

JOSEPH. Dieu benist tout ! Chier parent, est il de vous nulz Qui me sceust enseigner Jhesus, Nostre enfançonnet tant habille ? Nous le querons par toute la ville (Gréban, Pass. J., c.1450, 127)

Adont le roy Perceforest lui demanda s'elle lui sçavroit point enseignier le jennencel dont le roy Alixandre faisoit mencion en sa lettre. (Percef. IV, R., c.1450 [c.1340], 54)

Désigner, dénoncer qqn.

...li non coupable (...) se pooient bien purgier et excuser de ce fourfait par enseignier les coupables (Froiss., Chron. R., X, c.1375-1400, 130)

...et que il ne les accusast ou enseignast aus gens de mons. de Bourgogne (Doc. 1391. In : M. Bubenicek, Entre rébellion et obéissance, 2013, 594)

Emploi pronominal réciproque. Se reconnaître, se faire reconnaître.

...le prevost des marchans lui bailla son chapperon, qui estoit tel que ceulz de leur alience portoient pour eulz ensaigner. (Chron. norm. 14e M., c.1369-1372, 123)

2.Enseigner qqc. (à qqn). Signaler, indiquer, faire connaître, montrer qqc. à qqn.

Je vous en merci bonnement, Car moult bien et moult sagement M'avez enseingnié et prouvé Tout ce que je vous ay rouvé. (Mach., D. Lyon, 1342, 229)

Enseigniez nous une maison (...) Ou sanz plus huimais puissons estre Herbergié, dame. (Mir. nat. N.S.J.C., c.1343, 210)

Dont uns maistres de grant science Et de trés bonne conscience A un sien deciple enseingne Et li moustre de moy l'enseingne, Disant : 'Amis, je te chastoy : Se tu ne mès Mesure en toy, Elle s'i mettra maugré tien. Ceste parole bien retien...' (Mach., J. R. Nav., 1349, 260)

Et le costé fendu avoit, Si qu'on veoit appertement Son cuer sans nul empechement, Et si le enseingnoit de son doi Ou il avoit, dire le doi, En escript : De prés et de loing (Mach., Voir, 1364, 648)

...il est le saint homme clamez, Et de toutes gens est amez Pour les biens qu'il enseigne et moustre. (Mir. st Val., c.1367, 131)

Monseigneur, ou avez vous intencion d'aler ? Et Anthoine lui respond : A l'aventure de Nostre Seigneur, pour trouver et acquerre honneur et chevalerie. Par ma foy, dist l'escuier, et je vous enseigneray la plus belle adventure et la plus honnourable que oncques nobles jeunes hommes eussent en leur advenement, et la plus raisonnable emprise. (Arras, c.1392-1393, 149)

...que tous les vins qu'il auront quelque part qu'il soient en ladicte ville et banlieue ilz monstrent et ensaignent aux gens et commisseres d'iceulx fermiers (...) sans en rien conceller ne muchier (Rouen temps Jeanne d'Arc L., 1436, 310)

Ne pourront ceux de ladite ville, ne autres qui demoureront en icelle, avouer à eulx appartenir, ne tenir aulcuns des biens de ceulx qui s'en yront, ne les recéler, mais seront tenus de les enseigner et dénoncer (Doc. 1450. In : CHART. J., Chron. Ch. VII, V., t.2, c.1437-1464, 209)

...ay donné encores délay audit seigneur de Beauvoir en la personne dudit Ribe, son servicteur, pour monstrer et enseigner ses paiemens et acquictz de ladicte somme (Aff. Jacques Coeur M., 1453-1457, 421)

Et de fait il m'enseigna ung bon remede pour me garder de ce mauldit dangier. (C.n.n., c.1456-1467, 41)

Il regarde le blanc qui luy est enseigné et, par ce regart, il adresce sa main et conduit la flesche droit a l'ensengne a laquele il a son regart. (Fillastre, Traité Conseil H., c.1472-1473, 188)

[D'une chose]

Je di encor que mesdisans, Qui po souvent sont voir disans, Sont en amours tres pourfitables Et que leurs jangles et leurs fables Einseingnent tout ce qu'on doit faire Qui d'amours vuet à bon chief traire. (Mach., Compl., 1340-1377, 268)

Or puet estre qu'il avenra Que celle le refusera, Nom pas pour cause de dongier, Ne pour lui de li eslongier, Mais par raison, qui li enseingne D'abstinence la droite enseingne, Assise delés sobreté, Qui tient dame en sa liberté, Afin qu'elle soit sus sa garde. (Mach., D. Aler., a.1349, 304)

Dame, qui vuet vostre droit nom savoir Voie ce dit qui en chantant l'enseingne. Ja .V. de uis faut oster et mouvoir, Dame, qui vuet vostre droit nom savoir. Or le vueilliez en bon gré recevoir, Car je l'ai fait pour vous à telle enseingne. (Mach., Rond., 1377, 575)

Toutes les autres choses appartenans a la nef, sicomme les tymons et la pompe et la prosne, les chasteaux, les bannieres, les ancres de fer, les cordes, la boiste de la mer qui enseigne le chemin, les pilotz, la sentine et toutes les autres choses moralisees au propouz sont largement et clerement declairees en leurs propres chappitres. (Mézières, Songe vieil pèl. C., t.1, c.1386-1389, 112)

Emploi absolu.

Ilz vindrent assez tost, comme on leur enseigna, au lieu desiré, et s'adrecerent au maistre d'ostel du seigneur, qui estoit ung ancien escuyer, qui les receut, comme estrangiers, treslyement et honorablement. (C.n.n., c.1456-1467, 172)

Dire où se trouve qqc..

