DELUGE

substantif masculin

[T-L : deluge ; GD : deluge ; GDC : deluge ; AND : deluvie ; DECT : deluge ; FEW (III, 80a) : diluvium ; TLF (VI, 1042a) : déluge]

A. -Inondation, pluies torrentielles, déluge.

Cincquante et deus cens ans li delouvres dura (Flor. Rome W., c.1330-1400, 257)

Mes il disoient que par deluges ou mortalités ou autres pestilences aucune foiz demeure tres peu de gens, si comme di Hermés. (Oresme, Pol. Arist. M., c.1372-1374, 309)

Et par ce que dit est s'ensuit que se Dieu et nature fesoient que la terre vers la partie habitable devenist et fust faite ausi pesante comme elle est vers l'autre partie, ou que la pesanteur de celle autre partie appetiçast tant que toute la terre fust uniforme et de semblable pesanteur en toutes ses parties, il convendroit que la partie qui est habitable descendist et que toute la terre fust plungie en la mer et toute couverte de eaue, ausi comme un honme qui cuevre son visage de son chaperon. Et ainsi pourroit estre un diluge universel et sans pluie. (Oresme, C.M., c.1377, 570)

LE DRAPPIER. Se je ne te sçay emboucler Tout maintenant devant le juge, Je prie a Dieu que le deluge Coure sur moy, et la tempeste ! (Path. D., c.1456-1469, 140)

PHEBUS. Phebus ay non qui porte en mon hëaulme L'auriflamme qui le trosne enlumine, Mais deposer me fault mes rays de flamme Que rien n'enflamme et que tout homme et femme, Que tant ayme, voye ma face divine, Si bien domine que par où je chemine Naige ou bruine anichille et deluge, Et pour cause m'ont fait les dieux leur juge. (Cene dieux, c.1492, 108)

JUPITER. Qui fist noyer des gens maint milion Au deluge durant Deucalion, Et tous vivans submerger par les boys ? (Cene dieux, c.1492, 118)

Cestui prenostica le deluge des eaues qui fut en Thessalle soubz Deucalion et les feux qui furent en Ethioppe et les horribles pestillences qui furent en divers lieux, de quoy il fut moult aprecié. (Simon De Phares, Astrol., c.1494-1498, f° 25 v°)

Cestui Albacioes fut celui qui predist la destruction de plusieurs cités ès parties septentrionalles et le deluge que feroit la mer en plusieurs lieux, et aussi les fouldres, vens et horribles tempestes (Simon De Phares, Astrol., c.1494-1498, f° 63 v°)

Cestui, au moïen de ses experiences fut stipendié de plusieurs princes. Il predist les grandes innundacions et deluges des eaues et l'eslevacion et rumeur de la commune de Millan, de quoy il fut moult aprecié. (Simon De Phares, Astrol., c.1494-1498, f° 87 v°)

[P. réf. à l'Anc. Testament]

Et en ce temps fu un deluge de yaue en Egipte ou en Achaïe (Oresme, C.M., c.1377, 86)

Nous lisons que ou diluge et en la subversion des V citez peccherresses les petis enfens furent perdus avec les grans. (Gers., Pent., p.1389, 80)

Que dirons nous du diluge ou tant seulement VIII personnes furent sauvees (Gers., Purif., 1396-1397, 61)

Dieu les beny et asseura Du Deluge, qui tant dura Qu'il noya tout l'univers monde (Chr. Piz., M.F., II, 1400-1403, 141)

Noë, premuny de Dieu par amonition, et garny de la seurté de la foy, acquist la merite de congnoistre la fureur divine ou deluge, et soy pourvoir de l'arche pour son salut. (Chart., L. Esp., c.1429-1430, 31)

Noë fut preservé ou deluge par oreison. (Chart., L. Esp., c.1429-1430, 167)

...Dieu a eu cause de faire ainsi grande et merveilleuse punicion du peuple de ce royaume comme il fist par le deluge (Juv. Urs., Loquar, 1440, 372)

Par deluge furent fais submerger Pieça au temps du bon homme Noé Ceulx qu'on ne peut de vices corriger Où gerre humain est present emboé. (Cene dieux, c.1492, 114)

...comment plusieurs grans amys et familliers de Dieu ont sceue et pratiquée la science d'astrologie, tant devant le deluge que après, en l'Encien et Nouveau Testament (Simon De Phares, Astrol., c.1494-1498, f° 6 r°)

Et lors lui commanda faire l'arche pour soy saulver au deluge en leur donnant 120 ans pour faire penitance ou nul ne voulut entendre, fors Noé et ses enfans et leurs femmes, et si tost que le deluge fut passé et que la terre commança à apparoir, Noé et ses trois filz yssirent de l'arche, qui fut le second mois, au XVIIe jour que Dieu fist apparoir l'arc ou ciel, en signe de promesse que jamais ne seroit deluge par eaue, et partirent la terre en trois parties et chacun d'iceux tira en sa partie. (Simon De Phares, Astrol., c.1494-1498, f° 14 r°)

B. -Par extension.

1.Calamité.

