CONFORT

substantif masculin

[T-L : confort ; GDC : confort ; AND : confort ; DECT : confort ; FEW (II-2, 1044a) : confortare ; TLF (V, 1313b) : confort1, confort2]

A. -Fait de rendre qqn ou qqc. plus fort, de fortifier, de renforcer qqn ou qqc. ; ce qui fortifie, qui renforce.

1.Fait de fortifier, de sustenter, de revigorer qqn (ou un animal) ; ce qui sustente, qui revigore.

Et li donnez [au chien] un jour ou soupes ou aucunne chose de confort jusques a l'endemain ou au tiers jour qu'il sera gari. (Gast. Phébus, Livre chasse T., 1387-1389, 121)

...illec [au Chastel Rouge] nous rafreschismes de pain et de vin qui nous fist grant confort. (Voy. Jérus., c.1395, 90)

Il i pooit bien avoir auquns signeurs qui avoient toursé des boutelles plainnes de vin, et ce lor fist grant confort. Et n'eurent, toute la nuit, ne feu ne lumiere, et ne le savoient de quoi faire, hors mis auquns signeurs qui avoient aporté tortis sus leurs sonmiers. Ensi que vous poés oir et a tel mescief, passerent il la nuit, sans oster les selles de lors chevaus ne euls desarmer. Et qant li desirés jours fu venus, ouquel ils esperoient a avoir auqun confort et auqune adrece pour euls et pour lors cevaus, adont conmença il a plouvoir (Froiss., Chron. D., p.1400, 133)

Et laissèrent lesdits Angloiz deux grosses bombardes et plussieurs canons avec deux engins à verges, grant confort de vins et autres vivres. (Chart. J., Chron. Ch. VII, V., t.1, c.1437-1464, 141)

Certes ilz [les deux chevaliers] estoient garnis de petit de confort et de mauvaise nuit qui leur estoit apprestee... (Percef. IV, R., c.1450 [c.1340], 243)

Avoir grand confort de qqc. Tirer sa force de qqc..

...la cité est forte et le roy vaillant et bataillerres de sa personne, et sy a foison vivres et compettement de bonnes gens pour garder la ville. Et si y a pluseurs forteresses que ceulx de Rodes et les Hermins viennent souvent refreschir, de quoy le roy de Chippre et ceulx de la cité ont grant confort. (Arras, c.1392-1393, 82)

Soin apporté à un malade.

Ou cas que par gentillesse les malades demandent à avoir confort et raffreschissement en vostre pays, vous leur accorderez par maniere telle que, se ilz retournent à santé, ilz ne retournent point devers le duc de Lancastre ne le roy de Portingal, mais yront tout droit leur chemin (Froiss., Chron. M., XIV, c.1375-1400, 106)

2.Renforcement (d'une chose).

Item, le ciel est meu par une vertu motive laquele ne le ciel ne dependent en rien de la terre quant a ce mouvement, car la terre ne fait a ce appoement ne aide ne confort. (Oresme, C.M., c.1377, 366)

Atant par la cité pluiseurs pons on fist de planches et de bois, qui fisent mult grant confort a la cité encontre la grande eawe. (JEAN D'OUTREM., Myr. histors G., a.1400, 64)

En confort de qqc. Au renfort, au profit de qqc..

...une somme de deniers (...) en confort de son dit voiage. (Chastell., Chron. K., t.3, c.1456-1471, 13)

Alvre de Lune (...) amassa multitude de millions d'or en confort de sa fortune. (Chastell., Temple Boc. B., 1463-1464, 45)

B. -Aide (concrète, matérielle, active...) apportée à qqn, secours, assistance.

1.[Dans telle ou telle situation]

Mais, pour Dieu, preingne vous pitié de mon povre enfant, orpheline, desnuee de tout conseil et confort, se vous lui failliez. (Arras, c.1392-1393, 141)