Et au departir Berinus enseigna a Gieffroy son hostel, et Gieffroy lui enseigna le sien, siques moult souvent li uns aloit veoir l'autre et descouvroient toutes leurs privetés li uns a l'autre (Bérinus, I, c.1350-1370, 230)

Quant il fu venus sus le marchiet, on li enseigna l'ostel de l'evesque de Laon. (Froiss., Chron. R., X, c.1375-1400, 279)

...laquelle houppellande et panne il apporta en la ville de Paris, sanz le sceu ou congé d'icellui clerc, et ycelle vendi à un freppier ès halles, ne scet son nom, ne aussi ne sauroit enseigner sa demeure (Reg. crim. Chât., I, 1389-1392, 70)

Dame, dist Ourseau, se sçavoir pouoye ou elle monta en mer, celle part iroie voir se trouver pourroie qui navire m'enseignast. (Percef. IV, R., c.1450 [c.1340], 807)

De laquelle prinse et emprisonnement il appella, lui estant èsdites prisons, pour empescher qu'il ne fust aucunement interrogué des cas dessus diz, combien qu'il eust tousjours vouloir et entencion de rendre et restituer à sondit oncle les dites choses par lui prinses furtivement comme dit est. Et depuis a renoncé à son dit appel, lui estant èsdites prisons, et enseigné lesdites choses par lui prinses et ravyes (Doc. Poitou G., t.10, 1457, 29)

Parle MAGDELENE a prodon. Prodommes, se vous sçavés le corps De mon seigneur qui est mors, S'y vous plait, se le m'anseignés, Et vous en serés tresbien payés (Pass. Autun Biard F., 1470-1471, 143)

Annoncer qqc..

Si viens a ce que les saintes prophecies enseignent, et treuve que troys principalles choses donnent signe de divine fureur sur lez nations et de l'ire de Dieu contre les seigneuries. (Chart., L. Esp., c.1429-1430, 78)

En particulier. Enseigner le chemin (à qqn)

...Et cil lui a la voye monstree et enseignie. (Tristan Nant. S., c.1350, 625)

...si s'en alerent celle part, car bien trouverent qui leur enseigna le chemin. (Bérinus, II, c.1350-1370, 87)

...enseignez me chemin Qui de ce bois me mette a fin Et maine a ville. (Mir. Berthe, c.1373, 192)

Quant l'avant-garde fut oultre la rivière, s'i logierent en attendant touttes les hostz et pour eulx enseigner le passaige. (Froiss., Chron. M., XIV, c.1375-1400, 90)

On prist ces honmes, on les monta sus chevaus pour ensengnier le chemin. (Froiss., Chron. D., p.1400, 134)

...si luy en vouloit tant de mal qu'on ne le vous saroit dire: 'Et qui vous a enseigné la voye de ceans, mon escuier ?' (C.n.n., c.1456-1467, 213)

Celle lui respondy tantost ou mesmes langaige et lui enseigna sa voye, et de fait ala longuement avec lui tout devisant, comme s'elle l'eust congneut de longtemps. (Ev. Quen., I, c.1466-1474, 116)

La noble royne s'esjoy fort quant elle sceut que Jason avoit illec couchié, et enquist de sa maniere et quel chemin il avoit tenu. L'oste lui dist, quant au regart de sa maniere, qu'il n'avoit oncques beu ne mengié, et quant a son chemin, qu'il avoit tenu une voye qu'il lui enseigna. (LEFÈVRE (R.), Hist. Jason P., c.1460, 154)

Et je vous requier, mon beau sire, Que me vuillés enseigner Le plus droit chemin pour aller à la fontaine de Jovence. (Arcel., Vieill. C., c.1480-1520, 604)

Au figuré.

Et dit Lucan le poete que les Juyfs ne vouloient enseignier la voie fors seulement a ceuls de leur loy. (Oresme, E.A.C., c.1370, 413)

...la sainte et divine Escripture oste l'ennuy de la personne qui a luy s'abandonne (...) et luy enseigne le sentier de pardurable felicité (Gers., Concept., 1401, 388)

Elle vouldra aussi quant leur aage croistra et que ilz auront entendement, que ilz soient amonnestéz des choses du monde et du gouvernement qui leur affiert et de toutes choses qui a prince assavoir apertiennent, que tous amonnestemens de vertus leur soyent diz et demonstréz, enseignee la voye de fuir vices. (Chr. Piz., Trois vertus W.H., c.1405, 60)

Ce n'est pas le droit chemin que Seneque leur ensengne. (Fillastre, Traité Conseil H., c.1472-1473, 195)

[D'un animal]

'Beau sire, vecy la beste qui vous doit enseignier la voye dont dieu vous doint a joye retourner.' (Chev. papegau H., c.1400-1500, 64)

3.Enseigner (à qqn) que

Faire savoir à qqn que.

'Chils Phelippes d'Artevelle monstre et nous enseigne par ses escripsions que il ne fait pas grant compte dou roi ne de sa poissance.' (Froiss., Chron. R., X, c.1375-1400, 283)

Par lequel Haussibut li fu dit et enseignié que la chamberiere d'un nommé Faveau, demourant en icelle ville de Villeneufve, avoit prinse icelle tasse lorsque elle avoit esté perdue, et icelle mucée ou secours de sa robe (Reg. crim. Chât., II, 1389-1392, 301)

[D'une chose] Indiquer que.

Et la Ve. [fontaine] , qui s'espart Et s'esvanuÿt et depart Au chant de la vierge, m'ensengne Qu'Amours, qui est la droite ensengne D'Onneur, s'est toute esvanuÿe De vo cuer et s'en est partie... (Mach., Voir, 1364, 760)

Il se meurt : cecy nous enseigne Qu'il fault ses derniers sacremens. (Path. D., c.1456-1469, 134)

Répandre l'idée que.

...la Court defent de par le Roy (...) que aucun, de quelque estat ou condition qu'il soit, d'ores en avant ne die, publie, afferme ou enseigne en la signeurie du Roy qu'il soit loisible à quelque vassal ou subgiet ou autre occirre aucun par aguet (Baye, II, 1411-1417, 270)

Enseigner à qqn + sub. interr. indir.

