CONSOLATION

substantif féminin

[T-L : consolacïon ; GDC : consolation ; AND : consolacion ; FEW (II-2, 1075b) : consolari ; TLF (V, 1399b) : consolation]

A. -Soulagement, réconfort, état d'apaisement (apporté à la douleur, à la peine, au chagrin...).

...en aucuns pacience de labour ; en pluseurs consolacion en doleur (Foul., Policrat. B., V, 1372, 283)

Et en faisant ce que je dois, ce m'est repos et consolacion (Juv. Urs., Aud. illos, 1432, 26)

Le roy voyant leur desploracion, Leur dur effroy et grief dueil inhumain, Pour subvertir la desolacion Et les remettre en consolacion Ainsy que doulx, debonnaire et humain, Benignement il les mist soubz sa main, Leur promettant de les contregarder (La Vigne, V.N., p.1495, 201)

Remarque : Allusion à Boece

Encore nous est Boece aultre exemple, car pour trop amer et deffendre le publique bien et prouffit, fut il par le roy Theodorich emprisonné a Pavie, ou il composa son livre de Consolation, finant ses jours en prison miserable. (Chart., L. Esp., c.1429-1430, 10)

Faire consolation à qqn

...car la presence de son amy luy fait aide a soy moins trister, pour ce que son amy luy fait consolacion en ce que il le voit et par ses paroles, se tel amy est habile et que il sache bien reconforter. (Oresme, E.A., c.1370, 492)

En ta grant tribulacion, Te vien je consolacion Faire pour ton cuer esjoir (Mir. roy Thierry, c.1374, 273)

Porter consolation à qqn

Ces quatre exemples que dit ay, Tres chiers amis, je les ditay Seulement pour toy conforter, Car je ne te puis pas porter A mon vueil consolation En ta grant desolation. (Mach., C. ami, 1357, 56)

[Souvent dans le domaine religieux]

Ha ! tresdoulce vierge pucelle, Puis que devotement t'appelle Mére de consolacion... (Mir. emp. Julien, 1351, 192)

LE BOURGOIS. Tresor de consolacïon, Souveraine dame des cieulx, E ! Mere Dieu, (...) Vueillez me regarder (Mir. enf. ress., 1353, 4)

Bien say que sa grief passion Vous mist en desolation. Or aviés consolation Pris, quant vous fist turbation D''ave' la salutation, Car ce fust l'incarnation De Dieu et sa conception, Singuliere à droit ditte. (Mach., Les lays, 1377, 400)

La povre ame, qui est lors en grande neccessité et angoisseuse douleur, veult querir selond sa coustume aucune consolacion mondaine par les V portes de son corps (Gers., Pent., p.1389, 85)

...dit ce poete que a Athenes ot jadis ung temple qui se nommoit le temple de Misericorde ouquel toute creature recevoit ayde, secours et consolacion. (Gers., Purif., 1396-1397, 60)

Neantmoins je scay bien que c'est grande consolacion d'oïr parler de Dieu et des choses divines, et n'est pas temps perdu, jassoit ce que on ne entent pas tout (Gers., Trin., 1402, 155)

O ! tant sont eureux ceulx qui sont hors de ce peril, quelque tourment qu'ilz aient, car au moins ont-ilz le bien d'esperance, qui les conforte de parvenir en quelque temps à la joye qui ne fine, et la consolacion d'estre seurs de sauvement (Chr. Piz., P.V.H., 1416-1418, 41)

La .VIIIe. sera la tres grant consolacion que ilz prenront l'un avec l'autre, eulx voiant si belle compaignie de sauvez en ames et corps humains, portans lumiere, où riens n'aura de lait ne vergongneux (Chr. Piz., P.V.H., 1416-1418, 50)

La .IXe. est la tres grant joye et consolacion que ilz prendront en la parfaite paix, amour et union qu'ilz auront l'un avec l'autre et ou bien qu'ilz se verront entre avoir. (Chr. Piz., P.V.H., 1416-1418, 50)

...l'issue de leur euvre damna leur inconstance, car ilz trouverent leur mort ou ilz queroient leur seurté, et s'en allerent tachés de desloyaulté a la perdition qu'ilz fuioient. Vise doncquez quel part tu doys eslire, ne quelle consolation ou adresse tu esperes en telle perplexité trouver. (Chart., L. Esp., c.1429-1430, 15)