...car il vei que secours ne confors ne li apparoit de nulle part ; et estoient fort amenries lors pourveances et lors artellerie, pour les grans assaus que on lor avoit bailliet et livrés (Froiss., Chron. D., p.1400, 222)

...peu y treuvent de confort, Si tournent a tel desconfort, Quant ilz faillent a leur amis Et qu'ilz sont de leurs biens desmis (Chr. Piz., M.F., I, 1400-1403, 86)

'Or va, dit le père, a celuy qui est mon demy amy, car moins l'ay servi que les autres'. Ainsy le feist ; la trouva tout confort, et dist qu'il le delivreroit, et deust mourir pour luy. (Gers., Concept., 1401, 415)

...et oultre disoit qu'il estoit venu devers la Court pour avoir d'elle conseil, confort et ayde où besoing seroit (Fauq., II, 1421-1430, 295)

Aulcun besoing n'a le fort De confort (Meschin., Lun. princes M.-G., c.1461-1465, 72)

Que pensés vous qu'a l'eure luy vauldra Vostre secours, adjutoire et confort ? (Lyon cor. U., 1467, 35)

...cellui ne doit demander aide ne confort qui ne veult aider ne conforter aultruy (Macho, Esope R., c.1480, 136)

Les crains tu [les procureurs] ? LE PELERIN. Plus que nulle gent Car il ne font rien sans argent, Et puis, quant tout l'argent est mis, Il n'y a conffort ny amys (Sots gard., a.1488, 107)

...sur peine de desobeïssance envers nous, que à nostre cousin et lieutenant et à ses commis et depputez, en faisant et executant les choses dessusdittez et chascune d'icelles, leurs circonstances et dependances, ilz facent et donnent tout aide, confort, faveur et ouverture de places, et autrement luy obeïssent, comme ilz feroient à nous mesmes se nous y estions en personne : car tel est nostre plaisir. (Le Clerc, Interp. Roye, c.1502, 231)

Sous le confort de qqn. Avec l'appui, avec l'encouragement de qqn.

...le duc de Normendie (...) entendi que ces gens gastoient et exilloient ainsi le pays soubs le confort du roy de Navarre (Le Bel, Chron. V.D., t.2, 1358, 268)

Avoir confort de qqn

Or fault regarder comment vostre terre soit gouvernee dores en avant a vostre honneur et prouffit et de voz gens. Et lors lui respondy la pucelle : Tres chier oncle, je n'ay plus de confort ne de conseil que vous. Si vous requier, pour Dieu et pour pitié, que vous y veulliez pourveoir de remede (Arras, c.1392-1393, 188)

Bailler / donner confort à qqn. Apporter aide et assistance à qqn.

Et as plus viels sont amis neccessaires pour leur faire service et pour supplier la deffaute de leur accion et operacion, pour cause de donner aide et confort a leur debilité ou foiblece. (Oresme, E.A., c.1370, 413)

...laquelle [Margot] , après plusieurs interrogatoires à elle faits sur la maniere desdiz ensorcelemens, et que aucune chose ne voult d'iceulx cognoistre avoir fais, ne donné ou presté ayde, conseil ou confort... (Reg. crim. Chât., I, 1389-1392, 343)

A l'occasion de laquelle rumeur, aucunes personnes se fuissent mises sus, en induisant lesdis supplians et pluseurs simples gens de villaige et autres de nostre obeissance, afin d'eulx mectre ensemble pour eulx rebeller a l'encontre de nous et de donner aide et confort a noz ennemis et adversaires (Chancell. Henri VI, L., t.1, 1424, 105)

Le XXX^me [livre] est le conffort que Guibours donna a Guilleme des cornes. (La Sale, Salade, c.1442-1444, 6)

...si vous estiez telle que vous devriez, vous n'[eussiez] pas tant attendu de bailler confort et garison a moy, vostre obeissant serviteur (C.n.n., c.1456-1467, 210)

Estre du confort de qqn. Être de ceux qui apportent aide et soutien à qqn.