Damoiselle, se Dieu vous gart, Enseignez moy par quel chemin G'yray pour trouver pain ne vin (Mir. Berthe, c.1373, 232)

Guillaume Constans, demourant au Pont-Gibaut, enseigna audit Merigot comment se pourroit prendre Chasteau-Neuf, et de Cornoueille, et l'estat et gouvernement desdiz lieux (Reg. crim. Chât., II, 1389-1392, 178)

...icellui escuïer, qui estoit de la garnison du chastel de Carlat, dist et enseigna à lui qui parle comment il lui feroit bien prendre ledit chastel (Reg. crim. Chât., II, 1389-1392, 189)

...sadite marrine lui enseigna la maniere comme elle parleroit audit Haussibut (Reg. crim. Chât., II, 1389-1392, 292)

...afin que elle donnast et enseignast à sondit mary la maniere comment il pourroit briefment garir (Reg. crim. Chât., II, 1389-1392, 333)

[D'une chose]

...Et si signefie justice, Car cils fait bien qui ceus justice Qui n'uevrent mie lealment ; Mais bien se gardent qu'egalment Au grant et au petit la face, Sans trop grant rigueur et sans grace. Et li IJ. trenchans [de l'épée] se t'enseingnent Qui en sanc des hommes se baingnent. (Mach., P. Alex., p.1369, 14)

Il ne regarde pas a la loy qui parle et qui l'ensengne comment il doit conseiller, mais regarde a la main de celluy qui luy donne. (Fillastre, Traité Conseil H., c.1472-1473, 160)

Enseigner qqn au doigt. Faire connaître qqn par des exemples concrets (litt. on montre qqn du doigt pour le faire remarquer), citer qqn en exemple.

Mais Melyador li courtois Demora darainiers de tous, Qui ce jour a les siens rescous Et fait honneur oultre l'ensengne. On le moustre au doi et ensagne. (Froiss., Méliad. L., t.2, 1373-1388, 371)

Le nom de preu renlumine les coeurs precheus et resplendit en ces sales et en ces palais : on l'ensengne au doit, on recorde son bien fait, on li donne glore en ce monde. (Froiss., Chron. D., p.1400, 36)

C. -Attester.

1.Emploi transitif indirect. Enseigner de qqc. Faire la preuve de qqc. ; attester, certifier qqc..

Item qui en mon premier compte sont prins ou chappitre d'Achat de chevaulx, pour un cheval achaté de Messire Ricart Carbonnel, dont je ne puis bonnement ensaignier du mandement, LXX frans. (Compte Navarre I.P., 1367-1371, 426)

Le quel capitaine lui respondi qu'il le feroit volentiers, mais que il ensaignast de son povoir et eust sur ce licence du dit chapistre, en nom de qui il avoit la garde du dit chastel. (Doc. Poitou G., t.4, 1376, 394)

...avecques ce fera dedans le dit an chanter cent messes en l'eglise de la parroisse où le dit deffunct est enseveli, ou ailleurs où il plaira au dit exposant, pour le salut de l'ame du dit deffunct, et sera tenuz d'en enseigner de bonne quictance et descharge. (Doc. Poitou G., t.5, 1387, 330)

Et, ce fait, fu (...) commandé et enjoint que, dedens ledit temps, il aporte ou enseigne deuement de sa lettre de tonsure (Reg. crim. Chât., I, 1389-1392, 77)

...ledit mons. le prevost donna terme jusques à la Nostre-Dame mi-aoust prochainement venant, et lui enjoint que en dedens ledit temps il enseignast de la propiété [l. proprieté] de ladite tonsure, sur pene d'en estre forcloz et debouté du tout à tousjours. (Reg. crim. Chât., I, 1389-1392, 401)

...à l'occasion de la quelle perte et que par lettres lesdiz habitans ne pourroient enseigner de la dicte exempcion et afranchissement, on les pourroit et vouldroit contraindre à paier et contribuer ou temps avenir aus dictes tailles et subsides, et à cause de ce grandement les travailler et molester (Doc. Poitou G., t.7, 1427, 431)

Emploi absolu. Se justifier.

...il est assavoir, se il [celui qui a la preuve à faire] n'est de ce garanti de dilligence ou qu'il ne ensaigne deuement, il pert sa cause pour la reprinse que sa partie lui en donne et dont il atrait a amende. (Instruct. ensaign. B.G., c.1386-1390, 64)

Enseigner de + inf. Faire la preuve que.

. : ...sil qui a la preuve a faire, devra a iceulx plès ensaigner de dilligence avoir faicte de ses temoings faire venir, soit par le sergent a qui il die avoir les requis, ou par lettres requisitoires si sont clers ou demourans hors du povair du juge devant qui l'en plaide. (Instruct. ensaign. B.G., c.1386-1390, 64)

2.Enseigner que. Faire la preuve que.

Item, se l'en contraint ung homme, en court laye, de donner tresves, et il allegue qu'il soit clerc, en requerant declinatoire, s'il avoit tonsure, il la devroit avoir, et si non, il ne la devroit point avoir s'il ne se vouloit charger de ensengner qu'il fut clerc. (Echiq. Normandie S., c.1400, 204)

II. -[Idée de transmission du savoir, du savoir-faire, de valeurs]

A. -Emploi transitif.

1.Enseigner (à) qqn.

a)Instruire, éduquer qqn (intellectuellement et/ou moralement).