Crainte le fist retourner [David] vers soy mesmez a congnoistre sa propre fragilité. Et pitié l'enclina a considerer par passion la infelicité d'autry. Force l'esvertua a resister perseveraument aux tentations humaines et attendre constamment les consolations divines. (Chart., L. Esp., c.1429-1430, 96)

Quiconques aprendra familiarement aymer meditacion et souuent y vouldra vaquer elle luy rendra tresioyeuse vie car elle donne en tribulation tresgrande consolacion (Cib., p.1451, 180)

Prions à icellui Dieu, qui est vray juge, pere de misericorde et de consolacion, qu'il vueille cestuy corps mistique conseillier, nourrir, deffendre et diriger finablement à la vie eternelle (Bueil, II, 1461-1466, 79)

Item est apellé 'consolateur', pour ce qu'il degoutte en noz cuers les consolations celestiennes et divines. (Somme abr., c.1477-1481, 123)

Estre consolation à qqn

Doulx Jhesus (...) En ceste amére passion Me soies consolacion Et confort (Mir. st Ign., 1366, 83)

B. -Par extension. État (psychologique voire physique) de bien-être, situation agréable.

Au souper sont assis en consolacion (Renaut Mont. B.N. V., c.1350-1400, 282)

Desous ung abre biel est asis li baron. Enssi comme il esuit en consolacïon, E vous une pucielle de moult bielle fachon. Conduire se faisoit par ung chevalier de non Et de deux escuiiers de sen estracïon. (Chev. cygne P., c.1356, 4)

Vechy ung signe bon. Ly chines me fait chy significatïon Que je voisse avoec lui a sa devisïon, Et qu'il me conduira en une regïon La ou j'aray honneur et consolacïon. (Chev. cygne P., c.1356, 102)

Ly boins abés Gérars et de moines foison Estoit devant le porte en consolacion, En ung très biel praïel où d'arbres ot foison. (God. Bouillon R., t.2, c.1356, 23)

Tant qu'i pleut au roy Hue à la clere fachon, Furent par dedens Rains en consolasion (Hugues Capet L., c.1358, 177)

Car d'obeïssance porter A son seigneur en tous endrois Vint, ainsi comme ce fu drois, En l'estat de perfectïon A tresgrant consolacïon (Gris., 1395, 2)

Le bon roy Dagoubert (...) Lez fist seir devant lui toutes .V. habandon, Et les a fait servir en consolacion. (Cip. Vignevaux W., p.1400, 63)

Asis fu au souper en consolation, Et les gens au bon duc (...) Venoient à Paris pour recréation, Mais quant virent de gens telle aparition S'il en eurent paour, miervillier n'en doit-on (Geste ducs Bourg. K., c.1410-1419, 287)

Joie, fête.

Sainte Marie dame (...) Ou quel feray amit en consolation (Flor. Rome W., c.1330-1400, 157)

Or sont dedens Tremongnie ensenble li baron Et demainnent grant joie et consolacion (Renaut Mont. B.N. V., c.1350-1400, 434)

Jamais en haulte court ne me prieroit hom, Mais s'il plaist a Jhesus (...) Jë aray vostre corps en consolacïon (Ren. Gennes D.B., c.1350-1400, 107)

Adryen ont fait fieste et consolacion (God. Bouillon R., t.2, c.1356, 128)

...là l'espouseray [la femme], voyant m'estrasciont en feray autant de consolacion, De joie et de reviel, de révérascion, Que ce fust ly plus noble de France de Loon (God. Bouillon R.B., t.3, c.1356, 361)

Chi puet on avoir joie et consolasion à oïr raconter le vie de Huon. (Hugues Capet L., c.1358, 4)

Grant joie ot en Venise, (...) Pour le mort de Clervus et se destruision. VIII. jour y sejournerent en consolasion (Hugues Capet L., c.1358, 241)

Par dedens Aspredame (...) Furent tous les Franchois en consolacion. (Cip. Vignevaux W., p.1400, 40)

Vous irés voir vo frere (...) Et luy ferés grant feste et consolatïon (Huon Bordeaux B., c.1400-1450, 314)

Qui loeur porroit tollir [la pucelle], (...) On i porroit bien prendre grant consolatïon, Et avoir grant deduit et recreatïon (Huon Bordeaux B., c.1400-1450, 445)

Encore vous verray en consolacïon, Mais c'om puist ordonner ceste destructïon (Galien D.B., c.1400-1500, 41)

Se Dieus y fust venus (...) N'i éuist plus grant joie, ne plus grant consolation, Qu'il ot à ce jour (Geste ducs Bourg. K., c.1410-1419, 538)