Au voir dire, se li Londriien n'euissent esté, et auquns nobles dou pais qui furent dou confort et aliance la roine, jamais piés n'en fust retournés. (Froiss., Chron. D., p.1400, 67)

Faire confort à qqn. Apporter son aide à qqn.

La sont vo quatre frere, dont chascuns vous feroit Confort et aligance ; chascuns pour vous morroit. (Bât. Bouillon C., c.1350, 34)

...jour de leur vie (...) ne lui feroient ne secours, ne confort pour mener ceste guerre (Chastell., Chron. K., t.3, c.1456-1471, 439)

Faire confort l'un à l'autre. Se porter mutuellement assistance.

Et quant à resister par eulz contre leurs malvueillans forains, demourans hors de noz dictes villes et juridicions, qui efforcier se vouldroyent de noz dis subgès et habitans de nos dictes villes injurier ou molester, nous leur avons accordé et acordons que un chascun d'eulz puist et puisse faire confort l'un à l'autre (Hist. dr. munic. E., t.2, 1371, 466)

Aide apportée par Dieu, par une divinité.

...Tout le confort des diex, qui plus sont poëstis... (Bris., Restor paon D., a.1338, 106)

Jhesu (...) Ton confort m'envoie et t'aide (Mir. st Panth., 1364, 355)

Pensons que le povoir de Dieu infini peult donner fin es fraelles puissances dez terriens orgueilleux, et ressoudre la foeblesse dez humiliez. Car ainsi plain de grace est il et aussy large de confort, comme il fut au temps de la naissance de Phelippe Dieudonné roy de France, qui pour ce fut surnommé Dieudonné. (Chart., L. Esp., c.1429-1430, 146)

Et Dieu, par sa doulce clemence, Jamais ne te delaissera, Ainçois en ton confort sera Jusqu'en la fin de ton äage. (Gréban, Pass. J., c.1450, 27)

Aide apportée par qqc..

Biaus signeurs, vostres besongnes s'avancent grandement, se vous avés les pais de Flandres et de Braibant d'acort. Dites a mon fil d'Engleterre que ce li sera uns grans confors et que sa gerre en sera plus belle. (Froiss., Chron. D., p.1400, 262)

Par métonymie. Celui qui apporte aide et secours.

[Sur Bertrand du Guesclin] Canole adonc, Granson et Albien Vindrent courir en France, lui dehors, Tout gastoient ; mais, quant il le sceust bien, Après ['après eux'] ala de France li confors ['celui qui est le secours, le soutien de la France'] . Li bons Bertrans les a tous prins ou mors (Desch., Oeuvres Q., t.3, c.1370-1407, 101)

2.En particulier. Renfort militaire.

...les Brabanchons (...) perdirent toute l'esperance du confort de l'empereur (Le Bel, Chron. V.D., t.1, 1358, 240)

Encor, se pour parfaire la chose et contraindre les malfaicteurs par la force dessusdicte, la chose qui entreprise seroit ne se pooit parfaire, celi de nous deux qui la requeste averoit faite et qui les seixante glaives averoit envoiés, sera tenus d'envoier confort dou sorplux des gent de son paiix (Trés. Reth. S.L., t.2, 1366, 179)

...il estoit enfourmés que grans confors de gens d'armes et d'archiers estoit venus a la contesse desus dite (Froiss., Chron. D., p.1400, 538)

Et aussi les Flamens de Flandres escripsoient et envoioient souvent deviers le roi d'Engleterre, en li remonstrant conme si soubject, amic et aloiiet, que, qant il les vodroit avoir et ils leur segnefieroit, il le venroient dou jour a l'endemain servir a soissante mille honmes. Li rois d'Engleterre ne renonçoit pas a ce comfort (Froiss., Chron. D., p.1400, 770)