...Franchise, honneur et gentillesse, Honte, verité et noblesse, Avec toutes bonnes vertus Dont ses gens corps est revestus Qui a toute heure l'acompaignent, Gardent, nourrissent et enseingnent, Ne se deingnassent assentir Qu'en riens la laissassent mentir. (Mach., R. Fort., c.1341, 155)

Que non seulement en meurs mais aussi en science on les doit enseignier des leur enfance, dont est dit en Ecclesiastique ou .VIe. chapitre : 'Mon filz, des ta jennesse rechoy doctrine, et jusques en tes anciens jours tu trouveras sapienche'. (Daudin, De la erudition H., c.1360-1380, 10)

Si qu'il ont esleü et pris Quatre deesses de haut pris, Pour li nourrir et gouverner, Enseignier et endoctriner. (Mach., P. Alex., p.1369, 5)

Nul n'i est qui frans ne soit, Et s'uns villains y entroit, Bonne Amour li mueroit En miex son corage ; Franchise l'affranchiroit, Loyauté l'enseingneroit, Plaisence amer le feroit Et Dous Espoirs le tenroit Cointe, apert et sage. (Mach., Les lays, 1377, 350)

Elle [Ysmarie] avoit ung frere nommé Jaques de Voisines, bel et bon serviteur du roy Claudin, le quel (...) par sa grande et parfaicte bonté l'avoit trés bien moriginé, enseigné et en toute vertu endoctriné (Nouvelles inéd. L., p.1452, 1)

Encores veul je et vous commande que les sept euvres de misericorde espirituelles soient toujours en vous, c'est assavoir les ygnorans enseignier, les deffaillans corrigier (La Sale, J.S., 1456, 39)

Item, a Marïon l'Idolle Et la grant Jehanne de Bretaigne Donne tenir publicque escolle Ou l'escollier le maistre enseigne. Lieu n'est ou ce merchié ne tiengne, Synom a la grisle de Meun ; De quoy je diz : 'Fy de l'enseigne, Puisque l'ouvraige est si commun !' (Villon, Test. R.H., 1461-1462, 126)

Strato Lampsacenus, souverain philozophe et astrologien, vint en fleur environ ce temps et pour sa grande experience fut baillié pour enseigner et instruire Ptholomée Philladelphe (Simon De Phares, Astrol., c.1494-1498, f° 58 r°)

[Prov., sentences] Quand on enseigne autrui on apprend soi-mesme

De che dist Seneque a Lucille : 'Ces choses se font ensamble, c'est a dire que les hommes, lors qu'ilz enseignent autrui, eux mesmes aprendent'. (Daudin, De la erudition H., c.1360-1380, 19)

Le monde enseigne ceux qui demeurent par ceux qui s'en vont

Le monde enseigne ceulx qui demeurent par ceulx qui.s'en vont (Guill. Tignonv., Ditz moraulx philos. E., a.1402, 942)

Vouloir enseigner les sages est orgueil et corriger les obstinés est folie

Mais vouloir enseignier les sages est orgueil et corrigier les obstinéz est folie. (Daudin, De la erudition H., c.1360-1380, 251)

[D'une chose]

Le bien de vous qui en bonté flourist, Dame, me fait amer de fine amour, Vostre biauté qui toudis embelist De dous espoir me donne la savour, Vostre douçour adoucist ma dolour, Vo maniere m'enseingne et me chastoie, Et vos regars meintient mon cuer en joie. (Mach., L. dames, 1377, 163)

Et quanque a la foy appartient Nous enseigne, et d'elle nous vient L'appercevence et cognoiscence, Qu'avons a la divine essence. (Chr. Piz., M.F., II, 1400-1403, 108)

Las, sa parole fructüeuse A fait convertir maintes gens, Et sa scïence lumineuse A enseignhé mains ignorans. (Pass. Auv., 1477, 243)

Enseigner un animal. Dresser (un animal).

Blanc austour est plus gros, beau, facile a enseigner (Tardif, Art faulconn., 1492. In : Chrestom. R., 236)

Emploi absolu.

Instruire, transmettre des connaissances.

Il convient aussi garder en enseignant meureté, c'est asscavoir moiien entre legiereté et tardiveté. (Daudin, De la erudition H., c.1360-1380, 26)

Et a bon droit dist 'en cellui qui donne la science', car de Dieu seul elle est donnee, non seulement a celui qui enseigne mais aussi a celui qui aprend (Daudin, De la erudition H., c.1360-1380, 28)

Avec che, en chelui qui enseigne convient estre honnesté de meurs, et a cheulx qui sont a enseignier humilité. (Daudin, De la erudition H., c.1360-1380, 158)

...car si comme il dit ou premier de Methaphisique, povoir d'enseignier est signe de savoir. (Oresme, E.A.C., c.1370, 537)

L'EMPERIÉRE. Diex vous envoit male meschance ! Est ce le sens dont l'escolez ? En lieu d'enseignier l'affolez. (Mir. Rob. Dyable, c.1375, 60)

Faire l'éducation religieuse de qqn.

En ce tamps fu envoiiés (...) de par le pappe Clement, li cardinaulx de Poitiers (...) pour ensaignieir et preechier le peuple (Froiss., Chron. R., IX, c.1375-1400, 147)

Mais quant ung precheur doit enseigner autres gens par paroles ou par escript c'est necessité souvent user de diverses manieres, a l'exemple du bon medecin qui baille diverses receptes et souvent contraires, selon les varietez contraires des maladies malad[i]es. (Gers., P. Paul, a.1394, 503)

Proverbe. Tel enseigne qui n'en fait rien

Tel presche qui ne sçait qu'il dit ; Tel enseigne qui n'en fait rien (Alecis, Faintes monde P.P., c.1460, 91)

[Même idée]

Et dist apres : Tu reprens chascun et si n'ensengne pas à toy meismes. (Chr. Piz., Paix W., 1412-1413, 171)

b)Enseigner qqn de/en qqc.

Transmettre à qqn le savoir relatif à tel domaine.