Haro ! Haro ! Il est ja nonne ! Si ne voulez encor plaidier. Voulez vous les humains aidier Ne deporter qui estez juges ? Ce seroit uns mauvais deluges. (Myst. Adv. N.D. R., c.1360-1365, 58)

Aussi est-ce divers déluge Que plédoyer devant un juge Qui est suspect et hayneux (Saint-andré, Livre Jean de Bret. C., c.1400, 510)

Car tieulx tours scet elle bien faire Et a son vueil faire et deffaire ; De ce fait souvent grant deluge. (Chr. Piz., M.F., II, 1400-1403, 146)

LA VOYSINE. Comment va, voysins ? LA MERE. Tel deluge, Helas, si est pire que mort. (Myst. jeune fille L., c.1413-1445 [c.1530], 17)

Quar nulz ne scet le grand deluge, La grant doulour et povreté Que Neron sy ait apresté (Myst. st Clément Metz D., p.1439, 170)

Tantost apprés, survint la mort Faire dessus luy tel deluge Qu'elle l'a si bien au vif mort Qu'il est mort (La Vigne, S.M., 1496, 520)

Remarque : SAINT-GELAIS, Séj. honn. D., c.1490-1495, gloss.

Deluge de feu

...et c'est que la fable de Pheton segnefie, de laquelle Platon fait mencion et aussi fait Ovide et les autres poetes, qui nous veulent par ce segnefier le deluge de feu qui art toutes les terres quant il survient ou monde. (Evr. Conty, Eschez amour. mor. G.-T.R., c.1400, 73)

...comme dit la glose, que Adam et ses enfans congneurent qu'il seroit deux deluges, l'un par feu, l'autre par eaue, mais lequel devoit preceder ne sçavoient tous bonnement. (Simon De Phares, Astrol., c.1494-1498, f° 12 r°)

Naufrage, perdition.

'Sy m'est Mahommet, sire,' fait ung payen, 'ce sont Crestiens avec celuy qui tant nous fist l'autre jour de dommage, car je l'ay veu en la presse ou il met a fin ce qu'il treuve. C'est le mort dez Sarazins et le deluge de nostre force.' (Comte Artois S., c.1453-1467, 86)

2.Massacre, carnage.

Mais, aussi vray comme vous estes La assis, mon seigneur le juge, Il en a fait ung tel deluge De brebis et de mes moutons Que sans faultë... (Path. D., c.1456-1469, 158)

Dyables de l'infernal deluge, En cruel tormens estanduz, Serpens dampnéz et confonduz En l'infernal feu perdurable, Mauldiz soubz peine interminable Tant que Trinité aura cours, V[e]nez moy briefment a secours Ou la rage m'a penetré. (Myst. Pass. Troyes B., a.1482, 821)

Remarque : Guill. Orange T.H.G., p.1450, gloss. Cf. aussi MICHEL, Myst. Pass. J., 1486, v.3714 (à propos du meurtre de Ruben).

Mêlée, confusion.

Remarque : MOLINET, Faictz Dictz D., 1467-1506, gloss.

Forte riposte, réaction imparable.

L'ADVOCAT. Sainct Nicolas sur les humains Monstre avoir grant auctorité Et que partout il met les mains Quant on a bonne voulenté. LE GREFFIER. Sainct Nicolas si faict merveilles, Vers luy est singulier refuge Et qui me besse les oreilles, Il faict ung terrible deluge. LE CRESTIEN. Sainct Nicolas est ung vray juge, Ses sentences sont nompareilles. Quant il fault que de cause il juge, Sainct Nicolas si fait merveilles. (Mir. st Nic. juif, c.1480-1500, 154)

C. -Par métaphore. Surabondance de qqc..

'...pour lesquelles deffaultes', dist la royne, 'Dieu a mande ou temps du Vieil Pelerin ainsi comme un deluge d'infinitives tribulacions par toute la Crestiente...' (Mézières, Songe vieil pèl. C., t.2, c.1386-1389, 294)

Remarque : Ou est-ce le sens de 'calamité' ?

Voir aussi delouvredeluve