Pareillement ilz escriprent au mareschal que plus ne donnast confort ne ayde aux Flourentins (Bouciquaut L., 1408-1409, 335)

C. -Soutien plus moral, réconfort apporté à qqn, consolation ; source de réconfort, de satisfaction.

1.Réconfort apporté à qqn, consolation.

a)[Apporté par qqn]

Mére, regardez ma doulour (...) Et aucun confort m'envoiez (Mir. abbeesse, 1340, 86)

Mais toutesvoies, communelment la presence de ses amis li fait plus de confort que de tristece. (Oresme, E.A.C., c.1370, 492)

Lors que fait la miserable [âme], la malmenee, la povre, seule et esgaree, sans ayde et sans confort ? (Gers., Pent., p.1389, 85)

Haa, Melusigne, dist Remond, dame de qui tout le monde disoit bien, or vous ay je perdue sans fin. Or ay je perdu joye a tousjours mais. Or ay je perdu beauté, bonté, doulcour, amistié, sens, courtoisie, charité, humilité, toute ma joye, tout mon confort, toute m'esperance, tout mon eur, mon bien, mon pris, ma vaillance, car tant pou d'onneur que Dieu m'avoit prestee me venoit de vous, ma doulce amour. (Arras, c.1392-1393, 243)

Mort qui t'a fait si hardie, De prendre la noble Princesse Qui estoit mon confort, ma vie, Mon bien, mon plaisir, ma richesse ! (CH. D'ORLÉANS, Ball. C., c.1415-1457, 81)

Jamais a joye ne pretens Quant mon confort, Mon enffant, mon bien, mon deport Voy devant moy gesant tout mort. (Gréban, Pass. J., c.1450, 160)

Marie [Marie d'Orléans] , nom tres gracïeulx, Fons de pitié, source de grace, La joye, confort de mes yeulx... (Villon, Poèmes variés R.H., c.1456-1463, 40)

Nom recouvré [Marie d'Orléans porte le nom que la Vierge a paré de grâces] , joye de peuple, Confort des bons, des maulx retraicte... (Villon, Poèmes variés R.H., c.1456-1463, 40)

Si n'as tu soing, tout t'est ung, bel ou lait. Ou la teste as plus dure q'un jalet, Ou mieulx te plaist qu'onneur ceste meschance : Que respondras a ceste consequence ? - J'en seray hors quant je trespasseray. - Dieux ! Quel confort ! Quelle sage eloquence ! Plus ne t'en dis. - Et je m'en passeray. (Villon, Poèmes variés R.H., c.1456-1463, 71)

Sainct Nicolas, vraye esperance Ou gist mon espoir et confort... (Mir. st Nic. juif, c.1480-1500, 143)

[Par Dieu]

Doulx Jhesus (...) En ceste amére passion Me soies consolacion Et confort, sire. (Mir. st Ign., 1366, 83)

Mon Dieu, mon confort et ma joye, M'ame, mon corps te reconmande. (Pac. Job M., c.1448-1478, 193)

Jhesucrist en qui reconfort, Charité, pitié et confort Fort Nous vient en cestuy mortel monde... (La Vigne, S.M., 1496, 381)

Confort verbal. Réconfort en parole.

...et quant vous en estes adverty [des plaintes du peuple] vous donnés confort verbal sans aucun effect, qui est tres grant dangier et peril pour le salut de vostre ame. (Juv. Urs., Loquar, 1440, 323)

Faire confort (à qqn). Réconforter qqn.

Et, si comme l'ystoire dit, il y trouva un jour, sur une fontaine, une belle dame qui lui dist aucques toute s'aventure. Et, au long aler, ilz s'entramerent, et lui fist la dame moult de confors. (Arras, c.1392-1393, 15)

Puis appella un sien nepveu, et lui dist : Il fault que vous portez ceste lettre a Famagouste, au roy, quoiqu'il en adviengne. Par foy, dist cil, vous me mettez en grant adventure, car, se je suiz prins des Sarrasins, de ma vie n'est rien. Mais pour l'amour de vous et du roy, faire confort et donner cuer et esperance d'estre delivrez du peril ou il est, je me mettray en l'adventure. (Arras, c.1392-1393, 93)

Prendre confort de / en qqn. Tirer du réconfort de qqn.