...aultre fois j'ay dit ou livre des Seulx Parlers, laquelle chose je repreuve, que ceulx qui sont enseigniés es disciplines liberales, quant ilz les ont oubliees, aprés auchunefois les remettent en congnoissance. (Daudin, De la erudition H., c.1360-1380, 29)

Moÿses fu bien enseignié en toute la science des Egypciens (Foul., Policrat. B., II, 1372, 155)

Et pour ce appert manifestement que il convient aucunes choses aprendre et estre entroduit ou enseignié en elles quant est a la deduction ou deduit ou delectation qui est en vacation ou en contemplation. (Oresme, Pol. Arist. M., c.1372-1374, 342)

...Diex a volu que plusieurs d'eulx aient eu longe vie, pour le proufist conmun, afin que ilz peüssent enseigner le pueple en Astrologie et es aultres sciences, lezquelles estoient enfuses en eulx, par singulier don et grace du Saint Espirit. (Songe verg. S., t.1, 1378, 405)

Ilz sont crestiens telx ou quelx, car ilz ont pou de docteurs qui de la vraye arquemie les puissent enseigner. (Mèzières, Songe vieil pèl. C., t.1, c.1386-1389, 248)

LE MARQUIS [au sergent]. (...) Le [ma fille] porte (...) A la contesse de Panice. Diras qu'elle le me nourrice (...) Et que pour m'amour pregne paine De l'enseignier et introduire De bonnes meurs (Gris., 1395, 55)

Pourquoy te veulz tu preferer a ung autre, quant pluseurs sont trouvés plus sages et plus enseigniés que toy et plus expers en la loy ? (Internele consol. P., 1447, 274)

Cestui Dorothée escripvit sur toutes les huit parties de astrologie et eut avecque soy hommes les plus renommez qu'il peut finer, pour lui enseigner d'icelle science et, entre autres, eut Jalion et Pagal, souverains en Grece. (Simon De Phares, Astrol., c.1494-1498, f° 82 r°)

Enseigné en qqc. Versé, expert en qqc..

...messire Jehan (...), estoit si bien duyt et si bien enseignié en son affaire que mal pooit autrement que bien faire. (Chastell., Chron. IV, D., c.1461-1472, 167)

Transmettre à qqn des attitudes, des façons d'être.

Cest miracle ci peuploia Et en plusours lieux l'envoia Uns hons de mours bien enseignié, Saint Maiol, l'abbé de Clignié, Qui la fut pris par mesprison, Et tint o moult d'autres prison En la guerre que j'ay contee, Quar il estoit en la contree Pour abbaïes visiter. (Tomb. Chartr. Trois contes S., c.1337-1339, 85)

Pour nous est bien tournez li plais Quant la pastoure Griseldiz, Qui tant fu en faiz et en diz Plaine de simple humilité, Et qui adez en charité Nous a tenue compaignie, A de meurs esté enseignie, Tant que par sa benignité Est advenue dignité D'estre marquise de Saluce. (Gris., 1395, 43)

Diras qu'elle le me nourrice, Qu'elle est ma droite suer germaine, Et que pour m'amour pregne paine De l'enseignier et introduire De bonnes meurs et de desfuire Les vices qui sont a blamer, Sur quant qu'elle me puet amer (Gris., 1395, 55)

Soit toute enseignee et aprise des usages, drois et coustumes du lieu, et quelz choses y apertiennent (Chr. Piz., Trois vertus W.H., c.1405, 150)

[Loc. qui ne se trouve que dans les épopées tardives] Personne où il n'y a qu'enseigner. Personne qui a toutes les qualités, parfaite.

...Ses .III. fiex a trouvez avoec le chevalier, Et avoec la pucelle, où il n'ot qu'ensingnier (Baud. Sebourc B., t.1, c.1350, 63)

...Le roy de che pays en oÿ le plaidier C'une pucelle avoit arrivee o gravier, Toute seulle ou paÿs aveuc ung maronnier Et qu'elle estoit tant belle que n'y ot qu'ensengnier (Belle Hélène Const. R., c.1350, 168)

Florantine la belle qui tant fist a prisier Seoit a l'autre lez deden le pallais enthier Avec cez pucelle ou il n'ot qu'ansingnier. (Lion Bourges K.P.F., c.1350, 254)

2.Enseigner qqc.

a)Enseigner qqc. (à qqn). Transmettre un savoir (à qqn).

[Un savoir pratique, un savoir faire]

Selon ce que je treuve es anciens registres, ces euvangiles furent commenceez des les premier et second eages du monde ou temps que regnoit le fort et puissant roy Zoroastes qui fut le premier qui trouva l'art de nygromancie, de laquele art il monstra et enseigna partie a la royne sa femme nommee Hermofrodita, et laquele depuis fist de beaux principes pour le commencement de ces euvangiles (Ev. Quen., I, c.1466-1474, 79)

[D'une chose]

Cyrurgie est science qui enseigne la maniere et qualité de ouvrer en chars, en nerfs et en os par les mains de l'omme (Prevost, Cir. Guill. Salicet, 1492, pref.)

[Un savoir plus ou moins abstrait]

Ce sont les poins et les degrez Qu'Amours m'enseingna et aprist, Quant en gouvernance me prist ; Et je les ay si bien apris Que puis en un seul ne mespris. (Mach., R. Fort., c.1341, 7)

Mais pour mieulz entendre nostre matere, voyons a sçavoir quele chose est honesteté. Aristote le nous ensengne, en son premier livre de Etiques ou .IIIe. chapitle, quant il dit que honesteté est toute chose, quele qu'elle soit, qui, pour le bien qu'est en elle, est a eslire et qui est a louer, non a blamer, ou tout ce qu'est bon et qui est delectable seulement pour ce qu'il est bon. (Fillastre, Traité Conseil H., c.1472-1473, 206)

Et autres livres et auteurs tesmoignent aussi que il la enseigna [l'astrologie] aux Caldoians et Assyrians (Simon De Phares, Astrol., c.1494-1498, f° 18 r°)

[D'une chose]

Et pour ce fu dit que le createur veult estre magnifié selon cest nombre, et ce nouz enseigne nature en laquele est relucente la fourme, vestige ou estrace de Dieu. (Oresme, C.M., c.1377, 56)

Yceste science autentique La nature si nous enseigne Des choses, qui n'ont nulle enseigne De corps et si sont tout autour Des corporaulx choses entour (Chr. Piz., M.F., II, 1400-1403, 113)

Ceste [science (l'astrologie)] enseigne l'ordennement Du ciel et tour du firmament, Et des estoilles, et les cours Des ..VII.. planettes, et leurs cours Par le zodiaque tout temps Es ..XII.. beaulx signes montans, Leur influences, leurs natures, De quoy vient chaleurs et froidures, Toutefoiz, par noms differans Est nommee et d'eulx afferans A elle sont. (Chr. Piz., M.F., II, 1400-1403, 120)

Proverbe. Rien de grand n'enseignera qui de soi rien appris n'aura

...selon le dit de Varron le philozophe : 'Eslis icelui maistre duquel tu auras plus grant merveille pour ses dis que pour les dis d'aultrui. Car rien de grand ne enseignera qui de soy rien apris n'aura ; et ne doit on ceulx appeller 'maistre' qui ne font que raconter choses oÿes, mais on les doit oïr comme ceulx qui racontent les dis d'aultrui'. (Daudin, De la erudition H., c.1360-1380, 13)

Ce qu'on ne sait on ne le peut enseigner

La .IIIe. chose requise ou maistre est humble science ; et premiers scienche, car comme dist Ovide ou livre des Choses Tristes : 'Ce que on ne scet, on ne le puet enseignier'. (Daudin, De la erudition H., c.1360-1380, 16)

[Même idée]

Il convient qu'il ait apris, car il convient aprendre ainchois que enseignier (Daudin, De la erudition H., c.1360-1380, 27)

Et est chose qui fait bien a comparer a jeu d'enfant, voloir enseignier che que on n'a pas apris et scavoir che que on ne scet pas. (Daudin, De la erudition H., c.1360-1380, 51)

Prends du temps pour apprendre ce que tu enseigneras

Pour ce dist saint Jherome a Rustique : 'Aprens en moult de tamps ce que tu enseigneras'. (Daudin, De la erudition H., c.1360-1380, 16)

b)Enseigner (à qqn) (à) + inf. Apprendre à qqn à.

[à pratiquer telle activité concrète]

Un autre clerc, riches homs, et de la court du roy Charles, qui assez estoit invistigeur de secretes sciences, pria moult à l'aultre qu'i lui voulsist enseigner à faire le dit azur, et comme il en feist grant difficulté, à la perfin s'obligia qu'il lui en paieroit .C. frans, et l'autre lui promist à apprendre par si que il jura grant serement que jour de sa vie ne l'apprendroit à aultre. (Chr. Piz., Faits meurs Ch. V, S., II, 1404, 77)

Elle enseigna a ses subgiez a compter et aprivoisier les buefs et a les coustumer a estre acoupplez au jouc ; trouva aussi la charue et leur monstra la maniere comment fendroyent et partiroyent la terre avec ferremens et tout le labour qui y appertient. (Chr. Piz., Cité dames C., c.1404-1407, 743)

Comme dient les Hebrieux, fut ung autre de ce nom, qui enseigna à Ptholomée Sother à naviguer à XV rames et par avant n'en avoit que deux, trois, six, X et XII. (Simon De Phares, Astrol., c.1494-1498, f° 31 v°)

Estre enseigné à/de + inf. Être expert à.

'Tu es moult apparant et fort vertueux et enseignié a ordonner batalles. Je te prie amiablement que tu me veulliez aidier et deffendre de la fureur du dragon' (Colart Mans., Dial. créat. R., 1482, 220)

...vrayement suiz enseignié et aprins de batailles ordonner et conduire (Colart Mans., Dial. créat. R., 1482, 220)

[D'une chose]

...les autres arts et sciences enseignent une estre bon edifieeur ou bon paintre, l'autre estre bon advocat ou bon notaire, l'autre estre bon medicin ou bon musicien et ainsi des autres arts et doctrines. (Oresme, E.A., c.1370, 98)

[...à mener telle pratique morale, religieuse, politique]

...de ce list on en son livre que, son filz auquel il imposa son nom, il lui enseigna des son enfance a cremir Dieu et soy abstenir de tout pechié. (Daudin, De la erudition H., c.1360-1380, 10)

...je vous tien (...) mon treschier et tressingulier amy, qui avez gardé et moy aprins et enseigné a garder mon entiere chasteté (C.n.n., c.1456-1467, 578)

[D'une chose]

Et pour ce que les loys qui sont a magnifier le createur ont regart a cest nombre et veullent que il soit loé et magnifié selon cest nombre .III., ce est signe que trinité est es natures des choses et est es creatures, et que nature nous enseingne a Dieu louer selonc cest nombre. (Oresme, C.M., c.1377, 50)

Il veult dire que savoir la partie de politique, laquelle partie enseigne mectre les loys, est plus noble chose que n'est savoir les loys et rethorique. (Oresme, E.A.C., c.1370, 537)

Et pour ce que les loys qui sont a magnifier le createur ont regart a cest nombre et veullent que il soit loé et magnifié selon cest nombre .III., ce est signe que trinité est es natures des choses et est es creatures, et que nature nous enseingne a Dieu louer selonc cest nombre. (Oresme, C.M., c.1377, 50)

Mais ceste yci [l'éthique] enseigne estre bon homme, estre bon simplement. (Oresme, E.A., c.1370, 98)

[...à pratiquer une activité intellectuelle ; d'une chose]

Logique, qui enseigne arguer, et entre le vray et le faulz discerner, nulz de lui plus soubtilz n'y fust trouvez. (Chr. Piz., Faits meurs Ch. V, S., II, 1404, 34)

La seconde est Dyaletique, Qui nous enseigne et nous applique A prouver noz dis et parolles, Par raison et Pratique, ou folles Ou sages, que les preposions, Par argumens les excusions Et sauvions, si que foy appaire En noz dis et droit voir y paire. (Chr. Piz., M.F., II, 1400-1403, 128)

Celle [la rhétorique] nous enseigne ordener Noz parolles et raisonner Par mesure et par ordre attraict, Selon le propos qu'on retrait (Chr. Piz., M.F., II, 1400-1403, 131)

...ainssi soubz le nom de logique il comprend trois sciences par lesquelez on aprend a parler, asscavoir gramaire, rethorique et dyalethique qui enseigne a discerner entre le vray et le faulx. (Daudin, De la erudition H., c.1360-1380, 77)

Emploi absolu.