...et en seurquetout Remondin fait greigneur dueil que tous les autres, et se repentoit tant de son meffait que se ne feust l'esperance du confort qu'il prenoit de sa dame, il ne se peust estre tenus qu'il ne leur eust dit sa mesaventure, pour la grant contrition qu'il avoit de la mort son seigneur. (Arras, c.1392-1393, 29)

...en Dieu prendra bon confort (Pac. Job M., c.1448-1478, 403)

[Personnification]

Espoir, Confort, Loyal Penser, Que mes chiefz conseillers nommoye... (CH. D'ORLÉANS, Ball. C., c.1415-1457, 155)

A Confort dist qu'il me conduye (CH. D'ORLÉANS, Songe compl. C., 1437, 114)

b)[Apporté par qqc.]

S'ay grant confort en esperance Que j'ay en toi ferme et certaine (Tomb. Chartr. Trois contes S., c.1337-1339, 111)

Si avint, chier cousin, qu'ainsi Qu elle le cuida mort baisier, Pour sa douleur amenuisier, Et pour y prendre aucun confort, L'enfant s'escrïa bien et fort, A haulte alaine. (Mir. enf. ress., 1353, 72)

Nequedent, parmy le dommaige que le duc de Brabant et ses gens recheurent là à celle journée, il y ot ung grant point de remede et de confort pour eulx, car messire Edouart de Guerles y fut navrez à mort (Froiss., Chron. M., XIV, c.1375-1400, 166)

De ce venoit que saint Pol s'esjouyssoit plus des aversitez de ce monde et de ses chaines et de sa prison pour le confort de ceste belle contemplacion, que nous faisons en noz prosperitez ou en couronnes et dignitez. (Gers., P. Paul, a.1394, 514)

Car l'ambre pure et excellente A propriété véhémente à donner confort et léesce Et à tollir toute tristesce (La Haye, P. peste, 1426, 146)

...c'est tout mon desir Et mon confort que de les veoir (Pac. Job M., c.1448-1478, 193)

...il n'y a moyen de confort Sinon de moy mettre en prïere Devant l'ineffable lumïere (Gréban, Pass. J., c.1450, 284)

Ce monde n'est perpetuel, Quoy que pense riche pillart ; Tous sommes soubz mortel coustel : Ce confort prens, povre viellart, Lequel d'estre plaisant raillart Ot le bruyt, lors que jeune estoit, C'on tendroit a fol et paillart Si, viel, a raillier se mestoit. (Villon, Test. R.H., 1461-1462, 50)

Grant confort treuve [on] en ces plains. (Mir. st Nic. juif, c.1480-1500, 154)

2.Réconfort que l'on trouve en soi-même, regain de force morale, de courage, de confiance.

...c'est ce qui me tient en confort et qui m'aide de apasser ceste mortel vie en joie. (Dame Lycorne G., c.1349-1350, 188)

Si vous pri, pour la vierge pure, Gardez ne vous desconfortez, Mais prenez en vous confors telz Que vostre ame en puist valoir miex, Et dites que loé soit Diex De quanqu'il fait. (Mir. enf. ress., 1353, 57)

Onques ne vous vi desconfi, Mes plain de confort et d'emprise (Froiss., Dits Débats F., 1363-1393, 182)

'...Prenez doncques confort en vous ; et affin qu'il vous souveigne de moy, prenez ma potence qui a nom Perseverance et la portez avecques vous au chemin, en vous appuyant quant vous serez aucunesfoiz travaillez de voler, et elle vous donra allegeance.' (Mézières, Songe vieil pèl. C., t.1, c.1386-1389, 197)