La premiere [la dialectique] enseigne contendre, Tencier, disputer et entendre A questions former et mettre En ordre, par dit ou par lettre. (Chr. Piz., M.F., II, 1400-1403, 129)

Car elle [la théologie] enseigne amer Dieu, combatre et resister au deable et labourer par excercites vertueuses acquerir charité pour amer Dieu parfaitement. (Somme abr., c.1477-1481, 99)

Enseigner un animal à + inf. Dresser (un animal) à.

Et aussi, quant on les enseigne a estre couchanz, sont bons pour prendre la perdriz et la caille au filé. (Gast. Phébus, Livre chasse T., 1387-1389, 136)

c)Enseigner à qqn + interr. indir.

G'iray donc par vostre doctrine Afin qu'il m'enseigne et dottrine Conment j'amende. (Mir. parr., 1356, 27)

[D'une chose]

Pour quoy il s'ensuit que elle [la science civile] contient le bien humain et enseigne quel chose ce est. (Oresme, E.A., c.1370, 105)

Car nul art ne enseigne comment l'en se doit delicter, combien que art enseigne faire aucunes choses qui sont delitables. (Oresme, E.A.C., c.1370, 404)

Mais pour ce que nostre pensee ne puet estre sanz transmutacion, nous ne povons comprendre ne proprement entendre ou ymaginer ceste chose, et nientmoins rayson naturelle nous enseingne que telle chose est, et elle contient toute autre duracion possible et est cause de tout. (Oresme, C.M., c.1377, 164)

B. -Participe passé en emploi adjectival.

Bien enseigné. Qui a de l'éducation, des bonnes manières, bien élevé, bien policé.

Einsi fu li lions joieus Et j'avec li moult grant joie eus, Quant je pos vëoir vis a vis La dame que ci vous devis. Car cent fois plus que je ne die Estoit belle et bien enseingnie. (Mach., D. Lyon, 1342, 177)

S'i vins d'eure si couvenable Qu'on voloit assëoir a table. Mais il y avoit compaingnie Bele, bonne et bien enseingnie Qui m'ot perdu jour et demi, Sans nulle riens savoir de mi, Comment qu'elle m'eüst moult quis. (Mach., D. Lyon, 1342, 234)

Et Rommaine, qui pas ne la congnoissoit, lui respondi comme bien enseignee et bien aprise : 'Damoiselle, bien le vous diray voulentiers, maiz que vous me vueilliez aidier a avancier pour vostre humilité'. (Bérinus, II, c.1350-1370, 64)

ERNAULT. Vostre nepveu a vous m'envoye Qui marquis est de la Gaudine, Et vous prie par amour fine Qu'a li veigniez. L'ONCLE. Vous estes moult bien enseigniez. (Mir. marq. Gaudine, 1350, 126)

Si saluai la compagnie, Qui si bien estoit ensengnie Qu'aveuc eulz me firent sëoir Pour leur esbatement vëoir. (Mach., Voir, 1364, 474)

Et quant Gieffroy scot la venue de la dame, si yssi de la tente et vint a l'encontre. Et celle qui moult bien fu enseignie, tenoit ses deux enfans par les mains, et s'agenoilla, elle et ses enfans, devant Gieffroy, et lui fist moult humblement la reverence. (Arras, c.1392-1393, 208)

Tes hommes donques humblement Et tes subgez de cuer te proient, Con ceulx qui ne refuseroient Ja maiz a ton commandement, Que leur donnez benignement Liberté de querre pour toy Une dame de hault conroy, Noble d'estat et de lignie, Clere de sanc, bien enseignie, Belle de corps, et aornee De biens en fait et en pensee, Laquelle il plaise a ton coraige Prendre et avoir par marïaige (Gris., 1395, 12)

Tant fu a Assuere belle Et avenant celle pucelle Qu'il l'a choisye devant toutes, Car on amenoit, a grans routes, Pucelles devant Assuere, Gentes de corps et de viaire, Sages et de noble lignee, Pour choisir la mieulx enseignee, Et celle, qui mieulx lui plairoit. (Chr. Piz., M.F., II, 1400-1403, 263)

.III. ans aprés il prist Les Sabines bien enseignees, De qui ilz orent leurs lignees. (Chr. Piz., M.F., III, 1400-1403, 187)

...comme femme bien enseignée, dist aus seigneurs dessus ditz : 'Messeigneurs, vous soiez les tresbien venuz...' (C.n.n., c.1456-1467, 478)

Emploi substantival.

Si me tray près de la danse Com cils qui a sa dame pense. Mais la bonne et bien enseignie Que Raison gouverne et maistrie, Qui tant scet, tant puet et tant vaut Que riens de bien en li ne faut, De sa bonté tant m'enrichist Que ses dous yeus vers moy guenchist. (Mach., R. Fort., c.1341, 125)

Mal enseigné. Mal instruit, mal inspiré.

Adont m'enclinay vers la terre Pour au dieu nouvel don requerre, Si pris comme mal enseigniee, De la pouldriere une poigniee, Et lui priay que je vesquisse Autant d'ans, sanz que mort acquisse, Com de pierretes soustenoie En mon poing que je clos tenoie. (Chr. Piz., Chem. estude P., 1402-1403, 25)

Haro, Jhesus, mal gouverné, Mal enseignhé et mal conduit, Es aultres as sancté donné. Les mors as en vie reduit ; Et ne voy tu venir la nuyt Et la mort, que tant nous menasse ? (Pass. Auv., 1477, 218)

Rudement enseigné. Qui a reçu une éducation grossière.

...Li vigneron, li charruier, Qui sont rudement enseigné De quoy sont plus mal enteichié (...) Ne pourroient nullement faire Chose qui a l'oisel puist plaire, Car tantost il les tueroient, Ou espoir il les mengeroient. (La Buigne, Rom. deduis B., 1359-1377, 450)

III. -Par extension. [Avec une idée d'incitation] Conseiller, guider, pousser, inciter.

A. -Enseigner (à) qqn

Enseigner et incliner qqn à qqc. Pousser, inciter qqn à qqc..

L'en raconte que Plutarcus escript un livre de l'amesurement et moderacion des maistres et gouverneurs que l'en appelle Archigramaton et dit on qu'il enseigna moult et enclina le maistre de sa cité a pacience et a euvres de justice tant par exemples comme par paroles. (Foul., Policrat., IV, 1372, 73)

Enseigner (à) qqn à + inf. Pousser qqn à.

Et se tu dis qu'il n'aparteingne Que j'a toy pour ton confort viengne Ou que de toy ne me souvengne, Je sui venue Aveques Venus qui m'enseigne A garir ce qui te mehaingne. (Mach., F. am., c.1361, 231)

Es tu foul, hors du sens ou yvre, Ou veulx contre moy guerre prendre, Qui as fait le maleureux livre, Dont chascun te devroit reprendre, Pour enseigner et pour aprendre Les dames a geter au loing Pitié la debonnaire et tendre, De qui tout le monde a besoing ? (Chart., E. Dames, 1425, 363)

Maiz tel argument est deceptif, et plain de falace : les autry faultes ne nous doivent pas enseigner a faillir, ainçoys sont plus exemples de fuir que de suir. (Chart., L. Esp., c.1429-1430, 98)

Emploi absolu. [D'une chose]

Enseigner à qqn. Inviter, inciter qqn (à faire telle chose).

- Par ma foy, ma damoiselle, dist il, ce sont les raines de ce vivier qui ne me laissent dormir. - Ce n'est point merveille, dist elle, car le tamps leur enseigne... - (Percef. IV, R., c.1450 [c.1340], 1035)

Enseigner de + inf. Inciter à.

Elle [la patience] enseigne de pardonner tantost aux deffaillans, et le delinquant longement et moult prier, elle garnist les fondations de foy, elle avanche les accroissemens d'esperance, elle adresse l'euvre. (Daudin, De la erudition H., c.1360-1380, 199)

infinitif substantivé. Incitation.

Mais l'en ne doit pas les gens induire ne mener a ce par enseignier ou preschier contre ce que l'en cuide estre voir, si comme l'en monstre aprés. (Oresme, E.A.C., c.1370, 497)

B. -Enseigner qqc.

Enseigner qqc. à qqn. Recommander qqc. à qqn.

Sy ne m'est pas estrange se tu enseignez aux aultres gourmandise et abandonnee luxure et la prometz en l'aultre siecle pour gloire, quant toy mesmez t'osas vanter que tu avoiez par don de Dieu le povoir de quarante hommez en tes rains pour acomplir l'oeuvre de luxure. (Chart., L. Esp., c.1429-1430, 123)

Adont Jason fist la reverence a Medee, puis dist : 'Ma dame, j'ay fait tout ce que m'avez enseignié au plus prez que j'ay peu. (...) Commandés maintenant ce qu'il vous plaist que je face, et vous delivrés, car il est prez du jour.' (LEFÈVRE (R.), Hist. Jason P., c.1460, 204)

Enseigner (à qqn) que + subj. Conseiller à qqn de, pousser qqn à.

Et pour ce t'enseingne que tu Aies cuer vray, tant com vivras, Car grant joie et gloire en avras... (Mach., R. Fort., c.1341, 103)

La loy aussi commande et enseigne que les parens enseignent a leurs enfans les commandemens et benefices de Nostre Seigneur Jhesu Christ (Daudin, De la erudition H., c.1360-1380, 160)

L'un escrie, l'autre demande Et a l'autre enseigne et commande Que cordes tire et voile monte, Selons que le vent nous surmonte, Ou lache huynes ou destende Ou plus ou moins le voile tende (Chr. Piz., M.F., I, 1400-1403, 47)

...il [Aristote] veult touteffois et enseigne que, en conseillant, on soit pesant et tardif, c'est a dire que on y pense bien et longuement, que on delibere meurement et par loisir, non soudainement ne par hastiveté. (Fillastre, Traité Conseil H., c.1472-1473, 235)

...je vous conseille et enseigne Que Juno faces appeller Qui signifie qui que s'en pleigne La basse region de l'air. (Cene dieux, c.1492, 129)

[D'une chose] Inciter qqn à.

Et, a briés mos, de sens, d'onneur, de pris En porte adès au dit des bons le pris, Quel part qu'il veingne. Et s'il avient que son anemi teingne A son dessous, Nature li enseingne Et ses bons cuers que pité li en prengne. (Mach., J. R. Beh., c.1340, 106)

Et puis qu'elle [la femme] est si variable Qu'elle en rien n'est ferme n'estable Et que de petit se varie, Il faut que de po pleure et rie. Dont grant joie et grant tourment N'i puelent estre longuement, Car sa nature li enseingne Que tost rie et de po se pleingne ; Tost ottroie, tost escondit ; Elle a son dit et son desdit, Et s'oublie certainement Ce que ne voit, legierement. (Mach., J. R. Nav., 1349, 241)

...ja soit ce que un honme ait heyne naturele contre un aultre, toutevoies rayson naturele, a laquelle il doit plus obeïr, si l'amoneste et enseigne que il ne doie faire a nulluy for ce que il voudret que l'en luy feïst, car nulle disposicion naturele ne contraint un honme de pechier, mez a tousjours franche volanté, aultrement, se il le faiset par force et par contrainte, ce ne seroit pas pechié (Songe verg. S., t.1, 1378, 349)

Et la tierce science [sophistique] enseigne Que la verité on atteigne Ou faigne attaindre par fallace De parolle, qui entrelasse Raison sophiste, si c'om preuve Estre voir ce que l'en contreuve, Par raisons faulses et sophistes Et de vraye apparence, mistes. (Chr. Piz., M.F., II, 1400-1403, 129)