Je m'avisay que c'estoit non savance De telz souspirs dedens mon cueur garder, Veu que je voy que la voye commence De bonne paix, qui tous biens peut donner ; Pour ce, tournay en confort mon penser. (CH. D'ORLÉANS, Ball. C., c.1415-1457, 122)

Trop loing de confort se tourmente Qui a par soy pour deux se trouble (Chart., B. Dame, 1424, 349)

Combatez, d'estoc et de taille, Vostre dure merencolie, Et reprenez, commant qu'il aille, Espoir, confort et chiere lie. (CH. D'ORLÉANS, Compl. C., 1433-p.1451, 274)

Je riz en pleurs et attens sans espoir, Confort reprens en triste desespoir, Je m'esjouys et n'ay plaisir aucun (Villon, Poèmes variés R.H., c.1456-1463, 46)

...elle commença a respirer ung peu et print confort en elle en disant : ... (Tardif, Apologues R., c.1493-1498, 73)

Prendre confort. Prendre courage.

Prenés confort ; Par ceste mort [Jésus] - saulvera nous et nostre proime. (Pass. Auv., 1477, 240)

TESTE CREUSE. Prenons confort. (Sots Magn., a.1488, 193)

Confiance, assurance.

Certes, traÿtre mauvais, ainsi ne eschapperés vous pas. Vostre confort n'y vault, ains ressamblés le cisne qui commence a chanter devant sa mort. (Percef. IV, R., c.1450 [c.1340], 286)

Avoir confort. Avoir confiance.

En toute maladie, c'est bonne chose d'avoir confort en pensee, et aussi quant le pacient prent bien ce que l'en lui donne ; et le contraire est mauvaiz. (Saint-gille, A.Y., 1362-1365, 62)

Avoir confort en

Quester, mentir, affermer sans fïance, Farcer, tromper, artifier poison, Vivre en peché, dormir en deffïance De son prouchain sans avoir confïence ? Pour ce conclus : de bien faisons effort, Reprenons cueur, ayons en Dieu confort ; Nous n'avons jour certain en la sepmaine. (Villon, Poèmes variés R.H., c.1456-1463, 63)

Satisfaction que l'on éprouve.

Par avant nous tenoit Jennesse Et nourrissoit si tendrement, En plaisir, confort et liesse, Et tout joyeulx esbatement (CH. D'ORLÉANS, Ball. C., c.1415-1457, 184)

Ce qui procure satisfaction et plaisir.

En la chambre de ma pensee, Quant j'ay visité mes tresors, Maintesfoiz la treuve estoffee Richement de plaisans confors. (CH. D'ORLÉANS, Ball. C., c.1415-1457, 181)

D. -Fait de conforter qqn dans (une attitude, une conviction, une intention...) ; ce qui conforte qqn.

Adont baisai mon mireoir Tout pour ma dame et pour s'amour, A cui Diex doinst joie et honnour, Et laissai mon penser ester. Je ne m'i veus plus arester Et pris en bon confort le tamps. Dieu merci, je fui plus sentans Finaument de bien que de mal. (Froiss., Espin. amour. F., c.1369, 140)

Assurance donnée à qqn.

Et aussi les Flamens de Flandres escripsoient et envoioient souvent deviers le roi d'Engleterre, en li remonstrant conme si soubject, amic et aloiiet, que, qant il les vodroit avoir et ils leur segnefieroit, il le venroient dou jour a l'endemain servir a soissante mille honmes. Li rois d'Engleterre ne renonçoit pas a ce comfort ['à ce soutien'] , mais les tenoit a amour moult grandement : siques sus lor fiance et confort, ils s'estoit priés pris de renvoiier ces .IIII. barons desus nonmés en Engleterre. (Froiss., Chron. D., p.1400, 770)